- ມີຄຳຕອບ ເປັນຫຍັງຂົວທ່າງ່ອນຈຶ່ງຍັງເກັບຄ່າພ່ານທາງ ທັງໆທີ່ລັດຖະບານຍົກເລີກຂົວແຫ່ງອື່ນທັງໝົດທົ່ວປະເທດໄປແລ້ວ (ອື່ນ ໆ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ຈະລາຈອນ » ມີຄຳຕອບ ເປັນຫຍັງຂົວທ່າງ່ອນຈຶ່ງຍັງເກັບຄ່າພ່ານທາງ ທັງໆທີ່ລັດຖະບານຍົກເລີກຂົວແຫ່ງອື່ນທັງໝົດທົ່ວປະເທດໄປແລ້ວ

໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ໃນຕອນບ່າຍຂອງວັນທີ 21 ທັນວາ 2011 ຜ່ານມານີ້ ທ່ານ ບຸນທະວີ ແກທະລົງ ຫົວໜ້າສູນບໍລິການເກັບຊື້ໜີ້ ແລະ ຮັບຝາກໜີ້ ທະນາຄານ ແຫ່ງ ສປປ ລາວ ໄດ້ອອກມາຊີ້ແຈງເຖິງກໍລະນີການເກັບຄ່າຜ່ານຂົວທ່າງ່ອນ ໄປຍັງບັນດາທ່ານຜູ້ໃຊ້ລົດ-ໃຊ້ຖະໜົນດັ່ງກ່າວ ໂດຍທ່ານໄດ້ກ່າວເຖິງບັນຫາທີ່ລັດຖະບານ ໄດ້ຢຸດຕິການເກັບຄ່າຜ່ານຂົວ ຢາກຊີ້ແຈງໃຫ້ສັງຄົມຮັບຮູ້ວ່າ: ຂົວທ່າງ່ອນ ກໍເປັນໂຄງການໜຶ່ງທີ່ສູນບໍລິການເກັບຊື້ໜີ້ເປັນຜູ້ຮັບຜິດຊອບເກັບຄ່າຜ່ານຂົວ ແລະ ສັງຄົມກໍຄົງຈະມີຄວາມສົນໃຈຕັ້ງບັນຫາຖາມວ່າ ແຕ່ກ່ອນທົ່ວປະເທດລາວ ໄດ້ມີການເກັບເງິນຄ່າຜ່ານຂົວມີທັງໝົດ 36 ຂົວ ແຕ່ຕົກມາເຖິງປັດຈຸບັນນີ້ ແມ່ນຍັງແຕ່ຂົວແຫ່ງດຽວນີ້ ເຫດຜົນທີ່ຍັງເກັບກໍຍ້ອນວ່າ ການສ້າງຂົວນີ້ໄດ້ໃຊ້ທຶນຢ່າງຫຼວງຫຼາຍ ແລະ ກໍແມ່ນທະນາຄານເປັນຜູ້ລົງທຶນ ແຕ່ຜ່ານການຈັດຕັ້ງປະຕິບັດໃນໄລຍະຜ່ານມາຖືວ່າ ທະນາຄານທຸລະກິດ ບໍ່ສາມາດເກັບເງິນຄືນໄດ້ ສະນັ້ນ ສູນບໍລິການເກັບຊື້ໜີ້ ກໍໄດ້ມາເກັບໂດຍກົງ ແລະ ໃນເບື້ອງຕົ້ນຄາດຄະເນວ່າ ການເກັບຄ່າຜ່ານຂົວອາດຈະໃຊ້ເວລາຍາວນານເຖິງ 18 ປີ ຈຶ່ງຈະຄົບຖ້ວນ ແຕ່ມາເຖິງປັດຈຸບັນນີ້ ພວກເຮົາໄດ້ຈັດຕັ້ງປະຕິບັດມາໄດ້ 3 ປີແລ້ວ ກໍສັງເຫດເຫັນວ່າ ສາມາດເກັບໄດ້ດີພໍສົມຄວນ ແລະ ຄາດວ່າຈະໃຊ້ເວລາອີກບໍ່ເກີນ 4 ປີ ກໍຈະຄົບຖ້ວນຕາມຕົ້ນທຶນທີ່ທະນາຄານໄດ້ປ່ອຍໃຫ້ ແລະ ເມື່ອເກັບທຶນໄດ້ໝົດແລ້ວ ທາງສູນເກັບຊື້ໜີ້ ກໍຈະໄດ້ມອບໃຫ້ພາກສ່ວນກ່ຽວຂ້ອງເປັນຜູ້ຄຸ້ມຄອງ ເປັນຕົ້ນແມ່ນນະຄອນຫຼວງວຽງຈັນ ແລະ ເພິ່ນກໍຈະໄດ້ຈັດຕັ້ງປະຕິບັດຕາມທິດຊີ້ນຳຂອງຂັ້ນເທິງຕໍ່ໄປ. ຂ້າພະເຈົ້າຢາກມີຄຳເຫັນອີກກ່ຽວກັບການເກັບເງິນຄ່າຜ່ານຂົວແຫ່ງນີ້ ຈຸດປະສົງທີ່ທະນາຄານເກັບຄືນ ກໍເພື່ອເອົາເງິນຈຳນວນດັ່ງກ່າວໄປລົງທຶນໃນໂຄງການໃໝ່ ຕາມຄວາມຮຽກຮ້ອງຕ້ອງການຂອງສັງຄົມ ເປັນຕົ້ນກໍແມ່ນຕາມມະຕິກອງປະຊຸມໃຫຍ່ ຄັ້ງທີ IX ຂອງພັກ ກໍໄດ້ກຳນົດແຈ້ງຕາມແຜນພັດທະນາເສດຖະກິດ-ສັງຄົມ ຂ້າພະເຈົ້າໃນນາມຜູ້ຮັບຜິດຊອບສູນເກັບຊື້ໜີ້ ຂໍຝາກຄຳຄິດເຫັນເຖິງພໍ່ແມ່ປະຊາຊົນ ຫຼືວ່າສັງຄົມ ໃຫ້ເຂົ້າໃຈນຳໃນສະພາບປັດຈຸບັນນີ້ ໂດຍສະເພາະການເກັບເງິນຄ່າຜ່ານຂົວທ່າງ່ອນ ກໍອາດຈະມີຄວາມຂາດຕົກບົກຜ່ອງ ເປັນຕົ້ນກໍແມ່ນມີຄວາມຫຍຸ້ງຍາກໃນການສັນຈອນໄປມາ ມີການຊັກຊ້າໃຫ້ແກ່ຜູ້ທີ່ນຳໃຊ້ເສັ້ນທາງນີ້ ແຕ່ເຖິງຢ່າງໃດກໍຕາມ ກໍຂໍຮຽກຮ້ອງໃຫ້ຜູ້ທີ່ນຳໃຊ້ເສັ້ນທາງນີ້ ໃຫ້ເຂົ້າອົກເຂົ້າໃຈນຳກັນວ່າ ເງິນຄ່າຜ່ານຂົວນີ້ ຈະໄດ້ເອົາໄປທົດແທນທຶນຄືນ ແລະ ສຸດທ້າຍນີ້ ຂ້າພະເຈົ້າໃນນາມຕາງໜ້າໃຫ້ສູນເກັບຊື້ໜີ້ ກໍຕ້ອງຂໍໂທດຂໍອະໄພນຳບັນດາທ່ານຜູ້ທີ່ນຳໃຊ້ເສັ້ນທາງນີ້ ທີ່ບໍ່ໄດ້ຮັບການອຳນວຍຄວາມສະດວກໃນການສັນຈອນ. ຂອບໃຈ ວຽງຈັນໃໝ່
zuzuki ໕໕ ກະທູ້ ໔໓໕໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ມາແວ່ໆໆ ນັກສຶກສາ ປັນຍາຊົນ ຄົນແຫ່ງສະຕະວັດທີ 21 ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ whereismyaim ຂຽນວ່າ... ມາແວ່ໆໆ ມາແວ່ກະໄດ້ອ່ານຢູ່ບໍວ່າມັນເປັນແນວໃດ
Amnath ໑໙ ກະທູ້ ໒໙໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຂອບໃຈສຳລັບຂໍ້ມູນ
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ທຳອິດຄິດວ່າ ເພິ່ນຢືມເງິນເຂົາມາສ້າງ ແລ້ວຕ້ອງເກັບຄ່າທາງໃຊ້ໜີ້ໃຫ້ມັນໝົດກ່ອນຊັ້ນດອກ
luffy ໑໔໐ ກະທູ້ ໑໗໙໐ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອັນນັ້ນແມ່ນເບື້ອງຫນ້າ ເບື້ອງຫລັງຍັງ ບໍ່ບອກ
SumoGirl ໑໐໘ ກະທູ້ ໒໒໖໕ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຫາກໍ່ຮູ້ໃດນິ ຂອບໃຈທີ່ ແບ່ງປັນ ຄົນສະຫລາດສະແຫວງຫາຄຳສອນສັ່ງ ແຕ່ຄົນໂງ່ເປັນທາດ ຂອງຄວາມມັກຍ້ອງ
Doe ໐ ກະທູ້ ໖ ໂພສ ມືໃໝ່ຮຽນໃຊ້ເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຂອບໃຈສຳລັບຂໍ້ມູນໃຫມ່ໆ ລະອອງຝຸ່ນ
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ luffy ຂຽນວ່າ... ອັນນັ້ນແມ່ນເບື້ອງຫນ້າ ເບື້ອງຫລັງຍັງ ບໍ່ບອກ ໃຫ້ເບຍສອງແກ້ວ ຊິບອກບໍ?
TahipVTE ໔໒ ກະທູ້ ໒໖໐໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ kett ຂຽນວ່າ... ອ້າງເຖິງຂໍ້ຄວາມຈາກ luffy ຂຽນວ່າ... ອັນນັ້ນແມ່ນເບື້ອງຫນ້າ ເບື້ອງຫລັງຍັງ ບໍ່ບອກ ໃຫ້ເບຍສອງແກ້ວ ຊິບອກບໍ? ຂພຈ ວ່າເປັນເບື້ອງຂ້າງແນ່ນອນ!! 5555
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ tahipVTE ຂຽນວ່າ... ອ້າງເຖິງຂໍ້ຄວາມຈາກ kett ຂຽນວ່າ... ອ້າງເຖິງຂໍ້ຄວາມຈາກ luffy ຂຽນວ່າ... ອັນນັ້ນແມ່ນເບື້ອງຫນ້າ ເບື້ອງຫລັງຍັງ ບໍ່ບອກ ໃຫ້ເບຍສອງແກ້ວ ຊິບອກບໍ? ຂພຈ ວ່າເປັນເບື້ອງຂ້າງແນ່ນອນ!! 5555 ໝາຍຄວາມວ່າແນວໃດຫວາ?
Taxi ໓ ກະທູ້ ໔໐ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ສາຍເຫດທຳອິດ, ມາຈາຄົນກໍ່ສ້າງສຳປະທານຂວາ ແຫ່ງນີ້ ບໍ່ມີຄວາມຮັບຜິດຊອບ ບໍ່ໃຊ້ໜີ້ຄືນໃຫ້ຜູ້ປ່ອຍກູ້............ ລັຖບານບໍ່ມີມາຕະການ ຊ່ວຍເຫຼືອ ອື່ນ... ຈື່ງໄດ້ ຍູ້ ພາລະໄປໃຫ້ປະຊາຊົນ ຜູ້ ໃຊ້ຖະ ຂວາແຫ່ງນັ້ນ ເປັນຜູ້ຮັບຜິດຊອບ ຈ່າຍຄືນໜີ້ສິນດັ່ງກ່າວ............ ຈາກ ຜົນທີ່ຂະເຈົ້າບໍ່ໄດ້ເຮັດ.... ຟ້າເອີ້ຍ... Que sera sera
keng652 ໒໒ ກະທູ້ ໑໓໖໑ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຫ້ອງເກັບເງິນ ກະຍັງຕິດແອ ເຢັນໃຈສະບາຍມາກ ສຸລາ ບໍ່ໄດ້ເຮັດໃຫ້ໃຜເປັນວິລະບູຣຸດ ແຕ່ວ່າ ວິລະບູຣຸດກໍ່ຂາດສຸຣາບໍ່ໄດ້
Nidnilan ໔໗ ກະທູ້ ໖໘໙ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ບໍ່ຈັກຊິວ່າ ເປັນຄົນດີຂອງສັງຄົມ-ເປັນລູກທີ່ດີຂອງພໍ່ແມ່
໕໗ ກະທູ້ ໒໑໐໖ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ taxi ຂຽນວ່າ... ສາຍເຫດທຳອິດ, ມາຈາຄົນກໍ່ສ້າງສຳປະທານຂວາ ແຫ່ງນີ້ ບໍ່ມີຄວາມຮັບຜິດຊອບ ບໍ່ໃຊ້ໜີ້ຄືນໃຫ້ຜູ້ປ່ອຍກູ້............ ລັຖບານບໍ່ມີມາຕະການ ຊ່ວຍເຫຼືອ ອື່ນ... ຈື່ງໄດ້ ຍູ້ ພາລະໄປໃຫ້ປະຊາຊົນ ຜູ້ ໃຊ້ຖະ ຂວາແຫ່ງນັ້ນ ເປັນຜູ້ຮັບຜິດຊອບ ຈ່າຍຄືນໜີ້ສິນດັ່ງກ່າວ............ ຈາກ ຜົນທີ່ຂະເຈົ້າບໍ່ໄດ້ເຮັດ.... ຟ້າເອີ້ຍ... ແມ່ນຫວະ? ຫາກໍ່ຮູ້ໃດນິ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.