ໄດອາຣີ່ຂອງ ອິຄິວຊັງ PSP: ຕາຍຄັກໆ

ຕາຍຄັກໆ

ຂຽນເມື່ອ: ກ.ລ.. 4, 2011 | ມີ 18 ຄຳເຫັນ ແລະ 0 trackback(s)

ໜວດໝູ່: ກາບກອນ

ຕາຍຄັກໆ

ສຽງMobileດັງຂື້ນ ມືຍື່ນກົດຮັບ

ກັບທັກທາຍHello ໂທມາແຕ່ໃສນີ້

ມີສຽງຍິງຈາຕ້ານ ຄຳຫວານຈ້ອຍໆ

ອອຍໃຫ້ໃຈຊົດຊື່ນ ຕື່ນຈາກເສົ້າເຫງົານອນ

ຄຳອ່ອນໆນາງເວົ້າ ຊ່າງເອົາໃຈມ່ວນຫູ

ຂໍເບີນຳໝູ່ມາ ຢາກໂທຫາດົນແລ້ວ

ແນວວ່ານ້ອງເຫັນອ້າຍ ເລີຍຖືກໃຈແຕ່ແຣກ

ຢ່າແປກໃຈເດີພີ່ ແມ່ນໃຜນີ້ໂທມາ

ຄຳວາຈາຫວານຄ່ອຍ ນ້ຳອ້ອຍເຄືອບນ້ຳຕານ

ນາງຍັງຈາຂານຕໍ່ ວ່າຂໍຖາມຕົວພີ່

ມີແຟນແລ້ວບໍອ້າຍ ທັງກາຍໃຈໂສດບໍ່

ຂໍເປັນແຟນກັບອ້າຍ ຊາຍພີ່ວ່າຈັ່ງໃດ

ໄດ້ຍິນສຽງສາວເຈົ້າ ຊ່າງເອົາໃຈມ່ວນຫູ

ຮູ້ບໍ່ທັນຄາດຄິດ ເລີຍເອີ່ຍໄປຕໍ່ເຈົ້າ

ເຂົາບໍ່ມີແຟນເທື່ອ ທັງເນື້ອກາຍໃສຜ່ອງ

ຢາກໄດ້ນ້ອງແນບຂ້າງ ເດີນທາງຮ່ວມຄົງດີ

ນາງຍັງມີຄຳເວົ້າ ວ່າຮັກເຈົ້າມາດົນ

ບໍ່ເຄີຍຮັກໃຜເໝືອນ ແຕ່ອີ່ນາງບໍ່ກ້າເວົ້າ

ອ້າຍກໍຄິດຄືເຈົ້າ ຈິງໃຈບໍ່ກ້າບອກ

ຢາກບອກນາງດົນແລ້ວ ແນວວ່າອ້າຍເຂີນອາຍ

ຈ່າຍຄຳຫວານຄຳຍ້ອງ ທັງສອງກ້ຳສອງຝ່າຍ

ລົມໄປຫຼາຍນາທີ ເລີ່ມມີສຽງຄຸ້ນໆ

ລົມບໍ່ທັນສຸດທ່ອນ ບັງອອນນ້ອງເລີ່ມດ່າ

ນ້ອງນີ້ໜາແຟນອ້າຍ ຈັ່ງໃດອ້າຍຈື່ຫຼືຍັງ

ເພພັງຈົບໝົດສີ້ນ ຍິນແລ້ວເມື່ອຍໃຈ

ຊິແກ້ຕົວແນວໃດດີ ບໍ່ມີຄຳເວົ້າຕໍ່

ໃຈຫົດຫໍ່ຫ່ຽວແຫ້ງ ແນວໃດບໍ່ຮູ້ຈັກ

ຕາຍຄັກໆມື້ນີ້ ແຟນຂ້ອຍໂທມາ

ລອງໃຈ

ກັບໄປໄດອາຣີ່ຂອງ ອິຄິວຊັງ PSP

ແຈ້ງເນື້ອຫາບໍ່ເໝາະສົມ

ອິຄິວຊັງ PSP

ເບິ່ງທັງໝົດ

ອ່ານຄືນຫຼັງ

2013 (1)
2011 (3)
2010 (3)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.