ກະທູ້ມາໃໝ່ | ຫມວດ | ອື່ນ ໆ » ການທ່ອງທ່ຽວ, ພັກຜ... |
ເວັບບອດພັນລາວ
ເວັບບອດພັນລາວ ເປັນກະດານສົນທະນາສຳລັບສະມາຊິກພັນລາວທຸກທ່ານ ທ່ານສາມາດຕັ້ງກະທູ້ເພື່ອສອບຖາມ ສະແດງ ແລະຂໍຄຳເຫັນຈະສະມາຊິກຄົນອື່ນ ໆ ຕະຫຼອດຈົນເຖິງການສົນທະນາທົ່ວ ໆ ໄປໄດ້ໃນເວັບບອດແຫ່ງນີ້. ຫາກຕ້ອງການແຈ້ງກະທູ້ຜິດກົດລະບຽບ ໃຫ້ໂພສໄດ້ທີ່ http://punlao.com/webboard/topic/3/index/288147/
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ຂ້ອຍຈື່ເລື່ອງບໍ່ໄດ້ໝົດ ຂໍອະໄພເດີ ຂ້ອຍຈື່ໄດ້ວ່າ: ມີຄູ່ບ່າວສາວໜຶ່ງທີ່ຮັກກັນຫຼາຍ ແຕ່ມີຄົນກີດກັ້ນ ເຮັດໃຫ້ຄວາມຮັກເຂົາເຈົ້າບໍ່ສົມຫວັງ ເມື່ອຕາຍເຂົາເຈົ້າຈິ່ງຫັນໜ້າໃສ່ກັນຈົນເຖິງທຸກມື້ນີ້ ຖ້ຳຜາທ້າວແມ່ນຝ່າຍຊາຍ ແລະ ຖ້ຳຜານາງແມ່ນຝ່າຍຍິງ - ໃນເລື່ອງເລົ່າປະຫວັດສາດ ທີ່ມາຂອງຊື່ຖ້ຳແມ່ໝ້າຍ ແມ່ນຍ້ອນໃນສະໄໝແຕ່ກ່ອນກີ້ ແມ່ໝ້າຍທີ່ຜົວຕາຍປະ ໄດ້ໄປດຳລົງຊີວິດຢູ່ໃນນັ້ນ ເຂົາຈິ່ງເອີ້ນວ່າ: ຖ້ຳແມ່ໝ້າຍ ( ເຊິ່ງແມ່ນຖ້ຳດຽວກັນ ກັບຖ້ຳຜາທ້າວ). - ຕຳນານເລື່ອງເລົ່າໜຶ່ງອີກຂອງຖ້ຳຜານາງມ້ອນ ( ຂໍອະໄພຂ້ອຍຈື່ບໍ່ໄດ້ດີ), ໃນຖ້ຳນັ້ນຈະມີຮູບຫີນທີ່ຄ້າຍຄືສາວງາມທີ່ນອນຢູ່ໃນຖ້ຳ ເຊິ່ງເຂົາເຈົ້າເອີ້ນວ່ານາງມ້ອນ ( ບໍ່ແນ່ໃຈວ່ານາງມ້ອນຜິດຫວັງຈາກຄວາມຮັກແລ້ວມາຢູ່ໃນຖ້ຳນີ້ບໍ? ໃຜຮູ້ມາເລົ່າສູ່ກັນຟັງແນ່ເດີ ອິອິ) - ຕຳນານເລື່ອງເລົ່າທີ່ຖ້ຳແມ່ໝ້າຍອີກເລື່ອງໜຶ່ງແມ່ນ: ແຕ່ກີ້ແຕ່ກ່ອນ ມີ 2 ອ້າຍນ້ອງໄປຕຶກເບັດທີ່ໜອງນ້ຳໃກ້ຜາຖ້ຳແມ່ໝ້າຍ, ມື້ນັ້ນໄດ້ປາຫຼາຍໆ, ແຕ່ບັງເອີນຊາມປາໄດ້ໄຫຼລົງໄປກາງໜອງເລື້ອຍໆ, ຜູ້ເປັນອ້າຍໄດ້ໂຕນລົງໜອງລອຍໄປເອົາຊາມປາ, ແຕ່ປະກົດວ່າ: ຊາມປາຍິ່ງໄຫຼໄວເລື້ອຍໆຈົນຮອດກາງໜອງ, ຜູ້ເປັນອ້າຍກໍ່ລອຍໄປຮອດຊາມປາພໍດີ ແລ້ວຈົມດິກນ້ຳໄປກັບຊາມປາເລີຍ, ຍັງແຕ່ຜູ້ເປັນນ້ອງຊາຍ ເມື່ອເຫັນວ່າເຫດການເປັນດັ່ງນັ້ນ ຈິ່ງບໍ່ກ້າກັບບ້ານ ຍ້ອນຢ້ານພໍ່ແມ່ຮ້າຍ, ຜູ້ເປັນນ້ອງຊາຍຈິ່ງນັ່ງຮ້ອງໄຫ້ຢູ່ຄີມໜອງ, ຂະນະນັ້ນ ໄດ້ມີປາໄນຄຳງາມໆລອຍມາໃສ່ຕໍ່ໜ້າລາວ, ລາວໄດ້ຖິ້ມເບັດໄປໃສ່ປາໄນຄຳໂຕນັ້ນ, ປາໄນຄຳໄດ້ຕອດເບັດລາວ, ລາວໄດ້ດຶງເບັດຂຶ້ນມາ, ປະກົດວ່າ: ປາໄນຄຳໄດ້ກາຍເປັນສາວຮູບງາມ, ສາວຄົນນີ້ໄດ້ລົມຮັກມັກກັບຊາຍຜູ້ນີ້, ເຊິ່ງຍິງຄົນນີ້ຢາກແຕ່ງງານກັບຊາຍຜູ້ນີ້, ແຕ່ຊາຍຄົນນີ້ຕອບວ່າຂ້ອຍຍັງນ້ອຍບໍ່ຢາກແຕ່ງງານເທື່ອ ຖ້າຂ້ອຍອີກ 3 ປີໄດ້ບໍ? ຍິງຄົນນັ້ນຕອບວ່າໄດ້, ຫຼັງຈາກລໍຖ້າກັນ 3 ປີ ເຂົາເຈົ້າກໍ່ແຕ່ງງານກັນ ແລ້ວໄປດຳລັງຊີວິດຢູ່ນຳກັນທີ່ຖ້ຳແມ່ໝ້າຍ, ຍິງຜູ້ນັ້ນໄດ້ເກີດແມ່ແຜ່ລູກອອກຢ່າງຫຼວງຫຼາຍ ເຊິ່ງລູກຂອງລາວເປັນເຄິ່ງຄົນ ເຄິ່ງເງືອກ. ຄອບຄົວເຂົາເຈົ້າອຸດົມສົມບຸນຮັ່ງມີ, ຫຼັງຈາກພໍ່ແມ່ຕາຍໄປແລ້ວ ຮ່າງກາຍຂອງເຂົາໄດ້ກາຍເປັນຄຳ, ເຊິ່ງລູກຫຼານເຂົາເຈົ້າໄດ້ກາຍເປັນເງືອກເຝົ້າຄຳຢູ່ທີ່ນັ້ນ ເຊິ່ງບໍ່ມີໃຜເອົາຄຳນັ້ນໄດ້. ( ຈົບ ) :) |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ຈັກຢູ່ໃສ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ເປັນນິທານ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ສ້າງ ເປັນໜັງເລີຍ ແບບນີ້ ມ່ວນໆໆໆ
ສຸລາ ບໍ່ໄດ້ເຮັດໃຫ້ໃຜເປັນວິລະບູຣຸດ ແຕ່ວ່າ ວິລະບູຣຸດກໍ່ຂາດສຸຣາບໍ່ໄດ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ keng652 ຂຽນວ່າ... ສ້າງ ເປັນໜັງເລີຍ ແບບນີ້ ມ່ວນໆໆໆຖ້າຂ້ອຍໄດ້ສ້າງ ຢາກໄປສ້າງຢູ່ບ່ອນນັ້ນລະ ວິວ ງາມ ແຕ່ວ່າຝັນເອົາຊື່ໆ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 12 ປີ ກ່ອນໜ້ານີ້
ຄັ້ງໜຶ່ງທີ່ວຽງໄຊແຫ່ງນີ້ ( ຕອນຂ້ອຍຍັງນ້ອຍ ) :D ຟ້າຄື້ມ ຟ້າມືດ ຟ້າລົມແຮງ ຝົນຕົກໜັກ ຍາມກາງຄືນ ຈົນຫຼັງຄາເຮືອນຊາວບ້ານບາງຫຼັງ ປິວຕົກໜອງວັງນ້ຳ ສຽງດັງຄຶກຄະນອງ ຮຸ່ງເຊົ້າມາໄດ້ຍິນສຽງຊາວບ້ານປະກາດຮ້ອງຢ່າງແຕກຕື່ນວ່າ: ມີຫຼຸມໃຫຍ່ ເລິກ ທີ່ຕໍ່ໜ້າຖ້ຳແມ່ໝ້າຍ ຈັກແມ່ນຫຼຸມຫຍັງ ໄທບ້ານໄທເມືອງພາກັນແຫ່ແຫນໄປເບິ່ງຢ່າງຫຼວງຫຼາຍ ( ຕອນນັ້ນຂ້ອຍຍັງນ້ອຍພໍຈື່ຄວາມໄດ້ ຂ້ອຍກໍ່ໄປເບິ່ງ ແລະ ໄດ້ເຫັນຮູນັ້ນນຳເຂົາ ) ລັກສະນະຂອງຮູ ເປັນວົງມົນລົງເລິກ ຝາຮູຄືຮອຍຊວ້ານ ( ໄທບ້ານເວົ້າວ່າ ຮອຍເກັດເງືອກ ) ເຂົາເຈົ້າເອົາເຊືອກຟາງມັດໃສ່ໝາກຫີນຢ່ອນລົງ ປະກົດວ່າເລິກຫຼາຍ - ຕາມຫຼັກເກນທາງວິທະຍາສາດຄືຊິແມ່ນດິນຫຼຸບຍຸບລົງ ແຕ່ບໍ່ເຊື່ອກໍ່ເປັນຕາຢ້ານໃດ ໃນປັດຈຸບັນນີ້ ຫຼຸມນັ້ນກໍ່ຍັງເ້ປັນຫຼຸມຢູ່ຄືເກົ່າ ແລະ ບ່ອນເກົ່ານັ້ນ ແຕ່ວ່າຖືກນ້ຳເຊາະດິນລົງໄປເລື້ອຍໆຈິ່ງມີດິນພູນຂຶ້ນເກືອບເຕັມປາກຮູຫຼຸມ ຈົບກ່ອນ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ຖ້ຳນັ້ນມີຄຳແທ້ຫວາ |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ Babywork ຂຽນວ່າ... ຖ້ຳນັ້ນມີຄຳແທ້ຫວາບໍ່ຮູ້ ງົມໆຄຳໆ ຄືຊິຄຳໄດ້ຢູ່ ຄຳຝາຖ້ຳ ເຂົ້າໃຈບໍ? |
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 12 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
ຂຸດນິທານມາອ່ານອີກຄັ້ງ ອິອິ |
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
ໃຜໄປແຂວງຫົວພັນຢ່າລືໍມໄປເບິ່ງເດີ |
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
|
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
ນິທານ ພື້ນບ້ານ ເຮົາ ຊຶ້ງຂະຫນາດ ເນາະ
ຄົນສະຫລາດສະແຫວງຫາຄຳສອນສັ່ງ ແຕ່ຄົນໂງ່ເປັນທາດ ຂອງຄວາມມັກຍ້ອງ
|
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
|