ຂໍແກ້ຂ່າວແດ່ເດີ້

ຂ້າພະເຈົ້າເປັນພະນັກງານຜູ້ໜຶ່ງທີ່ເຮັດວຽກຢູ່ບໍລິສັດ ພີວີອອຍລາວ ຈຳກັດ, ກ່ອນອື່ນໝົດກໍ່ຕ້ອງຂໍຂອບໃຈທ່ານລູກຄ້າທຸກທ່ານທີ່ໃຊ້ບໍລິການປ້ຳນ້ຳມັນເຊື້ອໄຟໃນເຄືອຂ່າຍຂອງພວກເຮົາແລະຂໍໂທດຫຼາຍໆທີ່ການບໍລິການຂອງທາງປ້ຳພວກເຮົາຍັງມີຄວາມບົກພ່ອງ, ພວກເຮົາຂໍນ້ອມຮັບຄຳຕິຊົມຕ່າງໆຂອງທຸກທ່ານເພື່ອນຳມາປັບປຸງລະບົບຂອງພວກເຮົາໃຫ້ດີຂື້ນກວ່າເກົ່າ.

ກ່ອນອື່ນໝົດ ອີງຕາມໂປຣໂມຊັ່ນຂອງພວກເຮົາ ເມື່ອທ່ານເຕີ່ມນ້ຳມັນກັບປ້ຳພີວີອອຍຄົບໜື່ງແສນກີບ, ທ່ານຈະໄດ້ຮັບຄູປອງສະສົມຄະແນນໜຶ່ງໃບ ສະສົມຄູປອງຄົບສອງໃບຈຶ່ງຈະແລກບັດຊິງໂຊກໄດ້ ເວົ້າງ່າຍໆກໍ່ຄື ເຕີ່ມນ້ຳມັນຄົບສອງແສນກີບຈຶ່ງຈະໄດ້ບັດຊິງໂຊກໜຶ່ງໃບ, ໃນກໍລະນີທີ່ພະນັກງານເຕີ່ມນ້ຳມັນບໍ່ເອົາຄູປອງ, ຫຼືບັດຊິງໂຊກໃຫ້ລູກຄ້າ, ລູກຄ້າສາມາດແຈ້ງທາງເຈົ້າຂອງປ້ຳໂດຍກົງໄດ້ເລຍ, ເພາະຫາກໂທມາແຈ້ງກັບທາງບໍລິສັດ ອາດໄຊ້ເວລາດົນໃນການຕິດຕໍ່ຫຼາຍຂັ້ນຕອນ.

ໂປຼໂມຊັ່ນຍັງບໍ່ໝົດເຂດເດີ້ ຈັບລາງວັນແຈກລົດຈັກ Kolao Classic ອີກ 5 ລາງວັນ ວັນທີ 31 ສິງຫາ ນີ້
ສ່ວນລາງວັນໃຫຍ່ແມ່ນທ້າຍປີແຈກລົກໃຫຍ່ Hyundai Accent 1 ລາງວັນ ແລະ Honda Wave 100s ຈຳນວນ 5 ລາງວັນ ໃນວັນທີ 01 ທັນວາ 2012

ການຈັບລາງວັນຂອງພວກເຮົາແມ່ນເຮັດຢ່າງໂປ່ງໃສທີ່ສຸດເດີ້ ມີການເຊີນນັກຂ່າວຈາກຂະແໜງການໂຄສະນາ ແລະ ໜັງສືພິມ ລວມຖຶງນັກຂ່າວໂທລະພາບເຂົ້າຮ່ວມເປັນພະຍານໃນການຈັບລາງວັນ. ຫາວ່າມີລູກຄ້າທ່ານໄດສົນໃຈຢາກເຂົ້າຮ່ວມເປັນພະຍານທາງເຮົາກໍ່ຍິນດີ ສ່ວນສະຖານທີ່ຈັບລາງວັນໃຫ້ຕິດຕໍ່ກັບພະນັກງານກ່ຽວຂ້ອງໂລດເດີ້ (ໂທ 021 214142)

ດ້ວຍຄວາມນັບຖື

ປະລິມານນ້ຳມັນອາດເກິດການຢືດຫົດໃນຊ່ວງເວລາທີ່ທ່ານເຕີ່ມນ້ຳມັນ, ເພາະຫາກວ່າອຸຫະພູມໃນຂະນະນັ້ນສູງ ນ້ຳມັນຈະຢືດຕົວຫາກອຸຫະພູມຕ່ຳນ້ຳມັນຈະຫົດຕົວ. ຢ່າງໃດກໍ່ດີ ຂ້າພະເຈົ້າຈະນຳຄຳຖາມນີ້ລອງໄປຖາມນາຍຊ່າງຜູ້ກ່ຽວຂ້ອງອີກເທື່ອໜຶ່ງເພື່ອຄວາມແນ່ໃຈ