- ວັດຕະຈັກເວລາຂອງຮ່າງກາຍ (Body Clock)..ພື້ນຖານຂອງຮຽນຮູ້ (ກະດານແຫ່ງການຮຽນຮູ້

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ການສຶກສາບ້ານເຮົາ » ວັດຕະຈັກເວລາຂອງຮ່າງກາຍ (Body Clock)..ພື້ນຖານຂອງຮຽນຮູ້

LaosKBS ໑໔ ກະທູ້ ໑ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 13 ປີ ກ່ອນໜ້ານີ້ ໃນທາງວິທະຍາສາດ..ມີການພິສູດແລ້ວວ່າ ເວລາ (Time) ໃນແຕ່ລະຈຸດຂອງຈັກກະວານ..ແຕກຕ່າງກັນ ເວລາ (Time) ຂອງໂລກ..ຂອງດວງຈັນ..ໃນອາວະກາດບໍ່ເທົ່າກັນ ວັດຕະຈັກເວລາຂອງຮ່າງກາຍເຮົາ (Body Clock) ມີຄວາມກ່ຽວພັນກັບ..ການໝຸນຮອບຕັວເອງຂອງໂລກ ນັ້ນຫມາຍຄວາມວ່າ..ເວລາ 1 ມື້..ເປັນ 1 ຮອບເວລາຂອງຮ່າງກາຍ ວັດຕະຈັກເວລາ..ມີຄວາມກ່ຽວພັນກັບ..ການເຮັດງານຂອງສະໝອງຈັ່ງໃດ໋? ເປັນເລື່ອງທີ່ມີຄວາມສຳຄັນ..ຕໍ່ການພັດທະນາ..ລະບົບການສຶກສາ ມີຄວາມສຳຄັນ..ຕໍ່ການພັດທະນາ..ຄວາມສະຫຼາດຂອງເດັກນ້ອຍ ທຳມະຊາດການເຮັດງານຂອງສະໝອງ..ກ່ຽວພັນກັບວັດຕະຈັກເວລາຈັ່ງໃດ໋? ຍາມທີ່ເຮົາພັກຜ່ອນ..ຫຼັບນອນໃນຕອນກາງຄືນ..ຮ່າງກາຍກໍຊິປັບສົມດຸນ ລະບາຍຄວາມຄຽດອອກມາ..ຮ່າງກາຍຊິຍືດອອກ..ຊິສູງຂຶ້ນປະມານ 1 cm. ພໍຕື່ນນອນໃນຕອນເຊົ້າ..ສະໝອງຂອງຄົນເຮົາ..ຊິມີພາວະຄວາມພ້ອມທີ່ດີທີ່ສຸດ ມີຄວາມພ້ອມໃນການຮັບຮູ້ (Input) ສູງສຸດ..ມີຄວາມປອດໂປ່ງແຈ່ມໃສ ນັ້ນເປັນເຫດຜົນທີ່ວ່າ..ປັນຫາທີ່ເຄີຍຄິດບໍ່ອອກ..ແກ້ບໍ່ໄດ້..ມັກຊິມີຄຳຕອບໃນຕອນເຊົ້າ ຄວາມເຂົ້າໃຈ..ການເຮັດງານຂອງສະໝອງ..ທີ່ກ່ຽວພັນກັບວັດຕະຈັກເວລາຈຶ່ງມີຄວາມສຳຄັນ ເຮັດໃຫ້ເຮົາ..ສາມາດອອກແບບ..ວາງແຜນ..ການຮຽນການສອນທີ່ເໝາະສົມ..ໃນລະບົບການສຶກສາ 1. ຄວາມສາມາດໃນການຮັບຮູ້ (Input) ສູງສຸດໃນຕອນເຊົ້າ..ແຕ່ຊິຫຼົດລົງເລື່ອຍໆ..ຈົນເຖິງ 12 ໂມງ ດັງນັ້ນ..ໃນຕອນເຊົ້າການຮຽນຮຼ້ (Learning)..ຈຶ່ງຄວນໃຊ້ວີທີການສອນ (Teaching) 2. ຄວາມສາມາດໃນການສະແດງອອກ (Output)..ເລິ່ມຕັ້ງແຕ່ 12 ໂມງຈົນເຖິງ 18 ໂມງ ທຳມະຊາດຂອງຮ່າງກາຍ..ຊິມີພະລັງງານສູງແລ້ວ..ຕ້ອງການສະແດງອອກ (Output)..ໃນຕອນບ່າຍ ດັງນັ້ນ..ການຮຽນຮູ້ຂອງເດັກນ້ອຍ..ຈຶ່ງຄວນເປ໊ນວິທີປະຕິບັດ..ຫຼືວິທີ Learning by doing 3. ຄວາມສາມາດໃນການລະບາຍອາລົມ (Relax)..ເລິ່ມຕັ້ງແຕ່ 18 ໂມງຈົນເຖິງ 21 ໂມງ ຫຼັງຈາກຕາເວັນຕົກດິນ..ຮ່າງກາຍຕ້ອງການພັກຜ່ອນ (Relax)..ຊຶ່ງກໍຄື..ການລະບາຍຄວາມຄຽດອອກມາ ການຈົດບັນທຶກ..ການແສດງຄວາມຄິດເຫັນ..ກໍເປັນການລະບາຍອາລົມ..ລະບາຍສຶ່ງທີ່ມີຢູ່ໃນໃຈອອກມາ ການໃຫ້ເດັກນ້ອຍທົບທວນ..ສຶ່ງທີ່ຮຽນມາຕັ້ງແຕ່ເຊັ້າ..ແລ້ວຈັດບັນທຶກ ຫຼືໃຫ້ແສດງຄວາມຄິດເຫັນ..ຫຼືເລົ່າເລື່ອງທີ່ຮຽນຮູ້ມາ..ເລື່ອງທີ່ເກີດໃນມື້ນັ້ນ..ທີ່ນ່າສົນໃຈ ທັງໝົດເປັນການລະບາຍອາລົມ (Relax)..ທີ່ມີຄວາມເໝາະສົມ..ເປັນການບ້ານ (Homework) ວັດຕະຈັກເວລາ (Body Clock)..ພື້ນຖານທີ່ສຳຄັນ..ຊອງຫຼັກສູດການສຶກສາ ເດັກນ້ອຍເປັນຄົນດີ..ເປັນຄົນເກັ່ງໄດ້..ດ້ວຍການຝຶກຝົນ (Training) ແມ້ວ່າ..ຊິມີໂຮງຮຽນທີ່ດີ..ມີຫຼັກສູດການສຶກສາທີ່ດີ..ກໍຍິງບໍ່ແມ່ນພື້ນຖານທີ່ແທ້ຈິງ ການຝຶກເດັກນ້ອຍ..ໃຫ້ເປັນຄົນດີ..ຄົນທີ່ມີສະໝອງສະຫຼາດນັ້ນ..ຕ້ອງເລິ່ມຕົ້ນທີ່ບ້ານ ການຝຶກຕື່ນນອນແຕ່ເຊົ້າ..ເປັນເລື່ອງທີ່ສຳຄັນໃນສັງຄົມ..ສະໄໝໃໝ່ ເພາະວ່າການມີໄຟຟ້າ..ການມີທີວີ..ເຮັດໃຫ້ຄົນສະໄໝໃໝ່..ພາກັນນອນເດິກ ເດັກນ້ອຍທີ່ຮຽນຊັ້ນປະຖົມ..ບໍ່ຄວນນອນເກິນ 21 ໂມງ..ເພາະສະໝອງກຳລັງຈະເລີນເຕີບໂຕ ຫຼັງຈາກຕື່ນນອນ..ຄວນຝຶກເກັບຜ້າຫົ່ມ..ເກັບທີ່ນອນ..ການດູແລຮ່າງກາຍ..ລ້າງໜ້າລ້າງຕາ ຫຼັງຈາກນັ້ນ..ຄວນເປັນການຝຶກຝົນຮ່າງກາຍ..ແຕ່ທີ່ດີທີ່ສຸດ..ຄວນເປັນການຝຶກສະມາທິ (Meditation)..ຫຼືການຝຶກຮວບຮວມປະສາດສຳຜັດ (Concentrated on Sense) ເພາະວ່າອາລົມໃນຕອນເຊັ້ານັ້ນ..ເປັນອາລົມທີ່ດີທີ່ສຸດ..ແລ້ວກໍຊິເປັນຖານຂອງອາລົມໄປຕະຫຼອດມື້ ໃນຕອນແລງ..ຫຼັງຈາກກິນເຂົ້າແລ້ວ..ຄວນຝຶກໃຫ້ລູກລະບາຍສຶ່ງທີມີຢູ່ໃນໃຈອອກມາ (Relax) ດ້ວຍການເລົ່າເລື່ອງລາວ..ທີ່ລູກມີຄວາມສົນໃຈ..ຫຼືຢາກສະແດງຄວາມຄິດເຫັນ ຄວນສ້າງໃຫ້ເປັນທໍານຽມປະຕິບັດ..ເພາະວ່າ..ໃນປະເທດດ້ອຍພັດທະນາ ມັກບໍ່ເຂົ້າໃຈວ່າ..ການຝຶກໃຫ້ລູກຫັດເລົ່າເລື່ອງລາວ..ຄືການຝຶກສະໝອງໃຫ້ສະຫຼາດ ແລະເຄັດລັບ..ທີ່ສຳຄັນທີ່ສຸດກໍຄື..ການຝຶກສະໝອງກ່ອນນອນ ເດັກນ້ອຍທີ່ສະຫຼາດ..ຊິທົບທວນສິ່ງທີ່ຮຽນມາໃນມື້ນັ້ນ..ກ່ອນນອນທຸກຄືນ ວັດຕະຈັກເວລາຂອງຮ່າງກາຍ (Body Clock)..ພື້ນຖານຂອງຮຽນຮູ້
Arsavin ໐ ກະທູ້ ໘໐ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້
viengkeo ໑໑໓ ກະທູ້ ໒໔໓໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ແທ້ແຫຼະນໍ
inkongTHEgunner ໗ ກະທູ້ ໑໙໐ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ THE GUNNER

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.