- ປະຫວັດຫຍໍ້ຂອງພະແກ້ວມໍຣະກົດ (ອື່ນ ໆ - ລົມໄປເລື້ອຍ ~) ພັນລາວ.ຄອມ

ເວັບບອດພັນລາວ

ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/

ອື່ນ ໆ » ລົມໄປເລື້ອຍ ~ » ປະຫວັດຫຍໍ້ຂອງພະແກ້ວມໍຣະກົດ

thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 13 ປີ ກ່ອນໜ້ານີ້ ພະແກ້ວມໍຣະກົດມີຊື່ເດີມວ່າ: ພະມະຫາມະນີຣັດຕະນະປະຕິມາກອນແກ້ວມໍຣະກົດ. - ພ.ສ 500 (43 ປີກ່ອນ ຄ.ສ) ພະນາຄະເສນເຖຣະທີ່ເມືອງປາຕາລິບຸດ ແຫ່ງປະເທດອິນເດຍ ເປັນຜູ້ສ້າງພະແກ້ວມໍຣະກົດ ອົງນີ້ຂຶ້ນມາ ໂດຍອາຣາທະນາອັດຖິ 7 ອົງຂອງພະພຸດທະເຈົ້າເຂົ້າໃນຕົວຂອງພະອົງ. ພະແກ້ວມໍຣະກົດ ໄດ້ປະດິດສະຖານຢູ່ແຫ່ງນັ້ນເປັນເວລາດົນນານ 300 ປີ. - ພ.ສ 800 (ຄ.ສ 247) ເນື່ອງຈາກວ່າເມືອງປາຕາລິບຸດບໍ່ມີຄວາມສະຫງົບຜູ້ທີ່ເຫລື້ອມໃສຕໍ່ພະອົງກໍ່ໄດ້ອັງເຊີນມາໄວ້ທີ່ປະເທດສີລັງກາຢູ່ນານ 200 ປີ. - ຕໍ່ມາ ພະເຈົ້າຂັດຕິຍະສີຣາມະວົງ ແຫ່ງສີລັງກາໄດ້ມອບ ພະແກ້ວມໍຣະກົດ ໃຫ້ແກ່ເຈົ້າແຜ່ນດິນພະມ້າ ແຕ່ເວລາເດີນທາງມາເຮືອສຳເພົາ ເລີຍຖືກລົມພາຍຸພັດເຂົ້າໃສ່ ເຮັດໃຫ້ຊັບສົມບັດດັ່ງກ່າວ ມາຕົກທີ່ເມືອງອິນທະປັດ ປະເທດກຳພູຊາ, ໃນຕໍ່ມາເມືອງອິນທະປັດ ໄດ້ເກີດມີເຫດການນ້ຳຖ້ວມ ຈຶ່ງໄດ້ເສຍພະແກ້ວມໍຣະກົດນັ້ນໄປ. ມີພະເຖຣະ ສະຫຍາມອົງໜຶ່ງເກັບໄດ້ກໍ່ເລີຍນຳ ພະແກ້ວມໍຣະກົດໄປຖວາຍ ພະເຈົ້າ ອະຕິກະ ແຫ່ງເມືອງສີອະຍຸທະຍາ, ຢູ່ບໍ່ນານກໍ່ຍ້າຍມາເມືອງກຳແພງເພັດ, ຢູ່ບໍ່ນານກໍ່ຍ້າຍມາຢູ່ເມືອງລະ ໂວ້ (ລົບບູລີ) 1 ປີ ກັບ 9 ເດືອນ ແລ້ວກໍ່ຍ້າຍຄືນມາໄວ້ກຳແພງເພັດອີກຄັ້ງໜຶ່ງ. (ຂະໜາດຂອງພະແກ້ວມໍຣະກົດ: ໜ້າຕັກກ້ວາງ 48,3 ຊັງຕີແມັດ, ສູງ 66 ຊັງຕີແມັດ). - ຕໍ່ມາພະເຈົ້າພົມມະທັດ ແຫ່ງເມືອງຊຽງຣາຍ ເມື່ອຊາບເຖິງພະຄຸນຂອງພະແກ້ວມໍຣະກົດແລ້ວ ກໍ່ນຳທັບລົງໄປຂໍເອົາ ພະແກ້ວມໍຣະກົດ ມາໄວ້ທີ່ເມືອງຊຽງຣາຍ ຢູ່ທີ່ນີ້ດົນ ນານຈົນເຖິງ ພ.ສ 1977 (ຄສ 1434). - ພ.ສ 1977-2009 (ຄ.ສ 1434-1466) ພະແກ້ວມໍຣະກົດ ໄດ້ນຳມາປະດິດສະຖານຢູ່ເມືອງລຳປາງ ໂດຍບັງເອີນ ດົນນານເຖິງ 32 ປີ ຈາກນັ້ນກໍ່ໄດ້ອັງເຊີນໄປເມືອງ ຊຽງໃໝ່. -ພ.ສ 2009-2093(ຄ.ສ 1466-1550) ພະແກ້ວມໍຣະກົດໄດ້ມາປະທັບຢູ່ນະຄອນ ຊຽງໃໝ່ ເປັນເວລາ 84 ປີ ຈົນພະເຈົ້າໄຊເສດຖາທິລາດ ໄດ້ນຳລົງມານະຄອນຫລວງ ພະບາງ ເພື່ອທຳບຸນກຸສົນເຖິງພະບິດາ ພະໂພທິສະລາດທີ່ໄດ້ສະຫວັນນະຄົດ. - ພ.ສ 2093-2103 (ຄ.ສ 1550-1560) ພະແກ້ວມໍຣະກົດ ໄດ້ມາປະທັບຢູ່ນະຄອນຫລວງພະບາງເປັນເວລາ 10 ປີ ແຕ່ເຫັນວ່າບໍ່ປອດໄພ ຍ້ອນການຮຸກຮານຂອງພະມ້າ ຈຶ່ງໄດ້ອັງເຊີນລົງມານະຄອນວຽງຈັນ. - ພ.ສ 2103-2322 (ຄ.ສ 1560-1779) ພະແກ້ວມໍຣະກົດ ໄດ້ມາປະທັບຢູ່ນະຄອນຫລວງວຽງຈັນເປັນເວລາ 219 ປີ ຈຶ່ງຖືກສະຫຍາມປຸ້ນເອົາໄປໄວ້ ກຸງເທບ. - ພ.ສ 2322-2552 (ຄ.ສ 1779-ປະຈຸບັນ) ພະແກ້ວມໍຣະກົດ ປະທັບຢູ່ກຸງເທບ ມາຮອດນີ້ເປັນເວລາ 231 ປີພໍດີ. ມາຮອດດຽວນີ້ລວມພະຊົນມາຍຸໄດ້ 2060 ປີ. ທີ່ມາ http://pasaxon.org.la/articles/15-10-10/1.htm
Katan ໓ ກະທູ້ ໘໕ ໂພສ ຂາປະຈຳເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ເປີດສົດເລີຍເບາະນິ
kharm ໓ ກະທູ້ ໗໖໑ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ແມ່ນຄວາມຈິງຫວານີ້ ຊົ່ວຢ່າງສ້າງສັນ
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ kharm ຂຽນວ່າ... ແມ່ນຄວາມຈິງຫວານີ້ ແມ່ນແລ້ວ
M99NOY ໖ ກະທູ້ ໘໔໙ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ປະຫວັດບໍ່ແຈ້ງ ໃຜກະວ່າແມ່ນຂອງໃຜ ອິນເດຍຄືບໍ່ຢາກໄດ້ຫວະ M99NOY
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ M99NOY ຂຽນວ່າ... ປະຫວັດບໍ່ແຈ້ງ ໃຜກະວ່າແມ່ນຂອງໃຜ ອິນເດຍຄືບໍ່ຢາກໄດ້ຫວະ ບໍ່ແຈ້ງບ່ອນໃດ...ເອົາໂຕແຈ້ງມາໃຫ້ເບິ່ງແນ່
napa ໖໘ ກະທູ້ ໑໙໒ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ thanouphet ຂຽນວ່າ... ອ້າງເຖິງຂໍ້ຄວາມຈາກ kharm ຂຽນວ່າ... ແມ່ນຄວາມຈິງຫວານີ້ ແມ່ນແລ້ວ ຂອບໃຈຫຼາຍ ຂ່ອຍເຫ້ນບາງກະທູ້ພິມວ່າພະແກ້ວມໍລະກົດມາຢູ່ເມືອງໄທສະໄໝເຈົ້າອະນຸວົງ ແມນມັນບ່ຖືກຕ້ອງ ຂອບໃຈທີ່ອ້າຍຊອຍຊີ້ແນະຄວມຖືກຕ້ອງ
PHAS0UK ໗໓໙ ກະທູ້ ໙໔໕໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ເຈົ້າຂອງກະທູ້ໃສ່ລິ້ງທີ່ມາຂອງເລື່ອງນີ້ນຳ ເຂົາຈິ່ງບໍ່ເວົ້າໃຫ້ ອິອິອິ ແລ້ວ ເຮົາຢາກຮູ້ຄວາມສັກສິດຂອງພະແກ້ວມໍລະກົດກະລຸນາບອກແນ່ໄດ້ບໍ່? :
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ PHAS0UK ຂຽນວ່າ... ເຈົ້າຂອງກະທູ້ໃສ່ລິ້ງທີ່ມາຂອງເລື່ອງນີ້ນຳ ເຂົາຈິ່ງບໍ່ເວົ້າໃຫ້ ອິອິອິ ແລ້ວ ເຮົາຢາກຮູ້ຄວາມສັກສິດຂອງພະແກ້ວມໍລະກົດກະລຸນາບອກແນ່ໄດ້ບໍ່? : http://pasaxon.org.la/articles/15-10-10/1.htm
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ napa ຂຽນວ່າ... ອ້າງເຖິງຂໍ້ຄວາມຈາກ thanouphet ຂຽນວ່າ... ອ້າງເຖິງຂໍ້ຄວາມຈາກ kharm ຂຽນວ່າ... ແມ່ນຄວາມຈິງຫວານີ້ ແມ່ນແລ້ວ ຂອບໃຈຫຼາຍ ຂ່ອຍເຫ້ນບາງກະທູ້ພິມວ່າພະແກ້ວມໍລະກົດມາຢູ່ເມືອງໄທສະໄໝເຈົ້າອະນຸວົງ ແມນມັນບ່ຖືກຕ້ອງ ຂອບໃຈທີ່ອ້າຍຊອຍຊີ້ແນະຄວມຖືກຕ້ອງ ແມ່ນແລ້ວໄທມັນຂຽນບໍ່ລາວ ຂຽນປະຫວັດສາດຕ່າງກັນ...
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ...
Alars ໕ ກະທູ້ ໕໒໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ປະຫວັດຍາວຫລາຍ ແຕ່ຂ້ອຍກະອ່ານຈົນຈົບ ຮູ້ໄວ້ກະໄດ້ຄວາມຮູ້ //////////////// liverpool you"ll never walk alone
໒໕ ກະທູ້ ໒໘໘໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ພະອາຈານ ທະນູເພັດ ມາເປີດຄອສ ອົບຮົມດ້ານປະຫວັດສາດເລີຍດີບໍ່ ຈະໄປເປັນນັກຮຽນຄົນທຳອິດ ຮູ້ສຶກວ່າອ່ານຍາວຫຼາຍຈົນເມື່ອຍ ແຕ່ກະອ່ານຈົນຈົບ I believe in the IMPOSSIBLE
thanouphet ໑໔ ກະທູ້ ໒໙໘ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ peckii ຂຽນວ່າ... ພະອາຈານ ທະນູເພັດ ມາເປີດຄອສ ອົບຮົມດ້ານປະຫວັດສາດເລີຍດີບໍ່ ຈະໄປເປັນນັກຮຽນຄົນທຳອິດ ຮູ້ສຶກວ່າອ່ານຍາວຫຼາຍຈົນເມື່ອຍ ແຕ່ກະອ່ານຈົນຈົບ ຖ້າຈະຮຽນກະສິສອນໃຫ້
໒໕ ກະທູ້ ໒໘໘໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ເປັນພະມະຫາກະລຸນາທິຄຸນ I believe in the IMPOSSIBLE
bandithkonsayabouly ໒ ກະທູ້ ໔໒໑ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ມາອ່ານເບິ່ງຈື່ໆ .......................................................................... ..........................................................................
Alars ໕ ກະທູ້ ໕໒໐ ໂພສ ຊຳນານການເວັບບອດ	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ peckii ຂຽນວ່າ... ເປັນພະມະຫາກະລຸນາທິຄຸນ ເປັນພະມະຫາກະລຸນາທິຄຸນຢ່າງສູງ liverpool you"ll never walk alone
khavy ໓໑ ກະທູ້ ໑໘໘ ໂພສ ນັກການກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຖ້າບໍ່ ເອົາ ມາ ສົ່ງ.......
bell ໔໔ ກະທູ້ ໓໖໘໘ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອັນນີ້ຈາກທັສນະຄຕິຂອງຂ້ອຍເດີ້.. ຂ້ອຍວ່າກາຣທີ່ເຮົາຢາກຈະບູຊາພຣະໃຫ້ສັກສິທນັ້ນ.. ບໍ່ແມ່ນຍໍມືນົບໄຫວ້.. ແຕ່ຕ້ອງໃຫ້ຫົວໃຈນົບໄຫວ້ນຳ.. ເຖິງຈະມີພຣະທີ່ສັກສິທພຽງໃດຖ້າຫົວໃຈບໍ່ໄຫວ້ແລ້ວ ກໍໄຮ້ຄ່າ.. ເຊັ່ນບ້ານຂະເຈົ້າ ທີ່ມີພຣະແກ້ວໄວ້ຄອບຄອງ.. ກະບໍ່ເຫັນຈະຮຸ່ງເຮືອງເຫຼືອງເຫຼື້ອມພໍປານໃດ.. ບໍ່ແມ່ນຂ້ອຍວ່າ ພຣະແກ້ວບໍ່ສັກສິທ.. ແຕ່ໃຈຄົນນັ້ນ ກາບໄຫວ້ເພິ່ນແທ້ຯຫຼືຍັງ? TukSIN ຫາກິນງ່າຍເນາະ ຜູ້ປະສົງອອກນາມ ແຕ່ບໍ່ປະສົງອອກເງິນ..
໒໕ ກະທູ້ ໒໘໘໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ອ້າງເຖິງຂໍ້ຄວາມຈາກ Alars ຂຽນວ່າ... ອ້າງເຖິງຂໍ້ຄວາມຈາກ peckii ຂຽນວ່າ... ເປັນພະມະຫາກະລຸນາທິຄຸນ ເປັນພະມະຫາກະລຸນາທິຄຸນຢ່າງສູງ ສ່ຽວກະຊິມາຮຽນນຳສ່ຽວຫວາ I believe in the IMPOSSIBLE
zuzuki ໕໕ ກະທູ້ ໔໓໕໒ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ຖ້າເຂົ້າໃຈທີ່ມາທີ່ໄປ ເຮົາຈະບໍ່ວ່າພຣະແກ້ວມໍລະກົດເປັນຂອງລາວພຽງຄົນດຽວ ແຕ່ເປັນຂອງນາໆຊາດ ສະເດັດໄປສະເດັດມາ ນັກສຶກສາ ປັນຍາຊົນ ຄົນແຫ່ງສະຕະວັດທີ 21 ເຫັນແກ່ຕົວສຸດໆໆໆໆໆໆໆໆໆໆໆໆໆໆໆໆໆໆໆໆ
Joehunt ໗໕ ກະທູ້ ໒໐໘໙ ໂພສ ສຸດຍອດແຫ່ງເຈົ້າກະທູ້	ຂຽນເມື່ອ ຫລາຍກວ່າ 13 ປີ ກ່ອນໜ້ານີ້ ............ເຂົ້າໃຈແລ້ວລະ ເຄີຍຄຶດວ່າ ພຣະແກ້ວມໍລະກົດແມ່ນລາວເປັນຜູ້ສ້າງມາຕະຫລອດ ຖ້າເວົ້າກັນຕາມການແທ້ໆ ແມ່ນຂອງພະມ້າ ເພາະວ່າ (( ພະເຈົ້າຂັດຕິຍະສີຣາມະວົງ ແຫ່ງສີລັງກາໄດ້ມອບ ພະແກ້ວມໍຣະກົດ ໃຫ້ແກ່ເຈົ້າແຜ່ນດິນພະມ້າ)) ຕາມຫາທີມເວີກເປົ້າໝາຍດຽວກັນເພື່ອເປັນມະຫາເສດຖີນຳກັນ

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.