ທ່ານໃດຮູ້ວ່າມີການສອບເສັງເອົາທຶນໄປຮຽນຕ່າງປະເທດແດ່ ແນະນຳແດ່ເດີ ຂອບໃຈຫຼາຍໆ :)

ຢາກຮຽນດ້ານໃດ?

​ລອງ​ໄປ​ເບີ່ງ​ທີ່​ກະ​ຊວງ​ສຶກ​ສາ ເດ

ຫລັກໆກະ Aus aid ກັບ ທຶນຈີນ

ຍາກເນາະ
ມີເງິນຄືຊິໄປງ່າຍ ແຮໆ, ຕໍ່ເສັງເອົາແມ່ນບໍ່ໄດ້ນຳເຂົາດອກ ບໍ່ເກັ່ງສ່ຳເຂົາ ແຮໆ

ລອງອ່ານເບິ່ງບາງເທື່ອຊ່ວຍໄດ້


ການໄປຮຽນຕໍ່ຕ່າງປະເທດອາດເປັນຄວາມຝັນຂອງໃຜໆຫຼາຍຄົນຫຼາຍຄົນເມຶ່ອໄດ້ໄປແລ້ວກໍ່ປະສົບຜົນສຳເລັດແຕ່ກໍ່ມີຫຼາຍຄົນທີ່ບໍ່ປະສົບຜົນສຳເລັດໃນດ້ານການຮຽນຂອງຕົນ. ເວົ້າເຖິງເລື່ອງການຮຽນ, ການຮຽນເປັນການຮຽນເອົາຄວາມຮູ້ ຈາກການຖອດຖອນບົດຮຽນຈາກຄູອາຈານສະນັ້ນແລ້ວການຮຽນກໍ່ບໍ່ຈຳເປັນຕ້ອງສົນໃຈເຖິງໃບປະກາດ ຫຼື ຫນ່ວຍກິດເຊິ່ງເປັນສິ່ງທີ່ທາງເວັບຈະນຳມາສະເໜີ.
ເຫັນຫົວຂໍ້ແລ້ວຫຼາຍຄົນອາດຈະສົງໃສວ່າ ຮຽນຕໍ່ຕ່າງປະເທດຟຼີ້ແທ້ຫວາແລ້ວຫາກຮຽນບໍ່ເກັ່ງກໍ່ຈະໄດ້ໄປຢູ່ຫວາ, ທ່ານບໍ່ໄດ້ໄປແຕ່ທ່ານຈະໄດ້ຮຽນແບບຟຼີໆຈາກມະຫາວິທະຍາໄລດັງໆຂອງອາເມລິກາເຊິ່ງການຮຽນນີ້ເປັນການຮຽນອອນໄລນ໌ ແລະ ເປັນການສິດສອນຈົນຄົບນຶ່ງເທີມ.
ວ່າແລ້ວຫຼາຍຄົນກໍ່ຮູ້ແລ້ວວ່າມັນແມ່ນຫຍັງ, ຕາມທີ່ບອກໃນຫົວຂໍ້ແລ້ວວ່າ ຮຽນຕ່າງປະເທດແບບບໍ່ເສຍເງິນ ກັບ Apple ເຊິ່ງສິທີ່ຈະນຳມາສະເໜີນີ້ກໍ່ຄື iTunes U. ບາງຄົນອາດຈະຮູ້ ຫຼືບາງຄົນອາດຈະຍັງບໍ່ຮູ້ວ່າ iTunes U ນີ້ແມ່ນຫຍັງ. iTunes U ເປັນບ່ອນເກັບ Course ການຮຽນຕ່າງໆນາໆມາລວມໄວ້ ເຊິ່ງເນຶ້ອຫາພວກນັ້ນສ່ວນໃຫຍ່ແມ່ນມາຈາກຫຼາຍລະດັບການສຶກສາຕັ້ງແຕ່ມັດຖະຍົມ ໄປຈົນເຖິງ ມະຫາວິທະຍາໄລທີ່ມີຊື່ໃນອາເມລິກາ ແລະ ປະເທດອື່ນໆໂດຍລວມມີຫລາກຫລາຍວິຊາຮຽນເຊັ່ນ: ເລກ ຄະນິດສາດ, ຟີຊິກ, ວິທະຍາສາດຄອມພິວເຕີ ແລະອື່ນໆອີກ. ໃນນຶ່ງ Course ກໍ່ຈະລວມມີວິດີໂອ ແລະເອກະສານປະກອບໃນການຮຽນໃນແຕ່ລະຊົ່ວໂມງຮຽນ, ເຊິ່ງຜູ້ໃຊ້ສາມາດເປີດອ່ານ ແລະເຂົ້າເຖິງເອກະສານເຫຼົ່ານັ້ນໄດ້ຄ້າຍຄືກັບວ່າຮຽນກັບອາຈານຄົນນັ້ນແທ້ໆ.
ແລ້ວຕ້ອງເຮັດແນວໃດຈຶ່ງຈະເຂົ້າຮຽນໄດ້. ງ່າຍໆພຽງແຕ່ທ່ານມີ Internet (ໄວ້ສຳລັບດາວໂຫລດວິດີໂອ ແລະ ເອກະສານການຮຽນ) ທ່ານກໍ່ສາມາດເຂົ້າຮຽນໄດ້ແລ້ວທຸກທີ່ທຸກເວລາຕາມຄວາມສະດວກຂອງທ່ານ. ແຕ່ກ່ອນອື່ນທ່ານຕ້ອງເຂົ້າໄປດາວໂຫລດໂປຼແກຼມiTunes ກ່ອນ. ສ່ວນໃຜທີ່ມີiPadຫລື iPhone ກໍ່ສາມາດເຮັດໄດ້ເສັ່ນກັນດ້ວຍການເຂົ້າໄປທີ່ App Store ແລ້ວໃຫ້ດາວໂຫລດ iTunes U (ແຕ່ຕ້ອງມີ Apple ID). ຫລັງຈາກທີ່ໄດ້ iTunes ມາແລ້ວກໍ່ໃຫ້ເປີດຂຶ້ນມາ ແລ້ວເຂົ້າໄປທີ່ແທັບ iTunes U.

ຫລັງຈາກທີ່ໄດ້ໂປຼແກຼມ iTunes ແລະ ເຂົ້າໄປຫາ iTunes U ໄດ້ແລ້ວ, ພວກເຮົາກໍ່ຈະເຫັນຫນ້າຕາປະມານຮູບຂ້າງເທິງນີ້. ທ່ານສາມາດຄົ້ນຫາວິຊາຮຽນ, ຫຼືເລືອກໂຮງຮຽນ ຫຼື ມະຫາວິທະຍາໄລທີ່ທ່ານມັກໄດ້ (ໃນນັ້ນອາດບໍ່ມີວິຊາທີ່ທ່ານມັກ ຫຼືຕ້ອງການ). ຕົວຢ່າງ ຜູ້ຂຽນເລືອກທີ່ຈະຮຽນ CS50: Introduction to Computer Science I ເປັນວິຊາທີ່ໜ້າສົນໃຈຫຼາຍ. ຜູ້ຂຽນກໍ່ພຽງແຕ່ຄິກເຂົ້າໄປວິຊານັ້ນ ແລະໃນກໍລະນີນີ້ມັນປາກົດຢູ່ໜ້າແນະນຳ ຜູ້ຂຽນເອງກໍ່ພຽງແຕ່ຄິກເຂົ້າໄປເລີຍໂດຍບໍ່ຕ້ອງຄົ້ນຫາ.



ເມຶ່ອເຂົ້າມາແລ້ວພວກເຮົາກໍ່ຈະເຫັນລາຍລະອຽດຂອງວິຊາຮຽນ ພ້ອມກັບໄຟລ໌ເອກະສານ ແລະວິດີໂອການສອນຕ່າງໆ ເຊິ່ງສາມາດສັງເກດໄດ້ຈາກຮູບໄອຄອນທີ່ເປັນໄຟລ໌ທີ່ບົງບອກວ່າເປັນເອກະສານ ແລະ ຮູບໂທລະທັດ ທີ່ບົ່ງບອກວ່າເປັນວິດີໂອ.ລາຍການໄຟລ໌ເອກະສານ ແລະ ວິດີໂອຕ່າງໆຈະລຽງກັນຄົບທຸກຢ່າງຕັ້ງແຕ່ມື້ທຳອິດຂອງເທີມຈົນເຖິງໝົດເທີມ. ເພຶ່ອທີ່ຈະດາວໂຫລດໄຟລ໌ເອກະສານ ຫຼື ໄຟລ໌ວິດີໂອການສອນກໍ່ງ່າຍໆພຽງແຕ່ຄຼິກໄປທີ່ຄຳວ່າ Free ທີ່ຢູ່ທາງຂວາມືໃນຊ່ອງຂອງ Price. ຫຼືບາງຄົນທີ່ບໍ່ຕ້ອງການດາວໂຫລດມາເກັບໄວ້ກໍ່ສາມາດເບິງແບບອອນໄລນ໌ໄດ້ເລີຍໂດຍການເອົາເມົ້າໄປຊີ້ໃສ່ໂຕເລກ ແລ້ວກໍ່ຄຼິກໃສ່ເຄື່ອງ Play ໄດ້ເລີຍ, ແຕ່ຜູ້ຂຽນແນະນຳໃຫ້ດາວໂຫລດມາເກັບໄວ້ຈະເປັນການດີເພາະທ່ານຍັງສາມາດໂອນໄປໃສ່ iPhone ຫລື iPadໄດ້ນຳອີກ.
ພຽງເທົ່ານີ້ທ່ານກໍ່ຈະໄດ້ຮຽນກັບອາຈານຄົນຕ່າງປະເທດ ຫຼື ຈາກໂຮງຮຽນ ຫຼືມະຫາວິທະຍາໄລຊື່ດັງຕ່າງໆໄດ້ແລ້ວ. ແຕ່ຢ່າລືມ, ທ່ານຕ້ອງມີຄວາມຮູ້ພາສາອັງກິດພໍສົມຄວນເພຶ່ອທີ່ຈະເຂົ້າໃຈໃນການຮຽນການສອນ.
ສຳລັບໃຜທີ່ຢາກໄປຮຽນຕໍ່ຕ່າງປະເທດແຕ່ບໍ່ມີໂອກາດທີ່ຈະໄດ້ໄປ, ກໍ່ລອງຮຽນຜ່ານ iTunes U ເບິງ, ເພາະຢ່າລືມວ່າຄວາມຮູ້ຢູ່ທີ່ສະໝອງ ບໍ່ໄດ້ຢູ່ທີ່ໃບປະກາດ, ສະນັ້ນການຮຽນແມ່ນຮຽນເອົາຄວາມຮູ້ ແລະການຫາຄວາມຮູ້ຈາກຕ່າງຊາດທີ່ມີການສຶກສາທີ່ດີກວ່າກໍ່ຖືວ່າເປັນສິ່ງທີ່ດີ ແລະ iTunes U ກໍ່ເປັນຄຳຕອບທີ່ແນ່ຊັດ. ສ່ວນຜູ້ຂຽນເອງ, ໄດ້ໃຊ້ iTunes U ມາໄດ້ໄລຍະນຶ່ງແລ້ວ, ແລະຄິດວ່າມັນເປັນແຫຼ່ງຄວາມຮູ້ຢ່າງເປັນທາງການທີ່ລາຄາຖືກທີ່ສຸດ ແລະ ມີຄຸນນະພາບທີ່ສຸດແລ້ວແລະເຊຶ່ອວ່າມັນເໝາະສົມກັບຄົນທີ່ຕ້ອງການຫາຄວາມຮູ້ໃຫ້ກັບໂຕເອງ.ສ່ວນໃຜທີ່ມີແຜນໄປຮຽນຕໍ່ຕ່າງປະເທດ ໂດຍສະເພາະແມ່ນອາເມລິກາແລ້ວ, ຄວນລອງຮຽນຜ່ານ iTunes U ເບິງ ເພຶ່ອຈະໄດ້ເຂົ້າໃຈເຖິງວັດທະນະທຳ ຫຼື ຫຼັກສານສອນຂອງເຂົາເຈົ້າ.


ບົດຄວາມທີ່ກ່ຽວຂ້ອງເເລະຫນ້າສົນໃຈ
• 20/01/2012 -- Apple ປະກາດເປີດໂຕ iBooks 2, iTunes U ແລະ iBooks Author ສຳລັບຕະຫລາດການສຶກສາ
• 03/03/2011 -- ສະຫລຸບງານ Apple Keynote: iPad 2, iOS 4.3, ແລະ ອື່ນໆ
• 07/06/2011 -- ລາຍລະອຽດກ່ຽວກັບບໍລິການ iCloudບໍລິການໃຫມ່ຂອງ Apple
• 06/10/2011 -- ລາຍລະອຽດງານຖະແຫລງຂ່າວ Let’s Talk iPhone (ເປີດໂຕ iPhone 4S)
• 11/03/2011 -- Apple ປ່ອຍ GarageBandສຳລັບ iPadລົງໃນ App Store ແລ້ວ
Tags: Apple, iTunes U

ຫນ້າສົນໃຈດີເນາະ ຂອບໃຈຫລາຍໆ ທີ່ນຳມາແບ່ງປັນ

ເສັງ TOEFL ຫັ້ນເດີ ໄດ້ຄະແນນຢັ້ງຢືນລະດັບພາສາອັງກິດແລ້ວ ກໍ່ພະຍາຍາມ ຊອກໃນເນັດ ຫາທຶນຟຣີ

ປະຕູ່ສູ່ການສຶກສາຕ່າງປະເທດເປີດແລ້ວຄື:
ທຶນອາເມລິກາ: ຟູລໄບ້ ແລະຮັມຟຼິ - ຕິດຕໍ່ສະຖານທູດອາເມລິກາ ຫລືເວັບໄຊ http://laos.usembassy.gov/
ທຶນອົດສະຕາລີ: ADS, ALA, Endeavor and others - ຕິດຕໍ່ວຽງຈັນຄໍເລດ http://www.vientianecollege.com/
ທຶນນິວຊີແລນ: ຕິດຕໍ່ ວຽງຈັນຄໍເລດ http://www.vientianecollege.com/
ທຶນສິງກະໂປ ເບິ່ງເວັບໄຊ http://www.moe.gov.sg/education/scholarships/asean/lao/
ທຶນຈີນ ແລະຫວຽດນາມ ຕິດຕໍ່ ກະຊວງສຶກສາ
ແລະທຶນອື່ນໆ ຫລາຍ ຂໍພຽງມີຄວາມມຸ່ງໝັ້ນ ເລິ່ມກະກຽມ ຮອບດ້ານ ຕາມ ມາດຖານ ຄັດເລືອກ ຂອງເຂົາເຈົ້າ ແຕ່ດຽວນີ້ ທ່ານ ຈະໄດ້ແນ່ນອນ

ຂ້ອຍຈະເອົາໃຈຊວ່ຍ

ໃຊ້ທຶນຂອງຕົນເອງ

ບໍ່ເປັນຫຍັງ

ເອົາໃຈຊ່ວຍເດີ ໃຫ້ໄດ້ໄປໄວໆ ແລະ ກະກັບມາພັດທະນາປະເທດຊາດໄວໆ