ບຸນທາດຫຼວງມື້ສຸດທ້າຽ, ຂ້ຽໄດ້ຍ່າງເລາະແຕ່ທາດຫຼວງຈົນຮອດສີ່ແຍກ ດົງໂດກ-໔໕໐ປີ ກະເລີຽເຫັນເຫດການໜຶ່ງທີ່ຄິດວ່າບໍ່ໜ້າຈະເຮັດ. ຄົນລາວເຮົານີ້ເມື່ອເວລາມີເງິນຫຼືມີອຳນາດນີ້ມັກຊູຊີ, ອ້າງຜູ້ນັ້ນອ້າງຜູ້ນີ້, ແລະໃນທີ່ສຸດກະບໍ່ຢາກປະຕິບັດຕາມກົດລະບຽບ. ໃນເວລາປະມານ ໑໙-໒໐ ໂມງນີ້ລະທາງຕຳຫຼວດແລະທະຫານທີ່ປະຕິບັດໜ້າທີ່ເວລຍາມແລະຮັກສາຄວາມສະຫງົບເຂດສີ່ແຍກໄຟແດງ ດົງໂດກ- ໔໕໐ ປີ ໄດ້ອັດເສັ້ນທາງແຕ່ສີ່ແຍກຂາເຂົ້າແລະລະບາຽອອກໄປທາງ ໔໕໐ ປີ, ນ່າເຫັນໃຈຕຳຫຼວດແລະທະຫານທີ່ປະຕິບັດໜ້າທີ່ໄດ້ດີ. ໃນຂະນະປະຕິບັດໜ້າທີ່ໄດ້ມີລົຖໃຫ່ຽຄັນໜຶ່ງ ເປັນແລນກຣຸຍເຊີ ເລກເປົາ ແລ່ນຜ່ານຕຳຫຼວດທີ່ເຮັດໜ້າທີ່ໂບກມືໃຫ້ລ້ຽວຊ້າຽ ແລະໄປຢຸດຢູ່ບ່ອນທີ່ເຈົ້າໜ້າທີ່ເອົາລົຖຕູ້ໄປຂວາງໄວ້. ຜູ້ຂັບລົຖແລນກຣຸຍເຊີ້ ຍັງຊູຊີຊິໄປຕໍ່ ແຕ່ທາງຕຳຫຼວດກະບອກວ່າ: ທາງໜ້າມັນລົຖຫຼາຽ ໃຫ້ທ່ານລ້ຽວຊ້າຽສາ. ຜູ້ກ່ຽວຍັງຊູຊີຢາກໃຫ້ຍ້າຽລົຖຕູ້ອອກພຸ້ນລະ ຈົນເຮັດໃຫ້ຕຳຫຼວດຜູ້ປະຕິບັດໜ້າທີ່ຕ້ອງໄດ້ ຍໍມືໃສ່ຫົວແລ້ວນົບ ເພື່ອໃຫ້ຜູ້ຂັບລົຖຄັນນັ້ນຖຽແລະລ້ຽວຊ້າຽ. ເຫັນແນວນັ້ນຂ້ຽກະເລີຽຖ່າຽຮູບໄວ້. ຊົມເຊີຽເຈົ້າໜ້າທີ່ເຮັດວຽກໄດ້ດີຫຼາຽ!!!!  ແຕ່ພວກຊູຊີຫິນະນີ້ ມັນກະຊູຊີຢູ່ບໍ່ເຊົາເນາະ, ເຫັນຢູ່ປ້າຽຫ້າມຜ່ານຍັງຊູຊີຢາກໄປ.