ແຂວງຫລວງພຣະບາງ ອອກກົດຣະບຽບ ຫ້າມ ບໍ່ໃຫ້ເດັກນ້ອຍ ນັກຮຽນ ຊັ້ນມັທຍົມ ຂັບຣົຖຈັກ ໄປໂຮງຮຽນ ເພື່ອຫລີກລ້ຽງ ອຸບັດຕິເຫດ.

ແຂວງຫລວງພຣະບາງ, ຊຶ່ງເປັນເມືອງ ມໍຣະດົກໂລກ ແຫ່ງທໍາອິດ ຂອງລາວ, ຈະເຣີ່ມໂຄງການ ຫ້າມນັກຮຽນ ຊັ້ນມັທຍົມ ຂັບຣົຖຈັກໄປ ໂຮງຮຽນ ເປັນແຫ່ງທີ 2 ໃນປະເທດລາວ ພາຍຫຍັງ ທີ່ໄດ້ເຣີ້ມໂຄງການ ດັ່ງກ່າວ ໃນແຂວງ ໄຊຍະບູຣີ ດ້ວຍຜົນສໍາເຣັດ ເປັນຢ່າງດີ, ອີງຕາມຣາຍງານ ຂອງໜັງສືພິມ ຜູ້ຈັດການ ຂອງໄທ ໃນມື້ວັນທີ 25 ຕຸລານີ້, ໂດຍອີງຕາມ ໜັງສືພິມ ວຽງຈັນ ທາມ ຂອງລາວ.

ການຫ້າມ ນັກຮຽນ ມັທຍົມ ບໍ່ໃຫ້ຂັບຣົຖຈັກ ໄປໂຮງຮຽນ ຈະຊ່ວຍຫລຸດຜ່ອນ ອຸບັດຕິເຫດ ທີ່ເກີດຂຶ້ນ ຈາກການຂັບຣົຖ ຕາມທ້ອງຖນົນ ແລະ ຫລຸດຜ່ອນ ບັນຫາ ການຈຣາຈອນ ໃນຕົວເມືອງ. ພ້ອມກັນນັ້ນ, ຍັງເປັນການຊ່ອຍຄອບຄົວ ປຍັດ ຄ່າໃຊ້ຈ່າຍ ແລະ ຮັກສາ ສະພາບແວດລ້ອມ ຈາກອາກາດເສັຍ ທີ່ເກີດຂຶ້ນ ຈາກຄວນຣົຖ ອີກດ້ວຍ.

ໂຄງການດັ່ງກ່າວ ເກີດຂຶ້ນ ພາຍຫລັງ ທີ່ແຂວງໄຊຍະບູຣີ ໄດ້ເຣີ້ມ ປະຕິບັດມາ ເມື່ອປີ 2005, ຊຶ່ງ ທ່ານ ຈັນເພງ ຫລວງວັນນາ, ຮອງຜູ້ອໍານວຍການ ສໍານັກງານສຶກສາ ແຂວງຫລວງພຣະບາງ, ກ່າວ່າ ສໍາລັບ ຫລວງພຣະບາງ ໄດ້ເຣີ້ມໂຄງການ ໃນໂຮງຮຽນ ມັທຍົມ ພາຍໃນແຂວງ ເຖິງ 7 ແຫ່ງ.
ແລະ ວ່າ ໃນວັນທີ 31 ຕຸລານີ້, ພວກທ່ານ ຈະຈັດກອງປະຊຸມ ເພື່ອປະເມີນ ຜົນຂໍ້ສລຸບ ແລະ ປະເມີນ ຮູບແບບ ການນໍາໄປປັບໃຊ້ ໃນໂຮງຮຽນ ດັ່ງກ່າວ, ຊຶ່ງຈາກການເຣີ້ມ ໃຊ້ຣະບຽບໃໝ່ນີ້ ພວກທ່ານ ຫວັງວ່າ ຈະໄດ້ຜົນ ທີ່ໜ້າພໍໃຈ.

ນອກຈາກນັ້ນ, ໂຄງການດັ່ງກ່າວ ຍັງມີເປົ້າໝາຍ ທີ່ຈະຊ່ອຍ ບັນດານັກຮຽນ ຫລີກລ້ຽງ ໝູ່ເພື່ອນ ຫລື ກຸ່ມ ທີ່ກົດດັນ ໃຫ້ແຂ່ງຣົຖຈັກ ຫລື ພຶດຕິກັມສ່ຽງ ຕ່າງໆ ແລະ ເຮັດໃຫ້ ພວກຂະເຈົ້າ ບໍ່ສາມາດ ຂັບຣົຖຈັກ ໄປນອກເມືອງໄກໆອີກດ້ວຍ, ຊຶ່ງການຂີ່ຣົຖຖີບນັ້ນ ເປັນເຣື້ອງງ່າຍກ່ວາ ແລະ ໂຮງຮຽນ ກໍມີພື້ນນທີ່ ສໍາລັບ ຈອດຣົຖຖີບ ມີຢ່າງກ້ວາງຂວາງ.

ນັກຮຽນ ສ່ວນໃຫຍ່ ທີ່ຮຽນ ໃນ ຊັ້ນມັທຍົມ ມີອາຍຸ ຕໍ່າກ່ວາ 18 ປີ, ດັ່ງນັ້ນ ການຂັບຣັຖຈັກ ໄປໂຮງຮຽນ ເປັນການກະທໍາ ທີ່ຜິດກົດຈຣາຈອນ ທີ່ຫ້າມຂັບຂີ່ ຍານພາຫະນະ ໂດຍບໍ່ມີໃບ ອະນຸຍາດ, ຊຶ່ງໃບຂັບຂີ່ນັ້ນ ຈະອອກໃຫ້ກັບ ຜູ້ທີ່ມີອາຍຸ 18 ປີ ຂຶ້ນໄປ ເທົ່ານັ້ນ.

Copyright © 1998-2009 Radio Free Asia. All rights reserved.

ຂໍໂທດເທາະ..
ທາງການມີລະບົບຂົນສົ່ງມວນຊົນດີລະບໍ໋..
ຈຶ່ງ(ເສືອກ)ເວົ້າແບບນີ້..
ມີລົດໄຟຟ້າໃຕ້ດິນລ່ະ..??
ມີລົດໄຟຟ້າລອຍຟ້າລ່ະ..??
ມີປັນຍາເຮັດລະຈຶ່ງຫ້າມເຂົາແບບນີ້..???
ແຕ່ຢ່າເວົ້າຮອດພຸ້ນເທາະ..
ລົດເມ..ມີຄົບໃຫ້ເຂົາທຽວລ່ະ..
ຟຸດບາດ..ມີໃຫ້ເຂົາຍ່າງລ່ະ..
ຄັນເຂົາຕ້ອງຢ່າງແຄມທາງ..
ລົດມາຕຳເຂົາເດ໋..
ກະແລ້ວຮ່າຕວ່າ..

ປລ. ໜ້າຈະອອກກົດໝາຍໃຫ້ບັນດາຜູ້ກ່ຽວຂ້ອງທີ່ອອກກົດ..
ຫ້າມເອົາພາຫະນະສ່ວນຕົວ..ໄປເຮັດວຽກ..
ປະຊາຊົນເປັນຫ່ວງ..ຢ້ານລົດຢຽບຫົວຕາຍ..

ຄົງຈພມີລົດໂຮງຮຽນຮັບສົ່ງຫຼືຍ່າງເອົາຕິເບາະ...ບໍຮູ້ຄືກັນ

55555....ສະຫາຍມາແຮງຈິງໆ...ໃຈເຍັນໆ....ລອງຖາມເພື່ອນທີ່ໄຊຍະເບິ່ງເພາະເຂົາເຮັດເປັນແຂວງທຳອິດ....
ມັນຫນ້າຈະມີວິທີກນຮອງຮັບລະ===ແຕ່ຂ່າວເຂົາບໍໄດ້ນຳສະເຫນີເທົ່ານັ້ນເອງ

ຢູ່ໄຊຍະກາບໍ່ໄດ້ຂີ່ລົດຈັກໄປໂຮງຮຽນ

ຢູ່ໄຊຍະກະບໍ່ໄດ້ມີລົດຂົນສົ່ງໃດໆເລີຍ
ແຕ່ເຂົາເຈົ້າກະປະຕິບັດໄດ້ ໂດຍບໍ່ມີຄວາມເດືອດຮ້ອນຫຍັງ
ນັກຮຽນຫຼາຍພັນຄົນພາກັນຂີລົດຖີບໄປໂຮງຮຽນ
ບາງຄົນກະຖີບມາແຕ່ໄກເກືອບ 10km
ມັນບໍ່ໄດ້ຂື້ນກັບວ່າຕ້ອງມີ ລົດຂົນສົ່ງຮັບໃຊ້ຫຍັງດອກ
ມັນຂື້ນກັບຄົນວ່າຈະປະຕິບັດໄດ້ຫຼືບໍ່ ຖ້າມີຄວາມສາມມັກຄືຮວມແຮງຮວມໃຈກັນປະຕິບັດມັນກະບໍ່ມີບັນຫາ
ຖ້າທຸກແຂວງທົ່ວປະເທດປະຕິບັດໄດ້ກະຄືຈະດີ

ຂີ່ລົດຖີບໄປຄືກັບຢູ່ໄຊຍະ

ບໍ່ງ່າຍໃດນິ

ຄັນເຮັດໄດ້ກະດີ

ຍ່າງໄປ

ມັນເຄີຍເຮັດມາແລ້ວ ຊິຍາກຫຍັງ ແຕ່ກີ້ຫັ້ນ ຕອນ ຈພຈ ຍັງຮຽນ ມ 4 ກໍຖີບລົດໄປ ຮຮ ຄືກັນ ຕອນຫຼັງມາລົດຖີບເສຍ ໄດ້ຍ່າງຂ້າມພູສີໄປເອົາ ມັນໄວດີ ແຕ່ເຫື່ອຊັດດດດດດດ

ສະໄໝນັ້ນຄົນໄປ ຮຮ ບໍ່ຍ່າງໄປກໍຖີບລົດໄປ ມີໜ້ອຍຄົນທີ່ມີລົດຈັກຂັບ ເຫີ ເຫີ .. ດຽວນີ້ທຳທ່າວ່າບໍ່ຢາກຖີບລົດ

Oonney_lao@live.com

ຄັນນັກຮຽນທຸກຄົນຂີ່ລົດຖີບໄປໂຮງຮຽນໝົດທຸກຄົນມັນກະດີໃດ໋ ລົດໂລກຮ້ອນ

ແຕ່ຈະໃຫ້ ຂພຈ ຂີ່ລົດຖີບໄປນີ້ກະຄົງຈະບໍ່ໄຫວ ຮ້ອນຕາຍເລີຍ
ແຖມຈະຕ້ອງລຸກຈັກໂມງຈື່ງຈະໄປ ຮຮ ທັນນີ້

ລັດຖະບານກໍ່ມີນະໂຍບາຍໃຫ້ນັກຮຽນບາງຄົນທີ່ມີເງື່ອນໄຂບ້ານຢູ່ໄກ ຫຼື ບໍ່ມີຄວາມສະດວກລະເດ້
ເຊິ່ງຕ້ອງໄດ້ຮັບອະນຸຍາດນຳໂຮງຮຽນອີກເທື່ອໜຶ່ງ...ຕາມທີ່ໄດ້ອ່ານຂ່າວໃນໜັງສືພິມວຽງຈັນໃໝ່

ຢູ່ໄຊຍະໄດ້ຂີ່ລົດຖີບໄປໂຮງຮຽນຖ້າຍາມໜາວຍັງພໍໄດ້ຍາມຮ້ອນນີ້ຕີໃຈຊິຂາດ

ເວົ້າຈັ່ງຊີ້ບໍ່ຖືກເດີ້ ແມ່ນຢູ່ວ່າລະບົບຂົນສົ່ງມວນຊົນຢູ່ລາວຍັງບໍ່ດີພໍ ແຕ່ການຂີ່ລົດກັບຍ່າງໄປຫຼືຈະຂີລົດຖີບໄປຮຽນກໍ່ບໍ່ຕ່າງກັນດອກທ່ານ ເທົ່າທີ່ເຫັນ ໄວໝຸ່ມທີ່ຂີ່ລົດຈັກຢູ່ວຽງນີ້ມີຈຳນວນຖືກລົດຢາຽບຕາຍຫຼາຍກວ່າ ເນື່ອງຈາກການຂັບລົດດ້ວຍຄວາມໄວສູງ.

ນອກຈາກນີ້ການທີ່ໃຫ້ນັກຮຽນໄດ້ຂີ່ລົດຖີບ ຫຼື ຍ່າງໄປໂຮງຮຽນນັ້ນເປັນຜົນດີຕໍ່ໂຕເຂົາເອງເນື່ອງຈາກເຂົາຕ້ອງໄດ້ອອກກຳລັງກາຍ ເຮັດໃຫ້ເລືອດໄຫຼວຽນດີ ເມື່ອສຸຂະພາບດີ ການຮຽນກໍ່ດີນຳ.

ຟຸດບາດນິຄືຊິບໍ່ຈຳເປັນເນາະ ເພາະແຕ່ກ່ອນຂ້ອຍຍາງໄປຮຽນບໍ່ເຫັນມີຟຸດບາດ ແລ້ວຟຸດບາດຢູ່ລາວນິເຫັນເປັນ ທາງລົດຂີ່ຫຼາຍກວ່າ ແຕ່ຖ້າມີກໍ່ເປັນການດີ.

ສ່ວນເລື່ອງທີ່ວ່າມີບັນຍາຫວາຈຶ່ງຫ້າມແບບນີ້ ທ່ານຄົງຕ້ອງໄປເບິ່ງທີ່ໄຊຍະບູລີເອງເນາະ ເນື່ອງຈາກວ່າໄດ້ຜົນດີສົມຄວນ.

ຂ້າພະເຈົ້າຄິດອີກຢ່າງໜຶ່ງຄືບໍ່ຢາກໃຫ້ນັກຮຽນປະຖົມ ແລະ ມັດທະຍົມຕອນຕົ້ນມີໂທລະສັບເຄື່ອນທີ່ໃຊ້ ເນື່ອງຈາກໂທລະສັບມີອິດທິພົນຕໍ່ການສຶກສາຂອງພວກເຂົາຫຼາຍ ເພາະເຂົາຫຼິ້ນແຕ່ໂທລະສັບ ແທນທີ່ຈະຮຽນຫນັງສື

ເທົ່ານີ້ແຫຼະ ເວົ້າໃນນາມ ອາຈານຄົນໜຶ່ງ

ເວົ້າມ່ວນເກີນໄປຕິບໍນ້ອງຊາຍ ທາງການເພິ່ນມີລົດຂົນສົ່ງຄັກແນ່ແລ້ວບໍ່ຕ້ອງຫ່ວງວ່າຊິບໍ່ມີລົດຂີ່ຫັ້ນ

ຖ້າຢາກຮູ້ວ່າການບໍ່ໄດ້ຂີ່ລົດຈັກໄປ ຮຮ ລະເປັນແນວໃດນະມາເບິ່ງຢູ່ໄຊຍະເດີ່
ຂະເຈົ້າກະຂີລົດຖີບຫຼືຍ່າງໄປໝົດທຸກຄົນແລ້ວດຽວນີ້
(ສະເພາະແຕ່ມັດທະຍົມປາຍລົງມາຮອດອານຸບານເດີ່)

ຂ່າວລືຕິ

ຢູ່ດີໆເພີ່ນກະຊິບໍ່(ເສືອກ)ໄປອອກຄຳສັ່ງໂດຍບໍ່ມີສາເຫດດອກ. ແຂວງອື່ນບໍ່ໂດນ,ເຈີແຕ່ບ່ອນເຈີ
ນັ້ນກໍ່ຕ້ອງມີສາເຫດທີ່ໄປທີ່ມາຂອງແຂວງນັ້ນທີ່ມັນໂພດເກີນຂອບເຂດຈົນຕ້ອງໃຫ້ເພີ່ນໄດ້(ເສືອກ)
ຫຍຸ້ງນຳ. ກ່ອນຈະອອກຄຳເຫັນຢາກໃຫ້ຊອກຮູ້ສະພາບທີ່ແທ້ຈິງກ່ອນ ເຮົາເປັນຄົນທີ່ເບິ່ງຢູ່ນອກ
ອາດຈະບໍ່ຮັບຮູ້ສະພາບທີ່ແທ້ຈິງກະໄດ້.

ໃກ້ຈະໄດ້ກິນເຂົ້າຟຣີລະ ອິໆໆໆໆໆ

ຄຳເວົ້າເຈົ້ານິພິລຶກຂະໜາດເນາະ .... ຟັງໜ້າຟັງຫັຼງກ່ອນຈະຂຽນຫຍັງກາດາຍ !!

ແຮງໄປເບາະ ທ່ານ bell.

ຂະເຈົ້າສິໄປຮຽນຈັ່ງໃດລະບາດນິ

ແຮະໆໆໆ ແຕ່ກີ້ກະຢ່າງໄປ ກັບຂີ່ລົດຖີບໄປ ຈົນຈົບມັດທະຍົມຕົ້ນ ມັດທະຍົມປາຍລະໃຫ້ຫມູ່ມາຮັບ
ບາດມາເບິ່ງເດັກນ້ອຍປະຖົມ ມັດທະຍົມດຽວນີ້ສຳພັດໆ ທະນາໄປໄກກວ່າທີ່ຄິດ ອິອິອິ ບາງຄົນຂີ່ຮອດລົດໃຫຍ່ໄປ ຮຮ ພຸ້ນນະ
ມີແຕ່ຄັນແພງໆ ງາມໆນຳອີກ ເຫັນແລ້ວອິດສາເດ ທຽບໃສ່ແຕ່ກີ້ສະໄຫມເຣົາຫັ້ນນະ ລົດຖີບ ແທນເທີ້ ແມ່ນເປັນພະເອກນາງເອກສຸດລະ
ແຕ່ເຮົາຂີ່ BM...........................X ໄປ ຮຮ ອິອິອິ ມື້ໃດໄປຮອດ ຮຮ ແລະ ຕອນກັບຈາກ ຮຮ ມາບ້ານຫນ້າດຳປານເງາະປ່າ

ຖຶງທຸກຄົນ..ຄຳເຫັນຂອງຂ້າພະເຈົ້າມັນເປັນປະຊາທິປະໄຕເກີນໄປ..ໃນດິນແດນແຫ່ງນີ້..
ແຕ່ການທີ່ເພິ່ນອອກກົດໂດຍບໍ່ຄຳນຶງຖຶງ..ຜົນທີ່ຈະຕາມມາ..
ຢູ່ຕ່າງແຂວງນັ້ນ..ເວົ້າແທ້..ໂຮງຮຽນມັດຖະຍົມ..ຈະບໍ່ຍັ່ງຫຍາຍເໝືອນໃນວຽງ..
ຈະຢູ່ແຕ່ຕາມຕົວເມືອງ..
ນັກຮຽນບາງຄົນເຖິງຈະບໍ່ຫ້າມກະແທບບໍ່ມີພາຫະນະໄປແລ້ວ..
ຖ້າບາງຄົນບ້ານໄກເດະ..ມາໂຮງຮຽນບໍ່ທັນ..ຖືກຕັດຄະແນນ..
ມັນຍຸດຕິທຳມີໃຫ້ເຂົາເຈົ້າບໍ່..??
ຂ້ອຍເຊື່ອວ່າທຸກຄົນລຶ້ງກັບສັງຄົມທີ່ໄຣ້ປາກສຽງ..
ໄຣ້ຄວາມຍຸດຕິທຳ..
ຂ້ອຍບອກໄວ້ເລີຍວ່າ..ບໍ່ຜິດດອກທີ່ຈະອອກກົດ..
ແຕ່ຄວນຄຳນຶງຖຶງຜົນກະທົບໃຫ້ຖີ່ຖ້ວນ..
ໃຫຍ່ຯກັນແລ້ວ..ໜ້າຈະເຫັນໄກແລະຜົນທີ່ຕາມມາ..
ທາງທີ່ດີ..ຄວນຈະປັບປຸງຕົວເອງ..
ກ່ອນທີ່ຈະໃຫ້ຄົນອື່ນປັບປຸງ..

ວາວວວວວວວວ.....!!! ຄົນລາວຄື ຂພຈ ຕ້ອງໄດ້ໃຊ້ຄຳວ່າ ຕົກຕະລືງ.(ບໍ່ແມ່ນຕະລືງເລື່ອງບໍ່ໃຫ້ຂີ່ລົດໄດ ແຕ່ຕະລືງຄຳເວົ້າຂອງXXXX ???)..........................
ຄິດວ່າ ນັກຮຽນຂີ່ລົດຖີບຫລືຍ່າງໄປຮຽນນີ້ເປັນການດີຫຼາຍ ລົດການເກີດອຸປະຕິເຫດ ປະຫຍັດຄາໃຊ້ຈ່າຍຫຼາຍຂື້ນພໍສົມຄວນ ສຳຄັນແມ່ນເພີ້ມຄວາມພຽນໃຫ້ນັກຮຽນໄປໃນຕົວ
ແລະການບໍ່ໃຫ້ ເດັກນ້ອຍ ນັກຮຽນຂີ່ລົດນັ້ນແມ່ນໄດ້ຜົນຫຼາຍກັບບ້ານເກີດຂອງ ຂພຈ ໄຊຍະບູລີ..... ແລະໜື່ງໃນນັ້ນ ຄອບຄົວຂອງ ຂພຈເອງ ກໍ່ໄດ້ຮັບຜົນທີ່ເກີນຄາດຫວັງ ປະຢັດເງີນແມ່ໃນການຈະເອົາໃຫ້ນ້ອງສາວໄປຊື້ນຳມັນລົດ ອີອີອີ ສົມນຳໜ້ານ້ອງສາວ ຂພຈໃນໃຈ ຮາຮາຮາ
ຂໍຂອບໃຈ