ຫນ ຫນ້າ ........ .ຫມາ ຫມ ຫມາກແຫນ່ງ
ຢາກກິນແກງ..... .ທັງຫມົກຫນໍ່ໄມ້
ໄຟໃຫມ້ຫມໍ້..........ເຫມັນກູ້ມຫນ້າຫນ່າຍ
ແຫນງເພກໄມ້..... ມີປ້ອງຮອດປາຍ....ຫນໍນາງ.

ຫາກມີຄຳຄົມ ໃຫ້ສົມກັນກັບຫນ້າຂີ້ກະສິວຂອງສາວໆຂື້ນໃຫມ່, ຄິດໄປໄກວ່າ ເປັນຫຍັງສາວຂື້ນໃຫມ່ຈຶ່ງມີຂີ້ກະສິວເຕັມຫນ້າ?
ອີ່ຕົນສາວນ້ອຍກຳລັງແຮງສູງ.
ມັນກະຂື້ນຢູ່ແນ່ນອນນຳການຮັກສາຄວາມສອາດຜິວຫນ້າ.
ແຕ່ສາວນ້ອຍຜູ່ທີ່ກາກກຳດຳນາຊ່ອຍພໍ່ແມ່ຊິເອົາເວລາໃດມາບົວຣະບັດຂັດສີໄດ້.
ຫາກຢາກມີຫນ້າຂາວງາມກ້ຽງປ່ອຍລ່ອຍ ກະຕ້ອງເສັຍສະລະເວລາໃຫ້ໃບຫນ້າຂອງຕົນສເມິ...ບໍ່ຊັ້ນແລ້ວຊິໄດ້ໄປຂີ້ອາຍບ່າວແວງຈາກບ້ານອື່ນ..
ແຕ່ຄວາມຈິງກະກາກກຳນຳແຕ່ວຽກມັນກະຕ້ອງໄດ້ຫນຶ່ງເສັຍຫນຶ່ງໄປ..
ຫາກແຕ່ວ່າຖ້າສາວນ້ອຍທີ່ຢູ່ໃນເມືອງ,ຢູ່ນຳພໍ່ແມ່ຜູ່ທີ່ມີເງິນມີຄຳປານ ດອກ ເຫັດຍາມຝົນຕົກແລ້ວກະບໍ່ມີບັນຫາຫຍັງ, ໄປຮ້ານເສີມສວຍ ໃຫ້ເຂົາຊ່ອຍລ້າງຫນ້າ ທາສີຄີ້ວໃຫ້ຢ່າງສບາຍ.
ແຕ່ມັນກະມີອີກບັນຫາຫນຶ່ງທີ່ອາຈບໍ່ຂື້ນກັບຈຳນວນເງິນທີ່ຕິດຖົງນັ້ນ ແຕ່ວ່າ ມັນມີສ່ວນໃນສ່ວນປະກອບທີ່ຕົກທອດມາຈາກພໍ່ແມ່ກະມີ..ທີ່ວ່າ ເຣັດຈັ່ງໃດແສນວ່າຈະເອົາໃຈໃສ່ນຳໃບຫນ້າຫັ້ນແຕ່ມັນກະຍັງມີສິວເຕັມຢູ່..
ອາຈເປັນເພາະ ກິນເຜັດໂພດບໍ?
ອາຈເປັນຍ້ອນຮໍໂມນທາງເພດສູງ?(ສົມຄວນຫາທາງຣະບາຍອອກ!)
ອາຈເປັນເພາະມັກນອນເດິກໂພດ!?
ມີແຕ່ຄຳຖາມຫາຫັຍງມາຕອບພໍໃຫ້ອຸ່ນໃຈກະບໍ່ມີ.
ແຕ່ທີ່ຈິງສາວໆຂື້ນໃຫມ່ສົມຄວນເປັນຄົນງາມກັນໄປຫມົດທັງໂລກ...
ແຕ່ອີກປະການຫນຶ່ງ ຄວາມອ່ອນໃຫວທາງອາຣົມໂກດແຄ້ນກະອາຈເປັນສ່ວນຫນຶ່ງຂອງການມີຂີ້ກະສິວ!!
ເວົ້າໄປແບບບໍ່ມີຫຼັກການ!!ໃຫ້ສາວນ້ອຍຫຶນ, ໃຈຮ້າຍ ຫນ້າງໍ ຍາມນັ້ນແຮ່ງຊິມີຂີ້ກະສິວເຕັມຫນ້າ!!!
ແຕ່ກະມີອີກວ່າ ໃຜມີຈິດໃຈຜ່ອງໃສ, ເບີກບານ ນັ້ນກະເປັນແນວທາງຫນຶ່ງທີ່ອາຈລົດການມີສິວໄດ້...
ຈັ່ງຊັ້ນຢ່າສູ້ເປັນຄົນໃຈຫວຶດຫວື່ ຫນ້າຊິຂື້ນຝ້າ ແລະສິວ!!!

ຄິດວ່າປີໃຫມ່ນີ້ ຄົງບໍ່ມີຂີ້ກະສິວແລ້ວຕິເຈົ້າ?
ເພາະວ່າອ່ອວຍພອນອັນປະເສິດແກ່ສາວໆລາວທັງນ້ອຍໃຫຍ່ທຸກຖ້ວນຫນ້າ!!!

ປ່ຽນທິດທາງ..
ມາຫຼີ້ນພັນລາວນີ້ໄດ້ ທົບທວນແລະເຫັນຄ່າຂອງຄຳເວົ້າຫຼາຍຄຳທີ່ຂາດຫຫາຍໄປຈາກຄວາມຈື່ຈຳ...
ແຕ່ກະມີບາງຢ່າງທີ່ຫນ້າອານາດໃຈ ກະຄືວ່າຫຼາຍຄົນບໍ່ຂຽນຄວາມລາວແຕ່ວ່າແປມາຈາກໃສຂຽນລົງໄປ ດ້ວຍອັກສອນລາວແຕ່ບໍ່ແມ່ນຄວາມລາວ!!
ບໍ່ອຸກໃຈເພາະເຂົ້າໃຈດີ ວ່າເຂົາເຈົ້າບໍ່ຮູ້..
ເພາະພາສາລາວຫຼາຍບາດຕອນໄດ້ເກິດມີ amnesty ໄປ ຂາດກົກເຄົ້າ,ຂາດຄວາມ ມີ logic ຫຼາຍຄົນຄິດວ່າ ສັກ ທີ່ເອົາມາໃຊ້ ມັນແມ່ນຄຳດຽວກັນກັບ ຈັກ.
ແຕ່ທີ່ຈິງ ສັກ ໃນຄວາມຫມາຍເດີມແມ່ນຍົດສັກ ບໍ່ແມ່ນ ຈັກທໍ່ໃດ, ຈັກເມື່ອໃດ, ຈັກກິ່ຂັ້ນ, ແລ້ວເມື່ອໃດ..
ເວົ້າມາຈັ່ງຊີ້ຫຼາຍທ່ານຄົງຖືກຕຳໃຈເພາະເພິ່ນທັງຫຼາຍເປັນລາວຮ້ອຍເປິເຊັນ!!
ຫຼາຍຄົນຂີດຂຽນກອນ ທີ່ຈັດເຂົ້າໃນ ຫຼັກການແບບແຜນຂອງວັນນະກອນລາວບໍ່ໄດ້ ແຕ່ກະເອີ້ນກັນວ່າກອນ,ກາບ...
ທັງໆທີ່ຮູ້ກັນດີວ່າກອນລາວຫັ້ນມີແບບມີແຜນທາງການຂຽນຢ່າງຄັກແນ່ບົ່ງບອກໄວ້, ມີຊື່ວ່າ ກອນ,ກາບ, ໂຄງ..ນາໆປະການ..
ແຕ່ເຮົາຜູ່ຢູ່ໄກຈາກດິນທີ່ຝັງສາຍແຫ່ບໍ່ອາຈມີຄວາມສຳຄັນແລະເຫດຜົນທໍ່ຜູ່ຢູ່ກັບທີ່ກັບຖານ(ບໍ່ແມ່ນຫມາຍເຖິງສ້ວມຖ່າຍເດິ!)ເວົ້າຫຍັງກະບໍ່ຂື້ນປານເພິ່ນແຫຼະ!
ກະຕາມ!
ເຮົາມີມານະແລະອຸດົມການຂອງເຮົາສເມິມາ ແລະຄົງຈະ ຕລອດໄປ..
ຫຼາຍຄັ້ງໄດ້ຟັງການສຳພາດໃນວິທຍຸ ສຽງເອເຊັຍເສຣີທີ່ອອກກະຈາຍສຽງໄປໃຫ້ຄົນລາວຟັງຫັ້ນ ເຈັບໃຈທີ່ເຈົ້ານາຍຄົນລາວໃຫ້ສຳພາດ ແທນທີ່ຈະເວົ້າຄວາມລາວກັບເວົ້າໄທປົນລາວ ປານວ່າ ເຈັກທີ່ເກິດຢູ່ລາວແຕ່ໄປທຳມາຄ້າຂາຍຢູ່ໄທແລ້ວເວົ້າສັບສົນປົນເລປານວ່າແກງເຜັດສຳມະພັດ!!
ຈັບຕົ້ນຊົນປາຍແບບວ່າບໍ່ຮູ້ຂີ້ຫມູຂີ້ຫມາຫຍັງນີ້ລະ!!
ຫາກວ່າຂ້ອຍເປັນຫົວຫນ້າແລ້ວສົງໃສວ່າຈະໃຫ້ຜູ່ກ່ຽວໄປຊອກຫາວຽກໃຫມ່ແຫຼະ!!ບໍ່ແມ່ນວ່າລັງກຽດພາສາໄທປະການໃດ ແຕ່ໃນນາມພນັກງານຂອງຣັຖບານແລະພນັກງານຂອງຊາດລາວສົມຄວນຮູ້ຫຼັກການແລະພາສາແມ່ຂອງໂຕເອັງ!!
ວ່າບໍ?
ຢ່າງນ້ອຍກະຄວນຫນ້າອາຍໂຕເອັງຫາກວ່າບ່ຫນ້າອາຍຊາດເກິດ!
ຫາກວ່າຜູ່ໄປຮຽນມາແຕ່ໄທກະເວົ້າສັບສົນປົນເປພາສາໄທພາສາລາວ ,ຫາກຜູ່ໄປຮຽນມາແຕ່ຫວຽດຫາກເວົ້າສັບສົນປົນເປຫວຽດປະສົມລາວ, ຫາກຜູ່ໄປຮຽນຍິ່ປຸ່ນເວົ້າຍີ່ປຸ່ນສັບລາວ..
ແລ້ວແບບນີ້ກະຄືຫົນທາງທີ່ດີທີ່ປູໃຫ້ໄວ້ເປັນທາງໄປສູ່ ສູ່ສານພາສາລາວໃນບໍ່ຊ້າ!!!

ມາແວະເບິ່ງ

ຫ+ນ=ໜ
ຫ+ມ=ໝ

ເບິ່ງແມຫັ້ນວ່າມັນເປັນຈັ່ງໃດ?

ຫ+ນ=ໜ
ຫ+ມ=ໝ

ມັນປີ້ນເຈົ້າແລ້ວ!!
ສົງໃສມີການປະຕິຫວັດ ອັກສອນຄວບນີ້ ແລ້ວ!!!

ມີສາວງາມໆຂຽນ ຫ + ນ = ໝ
ແລະ ຫ+ມ= ໜ
ຮອດຕອນນີ້ ຂ້ອຍຍັງເຫັນວ່າ ທັງສອງໂຕປະກອບນີ້ ເປັນດັ່ງທີ່ຢາກໃຫ້ເປັນ!
ແຕ່ບໍ່ຮູ້ຈະເປັນໄປໃນຮູບໃດຫາກສົ່ງຜ່ານອາວະກາດ!ຈົ່ງຖ້າເບິ່ງເດິ!

ມັນບໍ່ມີຫຍັງປ່ຽນແປງເລີຍ!
ຫຼືວ່າພຽງແຕ່ຍາມມັນຢູ່ໃນຫນ້າຄອມຂອງຂ້ອຍຫັ້ນຕິເບາະ!
ແລ້ວເຈົ້າເຫັນຈັ່ງໃດ?

ໜີດຳ!!
ອະດີດ ເປັນທະຫານ ແຕ່ວຽກງານສ່ວນໃຫຍ່ຄົງແມ່ນ ເປັນນັກແຕ່ງເພັງໃຫ້ວົງດົນຕຣີ ກອງທັບ``ຣາບອາກາດວັງວຽງ``ແຕ່ປາງໂລກຍັງພໍມີສີສັນແກມຄວັນຫມື້ ແລະກິ່ນ``ນາປາມ``.
ທ່ານໜີດຳ ແມ່ນນາມປາກກາ ຫາກວ່າ ຢາກກັບໄປຫາຊື່ແທ້ຂອງເພິ່ນຫັ້ນຄືຊິໄດ້ຢູ່ ແຕ່ບໍ່ແນ່ໃຈວ່າຈະແມ່ນ ທ່າ ສ. ອຸ່ນວົງ ບໍ ຫຼືຈັ່ງໃດນີແຫຼະ!!!
ທ່ານເປັນໜີດຳໂຕດຽວທີ່ເປັນແຮງດັນໃນການຂີດຂຽນເພັງໃຫ້ ກ. ວິເສດ ຮ້ອງ ໂດ່ງດັງຜ່ານມາ.
ຈາກເພັງຕ່າງໆທີ່ມີຄວາມນິຍົມຕລອດມາ. ຈະເປັນເພັງ
- ທຳມະຊາດ ເມືອງສູ້ຍ;
- ໝາວໜອກ;
- ຊີວີດທະຫານ;
- ໄທດຳລຳພັນ;
- ຊັງຄົນຫຼາຍໃຈ;
- ສາວໂພນຮົງ;
- ຈອມໃຈຄົນຈົນ;
- ບ້ານແມ້ວ( ຕາມຄວາມຈື່ ຍັງມີວ່າເພັງນີ້ແຕ່ງຂື້ນຕອນທ່ານໄປຝຶກຝົນທາງທະຫານທີ່ອະເມຣິກາ-ທີ່ຮາວາຍ!?)
ເພື່ອເຂົ້າເສັງເພັງທີ່ມີຂື້ນຢູ່ວຽງຈັນຄາວນັ້ນ ບໍ່ໄດ້ຮັບຣາງວັນເພາະບໍ່ຖືກກະຕິກາ.ຍາມນັ້ນແມ່ນ ຫົວຂໍ້ເຣື້ອງແມ່ນ ການສືກສາ. ບາດບ້ານແມ້ວພັດບໍ່ກ່ຽວສາກັບການຮຽນ.ກະໄດ້ທີ່ສີ່ໄປ.ສ່ວນທີຫນຶ່ງແມ່ນເພັງຂອງຄຳຫຼ້າຫນໍ່ແກ້ວ ຄືເພັງ``ປູ່ສອນຫຼານ``ທີສອງ ແມ່ນຂອງສີລາວົງ``ຫນຸ່ມລາວຝັນເພີ້``ແລະທີ່ສາມກະແມ່ນຂອງ ຄຳພູທະວີວັນ``ຈົດຫມາຍນ້ອຍ``.
ຜົນງານຂອງເພິ່ນແມ່ນມີຫຼາຍທີ່ວ່າຫາກໃຜຢາກຮູ້ກະຊິເອົາມາເວົ້າສູ່ຟັງໄດ້!!
ແຕ່ດຽວນີ້ ກາຍມາເປັນ ບ້ານໂມ້ງ!!


ໜີດຳ ໂຕນີ້ ມີ ເລັບ ແຫຼມກວ່າ ໂຕອື່ນ ແຕ່ ຄວາມນິຍົມຊົມຊອບສ່ວນຫຼາຍແມ່ນນັກຮ້ອງເປັນຜູ່ໄດ້ຮັບຫຼາຍກວ່າ .
ທຸກຄົນຮູ້ ກ.ວິເສດ ແຕ່ບໍ່ມີໃຜຈື່ໄດ້ວ່າ ຢູ່ທາງຫຼັງຂອງ ກ.ວິເສດນັ້ນແມ່ນໜີດຳຫັ້ນເປັນເຈົ້າກີ້ເຈົ້າການ..

">Linkບ້ານແມ້ວ

ຢູ່ເມືອງລາວ- ຢູ່ໃນປ່າຂອງເມືອງລາວ ມີນັກຄົ້ນຄົ້ວທາງສັດສາວາສິ່ງໄດ້ຄົ້ນພົບເຫັນ ``ໜີແດງ``!
ເວົ້າແທ້ໃດ໋ນີ້ ແລະກະບໍ່ໄດ້ ສຽດແທງອີ່ຫຍັງ. ເປັນໜີ ຂ້ອນຂ້າງໂຕນ້ອຍ ຫາກຈື່ບໍ່ຜິດ ຊື່ທາງພາສາ ອັງກິດຊື່ຫນຶ່ງບອກວ່າ``Fire fox" ຄືກັນກັບຣະບົບການເຮັດວຽກຂອງເນດ ຫັ້ນແຫຼະ.
ບາດແລ້ວຊິຫາເອົາຮູບມັນມາໃຫ້ເບິ່ງ, ມື້ນີ້ຕິດຫນີ້ກ່ອນ ເພາະວ່າຄວາມຄິດມັນມາໄວກ່ອນການກະກຽມ ກະຈຶ່ງຂຽນແລະຕິດຫນີ້ໄວ້.
ເພິ່ນວ່າໄວ້ ວ່າມັນເປັນໜີພັນດຽວຄ້າຍຄືກັນກັບ ໜີ ``ພັນດາ``ທີ່ຢູ່ຈີນຫັ້ນ.ແຕ່ວ່າມີຂົນສີແດງ!
ຫາກວ່າ ພວກເດິນປ່າ!!ພວກກວນປ່າໄປເຫັນມັນກະຄິດວ່າເປັນມື້ສຸດທ້າຍຂອງມັນແລ້ວ...ໂຊກມັນຮ້າຍເກິນໄປ..
ແຕ່ຂ້ອຍກະໄຫວ້ວອນພາວະນາຢ່າໃຫ້ພວກຜີປ່າຫັ້ນໄປພໍ້ມັນເລິຍ!!
ເພາະມັນຈະສູນພັນໄປຈາກໂລກ ຈາກດິນແດນທີ່``ອຸດົມຮັ່ງມີ``ຫັ້ນໄປຫມົດ.
ຫາກໃຜຮູ້ເຣື້ອງນີ້ ກະມາເວົ້າສູ່ກັນຟັງຕໍ່ ຂ້ອຍມັກຟັງອີ່ຫຍັງທີ່ກ໋ຽວກັບສັດສາວາສິ່ງ ຮີດຄອງປະເພນີລາວ...
ຫາກວ່າຂິນໃຈທີ່ເວົ້າໄປແບບບໍ່ມີຂື່ມີແປ ກະແລ້ວແຕ່ໃຈເຈົ້າຊິຄິດ..
ຂ້ອຍໄດ້ເຫັນຮູບໜີ ແດງນີ້ແລ້ວ..
ຢາກເຫັນໂຕເປັນໆ ໃນແດນດິນຖິ່ນໄກ ເຫຼຶອຕາ...

ເຂົ້າມາລະງົງ້ລີຍ
ມັນກ່ຽວກັບຫຍັງລະນິ

ຄຳເຫັນສຸດທ້າຍຫັ້ນເບາະ ?

ແມ່ນເວົ້າເຖິງໜີແດງທີ່ມີພູມລຳເນົາຢູ່ໃນລາວມາຊົ່ວຟ້າຊົ່ວປີ ທີ່ອາຈສູນພັນໄປໃນບໍ່ຊ້າບໍ່ນານນີ້ ຫັ້ນດອກ ທ້າວ ບໍ່ແມ່ນການເມຶອງເດິ ໜີແດງນີ້ ແມ່ນໂຕໜີແດງ ແທ້ໆນີ້ແຫຼະ.ຈະເອົາຮູບມັນມາໃຫ້ເບິ່ງມື້ວັນຈັນ.

ແມ່ນຫວາ

ຂອບໃຈຫຼາຍເດີລຸງເທົາ

ແລ້ວສິຖ້າເບິ່ງ

ນີ້ຄືຮູບ ໜີແດງພ້ອມທັງຊື່ອື່ນໆທີ່ອາຈເອີ້ນກັນ. ຕ້ອງຂໍໂທດທີ່ບໍ່ໄດ້ແປເປັນລາວ..

ເຂົ້າເບິ່ງໃນນີ້ກະໄດ້ ຫາກວ່າ ຮູບທີ່ສົ່ງມາບໍ່ສາມາດປະກົດຂື້ນ.


http://en.wikipedia.org/wiki/Red_Panda

ບໍ່ຮູ້ວ່າໃຜເຂົ້າໄປເບິ່ງໄປອ່ານແລ້ວຫຼືບໍ່ວ່າມັນເຄີຍມີຈິງ ກ່ຍວກັບໜີແດງນີ້ ຢູ່ລາວຄາວກ່ອນ!
ຢາກໃຫ້ຄົນລາວເຮົາທຸກຄົນແນມເຫັນຄວາມສຳຄັນຂອງສັດສານາໆພັນທີ່ເຄີຍຢູ່ອາສັຍໃນແຜ່ນດິນລາວຄືກັນກັບຄົນລາວ, ຄືກັນກັບກົບຂຽດທີ່ເຕັມປ່າເຕັມດົງ, ດັ່ງກົກໄມ້ກົກຕອກທີ່ເຄີຍພຸ່ງພົ້ນເຕັມປ່າເຕັມດົງ..
ຢູ່ແຈຕລາດເກົ່າຂອງເມືອງປາກເຊຫັ້ນມີຄອກສັດນ້ອຍໆຢູ່ແຈໃກ້ໆຕຶກຂອງຄອບຄົວສີສົມບັດ(ຫ້າຊັ້ນຫັ້ນ!) ມີຄອກສັດທີ່ໃຜຮັບຊື້ແລະຂັງໄວ້..
ທຳອິດກະໂຕຫນຶ່ງ.ຄາວໄດ້ໄປເຫັນແມ່ນມັນຢູ່ໃນຄອກແຄບໆຫັ້ນນໄກັນຫ້າໂຕ!!
ບໍ່ຮູ້ວ່າຊື່ຈັ່ງໃດ ແຕ່ເປັນພາສາຕ່າງປະເທດເອີ້ນວ່າ:"BITURONG" ຂ້ອຍໄດ້ຢຸດເບິ່ງເປັນເວລານານເພາະກັບມາແຕ່ວຽງຈັນຕອນເຊົ້າ ບັງເອີນຍ່າງເລາະໄປແຖວເກົ່າທີ່ເຄີຍຍ່າງຊື້ຂອງໃນຕລາດເກົ່າຄາວຍັງຮຽນຢູ່ວິທຍາລັຍປາກເຊ...
ໂຕສັດທັງຫ້ານີ້ ມັນກະຫນ້າຮັກ ທຳອິດກະຄິດຢ້ານບໍ່ກ້າເຂົ້າໃກ້.ແຕ່ຕໍ່ມາຄົນທີ່ລ້ຽງເກຶອພວກມັນຫັ້ນມາເອົາອາຫານໃຫ້ກິນ, ມີແຕ່ນ້ຳ ກັບຫມາກກ້ວຍ,,
ເຫັນເຂົາເອົາມືເຂົ້າໄປຢອກຫຼີ້ນກັບມັນ ຂ້ອຍກະໃຈດີຂື້ນແລະກ້າຍື່ນມືເຂົ້າໄປຄືກັນ...
ໂຕບິຕູຣົງມັນກະເລັຍມືຂ້ອຍ, ທຳອິດຄິດວ່າມັນຊິເປັນທີ່ຫນ້າຂີ້ດຽດ ແຕ່ ນ້ຳລາຍຂອງມັນຫັ້ນມີກິ່ນ ຄ້າຍໆກັບນ້ຳມັນຫອມທີ່ມີຣາຄາແພງສະນິດຫນຶ່ງທີ່ເຄີຍຕ້ອງດັງມານານ ແຕ່ຄິດບໍ່ອອກໃນຍາມນັ້ນວ່າຊື່ຈັ່ງໃດ
ແຕ່ທົບທວນຫາກິ່ນນັ້ນໄດ້ກະຈົນວ່າຕອນກັບໄປແລ້ວ ຈຳໄດ້ວ່າກິ່ນນ້ຳລາຍນັ້ນມັນຄ້າຍກັນກັບກິ່ນຂອງ " Chanel"!!
ແຕ່ຫາກໄດ້ກັບໄປກໍຊິເອົາ ຊາແນນໄປນຳເພື່ອປຽບທຽບ ຫາກວ່າຄອກສັດນັ້ນຫາກຍັງຈະຄົງຢູ່!
ຮູບສັດນີ້ມີຢູ່ໃນ ອາລບັ້ມຂອງຂ້ອຍ ຫາກໃຜຢາກເບິ່ງກະແວະໄປເບິ່ງໄດ້ເດິ!!