ມື້ວານຊື້ຄອມ acer Aspire V3 - 371 - 50bt ຕອນລົງວີນ ຄິດວ່າຈະແບ່ງເປັນ 5 ຊ່ອງ ໄດ້ພຽງ 3 ຊ່ອງລົງມາ ບໍ່ຮູ້ສາເຫດວ່າເປັນຫຍັງຈິ່ງແບ່ງຫຼາຍກວ່າ 3 ຊ່ອງຂື້ນໄປບໍ່ໄດ້ ົລອງມາທຸກວິທີແລ້ວ ໃຊ້ໂປຮແກມຊ່ວຍກໍ່ບໍ່ໄດ້ກັບໄປລົງ ວີນ 7- 8 ກໍ່ບໍ່ໄດ້

ລອງໃຊ້ວິທີ Shrink Volume
ໄປທີ່ Disk Mannagement ແລ້ວຄລິກຂວາໃສ່ໄດຣທີ່ຕ້ອງກ່ານແບ່ງ ເຊັ່ນໄດຣ (C:) ຈາກນັ້ນເລືອກ Shrink Volume
ແລ້ວໃສ່ຕົວເລກຈຳນວນ(ຄິດເປັນ MB) ທີ່ຕ້ອງການແບ່ງອອກໃຫ້ເປັນອີກໄດຮຫນຶ່ງນັ້ນ.

ຈະສັງເກດວ່າ ໄດຣທີ່ແບ່ງອອກໄປຈະເປັນ Unallocated ປາກົດຢູ່ຂ້າງຂວາຖັດໄປຈາກໄດຣທີ່ຖືກແບ່ງ(C:) ສະເຫມີ
ຫລັງຈາກນັ້ນເຮົາກໍ່ຄລິກຂວາໃສ່ໄດຣ(Unallocated)ທີ່ແບ່ງອອກແລ້ວນັ້ນ ເພື່ອສ້າງ New Simple Volume ໄດ້ເລີຍເຊັ່ນສ້າງເປັນໄດຣ (H:)
ຫາກວ່າ Unallocated ທີ່ກຳລັງຈະສ້າງໃຫ້ເປັນໄດຣ (H:)ມັນກຳລັງຈະກາຍເປັນໄດຣທີ 5 ເຊິ່ງເຮົາຕ້ອງໄດ້ໃຊ້ໂປຣແກມແບ່ງ Partition
ເຊັ່ນ MiniTool Partition Wizard Home Edition ເຂົ້າມາຊ່ວຍ ມັນຟຣີ, ໂປຣແກຣມນີ້ໃນຂັ້ນຕອນສຸດທ້າຍຕ້ອງກົດ Apply ມຸມຊ້າຍເທິງ.

ສ່ວນເວລາຈະເອົາກັບເຂົ້າມາລວມກັນຄືນເຊັ່ນ ລຶບ(H:) ເຂົ້າໃສ່(C:) ກໍໃຫ້ໄປທີ່ Disk Mannagement
ແລ້ວຄລິກຂວາໃສ່ເຊັ່ນໄດຣ (H:) ແລ້ວ Delete Volume>yes ຂໍ້ມູນຢູ່ (H:) ຈະຫາຍກ້ຽງ
ຈາກນັ້ນ ຄລິກຂວາໃສ່ອີກຄັ້ງແລ້ວ Delete Partition...>yes
ເພື່ອເຮັດໃຫ້ກາຍເປັນ Unallocated ຕໍ່ມາ ຄລິກຂວາໃສ່ໄດຣທາງຊ້າຍເຊັ່ນໄດຣ (C:) ແລ້ວເລືອກ Extended Volume ເພື່ອດູດເອົາ
Unallocated ທີ່ຢູ່ທາງຂວາເຂົ້າມາໂຮມກັນ.

ເອົາເປັນວ່າ ໃຊ້ໂປຣແກຣມ MiniTool Partition Wizard Home Edition ແມ່ນເຮັດໄດ້ເລີຍ!
1 ເປີດໂປຣແກຣມຂຶ້ນມາ
2 ຄລິກຂວາໃສ່ ໄດຣທີ່ຕ້ອງການຈະແບ່ງ ເລືອກ Move/Resize
3 ໃສ່ຈຳນວນ MB ທີ່ຕ້ອງການແບ່ງໃສ່ບ່ອນ:
ກ.) ໃສ່ຕົວເລກບ່ອນ Unallocated Space After ກໍ່ຈະໄດ້ Unallocated ໃຫມ່ອອກມາຢູ່ກ້ຳຂວາ
(ງ່າຍສຸດແມ່ນຫຍັບລູກສອນສີດຳທີ່ຊີ້ໄປທາງຂວານັ້ນເຂົ້າມາ)
ຂ.) ໃສ່ຕົວເລກບ່ອນ Unallocated Space Before ກໍ່ຈະໄດ້ Unallocated ໃຫມ່ອອກມາຢູ່ກ້ຳຊ້າຍ
(ງ່າຍສຸດແມ່ນຫຍັບລູກສອນສີດຳທີ່ຊີ້ໄປທາງຊ້າຍນັ້ນເຂົ້າມາ)
3 ຄລິກ OK
4 ຄລິກຂວາໃສ່ Unallocated ທີ່ໄດ້ມາຈາກການແບ່ງນັ້ນ ແລ້ວຄລິກ Create ເພື່ອສ້າງ Partition ໃຫມ່ > OK
5 ຂັ້ນຕອນສຸດທ້າຍ ຄລິກ Apply ຢູ່ມຸມຊ້າຍເທິງ.
ຫາກໄດຣທີ່ຕ້ອງການແບ່ງກຳລັງຖືກໃຊ້ງານຢູ່ ໂປຣແກຣມຈະຖາມໃຫ້ຣີສະຕາດ ກໍ່ OK ຕາມນັ້ນ

ຂ້ອຍໃຊ້ MiniToon partition ແບ່ງໄດ້ແລ້ວ ແຕ່ມັນບໍ່ແມ່ນການແກ້ບັນຫາທີ່ຖາວອນ ເມື່ອກັບໄປລົງວີນໃໝ່ມັນກໍ່ເປັນຄືເກົ່າຕອນແບ່ງຊ່ອງ
ຍ້ອນ ຊ່ອງ D. E , F ມັນບໍ່ສມາດປ່ຽນຄ່າ Frimary ເປັນ lagical ໄດ້.

ແມ່ນແທ້ ຍ້ອນວ່າຄວາມສາມາດໃນການແບ່ງ partition ແບບທົ່ວໄປ ແມ່ນບໍ່ສາມາດເຮັດໄດ້ຄືໂປຣແກຣມຊ່ວຍເຊັ່ນ
MiniTool Partition Wizard Home Edition.
ການທີ່ເຮົາແບ່ງ ພາທິຊັນ ບໍ່ວ່າຈະໃນຕອນລົງວິນໂດ ຫລື ໃນ Disk Mannagement ແມ່ນຖືວ່າເປັນການແບ່ງ Partition ໃຫ້ກັບຮາດດິສຫນ່ວຍດັ່ງກ່າວ
ສະນັ້ນ ໃນຂັ້ນຕອນດັ່ງກ່າວ ມັນຈະຖືກສຳຫລວດກວດກາເບິ່ງຈຳນວນ Partition ທີ່ມີຢູ່ກ່ອນແລ້ວນັ້ນ + ພາທິຊັນ ທີ່ຈະສ້າງຂຶ້ນມາໃຫມ່ ສະເໝີ
ເມື່ອຖືກກວດສອບແລ້ວວ່າເກີນອະນຸຍາດມັນກໍ່ບໍ່ຍອມໃຫ້ສ້າງ. ເວົ້າງ່າຍໆຄື ຈະແບ່ງເມື່ອໃດ ກໍ່ຈະຖືກກວດສອບເມື່ອນັ້ນ.

ດັ່ງນັ້ນ ຂ້ອຍຈະຂໍລອງແນະນຳແບບນີ້:
- ສ້າງ ພາທິຊັນ ໃຫ້ຄົບຈົນພໍໃຈເສຍກ່ອນ
- ຟໍແມັດ ພາທິຊັນທີ່ຕ້ອງການຈະລົງວິນໂດໄວ້ກ່ອນເລີຍ(ຟໍແມັດເປັນ primary ດ້ວຍ MiniTool Partition Wizard)
- ແລ້ວ ໃນຂັ້ນຕອນຕິດຕັ້ງວິນໂດແມ່ນຫ້າມທຳການສ້າງພາທິຊັນອີກ(ຫລີກລ້ຽງການຖືກກວດສອບ)

ວິທີນີ້ ຂ້າພະເຈົ້າກໍ່ບໍ່ເຄີຍລອງ!