ຄິດແນວໃດເມື່ອໃຫ້ທານຈື່ງໄດ້ບຸນຫລາຍ

ຂ້າແຕ່ພຣະອົງຄ໌ຜູ້ຈະເລີນ! ຫຍັງໜໍ ເປັນເຫຕ ເປັນປັຈຈັຍ ເຄື່ອງໃຫ້
ທານເຊັ່ນນັ້ນນັ້ນແລ ທີ່ບຸກຄົນບ... (ອ່ານຕໍ່)

ຂ້າແຕ່ພຣະອົງຄ໌ຜູ້ຈະເລີນ! ຫຍັງໜໍ ເປັນເຫຕ ເປັນປັຈຈັຍ ເຄື່ອງໃຫ້
ທານເຊັ່ນນັ້ນນັ້ນແລ ທີ່ບຸກຄົນບາງຄົນໃນໂລກນີ້ ໃຫ້ແລ້ວ ມີຜົນຫລາຍ ບໍ່ມີອານິສົງສ໌ຫລາຍ
ຫຍັງໜໍ ເປັນເຫຕ ເປັນປັຈຈັຍ ເຄື່ອງໃຫ້ທານເຊັ່ນນັ້ນນັ້ນແລ ທີ່ບຸກຄົນບາງຄົນ
ໃນໂລກນີ້ ໃຫ້ແລ້ວ ມີຜົນຫລາຍ ມີອານິສົງສ໌ຫລາຍ.
ສາຣີບຸດ! ບຸກຄົນບາງຄົນໃນໂລກນີ້ ໃຫ້ທານໂດຍ
ມີຄວາມຫວັງຜົນ ໃຫ້ທານໂດຍມີຈິຕຜູກພັນໃນຜົນ ໃຫ້ທານໂດຍ
ມຸ້ງການສັ່ງສົມ (ບຸນ) ໃຫ້ທານໂດຍຄິດວ່າ “ເຮົາຕາຍໄປຈັກໄດ້
ສະເວີຍຜົນຂອງທານນີ້” ເຂົາຈຶ່ງໃຫ້ທານ ຄື ເຂົ້າ ນ້ຳ ເຄື່ອງນຸ່ງ ຫົ່ມ
ຍານພາຫະນະ ດອກໄມ້ ຂອງຫອມ ເຄື່ອງລູບໄລ້ ທີ່ນອນ ທີ່ຢູ່ອາໄສ
ແລະປະທີບໂຄມໄຟແກ່ສະມະນະຫລືພຣາມ... ເຂົາໃຫ້ທານ
ນັ້ນແລ້ວ ເມື່ອຕາຍໄປ ຍ່ອມເຂົ້າເຖິງຄວາມເປັນສະຫາຍແຫ່ງເທວະດາ
ເຫລົ່າຈາຕຸມະຫາລາຊິກາ ເຂົາສິ້ນກັມ ສິ້ນລິດ ສິ້ນຍົດ ໝົດ
ຄວາມເປັນໃຫຍ່ແລ້ວ ຍັງເປັນຜູ້ກັບມາ ຄື ມາສູ່ຄວາມເປັນ
ຢ່າງນີ້(ສູ່ຄວາມເປັນມະນຸດ).
ສາຣີບຸດ! ບຸກຄົນບາງຄົນໃນໂລກນີ້ ໃຫ້ທານໂດຍບໍ່ມີ
ຄວາມຫວັງຜົນ ໃຫ້ທານໂດຍບໍ່ມີຈິຕຜູກພັນໃນຜົນ ໃຫ້ທານໂດຍ
ບໍ່ມຸ້ງການສັ່ງສົມ (ບຸນ) ໃຫ້ທານໂດຍບໍ່ຄິດວ່າ “ເຮົາຕາຍໄປຈັກໄດ້
ສະເວີຍຜົນຂອງທານນີ້” ແຕ່ເຂົາໃຫ້ທານດ້ວຍຄິດວ່າ “ການໃຫ້
ທານເປັນການດີ” ເຂົາຈຶ່ງໃຫ້ທານ ຄື ເຂົ້າ ນ້ຳ ຍ່ອມເຂົ້າເຖິງ
ຄວາມເປັນສະຫາຍແຫ່ງເທວະດາເຫລົ່າດາວດຶງສ໌ ...
...ໃຫ້ທານໂດຍບໍ່ມີ
ຄວາມຫວັງຜົນ ... ບໍ່ໄດ້ໃຫ້ທານດ້ວຍຄິດວ່າ “ການໃຫ້ທານ
ເປັນການດີ” ແຕ່ໃຫ້ທານດ້ວຍຄິດວ່າບີດາມານດາ ປູ່ຍ່າ ພໍ່ເຖົ້າແມ່ເຖົ້າ
ເຄີຍໃຫ້ເຄີຍທຳມາ ເຮົາກໍບໍ່ຄວນທຳໃຫ້ເສຍປະເພນີ ເຂົາໃຫ້ທານ
ຄື ເຂົ້າ ນ້ຳ ... ຍ່ອມເຂົ້າເຖິງຄວາມເປັນສະຫາຍແຫ່ງເທວະດາເຫລົ່າ
ຍາມາ...

(ຫຍໍ້ເຂົ້າ)