ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ມ.ນ.. 14, 2012 | ມີ 12 ຄຳເຫັນ ແລະ 0 trackback(s)

*********ໃນທີ່ສຸດການຮຽນປີນີ້ກໍ່ມາຮອດມື້ສຸດທ້າຍແລ້ວ ໆໆໆ ໂອ້ຍ!! ຈັ່ງແມ່ນດີໃຈເດນໍ້ໆໆໆໆໆໆໆໆໆໆໆໆໆໆໆໆ

ນັກຮຽນມະຫາວິທະຍາໄລກະຈອກໆ ແບບເຮົານີ້ ຢ່າງນ້ອຍກະພູມໃຈແລ້ວທີ່ໄດ້ຮຽນຈົບມາ 2 ເທີມ 1 ປີ ພໍດີແລ້ວ

ແຮ່ໆໆ ມື້ນີ້ກໍ່ເປັນມື້ສຸດທ້າຍແລ້ວ ຫາກະສອບແລ້ວມາຫມາດ ໆໆ ໂລ່ງໃຈເວີ່ຍໆໆໆໆໆໆໆໆໆໆໆໆໆໆໆໆໆໆໆໆໆໆໆໆ

ຫລັງຈາກສອບແລ້ວອາຈານກະຄອມເມັ້ນວ່າ Well done ເຮັດໄດ້ດີຫລາຍໆໆ

*********ຫລັງຈາກນັ້ນກໍ່ພາກັນໄປກິນເຂົ້າສະຫລອງກັບເພື່ອນໆ ໂອ້ຍໆໆ!​! ຈັ່ງແມ່ນແຊບອາຫານກະດາຍ ອາກາດ

ກໍ່ຮ້ອນໆ ຊັດນ້ຳເຢັນໆ 2...3 ຈອກເຂົ້າໄປ ໂອໂຫ!! ຈັ່ງແມ່ນໄດ້ໃຈສົດຊື່ນຂຶ້ນມາເລີຍໆໆໆ ຫລັງຈາກກິນອີ່ມແລ້ວກໍ່

ພາກັນໄປກິນກາເຟຕາກແອເຢັນໆອີກ ຫລັງຈາກນັ້ນບຶດຫນຶ່ງກໍ່ພາກັນກັບໆໆໆໆໆໆໆໆໆໆໆໆ

*********ປີນີ້ສອບແລ້ວໄປລະ ປີຫນ້າຫມຸ່ງສູ່ປີ 2 ອີກ ໆໆ ນີ້ລະຫນໍຊີວິດນັກສຶກສາ ຮຽນແລ້ວຮຽນອີກຮຽນເລື້ອຍໆໄປ

ຢ່າຖອຍ ຢ່າທໍ້ ຂໍໃຫ້ມີພະລະກຳລັງ ສູ້ໆໆໆໆໆເດີ ..............................................

 

 

ຂຽນເມື່ອ ຂຽນເມື່ອ: ມ.ກ.. 31, 2012 | ມີ 16 ຄຳເຫັນ ແລະ 0 trackback(s)

......................................ທັກທາຍກັນດ້ວຍຄຳວ່າ: ໃຜອ່ານບໍ່ຈົບ ບໍ່ເມັ້ນເປັນຫມັນ..................................

.............ໂອໂຫຊີວິດ ຈັ່ງແມ່ນຜ່ານໄປໄວ໋ໄວໆໆໆໆໆໆໆໆໆໆ ບຶດດຽວຫນຶ່ງປີໃຫມ່ກະຜ່ານໄປແລ້ວ ສາສິເອະ ວັນ

ຊີວິດນີ້ຈັ່ງແມ່ນອັດສະຈັນ ສາສິເອະ ວັນຜ່ານໄປບໍ່ໄດ້ອິຫຍັງທີ່ເປັນຮູບເປັນຮ່າງຂຶ້ນມາເລີຍ ແຟນກະຍັງຫາບໍ່ພໍ້ (ຮິຮິຮິອັນນີ້ວ່າຫລີ້ນ)

ສໍກະຍັງບໍ່ເຫລົາ ເຂົ້າກໍ່ຈະຫມົດ ຕົດກໍ່ບໍ່ເຫມັນ ເສັ້ນເອນກະບໍ່ໃຫຍ່ ຫົວໃຈກະອ່ອນແອ ອີ່ແມ່ກະບອກວ່າສູ້ໆຕໍ່ໄປລູກທາງອອກມີສະເຫມີ

ຖ້າບໍ່ພົບເຈີແທ້ກໍ່ໃຫ້ໄປອອກທີ່ທາງເຂົ້າຫັ້ນແຫລະ !!! ຮິຮິຮິ.......ຊີວິດນີ້ອັດສະຈັນສະເຫມີ...ຖ້າເຮົາທຳຕົວດີ ມີສິນທຳປະຄັບປະຄອງໃຈ

ຊີວິດຈະມີຄ່າກໍ່ຕໍ່ເມື່ອເຮົາໄດ້ເຮັດສິ່ງມີຄ່າ...ຄ່າຂອງຄົນຈຶ່ງຢູ່ທີ່ຜົນຂອງງານ......ແຮ່ໆ (ແຕ່ຕອນນີ້ຍັງຫລັບໄຫລຢູ່)

...ມາສຳຫລວດເບິ່ງອະດີດ ສາສິເອະ ວັນທີ່ຜ່ານມາດີກ່ວາ...

ມີອິຫຍັງທີ່ດີໆແດ່ນໍ້ ຫລືມີແຕ່ຂີ້.....ໃນຈິດໃນໃຈ ໃນຕົນໃນໂຕ.........ອໍ້ພໍ້ແລ້ວໆໆໆ

............ຂີ້ຄ້ານ...

............ຫນັງສືບໍ່ໄດ້ອ່ານ...

............ນອນເດິກ...

............ຫລີ້ນຫລາຍເກີນໄປ...

............ວິທະຍານິພົນຍັງບໍ່ຂຽນຕໍ່...

............ຢືມຫນັງສືຫໍສະມຸດມາກອງໄວ້...

............ຫ້ອງຮົກ (ຫນ້ອຍຫນຶ່ງ) ...

............ເບິ່ງທີວີຫລາຍເກີນໄປ...

............ບໍ່ໃສ່ໃຈສຸຂະພາບ...

............ກິດຈຳເປັນຍັງປ່ອຍວາງ (ບໍ່ໃສ່ໃຈ) ...

............ສະຫມອງບໍ່ມີເລື່ອງດີໆເຂົ້າມາເຕີມ...

.......................ພໍລະເວົ້າໄປກໍ່ມີແຕ່ແນວບໍ່ດີ.....ຈັ່ງຊີ້ລະວາ ***ຈຶ່ງບອກວ່າຊັງນິດໄສຕົວເອງສຸດໆ***

ຕົວເອງຍັງບໍ່ພັດທະນາ...ແລ້ວຈະໄປພັດທະນາຄົນອື່ນໄດ້ແນວໃດວາ ??? ເວົ້າແຕ່ເຂົາ...ຕົວເຮົາເອງຍັງສອນບໍ່ໄດ້

ໃຜສິຍ້ອງວ່າດີນໍ້!...........ສະນັ້ນຈົ່ງມຸ່ງຫມັ້ນພັດທະນາຕົນເອງຕໍ່ໄປເດີ!!! ສອນຕົນເອງໃຫ້ໄດ້ ໃຊ້ຕົນເອງໃຫ້ເປັນ ເຫັນຕົນເອງ

ໃຫ້ຊັດໆ...ແລະປະຕິບັດແຕ່ສິ່ງດີໆໆກ່ອນຈຶ່ງໄປວ່າໃຫ້ຄົນອື່ນເດີ...ຕົວເອງ...........ຮິຮິຮິ

..................

.............................................

................................................................................31/ 1/ 55

 

 

 

ຂຽນເມື່ອ ຂຽນເມື່ອ: ມ.ກ.. 7, 2012 | ມີ 9 ຄຳເຫັນ ແລະ 0 trackback(s)

          ປີໃຫມ່ຜ່ານໄປໄວ໋ໆ! ບຶດດຽວຫນຶ່ງຮອດວັນທີ່ 7 ແລ້ວ............

ຂ້າພະເຈົ້າເຂົ້າໃຈວ່າ ທຸກຄົນເກີດມາດຽ໋ວໆກໍ່ຈາກໄປຕາມທາງຂອງໃຜມັນ

ມະນຸດທຸກຄົນຈະມີຄ່າກໍ່ຢູ່ທີ່ວ່າເກີດມາແລ້ວມີຜົນງານອິຫຍັງຝາກໄວ້ກ່ອນຈາກໄປ

         ຟ້າແລະດິນນັ້ນເຫດທີ່ຢູ່ໄດ້ດົນກໍ່ເພາະວ່າມັນບໍ່ໄດ້ຢູ່ເພື່ອຕົວເອງ ແຕ່ມັນຢູ່ເພື່ອຄົນອື່ນ...

ນັກປາດກໍ່ເຊັ່ນກັນ ເຂົາບໍ່ໄດ້ຢູ່ເພື່ອຕົນເອງ ແຕ່ເຂົາຢູ່ເພື່ອສ້າງຄຸນງາມຄວາມດີຝາກໄວ້...

ໃຫ້ອະນຸຊົນລຸ່ນຫລັງໄດ້ໃຊ້ປະໂຫຍດ...ແລະຂ້າພະເຈົ້າກໍ່ຄິດຈະເຮັດແບບນັ້ນເຊັ່ນກັນ (ອະນາຄົດ)

...................ແຕ່ຂ້າພະເຈົ້າມີສິ່ງທີ່ຢາກຂໍ..................

...ຂໍໃຫ້ຄວາມຫວັງດີຂອງຂ້າພະເຈົ້າຈົ່ງມີແດ່ທຸກຄົນ

...ຂໍໃຫ້ຂ້າພະເຈົ້າຈົ່ງມີພະລະກຳລັງທີ່ແຂງແຮງ ມີຈິດໃຈທີ່ເຂັ້ມແຂງພໍເອົາຊະນະຕົນເອງໄດ້

...ຂໍໃຫ້ຂ້າພະເຈົ້າຢ່າມີຄວາມໂລບ ແລະຄວາມເຫັນແກ່ຕົວຈົນເກີນໄປ

...ຂໍຢ່າໃຫ້ຂ້າພະເຈົ້າຕົກເປັນທາດຂອງອຳນາດລຶກລັບຕ່າງໆ ມີຄວາມໂລບ ໂກດ ຫລົງເປັນຕົ້ນ

...ຂໍໃຫ້ສິ່ງສັກສິດທັງຫລາຍຈົ່ງດົນບັນດານໃຫ້ຂ້າພະເຈົ້າເອົາຊະນະສິ່ງຊົ່ວຮ້າຍທັງປວງ

...ຂໍໃຫ້ຂ້າພະເຈົ້າຈົ່ງພົບກັບເພື່ອນດີໆໃນຊີວິດ ແລະພ້ອມຈະເດີນໄປດ້ວຍກັນ (ມີອຸດົມການອັນດຽວກັນ)

...ສຸດທ້າຍ..........ຂໍໃຫ້ທຸກຄົນໂຊກດີ ມີຄວາມສຸກ......

.................................ທີ່ 7 ເດືອນ 1 ປີ ແຫ່ງຄວາມສຸກ 2555................................

 

ຂຽນເມື່ອ ຂຽນເມື່ອ: ຕ.ລ.. 15, 2011 | ມີ 18 ຄຳເຫັນ ແລະ 0 trackback(s)

                                                     ເຜີແປ໋ບດຽວອາຍຸກໍ່ຊາວສອງແລ້ວເຊິ່ງຄົບວັນນີ້ພໍດີ...ໂອ້ຍ!! ຄືມາເຖົ້າໄວແທ້ຮ່າງກາຍນີ້

ແຕ່ກົງກັນຂ້າມສະຫມອງພັດດ້ອຍຄວາມຮູ້ ປູ້ປັນຍາ ແຕ່ຢ່າງໃດກໍຕາມ ມາເຖິງວັນນີ້ໄດ້
 
ກໍບຸນຫລາຍແລ້ວ ຂໍຂອບໃຈທຸກສິ່ງທຸກຢ່າງທີ່ໄດ້ຜ່ານພົບ ທັງດີແລະຮ້າຍ ເພາະຢ່າງຫນ້ອຍ
 
ມັນກໍສອນໃຫ້ຮູ້ວ່າ ເຮົາຄວນຈະດຳເນີນຊີວິດຕໍ່ໄປຢ່າງໃດ...ຕະຫລອດເວລາທີ່ຜ່ານມາຢູ່ໃນໂລກໃບນີ້
 
ກໍໄດ້ເຫັນຫລາຍສິ່ງຫລາຍຢ່າງ ໄປໃຕ້ໄປເຫນືອກໍໄດ້ພົບປະຜູ້ຄົນທີ່ແຕກຕ່າງກັນໄປ
 
ຕ່າງຄົນກໍຕ່າງນິດໄສໃຈຄໍ ເຊິ່ງມັນຈະເປັນໄປບໍ່ໄດ້ເລີຍທີ່ຈະໃຫ້ມັນເຫມືອນກັນຫມົດທຸກຢ່າງ
 
ແຕ່ກໍເພາະຄວາມແຕກຕ່າງນີ້ແຫລະ ມັນໄດ້ຄ່ອຍໆສອນໃຫ້ເຮົາຮູ້ວ່າເຮົາຄວນຈະປະພຶດຕົວຢ່າງໃດ
 
ໃນເມື່ອເຮົາຢູ່ກັບຄົນອື່ນ ເຊິ່ງຄວາມເຫັນອົກເຫັນໃຈກັນນັ້ນກໍເປັນສິ່ງຫນື່ງທີ່ເຮົາຈະຕ້ອງມີ
 
ໃນຖານະທີ່ໄດ້ເກີດມາເປັນມະນຸດຄົນຫນື່ງ ມີຄວາມຮູ້ສຶກນຶກຄິດ ມີປັນຍາທີ່ປະເສີດ
 
ກ່ວາສັດອື່ນໆ ເມື່ອເປັນແບບນີ້ເຮົາກໍຢ່າໄປປະພຶດຕົວເຫມືອນສັດອື່ນເລີຍທີ່ບໍ່ມີຄວາມອາຍ
 
ເຫມືອນກັນກັບມະນຸດ ຊີວິດຫນໍຊີວິດຮູ້ແຕ່ມື້ເກີດບໍ່ຮູ້ມື້ຕາຍ
 
ແລະເຮົາຈະປະຫມາດໄປເຮັດຫຍັງ ເຮົາຈະມົວຫລິ້ນອິຫຍັງຢູ່ ຈົ່ງຮິບທຳຕົນໃຫ້ມີປະໂຫຍດ
 
ທັງຕໍ່ຕົນເອງແລະສວ່ນລວມຈະບໍ່ດີກວ່າບໍ?
 
ວັນນີ້ກໍ 22 ເຕັມແລ້ວ ຕໍ່ນີ້ໄປຈະຂໍຮໍ່າຮຽນສຶກສາໄປເລື້ອຍໆ ຈະໃຫ້ການຮຽນຮູ້ລະຫວ່າງທາງ
 
ເປັນຄວາມງົດງາມຂອງການມີຊີວິດຢູ່ ແລະຈະເຊີດຊູບູຊາຄຸນຄ່າຂອງຄວາມເປັນຄົນຕໍ່ໄປ
 
***ຂໍຂອບໃຈ*** ພໍ່ແມ່ຜູ້ໃຫ້ກຳເນີດ
 
***ຂໍຂອບໃຈ*** ຄູບາອາຈານຜູ້ໃຫ້ການສິດສອນ
 
***ຂໍຂອບໃຈ*** ເຂົ້ານ້ຳປາອາຫານທີ່ລ້ຽງຊີວິດ
 
***ຂໍຂອບໃຈ*** ທຸກສິ່ງທຸກຢ່າງທີ່ໄດ້ຜ່ານພົບມາຕະຫລອດໄລຍະເວລາ 22 ປີ
 
***ຂໍຂອບໃຈ*** ທຸກກຳລັງໃຈທີ່ເຄີຍໄດ້ຮັບ
 
***ຂໍຂອບໃຈ*** ທີ່ຍັງມີລົມຫາຍໃຈໃນວັນນີ
..........................................
....................................................................
...........................................................................................
ຊິວິດຕ້ອງກ້າວຕໍ່ໄປ............ຂອບໃຈ
 
ຂຽນເມື່ອ ຂຽນເມື່ອ: ກ.ຍ.. 17, 2011 | ມີ 7 ຄຳເຫັນ ແລະ 0 trackback(s)

ເພງລາວທີ່ຢູ່ໃນຫົວໃຈ

ເພງຊາດລາວ: ຮ້ອງລວມ

ສະກຸນລາວ: ບຸນເຫລືອ ວາລິເດດ

ຊີວິດທະຫານ: ບຸນຄໍ້າ ສິດທິເດດ

ບຸນຄຸນແມ່: ສົມບັດ ແກ້ວຄຳດີ

ສາວຜົມທອງ: ອາຄົມ ສົມຫວັງ

ສາວນາໄກຖີ່ນ: ນ້ອຍ ວິລະເສນ

ກອດຫມອນປ້ອງຂ້າງ: ອິນຕອງ ສ່ອງໃສ

ຂໍເປັນພຽງອ້າຍ: ແອນ້ອຍ ນິພົນ

ຫນຸ່ມໂສ້ງຂາດເຂົ່າ: ແອນ້ອຍ ນິພົນ

ຄວາມດີ: ບໍ່ຮູ້ໃຜຮ້ອງ

ຄິດຮອດຄົນບາງຄົນ: ຂັນໄຊ ໄຊນຳໂຊກ

ຄິດຮອດບ້ານເກົ່າ: ປະເສີດສິນ

ຄິດເຖີງລຳຍອມ: ບໍ່ຮູ້ໃຜຮ້ອງ

ຄິດເຖີງແຟນເກົ່າ: ບໍ່ຮູ້ໃຜຮ້ອງ

ຄົນທີ່ເຂົາລືມ: ອາຄົມ ສົມຫວັງ

ຄົນໂຫລໆ: ເທວັນ ເທບເທວາ

ຊີວິດຕ້ອງສູ້: ຄົມສັນ ຄຳສອນ

ຂຸດຄົ້ນຮັກເກົ່າ: ໃຜຮ້ອງບໍ່ຮູ້

ພາບແທນກາຍ: ໃຜຮ້ອງບໍ່ຮູ້

ຢູ່ແບບລາວໆ: ໃຜຮ້ອງບໍ່ຮູ້

ລາວເຂົ້າຫນຽວສຽງແຄນ: ບົວເງິນ ຊາພູວົງ

ລືມນ້ອງບໍ່ລົງ: ວັນໄຊ ສົມສຸກ

ໄກເກີນຝັນ: ວັນໄຊ ສົມສຸກ

ວອນນ້ອງກັບຄືນບ້ານເກີດ: ເອກ ສຸລິຍາ

ໄກບ້ານ: ຊາຍ ອິນດາລາ

ເຫມືອນຄວາຍຍາມນາ: ຄຳສະຖິດ

ເຢັນສະບາຍຊາວນາ: ບົວເງິນ ຊາພູວົງ

ເຜົ່າລາວເອີຍ: ໃຜຮ້ອງບໍ່ຮູ້

ສາວຊຽງຂວາງ: ໃຜຮ້ອງບໍ່ຮູ້

ແດນແຫ່ງອິດສະຫລະ: ໃຜຮ້ອງບໍ່ຮູ້

ຄິດເຖີງຊູ້ຜູ້ເປັນດວງໃຈ: ນ້ອຍ ວິລະເສນ

ຢາກໃຫ້ໂລກນີ້ມີແຕ່ຮອຍຍິ້ມ: ບໍ່ຮູ້ໃຜຮ້ອງ

ໄຕດຳລຳພັນ: ໃຜຮ້ອງບໍ່ຮູ້

ລາກ່ອນຈາກ: ໃຜຮ້ອງບໍ່ຮູ້

ສາວພັນໄຊ: ແສງມະນີ

ສຶກສາພາດີ: ກົງລາ ວົງສຳພັນ

ນໍ້າສອງສີ: ບຸນເຫລືອ ວາລິເດດ

ທາງດຽວຄືສູ້: ຕ. ຕະວັນ

ນົກເຂົາລືມຄອນ: ມານິດ ເພຍວົງສາ

ຜູ້ງາມແທ້: ຄົມສັນ ຄຳສອນ

ກູ້ຊາດ: ຮ້ອງລວມ

 

...................................

....................................................

.........................................

 

 

 

ຂຽນເມື່ອ ຂຽນເມື່ອ: ກ.ຍ.. 13, 2011 | ມີ 8 ຄຳເຫັນ ແລະ 0 trackback(s)

ເລື່ອງມີຢູ່ວ່າເດັກຫນຸ່ມຄົນຫນຶ່ງຮຽນຈົບຕ່າງປະເທດກັບບ້ານມາຕ້ອງໄດ້ຂີ່ເຮືອຂ້າມແມ່ນ້ຳ

ເພາະເຮືອນຢູ່ອີກຝາກຫນື່ງຂອງແມ່ນ້ຳ ໃນຂະນະທີ່ໃຊ້ບໍລິການເຮືອນຳພໍ່ເຖົ້າຄົນຫນື່ງນັ້ນ

ເດັກຄົນນີ້ກໍ່ຄຸຍໂຕໂອ້ອວດ ຕາມສະຕາຍເດັກເມືອງນອກ ຫາວ່າບ້ານນອກບໍ່ທັນສໄຫມ...

ເຊີຍ ລ້າຫລັງ...ມາຟັງບົດໂອ້ອວດກັນເລີຍ!!!

ເດັກເມືອງນອກ: ບ້ານເຮົານີ້ບໍ່ພັດທະນາເລີຍເນາະລຸງ ອິນເຕີເນັດລຸງໃຊ້ເປັນບໍ?

ລຸງບ້ານນອກ: ລຸງໃຊ້ບໍ່ເປັນດອກຫລານເອີຍ!

ເດັກເມືອງນອກ: ແລ້ວລຸງຮູ້ບໍວ່າເສດຖະກິດໂລກເປັນໄປແນວໃດໃນທຸກມື້ນີ້?

ລຸງບ້ານນອກ: ເສດຖະກິດໂລກແຫ່ງໄກລຸງບໍ່ຮູ້ເລີຍ!!! ຮູ້ແຕ່ວ່າຈະຫາກິນແນວໃດ?

ເດັກເມືອງນອກ: ຖາມອີກ...ແລ້ວລຸງຮູ້ເລື່ອງດາວທຽມບໍ? ລຸງຍິ່ງງົງເຂົ້າໄປອີກ

ກໍ່ເລີຍຕອບວ່າລຸງຮູ້ແຕ່ຫົວທຽນບໍ່ຮູ້ດອກດາວທຽມ!!!

ເດັກເມືອງນອກ: ໂອໂຫ! ຖ້າລຸງບໍ່ຮູ້ສາມເລື່ອງນີ້ ລົດຊາດຊີວິດລຸງຂາດໄປແລ້ວ 95%

ໃນຂະນະທີ່ພາຍເຮືອຢູ່ນັ້ນຟ້າລົມຝົນແຮງກໍ່ຜ່ານເຂົ້າມາເຮືອກໍ່ຈະຈົມນ້ຳລຸງກໍ່ເລີຍຖາມເດັກເມືອງນອກວ່າ:

ລຸງບ້ານນອກ: ຫລານເອີຍ! ແລ້ວມືງລອຍນ້ຳເປັນບໍ? ຖ້າມືງລອຍບໍ່ເປັນ ຊີວິດມືງກຳລັງຈະຫາຍໄປ 100%

ເດັກເມືອງນອກ: ຫລານລອຍບໍ່ເປັນລຸງ!!!

ລຸງບ້ານນອກ: ເຮືອຈະຈົມແລ້ວ...ຄັນຊັ້ນເຮົາແຍກທາງກັນບ່ອນນີ້!!! ທາງໃຜທາງມັນ...ໂຊກດີເດີຫລາຍເອີຍ!

                             555+   ສົມນ້ຳຫນ້າອວດເກັ່ງຫລາຍ!!! ສຸດທ້າຍເອົາຕົວບໍ່ລອດ...

                         ຄົນລາວບູຮານຈຶ່ງມີຄຳສຸພາສິດວ່າ: ຄວາມຮູ້ທ້ວມຫົວ...ເອົາຕົວບໍ່ລອດ.

                                                                          ເຊົ້າວັນທີ່ 13 ເດືອນ 9 ປີ 54


 

 

 

ຂຽນເມື່ອ ຂຽນເມື່ອ: ສ.ຫ.. 28, 2011 | ມີ 7 ຄຳເຫັນ ແລະ 0 trackback(s)

ບູລຸດທ່ານກ່າວເກີດເປັນຄົນລາວຕ້ອງໃຈກ້າ

ຕ້ອງຢູ່ຄູ່ຟ້າຫມາກເຜັດຂີ້ຫນູ

ຮູ້ເຮັດຮູ້ໃຊ້ ຮູ້ເອົາໃຈ ຮູ້ເອັນດູ

ມີໄພໃຈສູ້ໃຫ້ຢູ່ເປັນລາວເລື້ອຍໄປ

ພ້ອມແລ້ວຈະສູ້ລຳບາກໃຫ້ຮູ້ກັນໄປ

ບໍ່ນອນຕື່ນສາຍບໍ່ອາຍຫາເງີນ

ຫນື່ງກີບພັນແສນເກັບໄວ້ແຫນ້ນຢ່າເພີດເພີນ

ທຳລາຍແນວຄິດຈ່າຍເກີນບໍ່ໃຊ້ເງີນຜິດທາງກົດຫມາຍ

ກ່ວາຈະໄດ້ມາກ່ວາຈະໄດ້ມາມັນອ່ອນລ້າກາຍໃຈ

ຄວນເກັບເອົາໄວ້ຄວນເກັບເອົາໄວ້ຕື່ມໄປສະເຫມີ

ຢ່າໃຫ້ໂບຍບິນຖ້າບໍ່ຢາກຍິນຄຳວ່າເງິນເຟີ້

ປາບປາມພວກທີ່ລະເມີເພີ້ຝັນນຳຊາດອຶ່ນເຂົາ

ບູລຸດທ່ານກ່າວເກີດເປັນຄົນລາວຕ້ອງໃຈສູ້

ບອກເຂົາໃຫ້ຮູ້ຖ້າໃຜສົນໃຈ

ເງິນກີບເງິນລາວບູລຸດຂອງເຮົາຕັ້ງຊື່ໄວ້

ຮີບໂຮມຮ່ວມຈິດຮ່ວມໃຈເກັບເອົາໄວ້ເພື່ອວັນຂ້າງຫນ້າ

ນີ້ຄືບົດເພງໆຫນຶ່ງ ມັກຫລາຍກໍ່ເລີຍຂຽນໄວ້ ຟັງແລ້ວອຸ່ນໃຈ

ເຊົ້າ ວັນທີ່ 28 ເດືອນ 8 ປີ 54

 

 

 

 

ຂຽນເມື່ອ ຂຽນເມື່ອ: ສ.ຫ.. 22, 2011 | ມີ 3 ຄຳເຫັນ ແລະ 0 trackback(s)

                ວັດທະນະທໍາ ຄວາມຫມາຍຕາມສັບ ວັດທະນະ ແປວ່າ ສະພາບທີ່ຈະເລີນ ຫລືກ້າວຫນ້າ

ສ່ວນ ທໍາ ແປວ່າ ທໍາມະຊາດ ຫລືຄວາມຈິງຂອງສິ່ງຕ່າງໆຖ້າມັນຈິງມັນກໍ່ທ່ຽງທໍາເມື່ອລວມຄວາມແລ້ວຈື່ງແປວ່າ

ທໍາທີ່ເປັນເຫດໃຫ້ຈະເລີນກ້າວຫນ້າ ຫລືວ່າທໍາຄືຄວາມຈະເລີນຂອງຄົນກຸ່ມຕ່າງໆ ສ່ວນຕາມຄວາມຫມາຍຂອງອົງການຍູເນສໂກ່

(UNESCO) ຫມາຍເຖິງ ວິຖີຊີວິດ ເຊີ່ງລວມເຖີງ ແນວທາງການດໍາລົງຊີວິດ ລະບຽບປະເພນີຕ່າງໆ ຂະນົບທໍານຽມ

ຂໍ້ຫ້າມຫລືຂໍ້ຄວນປະຕິບັດ ຄ່ານິຍົມແລະພຶດຕິກໍາໂດຍສ່ວນລວມທີ່ສັງຄົມຍອມຮັບ ແລະ ຖືປະຕິບັດສືບຕໍ່ກັນມາ

ໂດຍອາດຈະມີການປ່ຽນແປງ ແລະ ປັບປຸງໄປຕາມສະພາບແວດລ້ອມ ແລະການເວລາ...

..................................................................................................................

ອາລິຍະທໍາ ຄວາມຫມາຍຕາມສັບ ຄໍາວ່າ ອະລິຍະ ແປວ່າ ຜູ້ຮູ້ ຜູ້ຈະເລີນ ຫລືຜູ້ຮຸ່ງເຮືອງ ທໍາ ແປວ່າ ທໍາມະຊາດ

ຫລືຄວາມທ່ຽງທໍາ ຫລືຄວາມຈິງ ລວມຄວາມແລ້ວກໍ່ແປໄດ້ຄວາມວ່າ ທໍາມະຊາດຂອງຜູູ້ຈະເລີນ

ຜູ້ຮຸ່ງເຮືອງ ຫມາຍເຖີງຄວາມຈະເລີນຮຸ່ງເຮືອງຂອງກຸ່ມຄົນທີ່ອາໄສຢູ່ໃນຖີ່ນຕ່າງໆ ທີ່ສາມາດສ້າງສັນສີ່ງຕ່າງໆຂຶ້ນມາໄດ້

ມີທັງດ້ານວັດຖຸເຊັ່ນ: ສີ່ງກໍ່ສ້າງຕ່າງໆ ເຂົ້າຂອງເຄື່ອງໃຊ້ ແລະທາງດ້ານຈິດໃຈເຊັ່ນ:

ຂະນົບທໍານຽມປະເພນີຕ່າງໆລວມທັງກົດຫມາຍດ້ວຍ ເຊີ່ງສະແດງເຖີງຄວາມຈະເລີນກ້າວຫນ້າຂອງຄົນກຸ່ມນັ້ນໆ

ທີ່ອາໄສຢູ່ໃນຖີ່ນຕ່າງໆ ເຊັ່ນ ອາລິຍະທໍາຂອງຄົນອິນເດຍ ອານາຈັກໂລມ ແລະອານາຈັກກຣີກບູຮານ...

ເຊົ້າວັນທີ່ 22 ເດືອນ 8 ພ.ສ. 2554

ຂຽນເມື່ອ ຂຽນເມື່ອ: ສ.ຫ.. 21, 2011 | ມີ 6 ຄຳເຫັນ ແລະ 0 trackback(s)

ການແພ້ (ພ່າຍແພ້) ດ້ວຍສິນລະປະດີກ່ວາການຊະນະດ້ວຍອາລົມ...

ຄົນເຮົາມີຄວາມໂລບດ້ວຍກັນຫມົດທຸກຄົນ ຖ້າໂລບຫລາຍກໍຈະທຸກຫລາຍ

ຖ້າໂລບນ້ອຍກໍຈະທຸກນ້ອຍ ຖ້າບໍ່ໂລບກໍຈະບໍ່ທຸກເລີຍ...

ຖ້າຫາກຈະລືມ: ລືມຫຍັງກໍໄດ້ ແຕ່ຢ່າລືມຕົວ ຖ້າຫາກຈະເສຍ: ເສຍຫຍັງ

ກໍໄດ້ ແຕ່ຢ່າເສຍຄົນ ຖ້າຫາກຈະຜິດ: ຜິດຫຍັງກໍໄດ້ ແຕ່ຢ່າຜິດສິນຜິດທຳ...

ບາງຄັ້ງການກະທຳຂອງເຮົາເອງຍັງບໍ່ຖືກໃຈເຮົາເລີຍ...ແລ້ວຈະໃຫ້ຄົນອື່ນເຮັດ

ໃຫ້ຖືກໃຈເຮົາໄດ້ຢ່າງໃດ?

ນ້ຳໃຈງາມເປັນສີ່ງທີ່ປາດຖະຫນາຂອງຄົນທັງໂລກ: ຄົນເຮົາຖ້າຈະງາມຕ້ອງງາມທີ່ນ້ຳໃຈ

ບໍ່ແມ່ນໃບຫນ້າ ຖ້າຈະສວຍຕ້ອງສວຍທີ່ກິລິຍາມາລະຍາດ ບໍ່ແມ່ນຕາຫວານ ຖ້າຈະຄານກໍ

ຕ້ອງຄານໄປຂ້ງຫນ້າ ບໍ່ແມ່ນຄານກັບຫລັງ...

ຫນື່ງກ້າວທີ່ຍາວໄກ...ອາດຈະຫວັ່ນໄຫວແລະລົ້ມລົງ ຫນື່ງກ້າວທີ່ຫມັ້ນຄົງ...

ເຖີງແມ່ນວ່າຈະສັ້ນ...ແຕ່ກໍຫມັ້ນໃຈ...

ເຊົ້າ ວັນທີ່ 21 ເດືອນ 8 ພ.ສ. 54

 

ຂຽນເມື່ອ ຂຽນເມື່ອ: ສ.ຫ.. 20, 2011 | ມີ 5 ຄຳເຫັນ ແລະ 0 trackback(s)

ຊີວິດຄືການເດີນທາງໄປ ເພື່ອໃຫ້ໄດ້ພົບເຫັນສີ່ງຕ່າງໆ ເພື່ອຈະໄດ້ຮຽນຮູ້ຜ່ານປະສົບການທີ່ມີຄ່າ...

ຂອງທີ່ຢູ່ສູງຕ້ອງປີນໄຕ່ຂຶ້ນໄປຈື່ງຈະເຫັນໄດຊັດເຈນ ຄັນໄດແຕ່ລະຂັ້ນທີ່ປີນໄຕ່ຂຶ້ນໄປ ຍ່ອມໃຫ້ຄວາມຮູ້ເພີ່ມທັກສະ ແລະ ປະສົບການໃຫ້ແກ່ຊີວິດ ເຮັດໃຫ້ໄດ້

ຮຽນຮູ້ ແລະ ສະຫລາດຂຶ້ນເລື້ອຍໆ

ນັກປັດຊະຍາເປັນນັກຄິດ ແລະ ນັກສະແຫວງຫາຄວາມຮູ້ໂດຍວິທີການຖາມບັນຫາ ໂຕ້ຕອບກັນໄປມາຈົນໄດ້ຂໍ້ສະຫລຸບໃນທີ່ສຸດ ນັກປັດຊະຍາຊ່ວຍກະຕຸ້ນ

ໃຫ້ຄົນເຮົາໄດ້ຄິດ ແລະບໍລິຫານສະຫມອງ ໄດ້ໃຊ້ຄວາມຄິດໃຊ້ເຫດຜົນ ທ້າທາຍຕໍ່ການພິສູດ

ປັດຊະຍາສົນໃຈໃນວິທີການກະທຳຂອງມະນຸດ ເພື່ອນຳໄປສູ່ເປົ້າຫມາຍ ປັດຊະຍາຈື່ງກ່ຽວຂ້ອງກັບທຸກຄົນຢູ່ທຸກມຸມໂລກ ເພາະມະນຸດເຮົາໃນການກະທຳສີ່ງຕ່າງໆນັ້ນ

ກໍມັກຈະມີປັດຊະຍາໃນການກະທຳ ເອີ້ນວ່າປັດຊະຍາໃນການດຳເນີນຊີວິດ

ຄົນເອີລົບມີນິດໄສມັກຈົດບັນທຶກ ໃຜຄິດໃຜເຮັດສີ່ງໃດທີ່ຫນ້າເຄົາລົບ ຫນ້າສືກສາ ເຂົາຈະຈົດບັນທຶກໄວ້ໃຫ້ຄົນລຸ່ນຫລັງໄດ້ສຶກສາ ແລະ ຮຽນຮູ້ ດັ່ງທີ່ນັກປັດຊະຍາ

ເຂົາມີຄວາມຄິດແນວໃດ ຄິດຖືກຄິດຜິດແນວໃດ ຄົນລຸ່ນຫລັງກໍຈະສາມາດຮຽນຮູ້ ວິເຄາະວິໃຈ  ເພາະເຂົາບັນທຶກຄວາມຄິດຂອງນັກປັດຊະຍາເຫລົ່ານັ້ນໄວ້

ຄວາມສົງໄສຄືຕົ້ນກຳເນີດຂອງປັດຊະຍາ ແລະ ສາມາດເກີດຂື້ນໄດ້ທຸກເມື່ອຂໍໃຫ້ເຮົາມີຄວາມສົງໄສເຊັ່ນ ກ່ອນທີ່ເຮົາຈະກີນນ້ຳ ຖ້າເຮົາຫິວແຮງ ເຮົາອາດຈະຍົກນ້ຳ

ຂຶ້ນມາກີນເລີຍໂດຍບໍ່ສົງໄສຫຍັງເລີຍກໍ່ຂາດປັດຊະຍາ ປັດຊະຍາບໍ່ໄດ້ເກີດຂຶ້ນ ຖ້າກ່ອນທີ່ເຮົາຈະກີນນ້ຳເຮົາເກີດຄວາມສົງໄສຂຶ້ນມາວ່າ ນ້ຳນັ້ນອາດຈະເປື້ອນ ແລະ

ເປັນພິດ ເຮົາກໍເກີດຄວາມສົງໄສ ແລະ ປັດຊະຍາກໍເກີດຂຶ້ນໃນຂະນະນັ້ນ ຄວາມສົງໄສຕໍ່ສິ່ງທີ່ມີຢູ່ນ້ຳນັ້ນຄື ຈຸດເລີ່ມຕົ້ນຂອງປັດຊະຍາ

ເຮົາໃຊ້ປັດຊະຍາຢູ່ຕະຫລອດເວລາທີ່ມີສະຕິ ຄືເກີດຄວາມສົງໄສໃນສີ່ງທີ່ຈະກະທຳ ເມື່ອສົງໄສ ມັນກໍຈະຄິດຫາຫົນທາງເພື່ອພິສູດໃຫ້ເຫັນແຈ້ງ ແລະ ສຸດທ້າຍກໍຈະໄດ້

ຄຳຕອບ ຄຳຕອບທີ່ໄດ້ມານັ້ນກໍເປັນຄວາມຮູ້...ເປັນຜົນຂອງປັດຊະຍາ...

Morning 20/8/54

ຖືກຜິດປະການໃດ..ຕິຊົມໄດ້!!!

ຂຽນເມື່ອ ຂຽນເມື່ອ: ສ.ຫ.. 19, 2011 | ມີ 6 ຄຳເຫັນ ແລະ 0 trackback(s)

ທຸກຄົນມີຄວາມຄິດ ມີສິດທີ່ຈະຄິດ ແຕ່ວ່າຖ້າ:

ທຸກຄົນຄິດ

ຄິດທີ່ຈະເຮັດ

ຄິດທີ່ຈະໄປ

ຮ້ອຍຄົນຄິດ

ແຕ່ມີພຽງຫນື່ງຄົນເຮັດ

ຫນື່ງຄົນໄປ

ແລະກໍຈະເຖິງທີ່ຫມາຍ

ພຽງຫນື່ງຄົນ...???

 

ຄົງຈະບໍ່ມີຄຳວ່າແພ້

ຫາກວ່າເຮົາໄດ້ເລີ່ມ

ຄົງຈະບໍ່ມີຄຳວ່າຢູ່ທີ່ເດີມ

ຫາກວ່າເຮົາໄດ້ຄົ້ນຫາ

ຄົງຈະບໍ່ມີຄຳວ່າເປັນທີ່ຫນື່ງ

ຫາກວ່າເຮົາຍັງຕ້ອງເພີ່ງພາ

ຄົງຈະບໍ່ມີຄຳວ່າດີກ່ວາ

ຫາກວ່າເຮົາຍັງບໍ່ຕັ້ງໃຈ...???

Morning 19/8/54



LaoUpload.com au8ust.org LaoJobs.net UploadDer.com Tamsang.com ULS 5tutor.net