ພັນລາວ.ຄອມ
ຊອກຫາ:
ຊອກຫາແບບລະອຽດ
  ກະທູ້ມາໃໝ່   ຫມວດ   ພັນລາວ.ຄອມ » ມຸມສະມາຊິກ    

Forum
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
ພັນລາວ.ຄອມ » ມຸມສະມາຊິກ » ເປັນຫຍັງຈຶ່ງຍັງຫຼິ້ນພັນລາວ?

ໜ້າທີ່ 1 ຈາກທັງໝົດ 5 ໜ້າ <<<12345>>>


໗໘ ກະທູ້
໑໒໑໑ ໂພສ
ຜູ່ເບິ່ງແຍງເວັບບອດ
ສະບາຍດີສະມາຊິກພັນລາວທຸກຄົນ ເປັນເວລາດົນນານແລ້ວທີ່ບໍ່ໄດ້ມາຮ່ວມກິດຈະກຳຕ່າງໆ ທີ່ເກີດຂຶ້ນໃນເວັບໄຊແຫ່ງນີ້ ເລິກໆແລ້ວກໍຮູ້ສຶກລະອາຍໃຈທີ່ບໍ່ເຂົ້າມາທັງທີ່ວ່າໂຕເອງເປັນຄົນເຮັດມັນຂຶ້ນມາ. ໃນຍຸກເລີ່ມຕົ້ນ ປະມານປີ 2008 ຕອນນັ້ນ ຍັງບໍ່ມີເວັບໄຊ Social Network ໃດໆ ທີ່ເປັນພາສາລາວເທື່ອ ມີແຕ່ເວັບໄຊພາສາອື່ນ ທີ່ມີຄົນລາວໄປລົມກັນໂດຍໃຊ້ພາສາທີ່ບໍ່ແມ່ນພາສາລາວ ຈຶ່ງມີຄວາມຄິດຢາກເຮັດເວັບໄຊທີ່ໃຫ້ຄົນລາວໄດ້ໃຊ້ພາສາລາວລົມກັນ ບໍ່ວ່າຈະຢູ່ໃສໃນໂລກກໍຕາມ.

ຍຸກສະໄໝປ່ຽນໄປ Hi5 ຈາກໄປ Facebook ເຂົ້າມາແທນທີ່ ມັນເກາະກິນຫົວໃຈຂອງໃຜຫຼາຍຄົນຈົນທຸກມື້ນີ້ຫາຄົນໃຊ້ Hi5 ຍາກ ພໍໆກັບຄົນໃຊ້ MSN ທີ່ຊອກບໍ່ຄ່ອຍເຫັນ ແລະເຊັ່ນດຽວກັນ ພັນລາວກໍນັບມື້ນັບມີຄົນເຂົ້າໜ້ອຍລົງ ສະມາຊິກໜ້າເກົ່າລຸ້ນເກົ່າຄ່ອຍໆຫ່າງຫາຍໄປ ແລະສຸດທ້າຍກໍບໍ່ເຂົ້າມາອີກເລີຍ.

ແຕ່ຢ່າງໃດກໍຕາມ ເຖິງແມ່ນວ່າຈະມີຄົນເຂົ້າພັນລາວໜ້ອຍລົງ ດ້ວຍອິດທິພົນຂອງສື່ Social Media ຍຸກໃໝ່ ນັບຕັ້ງແຕ່ Facebook, Twitter, Instagram, Path, SocialCam, Whatsapp, Line ແລະອື່ນໆ ອີກຫຼວງຫຼາຍ ກໍຍັງມີຄົນເຂົ້າມາເວັບໄຊແຫ່ງນີ້ຢູ່ບໍ່ຂາດ ນັ້ນຈຶ່ງເປັນທີ່ມາຂອງກະທູ້ໃນມື້ນີ້ ກໍເພື່ອຢາກໃຫ້ສະມາຊິກທຸກຄົນ ທີ່ຍັງຢູ່ໃນຕອນນີ້ ໄດ້ແລກປ່ຽນຄຳເຫັນ ແລະທັດສະນະຂອງຕົນ ກ່ຽວກັບເວັບໄຊພັນລາວ ເປັນຫຍັງເຈົ້າຈຶ່ງຍັງເຂົ້າມາ? ເປັນຫຍັງຈຶ່ງຍັງຫຼິ້ນຢູ່? ແລະຢາກໃຫ້ພັນລາວເປັນແນວໃດຕໍ່ໄປ?

ຂໍອະໄພທີ່ຂຽນຍາວ ບໍ່ໄດ້ຂຽນດົນແລ້ວ -"-

ຂອບໃຈທຸກຄົນ!


໐ ກະທູ້
໔໘ ໂພສ
ຂາປະຈຳເວັບບອດ
ຍ້ອນວ່າຫຼິ້ນແລ້ວ ຮູ້ສຶກຫຼໍ່ຂຶ້ນກວ່າເກົ່າ, ຢາກໃຫ້ພັນລາວແຈກເງິນໃຫ້ສະມາຊິກທຸກຄົນ ຊິເປັນໄປໄດ້ບໍ່


໑໑ ກະທູ້
໓໒໗ ໂພສ
ຊຳນານການເວັບບອດ
ຜູ້ຈັດການມາເອງເລີຍເນາະງານນິ
ສຳລັບຜູ້ຂ້າກະເປັນສະມາສິກໜ້າໃໝ່ ຫຼິ້ນພັນລາວມາບໍ່ຮອດປີ ແຕ່ມັກເຂົ້າມາຫຼິ້ນ ເພາະມັນເປັນເວັບຂອງຄົນລາວ ພາສາລາວ ແລະ ຢາກສົ່ງເສີມ.
ສຳລັບຜູ້ຂ້າແມ່ນເຂົ້າມາເພື່ອຊອກອ່ານກະທູ້, ຕອບກະທູ້ ແລະ ສ້າງກະທູ້ເທົ່ານັ້ນ ບໍ່ມີຈຸດປະສົງອື່ນໃດ.
ເປັນກຳລັງໃຈໃຫ້ພັນລາວສະເໝີເດີ ສູ້ໆ!


໓໐ ກະທູ້
໗໕໑ ໂພສ
ຊຳນານການເວັບບອດ
ເຫດຜົນກັບມາເຂົ້າກໍ່ເພາະຍາກເຫັນອາດິດເກົ່າທີ່ຈາກໄປໂດຍບໍ່ຫວນມາອ່ານໃດອາຣີ ທີ່ເຄີຍຂຽນ ແຕ່ກໍ່ຫນ່ອຍລົງ ກວ່າຈະໄດ້ເຂົ້າມາຄືວ່າຫັນລະ Social Media ເຂົ້າມາແທນ ມັນກະເຮັດໃຫ້ຫາຍໄປແນ່. ອັນຫນື່ງກະມີສະມາຊີກບໍ່ຫນ່ອຍທີ່ ເວົ້າໃຫ້ກັນຮຸນແຮງເກີນໄປໃນບາງກະທູ້. ແລ້ວກໍ່ຕັ້ງຄຳຖາມເກົ່າເກົ່າ ແບບສຳຫລວດເກົ່າບໍ່ຫລາກຫລາຍ ເຮັດໃຫ້ມັນບໍ່ຫນ້າສົນໃຈ ບໍ່ຫນ້າຕິດຕາມ
ສ່ວນ ອານາຄົດຕໍ່ໄປຢາກໃຫ້ພັນລາວມີຫຍັງພັດທະນາຕໍ່. ອືມ. ກໍ່ຄົງຈະ ແມ່ນ ຢາກໃຫ້ມີ application. ພັນລາວ ຄົງດີ ເພາະຈະດຶງສະມາຊິກທີ່ໃຊ້ smartphone ບໍ່ວ່າຈະເປັນ android ຫລື iOS ກໍ່ດີເພື່ອຈະມີຫລາຍຄົນເຂົ້າມາ ແລະສົ່ງເສີມການໃຊ້ພາສາລາວໃນເວັບໃຊ້ຫລາຍຂື້ນ. ເພື່ອເຊົ່າໃຊ້ພາສາຄາລາໂອເກະ ອ່ານແລ້ວງົງ ຫລາຍ

ຊາຕານ ຄົງມີຄວາມຮັກແທ້ຖ້າຢູ່ໃນ ດີນແດນໃດຈັກແຫ່ງ

໑໒໙ ກະທູ້
໓໓໙໒ ໂພສ
ສຸດຍອດແຫ່ງເຈົ້າກະທູ້
ຍ້ອນວ່າສ່ວນຫລາຍມີແຕ່ຄົນລາວມາຫລິ້ນ ອີກຢ່າງກະໄດ້ທັງຄວາມຮູ້ຕ່າງໆ ບໍ່ວ່າຈະເປັນຂ່າວຄາວ ແລະເຄັດລັບ ບໍ່ລັບ ໃນກະທູ້...
ບາງຄັ້ງກະມີຖຽງກັນ ແຕ່ນັ້ນມັນບໍ່ສຳຄັນ ທີ່ສຳຄັນຄືມິດຕະພາບທີ່ດີ ແລະກະມີຫລາຍໆຄົນທີ່ໄດ້ຮູ້ຈັກກັນ ເຫັນໜ້າກັນ ໄປກັນກັນ (ຕຳຈອກ) ກະຮູ້ຈາກບ່ອນນີ້...


໔໒ ກະທູ້
໒໖໐໑ ໂພສ
ສຸດຍອດແຫ່ງເຈົ້າກະທູ້
ຍ້ອນວ່າ ເປັນຄົນລາວ



໗໓໙ ກະທູ້
໙໔໕໙ ໂພສ
ສຸດຍອດແຫ່ງເຈົ້າກະທູ້
ຍ້ອນວ່າ ພັນລາວເປັນພັນລາວ ບໍ່ມີໃຜຄື ແລະ ບໍ່ຄືໃຜ
ຄິດວ່າພັນລາວຈະພັດທະນາໄປໄກຫຼາຍເຕີບໃນອານາຄົດ
ຄິດວ່າຖ້າມີພື້ນທີ່ໃຫ້ໂຄສະນາຢ່າງເຕັມສ່ວນຈິງຈັງ ຈະມີຄົນມາລົງໂຄສະນາ ແລະ ສະໜັບສະໜູນຫຼາຍເຕີບ ເພາະວ່າ ເບິ່ງຈາກຈຳນວນສະມາຊິກ ແລະ ຄົນເຂົ້າມາອ່ານມາຊົມແມ່ນຫຼາຍເຕີບ


໑໖ ກະທູ້
໑໖໘໗ ໂພສ
ສຸດຍອດແຫ່ງເຈົ້າກະທູ້
ທີ່ຈິງແລ້ວຂ້າພະເຈົ້າມາອ່ານຕະຫຼອດເວລາທີ່ຄິດຮອດເມືອງລາວແຕ່ບໍ່ໄດ້ກົດເຂົ້າມາ
ອີກຢ່າງບໍ່ເຫັນໝູ່ເກົ່າໆຈັກແມ່ນໄປທາງໃດໄດ້ຍິນແລ້ວມາລາຍງານໂຕດ່ວນ

ໂຈນຫ້າຮ້ອຍສອງເທື່ອເປັນພັນ

໑໙ ກະທູ້
໔໒໔ ໂພສ
ຊຳນານການເວັບບອດ
ຮູ້ຄືກັນວ່າຍ້ອນຫຍັງ
ຮູ້ແຕ່ວ່າມື້ໃດບໍ່ໄດ້ເຂົ້າອ່ານ, ຕອບກະທູ້, ອ່ານໄດອາຣີ່ຫຼືເຮັດກິດຈະກຳອື່ນໆໃນພັນລາວແລ້ວນອນບໍ່ຫຼັບ
ໜ້າຈະມີຂອງຂວັນເລັກໆນ້ອຍໆສຳຫຼັບຄົນທີ່ຫຼິ້ນພັນລາວມາດົນໆໆໆ ຄືຂ້ອຍນິ ຫຼິ້ນມາສາມປີແລ້ວ ອິອິອິ


໐ ກະທູ້
໔ ໂພສ
ມືໃໝ່ຮຽນໃຊ້ເວັບບອດ
ຖ້າຢາກໃຫ້ເວັບພັນລາວມີຄົນຫຼິ້ນຫຼາຍເຮົາກາຕ້ອງໃຊ້ເວັບອຶ່ນໃຫ້ເປັນປະໂຫຍດກາຄືໄປໂຄສະນາຕາມເວັບໄຊຕ່າງໆໃຫ້ຫຼາຍຂື້ນເພື່ອທີ່ໃຫ້ຄົນທີ່ຍັງບໍ່ຮູ້ໄດ້ຮູ້ຂ້ອຍກໍຈະຊ່ວຍໂປຣໂໝດໃຫ້ເດີ້


໐ ກະທູ້
໔ ໂພສ
ມືໃໝ່ຮຽນໃຊ້ເວັບບອດ
ຖ້າຢາກໃຫ້ເວັບພັນລາວມີຄົນຫຼິ້ນຫຼາຍເຮົາກາຕ້ອງໃຊ້ເວັບອຶ່ນໃຫ້ເປັນປະໂຫຍດກາຄືໄປໂຄສະນາຕາມເວັບໄຊຕ່າງໆໃຫ້ຫຼາຍຂື້ນເພື່ອທີ່ໃຫ້ຄົນທີ່ຍັງບໍ່ຮູ້ໄດ້ຮູ້ຂ້ອຍກໍຈະຊ່ວຍໂປຣໂໝດໃຫ້ເດີ້


໐ ກະທູ້
໙໑໐ ໂພສ
ຊຳນານການເວັບບອດ
ສຳຫລັບຂ້າພະເຈົ້າທີ່ອາສັຍຢູ່ນອກປະເທດລາວ ແລະພັນລາວເອງກໍ່ເປັນເວປລາວເວປດຽວທີ່ຫລິ້ນແລ້ວເຮັດໃຫ້ຮູ້ສຶກວ່າ,
"ນີ້ແຫລ່ະຄືບ້ານຂ້ອຍ" ເພາະພໍໄດ້ຫລິ້ນໄດ້ລົມກັບຫມູ່ໆໃນນີ້ແລ້ວ ກັບເຮັດໃຫ້ຮູ້ສຶກຜູກພັນກັບເວປນີ້ຫລາຍ,
ຄ້າຍໆວ່າພວກເຮົາສະມາຊິກທັງຫມົດແມ່ນຄົນໃນຄອບຄົວດຽວກັນ. ເຖິງແມ່ນວ່າປັຈຈຸບັນີ້ພວກSocial Media ຍຸກໃໝ່
ຈະພາກັນທະຍອຍແພ່ອອກມາເລື້ອຍໆໆ ແລະເຮັດໃຫ້ເວປພັນລາວເຮົາທີ່ນ້ອຍໆຢູ່ແລ້ວກໍຍິ່ງນັບມື້ນັບນ້ອຍຖອຍຫລັງໄປເລື້ອຍໆໆ.
ແຕ່ຢ່າງໃດກໍ່ຕາມນັບແຕ່ນີ້ໄປບໍວ່າຈະເກີດມີໂຊຊ້ຽວເນັດເວີຣ໌ກເພີ່ມຂື້ນມາຫລາຍເທົ່າໃດ ກໍ່ຍັງຢາກຈະຂໍໃຫ້ເວປພັນລາວເຮົານີ້
ຢູ່ຄູ່ກັບພວກເຮົາຊາວລາວຕະຫລອດໄປເລື້ອຍໆເດີ້ ເຖິງແມ່ນວ່າຈະບໍ່ມີສະມາຊິກເຂົ້າມາໃຊ້ຫລາຍກໍ່ຕາມເທາະ.

ປລ. ຖ້າເວປພັນລາວມີລູກຫລິ້ນອິຫຍັງໃຫມ່ໆຂື້ນມາອີກກໍ່ຫນ້າຈະດີບໍ່ຫນ້ອຍ ແຕ່ຖ້າບໍ່ມີກໍ່ບໍ່ເປັນຫຍັງຂໍໃຫ້ມີພັນລາວຢູ່ຕໍ່ຕລອດໄປກໍພໍ...

There's a thin line between Life and Death, I wish for a Miracle to happen...

໗ ກະທູ້
໑໕໘ ໂພສ
ນັກການກະທູ້
ເຂົ້າມາຍ້ອນຄັ້ງໜຶ່ງເຄີຍພົບຮັກໃນພັນລາວນີ້ ອິອິ

EVERYONE IS EMPOWER TO STOP UNSAFE BEHAVIORS

໑໐໙ ກະທູ້
໙໑໗ ໂພສ
ສຸດຍອດແຫ່ງເຈົ້າກະທູ້
ເພື່ອນນັກສືກສາໄທ ແນະນຳໃຫ້ຮູ້ຫວ່າງ2-3ເດືອນຫຼັງ.
ເຂົ້າມາແລ້ວກໍ່ພົບເພື່ອນສະມາຊິກທຸກຄົນໃຈດີ ມີຄວາມຄິດສ້າງສັນດີ.
ຈະຫຼີ້ນຕໍ່ໄປ!
ຂອບໃຈ!!


໑໐ ກະທູ້
໗໘໑ ໂພສ
ຊຳນານການເວັບບອດ
ຜູ້ຈັດການມາເອງເລີຍ


໑໐ ກະທູ້
໗໘໑ ໂພສ
ຊຳນານການເວັບບອດ
ຜູ້ຈັດການມາເອງເລີຍ
ຍ້ອນເຮົາເປັນຄົນລາວແລະເຮົາກາມັກຮັກທຸກໆຢ່າງທີ່ເປັນລາວ


໕ ກະທູ້
໒໗໓໑ ໂພສ
ສຸດຍອດແຫ່ງເຈົ້າກະທູ້
ມາລົມກັບຄົນຮູ້ຈັກແບບສະບາຍແລະກະເປັນລາວໆໆ
ໄດ້ຮູ້ຈັກມິດຕະພາບໃໝ່ໆທີ່ແສນຈະດີ
ແລ້ວກະມາລັກເບິ່ງໂປຣໄຟລ໌ຂອງຄົນບາງຄົນ



໑໔໐ ກະທູ້
໑໗໙໐ ໂພສ
ສຸດຍອດແຫ່ງເຈົ້າກະທູ້
ກະ post ໄປຊັ້ນລະ ຄ້າຍໆ ເຫັນສາວງາມຍ່າງນຳທາງ ກະທ້ວງ ຊັ້ນນ່າ

ສັງເກດວ່າເວບນີ້ບໍ່ຄ່ອຍມີຜູ້ເຖົ້າ.


໖ ກະທູ້
໒໙໒ ໂພສ
ນັກການກະທູ້
ເປົ້າຫມາຍທຸກຄົນຫລິ້ນບໍ່ຄືກັນ ແຕ່ຂ້າພະເຈົ້າດີໃຈທີ່ມີພັນລາວໃຫ້ຫລິ້ນ
ເຂົ້າມາໄດ້ອ່ານກະທູ້ ໄດ້ຄວາມຮູ້ ເຊິ່ງຄວາມຂັດແຍ້ງໃນຄວາມຄິດຂອງຄົນໃນພັນລາວທີ່ເຫັນນັ້ນ
ກະຄືສີສັນຂອງພັນລາວນັ້ນເອງ ຈົ່ງເລືອກເອົາແຕ່ສິ່ງດີໆນັ້ນແຫລະຄືບັນດິດ ຂໍເປັນກຳລັງໃຈໃຫ້ທິມງານພັນລາວ
ທີ່ສ້າງສັນສິ່ງດີໆເພື່ອສັງຄົມລາວ ຂໍຊົມເຊີຍ

ຮັກຈິງ ເຈັບຈິງ ຮັກຫລອກ ເຈັບຫລອກ ໆ

໔ ກະທູ້
໑໒໗໑ ໂພສ
ສຸດຍອດແຫ່ງເຈົ້າກະທູ້
ທີ່ຍັງຫລີ້ນພັນລາວຍຢູ່ກໍ່ເພາະວ່າ ຮູ້ຈັກໝູ່ເພື່ອນຫລາຍຄົນຈາກທີ່ນີ້
ແລະຫລີ້ນມາແຕ່ລຸ້ນແລກໆແລ້ວ ຫລີ້ນ facebook ກໍ່ຄົງບໍ່ພູມໃຈເທົ່າຫລີ້ນພັນລາວ
ຈະໃຫ້ໄປເຫັນເວບຂອງຕ່າງຊາດດີກ່ວາເວບຂອງຄົນລາວເຮົາກະຄົງເປັນໄປບໍ່ໄດ້...


໔ ກະທູ້
໓໔໔ ໂພສ
ຊຳນານການເວັບບອດ
ຢາກໃຫ້ປັບໄວຂື້ນ ຕົວນີ້ມັນຊ້າບາງວັນກະຄ້າງໆໆໆ


໒໕ ກະທູ້
໒໘໘໒ ໂພສ
ສຸດຍອດແຫ່ງເຈົ້າກະທູ້
ແມ່ນໃຜກະທ້ວງທ່ານຫົວໜ້າເຜົ່າມາຕັ້ງກະທູ້ເອງເນາະ ຮະຮະຮະຮະ

*ເປັນຫຍັງຈຶ່ງຍັງເຂົ້າມາ? ເປັນຫຍັງຈຶ່ງຍັງຫຼິ້ນຢູ່* --- ກະບໍ່ຮູ້ຄືກັນ ວ່າເປັນຫຍັງຈຶ່ງຍັງເຂົ້າມາຫຼິ້ນຢູ່ (ເປັນການປະສົມຄຳຕອບ) ຮະຮະຮະ ມັນກາຍເປັນຄວາມຊິນເຄີຍໄປແລ້ວວວວວວວວ
ໂດຍສະເພາະເວລາມີເລື່ອງຫຍັງ ຫຼືເຫດການຫຍັງທີ່ເຮົາກະມັກມາຂຽນໄດອາຣີ່ລະບາຍຫຼິ້ນໆ

*ຢາກໃຫ້ພັນລາວເປັນແນວໃດຕໍ່ໄປ* ເປັນໂຕຂອງໂຕເອງຕໍ່ໄປ

I believe in the IMPOSSIBLE

໕ ກະທູ້
໑໑໖ ໂພສ
ນັກການກະທູ້
ກ່ອນອື່ນໝົດຕ້ອງຂໍສະບາຍດີຜູ້ຈັດການໜ້າຕາດີ
ນ້ອງຮູ້ຈັກພັນລາວຈາກໝູ່ໃນ ເດືອນເກົ້າປີກາຍນີ້ ແລະ ຮູ້ສຶກດີໃຈຫຼາຍທີ່ມີເວັບເປັນຂອງຄົນລາວຢ່າງແທ້ຈິງ ແລະ ຕ້ອງຂໍຂອບໃຈທີ່ສ້າງເວັບທີ່ມີເລື່ອງລາວສະຫຼະໜ້າຮູ້ຫຼາຍຢ່າງທີ່ໃຫ້ຄວາມຮູ້ແກ່ຄົນທົ່ວໄປ ແລະ ຍັງມີການສຳຫຼວດແນວຄວາມຄິດທີ່ມີຄວາມຮູ້ແກ່ຜູ້ທີ່ສົນໃຈຢາກຮູ້ເລື່ອງລາວຕ່າງໆຫຼາຍຢ່າງ ,ມີການເລົ່າປະສົບການໃຫ້ຟັງ ເວລາ ທີເຂົ້າມາອ່ານກາຮູ້ສຶກວ່າເຮົາມີໝູ່ອີກຫຼາຍໆຄົນທີ່ພ້ອມທີ່ຈະຊ່ວຍເຫຼືອເຮົາ.

ໃນອານາຄົດນີ້ຄິດວ່າພັນລາວຄວນຈະມີການພັດທະນາຫຼາຍດ້ານ ໂດຍສະເພາະ ແມ່ນຢາກໃຫ້ສະມາຊິກພັນລາວທຸກຄົນໃຊ້ພາສາລາວຢ່າງດຽວເລີຍ ,ບໍ່ຢາກໃຫ້ໃຊ້ພາສາຄາລາໂອເກະຫຼືພາສາໄທ ເຂົ້າມາໃນການສົນທະນາ ແລະ ການຂຽນໄດອະລີຫຼື ແບບສຳຫຼວດຕ່າງໆ...

ມາຮອດນີ້ ກາຄືຊິໝົດແລ້ວລະທີ່ຢາກເວົ້າກັບຜູ້ຈັດການ ແລະ ກາຂໍໃຫ້ພັນລາວຢູ່ກັບຄົນລາວໄປຕະຫຼອດເດີ.


໑໐໘ ກະທູ້
໒໒໖໕ ໂພສ
ສຸດຍອດແຫ່ງເຈົ້າກະທູ້
ອ້າງເຖິງຂໍ້ຄວາມຈາກ serd ຂຽນວ່າ...
ກ່ອນອື່ນໝົດຕ້ອງຂໍສະບາຍດີຜູ້ຈັດການໜ້າຕາດີ
ນ້ອງຮູ້ຈັກພັນລາວຈາກໝູ່ໃນ ເດືອນເກົ້າປີກາຍນີ້ ແລະ ຮູ້ສຶກດີໃຈຫຼາຍທີ່ມີເວັບເປັນຂອງຄົນລາວຢ່າງແທ້ຈິງ ແລະ ຕ້ອງຂໍຂອບໃຈທີ່ສ້າງເວັບທີ່ມີເລື່ອງລາວສະຫຼະໜ້າຮູ້ຫຼາຍຢ່າງທີ່ໃຫ້ຄວາມຮູ້ແກ່ຄົນທົ່ວໄປ ແລະ ຍັງມີການສຳຫຼວດແນວຄວາມຄິດທີ່ມີຄວາມຮູ້ແກ່ຜູ້ທີ່ສົນໃຈຢາກຮູ້ເລື່ອງລາວຕ່າງໆຫຼາຍຢ່າງ ,ມີການເລົ່າປະສົບການໃຫ້ຟັງ ເວລາ ທີເຂົ້າມາອ່ານກາຮູ້ສຶກວ່າເຮົາມີໝູ່ອີກຫຼາຍໆຄົນທີ່ພ້ອມທີ່ຈະຊ່ວຍເຫຼືອເຮົາ.

ໃນອານາຄົດນີ້ຄິດວ່າພັນລາວຄວນຈະມີການພັດທະນາຫຼາຍດ້ານ ໂດຍສະເພາະ ແມ່ນຢາກໃຫ້ສະມາຊິກພັນລາວທຸກຄົນໃຊ້ພາສາລາວຢ່າງດຽວເລີຍ ,ບໍ່ຢາກໃຫ້ໃຊ້ພາສາຄາລາໂອເກະຫຼືພາສາໄທ ເຂົ້າມາໃນການສົນທະນາ ແລະ ການຂຽນໄດອະລີຫຼື ແບບສຳຫຼວດຕ່າງໆ...

ມາຮອດນີ້ ກາຄືຊິໝົດແລ້ວລະທີ່ຢາກເວົ້າກັບຜູ້ຈັດການ ແລະ ກາຂໍໃຫ້ພັນລາວຢູ່ກັບຄົນລາວໄປຕະຫຼອດເດີ.



ກະທູ້ນີ້ ຄື ມາ ຕັ້ງໃຈ ຕອບ ແທ້ ຫມູ່

ຄົນສະຫລາດສະແຫວງຫາຄຳສອນສັ່ງ ແຕ່ຄົນໂງ່ເປັນທາດ ຂອງຄວາມມັກຍ້ອງ

໑໐໘ ກະທູ້
໒໒໖໕ ໂພສ
ສຸດຍອດແຫ່ງເຈົ້າກະທູ້
ສະບາຍດີ

ເຫດຜົນທີ່ ຫລີ້ນ ພັນ ລາວ ຂອງສະມາ ຊິກແຕ່ ລະຄົນ ກໍ່ຄົງຈະ ແຕກ ຕ່າງກັນໄປ
ແຕ່ສຳລັບສວ່ນຕົວ ແລ້ວ ທີ່ ຫລີ້ນ ເພາະ ວ່າ ເປັນ ບ່ອນ ທີ່ເຮົາສາມາດ ແລກປ່ຽນຄວາມຮູ້ ແລະ ປຶກສາ ບັນຫາໃນເລື່ອງ ຕ່າງໆ ໄດ້
ນອກຈາກບັນ ເທີງແລ້ວ ກໍ່ ຍັງມີ ສາລະຄວາມຮູ້ ອີກຫລາຍ ດ້ານ

ຄົນສະຫລາດສະແຫວງຫາຄຳສອນສັ່ງ ແຕ່ຄົນໂງ່ເປັນທາດ ຂອງຄວາມມັກຍ້ອງ

໕໕ ກະທູ້
໔໓໕໒ ໂພສ
ສຸດຍອດແຫ່ງເຈົ້າກະທູ້
ພູມໃຈໃນຄວາມເປັນລາວ ອັນໃດເປັນຂອງລາວມັກຫມົດ ນອກຈາກເບຍລາວ ຫະຫະໆ
ຄວາມຈິງກະໄດ້ຫລາຍຢ່າງ ທັງມ່ວນ ທັງມົ້ວ ທັງໄດ້ຄວາມຮູ້ ແລະກະໄດ້ເຫັນຄົນລາວດ້ວຍກັນ
ຖືວ່າເປັນບ່ອນລວມຕົວລວມໃຈບ່ອນຫນຶ່ງ ຂອງຄົນລາວມາສົນທະນາໂອ້ລົມກັນ ຄົນໄກບ້ານກະ
ຫາຍຄິດຮອດບ້ານໄປ ຖ້າໄດ້ເຫັນຫນັງສືລາວ ເຫັນບ່າວສາວໃນພັນລາວ .............

ນັກສຶກສາ ປັນຍາຊົນ ຄົນແຫ່ງສະຕະວັດທີ 21
ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ

໒ ກະທູ້
໓໗ ໂພສ
ຂາປະຈຳເວັບບອດ
ຂ້ອຍຫາກໍ່ເຂົ້າມາບໍ່ຮູ້ວ່າສິເວົ້າຈັ່ງໃດດີ ເອົາເປັນວ່າມັກເວບນີ້ ອິອິ ຄືສິພໍເນາະ.

ໃຜບອກໃຫ້ຂ້ອຍເຂົ້າມາຫວະ

໑໘ ກະທູ້
໒໐໖໐ ໂພສ
ສຸດຍອດແຫ່ງເຈົ້າກະທູ້
ງານນີ້ ຂາດສະມາຊີກ ເກົ່າ ແບບ ເຮົາ ບໍ່ໄດ້ ຕ້ອງມາລາຍງານໂຕກ່ອນ

ສຳບາຍດີ ທ່ານ ຫົວໜ້າ

ຢ່າອິດສາຄົນອື່ນ ແຕ່ຢູ່ແບບໃຫ້ຄົນອື່ນອິດສາ

໙ ກະທູ້
໖໓ ໂພສ
ຂາປະຈຳເວັບບອດ
ຍ້ອນວ່າຂ້ອຍເທບ


໕ ກະທູ້
໑໑໖ ໂພສ
ນັກການກະທູ້
ອ້າງເຖິງຂໍ້ຄວາມຈາກ SumoGirl ຂຽນວ່າ...
ອ້າງເຖິງຂໍ້ຄວາມຈາກ serd ຂຽນວ່າ...
ກ່ອນອື່ນໝົດຕ້ອງຂໍສະບາຍດີຜູ້ຈັດການໜ້າຕາດີ
ນ້ອງຮູ້ຈັກພັນລາວຈາກໝູ່ໃນ ເດືອນເກົ້າປີກາຍນີ້ ແລະ ຮູ້ສຶກດີໃຈຫຼາຍທີ່ມີເວັບເປັນຂອງຄົນລາວຢ່າງແທ້ຈິງ ແລະ ຕ້ອງຂໍຂອບໃຈທີ່ສ້າງເວັບທີ່ມີເລື່ອງລາວສະຫຼະໜ້າຮູ້ຫຼາຍຢ່າງທີ່ໃຫ້ຄວາມຮູ້ແກ່ຄົນທົ່ວໄປ ແລະ ຍັງມີການສຳຫຼວດແນວຄວາມຄິດທີ່ມີຄວາມຮູ້ແກ່ຜູ້ທີ່ສົນໃຈຢາກຮູ້ເລື່ອງລາວຕ່າງໆຫຼາຍຢ່າງ ,ມີການເລົ່າປະສົບການໃຫ້ຟັງ ເວລາ ທີເຂົ້າມາອ່ານກາຮູ້ສຶກວ່າເຮົາມີໝູ່ອີກຫຼາຍໆຄົນທີ່ພ້ອມທີ່ຈະຊ່ວຍເຫຼືອເຮົາ.

ໃນອານາຄົດນີ້ຄິດວ່າພັນລາວຄວນຈະມີການພັດທະນາຫຼາຍດ້ານ ໂດຍສະເພາະ ແມ່ນຢາກໃຫ້ສະມາຊິກພັນລາວທຸກຄົນໃຊ້ພາສາລາວຢ່າງດຽວເລີຍ ,ບໍ່ຢາກໃຫ້ໃຊ້ພາສາຄາລາໂອເກະຫຼືພາສາໄທ ເຂົ້າມາໃນການສົນທະນາ ແລະ ການຂຽນໄດອະລີຫຼື ແບບສຳຫຼວດຕ່າງໆ...

ມາຮອດນີ້ ກາຄືຊິໝົດແລ້ວລະທີ່ຢາກເວົ້າກັບຜູ້ຈັດການ ແລະ ກາຂໍໃຫ້ພັນລາວຢູ່ກັບຄົນລາວໄປຕະຫຼອດເດີ.



ກະທູ້ນີ້ ຄື ມາ ຕັ້ງໃຈ ຕອບ ແທ້ ຫມູ່

ກະທູ້ຖືກໃຈເດໝູ່ ອິອິອິອິອິອິອິອິອິ



ໜ້າທີ່ 1 ຈາກທັງໝົດ 5 ໜ້າ <<<12345>>>