http://www.mpointmart.com/mpoint_2012/

-------

ເອັມພອຍມາກ M-point mart ແມ່ນຮ້ານສະດວກຊື້ ( ຄ້າຍຄື ມິນິມາກ, ແບບ ເຊເວັນອີເລເວັນຢູ່ໄທ )

M-point mart ເຊິ່ງ M ຫຍໍ້ມາຈາກ Meet ລວມຄວາມໝາຍເຂົ້າກັນແມ່ນ: ຈຸດນັດພົບ ( ຕະຫຼາດນັດພົບທີ່ໜ້າສົນໃຈ ) :D

ເຊິ່ງມີເຈົ້າຂອງເປັນຄົນລາວແທ້ໆ, ທຸລະກິດນີ້ເພື່ອສົ່ງເສີມໃຫ້ຄົນມີວຽກເຮັດງານທຳ ແລະ ລາຍໄດ້ເພີ່ມ.

ເປົ້າໝາຍໃນການບໍລິການແມ່ນ: ສະດວກ, ສະອາດ, ປອດໄພ, ວ່ອງໄວ, ໄດ້ຄຸນນະພາບ, ລາຄາປະຢັດ, ບໍລິການເປັນກັນເອງ, ຄວບຄຸມດ້ວຍລະບົບຄອມພິວເຕີ.

ປັດຈຸບັນມີ 11 ສາຂາໃນນະຄອນຫຼວງວຽງຈັນ ແລະ ກຳລັງຈະຂະຫຍາຍສາຂາອອກໄປອີກ

ເນື່ອງຈາກວ່າ ເອັມພອຍມາດທ໌ ໄດ້ຂະຫຍາຍສາຂາຢ່າງວ່ອງໄວ ສະນັ້ນຈິ່ງຕ້ອງການພະນັກງານຫຼາຍຕຳແໜ່ງເຊັ່ນ:

- ພະນັກງານຂາຍ: ພາກເຊົ້າ ( ແຕ່ 6 ໂມງ - 3 ໂມງແລງ ແລະ ພາກຄ່ຳ ແຕ່ 3 ໂມງແລງ - 12 ໂມງກາງຄືນ.

- ຜູ້ຊ່ວຍຜູ້ຈັດການ.

- ຜູ້ຈັດການ.

- ຜູ້ບໍລິຫານ.

- ການຕະຫຼາດ

( ມີເຄື່ອງນຸ່ງທາງບໍລິສັດໃຫ້ ).

* ສ່ວນພະນັກງານຂາຍແມ່ນເຂົາເຈົ້າຈະໄດ້ມີການສອນວິທີຂາຍຕ່າງໆລະອຽດ.

ຖ້າສະໝັກຊ່ວງນີ້ແມ່ນເຂົາຈະຮັບຕະຫຼອດ ມີໃບປະກາດ ຫຼື ບໍກໍ່ໄດ້ ເພາະເຂົາເຈົ້າຈະສອນເອົາ.

ແຕ່ຖ້າໃຜມີໃບປະກາດແມ່ນຈະໄດ້ກິນເງິນເດືອນຕາມໃບປະກາດນັ້ນພ້ອມ

ມີສະຫວັດດີການຄ່ານ້ຳມັນໃຫ້, ຄ່າບັດໂທລະສັບໃຫ້, ຖ້າແມ່ນແມ່ຍິງແຕ່ງງານແລ້ວເກີດລູກກໍ່ມີສະຫວັດດີການໃຫ້.

( ຖ້າສະໝັກເປັນພະນັກງານຂາຍແລ້ວ ຈະມີການເລື່ອນຂຶ້ນຕຳແໜ່ງຕ່າງໆຕາມທີ່ກ່າວມາຂ້າງເທິງນັ້ນ )

ໃນອານາຄົດໄວໆນີ້ ເອັມພອຍມາດ໌ ຈະໄດ້ເປີດຂາຍຕະຫຼອດ 24 ຊົ່ວໂມງ ໂດຍມີພະນັກງານປ່ຽນກະກັນເຮັດວຽກ.

ໃນ 11 ສາຂາໃນນະຄອນຫຼວງມີດັ່ງນີ້:

1. ສາຂາ ຫາຍໂສກ.
2. ສາຂາ ໂພນທັນ.
3. ສາຂາ ດົງປ່າລານ.
4. ສາຂາ ທາດຫຼວງ.
5. ສາຂາໃກ້ຕະຫຼາດແລງໜອງດ້ວງ.
6. ສາຂາ ດົງໂດກ;
7. ສາຂາ ແຄມຂອງ.
8. ສາຂາ ສີສະເກດ.
9. ສາຂາ ຕະຫຼາດເຊົ້າ.
10. ສາຂາໃກ້ຕະຫຼາດຫົວຂົວ.
11. ສາຂາທີ່ຢູ່ຕໍ່ໜ້າໂຮງໝໍ 103.

- ຖ້າໃຜສະໝັກເປັນພະນັກງານຂາຍ, ເຂົາເຈົ້າຈະສອນລະອຽດວິທີການຂາຍ ແລະ ການບໍລິການທີ່ດີໃຫ້ແກ່ລູກຄ້າ ລວມໄປຮອດບຸກຄະລິກກະພາບ, ສອນວິທີປຸງແຮມເບີເກີ້, ເຂົ້າຈີ່ໄສ້ຮັອດດັອກ, ແຊນວິສ, ປັອບຄອນ ( ສາລີຂົ້ວ), ສອນວິທີກວດກາວ່າເຄື່ອງປະກອບຕ່າງໆຄົບບໍ? ແລະ ສອນອື່ນໆ ຫຼາຍແນວປະມານອາທິດ1 ລວມທັງສອນທິດສະດີ ແລະ ພາກປະຕິບັດຕົວຈິງ. :)

ຂ້ອຍລອງແຕ້ມສຳນັກງານໃຫຍ່ໃຫ້ເບິ່ງ ຟາງໆ ອິິອິ ເພື່ອວ່າທ່ານໃດຕ້ອງການໄປສະໝັກວຽກທີ່ນັ້ນ
( ວຽກຢູ່ນັ້ນກໍ່ເໝາະສຳລັບນັກຮຽນທີ່ຕ້ອງການຫາວຽກເສີມ)



ສຳນັກງານໃຫຍ່ກຳລັງກໍ່ສ້າງໃໝ່ ຈັກໜ້ອຍເຂົາເຈົ້າຊິຍ້າຍສຳນັກງານໃຫຍ່ລະ

ໜ້າສົນໃຈດີ

ແມ່ນລະ ໜ້າສົນໃຈດີ

ດີດີ.... ຂອບໃຈທີ່ແບ່ງປັນ

ຊິບໍ່ໄດ້ອອກວຽກໄປເຮັດຫັ້ນບໍນິ

ເປີດຢູ່ ສະຫັວນ ແລະ ບອກເດີ
ສະຫມັກ ເປັນ ຜູ້ ທຳອິດເລີຍ

ໜ້າສົນໃຈ

ເອົາເບີ້ໂທໃຫ້ພ້ອມໃດ...ໂທ : 021241124 ແຟັກ : 021 215788

ຂອງລາວ ແລ້ວໃບບິລຄືເປັນພາສາໄທ ເພີ່ນປ່ຽນລະວາ??

ເຈົ້າຂອງເປັນຄົນໄທ...

ທີ່ນັ້ນມີ ພິດຊ່າຄຸນນະພາບດີລາຄາປະມານ 12 ພັນກີບນີ້ລະ ມີແຮມເບີເກີ້, ເຂົ້າຈີ່ໄສ້ກອກ, ແຊນວິດ, ປັອບຄອນ ( ສາລີຂົ້ວ) ປຸງໃຫ້ທັນໃຈ ມີແຕ່ແນວເປັນຕາກິນ ທີ່ສຳຄັນ ສະອາດ, ລາຄາປະຢັດ
ເປັນຕາແຊບຫຼາຍ ອິອິອິ
ທີ່ສຳຄັນ ສິນຄ້າທຸກຢ່າງຖືກກວດວັນໝົດອາຍຸ ກ່ອນນຳອອກມາຈຳໜ່າຍ ສະຖານທີ່ສະດວກສະບາຍ

ເຈົ້າຂອງເປັນຄົນລາວແທ້ໆນີ້ລະ ແຕ່ສິນຄ້າສ່ວນຫຼາຍແມ່ນນຳເຂົ້າຈາກໄທ, ພາສາໄທກໍ່ບໍ່ເປັນຫຍັງຕິ

ອໍໆໆ ມີອະຄະຕິນ່າ ຖ້າເປັນພາສາລາວຫນ້າຈະດີໆໆ ເຫັນແລ້ວມັນຈະຊື່ນໃຈກ່ວາ
ເຫັນເປັນພາສາໄທກະບໍ່ຕ່າງຫຍັງກັບເປັນພຽງຕະຫລາດໃຫ້ເຂົາຫັ້ນແຫລ້ວ

ບໍ່ຮູ້ຄືກັນວ່າແມ່ນຄົນລາວແຕ່ຕົ້ນ ຫຼື ບໍ? ຮູ້ແຕ່ວ່າ ຄົນປະຈຸບັນແມ່ນຄົນລາວເປັນຜູ້ບໍລິຫານສູງສຸດ

ຕາມຂ້ອຍຄິດຄືຊິແມ່ນຄົນລາວແຕ່ຕົ້ນເພາະເລີ່ມຈາກທຸລະກິດນ້ອຍໆຈາກປີ 2004 ຈົນຂະຫຍາຍສາຂາຮອດປັດຈຸບັນ

ມື້ໜ້າຈະໄປເບິ່ງວ່າໃບບິນເປັນພາສາໃດແທ້
ແຕ່ຖົງຢາງໃສ່ເຄື່ອງແມ່ນສັ່ງຜະລິດມາແຕ່ກຸງເທບ ເພາະເນັ້ນຄຸນນະພາບ

ເຫັນປະກາດຮັບສະໝັກຕະຫລອດ...
ທີ່ສຳຄັນໃຜຈະໄປສະໝັກກະສຶກສາເບິ່ງຂໍ້ມູນດ້ານຄວາມໝັ້ນຄົງແນ່ເດີ
ຂັບທີ່ຢູ່ໄດ້ ຂັບໃຈມັນຢູ່ຍາກ ຄັນກິດຈະການໃດປະກາດຮັບສະມັກແຕ່ພະນັກງານຕະຫລອດ ສ່ວນຄົນເກົ່າຄົນແກ່
ທີ່ເຮັດວຽກມາກ່ອນບໍ່ມີພໍຄົນ ອັນນີ້ໜ້າຄິດ

ດີເນາະ ເປີດ24ຊົ່ວໂມງແລ້ວ.....

ດຽວຮຽນຈົບປະລິນຍາຕີກ່ອນຈະໄປເຮັດ!!!!

ຂ້ອຍກໍ່ເຫັນພະນັກງານເກົ່າຫຼາຍຢູ່ ຖາມໃຜກໍ່ວ່າເຮັດວຽກຢູ່ນັ້ນໄດ້ 2-3 ປີແລ້ວ, ສ່ວນຫຼາຍແມ່ນເລື່ອນຈາກຕຳແໜ່ງຂາຍຂຶ້ນເປັນຜູ້ຊ່ວຍ ແລ້ວ ກໍ່ເປັນຫົວໜ້າຮ້ານ ແລະ ຜູ້ຮັບຜິດຊອບເຂດ... ສ່ວນຫຼາຍກໍ່ແມ່ນນັກຮຽນນັກສຶກສາທີ່ຫາວຽກເພີ່ມ, ຂ້ອຍວ່າກໍ່ດີໃດ ເພາະຊ່ວຍແບ່ງເບົາພາລະພໍ່ແມ່ໄດ້ອີກ, ໄດ້ຄວາມຮູ້ເພີ່ມໃນວິຊາການຕະຫຼາດອີກ, ເລື່ອງຄວາມໝັ້ນຄົງແມ່ນ ຕາມທີ່ເບິ່ງແລ້ວແມ່ນໝັ້ນຄົງກວ່າທີ່ເຈົ້າຂອງເປັນຄົນຕ່າງຊາດທີ່ລົມກັນບໍ່ເຂົ້າໃຈແນ່ນອນ (ບາງບ່ອນຊື່ໆ), ປັດຊະຍາຂອງທີ່ນີ້ແມ່ນເຂົາເຈົ້າຈະສ້າງທີມງານຝີມືດີໃຫ້ເປັນໃຫ້ໄດ້ຫຼັງຈາກສະໝັກວຽກ

ຍັງບໍ່ທັນເປີດຕະຫຼອດ 24 ຊົ່ວໂມງເທື່ອ, ຕອນນີ້ເປີດແຕ່ 6 ໂມງເຊົ້າ ຫາ 12 ໂມງກາງຄືນ, ໃນອານາຄົດໄວໆນີ້ຈະເປີດ 24 ຊົ່ວໂມງ

ຖາມເຂົາເຈົ້າແລ້ວວ່າໃບບິນເປັນຫຍັງຈິ່ງເປັນພາສາໄທ?
ເຂົາເຈົ້າຕອບວ່າ: ຍ້ອນວ່າຊື້ລິຂະສິດລະບົບການຂາຍຈາກປະເທດໄທ ສະນັ້ນຈິ່ງປ່ຽນບໍ່ໄດ້

ໂອຂອບໃຈຂ້ອຍກໍ່ຮູ້ຈັກຫລາຍຄົນຢູ່...ອຳນວຍການໃຫ່ຍແມ່ນທ່ານ ພົງປະເສີດ ກັນລະຍາ...ຢູ່ຕຶກ SCC ແຕ່ບໍ່ຮູ້ຕົ້ນກຳເນີດມາ...

ອໍໆໆ ຂອບໃຈຫລາຍໆ ກະນຶກວ່າຂອງໄທ ເພາະເປັນພາສາໄທ
ຄວາມຈິງຊື້ລະຂະສິດກະປ່ຽນເປັນຂອງລາວໄດ້ ຖ້າຜະລິດເປັນ ຄືເພງເດເຂົາຊື້ໄປກະຍັງປ່ຽນ ຫນັງສືກະຄືກັນ
ຊື້ລິຂະສິດພາສາຫນຶ່ງ ແປອີກພາສາຫນຶ່ງໆ

ອໍ ອັນນີ້ກໍ່ບໍ່ຮູ້ນຳເຈົ້າຂອງເຂົາເຈົ້າ ເພາະຂ້ອຍຖາມພະນັກງານເຂົາຊື່ໆ

ຖ້າມີເວລາຫວ່າງກໍ່ໄປເຮັດວຽກເສີມລອງໆເບິ່ງໄດ້

ປະຫວັດ: ເລີ່ມຕົ້ນທຸລະກິດທຳອິດແມ່ນຮ້ານ V-shop ຢູ່ທີ່ຫາຍໂສກ, ຕໍ່ມາຈິ່ງປ່ຽນຊື່ເປັນ M-point mart ແລະ ຂະຫຍາຍສາຂາມາເລື້ອຍໆຈົນຮອດປັດຈຸບັນແມ່ນມີ 11 ສາຂາ, ທ້າຍປີນີ້ຈະຂະຫຍາຍອອກອີກ 3 ສາຂາຄື: ຢູ່ຫຼັກ 4 ( ທາງໄປທ່າເດື່ອ), ຢູ່ໃກ້ໂຮງໝໍ 150ຕຽງ ແລະ ຢູ່ສີໄຄ :)

​ເຈົ້າ​ຂອງເອມພອຍ-ມາກ​​ ​ແມ່ນ ທ່ານ​ພົງ​ປະ​ເສີດ ກັນລະຍາ ​​ເປັນ​ສະຖາປະນິກ​ລາວ​ທີ່​ຈົບ​ມາ​ແຕ່​ຕ່າງປະ​ເທດ ​ເບື່ອ​ງຕົ້ນ​ເພີ່ນ​ກະ​ເຮັດ​ອາຊີບ​ສະຖາປະນິກ​ເພີ່ນ​ເອງ​ຈົນ​ເປັນບໍ​ລິ​ສັດກັນ​ລະ​ຍາ​ສະຖາປະນິກ ເຊີ່ງ​ເປັນ​ເຈົ້າ​ຂອງ​ດຽວ​ກັນ​ກັບອາຄານSCC ສີ​ຫອມ ນອກຈາກ​ນີ້​ເພີ່ນ​ຍັງ​ເປັນ​ຜູ້​ໜື່ງທີ່​ມັກ​ແລະ​ສົ່ງ​ເສີມ​ກິລາ​ເຊີ່ງ​ເພີ່ນ​ໄດ້​ຊ່ວຍ​ເປັນ​ຜູ້​ສະໜັບສະໜູນ​ກິລາ​ມາ​ຕະຫລອດ ​ແລະ​ເຄີຍ​ສ້າງ​ສະ​ໂມ​ສອນ​ເຕະບານ​ໃນ​ລາວ​ລີກ​ທີ່​ມີ​ຮູບ​ແບບ​ເປັນ​ເຄີ່ງ​ອາຊີບ​ແຕ່​ກະ​ບໍ່​ປະສົບ​ຄວາມ​ສຳ​ເລັດ​ເພາະ​ລາວ​ລິກ​ເຮົາ​ຍັງ​ໄປ​ບໍ່​ໄດ້​ເຄີ່ງ​ອາຊີບ​ເທື່ອ ຄື ກັນລະຍາ​ເອບຊີ​ ຊ່ວງ​ປີ2004-2005(ຖ້າ​ຈື່​ບໍ່​ຜິດ) ປະຈຸ​ບັນ​ເພີ່ນ​ຍັງ​ເປັນ​ຄົນ​ໜື່ງທີ່​ຍັງ​ຢູ່​ໃນ​ວົງ​ການ​ກິລາ​ໂດຍ​ສະ​ເພາະ​ເຕະບານ​ທີ່​ຍັງ​​ເຫັນ​ເພີ່ນ​ເປັນ​ປະທານ​ຜູ້​ຈັດການ​ແຂ່ງຂັນ​ລາຍການ​ລະດັບ​ຊາດ​ຢູ່​ເຊັນ ຊຸດ​ແຂ່ງU16ທີ່ທີມຊາດລາວຖືວ່າປະສົບຄວາມສຳເລັດສູງ.ຖືໄດ້ວ່າທ່ານພົງປະເສີດ ກັນລະຍາ ເປັນບຸກຄົນໜື່ງທີ່ປະສົບຄວາມສຳເລັດທີ່ຍັງໜຸ່ມນ້ອຍທັງທາງດ້ານທຸລະກິດແລະດ້ານວຽກງານຕ່າງໆ...ຕາມທີ່ຂ້າພະເຈົ້າຄີຍອ່ານວິໃສ່ທັດຂອງ
ເພີ່ນຈາກໜັງສືພິມຂ່າວກິລາສະບັບໜື່ງແມ່ນເພີ່ນກ້າຄິດໃນທາງສ້າງສັນຫລືເຮົາມັກເອີ່ນວ່າຄິດໃນສີ່ງທີ່ແຕກຕ່າງ...ຖືໄດ້ວ່າທ່ານສາມາດ
ເປັນຕົ້ນແບບ(Idor)ຂອງຄົນທີ່ຈະພັດທະນາຕົນເອງຕໍ່ໄປໄດ້...