ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ຕ.ລ.. 10, 2012 | ມີ 7 ຄຳເຫັນ ແລະ 0 trackback(s)
ໜວດໝູ່: ອື່ນ ໆ

 

ບໍ່ຮູ້ວ່າການແຂ່ງຂັນນີ້ ມີມາແຕ່ມື້ໃດ ແຕ່ຫາກໍໄດ້ເບິ່ງມື້ຄືນນີ້ ເລີຍມີແນວຄິດອອກມາຈັ່ງຊີ້!

 

ມື້ຄືນນີ້ມີໂອກາດໄດ້ເບີ່ງເະບານເຍົາວະຊົນ ກ້ອງ(ສິບຫົກປີ-ທີ່ເພີ່ນວ່າ ຢູ-U16)

ໃຊ້ຄຳວ່າກ້ອງເອົາໄປຊົ່ວຄາວ..
 ເປັນການຫຼີ້ນຮອບສຸດທ້າຍຄື ຮອບຊິງຊນະເລີດ ກັບທິມຂອງຊາດໄທ( ກະກ້ອງ ສີບຫົກປີຄືກັນ!)

ແທ້ຈິງຄວນຈະວ່ານ້ອຍກວ່າສີບຫົກປີເນາະ!
 ກະເຫັນວ່າຫຼີ້ນໄດ້ດີ ແຕ່ໂຄສົກນີ້ຕິ ອ່ານຊື່ນັກເຕະກະບໍ່ຖ້ອງ!ຫາກໃຫ້ຄແນນໂຄສົກ ຄົງຕ່ຳກວ່າປານກາງ.
 ເປັນໂຄສົກຂັ້ນນີ້ແລ້ວຄວນຮູ້ອ່ານຫຼືຄວນສຶກສາຊື່ນັກເຕະບານຕ່າງປະເທດໄດ້ພໍບໍ່ໃຫ້ຂາຍໝ້າ!!!
 ມັກງ່າຍໂພດ ບໍ່ຄິດສາວ່າ ຄຳເວົ້າແຕ່ລະຄຳທີ່ໂຕເວົ້າຜ່ານຄື້ນວິທຍຸຫຼື ອອກໂທຣະພາບໄປັ້ນມັນກໍບົ່ງບອກເຖິງ

ຄວາມຮູ້ຄວາມສາມາດແລະສລາດຂອງຜູ່ກ່ຽວແລະພູມປັນຍາຂອງຜູ່ກ່ຽວນຳພ້ອມ.
 ນັກກິຣາໝຸ່ມນ້ອຍລາວກະມີແວວ ແລະພອນສວັນດີ, ໃຈສູ້ ແຕ່ ປຽບທຽບໃສ່ໝຸ່ມໄທຮຸ່ນລາວຄາວດຽວກັນ

ມີລີລາການຫຼີ້ນທີ່ມີແບບແຜນແນບນຽນກວ່າ. ທາງເຮົາເຫັນວ່າ ມັນບໍ່ເປັນຣະບຽບປານໃດ ຫາກວ່າໃຈສູ້

ແຕ່ຕັກຕິກບໍ່ເອົາໃຫ້ ທັງກຳລັງວັງຊານຳອີກ ກໍເປັນວ່າ ພໍໄປໄດ້.
 ຫາກວ່າ ໃນການຫຼີ້ນນັ້ນມີຕັກຕິກຂື້ນອີກກໍຄົງບໍ່ນ້ອຍໝ້າໃຜ.
 ໃຈສູ້ ແມ່ນວ່າຈະມີນັກຫຼີ້ນຮ່າງກາຍເຕັ້ຍຕ່ຳກວ່າ.ເບີ່ງການຫຼີ້ນຂອງເດັກນ້ອຍຄູ່ແຂ່ງ ຄືມີ ແຜນ

ດີ ລູກບານກະຢູ່ໃນຄອບຄອງຂອງເຂົາຫຼາຍກວ່າ.
 ພາຍຫຼັງທີ່ນັກເຕະລາວຄົນນື່ງຕ້ອງໄດ້ອອກຈາກເດິ່ນເພາະໄດ້ສອງໃບເຫຼືອງ ມາພາກັນຫຼີ້ນແບບສູ້ຫົວຂາດຄາ ສີບຕໍ່ສີບເອັດ..
 ມາຮອດເວລາທີສອງກະບຸກສຸດຂີດແຕ່ໂຊກບໍ່ເຂົ້າຂ້າງປານໃດ ມີ ໂອກາດຕັ້ງສອງສາມເທື່ອ

ແຕ່ກອງໝ້າພາກັນຍິງນົກແມ່ນວ່າ ຫ່າງຈາກປະຕູຂອງຄູ່ຕໍ່ສູ້ພຽງຫ້າຫົກຫຼາ!!
 ກະໄດ້ພຽງຮອງແຊມ ໄປ.
 ຫາກວ່າ ບັນດາທ່ານນັກປາກກວ້າງທັງຫຼາຍເຫັນຄ່າຂອງຄວາມປາໄຊແບບນີ້ເຈັບແສບ

ກະສົມຄວນທຸ່ມເທແລະໃຫ້ງົປມານໃນການສ້າງກໍ່, ບຳຣຸງທາງຮ່າງກາຍ, ຈິດໃຈແກ່ນັກເຕະໝຸ່ມເຫຼົ່ານີ້

ໃນອະນາຄົດຄົງຈະໄດ້ມີຄວາມພາກພູມໃຈບໍ່ໝ້ອຍ ແທນທີ່ຈະເອົາເງິນກູ້ໄປຊື້ຣົຖ

ມາຕ້ອນຮັບບັນດາຜູ່ທີ່ຈະມາປະຊຸມ``ເອິຣົປ-ອາຊີ``ເປັນສີບລ້ານໂດລາ ເພື່ອໃຫ້ຄືໝ້າຄືຕາ.
 ການສົ່ງເສີມການເຕີບໂຕຂອງວົງການກິຣາບໍ່ວ່າຂແນງໃດກໍຕ້ອງໄດ້ໃຊ້ເງິນເປັນຂອງທຳມະດາ,

ແຕ່ຜົນຕາມມາ ກໍຄົງມີຄວາມພໍໃຈແລະພາກພູມໃຈຍາມໃດນັກກິຣາລາວສາມາດຍາດຊິງເອົາຫຼຽນຫຼື ໄຊຊນະມາໄດ້.
 ແຕ່ກະຕ້ອງມີແນວຍ້ອມນ້ຳໃຈ ແລະແນວເສີມສ້າງກຳລັງທັງການຝຶກຝົນໃນທຸກໆດ້ານ ເພື່ອບໍ່ໃຫ້ນ້ອຍໝ້າຊາດອື່ນເຂົາ
 ພຽງຄວາມເວົ້າແລະຄຳຊົມເຊີຍຫຼືອຸດົມການຢ່າງດຽວເຮັດຫຍັງບໍ່ຂື້ນ.
 ຮູບພາບຂອງເຈົ້າສຸພານຸວົງຫຼືໄກສອນພົມວິຫານ ກະບໍ່ມີແຮງຊ່ອຍຫາກໃນຮ່າງກາຍຂອງນັກກິຣາເຫຼົ່ານັ້ນ

ທີ່ມີພຽງເຂົ້າໝຽວກັບແຈ່ວປາແດກ!!!

ຫຼັງມ່ານໄມ້ໄຜ່.໑໐.໑໐.໒໐໑໒.



 

ຂຽນເມື່ອ ຂຽນເມື່ອ: ກ.ຍ.. 19, 2011 | ມີ 5 ຄຳເຫັນ ແລະ 0 trackback(s)
ໜວດໝູ່: ອື່ນ ໆ

ບໍ່ຮູ້ວ່າຈະເອົາລີ້ງນີ້ເຂົ້າມາໄດ້ຫຼືບໍ່

ເຂົາມີຊື່ວ່າ ວິໄລພອນ ບີລລີ ເກດແກ້ວພົມພອນ

ພໍ່ຂອງບີລລີແມ່ນໜູ່ຄູ່ທີ່ເຄີຍຮຽນຢູ່ໂປແລນນຳກັນ ແຕ່ໄດ້ອົພຍົບໄປຢູ່ຝຣັ່ງເສດ.

ບີລລີ ເກີດ ວັນທີ ໒໔-໐໓-໑໙໙໐ ກະພໍດີ ອາຍຸໄດ້ ໒໑ ປີ

ເກີດທີ່ຝຣັ່ງເສດ ທີ່ເມືອງ: Champagny - Sur - Marne,

ລວງສູງ:  ໑,໘໐ ມ.


ຖືສັນຊາດຝຣັ່ງເສດ.

ກ່ອນເຊັນສັນຍາໄປຫຼີ້ນທີມ ສີອອນ, ສອງປີໄດ້ເປັນນັກເຕະທີມ Strasbourg.

ເມື່ອຕົ້ນປີນີ້ ໄດ້ເຊັນສັນຍາ ໄປ ຫຼີ້ນ ໃຫ້ທິມ ແອຟ ເຊ ສິອອນ ນີ້ ດ້ວຍການເຊັນສັນຍາແບບວ່າທາງສໂມສອນ

ສີອອນບໍ່ຕ້ອງໄດ້ຈ່າຍຄ່າຍ້າຍສະໂມສອນຈັກກີບ!


ບີລລີໄດ້ຮັບຄ່າແຮງ....ພ້ອມຣົດປະຈຳໂຕແລະອາພາຕເມັ້ນເປັນສ່ວນໂຕແລະເງິນຕິດຖົງ

ທີ່ຜູ່ເປັນພໍ່ຍິ້ມນ້ອຍຍິ້ມໃຫຍ່ ຍາມເວົ້າສູ່ໜູ່ຄູ່ຟັງ.

ເປັນລູກຫົວແກ້ວຫົວແຫວນຂອງໜູ່ ທີ່ວາສນາພາໃຫ້ໄດ້ດີ ແຕ່ກະຍ້ອນຄວາມຂຍັນຂັນແຂງ

ແລະກຳເອົາວາສນາຊາຕາໄວ້ໃນກຳມືຂອງໂຕເອັງ- ໃນຂາແຄ່ງ ແລະພິບໄຫວນໍ!

ຫາກວ່າໃຜຢາກເບີ່ງໝ້າຕາອ້າຍບ່າວລາວທີ່ຫາກິນໄກ ດ້ວຍລຳແຄ່ງຂອງໂຕເອັງກະເຂົ້າເບິ່ງໃນນີ້ເດິ!

ເອົາມາເວົ້າສຸກັນຟັງ!

http://www.footmercato.net/joueur/Billy-Ketkeophomphone-52402.html
 

 

ຂຽນເມື່ອ ຂຽນເມື່ອ: ກ.ຍ.. 7, 2011 | ມີ 8 ຄຳເຫັນ ແລະ 0 trackback(s)
ໜວດໝູ່: ອື່ນ ໆ


ເປັນຫົວຂໍ້ທີ່ແປກ ແລະກະບໍ່ແປກປານໃດ.

ເປັນຄຳເຊື້ອເຊິນ ບັນດາທ່ານສະມາຊິກ ຍິງແລະຊາຍ ທີ່ມັກອ່ານແລະຢາກອ່ານ ບົດຂຽນທີ່ແຕກຕ່າງແລະບໍ່ຊ້ຳຮອຍ

ກໍຄືວ່າ ຢາກເຊື້ອເຊິນໃຫ້ເຂົ້າໄປອ່ານຫຼີ້ນກັນແບບມ່ວນຊື່ນຫຼື ຫາແນວຄິດໃໜ່ໆນຳກັນ!

ບ່ອນທີ່ຢາກໃຫ້ເຂົ້າໄປ ກໍຄື ກຸ່ມ ``ກະວີ```

ຜຂ ເປັນຜູ່ຈັດຂື້ນມາ ມີຫົວຂໍ້ເຣື້ອງແລ້ວ ສີບຫ້າສີບຫົກເຣື້ອງເຊັ່ນ :``ຣະທົມເມື່ອລົມໝາວ``,`` ຄອຍສາຍລົມ``, ``ສີສັນຂອງບົດເພັງ``

ແລະອື່ນໆ ທີ່ ມີທັງ ວວ, ຈິຫຼໍ່ , ຄົນໆໝຶ່ງໝ້າຕາດີ ...ເຂົ້າຂຽນອອກຄຳເຫັນເປັນກາພກອນເຂົ້າໃສ່ຢ່າງອ່ອນຊ້ອຍລະມຸນ..

ຈຶ່ງວ່າ

ຂໍເຊິນໆ.

 

ຂຽນເມື່ອ ຂຽນເມື່ອ: ທ.ວ.. 7, 2009 | ມີ 6 ຄຳເຫັນ ແລະ 0 trackback(s)
ໜວດໝູ່: ອື່ນ ໆ

ຢາກຖາມມານະທີ່ນີ້

ວ່າ

ມີໃຜສາມາດເວົ້າໃຫ້ຟັງພໍເປັນສັງເຂບໄດ້ກ່ຽວກັບສາມອ້າຍນ້ອງຊາວພະມ້າທີ່ພາກັນຕັ້ງວົງ

ຄາບາເຣັດ Cabaret " Moustache Brothers"?

ທີ່ສົນໃຈເປັນພິເສດກໍຜົນງານຂອງເຂົາເຈົ້າ ທັງວິທີການທີ່ພາໃຫ້ລອດຈາກການຈັບກຸມຈາກຜເດັດການທະຫານນັ້ນ!ເພາະໃນລີລາດການສແດງໃນຄາບາເຣັດຂອງເຂົາເຈົ້າມັນແອບແຝງໄວ້ແຕ່ການຕິຕຽນຕໍ່ຜູ່ມີອຳນາດໃນປະເທດຂອງເຂົາເຈົ້າ.

ດັ່ງເນື້ອຄວາມຕະຫຼົກທີ່ເຂົາເຈົ້າມັກເອົາມາເວົ້າເປັນການສຽດສີສັງຄົມທຸກຄັ້ງກ່ອນຈົບການສແດງວ່າ:

``ມີຄັ້ງຫນຶ່ງມີອາການເຈັບແຂ້ວຢ່າງແຮງ.ຂ້ອຍໄດ້ໄປຫາຫມໍປົວແຂ້ວຢູ່ບາງກອກ.``

ທ່ານຫມໍປົວແຂ້ວຊ້ຳຖາມວ່າ:

``ເປັນຫຍັງເຈົ້າຈຳເປັນຕ້ອງເດິນທາງມາປົວແຂ້ວໄກປານນີ້?``

ຂ້ອຍໄດ້ຕອບໄປວ່າ:

``ເພາະຢູ່ບ້ານຂ້ອຍ, ຢູ່ພະມ້າຫັ້ນປາກຕ້ອງໄດ້ປິດໃສ່ກະແຈ``.

ຫາກວ່າໃຜສາມດຫຼຶມີຄວາມຮອບຮູ້ກ່ຽວກັບສາມອ້າຍນ້ອງນີ້ກະຊ່ອຍມາເວົ້າສູ່ກັນຟັງແນ່ເດິ!

ຂຽນເມື່ອ ຂຽນເມື່ອ: ກ.ລ.. 30, 2009 | ມີ 11 ຄຳເຫັນ ແລະ 0 trackback(s)
ໜວດໝູ່: ອື່ນ ໆ

ໄດ້ອ່ານປືມຫົວນຶ່ງຂອງນັກຂຽນ ຈີນ ທີ່ມີຊຶ່ວ່າ: ອັງຈີ ມິນ ທີ່ແປມາຈາກພາສາອັງກິດມາເປັນພາສາໂປແລນ-ໂປລິສ!

ແລ້ວແຕ່ນໍ.ປື້ມຫົວນີ້ມີຊື່ວ່າ:``ຂິງປ່າ``ບໍ່ຮູ້ແປຖຶກບໍ່! Wild Ginger.

ກ່ອນອຶ່ນມາທຳຄວາມຮູ້ຈັກຢ່າງສັງເຂບ ກັບຜູ້ຂຽນ ອັງຈີ ມິນ,ນາງໄດ້ ເກິດຢູ່ບ້ານນ້ອຍໆໃນມົນທົນຊຽງໄຮ້ ໃນປີ ໑໙໕໗.

ເມຶ່ອຄາວຍັງເປັນນັກຮຽນຢູ່ນັ້ນໄດ້ເຂົ້າຮ່ວມໃນອົງການຈັດຕັ້ງຂອງນັກຮຽນປະຕິຫວັດ. ເມຶ່ອອາຍຸໄດ້ ໑໗ ປີໄດ້ເຂົ້າຢູ່

ໃນອົງການຈັດຕັ້ງຂອງຊາວຫນຸ່ມໃນເຂດຊົນນະບົດ ແລະຖຶກເລຶອກໃຫ້ເປັນຜູ້ ສະແດງບົດ ຂອງດອກໄມ້ແດງ,ທີ່ ເປັນ

ນັກປະຕິຫວັດຍິງ ແລະເປັນເມັຍລັບຂອງ ປະທານເມົາເຊຕຸງ,

ຕໍ່ມາໄດ້ຍົກຍ້າຍໄປຢູ່ໂຕເມຶອງຊຽງໄຮ້. ຢູ່ເມຶອງນັ້ນເລົາໄດ້ເຂົ້າສະແດງບົດຕ່າງໆໃນຫນັງ ໂຄສະນາ(ຊວນເຊຶ່ອ).

ພາຍຫຼັງທີ່ ປະທານເມົາເຊຕຸງໄດ້ລົ້ມຕາຍໄປໃນປີ ໑໙໗໖ ນັ້ນ ເລົາກໍໄດ້ເປັນນຶ່ງໃນບັນດາ ກຸ່ມ ສີ່ ທີ່ຖຶກຕັດສິນຄາວນັ້ນ

ແລະຕົກໄປຢູ່ໃນຂໍ້ຫາແລະຕົກຢູ່ໃນຄວາມບໍ່ເປັນທີ່ຮັກແພງຂອງຊຸມຊົນທົ່ວໄປ.

ໃນປີ ໑໙໘໔ ດ້ວຍການຊ່ອຍເຫຼຶອຂອງນັກສະແດງ ນາງ ໂຢຮັນ ເຈັງ ເລົາກໍໄດ້ຫນີອອກຈາກ ປະເທດຈີນແຜ່ນດິນໃຫຍ່.

ປັດຈຸບັນ ໄດ້ທຳມາຫາກິນຢູ່ອະເມຣິກາ ກັບຜົວຄົນທີສອງຂອງເລົາ ທີ່ -ອະດີດເປັນທະຫານຜ່ານເສີກ ຈາກຫວຽດນາມ.

ຫນັງສຶ ເຣຶ້ອງຊີວະປະຫວັດຂອງເລົາ ທີ່ ພິມອອກໃນປີ ໑໙໙໓ ໄດ້ຮັບຜົນສຳເຣັດແລະໄດ້ເປັນຫນັງສືທີ່ ຕິດອັນດັບ

``Best seller ໃນຫຼາຍປະເທດ ແລະ ຖຶກແປອອກເປັນຫຼາຍພາສາ.

ເອກສິດໃນການຈະນຳໄປສ້າງເປັນຫນັງປະເພດ ຊີວະປະຫວັດ ແມ່ນບໍຣິສັດ Metro-Goldwyn-Mayer

ທີ່ໄດ້ມອບການກຳກັບໃຫ້ Oliver Stone ເປັນຜູ້ຮັບຜິດຊອບ.

ຜົນງານໃນການຂຽນຂອງເລົາ ທີ່ໄດ້ອອກວາງຂາຍກະມີ::  

Katherine (໑໙໙໕), Madame Mao (໒000),  Wild Ginger (໒00໒),  The Empress Odchid(໒00໓).

ທັງຫມົດກະບໍ່ໄດ້ອ່ານ ມີໂອກາດ ໄດ້ອ່ານແຕ່ ຂິງປ່າ ຫັ້ນ.

ໂດຍຫຍໍ້ ຂິງປ່າ ເປັນຫນັງສຶ ຂອງ ອັງຈີ ມິນ ທີ່ເວົ້າເຖິງ:

ເຫດການໃນສະໄຫມ ການຄອງອຳນາດຂອງປະທານເມົາເຊຕຸງ ແລະ ການປະຕິຫວັດ ວັທນະທຳ ໃນຈີນແຜ່ນດິນໃຫຍ່.

ນາງເອກ ໂຕສຳຄັນມີໂສມຍານາມວ່າ ``ຂິງປ່າ`` ນາງເປັນລູກສາວຂອງນັກການທູດ ຝຣັ່ງເສດ ກັບນັກຮ້ອງສາວຈາກ

ໂຮງລະຄອນ(ງີ້ວປັກກິ່ງ), ດ້ວຍເຫດຜົນທີ່ ເກິດມາຈາກ ສຳພັນຣະຫວ່າງຊາດຈັ່ງຊີ້ ເລົາກະມີບັນຫາໃນຊີວີດ ຖຶກຕົບຕີ

ດ່າວ່າທັງຖຶກສາບແຊ່ງໃນໂຮງຮຽນຈາກຫມູ່ຮຽນນຳກັນ ຊ້ຳບໍ່ພໍຍັງຖຶກປະນາມແລະຖຶວ່າເປັນປໍຣະປັກຕໍ່ຣັດທິຊົນຊັ້ນໃນຈີນ ຄາວນັ້ນ,

ແຕ່ນາງກໍຕໍ່ສູ້ກັບຄວາມບໍ່ທ່ຽງທຳຄວາມບໍ່ມີອັທຍາສັຍຂອງເພຶ່ອນຮ່ວມຊາດໃນຂົງເຂດນັ້ນຢ່າງອົງອາດເພຶ່ອປ້ອງກັນ

ຄວາມເປັນເອກຣາດແລະຄວາມເປັນມະນຸສຍະຊົນຂອງຕົນແລະ ດ້ວຍຄວາມຊູຊີແລະຢາກໃຫ້ຄົນອຶ່ນຮູ້ວ່ານາງ,

ເຖິງຈະມີກຳເນິດມາຈາກ``ໃນສາຍຕາຄົນອຶ່ນ``ສັກດິນາ ແຕ່ກໍມີຄວາມສາມາດ ແລະຮັກຊາດດັ່ງດຽວກັບຜູ້ອຶ່ນ.

ນາງມີບົດບາດໃນວົງການຊາວຫນຸ່ມທີ່ນາງເຂົ້າຮ່ວມແລະກະກັບກາຍມາເປັນຫນຶ່ງຂອງບັນດາຊາວໝຸ່ມທີ່ມີຫົວຄິດກ້າວຫນ້າ

ແລະເປັນຫນຶ່ງໃນບັນດາ ຊາວ ຫນຸ່ມທີ່ອອກໝ້າຈົນວ່າໄດ້ຖຶກນຳໄປ ສະແດງໂຕຕໍ່ຫນ້າ ປະທານເມົາ.

ເພາະນາງສາມາດທ່ອງຄຳເວົ້າແລະຄຳສອນຂອງປະທານເມົາໄດ້ເກັ່ງກວ່າຫມູ່ຈາກທົ່ວປະເທດຈີນ.

ໄດ້ ເປັນຜູ້ນຳຂອງຊາວຫນຸ່ມໃນຖັນແຖວຂອງ ກອງທັບອາຣັກຂາ ແດງ, ຮັບຮູ້ທິສດີ ແລະແນວທາງຂອງພັກຄອມມູນິສ ແມ້

ແຕ່ຄອບຄົວໂຕເອງກະຍັງບໍ່ຈົ່ງໃນການຕໍ່ສູ້ເພຶ່ອລົບລ້າງຣະບອບສັກດີນາ .

ແຕ່ ກະຍ້ອນຄວາມຮັກທີ່ມີຕໍ່ນັກປະຕິຫວັດຫນຸ່ມໃນຖັນແຖວດຽວກັນຈຶ່ງພາໃຫ້ນາງຫຼົງລຶມໂຕໄປຊົ່ວຄະນະຫນຶ່ງ

ຊ້ຳບໍ່ພໍບ່າວຄົນນັ້ນ,ຍ້ອນວ່ານາງເອົາເວລາໄປທຸ້ມເທໃຫ້ແກ່ການປະຕິຫວັດຫຼາຍກວ່າຄວາມຮັກຂອງຕົນ ກະ

ຫມູ່ຮັກຫມູ່ແພງກະເລິຍສວຍໂອກາດ ເອົາຊາຍຄົນຮັກໄປຈ້ອຍ.

 

ຈັ່ງວ່ານີ້ລະນໍ ຫົວໃຈຈະວ່າຈະແຂງປານເຫຼັກແຕ່ກະຍັງບໍ່ມີຣິດເດດທໍ່ໄຟຂອງຄວາມຮັກ.

ຄຶດຢາກຈະແປເປັນພາສາລາວເຮົາແຕ່ ຫຼາຍວັກຫຼາຍຕອນ-ຈາກອັງກິດ ເປັນໂປແລນບມາເປັນລາວ ຢ້ານວ່າມັນ

ໄກອອກຈາກເຄົ້າເດີມແຫນງສູ້(ບາງທິ)ປະໄວ້ໃຫ້ຜູ້ທີ່ຮູ້ພາສາຈີນແປດີກວ່າ.

ຍາວສົມຄວນນໍ.ຫຍໍ້ໄປກວ່ານີ້ມັນກະຊິປານວ່າອ່ານຫົວຕົ້ນຊົນປາຍ.

ຂອບໃຈທີ່ອ່ານມາຈົນຊອດພີ້!!

ຫຍໍ້ມາຈາກ: Wild Ginger by Anchee Min