ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ພ.ຈ.. 25, 2011 | ມີ 13 ຄຳເຫັນ ແລະ 0 trackback(s)


 

ຮູ້ ຫຼື ບໍ່​ວ່າ ເບື້ອງ​ຫຼັງ​ຂອງ​ສຽງ​ຫົວ​ນັ້ນ​ມີ​ປະ­ໂຫຍດ​ຫຼວງ­ຫຼາຍ ທີ່​ທ່ານ​ອາດ​ຄາດ​ບໍ່​ເຖິງ​ເຊື່ອງ​ຊ້ອນ​ຢູ່.

1. ການ​ຫົວ-ຊ່ວຍ​ຫຼຸດ​ອາ­ການ​ເຈັບ​ປວດ.

ເມື່ອ​ເຮົາ​ຫົວ ຮ່າງ­ກາຍ​ຈະ​ຮູ້­ສຶກ​ຜ່ອນ­ຄາຍ ຊຶ່ງ​ຈະ​ຊ່ວຍ​ຫຼຸດ​ຄວາມ­ເຈັບ​ປວດ​ໄດ້ ຕົວ­ຢ່າງ​ເຊັ່ນ ເວ­ລາ​ຖືກ​ສັກ​ຢາ ຫາກ​ເຮົາ​ຮູ້­ສຶກ​ເຄັ່ງ​ຄຽດ ກ້າມ­ຊີ້ນ​ຈະ​ຄຶງ​ເຄັ່ງ ເຮັດ​ໃຫ້​ຮູ້­ສຶກ​ເຈັບ ແຕ່​ຫາກ​ເຮົາ​ຫົວ ຮ່າງ­ກາຍ​ຈະ​ເລີ່ມ​ຜ່ອນ­ຄາຍ ແລະ ຄວາມ­ເຈັບ​ປວດ​ນັ້ນ​ຈະ​ຄ່ອຍໆ​ຫຼຸດ​ລົງ.

2. ການ​ຫົວ-ແກ້​ຊຶມ​ເສົ້າ.

ການ​ຫົວ​ນັ້ນ​ຈະ​ຊ່ວຍ​ໃຫ້​ຮ່າງ­ກາຍ​ຫຼັ່ງ​ສານ​ສື່​ປະ­ສາດ​ຢ່າງ​ຊີ​ໂຣ​ໂທ​ນິນ ແລະ ໂດ​ພາ​ມີນ​ເພີ່ມ​ຫຼາຍ​ຂຶ້ນ ເຮັດ​ໃຫ້​ຈິດ­ໃຈ​ສະ­ຫງົບ ເຍືອກ​ເຢັນ ຜ່ອນ­ຄາຍ.

3. ການ​ຫົວ-ເພີ່ມ​ພູມ​ຄຸ້ມ​ກັນ

ການ​ຫົວ​ຊ່ວຍ​ໃຫ້​ຮ່າງ­ກາຍ​ມີ​ພູມ​ຄຸ້ມ​ກັນ​ເພີ່ມ​ຂຶ້ນ ຊ່ວຍ​ປ້ອງ​ກັນ​ການ​ຕິດ­ເຊື້ອ​ໃນ​ລະ­ບົບ​ທາງ​ເດີນ​ຫາຍ­ໃຈ ເຊັ່ນ​ໄຂ້​ຫວັດ​ໄດ້.

4. ການ​ຫົວ-ຫຼຸດ​ນ້ຳ­ໜັກ

ເວ­ລາ​ເຄັ່ງ​ຄຽດ ຮ່າງ­ກາຍ​ຈະ​ຫຼັ່ງ​ຮໍ​ໂມນ​ທີ່​ຊື່­ວ່າ ຄໍ​ຕິ​ຊອນ​ອອກ​ມາ ເຮັດ​ໃຫ້​ເກີດ​ຄວາມ​ຮູ້­ສຶກ​ຢາກ​ອາ­ຫານ ແລະ ກິນ​ຫຼາຍ​ຂຶ້ນ ການ​ຫົວ 30 ວິ­ນາ­ທີ​ເຖິງ 5 ນາ­ທີ 10 ຄັ້ງ​ຕໍ່​ວັນ ຈະ​ຊ່ວຍ​ໃຫ້​ຄວາມ​ຢາກ​ອາ­ຫານ​ຫຼຸດ​ລົງ ມີ​ຜົນ​ໃຫ້­ການ​ຄວບ​ຄຸມ​ນ້ຳ­ໜັກ​ດີ​ຂຶ້ນ.

5. ການ​ຫົວ-ບໍ­ລິ­ຫານ​ຫົວ­ໃຈ

ການ​ຫົວ​ພຽງ 15-20 ນາ­ທີ ຊ່ວຍ​ໃຫ້​ຫົວ­ໃຈ​ໄດ້​ອອກ­ກຳ­ລັງ​ກາຍ 3-5 ນາ­ທີ ຖື​ເປັນ​ການ​ບໍ­ລິ­ຫານ​ຫົວ​ໃຈ­ງ່າຍໆ ທີ່​ເໝາະ​ກັບ​ຜູ້​ສູງ​ອາ­ຍຸ​ທີ່​ນອນ​ຢູ່​ເທິງ​ຕຽງ ແລະ ຈະ​ເຄື່ອນ​ໄຫວ​ບໍ່​ໄດ້​ຫຼາຍ​ປານ­ໃດ.

6. ການ​ຫົວ-ບໍ­ລິ­ຫານ​ກ້າມ­ຊີ້ນ.

ລະ­ຫວ່າງ​ທີ່​ຫົວ ຈະ​ຊ່ວຍ​ໃຫ້​ກ້າມ­ຊີ້ນ​ເທິງ​ໃບ​ໜ້າ 12 ຊະ­ນິດ ແລະ ກ້າມ­ຊີ້ນ​ບໍ­ລິ­ເວນ​ຮ່າງ­ກາຍ​ອີກ 15 ຊະ­ນິດ ໄດ້​ອອກ­ກຳ­ລັງ​ໄປ​ໃນ​ຕົວ​ດ້ວຍ.

7. ການ​ຫົວ-ບໍ­ລິ­ຫານ​ປອດ

ການ​ຫົວ​ເຮັດ​ໃຫ້​ກະ­ບັງ​ລົມ​ເຄື່ອນ​ໄຫວ ຊ່ວຍ​ໝູ­ນວຽນ​ອາ­ກາດ​ໃນ​ປອດ ຊ່ວຍ​ໃຫ້​ປອດ​ສາ­ມາດ​ຂັບ​ຖ່າຍ​ອາ­ກາດ​ເສຍ ແລະ ຮັບ​ອົກ​ຊີ​ແຊນ​ເຂົ້າ​ປອດ​ໄດ້​ຢ່າງ​ເຕັມ­ທີ່.

ນຳ​ສະ­ເໜີ​ໂດຍ: ຄົນ​ສັງ­ຄົມ


Delicious Digg Fark Twitter