ສຸພາສິດເພິ່ນວ່າ: ລູກບໍ່ຟັງຄວາມພໍ່ ຄວາມແມ່ ຜີແກ່ເຂົ້າໝໍ້ນາຮົກ

ທີ່ຖືກແທ້ໆແມ່ນ ໄຫຼເຮືອໄຟເດີ ສ່ວນຄຳວ່າ ກະທົງ ນັ້ນ ແມ່ນເພີ່ນໃຊ້ຢູ່ໃນພິທີກຳທາງສາດສະໜາ ເຄີຍເຫັນບໍ່ຢູ່ແຖວແຈຮົ້ວເຮືອນ (ເຮືອນ ແມ່ນເຮືອນຫຼັງທີ່ເຮົາຢູ່) ບ້ານ (ບ້ານ ໝາຍຄວາມວ່າ ມີຫຼາຍຫຼັງຄາເຮືອນຮວມກັນ ຈຶ່ງເອີ້ນວ່າ ບ້ານ) ຢາມມີບຸນຫັຍງຕ່າງ ຫຼືເຮັດບຸນເຮືອນ, ບຸນບ້ານ, ບຸນວັດ ເພີ່ນກໍ່ຈະເຮັດກະທົງທີ່ເຮັດດ້ວຍກາບກ້ວຍໃຫຍ່ພໍປະມານ ແລະມີກະທົງອັນນ້ອຍໆອີກ 4-5 ອັນ ແຕ່ລະອັນມັນຈະ ຄຳເຂົ້າ, ອາຫານທານ, ກອກຢາສູບ, ໝາກໄມ້ຫຍັງຕ່າງໆ ສິ່ງນັ້ນເພິ່ນຮຽກວ່າ ກະທົງ. ສ່ວນທີ່ພວກເຮົາໄປລອຍ ຫຼື ໄຫຼ ໃນມື້ບຸນອອກພັນສານັ້ນແມ່ນ ໄປໄຫຼເຮືອໄຟ ແຕ່ພໍ່ແຕ່ແມ່ເຮົາ ເພິິ່ນພາວ່າ ສ່ວນຄຳວ່າ ໄປລອຍກະທົງນັ້ນ ແມ່ນພາສາຊອດກະຈາ ທີ່ໄວຮຸ່ນ (ບໍ່ແມ່ນ ລຸ້ນ) ທຸກວັນນີ້ ຕິດປາກກັນ ໃຫ້ເຂົ້າໃຈຕາມນີ້ດ້ວຍ ເຮົາຄົນຮຸ່ນຫຼັງ ໃຊ້ພາສາພໍ່ ພາສາແມ່ ຂອງຕົນໃຫ້ມັນຖືກຕ້ອງ.

ບຸກຄົນໃດທີ່ມັກຂໍເບີສາວ ແລ້ວໄດ້ເບີມາ

ລະວັງເປັນເບີແຟນເຂົາເຈົ້າເດີ ດັ່ງກໍລະນີນີ້

ຫຼັງຈາກໄດ້ເບີສາວມາໃໝ່ ເລີຍຕັດສິນໃຈໂທໄປຫາ

ຂ້ອຍ: ຕຶດ. ຕຶດ. ຕຶດ. ຮາໂຫຼ ສະບາຍດີ (ພ້ອມລໍຖ້າສຽງຕອບຮັບ)

ລາວ: ເອີ ວ່າຈັ່ງໃດ (ເປັນສຽງຜູ້ຊາຍຕອບມາ)

ຂ້ອຍວາງສາຍໃນທັນທີ ອິອິອິ

ແລ້ວກະໂທກັບມາ

ລາວ: ຊິລົມກັນແມ່ນບໍ່

ຂ້ອຍ: ເອີ! ຄືວ່າ ໂທຜິດນະ ຂໍໂທດເດີ

ລາວ: ມຶງຢ່າມາອ້າງ ເບີແຟນກູເດີ ລະວັງໂຕໃຫ້ດີໃດ ຖ້າພໍ້ມຶງລະເຈັບໂຕແທ້ ແລະກະຢ່າໄປຂໍເບີໃຜທົ່ວທີບອີກເດີ

ຂ້ອຍ: ເອີ ຈັ່ງໃດມຶງກະຮູ້ລະ ກູຝາກຄວາມຄິດຮອດໄປຫາແຟນມຶງແດ່ເດີ (ພ້ອມດ້ວຍວາງສາຍ)

ເປັນອຸທາຫອນວ່າ ຄັນສິໄປຂໍເບີສາວໆ ໃຫ້ຖາມເຂົາເຈົ້າດີໆ ວ່າບໍ່ໄດ້ຂີ້ຕົວະ!!!

ບໍ່ໄດ້ຂຽນເອງເດີ ແປມາຈາກ

http://achikochi1234.blogspot.com/2011/09/blog-post_16.html

ເຈົ້າເຄີຍຮູ້ສຶກເບື່ອກັບຈຸດອ່ອນຂອງຕົວເອງບໍ່?

ຄໍາວ່າ ຈຸດອ່ອນ ນັ້ນອາດຈະໝາຍເຖິງ ການທີ່ເວົ້າບໍ່ເກັ່ງ ເບີ່ງຕົນເອງເປັນຄົນຊື່ໆບໍ່ມີຈຸດໝາຍ ບໍ່ກ່າລິເລີ່ມ ຫຼືຂາດທັກສະຄວາມຮູ້ອີ່ຫຍັງຈັກຢ່າງ ທີ່ເຈົ້າຄິດວ່າມະນຸດຄົນໜຶ່ງຄວນຈະມີ

ເມື່ອທຽບຄົນອື່ນໆໃນແງ່ນີ້ແລ້ວ ເຈົ້າອາດຈະຄິດນ້ອຍໃຈ ໂທດສິ່ງແວດລ້ອມ ໂທດຄົນອ້ອມຂ້າງ ຮວມໄປເຖິງໂທດຕົນເອງໄປຕ່າງໆນາໆ ຄິດເຖິງສາເຫດທັງເໝິດເທົ່າທີ່ພໍຈະຄິດໄດ້ ທີ່ເຮັດໃຫ້ເຈົ້າເກີດມາເປັນແບບນີ້

ຈາກນັ້ນເຈົ້າກໍ່ເລີ່ມເຮັດທຸກຢ່າງທີ່ເຊື່ອວ່າມັນຈະຊ່ວຍເຈົ້າກໍາຈັດຈຸດອ່ອນໃນຕົວເອງໃຫ້ເໝິດໄປ ເຈົ້າເລີ່ມຊອກຫາຂໍ້ມູນ ຫາຜູ້ຊ່ຽວຊານທີ່ສຸດໃນສາຂາວິຊານັ້ນໆ ອ່ານທຸກຢ່າງທີ່ເຂົາເຈົ້າຂຽນ ຟັງທຸກຢ່າງທີ່ເຂາເຈົ້າເວົ້າ ລອງເຮົດຕາມວິທີທີ່ເຂົ້າເຈົ້ານໍາສະເໜີ ໄລຍະທໍາອິດເຈົ້າຈະຮູ້ສຶກດີຂຶ້ນໜ້ອຍໜຶ່ງ ແຕ່ຫຼັງຈາກທີ່ໄດ້ໃຊ້ຄວາມພະຍາຍາມຢ່າງເຕັມທີ່ ສຸດທ້າຍເຈົ້າກໍ່ພັບວ່າຕົນເອງບໍ່ໄດ້ປ່ຽນແປງຫຍັງຫຼາຍ ຍັງຄົງເປັນຄືເກົ່າຢູ່ ຖ້າແມ່ນຂ້ອຍເອງກໍ່ເປັນຄົນໜຶ່ງທີ່ບໍ່ຕ່າງຈາກເຈົ້າ ແຕ່ມື້ນີ້ຂ້ອຍມີອີກມຸມມອງໜຶ່ງຢາກນໍາສະເໜີ...

ຂ້ອຍຢາກໃຫ້ເຈົ້າລອງຈິນຕະນາການວ່າຕົວເອງກໍາລັງຢ່າງຢູ່ໃນສວນດອກໄມ້ແຫ່ງໜຶ່ງອ້ອມຮອບຕົວເຈົ້າເຕັມໄປດ້ວຍດອກໄມ້ຫຼາກຫຼາຍສີສັນ ຫຼາກຫຼາຍພັນທີ່ເບັ່ງບານຢ່າງສວຍງາມ ສົມມຸດວ່າເຈົ້າມີໂອກາດໄດ້ເລືອກດອກໄມ້ພຽວດອກດຽວໃນສວນແຫ່ງນັ້ນເພື່ອເປັນເຈົ້າຂອງດອກໄມ້ດອກໃດດອກໜຶ່ງ ເຈົ້າຄົງຮູ້ສຶກທໍາໃຈລໍາບາກ ແລະເລືອກບໍ່ຖືກແມ່ນບໍ່ ເພາະທຸກດອກຕ່າງກໍ່ເບີ່ງແລ້ວສວຍສົດງົດງາມແຕກຕ່າງກັນໄປແມ່ນບໍ່ລະ

ເບີ່ງຈາກມຸມມອງຂອງດອກໄມ້ ມັນກໍ່ບໍ່ຮູ້ດອກວ່າຕົວມັນເອງແຕກຕ່າງ ແລະສວຍງາມປານໃດ ໜ້າທີ່ຂອງມັນກໍ່ຄື ພຽງແຕ່ປົ່ງໃບ ຍືດກ້ານເພື່ອຮັບແສງ ມັນເຮັດໄປເພື່ອຄວາມເປັນຢູ່ ໂດຍບໍ່ຮູ້ວ່າເຈົ້າກໍາລັງຈ້ອງເບີ່ງມັນຢູ່.

ເຈົ້າຄິດຕຶກຕອງຢູ່ໄລຍະໜຶ່ງ ແຕ່ໃນທີ່ສຸດເຈົ້າກໍ່ເດັດດອກົມ້ດອກໜຶ່ງຈາກສວນແຫ່ງນັ້ນ ແລ້ວຍ່າງອອກມາດ້ວຍຮອຍຍິ້ມ ແລະຄວາມເບີກບານໃນໃຈ...

ສິ່ງທີ່ຂ້ອຍພະຍາຍາມຢາກບອກນັ້ນກໍ່ຄື ຄົນເຮົາປຽບເໝືອນດອກໄມ້ ເຮົາຄືເມັດກ້າທີ່ແຕກຕ່າງ ເຮົາເຕີບໃຫຍ່ຂຶ້ນພ້ອມໆກັນ ຕ່າງເບັ່ງບານ ແລະມີຄວາມສວຍງາມໃນແບບຂອງໃຜມັນ

ແຕ່ທີ່ເປັນຕາສົງໃສນັ້ນກໍ່ຄື ທັ້ງໆທີ່ເຮົາແຕກຕ່າງກັນກັນຢູ່ແລ້ວ ເປນຫຍັງຕ້ອງຢາກເປັນ ທີ1 ກັນອີກ?

ເມື່ອເຈົ້າ ເນັ້ນ ໄປທີ່ຈຸດອ່ອນຂອງເຈົ້າ ເຈົ້າຈຶ່ງກໍາລັງປຽບທຽບຕົນເອງກັບຈຸດແຂງທີ່ສຸດຂອງຄົນທີ່ເປັນ ທີ1 ໃນເລື່ອງນັ້ນໆ

ລອງເບີ່ງຈາກມຸມນີ້ອີກ...

Bill Gates ຜູ້ກໍ່ຕັ້ງບໍລິສັດ Microsoft ເຖິງແມ່ນວ່າຈະມີຜູ້ຄົນຍົກຍ້ອງລາວເປັນຈໍານວນຫຼາຍ ແຕ່ກໍ່ເຄີຍຖືກກ່າວຫາວ່າໃຊ້ອໍານາດ ແລະເຮັດທຸກວິທີທາງໃນການກີດກັ້ນຄູ່ແຂ່ງເພື່ອຜູກຂາດທຸລະກິດ Bill Gates ຄິດວ່າໄລຍະຊີວິດຫຼາຍສິບປີໃນການເຮັດວຽກ ລາວບໍ່ຄ່ອຍນຶກເຖິງເລື່ອງຄວາມບໍ່ເທົ່າທຽມຂອງໂລກໃບນີ້ ທຸກມື້ນີ້ Bill Gates ລາອອກ ແລະໃຊ້ເວລາສ່ວນໃຫຍ່ເຮັດວຽກເພື່ອສັງຄົມ ສ່ວນໜຶ່ງກໍ່ເພື່ອຊົດເຊີຍເລື່ອງລາວໃນອະດີດ.
 

Steve Jobs ຜູ້ກໍ່ຕັ້ງ Apple Computer ບໍລິສັດທີ່ມີມູນຄ່າມະຫາສານທີ່ສຸດໃນໂລກ ແລະຜະລິດຕະພັນ iPhone ທີ່ເຮົາຮູ້ຈັກກັນດີ ກໍ່ມີບຸກຄະລິກທີ່ຂັດແຍ່ງໃນຕົນເອງ Steve Jobs ເປັນຄົນທີ່ປະສົບຜົນສໍາເລັດຢ່າງຍິ່ງ ແຕ່ກໍ່ຖືກກ່າວຫາ ແລະຂຽນເຖິງ ຢ່າງຫຼາຍວ່າເປັນຄົນທີ່ມີບຸກຄະລິກ ຮຸນ ແລະເອົາແຕ່ໃຈຕົວເອງ ທຸກມື້ນີ້ລາວຍັງຕ້ອງຕໍ່ສູ້ກັບມະເຮັງໃນຕັບອ່ອນ

ຍ້ອນຍຸກໄປອີກຈັກໜ້ອຍໜຶ່ງ Albert Einstein ອັດສະຣິຍະ ເບີ1 ຂອງໂລກ ສັ່ງຕັດເຄື່ອງນຸ່ງແບບດຽວກັນ 7 ຊຸດ ໂດຍໃຫ້ເຫດຜົນວ່າ ລາວຈະໄດ້ບໍ່ຕ້ອງເປືອງສະໝອງມາເລືອກເຄື່ອງນຸ່ງວ່າຈະຕ້ອງໃສ່ໂຕໃດໃນແຕ່ລະມື້.

ເຫັນບໍ່ບາດນີ້... ມຸມມອງນີ້ Idol ຂອງເຈົ້າເອງເຂົາກໍ່ມີຈຸດອ່ອນ...

ດັ່ງນັ້ນ ວັນນີ້ ຫາກເຈົ້າຄືຄົນທີ່ເວົ້າບໍ່ເກັ່ງ ຈົ່ງປ່ອຍໃຫ້ຄົນທີ່ເວົ້າເກັ່ງທີ່ສຸດເວົ້າ ສ່ວນຕົວເຈົ້າເອງ ອາດເປັນນັກຟັງທີ່ດີ ຫຼືເປັນນັກອ່ານຕົວເອກ ແລ້ວວັນໜຶ່ງເມື່ອເຈົ້າຈັບສໍຂຶ້ນມາຂຽນ ເຈົ້າອາດຈະເປັນນັກຂຽນທີ່ເກັ່ງທີ່ສຸດ ກໍ່ອາດເປັນໄປໄດ້.

 
ຫາກເຈົ້າເບີ່ງຕົວເອງວ່າເປັນ ຄົນຊື່ໆກັບຊີວິດ ປ່ອຍໃຫ້ຄົນທີ່ຈິງຈັງກັບຊີວິດ ວັນໜຶ່ງຄວາມເປັນ ຄົນຊື່ໆກັບຊີວິດ ຂອງເຈົ້າອາດເຮັດໃຫ້ເຈົ້າຕັດສິນໃຈ ພາຍເປ້ ອອກທ່ອງທ່ຽວ ແລ້ວບໍ່ເທົ່າໃດປີ ເຈົ້າອາດຄົ້ນພົບຕົວເອງວ່າ ເປັນ Guide ນໍາທ່ຽວທີ່ມີລາຄາຄາໂຕແພງທີ່ສຸດ ໃນໂລກ...

ຫາກເຈົ້າເປັນຄົນບໍ່ກ້າ ລິເລີ່ມ ຈົງປ່ອຍໃຫ້ຄົນອື່ນ ລິເລີ່ມ ເຈົ້າອາດຈະເປັນນັກພັດທະນາຕໍ່ຍອດ ຈັບສິ່ງທີ່ມີຢູ່ແລ້ວ ມາຜະສົມຜະສານຈັນກາຍເປັນ ສິ່ງໃດສິ່ງໜຶ່ງທີ່ຄົນຈະປະຕິເສດມັນບໍ່ໄດ້.

ຫາກເຈົ້າຄິດວ່າຍັງຂາດທັກສະ ຫຼືຄວາມຮູ້ອີ່ຫຍັງບາງຢ່າງ ທີ່ຄົນອື່ນມີ ແຕ່ເຈົ້າບໍ່ມີ ກໍ່ຂໍໃຫ້ເຈົາຮູ້ໄວ້ວ່າຄົນອື່ນເຂົາເຈົ້າກໍ່ຕ້ອງການທັກສະ ຫຼືຄວາມຮູ້ໃນແບບທີ່ເຈົ້າມີ ແຕ່ເຂົາເຫຼົ່ານັ້ນບໍ່ມີ ເໝືອນກັນ.

ລອງເບີ່ງຕົວເຈົ້າເອງຈາກສິ່ງທີ່ເຈົ້າເປັນ ມັນບໍ່ມີຄໍາວ່າຈຸດອ່ອນ ທຸກຢ່າງມັນເປັນເລື່ອງຂອງມຸມມອງ ບໍ່ຕ້ອງປຽບທຽບ ເພາະເຈົ້າຄືຄົນທີ່ນັ່ງຢູ່ບ່ອນນີ້ ແລະດຽວນີ້.

ເຈົ້າຄືດອກໄມ້ ດອກດຽວໃນໂລກ ແລະຂ້ອຍຍາກຈະບອກກັບເຈົ້າວ່າຄວາມເປັນຕົວຂອງຕົວເຈົ້າເອງນັ້ນລະ ຄືຈຸດແຂງຂອງເຈົ້າ. ຈຸດອ່ອນຂອງເຈົ້າ ຄືຈຸດແຂງ ທີ່ໃຜໆໃນໂລກມາຍາດເອົາບໍ່ໄດ້.

ຂ້ອຍໄດ້ແປ ແລະດັດແປງບົດຄວາມມາຈາກ  

http://www.sosuave.net/forum/showthread.php?s=&threadid=24243&highlight=no+pressure

ໂດຍ Santos ເດີ

ເຊີ່ງຂ້ອຍເອງ (ຜູ້ກໍາລັງແປລາວ) ກໍ່ມັກອ່ານເລື່ອງແບບນີ້ມາແຕ່ດົນເຫັນວ່າບົດຄວາມນີ້ມີເນື້ອຫາທີ່ໜ້າສົນໃຈດີ ເລີຍຢາກເອົາມາເຜີຍແພ່ຕໍ່ໃຫ້ ອ້າຍ ເອື້ອຍ ນ້ອງ ແລະໝູ່ເພື່ອນພັນລາວຂອງພວກເຮົາ ໄດ້ລອງອ່ານສຶກສາເບີ່ງ.

ເນື້ອຫາດັ່ງຕໍ່ໄປນີ້: ແປມາຈາພາສາໄທອີກຕໍ່ໜຶ່ງ   

ຂ້ອຍ (ຜູ້ກໍາລັງແປລາວ) ໄດ້ດັດແປງເນື້ອຫາບາງສ່ວນເພາະວ່າວັດທະນະທໍາຕ່າງຊາດ ແລະວັດທະນະທໍາຂອງເຮົາ ມັນແຕກຕ່າງກັນ ແລະບາງສໍານວນກໍ່ເຂົ້າໃຈໄດ້ຍາກ

ເລີ່ມກັນເລີຍເນາະ

ການມີແຟນ ບໍ່ໄດ້ເຮັດໃຫ້ຊີວິດເຈົ້າດີຂຶ້ນ

ລອງເບີ່ງເດີວ່າມີຈັກຂໍ້ຫຼືບໍ່? ທີ່ເຈົ້າເປັນຢູ່ໃນຂະນະນີ້

- ເຈົ້າຄິດວ່າຊີວິດນີ້ເຈົ້າຕ້ອງມີໃຜຈັກຄົນຢູ່ຄຽງຂ້າງ ເຈົ້າບໍ່ສາມາດມີຊີວິດຢູ່ຄົນດຽວໄດ້ໂດຍປາສະຈາກໃຜຈັກຄົນ

- ເຈົ້າບໍ່ມີແຟນ ແລະພະຍາຍາມດິ້ນຮົນທີ່ຈະມີແຟນໃຫ້ໄດ້ 

- ພະຍາຍາມທີ່ຈະມີແຟນແລ້ວ ແຕ່ຜົນສຸດທ້າຍ ບໍ່ເປັນໄປຕາມທີ່ເຈົ້າຕ້ອງການ ເຊິ່ງມັນເຮັດໃຫ້ ເໝິດຫວັງ ທໍ້ແທ້ ເມື່ອຍ ແລະຮູ້ສຶກຕົກຕໍ່າ

- ເຈົ້າຮູ້ສຶກຫົດຫູ່ ຮູ້ສຶກກົດດັນ ຮູ້ສຶກຕໍ່າຕ້ອຍ ທີ່ເຫັນຄົນອື່ນມີແຟນ ຫຼືສົມຫວັງໃນຄວາມຮັກ

- ເຈົ້າຄິດວ່າຊີວິດຈະດີຂຶ້ນຖ້າເຈົ້າມີແຟນ ຫຼືມີໃຜຈັກຄົນ

ຖ້າມີຈັກຂໍ້ທີ່ກົງ ຫຼືໄກ້ຄຽງກັບຄວາມຄິດຂອງເຈົ້າ ລອງອ່ານຄໍາແນະນໍາຕາມນີ້ເບິ່ງ 

ຂ້ອຍມີໝູ່ຄົນໜຶ່ງ ເປັນຄົນຮຽນເກັ່ງ ຄົບຫາໝູ່ເພື່ອນຢູ່ສະເໝີ ຮຽກໄດ້ວ່າໄປໃສໄປກັນ ເຫັນກັນຕະຫຼອດ ແຕ່ພໍມັນມີແຟນຊີວິດກໍ່ປ່ຽນໄປ ເຫັນໜ້າມັນໜ້ອຍເທື່ອລົງ ເພາະມັນເອົາເວລາສ່ວນໃຫຍ່ຂອງຊີວິດໄປໃຫ້ແຟນມັນ ພໍຮອດເວລາຮຽນກໍ່ບໍ່ຄ່ອຍມາຮຽນ ເພາະມັນເອົາຊີວິດສ່ວນໃຫຍ່ຂອງມັນໄປໃຫ້ແຟນມັນໝົດ ຈາກທີ່ເຄີຍເຕະບານນໍາກັນ ມັນກໍ່ບໍ່ມາ ຊວນໄປທ່ຽວນໍາກັນມັນກໍ່ປະຕິເສດ ພໍຮອດເວລາຮຽນກໍ່ບໍ່ມາ ແຕ່ພັດໄປນັ່ງເຝົ້າແຟນຕົວເອງ ນາງກາຍເປັນຊີວິດຂອງມັນໄປແລ້ວ ແລະແນ່ນອນວ່າຊີວິດມັນກໍ່ຕົກຕໍ່າລົງ ຄະແນນສະເລ່ຍຂອງການຮຽນກໍ່ຕົກຕໍ່າລົງ ເງິນກໍ່ບໍ່ພໍໃຊ້ ຕ້ອງໄດ້ໄປຍືມຄົນອື່ນ ເພາະເອົາເງິນໄປລ້ຽງແຟນ ຊື້ເຄື່ອງໃຫ້ຕາມແຕ່ນາງຢາກໄດ້.

ຖ້າເຈົ້າມີແຟນແລ້ວຊີວິດເຈົ້າຕ້ອງເປັນແບບນີ້ ຂ້ອຍວ່າຢ່າມີແຟນເລີຍດີກວ່າ.

ແນ່ນອນວ່າ ຜູ້ຍິງ ເຮົດໃຫ້ຊີວິດເຮົາມີສີສັນ ມີຊີວິດຊີວາ ຄຶກຄັກ ກໍ່ພຽງແຕ່ໄລຍະເວລາສັ້ນໆເທົ່ານັ້ນ ໃນໄລຍະເວລາທີ່ມີນາງ ຂ້ອຍບໍ່ຖຽງດອກວ່າ ມະນຸດເປັນສັດສັງຄົມ ເຮົາຕ້ອງເພິ່ງພາອາໃສເຊິ່ງກັນ ແລະກັນ ບໍ່ທາງກົງກໍ່ທາງອ້ອມ ບໍ່ທາງກາຍກໍ່ທາງໃຈ ເຮົາເພິ່ງພາຄົນອື່ນໄດ້ ແຕ່ຢ່າໃຫ້ມັນຫຼາຍເກີນໄປເດີ. ແຕ່ສ່ວນເພິ່ງພາຕົນເອງນັ້ນແມ່ນດີທີ່ສຸດ.

ເພາະສະນັ້ນຖ້າເຈົ້າເບື່ອຊີວິດ ເຈົ້າເມື່ອຍກັບຊີວິດ ເຈົ້າຮູ້ສຶກ ບໍ່ສະໜຸກສະໜານກັບການມີຊີວິດ ຖ້າເຈົ້າຄິດວ່າການມີແຟນນັ້ນມັນຊ່ວຍໃຫ້ເຈົ້າມີຄວາມສຸກ ເຈົ້າກໍ່ຈະໝົດຫວັງກັບຜູ່ຍິງທຸກຄົນທີ່ຜ່ານເຂົ້າມາໃນຊີວິດຂອງເຈົ້າ ເພາະວ່າເຈົ້າຄອງຄອຍແຕ່ຈະໄປເອົາຄວາມສຸກຈາກຜູ້ຍິງ ພຽງແຕ່ໄດ້ເຫັນໜ້ານາງເຈົ້າກໍ່ມີຄວາມສຸກແລ້ວຊັ້ນຫວາ ໂອ້! ຄັນຊັ້ນຖ້າເຈົ້າບໍ່ໄດ້ເຫັນໜ້ານາງ ເຈົ້າກະຄືສິບໍ່ມີຄວາມສຸກແມ່ນບໍ່? ພຽງແຕ່ໄດ້ເຫັນໜ້ານາງ ພຽງແຕ່ໄດ້ໄປທ່ຽວ ພຽງແຕ່ໄດ້ໂອ້ລົມກັບນາງ ເຈົ້າກໍ່ມີຄວາມສຸກແລ້ວ ແຕ່ຖ້າເປັນແບບນີ້ ໃນເມື່ອບໍ່ມີນາງ ຄວາມສຸກຂອງເຈົ້າມັນກໍ່ຫາຍໄປເໝິດ ແມ່ນບໍ່ລະ?

ຄົນເຮົາສາມາດສ້າງຄວາມສຸກໄດ້ດ້ວຍຕົນເອງໂດຍບໍ່ຕ້ອງເພິ່ງພາຄົນອື່ນ ລອງຫາຫຍັງເຮັດເບິ່ງຕິລະ ເຈົ້າມັກເຮັດອີ່ຫຍັງ ມັກເຕະບານ ກໍ່ເຕະບານ ມັກຫິ້ນເກມ ກໍ່ຫຼິ້ນເກມ ມັກຫຼິ້ນເນັດເບີ່ງຍູທູບ ກະເຮັດໄປ ຢາກໄປທ່ຽວເທັກ ກໍ່ໄປແຫຼະ ມັກເຮັດອີ່ຫຍັງກໍ່ເຮັດໃນສິ່ງທີ່ເຮົາມັກ ໃນໂລກນີ້ຍັງມີອີກຫຼາຍໆອັນທີ່ເຮັດແລ້ວມີຄວາມສຸກອີກຢ່າງຫຼວງຫຼາຍ ພຽງແຕ່ເຮົາມີຄວາມສຸກກັບຊີວິດ.

ຂ້ອຍຍອມຮັບເລີຍວ່າ ຂ້ອຍກະຢາກມີແຟນຄືກັນກັບຄົນອື່ນໆທົ່ວໄປ ແຕ່! ແຕ່! ແຕ່! ແຕ່ຂ້ອຍກໍ່ຕຶກຕອງໃນໃຈສະເໝີວ່າທີ່ຂ້ອຍຕ້ອງການແບບນີ້ ບໍ່ແມ່ນເພາະນາງເຮັດໃຫ້ເຮົາມີຄວາມສຸກ ຂ້ອຍຕ້ອງການແບບນີ້ເພາະມັນເປັນທໍາມະຊາດຂອງຂ້ອຍ ຄວາມສຸກຂອງຂ້ອຍບໍ່ຈໍາເປັນຕ້ອງລໍຖ້າຜູ້ຍິງມາຊ່ວຍ ຂ້ອຍສາມາດມີຄວາມສຸກໄດ້ດ້ວຍຕົວເອງ ເຖິງແມ່ນວ່າບໍ່ມີແຟນ.

ຂ້ອຍບໍ່ໄດ້ບອກເດີວ່າ ໃຫ້ເຊົາສົນໃຈຜູ້ຍິງ ແຕ່ການທີ່ເຈົ້າຄົບຫາກັບຜູ້ຍິງຄົນນັ້ນ ບໍ່ແມ່ນເພື່ອຈະຫາແຟນໃຫ້ໄດ້ ແຕ່ແມ່ນເພື່ອການພັດທະນາຕົນເອງ ພັດທະນາການເວົ້າຈາ ການໂອ້ລົມໃຫ້ເຂົ້າກັບສະຖານະການຕ່າງໆ ພັດທະນາໄຫວພິກປະຕິພານໃນການຮັບມືກັບເຫດການຕ່າງໆ ພັດທະ ນາຄວາມສາມາດໃນການຕິດຕໍ່ສື່ສານກັບຜູ້ອື່ນ ແລະທີ່ກໍາລັງເຮັດຢູ່ ຂ້ອຍກໍ່ຄິດວ່າມັນເປັນພຽງແຕ່ເລື່ອງມ່ວນໆເລື່ອງໜຶ່ງເທົ່ານັ້ນໃນຊີວິດຂອງຂ້ອຍ.

ເອົາລະບາດນີ້ມາຕໍ່ກັບເລື່ອງລາວທີ່ວ່າ ຖ້າບໍ່ມີແຟນແລ້ວຈະເປັນແນວໃດ

ຜູ້ຊາຍສ່ວນໃຫຍ່ຈະຮູ້ສຶກວ່າບໍ່ຄ່ອຍມີກໍາລັງໃຈ ບໍ່ຄ່ອຍມີແຮງຊຸກຍູ້ ບໍ່ມີແຮງກະຕຸ້ນ ພຽງເພາະວ່າຄໍາວ່າບໍ່ມີແຟນ.  

ລອງຄິດເບິ່ງວ່າ: ຖ້າເຈົ້າມີແຟນແລ້ວມັນຈະມີອີ່ຫຍັງດີຂຶ້ນແດ່ລະ! ຜູ້ຍິງສ່ວນໃຫຍ່ກະບໍ່ໄດ້ດີເລີດປະເສີດສີອີ່ຫຍັງດອກ! ການມີແຟນນັ້ນຕ້ອງເສຍເວລາ ໄປຮັບ-ໄປສົ່ງ, ຊວນກັນໄປກິນເຂົ້າ ໄປຫັ້ນໄປນີ້, ຕ້ອງລົມໂທລະສັບ, ແລະແນ່ນອນທຸກຄັ້ງທີ່ລົມກັນ ເສຍເງິນນໍາອີກ, ອາດຈະມີການຜິດຖຽງກັນ ບາງຄົນອາດໄດ້ແຟນດີ ບໍ່ມີປັນຫາຫຍັງກໍ່ຖືວ່າໂຊກດີໄປ ແຕ່ຖ້າບໍ່ລະ ມີແຕ່ຈະເຮັດໃຫ້ວຸ້ນວາຍຊີວິດທາງກາຍ ແລະຈິດໃຈ ແລະສິ່ງອື່ນໆອີກ ແລ້ວແຕ່ຜູ້ທີ່ເຄີຍມີແຟນຈະໄດ້ປະສົບມາດ້ວຍຕົນເອງ.

ທີ່ຂ້ອຍຈະສື່ນັ້ນກໍ່ຄື ຈົງມີຄວາມສຸກກັບຊີວິດໂສດທີ່ເປັນຢູ່

-          - ພໍໃຈໃນສິ່ງທີ່ມີຢູ່ຕອນນີ້

-          - ຢ່າໄປເສຍໃຈ ບໍ່ສະບາຍກັບສິ່ງທີ່ຍັງບໍ່ທັນເກີດຂຶ້ນ

-          - ຢ່າໄປທຸກກັບມັນໃນສິ່ງທີ່ຍັງບໍ່ໄດ້ມາ

 - ຖ້າຜູ້ຍິງເຮັດໃຫ້ຊີວິດເຈົ້າດີຂຶ້ນ

ມັນເປັນເລື່ອງທີ່ຂ້ອນຂ້າງຈະອັບອາຍ ແລະໜ້າສົງສານຢ່າງຍີງ ເພາະເຈົ້າເພິ່ງພາຜູ້ຍິງ ເຈົ້າຕ້ອງໃຫ້ນາງມາເພິ່ງພາເຮົາຕ່າງຫາກແມ້ ເຮັາເປັນຜູ້ຊາຍ ເຮົາເປັນຜູ້ນໍາ ເຮົາຄືເສົາຫຼັກຂອງຄອບຄົວ ເຮົາຄືພະລະກໍາລັງ ໃຫ້ນາງເປັນຜູ້ຊ່ວຍເຮົາຫັ້ນໄດ້ ແຕ່ຢ່າຫຼາຍເກີນ ນັ້ນແມ່ນມັນໝາຍຄວາມວ່າ ຖ້າບໍ່ມີນາງ ຊີວິດຂອງເຮົາກໍ່ຈະດີຂຶ້ນໄດ້ດ້ວຍຕົວເຮົາເອງ ບໍ່ແມ່ນວ່າພໍຂາດນາງໄປ ຊີວິດຂອງເຮົາກໍ່ຕົກຕໍ່າລົງ ບໍ່ດີເລີຍ ບໍ່ດີຢ່າປ່ອຍໃຫ້ເປັນແບບນັ້ນ

ຂໍ້ສັງເກດ:

- ເວລາເຈົ້າເຫັນຄົນອື່ນກິນອາຫານ ເຈົ້າເບີ່ງໄປທີ່ປາກເຂົາເຈົ້າບໍ່?

- ເຈົ້າເຫັນເຂົາກິນແລ້ວ ເຈົ້າຮູ້ສຶກຢາກກິນນໍາ ແບບເຂົາກິນ ຫຼືບໍ່?

  ຖ້າເຈົ້າຢາກ ເຈົ້າກໍ່ຄົງຈະຮູ້ສຶກຫິວ ຢາກກິນແບບນັ້ນ

  ແຕ່ຖ້າເຈົ້າບໍ່ຫິວເດ້! ເຈົ້າກໍ່ຄົງຈະຮູ້ສຶກທໍາມະດາ ແມ່ນບໍ່ລະ!

ແລ້ວເວລາເຈົ້າເຫັນຄົນອື່ນ ເຫັນຄູ່ຮັກຍິງ-ຊາຍ ມີຄວາມສຸກກັນ ຈັບມືກັນ ຢອກໃຍກັນ ເວລາເຈົ້າໄປເບີ່ງໜັງຄົນດຽວ ເຫັນຄູ່ຊາຍ-ຍິງ ນັ່ງກອດກັນຢ່າງດູດດື່ມ ເຈົ້າຈ້ອງເບີ່ງດ້ວຍສາຍຕາອິດສາ ພາຍໃນຈິດໃຈຄິດຢາກຈະມີຄວາມສຸກແບບເຂົາເຫຼົ່ານັ້ນຫຼືບໍ່?

ຂ້ອຍຂໍຖາມເຈົ້າວ່າ ເຈົ້າຫິວຄວາມຮັກຂະໜາດນັ້ນຫວາ ເຈົ້າໂຫຍຫາຄວາມຮັກຂະໜາດນັ້ນພຸ້ນເລີຍຫວາ ເກີນໄປແລ້ວຂ້ອຍວ່າ!

ຈື່ໄວ້ວ່າເຫັນໃຜກິນ ຢ່າໄປເບີ່ງປາກເຂົາ ມັນບໍ່ດີດອກ ດຽວເຂົາຫາວ່າເຈົ້າມັນບໍ່ສຸພາບ! ຈັກໜ່ອຍຖືກຂໍ້ຫາວ່າເປັນໂລກຈິດ ອິອິອິ!!!

ເລື່ອງເກີດຂຶ້ນໃນ ດິສໂກເທກ ແຫ່ງໜຶ່ງ ຖອດມາຈາກຮູບເງົາເລື່ອງໃໝ່ຂອງ ລາວອາຣ໌ທມີເດຍ ເລື່ອງ: ບຸນທັນ ຄົນດີ ທີ່ເຂົາລືມ

ພາຍຫຼັງຈາກທີ່ເສັງຈົບພາກຮຽນເລີຍຢາກສະຫຼອງກັນຈັກໜ້ອຍໜຶ່ງ

ໜ້າເທກແຫ່ງໜຶ່ງ ເມື່ອສີ່ສ່ຽວເດີມທາງມາຮອດໜ້າເທກ ໝູ່ທັງສາມຄົນເລີຍອອກເປັນສຽງດຽວກັນ ຊວນ ບຸນທັນ ເຂົ້າຮ້ານນີ້ລະ

ສ່ຽວທັງສາມ: ໄປ! ໄປ! ເຂົ້າຮ້ານນີ້ລະ ຄືສິຄັກ

ບຸນທັນ: ຢ່າຟ້າວກ່ອນ ຢ່າຟ້າວເຂົ້າ

ສ່ຽວທັງສາມ: ຖາມຂຶ້ນພ້ອມກັນ ດ້ວຍຄວາມສົນໃຈ ເປັນຫຍັງລະ ບຸນທັນ ບໍ່ຢາກເຂົ້າຫວາ

ບຸນທັນ: ໜ້າຮ້ານເພີ່ນຄືຂຽນໄວ້ວ່າ ຕໍ່າກວ່າ 18 ຫ້າມເຂົ້າ

ສ່ຽວທັງສາມ: ອືມ! ກະແມ່ນ ແລ້ວເປັນຫຍັງລະ

ບຸນທັນ: ເຮົາມານຳກັນສີ່ຄົນ ເຂົ້າບໍ່ໄດ້ຕິ

ສ່ຽວທັງສາມ: !!!!

ຄູ່ແຕ່ງດອງໃໝ່ຖືກສົ່ງເຂົ້າຫ້ອງ

ເຈົ້າສາວ: ນ້ອງມີຫຍັງຈະສາລະພາບນະອ້າຍ ເຈົ້າສາວໃໝ່ໝາດໆບອກ: ນ້ອງເຄີຍຜ່ານຜູ້ຊາຍມາແລ້ວໃດ໋ອ້າຍ

ເຈົ້າບ່າວ: ບໍ່ເປັນຫຍັງດອກ  ເຈົ້າບ່າວປອບໃຈ ອ້າຍເຂົ້າໃຈ ເພາະອ້າຍກໍ່ເຄີຍຜ່ານຜູ້ຊາຍມາຄືກັນ

ເຈົ້າສາວ: !!!

ທີ່ໂຮງໝໍປົວປະສາດແຫ່ງໜຶ່ງ

ຄົນປ່ວຍສອງຄົນກຳລັງຖົກຖຽງກັນຢ່າງແຮງ

ຄົນປ່ວຍຜູ້ທຳອິດ: ກູນີ້ລະຄື ຮິດເລີ້ ຜູ້ຍິ່ງໃຫຍ່

ຄົນປ່ວຍຜູ້ທີ່ສອງ: ຮິດເລີ້ມີຄົນດຽວຄືກູ

ຄົນປ່ວຍຜູ້ທຳອິດ: ເວົ້າໃຫ້ມັນດີໆແດ່ ກູູນີ້ລະຮິດເລີ້ຕົວຈິງ

ຄົນປ່ວຍຜູ້ທີ່ສອງ: ແລ້ວແມ່ນໃຜເປັນຄົນບອກມຶງວ່າມຶງເປັນຮິດເລີ້ໂຕຈິງ

ຄົນປ່ວຍຜູ້ທຳອິດ: ພະເຈົ້າໂວ້ຍ

ທັນໃດນັ້ນກະມີສຽງດອດອອກມາຈາກຂ້າງຕຽງວ່າ ກູບໍ່ໄດ້ບອກເດີ້

!!!

ອ້າງອີງ http://chibinanno.exteen.com/20080519/entry

ສາມສ່ຽວ ນັ່ງລົມກັນເລື່ອງຕ່າງໆນາໆ ຈົມບໍ່ມີຫຍັງສິລົມແລ້ວ ພໍດີນຶກຂຶ້ນໄດ້ ກະເລີຍຕັ້ງຫົວຂໍ້ຂີ້ໂມ້ໃສ່ກັນ

ສ່ຽວຍານ (ນາມສົມມຸດ):  (ຖາມສ່ຽວຈ່ອຍ ນາມສົມມຸດ) ສ່ຽວ ບ້ານໂຕຢູ່ໃສກໍຈ່ອຍ

ສ່ຽວຈ່ອຍ (ນາມສົມມຸດ): ບ້ານເຮົາກະຢູ່ພຸ້ນແຫຼ້ວ ທ່າແຂກ ເມືອງແປກບໍ່ມີໃຜຄື

ສ່ຽວຍານ (ນາມສົມມຸດ): ໂອ່: ທ່າແຂກນິ ມີປາຫຼາຍບໍ່ ສືບຕໍ່ຖາມ

ສ່ຽວຈ່ອຍ (ນາມສົມມຸດ): ອຸທານຂຶ້ນ ໂອ່ຍ ບໍ່ໃຫ້ເວົ້າເລື່ອງປາຫຼາຍ ບໍ່ມີບ້ານໃຜທໍ່ ມີຮອດພໍ່ ຮອດແມ່ ປາ, ຖືແຫ ລົງໄປ ສູບຢາບໍ່ທັນເໝີດກອກ ຖືຂຶ້ນມາໂລດເທື່ອລະຄຸ

ສ່ຽວຍານ (ນາມສົມມຸດ): ໂອ່ ຕອບຮັບແລ້ວພ້ອມທັງຖາມສ່ຽວຄຳ ສ່ຽວຜູ້ທີ່ສາມ ທີ່ກຳລັງນັ່ງຟັງຢູ່         ຄຳ ບ້ານໂຕເດ້ຢູ່ໃສ ມີປາຫຼາຍຢູ່ບໍ່

ສ່ຽວຄຳ (ນາມສົມມຸດ): ບ້ານເຮົາກະຢູ່ສະຫວັນນະເຂດພຸ້ນລະ ຈັກຫຼາຍບໍ່ຫຼາຍແຫຼ້ວປານະ ເບັດບໍ່ເຫຍື່ອ ນັ່ງຊິດເອົາຊິດເອົາ ຄາວດຽວກະເຕັມຄຸ

ສ່ຽວຍານ (ນາມສົມມຸດ): ບ້ານພວກໂຕວ່າຫຼາຍ ຍັງບໍ່ທໍ່ບ້ານເຮົາ ຢູ່ເມືອງໂຂງ ປານິຈັກຫຼາຍບໍ່ຫຼາຍ ຕ້ອງໄດ້ຍູ້ຫົວມັນອອກກ່ອນຈັ່ງຄ່ອຍປ່ອນເບັດລົງໄດ້ ແຖມຍັງເວົ້າເຍາະເຍີ້ຍຕື່ມວ່າ ປາບ້ານເຮົານະ ມັນຫຼາຍເກີນເຫດ

ສ່ຽວຄຳ ແລະສ່ຽວຈ່ອຍ: ອຸທານຂຶ້ນພ້ອມກັນ ໂອ້ຍ ໂມ້ສຸດຂີດ

ແລ້ວທັງສາມສ່ຽວກໍ່ຫົວຂຶ້ນພ້ອມກັນ ຮາຮາຮາ

ອ້າງອີງມາກຈາກບົດເພງຂອງຕະຫຼົກ ຊຽງຍານ ເພງ: ໂມ້ສຸດຂີດ

ລຸງທອງດີ (ນາມສົມມຸດ) ຫາກໍ່ຖືກຄັດເລືອກໄດ້ເປັນນາຍບ້ານມາໃໝ່ໆໝາດໆ ບັງເອີນຄືນດັ່ງກ່າວໄດ້ຍ່າງໄປຍຽບເອົາເຫັຼກຕະປູ ເຈັບຕີນຍ່າງບໍ່ທ່ຽງຊັ້ນແຫຼ້ວ ຕື່ນເຊົາມາ ລຸງທອງດີ (ນາຍບ້ານ) ຍ່າງໄປຮ້ານກາເຟຕາມເຄີຍທີ່ປະຕິບັດແຕ່ກ່ອນເພື່ອຈະໄປນັ່ງດື່ມກາເຟຕາມກິດຈະວັດປະຈຳວັນ ພໍດີຍ່າງກາຍລູກບ້ານຄົນໜຶ່ງແນມເຫັນ ລຸງທອງດີ (ນາຍບ້ານໃໝ່) ລູກບ້ານກະເລີຍເອີ້ນຖາມ

ລູກບ້ານ: ພໍ່ລຸງ (ລູກບ້ານເອີ້ນຖາມ) ແມ່ນເຈົ້າເປັນອີ່ຫຍັງຫັ້ນນະ ຖາມດ້ວຍຄວາມເປັນຫ່ວງ (ເພາະລຸງທອງດີຍ່າງບໍ່ຄ່ອຍດີ ເພາະເຈັບຕີນ)

ລຸງທອງດີ (ນາຍບ້ານ) : ຕອບຂຶ້ນດ້ວຍຄວາມພາກພູມໃຈ ຮາຮາຮາ ເປັນນາຍບ້ານລະເວີຍ

ລູກບ້ານ: ບໍ່ແມ່ນແນວນັ້ນ ຕີນເຈົ້າຫັ້ນນະ ແມ່ນມັນເປັນອີ່ຫຍັງ ເຈົ້າຄືຍ່າງແນວນັ້ນ

ລຸງທອງດີ (ນາຍບ້ານ) : ແຮ່ງຕອບໄປດ້ວຍຄວາມພາກພູມໃຈວ່າ: ກູເປັນນາຍບ້ານ ຕີນກູ ກະເປັນຕີນນາຍບ້ານລະເວີຍ

ລູກບ້ານ : ???

ໄດ້ຟັງມາຈາກຄື້ນວິທະຍຸຂອງລາວ ເປັນລາຍການຊວນຫົວ

ເລື່ອງນີ້ມີຢູ່ວ່າເມື່ອຄູບາອົງໜຶ່ງໄປເດີນທຸດົງ ຕາມວັດປະຕິບັດທີ່ພະພຸດທະເຈົ້າອະນຸຍາດໄວ້ (ແຕ່ບໍ່ໄດ້ບັງຄັບ) ແລ້ວແຕ່ຜູ້ໃດຈະສະໝັກໃຈປະຕິບັດ ເປັນວິທີກໍາຈັດກິເລດ ເຮັດໃຫ້ເກີດຄວາມມັກໃນສັນໂດດຈະໄດ້ເຂົ້າໃຈໃນຄໍາສັ່ງສອນຂອງພະທໍາຄໍາພີຍິ່ງໆຂຶ້ນ. ພໍນັ່ງສະມາທິມາໄດ້ເປັນຄືນທີສອງຄູບາກໍຝັນເຫັນພະພຸດທະເຈົ້າມາເຂົ້າຝັນ ແລ້ວພະພຸດທະອົງກໍ່ໄດ້ຖາມວ່າ ທ່ານຢາກຈະໄດ້ຫຍັງ ຂ້າພະເຈົ້າຈະໃຫ້ພອນແດ່ທ່ານ:

ຄູບາ: ຂໍໃຫ້ເພື່ອນຂອງເຮົາມີຄວາມສຸກ ສຸຂະພາບດີ ຕະຫຼອດໄປ

ພະພຸດທະອົງ: ຂໍໄດ້ພຽງ 4 ມື້ເທົ່ານັ້ນ

ຄູບາ: ໄດ້ ຄັນຊັ້ນ ຂໍໃນມື້ລະດູໃບໄມ້ປົ່ງ ໃນມື້ລະດູຮ້ອນ ໃນມື້ລະດູໃບໄມ້ລົ່ນ ແລະໃນມື້ລະດູໜາວ

ພະພຸດທະອົງ: 3 ມື້

ຄູບາ: ໄດ້ ມື້ວານ ມື້ນີ້ ແລະມື້ອື່ນ

ພະພຸດທະອົງ: ບໍ່ໄດ້ ໃຫ້ໄດ້ພຽງ 2 ມື້

ຄູບາ: ໄດ້ ເປັນກາງເວັນ ແລະກາງຄືນ

ພະພຸດທະອົງ: ບໍ່ໄດ້ຫຼາຍເກີນໄປໃຫ້ມື້ດຽວພໍ

ຄູບາ: ຂໍໃຫ້ເປັນມື້ທີ່ເພື່ອນໆຂອງເຮົາຍັງມີຊີວິດຢູ່

ພະພຸດທະອົງ ຫົວຂຶ້ນ ແລ້ວເວົ້າວ່າ: ນັບແຕ່ນີ້ຕໍ່ໄປເພື່ອນໆຂອງທ່ານຈະມີຄວາມສຸກ ມີສຸຂະພາບແຂງແຮງທຸກໆວັນ

ຜູ້ໃດທີ່ໄດ້ອ່ານຈົດໝາຍສະບັບນີ້ແລ້ວສົ່ງໃຫ້ໝູ່ເພື່ອນ, ຂໍອວຍພອນໃຫ້ເພື່ອນໆມີຄວາມສຸກ ສຸຂະພາບດີ (ຢ່າລືມສົ່ງຄວາມອົບອຸ່ນໄປນໍາເດີລະ)

ປລ ພະພຸດທະອົງເວົ້າວ່າ ເພື່ອນທີ່ດີີບໍ່ຄວນຂາດກາດຕິດຕໍ່

ສໍາລັບໝູ່ນເພື່ອນຄົນໃດທີ່ເຄີຍອ່ານມາກ່ອນ ກໍ່ຂໍອະໄພມານະທີ່ນີ້ດ້ວຍ ແປມາຈາກ ອິນເຕີເນັດ ແລະໄດ້ເສີມເນື້ອຫາເຂົ້າໄປບາງສ່ວນເພື່ອຄວາມເໝາະສົມ ແລະໜ້າສັດທາຍິ່ງຂຶ້ນ!!!

ສອງສ່ຽວຂີ້ໂມ້ໃສ່ກັນ
ສ່ຽວ ກ: ສ່ຽວມຶງເຊື່ອບໍ່ ວ່າໂມງພໍ່ກູຕົກນ້ຳສ້າງເປັນເວລາ 15 ປີຍັງ ເອົາຂຶ້ນມາຍັງໃຊ້ໄດ້ສະບາຍ ໂມງພໍ່ກູນິສຸດຍອດເລີຍ
ສ່ຽວ ຂ: ຫວາ ສຳນິກະມາໂມ້ ແລ້ວສ່ຽວມຶງເຊື່ອບໍ່ ວ່າພໍ່ກູຕົກນ້ຳສ້າງເປັນເວລາ 15 ປີຍັງບໍ່ຕາຍ ບໍ່ມີໃຜຮູ້ອີກວ່າລາວຕົກນ້ຳສ້າງ
ສ່ຽວ ກ: ເຮັດໜ້າຕາຕື່ນພ້ອມຖາມດ້ວຍຄວາມສົນໃຈຢ່າງແຮງ ແລ້ວພໍ່ມຶງເຮັດຫຍັງຢູ່ໃນນ້ຳສ້າງແຫ່ງນັ້ນ ລາວຄືບໍ່ຂຶ້ນມາຈັກເທື່ອ
ສ່ຽວ ຂ: ລາວກະຄາແປງໂມງໃຫ້ພໍ່ມຶງຫັ້ນເດ້! ສ່ຽວ ຂ ຫົວດ້ວຍຄວາມພາກພູມໃຈ ຮາ ຮາ ຮາ