ບຸກຄະລິກເປັນເລື່ອງສຳຄັນ ເພາະເປັນປະການດ່ານທຳອິດທີ່ຈະນຳພາຊີວິດໄປສູ່ຄວາມສຳເລັດທີ່ຄາດຫວັງໄວ້ ມີວິທີການສ້າງບຸກຄະລິກໃຫ້ດູດີມາແນະນຳ

ເລີ່ມຈາກ ການເບີ່ງ ເພາະສາຍຕາສາມາດບົ່ງບອກອາລົມຄວາມຮູ້ສືກໄດ້ ເຊັ່ນ ຄວາມຮັກ ຄວາມຊັງ ຄວາມຄຽດ ຄວາມເຄົາລົບ ຫຼືຄວາມຢຽບຫຍາມດູມິ່ນ ດັ່ງນັ້ນ ເວລາເບີ່ງຜູ້ອື່ນຄວນໃຊ້ສາຍຕາທີ່ສະແດງເຖິງຄວາມສຸພາບຮຽບຮ້ອຍ ການຍ່າງ ຕ້ອງໃສ່ຄວາມໝັ້ນໃຈແລະສະຫງ່າງາມ ບາດຍ່າງຍາວພໍປະມານແລະສອດຄ້ອງກັບເສື້ອຜ້າຫຼືເກີບທີ່ໃສ່

ຖັດມາຄື ການແຕ່ງຕົວ ທີ່ບົ່ງບອກເຖິງການເອົາໃຈໃສ່ຕົວເອງ ເພາະການແຕ່ງຕົວຈະເຮັດໃຫ້ດູດີຫຼືຂີ້ລ້າຍໄດ້ ດັ່ງນັ້ນຄວນເລືອກເຄື່ອງແຕ່ງຕົວເໝາະສົມກັບກາລະເທສະ ສະອາດຮຽບຮ້ອຍ

ມາເຖິງຫົວໃຈສຳຄັນ ຄື ການເວົ້າ ການເວົ້າຕ້ອງມີສິລະປະ ເວົ້າເພື່ອໃຫ້ຊະນະໃຈຜູ້ຟັງ ໂດຍຄຳເວົ້າຕ້ອງສຸພາບ ມີເຫດຜົນ ນ້ຳສຽງມ່ວນຫູຊວນຟັງ ແລະການໃຊ້ຄຳເວົ້າຄວນເໝາະສົມກັບຜູ້ຟັງ ໂດຍຄຳນືງເຖິງໄວ ເພດ ລະດັບການສືກສາ ອາຊີບ ແລະຄວາມສົນໃຈພິເສດຂອງຜູ້ຟັງ

ສດທ້າຍທີ່ ສຸຂະພາບ ຄື ສຸຂະພາບດີ ບໍ່ມີໂລກໄພ ຮ່າງກາຍແຂງແຮງ ເພາະຄົນປ່ວຍອອດໆ ແອດໆ ຈະເບີ່ງອ່ອນແອ ບໍ່ຄ່ອງແຄ້ວ ບາງໂລກສົ່ງຜົນເຖິງຄວາມຊີດເຫຼືອງ ມົ່ນໝອງ ຈົນຂາດສະຫງ່າລາສີ ສະນັ້ນການເບີ່ງແຍງສຸຂະພາບໃຫ້ດີຄືຕົ້ນທືນຂອງການພັດທະນາບຸກຄະລິກທີ່ສຳຄັນ

ດຽວນີ້ໃຜໆຕ່າງກໍ່ມີມືຖືຕິດຕົວນຳກັນທັງນັ້ນ ແຖມມືຖືສ່ວນໃຫ່ຍດຽວນີ້ກໍ່ມີກ້ອງຖ່າຍຮູບຕິດມາໃຫ້ໄດ້ເກືອບທຸກໜ່ວຍ

ເຊີ່ງຫຼາຍໆຄົນກໍ່ໃຊ້ໂທລະສັບມືຸຖືນີ້ແລະຖ່າຍພາບຄວາມປະທັບໃຈ ລວມໄປເຖີງຖ່າຍຕົວເອງໃນສະຖານທີ່ຕ່າງໆ ເກືອບເລື້ອຍໆ

ທັ້ງນີ້ບາງຄັ້ງພາບທີ່ຖ່າຍຈາກກ້ອງມືຖືນັ້ນອາດຈະງາມສູ້ພາບທີ່ຖ່າຍຈາກກ້ອງບໍ່ໄດ້ເພາະສະນັ້ນມາເບິ່ງກັນກວ່າວ່າຖ້າຈະໃຊ້ມືຖື

ຖ່າຍຮູບນັ້ນຄວນຈະໃຊ້ຢ່າງໃດເພື່ອພາບຈະໄດ້ອອກມາງາມໆ

ຢ່າງທຳອິດນັ້ນ ບໍ່ຄວນໃຫ້ກ້ອງຢູ່ໄກເກີນຕົວເຮົາ ເກີນ 30-60 ຊ.ມ

ເພາະນັ້ນຈະເປັນໄລຍະທີ່ແສງແຟຮຊຂອງກ້ອງສ່ອງເຖິງ

ໃນຂະນະທີ່ຖ້າຖ່າຍສີ່ງຂອງກໍ່ຄວນໃຫ້ຢູ່ໃນໄລຍະ 90-120 ຊ.ມ ແລະພະຍາຍາມຢູ່ໃນທີ່ມີແສງສະຫວ່າງຫຼາຍໆ

ເພາະກ້ອງມືຖືນັ້ນຄ່ອນຂ້າງແພ້ພື້ນທີ່ມືດໆ

ໃນການຖ່າຍພາບແຕ່ລະເທື່ອແນະນຳໃຫ້ຖ່າຍພາບສີຕະຫຼອດ ສ່ວນເອຟເຟດຕ່າງໆ ນັ້ນເຮົາສາມາດໃຊ້ໂປຮແກຣມ

ຕົບແຕ່ງພາບຊ່ວຍໄດ້ໃນພາຍຫຼັງ ແລະຕ້ອງເລືອກຄວາມລະອຽດຂອງພາບໃຫ້ສູງທີ່ສຸດ ເພື່ອພາບທີ່ໄດ້ຈະໄດ້ຄົມຊັດ

ແລະຕ້ອງບໍ່ລືມເບີ່ງແຍງດູແລເລນສ໌ກ້ອງໃຫ້ສະອາດຢູ່ສະເໝີ ທັ້ງມືຖືທີ່ມີຝາປິດກ້ອງ ແລະບໍ່ມີຝາປິດກ້ອງ ແນະນຳໃຫ້

ໃຊ້ຜ້າທີ່ໃຊ້ເຊັດເຮັດຄວາມສະອາດແວ່ນຕາມາທຳຄວາມສະອາດຈະດີທີ່ສຸດ

ສາວໆ ຄົນໃດມັກການຕໍ່ເລັບເປັນຊີວິດຈິດໃຈ ຕ້ອງຢ່າລືມເບິ່ງຂ້າມຄວາມປອດໄພ ແລະຈົ່ງລະວັງໄພທີ່ເກີດຈາກການຕໍ່ເລັບເປັນພິເສດ ເອົາເປັນວ່າໄປຕິດຕາມກັນເລີຍດີກວ່າວ່າໄພຮ້າຍນີ້ຄືຫຍັງ...

ໄພຮ້າຍທີ່ອາດເກີດຂື້ນໄດ້ຈາກການຕໍ່ເລັບນັ້ນ ເປັນອັນຕະລາຍທີ່ຫຼາຍຄົນອາດຄາດບໍ່ເຖິງ ເນື່ອງຈາກການຕໍ່ເລັບນັ້ນປັດໄຈທີ່ສຳຄັນໄດ້ແກ່ “ກາວ“ ເຊິ່ງສ່ວນໃຫ່ຍມັກຈະໃຊ້ກາວທີ່ມີລາຄາຖືກ ໂດຍຈະມີລັກສະນະກິ່ນເໝັນ ແລະເປັນພິດ ອາດຈະມີປະຕິກິລິຍາກັບຜິວໜັງຫຼືເຮັດໃຫ້ເລັບເສຍຫາຍຖາວອນໄດ້

ອີກທັງເມື່ອກາວແຫ້ງຈະແຂງຕົວ ແລະມັກຈະຍືດຕິດກັບເລັບແທ້ຢ່າງແໜ້ນໜາ ຈື່ງອາດເຮັດໃຫ້ເລັບຈີກໄດ້ເມື່ອຈະເອົາອອກ ບາງເທື່ອເມື່ອຖອດເອົາເລັບປອມບໍ່ອອ ເຖິງກັບຕ້ອງໃຊ້ຕະໄບຄັດອອກ ກໍ່ແຮງເຮັດໃຫ້ເລັບທີ່ຢູ່ທາງໃນເສຍຫາຍຫຼາຍ ເຊິ່ງຈະສົ່ງຜົນເຖິງສຸຂະພາບຂອງເລັບໄດ້ ນອກຈາກນັ້ນກາວ ເຊິ່ງເປັນສານເຄມີອາດຖືກດູດຊືມເຂົ້າສູ່ເລັບ ແລະອາດເປັນສາເຫດຂອງການຕິດເຊື້ອລາຫຼືສະສົມເຊື້ອລາພາຍໃຕ້ເລັບ

ຮູ້ແບບນີ້ແລ້ວ                   ສາວຄົນໃດ                ທີ່ຮັກຄວາມສວຍຄວາມງາມ

ແລະມັກການຕໍ່ເລັບຕ້ອງລອງກັບມາໃຫ້ຄວາມສຳຄັນກັບເລື່ອງຂອງຄວາມປອດໄພັນແດ່ແລ້ວເດີ..........

ຄຳເວົ້າບາງຄຳທຳຮ້າຍຄົນຟັງໄດ້

ຖ້າຈະໃຫ້ບໍ່ແຄຮ໌ນັ້ນ ເຮັດໄດ້ແຕ່ຍາກແນ່ນອນ

ຂ້ອຍເຄີຍຮູ້ສືກເມື່ອຍ ກັບຄຳເວົ້າລອຍໆ ຂອງຄົນຫຼາຍຄົນ

ຄຳເວົ້າຂອງເຂົາເຮັດໃຫ້ເຮົາໝົດຄວາມນັບຖືຕົວເອງ

ບາງເທື່ອມັນອາດເຖິງຂະໜາດເຮັດໃຫ້ຊີວິດປ່ຽນໄປ

ບັ່ນທອນສຸຂະພາບກາຍແລະໃຈ

ຄຳເວົ້າຖິ້ມຢາພິດໄວ້ໃນໃຈເຮົາ ແລ້ວກໍ່ໜີລອຍລວນ

ຄົນທີ່ຮູ້ສຶກບໍ່ດີຄືຄົນຟັງ...

ຂ້ອຍເລີຍປ່ຽນຄວາມຄິດໃຫ່ມ

ພະຍາຍາມຫາເຫດຜົນເພື່ອເຂົ້າໃຈພວກເຂົາ

ຄົນທີ່ມັກຕິຂໍ້ບົກພ່ອງ

ຕອກຢ້ຳປົມດ້ອຍຂອງຄົນອື່ນ ເພາະຕ້ອງການໃຫ້ຕົວເອງເບິ່ງດູດີ

ຄົນພວກນີ້ມີປົມດ້ອຍໃນໃຈ ມັກສ້າງຄວາມດີໃຫ້ຕົວເອງ

ໂດຍການຕິຄົນອື່ນ ເພື່ອຫຼຸດຄວາມດີຂອງຄົນອື່ນ

ຈິດໃຈເຂົາໝອງໝົ່ນ ເບິ່ງບໍ່ເຫັນຄວາມດີ ຄວາມງາມ

ແລະສິ່ງດີໆ ໃນຕົວຄົນອື່ນ ເພື່ອນຳມາເວົ້າເຖິງ

ຫຼາຍເທື່ອທີ່ເຮົາມັກເຈີະຄຳເວົ້າບໍ່ດີ ຈາກຄົນອອ້ມຂ້າງ

ຖ້າບໍ່ຮູ້ຈັກເບິ່ງແຍງດູແລຈິດໃຈ ຄວາມຮູ້ສຶກຂອງຕົວເອງ

ເຮົາຈະຖຶກບັ່ນທອນທີລະນ້ອຍ...

ຄົນຂ້າງໆ ຂ້ອຍຄົນໜື່ງ ມັກລໍ້ປົມດ້ອຍຂອງຄົນອື່ນ

ດ້ວຍຄຳເວົ້າຮ້າຍແຮງ ແລ້ວຫົວຂວັນຢ່າງມີຄວາມສຸກ

ວ່າຄົນນັ້ນເຂົາໃຫ່ຍ ວ່າຄົນນີ້ເຂົາດຳ

ແຮງຖ້າເຂົາລໍ້ໃຜ ແລ້ວຄົນຟັງນັ່ງຢາດນ້ຳຕາ

ເຂົາແຮງມີຄວາມສຸກ

ທີ່ສຳຄັນຄົນທີ່ເຂົາຕິ ກໍ່ເປັນໝູ່ທີ່ແສນດີຂອງເຂົາທັ້ງນັ້ນ...

ຂ້ອຍພະຍາຍາມເຂົ້າໃຈເຂົາ ເພື່ອເບີ່ງແຍງດູແລຫົວໃຈຕົວເອງ

ບໍ່ໃຫ້ຖຶກບັ່ນທອນໄປຕາມຄຳເວົ້າຂອງຄົນປະເພດນີ້

ເຂົ້າໃຈຢ່າງດຽວບໍ່ພໍ ຕ້ອງຫາທາງຕອບໂຕ້

ເພື່ອສະກິດໃຫ້ເຂົາຮູ້ຕົວວ່າເຂົາກຳລັງຕິເຮົາຢູ່

ເພາະເຂົາຈະອາຍ ແລະຮູ້ຕົວ

ແຕ່ຖ້າເຮົາໄປໂວຍວາຍ ອັບອາຍ

ເຂົາຈະແຮງມ່ວນຊື່ນ ແລະເຮັດຕະຫຼອດ ເລື້ອຍໆ

ພໍເຂົາວ່າຫຍັງມາ ຂ້ອຍຈະເຮັດເສີຍໆ

ດຽວເຂົາໝົດມ່ວນກໍ່ເລີກໄປເອງ

ຖ້າຍັງບໍ່ເລີກຕ້ອງຫາຄຳເວົ້າເຈັບໆ

ຕອບໂຕ້ໄປແດ່

(ຢ່າວ່າຂ້ອຍຮ້າຍເດີ) ພຽງແຕ່ຢາກໃຫ້ເຂົາຮູ້ຕົວ

ແລ້ວໄດ້ຜົນດ້ວຍ ເຂົາຈະມິດໄປດົນ ເລີຍ

ທີ່ສຳຄັນໃຈເຮົາຕ້ອງໜັກແໜ້ນ ຢ່າຫວັ່ນໄຫວ

ທີ່ເຂົາວ່າມາ ເປັນປົມດ້ອຍຂອງເຮົາກໍ່ແມ່ນ

ແຕ່ຄົນເຮົາເລືອກເກີດບໍ່ໄດ້

ທີ່ເຂົາຕິມາເພາະເຂົາເບິ່ງກາສ່ວນຮ້າຍ ຂ້ອງເຮົາຕ່າງຫາກ

ທີ່ດີໆ ກໍ່ມີ ແຕ່ເຂົາບໍ່ເວົ້າ

ຕົວເຮົາຍ່ອມຮູ້ຕົວເອງດີທີ່ສຸດ

ເຊື່ອໃນຄຸນຄ່າຂອງຕົວເອງ ໄວ້ໃຈຕົວເອງ

ເບີ່ງແຍງຫົວໃຈຂອງເຮົາໃຫ້ດີ

ຮຽນຮູ້ທີ່ຈະປະຕິເສດຄຳເວົ້າບໍ່ດີ ຈາກຄົນອື່ນ

ຮູ້ແຫຼ່ງທີ່ມາຢ່າງມີເຫດຜົນ

ແລ້ວຈະບໍ່ມີຫຍັງມາບັ່ນທອນຫົວໃຈເຮົາໄດ້ເລີຍ....

ເຖິງວ່າການສີແຂ້ວເປັນປະຈຳຈະເປັນສຸຂະນິໄສທີ່ດີແຕ່ມີ ບາງເວລາທີ່ບໍ່ຄວນສີແຂ້ວໃນທັນທີ

ສະມາຄົມແພດຊິຄາໂກ ລະບຸວ່າ ບໍ່ຄວນສີແຂ້ວທັນທີຫຼັງຈາກດື່ມເຄື່ອງດື່ມທີ່ມີສ່ວນປະສົມຂອງໂສດາຫຼືກົດ ເຊັ່ນ ນ້ຳອັດລົມ ນ້ຳສົ້ມ ເພາະການສີແຂ້ວຂະນະທີ່ມີກົດຫຼົງເຫຼືອຢູ່ໃນປາກຈະຍິ່ງກະຕຸ້ນໃຫ້ແຂ້ວພຸງ່າຍຫຼາຍຂື້ນ

ວິທີທີ່ຄວນເຮັດຫຼັງຈາກດື່ມເຄື່ອງດື່ມເຫຼົ່ານີ້ ຄື ດື່ມນ້ຳດື່ມຫຼືຫຍ້ຳໝາກຝຣັ່ງ ເພື່ອກະຕຸ້ນໃຫ້ຮ່າງກາຍຜະລິດນ້ຳລາຍຫຼາຍຂື້ນເຊິ່ງຈະຊ່ວຍປັບສົມດຸນພາຍໃນປາກ ຫຼັງຈາກນັ້ນຄ່ອຍສີແຂ້ວ ວິທີນີ້ໃຊ້ກັບຜູ້ທີ່ເປັນໂລກກົດໄຫຼຍ້ອນ ເຊິ່ງມັກຈະມີນ້ຳຍ່ອຍທີ່ມີສະຖານະເປັນກົດໄຫຼຍ້ອນມາຢູ່ໃນປາກໄດ້ອີກດ້ວຍ

ເກັບໄຂ່ໃຫມ່ໄວ້ດົນເກີນໄປ ແຖມຍັງເຜິເອົາໄປໄວ້ປົນກັບໄຂ່ ທີ່ຫາກໍ່ຊື້ມາໃຫ່ມ

ບໍ່ຕ້ອງຕົກໃຈໄປ ມີວິທີດີໆ ມາແນະນຳ ວິທີເບີ່ງວ່າໄຂ່ສົດເນົ່າຫຼືຍັງ

ໃຫ້ເອົາໄຂ່ໄປລອຍນ້ຳເບິ່ງ

ໄຂ່ເນົ່າຈະລອຍນ້ຳສະເໝີ ສ່ວນໄຂ່ທີ່ຍັງດີຢູ່ຈະຈົມນ້ຳເດີ!

ໂດຍສະເພາະເລື່ອງເກີບທີ່ຕ້ອງໃສ່ໃຈເປັນພິເສດ ເພາະເກີບທີ່ດີຈະຊ່ວຍປ້ອງກັນແຮງກະທົບລະຫວ່າງແລ່ນ ເຊິ່ງເປັນຕົວການຂອງອາການເຈັບຕີນ

ໝໍ ຈາກມະຫາວິທະຍາໄລເວິລ໌ຈີເນຍເຕືອນວ່າ ເກີບແລ່ນທີ່ຂາຍຢູ່ທຸກມື້ນີ້ ເຖິງຈະມີຮູບຮ່າງງາມ ແຕ່ຖ້າເລືອກຜິດກັບທຳລາຍຂໍ່ຍິ່ງກວ່າການແລ່ນບໍ່ໃສ່ເກີບຫຼືໃສ່ເກີບສົ້ນສູງຍ່າງເປັນເວລາດົນໆ

ທີ່ເປັນແນວນັ້ນເພາະວ່າການເສີມສົ້ນແລະການເພີ່ມວັດສະດຸທີ່ຮອງຮັບບໍລິເວນອົ້ງຕີນເພື່ອແກ້ຄວາມຜິດປົກກະຕິຂອງຄົນທີ່ຕີນແບນ ຈະຍິ່ງເພີ່ມແຮງບິດຂອງກະໂພກ ຫົວເຂົ່າ ແລະຂໍ່ຕີນ ໃນເວລາແລ່ນໃຫ້ຫຼາຍຂື້ນ ໂດຍສະເພາະຢ່າງຍິ່ງເປັນການເພີ່ມແຮງກົດດັນບໍລິເວນຫົວເຂົ່າຫຼາຍກວ່າການໃສ່ເກີບສົ້ນສູງຍ່າງໄປຍ່າງມາເຖິງ 10%

ດັ່ງນັ້ນ ທຸກເທື່ອທີ່ຊື້ເກີບຄວນລອງໃສ່ແລ່ນຫຼືຍ່າງເບິ່ງຈັກໜ້ອຍ ເພື່ອໃຫ້ໄດ້ຄູ່ທີ່ໃສ່ສະບາຍສຳຫຼັບການອອກກຳລັງກາຍທີ່ມີຄຸນນະພາບເດີ!

ການສະເອິະເປັນພາວະທີ່ຮ່າງກາຍເຮັດວຽກຜິດປົກກະຕິ ເນື່ອງຈາກກະບັງລົມເຊິ່ງເປັນແຜ່ນກ້າມເນື້ອແລະເນື້ອພັງຜືດກັ້ນລະຫວ່າງຊ່ອງທ້ອງກັບຊ່ອງໜ້າເອິກ ຢືດ-ຫົດຕົວບໍ່ສະໝ່ຳສະເໝີ

ນອກຈາກນີ້ ສາເຫດຂອງການສະເອິະ ອາດເກີດໄດ້ຈາກ

ມີສິ່ງແປກປອມໄປກວນເສັ້ນປະສາດທີ່ຄວບຄຸມການເຮັດວຽກຂອງກະບັງລົມ ລົມໃນກະເພາະອາຫານຂະຫຍາຍຕົວໄປດັນກະບັງລົມ ກືນອາຫານຫຼືນ້ຳຈຳນວນຫຼາຍຈົນໄຫຼລົງກະເພາະບໍ່ທັນ ເຮັດໃຫ້ຫຼອດອາຫານຕອນປາຍຂະຫຍາຍຕົວໄປກະຕຸ້ນປາຍປະສາດທີ່ມາລ້ຽງກະບັງລົມ ຫຼືອະໄວຍະວະມໍ່ກະບັງລົມເປັນໂລກບາງຢ່າງ ເຊັ່ນ ເຍື່ອຫຸ້ມປອດອັກເສບ ເປັນຕົ້ນ

ສົ່ງຜົນໃຫ້ກະບັງລົມຫົດຕົວຢ່າງຮຸນແຮງທັນທີທັນໃດ ການບີບຮັດຕົວຂອງກະບັງລົມເຮັດໃຫ້ແຜ່ນສຽງບ່ອນຄໍຫອຍເຊິ່ງປົກກະຕິຄອຍກັ້ນບໍ່ໃຫ້ອາຫານເຂົ້າໄປໃນຫຼອດລົມປິດລົງເມື່ອກະບັງລົມຫົດຢ່າງແຮງກໍ່ຈະດືງອາກາດເຂົ້າສູ່ປອດຜ່ານຄໍຫອຍ ອາກາດຈຶ່ງກະທົບກັບແຜ່ນປິດ ແລ້ວເຮັດໃຫ້ສາຍສຽງ (ເສັ້ນເອັນ 2 ເສັ້ນ) ສັ່ນສະເທືອນ ຈື່ງເກີດສຽງອືກໆ ຢ່າງທີ່ໄດ້ຍິນເວລາສະເອິະ ເຊິ່ງອາການສະເອິະອາດຈະເກີດຂື້ນໄດ້ນາທີລະຫຼາຍເທື່ອ ແລະສະເອິະຕໍ່ເນື່ອງກັນໄດ້ຫຼາຍຊົ່ວໂມງ ຈົນຄົນສະເອິະເມື່ອຍ

ແຕ່ບໍ່ແມ່ນວ່າບໍ່ມີວິທີແກ້ໄຂ ເຊິ່ງກໍ່ມີຫຼາຍວິທີ ເຊັ່ນ ຫາຍໃຈເລິກໆ ກັ້ນຫາຍໃຈ ຫາຍໃຈໃນຖົງຢາງປະມານ 3-5 ນາທີ ຖ້າເປັນເດັກນ້ອຍອ່ອນໃຫ້ອຸ້ມພາດໃສ່ບ່າແລ້ວໃຊ້ມືລູບຫຼັງຄ່ອຍໆ ໃຫ້!

ຄວາມຮູ້ສຶກວູບຫຼີວຫຼືສຽວບໍລິເວນໜ້າທ້ອງ ໃນຂະນະທີ່ຂື້ນລິຟທ໌ຫຼືລົງລິຟທ໌ ເຮົາເອງກໍ່ອາດເຄີຍເກີດຄວາມຮູ້ສຶກດັ່ງກ່າວມາແດ່

ຄວາມຮູ້ສຶກເບື້ອງຕົ້ນເປັນຜົນມາຈາກການປ່ຽນແປງອັດຕາເລັ່ງຂອງລິຟທ໌ ໝາຍຄວາມວ່າ ລິຟທ໌ບໍ່ໄດ້ເຄື່ອນທີ່ດ້ວຍຄວາມໄວທີ່ສະໝ່ຳສະເໝີ ແຕ່ເຄື່ອນທີ່ຫຼືເຄື່ອນຕົວດ້ວຍຄວາມໄວແດ່ຊ້າແດ່ສະຫຼັບກັນ ແລະການເຄື່ອນທີ່ໃນລັກສະນະໄວໆ ຊ້າໆ ໂດຍມີການປ່ຽນອັດຕາເລັ່ງຢ່າງສະຫຼັບນີ້ເອງ ທີ່ມີຜົນເຮັດໃຫ້ເຮົາເກີດຄວາມຮູ້ສຶກດັ່ງກ່າວເບື້ອງຕົ້ນ ບາງຄົນອາດຈະຮູ້ສຶກຕົວເບົາຫຼືຕົວລອຍກໍ່ດ້ວຍສາເຫດດຽວກັນ!

ການຢູ່ຄົນດຽວ ບໍ່ໄດ້ໝາຍຄວາມວ່າເຮົາຕ້ອງເປັນຄົນທີ່ມີບັນຫາ ບໍ່ມີຄົນຢາກຄົບ ແຕ່ນັ້ນອາດເປັນວິທີສຳລັບຄົນສະຫຼາດໃນການຮູ້ຈັກໃຫ້ເວລາກັບຕົວເອງກໍ່ໄດ້

“ການຢູ່ຄົນດຽວ“ ໃນເວລານີ້ບໍ່ໄດ້ໝາຍລວມເຖິງວ່າ ເຮົາຕ້ອງປະຕິເສດການສ້າງຄວາມສຳພັນກັບຄົນອື່ນ ເພາະມັນກະຖືເປັນດ້ານໜື່ງທີ່ສຳຄັນຂອງງຊີວິດ ໃນຂະນະທີ່ເຮົາຕ້ອງຮູ້ຈັກສ້າງສົມດຸນລະຫວ່າງສອງຢ່າງນີ້ ແລະນີ້ຄືເຫດຜົນທີ່ວ່າເປັນຫຍັງເຮົາຕ້ອງຮູ້ຈັກໃຫ້ເວລາກັບຕົວເອງແດ່

1. ເພື່ອຄົ້ນພົບຕົວເອງ

ການໃຊ້ເວລາຢູ່ກັບຕົວເອງເຮັດໃຫ້ເຮົາມີເວລາພໍທີ່ຈະຄົ້ນຫາຕົວຕົນ ແລະເຂົ້າໃຈຄວາມເປັນຕົວເຮົາຫຼາຍທີ່ສຸດ ບາງເທື່ອຄົນເຮົາເມົາມົວແຕ່ຊື່ນຊົມ ເຂົ້າໃຈຄົນອື່ນ ແຕ່ລືມວ່າສິ່ງທີ່ສຳຄັນກວ່ານັ້ນ ຄື ການເຂົ້າໃຈຕົວເອງຕ່າງຫາກ ຮູ້ວ່າແທ້ໆ ແລ້ວເຮົາມັກຫຼືບໍ່ມັກຫຍັງ ໂດຍປາສະຈາກອິດທິພົນພາຍນອກມາກ່ຽວຂ້ອງ

2. ເພີ່ມຄວາມນັບຖືໃຫ້ຕົວເອງ

ການຢູ່ຄົນດຽວເປັນການເພີ່ມອິດສະຫຼະໃຫ້ກັບຕົວເຮົາ ລວມເຖິງຖ້າເຮົາໄດ້ໃຊ້ຄວາມເປັນຕົວເຮົາເລືອກແລະຕັດສິນໃຈຫຍັງແດ່ແລ້ວ ຈະຍິ່ງເປັນການເພີ່ມຄວາມໝັ້ນໃຈໃນຕົວເຮົາໄປອີກ ເຊິ່ງມັນຈະຄ່ອຍແຊກຊືມໄປສູ່ການໃຊ້ຊີວິດດ້ານອື່ນໆ ຂອງເຮົາແດ່ ໂດຍສະເພາະເວລາທີ່ເຮົາຢູ່ຮ່ວມກັບຄົນອື່ນ

3. ບາງເທື່ອກໍ່ບໍ່ຈຳເປັນຕ້ອງໃຊ້ການປານີປານອມ

ຫຼາຍເທື່ອທີ່ຄົນເຮົາພະຍາຍາມໃຊ້ຄວາມປານີປານອມເມື່ອຕ້ອງຢູ່ຮ່ວມກັບຄົນອື່ນ ເຮົາມັກຈະອົດທົນເຮັດວຽກຮ່ວມກັບຄົນອື່ນເພື່ອໃຫ້ບັນລຸຂໍ້ຕົກລົງຫຼືເປົ້າໝາຍໃດໆ ແທນການໃຊ້ເວລາກັບນັ່ງກິນອາຫານແລງພ້ອມເບິ່ງທໍລະທັດ ເພາະບາງເທື່ອການໃຊ້ເວລາກັບຕົວເອງກໍ່ຄືການປ່ອຍໃຫ້ເຮົາໄດ້ຕາມໃຈຕົວເອງ ເຮັດໃນສິ່ງທີ່ຕ້ອງການ ຫຼືສິ່ງທີ່ເຮົາຮັກໂດຍບໍ່ມີຂໍ້ແມ້ໃດໆ

4.ເຮັດໃຫ້ຕົວເອງກັບໄປເປັນເດັກໄວຫຼຸ້ນອີກຄັ້ງໜື່ງ

ຈະມີຈັກໄວບໍ່ທີ່ເຮົາເລືອກຫຼີກໜີຈາກຜູ້ຄົນ ເພື່ອປົດປ່ອຍຄວາມເປັນຕົວເຮົາ ຖິ້ມຄວາມຄຽດໄວ້ທາງຫຼັງ ແລ້ວພັກຜ່ອນຢ່າງເຕັມທີ່ ເຊິ່ງຊ່ວງເວລານັ້ນເໜືອນເປັນການ ລີ່ສະຕາດ ເພື່ອເປີດໂອກາດໃຫ້ຕົວເຮົາໄດ້ເຂົ້າເຖິງຄວາມຕ້ອງການທີ່ແທ້ຈິງຂອງຕົວເອງ ເຊິ່ງບາງເທື່ອອາດເປັນສິ່ງທີ່ຄົນອື່ນຕໍ່ຕ້ານ

5. ມີມູມມອງທີ່ສົດໃສ

ການຢູ່ກັບຕົວເອງເຮັດໃຫ້ເຮົາມີເວລາທີ່ຈະລ້າງຊ່ວຍຈິດໃຈ ຖິ້ມຄວາມຄິດທັງຫຼາຍ ແລະເປັນການເປີດໃຫ້ເຫັນຄວາມຮູ້ສຶກທີ່ມາຈາກໃຈຂອງເຮົາ ໂດຍບໍ່ມີອິດທິພົນຂອງຄົນອື່ນ ເປັນຊ່ວງເວລາທີ່ເຮົາຈະໄດ້ສະທ້ອນເບິ່ງວ່າຫຍັງຄືສິ່ງທີ່ສຳຄັນໃນຊີວິດຂອງເຮົາ ແລະແທ້ໆແລ້ວເຮົາຮູ້ສຶກແນວໃດກັບສະຖານະການໃນຊີວິດປະຈຳວັນທີ່ເຮົາຕ້ອງປະເຊີນເປັນປະຈຳ

6. ເຫັນຄຸນຄ່າໃນສິ່ງທີ່ເຮົາຮັກຫຼາຍຂື້ນ

ການຢູ່ຄົນດຽວເປັນການປົດປ່ອຍຕົວເຮົາໃຫ້ມີຊ່ວງເວລາທີ່ຈະໄດ້ຊື້ງກັບຊ່ວງເວລາທີ່ໄດ້ຢູ່ກັບຄົນອື່ນ ຖ້າເຮົາບໍ່ເຄີຍມີເວລາທີ່ຢູ່ກັບຕົວເອງ ເຮົາຍ່ອມປາຖະໜາມັນ ເຊິ່ງມັນເປັນເລື່ອງສຳຄັນທີ່ເຮົາຈະຕ້ອງຫາສົມດຸນໃຫ້ໄດ້ ເພາະຖ້າເຮົາສາມາດເຮັດໄດ້ ເຮົາຈະມີຄວາມສຸກກັບການມີຄວາມສຳພັນກັບຄົນອື່ນຫຼາຍຂື້ນ

ໃຜທີ່ອ່ານມາເຖິງບ່ອນນີ້ແລ້ວເຈິະວ່າການໃຊ້ເວລາຢູ່ກັບຕົວເອງເປັນເລື່ອງທີ່ຍາກ ແລະທ້າທາຍ ແນະນຳໃຫ້ເຮົາເລີ່ມຈາກການໃຊ້ເວລາຢູ່ກັບຕົວເອງມື້ລະໜ້ອຍ ເລີ່ມຈາກມື້ລະ 1 ນາທີຈົນເປັນຊົ່ວໂມງ ແລະຫຼັງຈາກການຝຶກຝົນໄປເລື້ອຍໆ ເຮົາຈະເຈິະວ່າມັນຈະມາເອງຕາມທຳມະຊາດໃນທີ່ສຸດ!

ຢ່າທີ່ 1 ຄື ຢ່ານອນຫຼັບໄປພ້ອມ ກັບໂມງໃສ່ແຂນ ກໍ່ເພາະເວລາທີ່ໂມງກຳລັງເດີນຢູ່ນັ້ນ ໂມງບໍ່ວ່າຈະນ້ອຍຫຼືໃຫ່ຍ ລ້ວນແຕ່ປ່ອຍພະລັງງານທັງນັ້ນ ເຊື່ອບໍ່ວ່າການໃສ່ໂມງນອນຈະມີຜົນຕໍ່ສຸຂະພາບຍາວເລີຍ

ຢ່າທີ່ 2 ນີ້ ສຳລັບພວກມັກລົມໂທລະສັບມືຖືຈົນລັບໂດຍສະເພາະ ບໍ່ຄວນນອນລັບໄປພ້ອມໆ ກັບໂທລະສັບເທົ່ານັ້ນ ແຕ່ໝາຍຄວາມໄປເຖິງການວາງໂທລະສັບໄວ້ໃກ້ໆ ຕົວແດ່ ບາງຄົນມັກໃຊ້ມືຖືເປັນໂມງປຸກຕອນເຊົ້າ ກະລຸນາເກັບມືຖືຂອງທ່ານໄວ້ໃຫ້ໄກຕົວທີ່ສຸດເມື່ອຈະນອນ ເພາະມີຫຼັກຖານທາງວິທະຍາສາດລະບຸວ່າ ໂທລະສັບມືຖືເຄື່ອງນ້ອຍນັ້ນ ຈະປ່ອຍຄື່ນແມ່ນເຫຼັກໄຟຟ້າອອກມາຂະນະເປີດເຄື່ອງໄວ້ ແລະຄື່ນແມ່ເຫຼັກໄຟຟ້າເຫຼົ່ານີ້ມີຜົນກັບລະບົບສະໝອງ ເພາະສະນັ້ນ ຕອນນອນກໍ່ປິດໂທລະສັບມືຖືຈະດີກວ່າ ພໍປິດໂທລະສັບມືຖືຮຽບຮ້ອຍແລ້ວ ຈະວາງໄວ້ມໍ່ຫຼືໄກກໍ່ຫາຍຫ່ວງ

ຢ່າທີ່ 3 ງ່າຍໆສັ້ນໆ ຄື ຢ່າຫຼັບພ້ອມໆ ກັບເຄື່ອງສຳອາງ ບໍ່ວ່າຈະເມື່ອຍອ່ອນແຮງພຽງໃດ ຕ້ອງລ້າງເຄື່ອງສຳອາງອອກໃຫ້ໝົດ ເພາະການຫຼັບ ທັ້ງໆ ທີ່ເຄື່ອງສຳອາງຍັງຄາຢູ່ທີ່ຜີວໜັງນັ້ນ ຈະກໍ່ໃຫ້ເກີດປັນຫາດ້ານຜີວໜ້ງໄລຍະຍາວ ກາງຄືນຄືຊ່ວງເວລາທີ່ຜີວໜັງໄດ້ພັກຜ່ອນ

ຢ່າທີ່ 4 (ສຳລັບຜູ້ສາວ ເທົ່ານັ້ນ) ຄື ຢ່ານອນຫຼັບທັ້ງໆ ທີ່ຍັງໃສ່ເສື້ອຊ້ອນ (ຍົກຊົງ) ນັກວິທະຍາສາດຊາວອາເມລິກາ ຄົ້ນພົບວ່າການໃສ່ເສື້ອຊ້ອນດົນເກີນ 12 ຊົ່ວໂມງ ຈະເປັນການເພີ່ມອັດຕາສ່ຽງຕໍ່ການເປັນມະເຮັງເຕົ້ານົມໄດ້ ສະນັ້ນກໍ່ຢ່າໃສ່ເສື້ອຊ້ອນນອນເລີຍ ບໍ່ຕ້ອງຢ້ານເສຍຊົງ ບໍ່ຕ້ອງຢ້ານໜ້າເອິກແບ໊ນ ຫ່ວງຊີວິດໄວ້ກ່ອນດີກວ່າ!

1. ເຮັດຫຍັງທີ່ໜ້າຕື່ນເຕັ້ນໃນແຕ່ລະມື້

2. ໄປທ່ຽວບ່ອນທີ່ເຮົາບໍ່ເຄີຍໄປ ກັບຄົນທີ່ເຮົາບໍ່ເຄີຍຄິດຈະລືມ

3. ຊື້ຄວາມສຸກ ດ້ວຍຮອຍຍິ້ມ

4. ລົມ ກັບຄົນແປກໜ້າ ເພື່ອຫາໝູ່ໃໝ່

5. ຊ່ວຍຄົນອື່ນ ເມື່ອເຮົາສາມາດຊ່ວຍໄດ້

6. ສັງເກດ ສິ່ງຮອບຕົວເຮົາ ອາດຈະເຈິະຄວາມສຸກນ້ອຍໆ ເຂົ້າມາໃນຊີວິດ

7. ຢູ່ມິດໆ ກັບຕົວເອງມື້ລະ 5 ນາທີ.. ເພື່ອຄິດ

8. ລົງທຶນເຕັມທີ່ ກັບການຫາທາງແກ້ໄຂບັນຫາ ທີ່ເຮົາກຳລັງເຈິະຢູ່

9. ຫຼິ້ນນຳຄົນທີ່ມອງໂລກໃນແງ່ດີ

10. ເຂົ້າຮຽນເພີ່ມເຕີມໃນເລື່ອງທີ່ເຮົາສົນໃຈ

11. ຈັດເວລາ ນັດພົບໝູ່ສະນິດ ໃນແຕ່ລະເດືອນໄປກິນ ທ່ຽວ ຫຼິ້ນ

12. ເບິ່ງຕາເວັນຂື້ນ ອາທິດລະເທື່ອ

13. ເບິ່ງຕາເວັນຕົກ ອາທິດລະເທື່ອ

14. ປູກຜັກເອງ ເອົາໄວ້ກິນເອງ

15. ໄປຫາໝູ່ ທີ່ບໍ່ໄດ້ເຈີະກັນຫຼາຍປີ

16. ຢຸດເຮິ່ຕາມກະແສໜ້ອຍໜື່ງ ແລະເຮັດຕາມແນວຄິດທີ່ເໝາະສົມສຳລັບຕົວເອງ

17. ບອກຕົວເອງວ່າ ບໍ່ມີຫຍັງສາຍເກີນໄປ

18. ຊອກຫາ ປະສົບການດີໆ ແປກໃໝ່ ໃຫ້ກັບຊີວິດ

19. ເລີກຄິດຫຼາຍກັບສິ່ງທີ່ເຮົາບໍ່ມີ ແລະມີຄວາມສຸກໃນສິ່ງທີ່ເຮົາມີ

20. ໂລແມນຕິກ ເຮັດເຊິໄພຮ໌ຄົນທີ່ເຮົາຮັກ

21. ເລີກຄິດເສີຍເວລາ ກັບເລື່ອງຈຸກຈິກ ທີ່ບໍ່ຈຳເປັນ

22. ກິນອາຫານໃຫ້ຊ້າລົງ ຊີມຄວາມແຊບ

23. ຂໍຄວາມຊ່ວຍເຫຼືອ ເມື່ອຕ້ອງການ ເພາະເຮົາຈະບໍ່ໄດ້ຮັບຄວາມຊ່ວຍເຫຼືອ ຖ້າບໍ່ເວົ້າອອກມາ

24. ຖາມຄຳຖາມ ເມື່ອສົງໄສ.. ຊ່ວຍປະຢັດເວລາ ແລະຫຼຸດຄວາມຫຍຸ້ງຍາກໃຈ

25. ຫຼິ້ນໃຫ້ມ່ວນແດ່ ຊີວິດມີພຽງຄັ້ງດຽວ

26. ເຮັດຫຍັງທີລະຢ່າງ ຈະໄດ້ເຮັດອອກມາໄດ້ດີ

27. ຝືກຄວາມພໍພຽງ ພໍດີ ເມື່ອມັນເກີດຂື້ນກັບເຮົາ ຈະບໍ່ມີໃຜ ເອົາໄປຈາກເຮົາໄດ້

28. ຮັກສາສັນຍາ

29. ເບິ່ງຕະລົກ ຟັງເລື່ອງຕະລົກ ແລະແບ່ງປັນກັບຄົນອື່ນ

30. ເປີດໂລກຄວາມຄິດສ້າງສັນຂອງເຮົາ ກັບ ວຽກສີນລະປະ ເຊັ່ນ ດົນຕີ ຮູບ ໜັງ...

        ຖ້າເຮົາຕ້ອງຕາກຝົນເຮົາຈະເຮັດແນວໃດ?

        ຢືນຕາກຝົນຢູ່ແບບນັ້ນ ຍ່າງຕາກຝົນໄປເລື້ອຍໆ ບໍ່ຟ້າວ ຫຼືແລ່ນສຸດແຮງເພື່ອຫາບ່ອນລີ້ຝົນ

        ຂ້ອຍເຄີຍໄດ້ຍິນວ່າການຍ່າງຕາກຝົນກັບການແລ່ນຕາກຝົນນັ້ນປຽກບໍ່ເທົ່າກັນ

       -ການຍ່າງຕາກຝົນປຽກໜ້ອຍກວ່າແລ່ນຕາກຝົນ

       -ແລ່ນຕາກຝົນເຮັດໃຫ້ເຮົາຕ້ອງປະທະກັບເມັດຝົນໃນຈຳນວນທີ່ຫຼາຍກວ່າ ແລ້ວແບບໃດມັນຈະ

ດີກວ່າກັນ

       ຍ່າງຕາກຝົນປຽກໜ້ອຍແຕ່ດົນ

       ແລ່ນຕາກຝົນປຽກຫຼາຍໃນເວລາທີ່ສັ້ນກວ່າ ແລະກໍ່ເມື່ອຍກວ່າ

       ຖ້າເຮົາເຫັນທີ່ທ່ີພໍຈະໃຫ້ເຮົາໄດ້ເຂົ້າໄປຢືນບຽດຕົວລົບຝົນຢູ່ບໍ່ໄກຫຼາຍເຮົາກໍ່ຄົງຈະແລ່ນເຕັມກຳ

ລັງບໍ່ຢ້ານເມື່ອຍກວ່າຫອບ ເພື່ອທີ່ຈະຫຼີກໜີຄວາມປຽກເຂົ້າມາລີ້ໃນບ່ອນຮົ່ມ

        ແຕ່ຖ້າວ່າໃນຂອບສາຍຕາເຮົາບໍ່ມີບ່ອນໃຫ້ລີ້ເຮົາຈະເຮັດແນວໃດ?  ແລ່ນສຸດແຮງ ເພື່ອວ່າຈະພົບ

ທີ່ທີ່ພໍຈະໃຫ້ເຮົາລີ້ຝົນ ຊື່ງເຮົາກໍ່ບໍ່ຮູ້ວ່າຈະພົບຕອນໃດ ແລະກໍ່ບໍ່ຮູ້ວ່າຕ້ອງແລ່ນໄປດົນເທົ່າໃດ? ແລະກໍ່ຕ້ອງປຽກຢູ່ດີ

        ຫຼືຈະເລືອກທີ່ຈະຍ່າງຕາກຝົນເຮັດຕົວເປັນນາງເອກ ພະເອກມີວຊິກເພງອົກຫັກຕາກຝົນໄປແບບນັ້ນ

ຍ່າງໄປເລື້ອຍໆ ປຽກຊ່າງມັນຂ້ອຍບໍ່ສົນ !!

         ຫຼືເລືອກທີ່ຈະຢູ່ເສີຍໆ ຢືນຕາກຝົນເຮັດທ່າທາງເທ້ ເຮັດຕົວເປັນຮຸ່ນ ຫຼືກໍ່ຫຼື້ນນ້ຳຝົນຢ່າງບໍ່ຢ້ານໄຂ້ຫວັດ

ໃຫ່ຍມັນເລີຍບ່ອນນັ້ນ

                                                         ເປັນເຈົ້າໆຈະເລືອກແນວໃດ?

ຖ້າເຈົ້າຮ້ອງດັງໆດົນເຖິງ 8 ປີ 7ເດືອນ ກັບອີກ 6 ມື້ ເຈົ້າຈະໃຊ້ພະລັງງານສຽງທີ່ໄດ້ໄປອຸ່ນກາເຟ

ໄດ້ 1ຈອກ (ເຮັດໄປເພື່ອຫຍັງ?)

        ຫົວໃຈມະນຸດມີແຮງດັນພໍທີ່ຈະສາມາດສູບຊີດເລືອດໄດ້ໄກເຖິງ 30 ຟຸດ

        ໝູຈະມີຊ່ວງຈຸດສຸດຍອດດົນເຖິງ 30 ນາທີ (ຄືຊິມີຄົນຢາກເກີດເປັນໝູເນາະ..ດົນແທ້ດົນວ່າ ee..)

        ແມງສາບຈະມີຊີວິດຢູ່ໄດ້ດົນ 9 ມື້ ໂດຍບໍ່ມີຫົວ! ກ່ອນທີ່ຈະຕາຍເພາະຂາດອາຫານ

        ຕັກແຕນຕຳເຂົ້າໂຕຜູ້ບໍ່ສາມາດຮ່ວມເພດໄດ້ໃນເວລາທີ່ຍັງມີຫົວຢູ່ ໂຕເມຍຈະເລີ່ມການມີ Sex ໂດຍ

        ຕັດຫົວໂຕຜູ້ອອກ... (ຄືຊິມີຄົນຢາກເກີດເປັນຕັກແຕນເມຍເນາະ ee..)

        ໂຕເຫັບສາມາດໂດດໄດ້ໄກເຖິງ 350 ເທົ່າຂອງຄວາມຍາວໂຕຂອງໂຕມັນເອງ ຖ້າທຽບກັບຄົນກໍ່ຕ້ອງ

ໂດດຂ້າມເດີ່ນເຕະບານຕາມຍາວເລີຍ

        ປາດຸກມີບ່ອນຮັບລົດຊາດເຖິງ 27,000 ບ່ອນ

        ໂຕສິງບາງໂຕຈະຮ່ວມເພດເຖິງ 50 ເທື່ອຕໍ່ມື້

        ແມງກະເບື້ອຮັບລົດຊາດຢູ່ປາຍຕີນ

        ກ້າມເນື້ອທີ່ແຂງແຮງທີ່ສຸດໃນຮ່າງກາຍຄືລີ້ນ

        ຄົນລື້ງໃຊ້ມືຂວາຈະມີອາຍຸໂດຍສະເລ່ຍຫຼາຍກ່ວາຄົນລື້ງໃຊ້ມືຊ້າຍຢູ່ປະມານ 9 ປີ

        ແມວຍ່ຽວຈະເຮືອງແສງໂດຍແສງ Black light

        ຕາຂອງນົກກະຈອກເທດໃຫ່ຍກ່ວາສະໝອງຂອງມັນເອງ

        ມະນຸດແລະປາໂລມາເປັນສັດກຸ່ມດຽວທີ່ມີ Sex ເພື່ອຄວາມສຸກຄວາມພໍໃຈ

        “ຢ່າຂັບລົດໄວເກີນກ່ວາທີ່ເທວະດາປະຈຳຕົວຂອງເຮົາບິນທັນເດັດຂາດ“

        “ນັກວິທະຍາສາດກ່າວວ່າ ທຸກໆ 4 ຄົນ ຈະມີຄົນໜື່ງທີ່ສະຕິບໍ່ດີ ລອງຄິດເບິ່ງໝູ່ເຈົ້າອີກ 3 ຄົນ ຖ້າທຸກຄນ

ປົກກະຕິດີ ກໍ່ເປັນເຈົ້າຫັ້ນແລ“

         “ນ້ຳຕາຈະໃຫ້ເຈົ້າກໍ່ແຕ່ຄວາມເຫັນອົກເຫັນໃຈ ແຕ່ເຫື່ອຈະເຮັດໃຫ້ເຈົ້າປະສົບຄວາມສຳເລັດ“

         “ຄົນໆໜື່ງອາດຈະເຮັດຫຍັງຜິດພາດໄດ້ຫຼາຍຢ່າງ ແຕ່ມັນຈະກາຍເປັນຄົນຂີ້ແພ້ໄປແທ້ໆ ເມື່ອເຂົາເລີ່ມ

ໂຍນຄວາມຜິດໄປໃຫ້ຄົນອື່ນ“

         “ເຮົາຮູ້ສຶກດີທີ່ມີຄວາມສຳຄັນ ແຕ່ທີ່ສຳຄັນຍິ່ງກວ່າກໍ່ຄືເປັນຄົນດີ“

         “ເງີຍໜ້າຂື້ນຮັບແສງຕາເວັນ ແລ້ວເຈົ້າຈະບໍ່ມີທາງພົບກັບເງົາມືດ“

         “ຄຳວ່າ listen ນັ້ນໃຊ້ຕົວອັກສອນດຽວກັບຄຳວ່າ silent “

         “ໃນໂລກນີ້ບໍ່ມີຄົນແປກໜ້າສຳລັບເຮົາ ມີແຕ່ໝູ່ເພື່ອນທີ່ເຮົາຍັງບໍ່ໄດ້ພົບເທື່ອເທົ່ານັ້ນ“

ໃຜໆກໍ່ຢາກໃສ່ກະໂປງ ຫຼືໂສ້ງຂາສັ້ນໂຊຂາຂາວກັນທັ້ງນັ້ນ ສຳລັບຜູ້ຍິງບາງຄົນອາດຍັງບໍ່ໜັ້ນໃຈ

ເຮົາມີວິທີໃສ່ກະໂປງສັ້ນໃຫ້ດູດີມາບອກກັນ:

ຄົນທີ່ມີໜ້າທ້ອງຫຼືຂາໂຕ້ໃຫ່ຍ ຄວນໃສ່ກະໂປງສິເຂັ້ມ ຈະເຮັດໃຫ້ເບິ່ງແລ້ວສະໂພກຄືນ້ອຍລົງ

ຄົນທີ່ສະໂພກໃຫ່ຍແລະຂາໃຫ່ຍ ຄວນໃສ່ກະໂປງບານຫຼາຍໆແດ່ ຄວາມຍາວຮອດເຂົ່າ ຈະເຮັດໃຫ້

ເບິ່ງສະໂພກແລະຂາໂຕ້ນ້ອຍໆລົງກ່ວາເດີມ

ຄົນທີ່ມີໜ້າທ້ອງ ຄວນເລືອກກະໂປງທີ່ພໍດີິຕົວ ມີລາຍຢູ່ແຖບຂ້າງ ຫຼືສະຫຼັບສີຢູ່ຂ້າງຈະເຮັດໃຫ້

ຄືຈ່ອຍລົງ

ຄົນທີ່ມີສະໂພກຄ່ອນຂ້າງໃຫ່ຍ ໃຫ້ໃສ່ກະໂປງທີ່ມີລາຍຊື່ ຈະເຮັດໃຫ້ເບິ່ງແລ້ວຄືຈ່ອຍລົງ ແຕ່ກະໂປງ

ຕ້ອງບໍ່ຍາວຫຼາຍ

ຢ່າປ່ອຍໃຫ້ງຽບເຫງົາຢູ່ຄົນດຽວ ເຮົາສາມາດລືມຄວາມເຫງົາໄດ້ດ້ວຍຕົວເອງ ເຮົາມີຂໍ້ແນະນຳ

-ຢ່າເມົາເຮັດແຕ່ວຽກ: ຄົນສ່ວນຫຼາຍອາດເກີດຄວາມເຫງົາໄດ້ເພາະຕ້ອງຕື່ນແຕ່ເຊົ້າ ກັບບ້ານເດິກ !!

ຫຼັງເລີກວຽກເຮົາຄວນໄປສ້າງສັນມ່ວນຊື່ນກັບໝູ່ເພື່ອນແດ່

-ຢ່າງອງຖ້າແຕ່ຄົນອື່ນເຂົ້າມາຫາ: ຜູ້ຊ່ຽວຊານເຕືອນວ່າການລໍຄອຍໃຫ້ຄົນອື່ນມາຊ່ວຍປ່ອຍຄວາມ

ງຽບເຫງົາຂອງເຮົານັ້ນ ມັກເປັນການລໍຄອຍທີ່ເສີຍລ້າໆ ແລະຈະຍິ່ງເຮັດໃຫ້ເກີດຄວາມຮູ້ສຶກເສົ້າລົງ

ອີກກ່ວາເກົ່າ ແລະຈະຍິ່ງເຮັດໃຫ້ບໍ່ກ້າເຂົ້າຫາຄົນອື່ນ

-ກິດຈະກຳເວລາຫວ້າງມີຄຸນຄ່າຫຼາຍກ່ວາທີ່ຄິດ: ນັກຈິດວິທະຍາແນະນຳວ່າ ຢ່າມົວແຕ່ຄິດວ່າ “ຄົນອື່ນ

ໄດ້ເຮັດຫຍັງຮ່ວມກັນຢ່າງມີຄວາມສຸກ ແຕ່ຂ້ອຍຕ້ອງຢູ່ຄົນດຽວ“ ລອງປ່ຽນຄວາມຄິດນີ້ໃໝ່ໂດຍການ

ຫາກິດຈະກຳຮ່ວມກັບຄົນອື່ນແດ່ ເລີ່ມງານທີ່ທະນັດໃໝ່ໆ ທີ່ມີສ່ວນຮ່ວມກັບຄົນອື່ນ ເຊັ່ນ: ຝຶກສະມາທິ

ຫຼືແມ່ນຫຍັງກະໄດ້ທີ່ເຮົາມັກ

-ຢ່າຢູ່ຄົນດຽວ: ໃຜກໍ່ຕາມທີ່ມີເພື່ອນດີໆ ທີ່ໄວ້ໃຈໄດ້ຈະບໍ່ຮູ້ສຶກງຽບເຫງົາອ້າງວ້າງ ເຮົາຈຶ່ງຄວນຖະໜອມ

ຄວາມສຳພັນກັບເພື່ອນໆໄວ້ ໂດຍສະເພາະໃນຍາມລຳບາກ ເຮົາກໍ່ຈະໄດ້ມີເພື່ອນທີ່ດີເອົາເປັນທີ່ປຶກສາ

ຢ່າປິດກັ້ນຕົວເອງຈົນບໍ່ເຫຼືອໝູ່ເພື່ອນທີ່ສະນິດຈັກຄົນ!!