ພັນລາວ.ຄອມ
ຊອກຫາ:
ຊອກຫາແບບລະອຽດ
  ກະທູ້ມາໃໝ່   ຫມວດ   ພັນລາວ.ຄອມ » ມຸມສະມາຊິກ    

Forum
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
ພັນລາວ.ຄອມ » ມຸມສະມາຊິກ » ໃຜພໍມີຄວາມຮູ້ດ້ານກົດໝາຍຊ່ວຍແດ່...

໒ ກະທູ້
໒ ໂພສ
ມືໃໝ່ຮຽນໃຊ້ເວັບບອດ
ຂ້າພະເຈົ້າເຄີຍຢືມເງິນນຳໝູ່ຈຳນວນ 500$, ກ່ອນທີ່ຂ້າພະເຈົ້າຈະຕົກງານ
ເຊິ່ງໄດ້ເປັນການຢືມແບບບໍ່ມີລາຍລັກອັກສອນ ເອກະສານໃດໆໝົດ
ຕໍ່ມາຂ້າພະເຈົ້າຕົກວຽກ ເນື່ອງຈາກການປະເມີນວຽກບໍ່ຜ່ານແລະເຫດຜົນການຫຼຸດຈຳນວນພະນັກງານໃນບໍລິສັດ. ແລ້ວຂ້າພະເຈົ້າກໍ່ໄດ້ຍ້າຍທີ່ຢູ່ຊົ່ວຄາວເພື່ອຊອກຫາວຽກໃໝ່ ຫຼັງຈາກນັ້ນ ໝູ່ຂອງຂ້າພະເຈົ້າຜູ້ນັ້ນ ກໍ່ໄດ້ມານຳທວງເອົາເງິນນຳຂ້າພະເຈົ້າ ໂດຍຜ່ານການໂອ້ລົມກັບພີ່ນ້ອງຂ້າພະເຈົ້າ
ແລ້ວວ່າຫຼັງຈາກຂ້າພະເຈົ້າມີວຽກງານທີ່ໝັ້ນຄົງແລ້ວ ຈະຫາສົ່ງໃຫ້ເດີ. ຄິດວ່າຜູ້ກ່ຽວຈະເຂົ້າໃຈ ຫຼັງຈາກນັ້ນ 30 ວັນ, ຜູ້ກ່ຽວໄດ້ກັບມາທີ່ເຮືອນຂອງຂ້າພະເຈົ້າແລ້ວບອກວ່າຕ້ອງການເງິນ...ຂ້າພະເຈົ້າກໍ່ຈົນປັນຍາອີ່ຫຼີ ວຽກເຮັດກະບໍ່ມີ ເງິນກໍ່ບໍ່ມີພໍກີບ, ອາໃສກິນຢູ່ນຳພໍ່ແມ່ກ່ອນ. ຂ້າພະເຈົ້າໄດ້ແຕ່ຕອບວ່າ ຍັງບໍ່ມີໃຫ້ເທື່ອ ຫາໄດ້ຈະສົ່ງໃຫ້ເດີ ບໍ່ໄດ້ໜີໄປໃສດອກ ແລ້ວມື້ນີ້ຜູ້ກ່ຽວກໍ່ເບິ່ງທ່າທາງຄົງຈະເຂົ້າໃຈ
ມື້ຕໍ່ມາ ຜູ້ກ່ຽວກໍ່ກັບມາອີກ ເພື່ອມາເອົາເງິນອີກ ຂ້າພະເຈົ້າກໍ່ຕອບໄດ້ແຕ່ຄຳເກົ່າວ່າ ຍັງບໍ່ມີໃຫ້
ແຕ່ງວດນີ້ຜູ້ກ່ຽວຕ້ອງການໃຫ້ພໍ່ແມ່ຂອງຂ້າພະເຈົ້າ ເອົາລົດຂອງເພິ່ນໄປຊວດຈຳເພື່ອເອົາເງິນມາແທນຜູ້ກ່ຽວ. ຂ້າພະເຈົ້າກໍ່ບໍ່ຍອມ ເພາະທັນເປັນສິ່ງທີ່ເພິ່ນເອົາໄປທຳມາຫາກິນແຕ່ລະມື້ຂອງເພິ່ນ
ແຖມຍັງມາສົ່ງໃຫ້ເຮົາອີກ, ຫຼັງຈາກນັ້ນ ຂ້າພະເຈົ້າ ກໍ່ມີຄວາມຮູ້ສຶກບໍ່ມ່ວນໃນຄວາມຄິດແບບນີ້
ເລີຍໄດ້ແຕ່ບຸກແຕ່ເຊົ້າອອກໄປຊອກຫາວຽກ ຈົນຄ່ຳຈຶ່ງໄດ້ກັບມາ. ແລະຫຼັງຈາກກັບມາ ນ້າສາວຂອງຂ້າພະເຈົ້າໄດ້ແຈ້ງບອກຂ້າພະເຈົ້າວ່າ ໝູ່ຜູ້ນັ້ນໄດ້ມາທີ່ເຮືອນອີກແລ້ວ. ຈົນມື້ຕໍ່ມາ ເວລາ 6:40 ນາທີ
ຜູ້ກ່ຽວໄດ້ມາທີ່ເຮືອນຕອນທີ່ຂ້າພະເຈົ້າບໍ່ທັນຕື່ນນອນອີກ ແລ້ວກໍ່ເວົ້າຄວາມເກົ່າວ່າຢາກໄດ້ເງິນ.
ສຸດທ້າຍຂ້າພະເຈົ້າໄດ້ຢືມເງິນນຳໝູ່ອີກຄົນມາແທນໃຫ້ຜູ້ກ່ຽວ ໃນຈຳນວນ 1,500 ບາດເທົ່ານັ້ນ
ເພາະໝົດເດືອນຂ້າພະເຈົ້າໄດ້ຮັບເງິນທີ່ພໍ່ແມ່ໄດ້ໃຫ້ຈຳນວນເທົ່ານັ້ນ.ແລະບໍ່ແນ່ໃຈວ່າເດືອນຕໍ່ໜ້າຜູ້ກ່ຽວຍັງຈະມາເຮັດແນວນີ້ອີກບໍ່? ແຕ່ໃນລະຫວ່າງນັ້ນ ຜູ້ກ່ຽວໄດ້ເອົາສະຖານະການເປັນໜີ້ສິນຂອງຂ້າພະເຈົ້າໄປເຜີຍແຜ່ໃຫ້ບຸກຄົນທີສາມຮູ້ແລະໃຊ້ວິທີການຂົ່ມຂູ່ ຂຶ້ນໂຮງຂຶ້ນສານກັບຂ້າພະເຈົ້ານຳອີກ, ຂໍຄຳປຶກສາຈາກອ້າຍນ້ອງແດ່ວ່າ ເຮົາສາມາດເອົາຜິດອັນໃດໄດ້ແດ່ໃນເມື່ອວ່າຕາມລະບຽບການ ຖ້າຫາກການກູ້ຢືມທີ່ເປັນລາຍລັກອັກສອນ ຫາກມີການເປີດເຜີຍຈະມີການລົງໂທດຕໍ່ເຈົ້າໜີ້ ແຖມມີການຂົ່ມຂູ່ພ້ອມ. ເຮົາສາມາດຟ້ອງເຂົາຄືນໄດ້ບໍ່? ການກູ້ຢືມໃນງວດນີ້ບໍ່ມີສັນຍາລະອຽດ ຖ້າເຮົາຢາກປະຕິເສດກໍ່ບໍ່ມີປັນຫາ ແຕ່ເຮົາກໍ່ເຫັນໃຈເຈົ້າຂອງເງິນຄືກັນ, ແຕ່ການກະທຳນີ້ສາມາດຟ້ອງຄືນໄດ້ບໍ?


໗໓໙ ກະທູ້
໙໔໕໙ ໂພສ
ສຸດຍອດແຫ່ງເຈົ້າກະທູ້
ເລື່ອງກົດໝາຍຂ້ອຍບໍ່ຮູ້ຫຍັງຫລາຍ. ແຕ່ສຳລັບຂ້ອຍ ເວົ້າແລ້ວຕ້ອງມີສັດຈະ ເວົ້າໄດ້ຕ້ອງເຮັດໄດ້ ຖ້າບໍ່ມີກໍລະນີຈຳເປັນຕ້ອງຍົກເລີກ. ເປັນໜີ້ຍິ່ງຕ້ອງໃຊ້ ເຮົາຢືມເຂົາໄດ້ ເຂົາຈຳເປັນໃຊ້ມາເຮົາຕ້ອງໃຊ້ແທນເຂົາ, ຍິ່ງຖ້າຜູ້ນັ້ນໂວຍວາຍມີບັນຫານຳເງິນສໍ່ານັ້ນ ກໍຄວນໄປຊອກຫາຢືມນຳພີ່ນ້ອງມາໃຫ້ໃຊ້ແທນລາວສາ ຈິ່ງຕັດບັນຫາໄປ. ສຳລັບຂ້ອຍແມ່ນບໍ່ມັກບັນຫາ. ບໍ່ຕ້ອງຮ້ອງຟ້ອງຫຍັງດອກ ຫາເງິນໄປໃຊ້ໜີ້ເຂົາ ແລ້ວຂອບໃຈເຂົາທີ່ໃຫ້ຢືມ ຂໍໂທດທີ່ສົ່ງຄືນຊ້າ. ຫຼັງຈາກໝົດໜີ້ສິນ ແມ່ນໃຫ້ທຳມາຫາກິນຢ່າງສະຫງົບ ບໍ່ສ້າງສັດຕູໃສ່ຕົວເອງ ແລ້ວຊີວິດຈະຈະເລີນກວ່າເກົ່າ


໒໑ ກະທູ້
໑໔໘໗ ໂພສ
ສຸດຍອດແຫ່ງເຈົ້າກະທູ້
ເຮົາບໍ່ໄດ້ມີຄວາມຮູ້ຕາມກົດໝາຍຫຍັງ ແຕ່ວ່າເວົ້້າຕາມຮູບການເດີ້: ຖ້າໄປຟ້ອງກະຊິບໍ່ໄດ້ຫຍັງ. ແນວເຮົາໄປຢືມເງິນເຂົາເຈົ້າເນາະ ເຂົາມີສິດທີ່ຈະເວົ້າທີ່ຈະທວງແຕ່ເຂົາບໍ່ສາມາດທຳຮ້າຍຮ່າງກາຍຫຼືນາບຂູ່ເຮົາໄດ້ ຖ້າເຂົາເຮັດຫັ້ນເຮົາຟ້ອງໄດ້ ແຕ່ວ່າ!!!! ແຕ່ວ່າເຮົາກະຕ້ອງໄດ້ໃຊ້ເງິນຄືນເຂົາຄືເກົ່າ ແລະ ທັງເຮົາແລະເຂົາກໍ່ຕ້ອງໄດ້ເສຍຄ່າປັບໄໝຄ່າທຳນຽມນັ້ນນີ້ອີກ. ທັງເສຍເວລາ ທັງເສຍອາລົມ ທັງເສຍເງິນ ໄດ້ແຕ່ຄວາມສະໃຈ ໄດ້ແຕ່ເອົາຊະນະຊື່ໆ. ເຮົາວ່າບໍ່ຄຸ້ມດອກ. ເຮັດຄືພາສຸກວ່າຫັ້ນລະດີແລ້ວ, ເປັນໜີ້ກໍຕ້ອງໃຊ້ໜີ້. ໃຊ້ໜີ້ອັນນີ້ເປັນບົດຮຽນ ຖ້າຄິດຊິເປັນໜີ້ຕ້ອງຄິດຫາທາງໃຊ້ໜີ້ກ່ອນ. ສູ້ໆເດີ້

ຄິດດີ ເວົ້າດີ ເຮັດດີ