ຫລາຍຄົນເລັງເປົ້າຫມາຍໃຫ້ປະລິນຍາໂທປູທາງໃນການເຮັດວຽກ ແຕ່ວ່າປະລິນຍາໂທນີ້ຈະຊ່ວຍໃຫ້ເຈົ້າເຮັດວຽກງ່າຍຂຶ້ນ
ແທ້ຫລືບໍ່ ຕ້ອງຕອບໂຕເອງໃຫ້ດີໆໃນພາວະການເຮັດວຽກທີ່ເຮົາຕ້ອງແຂ່ງກັບຄົນທັງພາຍໃນພາຍນອກອົງກອນລະດັບຄວາມຮູ້
ທີ່ສູງຂຶ້ນກາຍເປັນໂຕແປທີ່ສຳຄັນ

ໃນການເຮັດວຽກບໍ່ວ່າຈະເປັນການໃຊ້ຄວາມຮູ້ຕັດສິນໃຈ ການປະເມີນເຫດການລ່ວງຫນ້າໃນອະນາຄົດ ການຮັບມືກັບບັນຫາ
ລວມເຖິງການພົວພັນຕ່າງໆ ສິ່ງເຫລົ່ານີ້ປະລິນຍາໂທອາດໃຫ້ເຈົ້າໄດ້ແຕ່ຈຸດສຳຄັນທຸກໆຢ່າງໃນການເຮັດວຽກລ້ວນຂຶ້ນຢູ່ກັບ
ໂຕເຈົ້າເອງທັງນັ້ນ ເຮົາມີຄຳຕອບທຸກເລື່ອງສຳຫລັບຄຳຖາມໃນເລື່ອງນີ້

Q ປະລິນຍາໂທໃຫ້ປະໂຫຍດຫຍັງໃນການເຮັດວຽກ
A ສິ່ງທຳອິດຄືຄວາມຮູ້ແລະຄວາມສາມາດໃນການວິເຄາະທີ່ໄດ້ຝຶກຝົນຈາກການຮຽນ ອີກທັງເພື່ອນໆໃນກຸ່ມອາດມີອາຊີບ
ແຕກຕ່າງກັນໄປ ເຊິ່ງຈະເປັນຈຸດປ່ຽນເຊື່ອມໂຍງໃນພາກທຸລະກິດຕ່າງໆ ໃຫ້ໄດ້ເປັນຢ່າງດີ ນອກເຫນືອຈາກນັ້ນເຈົ້າຍັງໄດ້ພາບລັກ
ຄວາມນັບຖືຈາກລູກນ້ອງ ເນື່ອງຈາກມີວຸດທິການສຶກສາຫລາຍກວ່າ ແຕ່ວ່າຕ້ອງຂຶ້ນຢູ່ກັບການເຮັດວຽກຂອງເຈົ້າເອງນຳວ່າເປັນຄົນ
ເຮັດວຽກເກັ່ງສົມກັບຈົບປະລິນຍາໂທມາຫລືບໍ່

Q ຮຽນປະລິນຍາໂທເພື່ອຮຽກຮ້ອງເງິນເດືອນຂຶ້ນໄດ້ບໍ່
A ຂະນະນີ້ການຮຽນປະລິນຍາເພື່ອເພີ່ມເງິນເດືອນບໍ່ໄດ້ຜົນອີກຕໍ່ໄປ ເພາະທາງບໍລິສັດຫລືຫນ່ວຍງານຈະເລັງທີ່ຜົນງານແລະປະສົບການ
ຂອງເຈົ້າຫລາຍກວ່າ ທີ່ສຳຄັນບາງບ່ອນຄຶດວ່າການຮຽນປະລິນຍາໂທເປັນການບຽດບຽນເວລາເຮັດວຽກອີກຊ້ຳໄປ ເພາະເຈົ້າຈະບໍ່ສາມາດ
ກັບບ້ານຄ່ຳຫລືເຮັດວຽກໃນວັນເສົາອາທິດໄດ້ ດັ່ງນັ້ນ ການຫາປະສົບການຄວບຄູ່ກັບການຮຽນເປັນສິ່ງຈຳເປັນຫລາຍທີ່ຈະເຮັດໃຫ້ເງິນເດືອນ
ເຈົ້າຂຶ້ນງ່າຍກວ່າການຖືໃບປະລິນຍາຍື່ນໃຫ້ທາງບໍລິສັດພຽງຢ່າງດຽວ

Q ຈຸດອ່ອນໃນການຮຽນປະລິນຍາໂທຂອງຄົນເຮັດວຽກແມ່ນຫຍັງ
A ຈຸດອ່ອນສຳຄັນຂອງປະລິນຍາໂທຄືການຈັດສັນເວລາ ຫາກເຈົ້າເຮັດວຽກຄວບຄູ່ກັບການຮຽນຮັບຮອງໄດ້ເລີຍວ່າສາຫັດເລີຍລະ ແລະຕ້ອງມີ
ຫລາຍເທື່ອທີ່ເຈົ້າລັກເອົາວຽກບ້ານເຂົ້າມາເຮັດໃນບ່ອນເຮັດວຽກ ຫລືໃຫ້ລູກນ້ອງຂອງເຈົ້າຊ່ວຍ ເຈົ້າຕ້ອງເຮັດໃຫ້ເຂົາເຫັນໃຫ້ໄດ້ ວຽກເຈົ້າບໍ່ເສຍ
ແລະສາມາດພັດທະນາວຽກງານໄດ້ດີກວ່າເກົ່າ ການຮຽນປະລິນຍາໂທຍັງເຮັດໃຫ້ເຈົ້າບໍ່ມີເວລາພັກຜ່ອນ ເມື່ອເຈິະບັນຫາທັງສອງດ້ານຕ້ອງໃຊ້
ເວລາ ເຈົ້າຈະຮູ້ສຶກເມື່ອຍແລະບໍ່ມີເວລາສ່ວນໂຕ ດັ່ງນັ້ນ ຕ້ອງຈັດສັນເວລາໃຫ້ດີແລະມີວິໄນກັບໂຕເອງ

Q ປະລິນຍາໂທຈຳເປັນຫລາຍປານໃດ
A ຄວາມສຳຄັນຂອງປະລິນຍາໂທນັ້ນຄົນທີ່ບອກໄດ້ຄືໂຕຂອງເຈົ້າເອງ ເພາະການຮຽນປະລິນຍາໂທຈະໃຫ້ທັງຄວາມຮູ້ ວິທີຄິດ ລວມທັງລະບຽບ
ວິໄນໃນການເຮັດວຽກຮ່ວມກັບຄົນອື່ນ ເຮົາຈະຕ້ອງມີຄວາມຮັບຜິດຊອບຫລາຍຂຶ້ນ ເຊິ່ງຈະສົ່ງຜົນດີຕໍ່ວຽກທີ່ເຮັດຫລາຍ ເພາະເຈົ້າຈະເປັນຄົນທີ່ມີ
ຄວາມຄິດທີ່ກວ້າງຂຶ້ນ

ຖ້າເຈົ້າຮຽນຈົບປະລິນຍາໂທໃນສາຂາທີ່ບໍ່ກ່ຽວຂ້ອງກັບວຽກທີ່ເຮັດ ແຕ່ຮຽນໃນດ້ານທີ່ໂຕເອງສົນໃຈອາດເຮັດໃຫ້ຜົນງານຂອງເຈົ້າອອກມາໄດ້
ບໍ່ເຕັມທີ່ ອາດຈະເລືອກເປັນຫລັກສູດສັ້ນໆໃນດ້ານທີ່ເຈົ້າສົນໃຈດີກວ່າ ຫລືໃຜມີເວລາບໍ່ພຽງພໍທີ່ຈະຮຽນປະລິນຍາໂທ ການເລືອກຮຽນວິຊາສະເພາະດີກວ່າ ແລະສະໄຫມນີ້ວຸດທິການສຶກສາບໍ່ສຳຄັນເທົ່າກັບວ່າເຈົ້າສາມາດເຮັດຫຍັງໃຫ້ແກ່ຫນ່ວຍງານຫລືບໍລິສັດໄດ້ຕ່າງຫາກ

ເຄີຍໄດ້ຍິນມາວ່າ..

ເຈົ້າຂອງບໍລິສັດກໍ່ສ້າງແຫ່ງຫນຶ່ງ ວຸດການສຶກສາບໍ່ຈົບປະຖົມ...... ບໍລິສັດບ້ານເຮົານິແຫລະ..

ລາວເລີ່ມຕົ້ນຈາກການເປັນກຳມະກອນ ຈົນນຳໄປສູ່ການມີບໍລິສັດເປັນຂອງຕົນເອງ...........

ຖ້າແນມບໍ່ອອກວ່າມັນເປັນຈັ່ງໃດ ໃຫ້ແນມເບິ່ງ ບິລ ເກຕ...

.

.

.

You should make what you plan..

ອືມແມ່ນໆໆ ຖ້າຈື່ບໍ່ຜິດເຄີຍອ່ານເຫັນວ່າ ບິລເກຕ ຮຽນບໍ່ຈົບມະຫາໄລແມ່ນບໍ່ ທ່ານຟີນິກສເທັນ
ຕາມຄວາມຄິດຂອງຂ້ອຍນະເວລານີ້ເດີ
ຂ້ອຍວ່າ ພວກທີ່ຮຽນສູງຫລາຍ ແບບໂທຂຶ້ນໄປ ຂ້ອຍວ່າມັນເປັນແບບເຈາະຈົງຢ່າງໃດຢ່າງໜຶ່ງທີ່ເຈົ້າສຶກສາຢູ່ ແລ້ວບາງທີມັນກໍ່ບໍ່ຈຳເປັນສຳລັບວຽກ
ທີ່ຈະເຮັດເລີຍ
ກົງກັນຂ້າມ ພວກຈົບຮອດຕຮີ ຮູ້ທົ່ວໄປໃນສາຂາທີ່ຕົນເອງເຮັດວຽກຢູ່ ພ້ອມທີ່ຈະເຮັດວຽກເລີຍ
ແລ້ວຍັງມີເລື່ອງປະສົບການອີກ ລະຫວ່າງ2-3ປີທີ່ເຈົ້າຮຽນຕໍ່ ກັບ 2-3ປີທີ່ເລີ່ມເຮັດວຽກໄປແລ້ວ
ປະສົບການຖືວ່າຈຳເປັນຫລາຍ ສົມມຸດເຈົ້າໄປສະໝັກວຽກໃດໜຶ່ງ
ໃດຍັງມີເລື່ອງອາຍຸອີກ ພວກຮຽນສູງແນ່ນອນຕ້ອງເຖົ້າກວ່າພວກຈົບຕຮີໃໝ່ ແລ້ວເບິ່ງໃນດ້ານການເຮັດວຽກ
ພວກເດັກໜຸ່ມໆມັນກໍ່ຕ້ອງມີໄຟຫລາຍກວ່າ ແມ່ນບໍ່ ??
ແລ້ວຍັງມີອີກ ບລາໆໆໆໆໆໆ ຄິດບໍ່ອອກແລ້ວ
ໃນຕອນນີ້ຂ້ອຍຍັງຮຽນຢູ່ ຍັງຢູ່ຊັ້ນສູງອີກຊ້ຳ ກໍ່ບໍ່ຮູ້ວ່າ ຫລັງຈາກຈົບຕຣີແລ້ວ ຄວາມຄິດນີ້ຈະປ່ຽນຫລືບໍ່ ແລ້ວຄ່ອຍວ່າກັນໃໝ່

ແມ່ນແລ້ວອຸ້ຍ... ບິລ ເກຕ ມັກໃນຄອມພິວເຕີຣ໌ ແຕ່ໄປຮຽນບໍລິຫານ..
ບົດຮຽນບໍລິຫານບໍ່ເຄີຍຄິດສິອ່ານ (ແຕ່ໄດ້ຄະແນນສູງຕະຫລອດ...)
ບິລ ເກຕ ຂຽນເກມ O-X ໄປຂາຍໃຫ້ຮ້ານຄ້າ..
ທຳອິດຂຽນແບບບໍ່ໃຫ້ມີໃຜຊະນະໄດ້ ສູງສຸດຄືສະເຫມີ..
ເຈົ້າຂອງຮ້ານບອກວ່າ “ຂຽນໃຫ້ຂ້ອຍໃຫມ່ແດ່ ຄົນເລີ່ມເບື່ອແລ້ວ ບໍ່ຊະນະຈັກເທື່ອ”
ເກຕ ມາຂຽນໃຫມ່ ຂຽນແບບສຸ່ມໃຫ້ມັນອ່ອນຂໍ້ໃຫ້...
(ເກຕ ເຈົ້າເລ້.. ໄດ້ເງິນ 2 ຕໍ່..)

ເຮີ່ ໆ

ຄ່າຂອງຄົນ ແມ່ນໃຫ້ເບີ່ງທີ່ຜົນຂອງງານ

ເຫີ່ໆ

ແຕ່ວ່າຜູ້ທີ່ຈົບໂທເຂົາເຈົ້າກາເກັ່ງແທ້ຍອມຮັບ, ແຕ່ບາງຄົນບໍ່ຈົບຫຍັງແຕ່ໃຊ້ຄວາມຂະຫຍັນຊອກຮູ້ຊອກເຫັນຫຼາຍຢ່າງແລ້ວນຳມາວິເຄາະແລະທີ່ສຳຄັນ
ແມ່ນຕ້ອງຍອມຮັບເອົາຄຳຕຳນິຈາກຄົນອ້ອມຂ້າງແລ້ວນຳມາວິເຄາະໃຫ້ເກີດປະໂຫຍດກັບໂຕເອງກໍ່ກາຍເປັນຄົນເກັ່ງຄືຄົນທີ່ຈົບໂທກໍ່ມີ ຂ້ອຍກາເຫັນຫຼາຍແລ້ວ....

ຢ່າງຄຳເວົ້າຂອງນັກປາດຄົນໜື່ງແມ່ນມັກຊິນກັອບກີ້ບໍ່ຂ້ອຍກາບໍ່ແນ່ໃຈ ລາວໄດ້ກ່າວໄວ້ວ່າ: "ມະຫາວິທະຍາໄລຢູ່ນຳມະຫາຊົນ"

ຖ້າມີຄວາມສາມາດເຖິງກະຢາກຮຽນຫັ້ນລະ ບໍ່ມີໃຜດອກທີ່ບໍ່ຢາກຮຽນ
ແຕ່ຄິດໄປຄິດມາລະຢ້ານບໍ່ໄດ້ໃຊ້ຄວາມຮູ້ທີ່ຮຽນມາແຮະ ຢ້ານມໍລະນະພາບກ່ອນ

ຄັນເປັນຄົນຂີ້ຄ້ານຈົບຫຍັງມາກະບໍ່ສຳຄັນຫຍັງ

ແລ້ວແຕ່ຄົນ ແຕ່ລະຄົນມີວິທີຮຽນທີ່ແຕກຕ່າງກັນ ບາງຄົນເລືອກຮຽນຈາກຊີວິດຈິງ ປະສົບການຈິງ ບໍ່ຈຳເປັນຕ້ອງໄປມະຫາວິທະຍາໄລ ກະປະສົບຜົນສຳເລັດໄດ້...ບາງຄົນກະເລືອກທີ່ຈະສຶກສາຢູ່ໂຮງຮຽນ...

ເຮົາເອງຖ້າມີໂອກາດຮຽນກໍຈະຮຽນໃຫ້ສູງເທົ່າທີຈະຣຽນໄດ້
ມີຫມີຮຽນປຮິນຍາໂມຈາກເມືອງນອກແຕ່ພາສາອັງກິດບໍແຂງ
ເລີຍຂະນາດຮຽນຫລັກສູດອັງກິດບໍວ່າຕົນເອງເກັ່ງດອກແລະບໍ່ໄດ້ເທົ່າລາວຊ໊ຳ

ສຳຄັນລະບໍ້ ມັນເປັນສ່ວນປະກອບການຕັດສິນໃຈຂອງເຮົາ

ເຮົາຮຽນ ບັນຊີ ແຕ່ມາເປັນ ວິສະວະກອນ ສະນັ້ນ ການສືກສານະ ບໍ່ ເທົ່າ ໂອກາດ ແຕ່ການສຶກສາກະສຳຄັນ

ແມ່ນ

ກະສໍາຄັນໝົດຫັ້ນລະ

ສຳລັບເຮົາ ຂໍເກັບກ່ຽວປະສົບການຫລັງຈົບຕຣີນີ້ກ່ອນ ສ່ວນຕອນຕໍ່ໄປ ບໍ່ທັນໄດ້ຄິດ..

ເຮົາເຫັນບາງຄົນຈົບໂທຄວາມຮູ້ຍັງບໍ່ທໍ່ຄົນຈົບຕີ ການທີ່ມີໃບປະກາດປຣີນຍາໂທບໍ່ຕັດສີນເດັດຂາດວ່າບຸກຄົນນັ້ນເກັ່ງ ຄົນທີ່ເກັ່ງເຂົາອາດພຽງເເຕ່ບໍ່ທັນມີໂອກາດໄດ້ຮຽນ ສຳລັບເຮົາບອກຕົງໆໃບປະກາດໂທບໍ່ບົ່ງບອກຄວາມເກັ່ງຂອງຄົນໄດ້ຮ້ອຍເປີເຊັນ ບາງຄົນມີພໍເອ້ຊື່ໆ ພິສູດຢູ່ຄວາມສາມາດຂອງການເຮັດວຽກ ປະສົບການເຮັດວຽກກໍ່ຖືວ່າສຳຄັນ

ຂໍຈົບຕີກ່ອນລ່ະຄ່ອຍວ່າກັນ

ປະລີນຍາທຸກໃບມີຄວາມສຳຄັນ (ຮຽນແລ້ວຮຽນອີກຮຽນເລື້ອຍໆໄປ)
ຖ້າມີໂອກາດ ຂພຈ ກໍ່ຈະຮຽນຕໍ່ໂທ

ຮຽນເປັນແຕ່ໂທລະສັບຢ່າງດຽວ