ທີ່ເອີ້ນວ່າມະຫັດສະຈັນ ເພາະກົດໝາຍລັດຖະທຳມະນູນໜວດນີ້ເປັນຜົນປະໂຫຍດຂອງເຮົາ ໃນຖານນະຄົນລາວ ສິ່ງທີ່ເຮົາຄວນຮູ້ຄືກົດໝາຍ ເພາະເປັນກາຕິກາ ກຳໜົດຂອບເຂດພຶດຕິກຳຂອງຄົນໃນສັງຄົມ ໃຫ້ຢູ່ຮ່ວມກັນຢ່າງສັນຕິສຸກ
ໂດຍສະເພາະກົດໝາຍອາຍາ ກົດໝາຍລັດຖະມະນູນ ແລະກົດໝາຍອື່ນໆ ທີ່ກ່ຽວພັນກັບວິຖີ ຊີວິດ ເລື່ອງກົດໝາຍເປັນສິ່ງທີ່ທຸກຄົນຕ້ອງຮູ້ ເພື່ອປົກປ້ອງຮັກສາສິດຜົນປະໂຫຍດຕົນເອງ ເພາະວ່າຖ້າເຮົາເຮັດຜິດກົດໝາຍແລ້ວ ມາອ້າງຄວາມຕໍ່ຫນ້າສານ ແລະເຈົ້າໜ້າທີ່ອົງການສຶບສວນ ສອບສວນ (ຕຳຫລວດ) ວ່າບໍ່ຮູ້ກົດໝາຍ ເພື່ອຫລີ້ກລ້ຽງການກະທຳຄວາມຜິດ ບໍ່ໄດ້ ເພາະຖ້າກົດໝາຍໃດ ໄດ້ຮັບຮອງມະຕິຕົກລົງຈາກສະພາ ແລ້ວ ປະກາດໃຊ້ຖືວ່າທຸກຄົນຕ້ອງຮັບຜິດຊອບຮ່ວມກັນ ກົດໝາຍທີ່ຂ້າພະເຈົ້າຍົກມາ ເປັນພຽງສ່ວນໜຶ່ງຂອງກົດໝາຍລັດຖະທຳມະນູນ ທີ່ກຳໜົດສິດທິ ເສລີພາບຂອງພົນລະເມືອງລາວ ທີ່ພັກລັດເພີ່ນໃຫ້ມາ ສິ່ງເຫົລ່ານີ້ຖືວ່າເປັນຜົນປະໂຫຍດເຮົາລ້ວນໆ ທີ່ຄົນສ່ວນຫລາຍມອງຂ້າມໄປ ເພາະສະນັ້ນ ພວກເຮົາຈົງອ່ານໄວ້ເຖີດ ທ່ານມີຄວາມຄິດເຫັນ ກ່ຽວກັບມາດຕາໃດຂ້ອງຄາໃຈ ຂໍຈົງຄອມເມັນ ລົງໄວ້ເເດ່ເດີ ຜູ້ຂ້າຈະມາແຊນຳໃຫມ່
ຈະເລີນທຳ

ໝວດທີ IV ສິດ ແລະພັນທະພື້ນຖານຂອງພົນລະເມືອງ

ມາດຕາ 34. ພົນລະເມືອງລາວ ແມ່ນຜູ້ທີ່ມີສັນຊາດລາວ ຕາມທີ່ໄດ້ກໍານົດໄວ້ໃນກົດໝາຍ.

ມາດ ຕາ 35. ພົນລະເມືອງລາວ ໂດຍບໍ່ຈໍາແນກຍິງຊາຍ, ຖານະທາງດ້ານສັງຄົມ, ລະດັບການສຶກສາ, ຄວາມເຊື່ອຖື ແລະຊົນເຜົ່າ ລ້ວນແຕ່ມີຄວາມສະເໝີພາບຕໍ່ໜ້າກົດໝາຍ.

ມາດ ຕາ 36(ໃໝ່). ພົນລະເມືອງລາວຜູ້ທີ່ມີອາຍຸແຕ່ສິບແປດປີຂຶ້ນໄປ ມີສິດປ່ອນບັດເລືອກຕັ້ງ ແລະຜູ້ທີ່ມີອາຍຸແຕ່ຊາວເອັດປີຂຶ້ນໄປ ມີສິດສະໝັກຮັບເລືອກຕັ້ງ ເວັ້ນເສຍແຕ່ຜູ້ເປັນບ້າ, ເສຍຈິດ ແລະຜູ້ທີ່ຖືກສານຕັດສິນປົດສິດເລືອກຕັ້ງ ແລະສະໝັກຮັບເລືອກຕັ້ງ.

ມາດຕາ 37. ພົນລະເມືອງລາວຍິງຊາຍ ມີສິດເທົ່າທຽມກັນ ໃນດ້ານການເມືອງ, ເສດຖະກິດ, ວັດທະນະທໍາ-ສັງຄົມ ແລະຄອບຄົວ.

ມາດຕາ 38. ພົນລະເມືອງລາວ ມີສິດໄດ້ຮັບການສຶກສາຮໍ່າຮຽນ, ຍົກສູງຄວາມກ້າວໜ້າ. ມາດຕາ 39(ໃໝ່). ພົນລະເມືອງລາວມີສິດເຮັດວຽກ ແລະປະກອບອາຊີບທີ່ບໍ່ຂັດກັບກົດໝາຍ. ຜູ້ອອກແຮງງານມີສິດໄດ້ຮັບການພັກຜ່ອນ, ໄດ້ຮັບການປິ່ນປົວໃນເວລາເຈັບເປັນ, ໄດ້ຮັບການຊ່ວຍເຫຼືອໃນກໍລະນີທີ່ໝົດຄວາມສາມາດອອກແຮງງານ, ເສຍອົງຄະ, ໃນເວລາເຖົ້າແກ່ ແລະໃນກໍລະນີອື່ນໆຕາມທີ່ໄດ້ກໍານົດໄວ້ໃນກົດໝາຍ.

ມາດ ຕາ 40. ພົນລະເມືອງລາວ ມີສິດເສລີພາບໃນການຕັ້ງພູມລໍາເນົາ ແລະໃນການໄປມາ ຕາມທີ່ໄດ້ກໍານົດໄວ້ໃນກົດໝາຍ.

ມາດຕາ 41(ໃໝ່). ພົນລະເມືອງລາວ ມີສິດຮ້ອງທຸກ, ຮ້ອງຟ້ອງແລະສະເໜີຄວາມເຫັນຕໍ່ອົງການທີ່ກ່ຽວ ຂ້ອງກ່ຽວກັບບັນຫາທີ່ພົວພັນເຖິງສິດ ແລະຜົນປະໂຫຍດລວມ ຫຼືສິດ ແລະຜົນປະໂຫຍດສະ ເພາະຂອງຕົນ.
ຄໍາຮ້ອງທຸກ, ຄໍາຮ້ອງຟ້ອງ ແລະຄວາມເຫັນຂອງພົນລະເມືອງຕ້ອງໄດ້ຮັບການພິຈາລະນາ ແລະແກ້ໄຂຕາມ ທີ່ໄດ້ກໍານົດໄວ້ໃນກົດໝາຍ.

ມາດຕາ 42(ໃໝ່). ພົນລະເມືອງລາວມີສິດໂດຍບໍ່ມີໃຜຈະລ່ວງລະເມີດໄດ້ທາງດ້ານ ຮ່າງກາຍ, ກຽດສັກສີ ແລະເຄຫະສະຖານ. ພົນລະເມືອງລາວຈະບໍ່ຖືກຈັບຕົວ ຫຼືກວດຄົ້ນເຄຫະສະຖານ ຖ້າຫາກບໍ່ມີຄໍາສັ່ງຂອງໄອຍະການ ຫຼືສານປະຊາຊົນ ເວັ້ນເສຍແຕ່ໃນກໍລະນີທີ່ໄດ້ກໍານົດໄວ້ໃນກົດໝາຍ.

ມາດ ຕາ 43. ພົນລະເມືອງລາວ ມີສິດເສລີພາບໃນການເຊື່ອຖື ຫຼືບໍ່ເຊື່ອຖືສາສະໜາ.

ມາດຕາ 44. ພົນລະເມືອງລາວ ມີສິດເສລີພາບໃນການປາກເວົ້າ, ຂີດຂຽນ, ໂຮມຊຸມນຸມ, ຈັດຕັ້ງ ສະມາຄົມ ແລະເດີນຂະບວນ ທີ່ບໍ່ຂັດກັບລະບຽບກົດໝາຍ.

ມາດຕາ 45. ພົນລະເມືອງລາວມີສິດເສລີພາບໃນການຄົ້ນຄວ້າ ແລະນໍາໃຊ້ຄວາມກ້າວໜ້າ ທາງ ດ້ານວິທະຍາສາດ, ເຕັກນິກ ແລະເຕັກໂນໂລຢີ, ປະດິດສ້າງສິລະປະວັນນະຄະດີ ແລະດໍາເນີນການເຄື່ອນໄຫວວັດທະນະທໍາ ທີ່ບໍ່ຂັດກັບລະບຽບກົດໝາຍ.

ມາດຕາ 46. ລັດປົກປ້ອງສິດ ແລະຜົນປະໂຫຍດອັນຖືກກົດໝາຍຂອງພົນລະເມືອງລາວທີ່ຢູ່ຕ່າງປະເທດ .

ມາດຕາ 47. ພົນລະເມືອງລາວ ມີພັນທະເຄົາລົບລັດຖະທໍາມະນູນ ແລະກົດໝາຍ, ປະຕິບັດລະບຽບການອອກແຮງງານ, ລະບຽບການດໍາລົງຊີວິດຂອງສັງຄົມ ແລະຄວາມເປັນລະບຽບຮຽບຮ້ອຍຂອງບ້ານເມືອງ.

ມາດຕາ 48. ພົນນລະເມືອງລາວມີພັນທະເສຍພາສີ ແລະສ່ວຍສາອາກອນຕາມລະບຽບກົດໝາຍ.

ມາດຕາ 49. ພົນລະເມືອງລາວ ມີພັນທະປົກປັກຮັກສາປະເທດຊາດ ແລະປ້ອງກັນຄວາມສະຫງົບ, ປະຕິບັດພັນທະການທະຫານຕາມທີ່ໄດ້ກໍານົດໄວ້ໃນກົດໝາຍ.

ມາດ ຕາ 50. ຊາວຕ່າງດ້າວ ແລະຜູ້ບໍ່ມີສັນຊາດ ກໍມີສິດໄດ້ຮັບການປົກປ້ອງສິດ ແລະເສລີພາບ ຕາມທີ່ໄດ້ກໍານົດໄວ້ໃນກົດໝາຍຂອງ ສາທາລະນະລັດ ປະຊາທິປະໄຕ ປະຊາຊົນລາວ, ມີສິດຮ້ອງຟ້ອງຕໍ່ສານ ແລະອົງການທີ່ກ່ຽວຂ້ອງຂອງສາທາລະນະລັດ ປະຊາທິປະໄຕ ປະຊາຊົນລາວ, ມີພັນ ທະເຄົາລົບລັດຖະທໍາມະນູນ ແລະກົດໝາຍ ຂອງສາທາລະນະລັດ ປະຊາທິປະໄຕ ປະຊາຊົນລາວ.

ມາດ ຕາ 51. ສາທາລະນະລັດ ປະຊາທິປະໄຕ ປະຊາຊົນລາວ ອະນຸຍາດການລີ້ໄພໃຫ້ແກ່ຄົນຕ່າງປະເທດ ທີ່ຖືກປາບປາມຍ້ອນໄດ້ທໍາການຕໍ່ສູ້ເພື່ອອິດສະລະພາບ, ຄວາມເປັນທໍາ, ສັນຕິພາບ ແລະພາລະກິດວິທະຍາສາດ.

[/size]

ດີໆໆໆໆໆ

ຂອບໃຈທີ່ແບງປັນ

good job thank you

ອ່ານໝົດເເລ້ວ ບໍ່ຮູ້ຈະໃຫ້ຂໍ້ຄີດເຫັນ ເພາະບໍ່ເຂົ້າໃຈກົດໝາຍ
ເເຕ່ຂອບໃຈສຳລັບຂໍ້ມູນດີໆ

ລັດຖະທຳມະນູນ ໜວດນີ້ ສຳຄັນຕໍ່ພວກເຮົາຄົນລາວອີຫລີ
ເພາະທາງພັກລັດໃຫ້ສິດທິ ເສລີພາບ ທີ່ເຮົາເຮັດໄດ້

ທີ່ມີຄວາມຮູ້ດີໆໆມາໃຫ້ອ່ານ

ດີທີ່ສຸດໃນໂລກເລີຍ

ມາດຕາ 44 ຄວນຈື່ໄວ້ໃຫ້ດີ

ອັນນີ້ກໍ່ມະຫັດສະຈັນຄືກັນ

ພວກຊາດິດ ເປັນໂລກຈິດອ່ອນໆ ມັກທຳຮ້າຍຮ່າງກາຍຕົນເອງ(ຜູ້ອື່ນ)

ເຮີໆໆ ເຈັບແທນເນາະ

ເປັນຕາຢ້ານ

ຮູ້ໄວ້ໄດ້ປະໂຫຍດ

ເອົາຮູບນີ້ມາ ໃຜກະບໍ່ສົນໃຈ ເນື້ອຫາໂຕເທິງເນາະ

ບໍ່ມາຕໍ່ຍອດເນາະ ເພີ່ນຫັ້ນນ່າອາຈານ

ມະຫັດສະຈັນເນາະ

ກະເປັນສີ່ງໜື່ງທີ່ຄວນຮູ້ໄວ້ກະບໍ່ເສຍຫາຍ

ອ່ານແລ້ວມະຫັດສະຈັນຫລາຍ ພູມໃຈເດ
ແຕ່ທິດສະດີກັບຕົວຈິງ ທ່ານກະຄົງຮູ້

ຍິງຊາຍມີສິດ ແລະບົດບາດເທົ່າທຽມກັນຕໍ່ໜ້າກົດໝາຍ
ແລ້ວໃນທາງການເຄື່ອນໄຫວການດຳລົງຊີວິດຕົວມັນກໍ່ຍັງເປັນແບບນັ້ນ

ຂອບໃຈທີ່ແບງປັນ

ຂອບໃຈ

ກະມັນບໍ່ສອດຄ່ອງກັນຫັ້ນລະ ຈິງວ່າມັນມະຫັດສະຈັນ 55

ຈົ່ງພູມໃຈທີ່ໄດ້ເກີດເປັນຄົນລາວ..........................................WE ARE LAOs...............................

japanese-tattoo-01.jpg

ຂອບໃຈຫຼາຍ ໆໆໆໆໆ