ຄວນຮູ້ສຶກແບບໃດ?
ໃນມື້ວັນເສົາ ກົງກັບວັນທີ່ 30 ເດືອນ ມັງກອນ ປີ 2010 ໃນເວລາ 4:14 PM ໃນຄະນະທີ່ກຳລັງນັງຂຽນໂປຣແກມ Pattern Creator ໃຫ້ທ່ານບັກໄກຢູ່. ໃນເວລາດຽວກັນນັ້ນໂທລະສັບໄດ້ດັງຂື້ນ (ທີ່ຈິງມັນບໍ່ໄດ້ດັງ ເພາະເຮົາໃຊ້ລະບົບສັ່ນ)ມັນໂຊຂື້ນຢູ່ຫນ້າຈໍໂທລະສັບວ່າ “Nii”.
ປະວັດຄວາມເປັນມາກ່ຽວກັບ Nii ໂດຍຫຍໍ້.
ເປັນເບີໂທລະສັບນື່ງທີ່ເຮົາບໍ່ທັນຮັບ ຫລື ລາວອາດຈະຈົງໃຈຊັອດມາ ຫລືອາດຈະໂທຜິດແລ້ວວາງໄປ ໂດຍປະກະຕິນິໄສຂອງ Fino ດ້ວຍຄວາມເປັນຄົນຂີ້ສົງໄສ,ຂີ້ອາຍ,ຂີ້ລ້າຍ,ຂີ້ຫຶງ,ຂີ້ຫວງ,ຂີ້ເຫີງ,ຂີ້ເຫມັນ,ຂີ້ດົນ,ຂີ້ທົນ,ຂີ້ນານ ສະລະພັດຂີ້(ແຕ່ບໍ່ມັກຫລີ້ນຂີ້). ເລີຍໂທຣກັບໃນທັນໄດປາກົດວ່າມີຜູ້ຍິງສຽງດີແຕ່ເວົ້າບໍ່ມວນໃສ່ວ່າ “ຢອດເງີນໃນບັນຊີຂອງທານບໍ່ພຽງພໍທີຈະສາມາດໂທອອກໄດ້…” ກຳ-*- ເລີຍສົງຂໍ້ຄວາມຕອບແຮງໃຈໄປວ່າ “ເບີໃຜນິ” ແຕ່ບໍ່ມີການຕອບຮັບແຮງໃຈຈາກເລກໝາຍດັງກ່າວ. 2 ມື້ຜ່ານໄປ ເຮົາຍັງຂີ້ສົງໄສຢູ່ ”ແມ່ນໃຜຫວະ” ແຕ່ແລ້ວພໍດີມີໝູ່ມາຫຼີ້ນນຳແລ້ວລາວກຳລັງຊິໃຊ້ໂປຣໂມຣຊັນໂທຣ 1 ຊົວໂມງດ້ວຍມູນຄ່າໂທ 3000 ກີບຢູ່ພໍດີ ແຕ່ດຽວກ່ອນມັນລົງທະບຽນໃຊ້ບໍລິການຍາກອະຫຼີ. ແລ້ວພໍໃຊ້ບໍລິການໄດ້ແລ້ວເຮົາກໍຂໍອະນຸຍາດໂທໄປເບີຕ້ອງສົງໄສນັ້ນ ”ເບີຜີບໍ່ຫວະ” ປາກົດວ່າບໍ່ມີມະນຸດຕົນໃດຮັບສາຍ ຈົນວາລາຜ່ານໄປ 30 ນາທີ ລາວຈິງໄດ້ ຊັອດມາ ໄອ້ເຮົາກະໂທຣກັບໃນທັນໄດເພາະເວລາຟຮີກໍ່ຢັງມີຕັ້ງ 30 ນາທີ.
ການສົນທະນາເບື້ອງຕົ້ນ
Fino: ຮາໂລ….(ຄັນບໍ່ເວົ້າຮາໂລລະມັນຊິຜິດຜີບໍ່ວະ)
Nii: ຮາໂລ ນີ້ແມ່ນເບີໃຜນະ?
Fino: (ເອີໂວ໋ຍ ສຽງຜູ້ຍິງ ເຫີໆ ບໍ່ເສຍແຮງທີໂທໄປ).ເຈົ້າໄດ້ໂທເຂົ້າເບີ 54XXXXX ບໍ່ເພາະມື້ນັ້ນບໍ່ທັນຮັບ ເຈົ້າມີວຽກຫຍັງບໍ່ເນາະ?(ທຳທ່າຖາມຈິງຈັງ)
Nii: ບໍ່ຮູ້ເດຄືວ່າບໍ່ໄດ້ໂທຣນ່າ ແລ້ວເຈົ້າຊືຫຍັງ?
Fino: ຊື່ໂນ່ ແລະເຈົ້າຊື່ຫຍັງ ເອຫຼືວ່າບໍ່ແມ່ນໝູ່ເຈົ້າຢືມໂທຣບໍ່?
Nii: ບໍ່ຈັກເດ່ ຊື່ ນີ່ ນະ
Fino: (ໄອ້ເຮົາກະຟັງບໍ່ຄ່ອຍດີ ຈາກນີ່ເປັນໝີ້) ຮະ ໝີ້ຫວະ ລາວຢູ່ບ້ານXXX ຮຽນຢູ່XXXຕັວ!
Nii: ຮູ້ຈັກໝີ້ຫວະ ຢູ່ຂ້າງບ້ານເຂົານິເດ ຮຽນນຳກັນຫວະ?
Fino: ອ້າວເພີ່ນບອກວ່າລາວຢື່ມໂທລະສັບເພີ່ນໂທບໍ່ແມ່ນຫວະ? ແລ້ວເພີ່ນຊືຫຍັງນິ?
Nii: ບໍ່ນ່າລາວບໍ່ໄດ້ຢືມ ກະບອກແລ້ວເດວ່າຊື່ນີ່….
Fino: (ອ້າວ Drama ລະບາດນິໄປຮູ້ຈັກກັບ ”ໝີ້” ທີ່ຮຽນຢູ່ຫ້ອງດຽວກັນອີກ) ແລ້ວມື້ນັ້ນສົງຂໍ້ຄວາມໄປຄືບໍ່ຕອບ
Nii: ເຂົາອ່ານ Karaoke ບໍ່ໄດ້
Fino: ໂອ ຫວະ (ບອດ karaoke)
ຫຼັງຈາກນັ້ນກໍ່ຖາມບ້ານຖາມການສຶກສາຖາມຫັ້ນຖາມນີ້ແລ້ວກໍ່ຖາມ….
Fino: ອະຫ້າ ເພີ່ນມີແຟນລະຫວະ (ຫມົດແນວຖາມແລ້ວເຮົາກໍ່ເຜີຍນິໄສທີແທ້ຈິງອອກມາ 555)
Nii: ຢັງ ເພີ່ນມີລະຫວາຊັນ
Fino: (ຕອນນັ້ນຢັງເປັນຊາຍໂສດ ແຕ່ດຽວນີ້ພະຍາຍາມສະລະໂສດຢູ່) ຢັງ ເອີນີ່ນີ້ແມ່ນໂທຣລະສັບໝູ່ເຂົາເດີ່ ເທົ່ານີ້ກ່ອນລະ ແລ້ວມື້ໜ້າຊິໂທຣຫຼີ້ນນຳໃຫມ່.
ຫຼັງຈາກນັ້ນກໍ່ Saveເບີໄວ້ໃສ່ຊື່ວ່າ Nii
“ແລ້ວມື້ໜ້າຊິໂທຣຫຼີ້ນນຳໃຫມ່” ເປັນຄຳເວົ້າແບບບໍ່ຄຶດຊິໂທໄປໃຫມ່ດອກ ຈົນກະທັ້ງອາທິດນຶ່ງຜ່ານໄປ ລາວໂທຣຫາດ້ວຍເບີໃໝ່ທີເປັນເຄືອຂ່າຍດຽວກັນ ແລ້ວຖາມວ່າ “ໃສ່ວ່າຊິໂທຣມາຫຼີ້ນນຳ” ໄອ້ເຮົາກະຕອບ ”ໂອ໋ຍ ວ່າຊິໂທຣມື້ໄດກະລືມ(ຕໍແຫຼແກ້ໂຕ)” ແລ້ວມື້ຕໍມາກໍ່ສົ່ງຂໍ້ຄວາມຫຼີ້ນນຳລາວເປັນພາສາໄທແຕ່ປາກົດວ່າ ລາວໂທຣມາບອກວ່າ “ໂທຣລະສັບເຂົາອ່ານໄທບໍ່ໄດ້ ເຂົາເຈົ້າຟາກມາໃຫ່ແຕ່ຕ່າງປະເທດ” (ບອດ ໄທ) ລົມກັນເລັກນ້ອຍ ແລ້ວກໍ່ວາງ ແລ້ວສົ່ງຂໍ້ຄວາມໄປປິດທ້າຍໃນເວລາອ່າວແລງເປັນພາສາປະກິດວ່າ ”What r u doing? u have dinner yet?” ແລ້ວລາວກໍ່ໂທຣມາອີກ ແລ້ວບອກວ່າ “ບໍ່ຮູ້ພາສາປະກິດ”(ບອດ ອັງກິດ) ຫຼັງຈາກນັ້ນລາວກະຊູຊີຖາມເອົາຮູບນຳ ໃຫ້ຝາກໝີ້ໄປໃຫ້ເບີ່ງແລກກັນຖ້າເຮົາຝາກໄປລາວກໍ່ຈະຝາກຮູບຂອງລາວກັບມາ ໄອ້ເຮົາກະບໍ່ໄດ້ຖ່າຍຮູບໄວ້ເພາະດ້ວຍມີ່ວ່າເປັນຄົນຂີ້ລ້າຍ ແລະ ຂີ້ອາຍ ກະເລີຍບໍ່ຮູບຈັກໃບ ຫຼຽວໄປເຫັນແຕ່ຮູບຕິດມານຳໃບຊີວະປະວັດ 5555 ຕອບໄປແບບກົງໆ “ບໍ່ໄດ້ຖ່າຍໄວ້” ລາວບອກໄປຖ່າຍມາ ເຫີໆ ເງີນຊິກິນເຂົ້າກະຢັງຄິດຍາກລະຊິໃຫ້ໄປຖ່າຍຮູບ ສະຫຼຸບແລ້ວລາວກໍ່ໄດ້ຝາກຮູບມາກັບໝູ່ທີ່ຊື່ວ່າ:”ໝີ້” ແຕ່ເຮົາກະບໍ່ໄດ້ຖາມເອົານຳໝີ້ເພາະວ່າເຫັນມິດຢູ່ ແຕ່ໃນຕອນນັ້ນລາວກໍ່ໄດ້ໂທມາຫລີ້ນນຳ ເປັນບາງຄັ້ງຄາວແລ້ວເຮົາກໍ່ບໍ່ເຄີຍໂທໄປເລີຍ ມີພຽງຄັ້ງດຽວທີ່ລາວບອກວ່າ “ເງີນເຂົາຊິໝົດແລ້ໂທຣຫາເຂົາດຸຫັ່ນ” ເຮົາກໍ່ເລີຍໂທຣ ພໍດີມີເງີນ 1500 ກີບເລີຍໂທຣໄປໄດ້ປະມານນາທີກ່ວາມັນກໍ່ຕັດ ເງີນກ້ຽງແຊະ ນັບເທື່ອໄດ້ເປັນເທື່ອທີ່ສອງທີ່ໂທຣໄປຫາລາວ. ພໍດີວ່າຊ່ວງນັ້ນກຳລັງມີຊີເກມ ຄັ້ງທີ 25 ຢູ່ໂຮງຮຽນຈື່ງພັກຮຽນບໍ່ໄດ້ເຫັນຫນ້າໝີ້ກະເລີຍບໍ່ໄດ້ເຫັນຮູບເອົາຊື່ໆໆ ເຮົາເລີຍໂທຣຖາມໝີ້ເລື່ອງຮູບມັນບອກວ່າ”ໂອ໋ຍ ກູລື່ມ ແລ້ວລາວກໍ່ເອົາຄືນແລ້ວ” ກຳໆໆໆໆໆ-*- ເລີຍຖາມລັກສະນະວ່ານີ່ເປັນຄົນແນວໃດ ມັນບອກມາສອງຄຳວ່າ “ຂາວ ອວບ” ແລ້ວຊ່ວງນັ້ນກໍກຳລັງຊິໄປຂອນແກ່ນ ຕອນຢູ່ລາວສາວນີ່ບອກວ່າໄປຮອດພູ້ນແລ້ວໂທຫາແດ່ ແຕ່ເຮົາພັດໄປຮອດເປັນທິດລະຈັ່ງໂທຣຫາ ແລ້ວມື້ດີປຄືນດີລາວກະໂທຣມາຫລີ້ນນຳ (ໂອ່ໃຈຂະໜາດ) ຫຼັງຈາກຢູ່ຂອນແກ່ນໄດ້ເກືອບ2ເດືອນແລ້ວກໍ່ກັບຖີ່ນຖານຫຼວງພະບາງ ໃນທ້າຍເດືອນ 12 ເພື່ອໄປພໍ້ຫນ້າ ພໍ່ ແລະ ແມ່ ທີ່ເຄົາລົບຮັກແພງ ແລະ ນັບຖື ໃນຊ່ວງປີໃໝ່ລາວກໍ່ໂທມາອວຍພອນປີໃໝ່ ຈົນເຮົາເລີມມີຄວາມຮູ້ສືກວ່າ ແທນທີເຮົາຊິໄປສົນໃຈຄົນອືນເປັນຫຍັງຄືບໍ່ເຄີຍສົນໃຈລາວເລີຍຫວະ
ຫຼັງຈາກນັ້ນລາວກໍ່ບໍ່ໄດ້ໂທຣມາເປັນເວລາເກືອບເດືອນ
ບົດສະຫຼຸບ
ການສົນທະນາໃນມື້ວັນເສົາ ທີ່ 30 ເດືອນ ມັງກອນ ປີ 2010 ໃນເວລາ 4:14 PM
Fino: ຮາໂລ
Nii: ເອີໂນ່ ນີ່ເອົາຜົວແລ້ວເດີ່ ໂທມາບອກຢ້ານເພີ່ນຊິໂທຮມາລະຜົວເຂົາຊິເຂົ້າໃຈຜິດ
Fino: ຫວະ! (ກະເຄີຍໂທໄປສອງເທື່ອຫັ້ນລະຫວາ(-_-)a)
ເອີ່ໄດ້ຍິນໝີ້ເວົ້າໃຫ້ຟັງຢູ່ (ໝີ້ມັນເລົ່າໃຫ້ກູຟັງຕອນໃດຫວະ ຕໍແຫຼອີກລະ)
Nii: ເອີ ເຂົາຂໍໂທດຫຼາຍໆເດີ ກັບເວລາທີ່ຜ່ານມາ
Fino: ບໍ່ເປັນຫຍັງ ເຂົາເຂົ້າໃຈ
ແລ້ວກໍ່ ວາງ ສາຍ
ຄຳຖາມທ້າຍບົດ
ຈົ່ງອ່ານຂໍ້ຄວາມ 3 ຂໍ້ຄວາມດັ່ງລຸ່ມນີ້ແລ້ວອະທິບາຍ
1. ລາວໂທຣຫລີ້ນນຳຕະຫຼອດ
2. ຂ້ອຍໂທຮຫາລາວ 2 ເທື່ອ
3. ບໍ່ເຄີຍເຫັນໜ້າກັນ
ຂ້ອຍຄວນຮູ້ສຶກແບບໃດ? ຄວນເສຍໃຈບໍ່? ຄວນອາໄລ ມີນ້ຳຕາ(T-T)ບໍ່?
ແລ້ວຖ້າເປັນເຈົ້າເດ ຊິຮູ້ສືກແບບໃດ?
ຈົບບໍລິບູນ
ຂຽນເມື່ອ: ມ.ນ.. 14, 2010
| ມີ
ໜວດໝູ່:
