ຂຽນເມື່ອ: ມ.ກ.. 5, 2010
| ມີ
10 ຄຳເຫັນ
ແລະ
0 trackback(s)
ທຸກທ່ານທີ່ຮັກແພງ ນອກຈາກທີ່ເມືອງໄທຈະມີກະແສການຄັ່ງໄຄຼ້ຫຼົງໄຫລດາຣານັກຮ້ອງເກົາຫລີ ເພຼງເກາຫລີ ອາຫານເກົາຫຼີ ຊົງຜມເກົາຫຼີ ຫຼືວ່າພະຍາຍາມເຮັດໜ້າຕາໃຫ້ຄືເກົາຫຼີແລ້ວ ອີກອັນໜຶ່ງທີ່ຟຣີເວີ້ທີ່ສຸດໃນໄທນັ້ນແມ່ນ "ການຫຼົງໄຫລໃນວັທນະທັມລາວ" ຫຼືກະແສ Laos Fever ນັ່ນເອງ
ກະແສພວກນີ້ເລີ່ມຂຶ້ນໃນຕັ້ງແຕ່ຊ່ວງປີ 2520 ຫຼືອາຈກ່ອນໜ້ານັ້ນເປັນຕົ້ນມາໂດຍຂ້າພະເຈ້າຂໍລຽງລຳດັບເປັນກຸ່ມໆ ເປັນໝວດໄວ້ດັງນີ້
ດ້ານເພງ
ບໍ່ວ່າສິເປັນການຖ່າຍທອດຄຳລາວອອກມາຈາກ ສຽງລຳລ່ອງ ທີ່ຕອນນັ້ນຄົນໄທຍັງບໍ່ທັນໄດ້ຮູ້ຈັກຫຼາຍ ຊຶ້ງຕອນນັ້ນສ່ວນຫຼາຍກໍ່ມີແຕ່ຄົນອີສານເທົ່ານັ້ນທີ່ຟັງໄດ້ ຕໍ່ມາກໍ່ມີວິວັທນາການສຽງເພຼງຂບວນການໃຫມ່ເປັນ ເພຼງລູກທຸ່ງໝອລຳ ຊຶ່ງຄົນໄທເຣີ່ມຮູ້ຈັກຢ່າງກວ້າງຂວາງຂຶ້ນກວົ່າເດີມ ແລະຕໍ່ມາໃນທີ່ສຸດເພງລູກທຸ່ງສ່ວນຫຼາຍ ກໍ່ຖືກສະເໜ່ສຽງແຄນແດນລາວກືນກິນເພຼງໄທຈົນຫົດຫົວກັນໄປເລີຍທີດຽວ ຫຼັງຈາກຜົນງານເພງນັກຮ້ອງແດນອີສານເໝົາຕຳແໜ່ງຄອງແຊ່ມປ໌ຜົນງານເພຼງຍອດນິຍົມ ເທີງສຽງຮ້ອງກອນລຳ ແລະສະເຫນ່ລູກເອື້ອນແລະລູກຄໍທີ່ບໍ່ມີຄົນຊົນຊາດໃດລຽນແບບໄດ້ ຈົນມາຖຶງໃນປັຈຈຸບັນທ່ານກໍ່ເລີຍຈະເຫັນເພຼງທີ່ດັງໆ ສ່ວນຫຼາຍຈະມີນັກຮ້ອງອີສານເປັນຄົນຮ້ອງເອົາໄວ້ທັ້ງນັ້ນ
ບໍ່ວ່າຈະເປັນ ຕ່າຍ ອໍລະໄທ , ມົນແຄນ , ໄຜ່ ພົງສະທອນ , ໄມຄ໌ ພິລົມພອນ , ເອກພົນ ມົນຕະການ ... ແລະກຸ່ມສິລປິນອື່ນໆ ອີກຫຼວງຫຼາຍ ດັງນີ້ຄົນໄທສ່ວນຫຼາຍກໍ່ເລີຍເຂົ້າໃຈຄຳລາວ ແລະສາມາດຟັງພາສາລາວອອກ ແລະຮຽນຮູ້ສັບລາວໄດ້ຫຼາຍຂຶ້ນນັ້ນເອງ ດັ່ງທ່ານຈະເຫັນຈາກທີວີທີ່ພິທີກອນໄທຍ໌ບໍ່ອາຍເວົ້າລາວຈາກກະແສຄວາມ Hit ຂອງເພງ ມັນຕ້ອງຖອນ ຂອງປອຍຝ້າຍ
ດ້ານຫນັງ
ນອກຈາກກະແສຄວາມຟີເວີ້ທີ່ຖູກຖ່າຍທອດອອກມາຜ່ານສຽງເພງແລ້ວ ກະແສໜັງຂອງຄົນອີສານທີ່ເປັນຄົນສ້າງກໍ່ຍັງເປັນທີ່ຖູກອົກຖືກໃຈຂອງຄົນໄທແຕ່ລະຍຸກແຕ່ລະສມັຍ ເລີ່ມຕັ້ງແຕ່ໜັງເລື້ອງແຣກທີ່ເປັນທູດເຜີຍແຜ່ ນັ້ນເປັນໜັງໃນໜັງສືຂອງທ່ານຄຳພູນ ບຸນທະວີ ຊື່ວ່າ ລູກອີສານ ເປັນການສ້າງພ້ອມກັບອອກສາຍໃນວັນທີ່ສລອງກຸງເທບຄົບ 200 ປີ ແລ້ວຕໍ່ມາກໍ່ມີຄົນອີສານຫຼາຍຄົນລຸກຂຶ້ນມາສ້າງຫນັງແລ້ວໃຊ້ຄຳລາວເປັນຫຼັກບໍ່ວ່າຈະເປັນ ໜັງຂອງທ້າວໝ່ຳ ຈົ້ກມົກ (ແຫຍມຍະໂສທອນ 1 -2 , ຄົນໄຟບິນ , ບໍດີ້ກາດໜ້າຫຼ່ຽມ , ໂປງລາງສະດິ້ງ) ໜັງທັ້ງຫມົດນີ້ຖືກສ້າງກຳໄຣແລະຕິດອັນດັບໜັງຍອດນິຍົມຂອງໄທທັ້ງນັ້ນ ມັນກໍ່ເຮັດໃຫ້ຄົນໄທຍອມຮັບໃນຄວາມສາມາດຂອງຄົນລາວຫຼາຍຂຶ້ນນັ່ນເອງ
ດ້ານລະຄອນ
ເລີ່ມຈາກລະຄອນທີ່ກ່ຽວກັບສອງຝັ່ງໂຂງທີ່ໃຊ້ຄຳໄທຍ໌ລ້ວນມາແລ້ວ ຜູ້ກຳກັບຄົນອີສານກໍ່ໄດ້ມາພັດທະນາໃຫ້ມີຄົນລາວຮ່ວມສະແດງນຳ ພ້ອມກັບໃຊ້ຄຳລາວທາງນີ້ເປັນຕອນໆ ໄປ ຕໍ່ມາກໍ່ມີລະຄອນຊ່ອງອື່ນໆ ເຮັດເປັນຕົວຢ່າງ ເກີດການລອກລຽນແບບ ມີທັ້ງຜູ້ກຳກັບໄທທີ່ແມ່ນເວົ້າລາວບໍ່ໄດ້ສ້າງລະຄອນໂທລະພາບໃຫ້ຄົນໄທໝົດປະເທດເບີ່ງ ຫຼືໃຫ້ຄົນໄທມາເວົ້າລາວ ຖືງບາງຄຳບໍ່ໄດ້ກົງກັນເລີຍ ແຕ່ນັ້ນມັນກໍ່ເຮັດໃຫ້ຄົນໄທຍອມຮັບພາສາລາວແລ້ວກໍ່ຮຽນຮູ້ພາສາລາວເອງໂດຍອັດຕະໂນມັດ
ດ້ານການສະແດງ
ຄະນະໝໍລຳ ຫຼືການສະແດງຂອງວົງໂປງລາງສະອອນທີ່ທັ້ງມ່ວນແລະສນຸກເຮັດໃຫ້ຄົນໄທຍ໌ທັ້ງເດັກແລະຜູ້ໃຢ່ຫລົງໄຫລໃນການສະແດງໂປງລາງ ສ້າງຄວາມເຮຮາໄປທົ່ວປະເທດ ມີການແຕ່ງກາຍລອກລຽນແບບ ພ້ອມທັ້ງຍັງເຜີຍແຜ່ສຽງແຄນອອກໄປອີກຢ່າງກວ້າງໄກເຖີງທາງໃຕ້ຂອງໄທຍ໌
ນອກເໜືອຈາກນັ້ນແລ້ວບຣິບົດຂອງຄົນລາວທີ່ອາສັຍໃນອີສານຂອງໄທຍ໌ນີ້ ແມ່ນບໍ່ຍອມເວົ້າໄທຢູ່ແລ້ວ ແມ່ນໄປເຮັດວຽກຢູ່ໃນເມືອງກໍ່ຕາມ ບໍ່ວ່າຈະເຮັດວຽກກັມມະກອນ ຂັບລົດແທັກຊີ່ ຫຼືວ່າເຮັດງານຄ້າຂາຍນຳຮ້ານກໍ່ຕາມ ຕ່າງລົມກັນເປັນພາສາລາວ ຍ້ອນວ່າເວົ້າແລ້ວສບາຍກວ່າ ບໍ່ປວດຫົວ ເພາະວ່າເປັນພາສາທີ່ຄຸ້ນເຄີຍ ໜັງທີ່ຖືກສ້າງຂຶ້ນສ່ວນຫຼາຍທີ່ຄົນອີສານໄປສະແດງ ກໍ່ເລີຍມີພາສາລາວແຊກ ດັງນັ້ນພາສາລາວກໍ່ເລີຍຖືກເຜີຍແພຣ່ຢ່າງອັຕໂນມັດໃນໄທຍ໌ ໂດຍທີ່ໄທຍ໌ບໍ່ຮູ້ຕົວ
ຕອບຄຳຖາມວ່າເປັນຫຍັງຄົນໄທຈັ່ງເຊຍຄົນລາວໃນຊີເກມສ໌ໃຫ້ທຸກທ່ານໄດ້ຟັງໄດ້ເລີຍບາດນິ...
ທີ່ຈິງຄຳວ່າພີ່ນ້ອງທີ່ເຮົາເອີ້ນກັນນັ້ນແມ່ນ ຄົນລາວຝັ່ງຂວາກັບຄົນລາວຝັ່ງຊ້າຍເວົ້າກັນ ເຊີ້ງມີຮີດຄອງປະເພນີ ຮີດ 12 ຄອງ 14 ອັນດຽວກັນ ກິນເຂົ້າໜຽວຈ້ຳປາແດກຄືກັນ ຄົນໄທມີຄວາມຮູ້ສຶກໃກ້ຊິດກັບຄົນລາວ ແລ້ວກໍ່ເຂົ້າໃຈຜິດວ່າແມ່ນພີ່ນ້ອງທັ້ງໝົດປະເທດ ແຕ່ຄວາມໃກ້ຊິດລະຫວ່າງຄົນໄທກັບລາວຄືບໍ່ໂດຍຕົງ ແຕ່ວ່າໂດຍອ້ອມກໍ່ຄືການຮັບເອົາແລະຮຽນຮູ້ປະເພນີວັດທະນະທັມລາວຜ່ານຄົນລາວໃນພາກອີສານທາງນີ້ນັ້ນເອງ ແລ້ວເມື່ອຄົນໄທບາງຄົນທີ່ຟັງຄົນລາວເວົ້າມັນໄປກົງກັບຄົນອີສານເວົ້າ ເຂົາເຈົ້າກໍ່ເລີຍເອົາໃຈຊ່ອຍລາວ ແລ້ວເມື່ອເຫັນຄົນລາວທີ່ເວົ້າພາສາທີ່ບໍ່ຕ້ອງຮຽນແຕ່ວ່າຫາກຟັງອອກ ມັນກໍ່ເລີຍມີທັສນະຄະຕິທີ່ດີ
ແຕ່ເມື່ອຄົນໄທບໍ່ຄ່ອຍເຫັນຄົນລາວເຊຍໄທ ຫຼືມີການເຊຍແຂັ່ງສຽງແຮງອີກຕ່າງຫາກ ຄົນໄທກໍ່ເລີຍນ້ອຍໃຈ ຊຶ້ງກຸ່ມທີ່ນ້ອຍໃຈນີ້ແມ່ນ ຄົນໄທສ່ວນຫຼາຍທີ່ບໍ່ເຄີຍວ່າໃຫ້ລາວແລະດູຖູກຊາດລາວເລີຍ ອີກຢ່າງແມ່ນຄົນອີສານທີ່ເຂົ້າໄປ ຊຶ້ງຄົນເດີນທາງເຂົ້າໄປສ່ວນໃຢ່ກໍ່ຄືເຂົ້າໄປຊົມເຊີຍແລະຍິນດີກັບພີ່ນ້ອງ ສປປ.ລາວ ທັ້ງນັ້ນ
ຮັກແພງ
ໜວດໝູ່:
ນີ່ຄືບົດສັມພາດກັບຄົນທີ່ເຄີຍລອງໃຊ້ມາແລ້ວແລ້ວໄດ້ຜົນ
