- ຄິດແນວໃດກັບ ຖະແຫຼງຂ່າວການເຂົ້າສອບເສັງເຂົ້າມະຫາວິທະຍາໄລ (ກະດານແຫ່ງການຮຽນຮູ້

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ກະດານແຫ່ງການຮຽນຮູ້ » ການສຶກສາບ້ານເຮົາ » ຄິດແນວໃດກັບ ຖະແຫຼງຂ່າວການເຂົ້າສອບເສັງເຂົ້າມະຫາວິທະຍາໄລ

kaopai ໔໘ ກະທູ້ ໑໙໓໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ວັນທີ 26 ມິຖຸນາ 2012 - ເວລາ 12:13:19 ກະຊວງສຶກສາທິການ ແລະ ກີລາ ຈັດຖະແຫຼງຂ່າວກ່ຽວກັບການຈັດຕັ້ງການສອບເສັງເຂົ້າມະຫາວິທະຍາໄລ ສົກຮຽນ 2012-2013ນີ້ວ່າ: ຈະມີການປັບປ່ຽນ ແລະ ປັບປຸງລະບົບວີທີການສອບເສັງ ເພື່ອພັດທະນາການສຶກສາ ຫຼີກເວັ້ນຫາງສຽງສັງຄົມ ບັນຫາຫຍໍ້ທໍ້ ແລະ ທັງຮັບປະກັນຄວາມໂປ່ງໃສໃນການຈັດຕັ້ງປະຕິບັດຕົວຈິງ. ທ່ານ ດຣ. ພອນເພັດ ບຸບຜາ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກີລາ ກ່າວວ່າ: ການຈັດຕັ້ງສອບເສັງເຂົ້າຮຽນມະຫາວິທະຍາໄລ ໃນສົກຮຽນ 2012-2013ນີ້ແມ່ນຈະຈັດຂຶ້ນຢູ່ທີ່ມະຫາວິທະຍາໄລ 4ແຫ່ງຄື: ມະຫາວິທະຍາໄລແຫ່ງຊາດ ນະຄອນຫຼວງວຽງຈັນ ມະຫາວິທະຍາໄລຈຳປາສັກ ຢູ່ປາກເຊ ແຂວງຈຳປາສັກ ມະຫາວິທະຍາໄລ ສຸພານຸວົງ ແຂວງຫຼວງພະບາງ ແລະ ມະຫາວິທະຍາໄລສະຫວັນນະເຂດ ຢູ່ແຂວງສະຫວັນນະເຂດ ຫົວບົດສອບເສັງແມ່ນມີມາດຖານດຽວກັນ ໃນຂອບເຂດທົ່ວປະເທດ ການສອບເສັງຈະຈັດຂຶ້ນວັນທີ 18-19ກໍລະກົດ 2012ນີ້ ມີ 4ວິຊາສອບເສັງຄື: ຄະນິສາດ ຟິຊິກສາດ ພາສາລາວ-ວັນນະຄະດີ ພູມສາດ-ປະຫວັດສາດ ແຕ່ລະມະຫາວິທະຍາໄລ ຈະເປັນຜູ້ອອກແບບຟອມຄຳຮ້ອງສອບເສັງເອົາເອງ ຜູ້ທີ່ມີເງື່ອນໄຂສະໝັກສອບເສັງ ສາມາດເລືອກສອບເສັງເຂົ້າຮຽນໄດ້ພຽງ 1ແຫ່ງ ຫຼື ໄດ້ພຽງ 1ໃນ 4ມະຫາວິທະຍາໄລ ແລະ ມີສິດເລືອກ 2ວິຊາຮຽນ ຫຼື 2ຫຼັກສູດຂອງມະຫາວິທະຍາໄລທີ່ຕົນສະໝັກເຂົ້າຮຽນຄື: ວິຊາຕົ້ນຕໍ ແລະ ວິຊາສຳຮອງ ໃນປີນີ້ຕາມການຕົກລົງຂອງຄະນະນຳກະຊວງສຶກສາທິການ ແລະ ກີລາ ເຫັນດີກຳນົດໃຫ້ທຶນການສຶກສາສຳລັບເປົ້າໝາຍຜູ້ທີ່ຮຽນເກັ່ງ ຫຼື ຜູ້ທຸກຍາກ ຊົນເຜົ່າ ແມ່ຍິງທີ່ມາຈາກເຂດຫ່າງໄກສອກຫຼີກ ເມືອງທຸກຍາກ ແລະ ຖືກສັບຊ້ອນຕາມຕົວເລກແບ່ງປັນແມ່ນ 30%ສ່ວນ 70%ຂອງຈຳນວນນັກສຶກສາທີ່ຮັບເຂົ້າຮຽນທັງໝົດ ໃນມະຫາວິທະຍາໄລທັງ 4ແຫ່ງນັ້ນ ຜ່ານການສອບເສັງຄັດເລືອກ ຈະຕ້ອງຈ່າຍຄ່າຮຽນຕາມລະບຽບການທີ່ກຳນົດ ນອກນັ້ນ ຜູ້ທີ່ເສັງບໍ່ໄດ້ເຂົ້າຮຽນມະຫາວິທະຍາໄລ ແມ່ນສົ່ງເສີມໃຫ້ໄປຮຽນເຕັກນິກ-ວິຊາຊີບ ໃນສາຍອາຊີວະສຶກສາ ທັງນີ້ເພື່ອແນໃສ່ສ້າງກຳລັງແຮງງານຮັບໃຊ້ສັງຄົມ ໃຫ້ໄປຕາມໂຄງປະກອບແຮງງານ ເພື່ອພັດທະນາເສດຖະກິດ-ສັງຄົມພາຍໃນປະເທດ ແລະ ເພື່ອເຊື່ອມໂຍງເຂົ້າກັບພາກພື້ນ. ຮັກແທ້ຄືແມ່ຂ້າ ຮັກຕໍ່ມາຄືແມ່ຂອງ ^{ຮັກນ້ອງຕ້ອງໃຊ້ເງິນກີບ ແຕ່ຖ້າອ້າຍໃຊ້ເງິນໂດລານ້ອງແຮງຮັກ}
kaopai ໔໘ ກະທູ້ ໑໙໓໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຄົນທີ່ບໍ່ມີເງິນ ຫຼື ຜູ້ທຸກຍາກທີ່ຢູ່ຫ່າງໄກແຮງຊິບໍ່ມີໂອກາດຮຽນເລີຍຕິເນາະ ຮັກແທ້ຄືແມ່ຂ້າ ຮັກຕໍ່ມາຄືແມ່ຂອງ ^{ຮັກນ້ອງຕ້ອງໃຊ້ເງິນກີບ ແຕ່ຖ້າອ້າຍໃຊ້ເງິນໂດລານ້ອງແຮງຮັກ}
໑໐໙ ກະທູ້ ໙໑໗ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຂອບໃຈເຂົ້າຂອງກະທູ້! ຄຳຖາມທີ່ຖາມວ່າຄິດແນວໄດ....?. ຄິດວ່າ: ໃຫ້ການສອບເສັງມີຄວາມຍຸດຕິທຳ,ປະກາດຜົນການສອບເສັງຢ່າງໂປງໃສ. ສ່ວນ30%ກໍ່ໃຫ້ຖືກເປົ້າໝາຍນະໂຍບາຍແທ້ ບໍ່ແມ່ນຈະເອົາເຈັ້ຍນ້ອຍເຈັ້ຍໃຫຍ່ມາຕັດໜ້າກັນ. ປັບປຸງສາ!!!
duong ໒໑ ກະທູ້ ໑໐໖ ໂພສ ນັກການກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ກັບມາໃຊ້ລະບົບຄືກັນກັບ ປີ 1998 ເລີຍ, ສົກຮຽນນັ້ນກໍ່ໃຊ້ແນວນນີ້ ແຕ່ແຢກເປັນສອງສາຍ (ສາຍສັງຄົມ ແລະ ສາຍວິທະຍາສາດ) ໃຜເກັ່ງດ້ານໃດແມ່ນເລືອກເສັງເອົາ
luffy ໑໔໐ ກະທູ້ ໑໗໙໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ດັງເສີມ
keng652 ໒໒ ກະທູ້ ໑໓໖໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຊົມເຊີຍ ສຸລາ ບໍ່ໄດ້ເຮັດໃຫ້ໃຜເປັນວິລະບູຣຸດ ແຕ່ວ່າ ວິລະບູຣຸດກໍ່ຂາດສຸຣາບໍ່ໄດ້
zuzuki ໕໕ ກະທູ້ ໔໓໕໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຮຽນເຕັກນິກ-ວິຊາຊີບກໍ່ດີ ໄດ້ອາຊີບເລີຍໆ ນັກສຶກສາ ປັນຍາຊົນ ຄົນແຫ່ງສະຕະວັດທີ 21 ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ
crazyguy ໒໕ ກະທູ້ ໒໘໓ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ luffy ຂຽນວ່າ... ດັງເສີມ ຊ່າງສັງເກດເນາະເຈົ້າ
HukLao2011 ໒໕ ກະທູ້ ໗໑ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ຄວນສົ່ງເສີມຫລັກສູດທີ່ສາມາດນໍາໄປຈັດຕັ້ງປະຕິບັດໄດ້ຫລາຍກ່ວາ... ເພາະບ້ານເຮົາເພິ່ນສອນຕາມຕໍາລາເກົ່າ ແລະ ໂດຍສະເພາະຫລັກສູດດ້ານວິທະຍາສາດ ຍີ່ງບໍ່ໄດ້ລົງປະຕິບັດຕົວຈີ່ງ.. ຍົກເວັ້ນແພດສາດນີ້ລົງຕົວຈິງຫລາຍໂພດ.
Thy ໑໒໙ ກະທູ້ ໓໓໙໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ kaopai ຂຽນວ່າ... ຄົນທີ່ບໍ່ມີເງິນ ຫຼື ຜູ້ທຸກຍາກທີ່ຢູ່ຫ່າງໄກແຮງຊິບໍ່ມີໂອກາດຮຽນເລີຍຕິເນາະ ບໍ່ມີເລີຍ ບາງຄົນຍັງບໍ່ມີເງິນເພື່ອໄປຊື້ໃບຄຳຮ້ອງມາເຂົ້າເສັງຊ້ຳນ່າ ທີ່ນີ້ມາເວົ້າເຖິງນັກຮຽນຊົນເຜົ່າຜູ້ດ້ອຍໂອກາດວ່າຊັ້ນ ສ່ວນຫລາຍແມ່ນລູກແມ່ນຫລານຄູອາຈານແຖວນັ້ນ ພໍ່ແມ່ກະມີ ຫາກຢາກໄດ້ທຶນໄປຮຽນຊື່ໆ ນັ່ງຢູ່ກະຊວງຫັ້ນເວົ້າຄືຢູ່ ລອງລົງໄປເບິ່ງຕົວຈິງໃນແຕ່ລະເຂດແຂວງໂລດວ່າບໍ່ເຊື່ອ
Mona ໕ ກະທູ້ ໓໐໓ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ kit va ja seng khao bor dai ມີຫົວໃຈແຕ່ ໄຣ້ຄວາມຮູ້ສືກ
phantahoijai ໓໔ ກະທູ້ ໓໕໙ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 12 ປີ ກ່ອນໜ້ານີ້ ເອົາແຕ່ຫຼາຍຄົນ ເຮັດຫຍັງກໍ່ຖືກໝົດ ແຕ່ເພີ່ນເຮັດແນວໃດເປັນສ່ວນຫຼາຍເຮົາກໍ່ເຮັດຕາມຄົນສ່ວນຫຼາຍ ພັນທະຫົວໃຈ::

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.