- ແຈ້ງການ!! ການນຳໃຊ້ເສັ້ນທາງສັນຈອນ ແລະ ສະຖານທີ່ຈອດລົດ ໄລຍະບຸນນະມັດສະການພຣະທາດຫຼວງ 2011 (ອື່ນ ໆ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ຈະລາຈອນ » ແຈ້ງການ!! ການນຳໃຊ້ເສັ້ນທາງສັນຈອນ ແລະ ສະຖານທີ່ຈອດລົດ ໄລຍະບຸນນະມັດສະການພຣະທາດຫຼວງ 2011

khavy ໓໑ ກະທູ້ ໑໘໘ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ເຖິງ: ສຳນັກງານ ອົງການ ຫົວໜ່ວຍທຸລະກິດ ອົງການຈັດຕັ້ງສາກົນ ພະນັກງານ ລັດຖະກອນ ທະຫານ ຕຳຫຼວດ ພໍ່ແມ່ປະຊາຊົນ ຕະຫຼອດຮອດແຂກຕ່າງດ້າວຊາວຕ່າງປະເທດ ທີ່ມາທ່ຽວງານບຸນນະມັດສະການພຣະທາດຫຼວງ ແລະ ງານຕະຫຼາດນັດ 2011. ເລື່ອງ: ການນຳໃຊ້ເສັ້ນທາງສັນຈອນ ແລະ ສະຖານທີ່ຈອດລົດໃນໄລຍະບຸນນະມັດສະການພຣະທາດຫຼວງ ແລະ ງານຕະຫຼາດນັດ 2011. ເພື່ອເຮັດໃຫ້ບຸນນະມັດສະການພຣະທາດຫຼວງ ແລະ ງານຕະຫຼາດນັດ 2011 ໄດ້ດຳເນີນໄປດ້ວຍບັນຍາກາດແຫ່ງຄວາມເບີກບານມ່ວນຊື່ນ ຮັກສາໄດ້ເອກະລັກວັດທະນະທຳອັນດີງາມຂອງຊາດ ຮັບປະກັນຄວາມເປັນລະບຽບຮຽບຮ້ອຍ ແລະ ຄວາມສະອາດສວຍງາມ. ກອງບັນຊາການ ປກສ ນະຄອນຫຼວງວຽງຈັນ ຈຶ່ງແຈ້ງມາຍັງທຸກພາກສ່ວນ ທຸກຊັ້ນຄົນ ຮ່ວມມື ແລະ ຈັດຕັ້ງປະຕິບັດດັ່ງນີ້: 1.ວ່າດ້ວຍສະຖານທີ່ຈອດລົດປະເພດຕ່າງໆ: P ພິເສດ ອະນຸຍາດເຂົ້າຈອດຢູ່ໜ້າຫໍສະພາແຫ່ງຊາດ. P1 ອະນຸຍາດໃຫ້ຈອດຢູ່ເດີ່ນຫໍສະພາດ້ານໜ້າ ແລະ ດ້ານຂ້າງ. P2 ອະນຸຍາດໃຫ້ຈອດຢູ່ເດີ່ນຫໍສະພາດ້ານຂ້າງ ຫຼື ວ່າເດີ່ນດາວແດງເກົ່າ. ສຳລັບລົດຂົນສົ່ງມວນຊົນ ລົດຕຸກໆ-ຈຳໂບ້ ລົດຂົນສົ່ງໂດຍສານ ອະນຸຍາດຈອດໄວ້ຊົ່ວຄາວ ເພື່ອສົ່ງຄົນໂດຍສານລົງຕາມຈຸດທີ່ໄດ້ກຳນົດເຊັ່ນ: ຂົວຮ່ອງແຊງໄປທາງໂພນພະເນົາ ເສັ້ນທາງວຽງຈະເລີນ ຕະຫຼາດທາດຫຼວງ ສີສັງວອນ-ໂພນໄຊ ປະຕູໄຊ ໂພນສະອາດ ແລະ ຮ່ອມໂຮງຮຽນມັດທະຍົມໜອງສ້າງທໍ່. ສະເພາະລົດຍົນ ລົດຈັກ ລົດຖີບ ສາມລໍ້ ທີ່ມີຈຸດປະສົງໄປທ່ຽວງານບຸນນະມັດສະການພຣະທາດຫຼວງ ແລະ ງານວາງສະແດງສິນຄ້າລາວ-ໄອເຕັກ ແລະ ເດີ່ນທາດຫຼວງ ແມ່ນໃຫ້ຈອດຕາມສະຖານທີ່ຈອດລົດທີ່ທາງຄະນະກຳມະການຈັດງານບຸນກຳນົດໄວ້ ເຊິ່ງມີເຈົ້າໜ້າທີ່ອຳນວຍຄວາມສະດວກຕາມຈຸດຕ່າງໆ. ພາຫະນະທີ່ມາຈາກເສັ້ນທາງ 13 ເໜືອ ແມ່ນອະນຸຍາດຈອດລານຈອດລົດປະຕູໄຊ ຈອດຕາມທາງຮ່ອມຕ່າງໆບ້ານສີບຸນເຮືອງ ທີ່ເຫັນວ່າມີຄວາມປອດໄພ ແລະ ບໍ່ເປັນການກີດຂວາງການສັນຈອນຂອງພາຫະນະອື່ນໆ ສະເພາະລົດເມ ລົດໂດຍສານ ລົດ 6 ລໍ້ຂຶ້ນໄປ. ພາຫະນະທີ່ມາຈາກເສັ້ນທາງ 13 ໃຕ້ ແລະ ເສັ້ນທາງເລກ 10 ບ້ານເກິນ ແມ່ນໃຫ້ເຂົ້າຈອດລຽບຕາມທາງບ້ານໂພນພະເນົາ ຈອດຕາມທາງຮ່ອມຕ່າງໆທີ່ເຫັນວ່າມີຄວາມຮັບປະກັນຄວາມປອດໄພ ສະເພາະລົດເມ ລົດໂດຍສານ ລົດ 6 ລໍ້ຂຶ້ນໄປ. ພາຫະນະທີ່ມາຈາກເສັ້ນທາງທ່າເດື່ອ ເມືອງຫາດຊາຍຟອງ ອະນຸຍາດໃຫ້ຈອດຢູ່ຕາມຊອຍບ້ານສະພັງໝໍ້ ແລະ ເສັ້ນທາງໂພນສີນວນ ສະເພາະລົດເມ ລົດໂດຍສານ ລົດ 6 ລໍ້ຂຶ້ນໄປ. 2.ວ່າດ້ວຍການນຳໃຊ້ເສັ້ນທາງໃນໄລຍະງານບຸນ: ລົດທີ່ບໍ່ມີຈຸດປະສົງມາທ່ຽວບຸນ ທີ່ແລ່ນມາແຕ່ເສັ້ນທາງໄກສອນ-ດອນໜູນ ບໍ່ມີຈຸດປະສົງເຂົ້າໄປທ່ຽວໃນງານບຸນ ແຕ່ມີຄວາມປະສົງຈະເຂົ້າໄປໃນເມືອງ ໃຫ້ແລ່ນໄປຕາມເສັ້ນທາງດົງໂດກ ຮອດໄຟແດງດົງໂດກ ລ້ຽວຂວາໄປຕາມເສັ້ນທາງດົງໂດກ-ໂພນຕ້ອງ ແລ້ວໄປຕາມຈຸດປະສົງ ຫຼື ໄປຮອດໄຟແດງຕານມີໄຊ ລ້ຽວຊ້າຍເຂົ້າ ເສັ້ນທາງຫ້ວຍຫົງ ອອກໃສ່ດອນແດງ ແລ້ວໄປຕາມຈຸດປະສົງ. ລົດທີ່ແລ່ນມາຈາກເສັ້ນທາງ 13 ໃຕ້ ເສັ້ນທາງເລກ 10 ຕໍ່ໃສ່ເສັ້ນທາງໄກສອນ ບໍ່ມີຈຸດປະສົງທ່ຽວງານບຸນ ມາຮອດໄຟແດງບ້ານໜອງໜ່ຽງ ອາດລ້ຽວຊ້າຍເຂົ້າໄປຕາມເສັ້ນທາງບ້ານໜອງໜ່ຽງ ອອກໃສ່ບ້ານວັງຊາຍ ແລ້ວໄປຕາມຈຸດປະສົງ ຫຼື ລ້ຽວຂວາ ອອກໃສ່ເສັ້ນທາງ 150 ຕຽງ ແລ້ວໄປຕາມຈຸດປະສົງ. ສະເພາະລົດບັນທຸກທີ່ແລ່ນມາແຕ່ເສັ້ນທາງ 13 ເໜືອ ມີຈຸດປະສົງໄປຂົວມິດຕະພາບ ໃຫ້ແລ່ນຕາມເສັ້ນທາງໜອງບຶກ-ດົງໂດກ ອອກໃສ່ເສັ້ນທາງ 450 ປີ ໄປຫາຂົວມິດຕະພາບ. ລົດບັນທຸກທີ່ແລ່ນມາແຕ່ເສັ້ນທາງ 13 ເໜືອ ມີຈຸດປະສົງໄປເສັ້ນທາງ 13 ໃຕ້ ມາຮອດ 3 ແຍກໜອງບຶກ ໃຫ້ລ້ຽວຊ້າຍເຂົ້າເສັ້ນທາງໜອງບຶກ-ດົງໂດກ ອອກໃສ່ສີ່ແຍກໄຟແດງດົງໂດກ ໄປຕາມຈຸດປະສົງ. ລົດບັນທຸກທີ່ມາແຕ່ຂົວມິດຕະພາບ ມີຈຸດປະສົງໄປເສັ້ນທາງ 13 ໃຕ້ ໃຫ້ແລ່ນໄປເສັ້ນທາງ 450 ປີ ອອກຫຼັກ 21. ລົດບັນທຸກທີ່ແລ່ນມາແຕ່ເສັ້ນທາງ 13 ໃຕ້ ມີຈຸດປະສົງໄປຂົວມິດຕະພາບ ມາຮອດຫຼັກ 21 ໃຫ້ລ້ຽວຊ້າຍ ເຂົ້າເສັ້ນທາງຫຼັກ 21 ອອກໃສ່ເສັ້ນທາງ 450 ປີ ລ້ຽວຊ້າຍໄປຂົວມິດຕະພາບ. ຖ້າຫາກການສັນຈອນມີຄວາມສັບສົນ ເຈົ້າໜ້າທີ່ພວກເຮົາຈະໄດ້ແຍກລົດຢູ່ຈຸດໄຟແດງດົງໂດກ ໃຫ້ລ້ຽວຂວາໄປໃຊ້ເສັ້ນທາງດົງໂດກ-ໜອງບຶກ ຮອດສາມແຍກປະຕູໂຂງ ມ.ຊ ແລ້ວລ້ຽວຊ້າຍໄປຕາມເສັ້ນທາງດົງໂດກ-ໂພນຕ້ອງ ຫຼື ຮອດໄຟແດງຕານມີໄຊ ໃຫ້ລ້ຽວຊ້າຍໄປຕາມເສັ້ນທາງຕານມີໄຊ-ດອນແດງ. 3.ວ່າດ້ວຍເສັ້ນທາງຫ້າມຈອດ: ເສັ້ນທາງໄກສອນ ພົມວິຫານ ແຕ່ສາມແຍກໂພນພະເນົາ ເຖິງ ປະຕູໄຊ. ເສັ້ນທາງໜອງບອນ ແຕ່ໄຟແດງທາດຝຸ່ນ ເຖິງ ສາມແຍກນາໄຊ ແລະ ສາມແຍກນາໄຊ ເຖິງ ສາມແຍກຕັງສະປັກ (ສີສັງວອນ). ສາມແຍກນາໄຊ ເຖິງ ວົງວຽນ 450 ປີ. ສາມແຍກສະຖານທູດຫວຽດນາມ ເຖິງ ສີ່ແຍກໄຟແດງໂພນໄຊ. 4.ມາດຕະການໃນການຈັດຕັ້ງປະຕິບັດ: ມອບໃຫ້ ປກສ ເມືອງ ປກສ ກຸ່ມບ້ານ ປກສ ບ້ານ ສົມທົບກັບອຳນາດການປົກຄອງບ້ານ ຈັດຕັ້ງເຜີຍແຜ່ແຈ້ງການສະບັບນີ້ ໃຫ້ປະຊາຊົນຊັ້ນຄົນຕ່າງໆຮັບຮູ້ຢ່າງເລິກເຊິ່ງ ແລະ ຮ່ວມມືຢ່າງເຂັ້ມງວດ. ໃນກໍລະນີເຈົ້າໜ້າທີ່ກວດກາພົບເຫັນການປະພຶດທີ່ເປັນການລະເມີດ ຕ້ອງໄດ້ສຶກສາອົບຮົມກ່າວເຕືອນ ປັບໄໝ ຫຼື ດຳເນີນມາດຕະການແກ້ໄຂຢ່າງເດັດຂາດ ສົມຄູ່ກັບລັກສະນະຂອງພຶດຕິກຳລະເມີດດັ່ງກ່າວ. ມອບໃຫ້ພະແນກຕຳຫຼວດຈະລາຈອນເປັນຫຼັກແຫຼ່ງ ເປັນໃຈກາງປະສານງານກັບທຸກພາກສ່ວນ ຂະແໜງການ ອຳນາດການປົກຄອງທຸກຂັ້ນ ເພື່ອຮ່ວມມືຈັດຕັ້ງປະຕິບັດແຈ້ງການສະບັບນີ້ໃຫ້ໄດ້ຮັບຜົນດີ ຕະຫຼອດໄລຍະແຫ່ງການຈັດຕັ້ງປະຕິບັດມີຂໍ້ສະດວກ ພົບຂໍ້ຫຍຸ້ງຍາກປະການໃດຮີບຮ້ອນລາຍງານຂໍຄຳເຫັນນຳກອງບັນຊາການ ປກສ ນະຄອນຫຼວງວຽງຈັນ ເພື່ອຊີ້ນຳທັນການ. ດັ່ງນັ້ນ ຈຶ່ງແຈ້ງການມາຍັງທຸກພາກສ່ວນ ທຸກຊັ້ນຄົນ ເພື່ອຊາບ ແລະ ຮ່ວມມື ຈັດຕັ້ງປະຕິບັດແຈ້ງການສະບັບນີ້ຢ່າງເຂັ້ມງວດ. Credit: http://www.vientianemai.net/teen/khao/1/4837
໒໕ ກະທູ້ ໒໘໘໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ປີກາຍນີ້ ເຫຼືອໃຈຫຼາຍ ໄປບຸນທາດຫຼວງ ໄປຮອດອານຸສາວະລີຕອນ ແປດໂມງ 12 ໂມງ (ທ່ຽງຄືນ) ຈຶ່ງໄປລຸໄປຮອດເຂດແດນທາດຫຼວງ !!! (ບ້ານໝູ່ນ້າບ່າວຢູ່ແຖວນັ້ນ) ປີນີ້ ຈະຈອດໄວ້ ອານຸສາວະລີ ລະຊິຍ່າງຂຶ້ນໄປທາດຫຼວງເອົາດອກວະ !!! I believe in the IMPOSSIBLE
Noukip ໙ ກະທູ້ ໑໒໖໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ peckii ຂຽນວ່າ... ປີກາຍນີ້ ເຫຼືອໃຈຫຼາຍ ໄປບຸນທາດຫຼວງ ໄປຮອດອານຸສາວະລີຕອນ ແປດໂມງ 12 ໂມງ (ທ່ຽງຄືນ) ຈຶ່ງໄປລຸໄປຮອດເຂດແດນທາດຫຼວງ !!! (ບ້ານໝູ່ນ້າບ່າວຢູ່ແຖວນັ້ນ) ປີນີ້ ຈະຈອດໄວ້ ອານຸສາວະລີ ລະຊິຍ່າງຂຶ້ນໄປທາດຫຼວງເອົາດອກວະ !!! ໄປຈອດໄວ້ບ້ານຂ້ອຍກະໄດ້
Thy ໑໒໙ ກະທູ້ ໓໓໙໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ລົດຫລາຍໂຄດ.....
໒໕ ກະທູ້ ໒໘໘໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ Noukip ຂຽນວ່າ... ອ້າງເຖິງຂໍ້ຄວາມຈາກ peckii ຂຽນວ່າ... ປີກາຍນີ້ ເຫຼືອໃຈຫຼາຍ ໄປບຸນທາດຫຼວງ ໄປຮອດອານຸສາວະລີຕອນ ແປດໂມງ 12 ໂມງ (ທ່ຽງຄືນ) ຈຶ່ງໄປລຸໄປຮອດເຂດແດນທາດຫຼວງ !!! (ບ້ານໝູ່ນ້າບ່າວຢູ່ແຖວນັ້ນ) ປີນີ້ ຈະຈອດໄວ້ ອານຸສາວະລີ ລະຊິຍ່າງຂຶ້ນໄປທາດຫຼວງເອົາດອກວະ !!! ໄປຈອດໄວ້ບ້ານຂ້ອຍກະໄດ້ ບ້ານຢູ່ໃສ ?? ຢ່າບອກໃດ໋ ວ່າຢູ່ແຖວສາຍລົມ ຫະຫະຫະຫະ I believe in the IMPOSSIBLE
One2 ໐ ກະທູ້ ໑໔໕໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຍາວຫຼາຍ ບໍ່ໄດ້ອ່ານ ຮາໆໆໆ
HellSinG ໑ ກະທູ້ ໕໗໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້
wantiya ໒໒ ກະທູ້ ໑໑໘໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ໄປເອົາບຸນກ່ອນນ້າ ເຫັນອ້າຍເປັນຕອກມັດກ້າ ດຳນາແລ້ວຢຽບໃສ່ຕົມ
Organ ໒໑ ກະທູ້ ໑໔໘໗ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຝາກມ່ວນແດ່ເດີ້ ຄິດດີ ເວົ້າດີ ເຮັດດີ
Thy ໑໒໙ ກະທູ້ ໓໓໙໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຢາກໄປເລາະຊື້ເຄື່ອງເດ ອິອິ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.