<a href="http://img.laoupload.com/"><img src="http://img.laoupload.com/images/90249389944278839511.jpg" border="0" alt="img.laoupload.com | ບໍລິການ ອັບໂຫລດຮູບ ຝາກຮູບ ດາວໂຫລດຮູບ ເກັບຮູບ ສົ່ງຮູບ ຮັກສາຮູບ ຟຣີ!!!!" /></a><a href="http://img.laoupload.com/"><img src="http://img.laoupload.com/images/88145092807926930620.jpg" border="0" alt="img.laoupload.com | ບໍລິການ ອັບໂຫລດຮູບ ຝາກຮູບ ດາວໂຫລດຮູບ ເກັບຮູບ ສົ່ງຮູບ ຮັກສາຮູບ ຟຣີ!!!!" /></a>
ຜູ້ຄົນສ່ວນໃຫຍ່ພະຍາຍາມຫາທາງປ້ອງກັນ ບໍ່ໃຫ້ແມງໄມ້ເຂົ້າໄປໃນເຮືອນຄົວຂອງເຂົາເຈົ້າ ແຕ່ພວກແມງໄມ້ຈຳນວນນຶ່ງ ແມ່ນສາມາດກິນໄດ້ ແລະເປັນອາຫານທີ່ມີຄຸນຄ່າສູງຕໍ່ຮ່າງກາຍ ຖ້າພວກເຮົາຫາກບໍ່ຄຶດວ່າ ແມງໄມ້ເຫຼົ່ານີ້ເປັນສັດປະເພດຕໍ່າແລະສົກກະປົກ. ຢູ່ ສປປ ລາວ ນັ້ນ ​ແມ່ນບໍ່ເປັນບັນຫາຫຍັງເລີຍ ​ເພາະວ່າເກືອບທຸກໆຄົນມັກນຳເອົາແມງໄມ້ທີ່​ກິນ​ໄດ້ນັ້ນ ມາກິນເປັນອາຫານຫວ່າງ ແລະໃນປັດຈຸບັນ ທາງອົງການສະຫະປະຊາຊາດ ກໍໄດ້ ຊຸກຍູ້ໃຫ້ຄົນ​ລາວ​ ພາກັນກິນແມງໄມ້ຫຼາຍຂຶ້ນ ຢູ່ໃນລາວ.
ນາງ LARISSA BRUNN ຈາກອົງການອາຫານ ແລະກະເສດຂອງສະຫະ ປະຊາຊາດ ກ່າວວ່າ ການຕໍ່ສູ້ທີ່ວ່ານີ້ ໄດ້ກ້າວ ເຂົ້າໄປສູ່ຂົງເຂດວຽກງານ ທີ່ບໍ່ຄ່ອຍໄດ້ຍິນມາກ່ອນ.

“ພວກເຮົາໄດ້ທຳການສຳຫຼວດ ໃນທົ່ວປະເທດ ຢູ່ລາວ ແລະພົບ​ວ່າ 95% ຂອງພົນລະ ເມືອງລາວ ກິນແມງໄມ້ ຊຶ່ງນີ້ສະແດງໃຫ້ເຫັນວ່າ ແມງໄມ້​ ໄດ້ເປັນພາກສ່ວນນຶ່ງ​ຂອງ ອາຫານ ແລະວັດທະນະທຳລາວ ແບບໃດ? ມັນຄືສ່ວນນຶ່ງ ຂອງໂພຊະນາການ ສຳລັບ ພວກເຂົາເຈົ້າ. ດັ່ງນັ້ນ ມັນຈຶ່ງບໍ່​ແມ່ນວ່າ ພວກເຮົາໄດ້ນຳສະເໜີສິ່ງໃໝ່ໆ ແຕ່ໃນທາງ ກົງກັນຂ້າມແລ້ວ ພວກເຮົາກຳລັງດຳເນີນງານ ກ່ຽວກັບພື້ນຖານ ທາງອາຫານ ທີ່ມີຢູ່ແລ້ວ ໃນລາວນັ້ນ.”

ນາງ ອາລູນ່າ ຖາວອນສຸກ ນັກຮ້ອງດັງຂອງລາວ ຜູ້ເປັນປຣີເຊັນເຕີ ຂອງໂຄງການດັ່ງກ່າວ​ ​ໄດ້​ກ່າວ​ກັບ​ນັກ​ຂ່າວ​​ວ່າ “ຂ້ອຍ​ກໍ​ມັກ​ກິນ​ແມງ​ໄມ້​ເຊັ່ນ​ກັນ ​ເປັນຕົ້ນ​ແມ່ນ​ໂຕ​ຈີ່​ຫຼໍ່, ​ຈີ່ນາຍ,​ຕັກ​ກະ​ແຕນ, ​ຕໍ່ ​ແລະ​ດັກ​ແດ້ມ້ອນ. ​ແຕ່​ຂ້ອຍ​ຄິດ​ວ່າ​ເຮົາ​ຄວນ​ຈະ​ເອົາ​ມາ​ປຸງ​ແຕ່ງ​ໃຫ້​​ເປັນ​ອາຫານ​ພື້ນ​ເມືອງ​ລາວ​ໄປ​ເລີຍ ທີ່​ເໜືອ​ໄປ​ຈາກ​ເປັນ​ຂອງ​ກິນ​ຫຼີ້ນ
ຈາກໜັງສືພິມ ເສດຖະກິດ-ສັງຄົມ