ໃຜມີຂໍ້ມູນ ໂຮງຮຽນ ມ.ຂ ຊ່ວຍເອົາມາແຊແນ່

ມຂ ສະຫວັນນະເຂດເດີ້

ບັນດິດໃໝ່ຮຸ່ນທຳອິດຈຳນວນ 957 ຄົນຈາກມະຫາວິທະຍາໄລສະຫວັນນະຂດ ຮັບໃບປະກາສະນີຍະບັດຢ່າງສົມກຽດ

ນັກສຶກສາທັງພາກປົກກະຕິ ແລະພາກເຊື່ອມຕໍ່-ຕໍ່ເນື່ອງຈຳນວນ 957 ຄົນ ຍິງ 445 ຄົນ ທີ່ໄດ້ສຳເລັດການສຶກສາຂັ້ນປະລິນຍາຕີຈາກມະຫາວິທະຍາໄລສະຫວັນນະເຂດ ໄດ້ເຂົ້າຮ່ວມຮັບໃບປະກາສະນີຍະບັດຂອງຕົນຕາມແຕ່ລະສາຂາວິຊາຮຽນ, ເຊິ່ງພິທີມອບໃບປະກາສະນີຍະບັດໃຫ້ແກ່ບັນດິດໃໝ່ຂອງ ມ.ຂ ໃນສົກປີແມ່ນເປັນຊຸດທຳອິດພາຍຫຼັງການສ້າງຕັ້ງ ມ.ຂ ມາໄດ້ 5 ປີແລ້ວ.


ພິທີດັ່ງກ່າວໄດ້ຈັດຂຶ້ນທີ່ຫ້ອງປະຊຸມຂອງມະຫາວິທະຍາໄລສະຫວັນນະເຂດ ໃນວັນທີ 24 ຕຸລາ 2014. ໃຫ້ກຽດມອບໃບປະກາສະນີຍະບັດໃຫ້ແກ່ບັນດິດໃໝ່ ໂດຍແມ່ນ ທ່ານ ຮສ.ດຣ ບຸນປົງ ແກ້ວໂຣດົມ ອະທິການບໍດີມະຫາວິທະຍາໄລສະຫວັນນະເຂດ.

ໃນພິທີ, ທ່ານ ຮສ. ດຣ ສີທາ ເຂັມມະລາດ ຮອງອະທິການບໍດີ ມ.ຂ ໄດ້ລາຍງານວ່າ: ໄລຍະທຳອິດຂອງການສ້າງຕັ້ງມະຫາວິທະຍາໄລສະຫວັນນະເຂດໃນສົກສຶກສາ 2009-2010 ໄດ້ເປີດສາຂາວິຊາຮຽນໃນລະດັບປະລິນຍາຕີປົກກະຕິ 9 ສາຂາຄື: ສາຂາວິທະຍາສາດພືດ, ວິທະຍາສາດສຸຂະພາບສັດ, ສາຂາສິ່ງແວດລ້ອມ, ບໍລິຫານການຄ້າ, ບໍລິຫານການຂົນສົ່ງ, ບໍລິຫານການທ່ອງທ່ຽວ-ໂຮງແຮມ, ສາຂາພາສາຝລັ່ງ, ສາຂາພາສາອັງກິດ ແລະສາຂາເຕັກໂນໂລຊີຂໍ້ມູນຂ່າວສານ. ສ່ວນຫຼັກສູດປະລິນຍາຕີເຊື່ອມຕໍ່ໄດ້ເປີດໃນສົກສຶກສາ 2011-2012 ແລະຫຼັກສູດປະລິນຍາຕີຕໍ່ເນື່ອງໄດ້ເປີດໃນສົກສຶກສາ 2012-2013 ປະກອບມີ 4 ສາຂາວິຊາຄື: ສາຂາປູກຝັງ-ປ້ອງກັນພືດ, ລ້ຽງສັດ-ການປະມົງ, ບໍລິຫານການຄ້າ ແລະບໍລິຫານທຸລະກິດທົ່ວໄປ. ມະຫາວິທະຍາໄລສະຫວັນນະເຂດມີພະນັກງານຄູ-ອາຈານທັງໝົດ 313 ຄົນ, ຍິງ 145 ຄົນ,ຈຳນວນນັກສຶກສາປີ 1-ປີ 5 ມີທັງໝົດ 3.442 ຄົນ, ຍິງ 1.820 ຄົນ, ມີຄູ-ອາຈານທີ່ມີລະດັບປະລິນຍາເອກຈຳນວນ 6 ຄົນ,ຮອງສາສະດາຈານ 3 ທ່ານ ແລະໄດ້ຮັບເລືອກເປັນສະມາຊິກສະພາແຫ່ງຊາດເຂດເລືອກຕັ້ງທີ 13 ແຂວງສະຫວັນນະເຂດ ຈຳນວນ 1 ທ່ານ, ລະດັບປະລິນຍາໂທ 27 ຄົນ,ຍິງ 8 ຄົນ,ລະດັບປະລິນຍາຕີ 228 ຄົນ ຍິງ 106 ຄົນ, ຊັ້ນສູງ 35 ຄົນ ຍິງ 21 ຄົນ,ຊັ້ນສູງ 35 ຄົນ ຍິງ 21 ຄົນ, ຊັ້ນກາງ 14 ຄົນ ຍິງ, ຊັ້ນຕົ້ນ 5 ຄົນ ຍິງ 3 ຄົນ. ມະຫາວິທະຍາໄລສະຫວັນນະເຂດມີ 2 ວິທະຍາເຂດຄື: ວິທະຍາເຂດນາເຊັງມີເນື້ອທີ່ທັງໝົດ 13 ເຮັກຕາ ແລະວິທະຍາເຂດໜອງຜືມີເນື້ອທີ່ທັງໝົດ 304 ເຮັກຕາ.