ຂຽນເມື່ອ: ພ.ພ.. 15, 2012
| ມີ
10 ຄຳເຫັນ
ແລະ
0 trackback(s)
ຊາດລາວ...ຄົນລາວ...
ຊາດລາວມີມາໄດ້ ຫລາຍພັນປີຊາວໂລກຊ່າ
ມີທັງຍຸກກ້າວຫນ້າ ເຮືອງເຫລືອມຮຸ່ງໃສ
ມີທັງຍຸກປະລາໄຊ ເສຍແຜ່ນດິນເມືອງບ້ານ
ມີທັງຍຸກປະສານເຂົ້າ ໂຮມເຕົ້າແຜ່ນດິນລາວ.ເຮົາຫນາ
ກ່ອນນັ້ນ!ຊາດລາວເຮົາໄດ້ ເສຍໄຊໃຫ່ຍໃຫ້ສະຫຍາມ
ເສຍທັງມຸນມັງງາມ ເຄື່ອງຄຸນຂອງເຄົ້າ
ພວກມັນເຜົາເມືອງບ້ານ ທໍາລະມານຄົນລາວຢ່າງຫນັກຫນ່ວງ
ຫລາຍສິບປີລ່ວງເຂົ້າ ຊາວລາວເຮົາຖືກກົດຂີ່.ທຸກເດ
ເສິກສະຫຍາມຍັງບໍ່ແລ້ວ ພວກຝຣັ່ງກໍ່ມາແທນ
ມາແບ່ງຕັດດິນແດນ ແບ່ງປັນຟັນເປັນຕ່ອນ
ປະເທດລາວໃຫ່ຍແຕ່ກ່ອນ ໄດ້ຖືກແບ່ງອອກເປັນສອງ
ແລ້ວຝຣັ່ງກໍ່ປົກຄອງ ກືນກີນເມືອງບ້ານ.ເສຍດາຍເດ
ຝຣັ່ງຍັງບໍ່ທັນໜີແລ້ວ ອາເມລິກາເຂົ້າມາໃຫ່ມ
ນັບແຕ່ເຫນືອເຖີງໃຕ້ ຊາວລາວໄດ້ດັ່ງນໍ້າຕາ
ແຜນການຊົ່ວຂອງອາເມລິກາ ທັງພວກຫມາຂາຍຊາດ
ມັນປະກາດເວົ້າ ຊິເອົາສາມກ້ຽງຢູ່ລາວ.ວ່າຫນາ
ວິລະບຸລຸດລາວເພີ່ນເກັ່ງກ້າ ສ້າງຫລາຍວິລະກຳອັນປະເສິດ
ເອົາເລືອດຕົນອາບແຜ່ນດີນເກີດ ໄປທົ່ວທຸກແຫ່ງຫົນ
ຍອມເສຍສະລະຊີວິດຕົນ ເພື່ອໃຫ້ໄດ້ມາເອກະລາດ
ຈົນສາມາດປົດປ່ອຍໄດ້ ມີໄຊກ້າໂລກຊ່າລື.ພຸ້ນຫນາ
ເຮົາເປັນຄົນຫນຸ່ມນ້ອຍ ເກີດໃຫ່ມລຸນຫລັງ
ຈົ່ງຮ່ວມໃຈເປັນພະລັງ ເພື່ອຮັກສາເມືອງບ້ານ
ຢ່າໄດ້ເມົາມົວຄ້ານ ຈົ່ງສຶກສາຮຽນຮໍ່າ
ສາມັກຄີພໍ່າພ້ອມ ຖະຫນອມຕຸ້ມແຜ່ນດິນລາວ.ເຮົາເໜີ
****
By : ST TBS
ໜວດໝູ່:
