ທາງການຣັສເຊັຽໄດ້ຕໍ່ອາຍຸຂອງລູກສອນໄຟຂ້າມທະວີບ ຕາມແຜນການສົງຄາມອາວະກາດRS -໑໒M ballistic Topol ໄປອີກໃຫ້ຮອດ ໒໓ ປີ,  ຕາມການລາຽງານຂອງເລຂາລັຖມົນຕຣີກອງທັພຣັສເຊັຽ ທ່ານ ພັນໂທ ອາເລັກເຊ ໂຢວໂລຕຸຄິນ (Алексеи Золотухин)

ລູກສອນໄຟຊະນິດນີ້ຖືກນຳມາໃຊ້ໃນປີ ໑໙໘໗ ມີອາຍຸການໃຊ້ງານ ໑໐ ປີ ແຕ່ຖືກຕໍ່ອາຍຸມາຄັ້ງໜຶ່ງແລ້ວ, ມີຈຳນວນທັງໝົດ ໒໑໐ ລູກ ແຕ່ລະລູກມີຄວາມຍາວ ໒໒,໗໐ ແມັດ, ມີເສັ້ນຜ່າສູນກາງ ໑,໘໐ ແມັດ. ສາມາດຍິງໄປໄກຈາກຖານທັພເຖິງ ໑໐.໐໐໐ ກິໂລແມັດ ແລະສາມາດຕິດຫົວຣົບນິວຄະເລັຽ, ມີກຳລັງຣະເບີດເທົ່າກັບ ໕໕໐.໐໐໐ ໂຕນ, ມີນ້ຳໜັກທັງໝົດ໑.໐໐໐ ກິໂລກຣາມ.