- Lao ຈະຖ່າຍທອດສົດ ເຕະບານ ພຣີເມ່ຍລີກອັງກິດ (ບັນເທີງ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ບັນເທີງ » ກິລາ » Lao ຈະຖ່າຍທອດສົດ ເຕະບານ ພຣີເມ່ຍລີກອັງກິດ

laolovelao ໘໕ ກະທູ້ ໙໙໓ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 11 ປີ ກ່ອນໜ້ານີ້ ຕອນຄໍ່າວັນທີ 19 ກັນຍາ 2013 ນີ້ ຢູ່ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ໄດ້ມີພິທີເຊັນສັນຍາຮ່ວມມືບໍລິຫານລິຂະສິດ ຖ່າຍທອດສົດການແຂ່ງຂັນກິລາບານເຕະພຣີເມ່ຍລີກອັງກິດ ລະຫວ່າງ ທ່ານ ກິດສະນັນ ງາມປະຕິພົງ ປະທານເຈົ້າໜ້າທີ່ບໍລິຫານບໍລິສັດ CTH- SSN Television ປະເທດລາວ ກັບທ່ານ ສະຖາພອນ ບຸນຊູວົງ ປະທານບໍລິສັດເຊົ້າສະຕ້າເນັດເວີກຈຳກັດ (South Star Network) ແລະ ທ່ານ ທັດສະຄອນ ທຳມະວົງ ປະທານບໍລິສັດທີເຄຈຳກັດ ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊະມຸນຕຣີ ລັດຖະມົນຕີ ຊ່ອຍວ່າການກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ທ່ານ ກິດຕິສັກ ກ່ອມຈິດ ເອກອັກຄະລັດຖະທູດ ທີ່ປຶກສາ ແຫ່ງ ຣາຊະອານາຈັກໄທ ປະຈຳ ສປປ.ລາວ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ທ່ານ ກິດສະນັນ ງາມປະຕິພົງ ໄດ້ກ່າວວ່າ: ບໍລິສັດ CTH ຈຳກັດ ປະເທດໄທ ໄດ້ສ້າງຕັ້ງຂຶ້ນດ້ວຍທຶນຈົດທະບຽນ 1.000 ລ້ານບາດ (ສະກຸນເງິນໄທ) ເປັນຜູ້ໃຫ້ບໍລິການໂທລະພາບໃຊ້ສາຍ ຫຼື Cable TV ໃນລະບົບດິຈິຕອນທີ່ທັນສະໄໝ ທັງໃຫ້ບໍລິການລະບົບສາຍເຄເບິ້ລ ຜ່ານໂຄງຂ່າຍສາຍໄຍແກ້ວ ລະບົບດາວທຽມ ແລະ ລະບົບອິນເຕີເນັດ ມີສັນຍານຄອບຄຸມທົ່ວປະເທດໄທ ປັດຈຸບັນ ບໍລິສັດໄດ້ໃຫ້ບໍລິການ ລາຍການທີ່ເປັນຂ່າວສານ ສາລະໜ້າຮູ້ ຄວາມບັນເທີງຫລາກຫລາຍ ຮູບແບບ ໃນລະບົບພາບທີ່ມີຄວາມແຈ້ງທີ່ສຸດ(Hight Definition) ຊຶ່ງສ້າງຄວາມແຕກຕ່າງໃນການຮັບຊົມໂທລະພາບທີ່ໜ້າຕື່ນຕາຕື່ນໃຈ ໃຫ້ກັບລູກຄ້າທີເປັນສະມາຊິກ ແລະ ໄດ້ຮັບການຕອບຮັບເປັນຢ່າງດີ ຢູ່ຫລາຍປະເທດໃນປັດຈຸບັນ ຊຶ່ງນອກຈາກລາຍການທີ່ມີຄຸນະພາບແລ້ວ ຍັງເປັນຜູ້ທີ່ໄດ້ຮັບລິຂະສິດໃນການເຜີຍແຜ່ສັນຍານການຖ່າຍທອດສົດ ການແຂ່ງຂັນເຕະບານພຣີເມ່ຍລີກປະເທດອັງກິດ ຕະຫລອດໄລຍະ 3 ລະດູການ ນັບແຕ່ລະດູການ 2013-2016 ໂດຍລູກຄ້າທີ່ເປັນ ສະມາຊິກສາມາດຮັບຊົມໄດ້ທຸກໆຄູ່ຂອງການແຂ່ງຂັນ. ບໍລິສັດ CTH ປະເທດໄທ ຈິ່ງສ້າງຕັ້ງບໍລິສັດ CTH-SSN ເທເລວີເຊິນ ຢູ່ ສປປ.ລາວ ໂດຍຮ່ວມກັບ ບໍລິສັດ ເຊົ້າສະຕ້າເນັດເວີກລາວຈຳກັດ ແລະ ບໍລິສັດທີເຄ ຈຳກັດ ໂດຍມີທຶນຈົດທະບຽນ 100 ລ້ານບາດ ເພື່ອໃຫ້ບໍລິການໂທລະພາບສາຍເຄເບິ້ລຢູ່ ສປປ.ລາວ ນັບແຕ່ນີ້ ເປັນຕົ້ນໄປ ປະຊາຊົນລາວທຸກຄອບຄົວ ຈະສາມາດຮັບຊົມໂທລະພາບ ລະບົບ HD ທີ່ມີຄວາມແຈ້ງຊັດທີ່ສຸດ. Link
zuzuki ໕໕ ກະທູ້ ໔໓໕໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ CTH- ເຂົາຖ່າຍຢູ່ແລ້ວ ນັກສຶກສາ ປັນຍາຊົນ ຄົນແຫ່ງສະຕະວັດທີ 21 ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ
ToonSSV ໒໐ ກະທູ້ ໓໙໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ນອກຈາກ CTH- ມີຊ່ອງໃດອິກລະນິ??
luffy ໑໔໐ ກະທູ້ ໑໗໙໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ກຳ xີ້ ດີກວ່າກຳ xົດ
Cupcake ໑ ກະທູ້ ໕໙໗ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ຄັກ
Ninu ໓ ກະທູ້ ໑໖໘ ໂພສ ນັກການກະທູ້	ຂຽນເມື່ອ ຫລາຍກວ່າ 11 ປີ ກ່ອນໜ້ານີ້ ເປັນຂ່າວທີ່ດີ....

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.