ມື້ນີ້ມີເວລາຫນ໋ອຍຫນຶ່ງເລີຍຢາກສວຍໂອກາດມາເວົ້າຫຍັງທີ່ສຳຄັນສູ່ກັນຟັງ.

ແຕ່ຕົ້ນປີນີ້ມາ ຢູ່ລາວເຮົາໄດ້ນຳກົດຫມາຍພາສີຣາຍໄດ້ໃຫມ່ມາໃຊ້ ທີ່ເອີ້ນກັນວ່າ ພາສີເມູນຄ່າເພີ່ມ VATໃນອັດຕາ ສີບເປິເຊັນ.
ໃນແຕ່ລະປະເທດ ອັດຕານີ້ແຕກຕ່າງກັນ ເຊັ່ນຢູ່ປະເທດໄທ ແມ່ນມີ ເຈັດເປິເຊັນ, ຢູ່ໂປແລນ ຊາວສອງເປິເຊັນ...
ຖືວ່າຢູ່ບ້ານເຮົາກະເອົາເຂດປານກາງ.໑໐%. ພາສີນີ້ ແມ່ນ ເກັບເອົາຈາກຜູ່ຊື້ສິນຄ້າ ຫຼື ຄ່າບໍຣິການຕ່າງໆທີ່ຜູ່ຂາຍ(ທີ່ເຂົ້າໃນຣະບົບຕ້ອງໄລ່ເພີ່ມໃສ່ກັບຣາຄາສິນຄ້າທີ່ວາງຂາຍ).
ໂຕຢ່າງງ່າຍໆ:
ຄົນໃຈດີພາຫມູ່ໄປຮ້ານເບັຍ,ສັ່ງເບັຍມາຫ້າຂວດໃນຣາຄາ ເນດ(netto) ແປດພັນຕໍ່ແກ້ວ ແຕ່ບາດໄປຈ່າຍພັດໄດ້ເສັຍຫຼາຍກວ່ານັ້ນ
ງົງ !!!
ມີຄວາມສົງສັຍ ຈຶ່ງໄດ້ຖາມເຈົ້າຂອງຮ້ານວ່າເປັນຫຍັງໄລ່ແບບນີ້ ແທນທີ່ຈະແມ່ນສີ່ສີບພັນ ກັບໄດ້ຈ່າຍ ເປັນ ສີ່ສີບສີ່ພັນ!(ສີ່ພັນນີ້ເປັນພາສີມູນລະຄ່າເພີ່ມຫຼືວ່າຣາຄາເຕັມ-brutto)

ນັ້ນລະຄືພາສີມູນູຄ່າເພີ້ມ ທີ່ຜູ່ບໍຣິໂພກ ຫຼືຜູ່ໃຊ້ຕ້ອງໄດ້ຈ່າຍ.(ເປັນຜູ່ຮັບບາບ!)
ພາສີແນວນີ້ແມ່ນ ທັງສີບເປິເຊັນຕ້ອງເຂົ້າຄັງຂອງປະເທດ.
ໃນການນຳສິນຄ້າເຂົ້າປະເທດ ກະເຊັ່ນກັນກ່ອນທີ່ສິນຄ້າຈະໄດ້ອອກຈາກສາງຂອງກົມພາສີອາກອນ ພໍ່ຄ້ານຳເຂົ້າຕ້ອງໄດ້ເສັຍພາສີມູນຄ່າເພີ້ມນີ້ກ່ອນບໍ່ດັ່ງນັ້ນສິນຄ້າຕ້ອງຕົກຢູ່ໃນສາງຂອງກົມພາສີອາກອນ.

ກົມພາສີເກັບຄ່າພາສີມູນລະຄ່າເພີ້ມມນີ້ ຈາກ ໃບບິນຮັບຊື້ສິນຄ້າຂອງພໍ່ຄ້າ ບວກຄ່າຂົນສົ່ງແລະຄ່າປະກັນໄພເຂົ້າກັນແລ້ວ ມາໄລ່ສີບເປິເຊັນໃສ່ ບວກລົບຄູນຫານກັນຈັ່ງໃດອອກມາຈັ່ງຊັ້ນພໍ່ຄ້າກະຕ້ອງຈຳເປັນເສັຍເອົາເງິນນັ້ນເຂົ້າຄັງໄປກ່ອນ.

ແລະອີກຢ່າງສິນຄ້ານຳເຂົ້າ ກະຕ້ອງໄລ່ອັດຕາແລກປ່ຽນທີ່ທາງກົມພາສີມີໄວ້(ລາງເທື່ອອາຈບໍ່ກົງກັນກັບໃນຕະຫຼາດ(ຫນອງດ້ວງຫຼືຕະຫຼາດເຊົ້າ!)
ຫາກໃຜມີຫຍັງຢາກຖາມ ຫາກວ່າພໍຊິຕອບໄດ້ກະຍິນດີຕອບໃຫ້ ແຕ່ຫາກມີຫຍັງບໍ່ຮູ້ກະຢ້ານວ່າບໍ່ຕອບແຫຼະ!!

ອ້າຍເທົາ..

ເລື່ອງນີ້ເຄີຍຮຽນໃນວິຊາບັນຊີ..ຕອນຢູ່ປີສອງ..
ຂະເຈົ້າວ່າ..VAT..ມີຄວາມໂປ່ງໃສຫຼາຍກວ່າແບບເກົ່າ..
ເຮົາເລີຍງົງວ່າ..ມັນໂປ່ງໃສແທ້ບໍ່..??

ອ້າຍເອງໄດ້ງິນພຽງວ່າຢູ່ບ້ານເຮົານຳມາໃຊ້ກັນ ຫຼັກການໃຫຍ່ໆນັ້ນທັງລາຍລະອຽດຕ່າງໆຍັງບໍ່ໄດ້ເຫັນກັນ.
ຮູ້ພຽງວ່າ ເກັບກັນສີບເປິເຊັນ:ສິນຄ້ານຳເຂົ້າ ສ່ວມນຳອອກ ແມ່ນສູນເປິເຊັນ.
ສົມຄວນວ່າຕ້ອງໂປ່ງໃສກວ່າຄາວປະເທດໄທນຳມາໃຊ້ຊາວປີກ່ອນນັ້ນ.
ຫຼັກການຂອງມັນກະອາຈໂປ່ງໃສ ແຕ່ມັນກະມີຊ່ອງຫວ່າງຂອງມັນແອບແຝງຢູ່ ບໍ່ຮູ້ວ່າທາງຜູ່ຮູ້ທັງຫຼາຍໃນບ້ານເຮົາກ່ຽວກັບບັນຫານີ້ເພິ່ນພາກັນວິຈັຍແລະແກ້ໄຂກັນແບບໃດນັ້ນຍາກທີ່ຈະໄປຮູ້ນຳ.
ທາງສຖານທູດລາວວ່າຈະສົ່ງເອກສານກ່ຽວຂ້ອງມາໃຫ້ກະມິດຊ້ອຍມ້ອຍ.
ແລ້ວຕາມທີ່ນ້ອງສຶກສາມາ ມັນສົມຄວນເປັນໄປໃນຮູບໃດຢູ່ບ້ານເຮົາ.
ກະທູ້ນີ້ສ້າງຂື້ນຫວັງທີ່ຈະມາອອກຄວາມຄິດຄວາມເຫັນນຳກັນແບບອ້າຍຮູ້ຫນຶ່ງນ້ອງຮູ້ສອງເພື່ອວ່າຈະບໍ່
ໃຫ້ມັນກະທົບກັບການຮັບຮູ້ຂອງຊາວລາວແຮງໂພດສຳຫຼັບຜູ່ບໍຣະໂພກແລະຜູ່ໃຊ້ທັງຫຼາຍນັ້ນ.
ເພາະຈັ່ງໃດກົດຫມາຍນີ້ມັນກະຄວບງຳໄປຫມົດທຸກຄົນ.
ຢ້ານແນວດຽວວ່າພວກສວຍໂອກາດທັງຫຼາຍຈະພາກັນກິນຫົວເຮົາຫັ້ນດອກ.

ຕາມທີ່ເບິ່ງໂຄສະນາ
ອາກອນມູນຄ່າເພີ່ມຈະເປັນລາຍຮັບແຫ່ງໃໝ່ໃຫ້ຄັງເງິນແຫ່ງຊາດ
ໂດຍຈະເກັບຈາກຫົວໜ່ວຍທຸລະກິດແລະການບໍລິການຕ່າງຕ່າງ ໃນອັດຕາ 10ເປີເຊັນ

ລາຍໄດ້ດັ່ງກ່າວຈະນຳໄປພັດທະນາປະເທດຊາດ ເຮັດໃຫ້ຄັງເງິນແຫ່ງຊາດມີຄວາມເຂັ້ມແຂງໃນລະດັບປະເທດກໍຄືລະດັບພາກພື້ນ
ເລີ່ມນຳໃຊ້ມາຕັ້ງແຕ່ ວັນທີ 1ມັງກອນ 2010 ເປັນຕົ້ນມາ

ຫົວໜ່ວຍທຸລະກິດທີ່ຈະເຂົ້າໃນການເສຍອາກອນມູນຄ່າເພີ່ມແມ່ນຫົວໜ່ວຍເສດຖະກິດທີ່ມີລາຍໄດ້ບໍ່ຕ່ຳກວ່າ ສີຮ້ອຍລ້ານກີບຕໍ່ປີ
ແລະຫລາຍໆເງື່ອນໄຂ....

ເມື່ອເປັນແນວນັ້ນ ພວກເຮົາອາດຈະໄດ້ຊື້ສິນຄ້າ ອຸປະໂພກບໍລິໂພກ ລວມເຖິງການບໍລິການຕ່າງໆ ໃນມູນຄ່າທີ່ສູງຂຶ້ນ

ປຊຊ ສິໄດ້ຈ່າຍຫນັກຂຶ້ນຕວ່ານິ?

ຊ່ອຍກັນໄປຫັ້ນລະ

ແມ່ນລະທ້າວທອງໃສ,
ເປັນການເກັບພາສີລາຍໄດ້ທີ່ປະເທດອື່ນເຂົາເກັບກັນມາແຕ່ດົນ ເຊັ່ນຢູ່ໄທກະປະມານຊາວກວ່າປີຜ່ານມາ.
ເປັນລາຍໄດ້ເຂົ້າຄັງໂດຍສະເພາະ ຈະເອົາໄປສ້າງສາປະເທດຊາດກະດີແລະກະສົມຄວນເປັນໄປໃນຮູບແບບນັ້ນ.
ສຳຫຼັບກົດເກັນໃນຍຸກເຣີ້ມຕົ້ນນີ້ ບົ່ງໄວ້ວ່າຢ່າງນ້ອຍຕ້ອງມີລາຍຮັບສີ່ຮ້ອຍລ້ານນໍ ແຕ່ຫາກວ່າຜູ່ໃດບໍຣິສັດໃດທີ່ມີລາຍຮັບນ້ອຍກວ່ານັ້ນຢາກຈະເຂົ້າໃຊ້ກະໄດ້ຄືກັນແຕ່ຕ້ອງແຈ້ງໃຫ້ອົງການທີ່ກ່ຽວຂ້ອງໄດ້ຮູ້ນຳ.
ແມ່ນແລ້ວສິນຄ້າທຸກຢ່າງທັງຄ່າບໍຣິການຕ່າງໆກໍຈະເພິ່ມຂື້ນ ສີບເປິເຊັນ ແຕ່ສຳຫຼັບສິນຄ້າຕ່າງໆນັ້ນມັນກະອາຈເພິ່ມຂື້ນເປັນຫຼາຍຕໍ່ຖ້າຫາກວ່າມັນໄດ້ຜ່ານມືພໍ່ຄ້າຫຼາຍຮວດຫຼາຍຕໍ່ ເພາະຜູ່ໃດກະຄິດໄລ່ລາຍໄດ້ຂອງໂຕເອງເພິ່ມເຂົ້າໃສ່ແລ້ວຈຶ່ງໄລ່ສີບເປິເຊັນເຂົ້າຕື່ມ.
ຜູ່ຊື້ ຫຼືຜູ່ບໍຣິໂພກ(ຜູ້ໃຊ້)ນີ້ຈະເປັນຕ້ອງໄດ້ຈ່າຍຕະຫຼອດ.

ເຫດສຳຄັນຫນຶ່ງທີ່ຢາກໃຫ້ທຸກຄົນແນມເຫັນກະຄືຄວາມບໍ່ກ່ຳເກິ່ງກັນຣະຫວ່າງພໍ່ຄ້າທີ່ ມີພາສີມູນລະຄ່າເພິ່ມກັບພໍ່ຄ້າຜູ່ບໍ່ເຂົ້າໃນຣະບົບ.
ໃນກໍຣະນີນີ້ ຖ້າຫາກວ່າພໍ່ຄ້າທັງສອງຂາຍສິນຄ້າສະນິດດຽວກັນຜູ່ຫນຶ່ງມີພາສີມູນຄ່າເພິ່ມແຕ່ອີກຜູ່ຫນຶ່ງບໍ່ມີມັນກໍຈະກາຍເປັນການແຂ່ງຂັນ
ຍາດລູກຄ້າກັນປະມານສິບເປິເຊັນຂອງຣາຄາທີ່ແຕກຕ່າງກັນ.

ຜູ່ຊື້,ຜູ່ໃຊ້ທັງຫຼາຍກະຢາກຊື້ຂອງສິນຄ້າໃນຣາຄາຖືກຕາມສັນຊາດຍານ ບໍ່ຄິດດອກວ່າເງິນທີ່ຕົນຈ່າຍເກິນສິບເປິເຊັນນັ້ນຈະເຂົ້າຄັງຫຼວງ ຫາກຍາມໃດໂຕເອງຍັງຂາດເຂີນຢູ່.
ບັດນີ້ມັນກໍຈະພາໃຫ້ພໍ່ຄ້າຜູ່ຫນຶ່ງບໍ່ພໍອົກພໍໃຈເພາະຈະບໍ່ໄດ້ຂາຍສິນຄ້າຂອງຕົນ.

ໃນແວດວົງນີ້ພໍ່ຄ້າຂາຍສົ່ງກະອາຈມີ``ເງື່ອນໄຂ``ຫຼືຫາສ່ອງທາງບໍ່ເປັນທັມນຳໄດ້ ບາງທີຂາຍໃຫ້ຜູ່ທີ່ບໍ່ມີ VAT ແບບບໍ່ໄລ່ ໑໐%ເຂົ້າໃນຣາຄາສິນຄ້າ ຍາມນັ້ນພໍ່ຄ້າຄົນນີ້ກໍສາມາດ ຫຼີ້ນ ເອົາປຽບຄູ່ແຂ່ງໄດ້ຢ່າງນ້ອຍກະ ສິບເປິເຊັນ!!
ຫາກວ່າພໍ່ຄ້າຂາຍສົ່ງນັ້ນຂາຍໃຫ້ທຸກຄົນສເມິກັນໂດຍຄິດໄລ່ VAT ເຂົ້າໃນຣາຄາຂາຍສົ່ງຂອງຕົນມັນກໍຈະດີ ແຕ່ ໃນຊີວີດມັນມີຫຼາຍສິ່ງຫຼາຍແນວທີ່ມັນຄວນຈະເປັນແຕ່ມັນກັບເສືອກໄປທາງອື່ນ.
ທັງຫມົດມັນກໍຈະຂື້ນນຳກົມກວດກາແລະເກັບກຳພາສີສນິດນີ້ວ່າມີມາຕຖານພຽງໃດ.

ຂຽນມາເພື່ອແບ່ງປັນປະສົບການສູ່ກັນບໍ່ແມ່ນເພື່ອວ່າມາຕິກັນແບບຢຽບຫຍາມແຕ່ຢ່າງໃດ.
ພຽງເພື່ອຢາກໃຫ້ແນມເຫັນເຫັດການທີ່ອາຈເກິດຂື້ນ ແຕ່ກະບໍ່ສເມິໄປດອກ,ມັນບໍ່ເກິດມີກໍເປັນໄດ້.

ຫຼືຜູ່ອື່ນນັ້ນວ່າຈັ່ງໃດ?

ບໍ່ຫນັກປານໃດດອກ ກ່ຽວເອີຍ ພຽງສິບເປິເຊັນ
ໃນບ້ານຂອງລູງ ແມ່ນ ໒໒%!
ສິນຄ້າບາງປະເພດກະຍົກເວັ້ນກະມີ ຫາກວ່າເປັນສິນຄ້າທີ່ທາງຣັຖບານຕ້ອງການສົ່ງເສີມ(ເພາະມີການຂາດແຄນໃນປະເທດ)
ເຊັ່ນຣົຖງໄຖນາບໍ່ຫຼືອຸປກອນໃນການກະເສດ ຫຼືໃນແວດວົງຂອງການສຶກສາ...
ຫຼືຢາປົວພະຍາດທີ່ຈຳເປັນເຊັ່ນ ວັກຊິນກັນໄຂ້ຫມູ!!!
ແລະຫຼາຍໆຢ່າງທີ່ຣັຖບານບົ່ງບອກຢ່າງຊັດເຊັນ.
ແຕ່ ເບັຍກັບຢາສູບທັງເຝິນີ້ຢ້ານວ່າບໍ່ຖືກຍົກເວັ້ນໃນທຸກກໍຣະນີແມ່ນວ່າໃຫ້ພວກນັກຮຽນກະຄາຣາດຽວກັນ!!!
ພາກັນຫາຕະຫຼາດມຶດ!!!

ທິດຝອຍນີ້ເປັນ ປຊຊ ແບບຢ່າງທີ່ດີ!!

ມາທົບທວນຄືນໃຫມ່ ແລ້ວມາຊ່ອຍອະທິບາຍສູ່ກັນຟັງແນ່ເດ.ໃຫ້ມັນເປັນບັນຫາທີ່ສຳຄັນປະເດັນຫນຶ່ງໃນພັນລາວ ເພາະວ່າບັນຫານີ້ມັນແຕະຕ້ອງໄປຫມົດທຸກຄົນແມ້ແຕ່ຜູ່ຍ່າຕາຍາຍຕະຫຼອດຮອດຄູບາຢູ່ໃນວັດ.
ກະທັ້ງເດັກນ້ອຍທີ່ຫາກໍມືນຕາມາເບິ່ງໂລກທີ່ປາສຈາກແພດໄພນາໆປະການໃນສຫມອງ.
ແຕ່ວ່າບໍVAT ນີ້ມັນກະບໍ່ໂຫດຮ້າຍປານໃດດອກ.ພຽງສິບເປິເຊັນ!
ແຕ່ຍາມຢາກຂີ່ຣົຖ ເອົາດີ ໗ ແລ້ວ ຕ້ອງເສັຍເພິ່ມເຂົ້າຣາຄາສິບເປິເຊັນກະຢາກເກົາຄາງກອດໆ!!
(ຜູ່ມີເງິນຊື້ແລ້ວຕື່ມອີກສິບເປິເຊັນມັນກະສ່ຳຂີ້ໄກ່ລ້ານີ້ແຫຼະນໍ!)

ດີຫລາຍ ເຖິງບໍ່ຮູ້ກ່ຽວກັບການຄ້າຂາຍ ກໍພໍຝັນພໍ້ເລັກນ້ອຍກັບຄຳວ່າ VAT

ການເກັບພາສີນີ້ເກັບກັນໃນຍາມຕື່ນຍາມໄປຊື້ຜັກໃນຕະຫຼາດຍາມພາສາວໄປແອ່ວ
ທຸກຍາມຂອງຊີວີດການເປັນຢູ່ຂອງທຸກຄົນ.
(ຢາກເວົ້າແບບກວນໆແນ່ຢ່າຖືຊາເດິ!)

ແມ້ແຕ່ຍາມທີ່ຍັງງົງໆຢູ່ແບບນີ້ກະ ຕົກຢູ່ໃນການຄວບຄຸມຂອງຣະບົບຢ່າງຫຼີກລ້ຽງຍາກ!!

ເປັນແບບນີ້ເອງ......

ສະບາຍດີ,
ເອົາຮູບແບບນີ້ມາກວນໃຈກັນແທ້ໆ.
ຄັນຊັ້ນຢູ່ຫວຽດບໍ່ມີພາສີນີ້ບໍ?

ໂອ້ໆໆໆໆໆ​ ຄິດວ່າລາຄາ ເບຍ 8000 ຈະມີ VAT ຢູ່ແລ້ວ 10% ຊັ້ນດອກ
ເພາະວ່າສ່ວນຫລາຍຮ້ານຄ້າ ຫລື ການບໍລິການຕ່າງໆນັ້ນ ເພິ່ນຈະ ມີລາຄາຕົ້ນທຶນ+ກຳໄລ ແລະ ພາສີນຳ ຈະບໍ່ຄ່ອຍເຫັນແຍກແບບເກັບພາສີມູນຄ່າເພີ່ມຈັກເທື່ອ
ນອກຈາກວ່າ ຈະເປັນພາສີນຳເຂົ້າ ທີ່ມັກຈະພົບເຫັນວ່າຈະຕ້ອງໄດ້ຈ່າຍເພີ່ມ...

ພາສີອັນນີ້ ພາກັນເກັບເພິ່ມຈາກລາຄາຕົ້ນທຶນ+ກຳໄລ
ຫາກວ່າ ຕົ້ນທືນຂອງເບັຍແມ່ນ 8໐໐໐k ບວກກຳໄລຂອງເຈົ້າຂອງຮ້ານມາແລ້ວຈຶ່ງມາໄລ່ຕື່ມໃສ່ ອີກ ສິບເປິເຊັນ.
A- (8000+ 500)+10%=9350 k brut.
ແຕ່ຖ້າຫາກວ່າ ຣາຄາມີ VATຢູ່ນຳແລ້ວກະຍັງໄດ້ເພິ່ມຄືເກົ່າ ເພາະຜູ່ຂາຍໄດ້ຕື່ມກຳຂອງຕົນໃຫມ່ເດ.
ໂຕຢ່າງ:8000 - 10% = 7200 k net
ບາດຂາຍກະໄດ້ຕື່ມ ກຳໄລເຂົ້າໃສ່ ໂຕຢ່າງຂ້າງລຸ່ມນີ້:
ເມື່ອຕື່ມກຳໄລຂອງຮ້ານເຂົ້າ :500 k
B- 500 +7200=7700+10%= 8470k ນີ້ກາຍເປັນຣາຄາ brut ທີ່ລູກຄ້າຕ້ອງຈ່າຍ.
ການຕື່ມກຳໄລນີ້ຕ້ອງຕື່ມໃສ່ ຣາຄາ ເນດແລ້ວຈື່ງບວກສິບເປິເຊັນເຂົ້າໃສ່.

ດັ່ງນີ້ແຫຼະຈຶ່ງວ່າສັບສົນສົມຄວນ ວ່າຕ້ອງຕັ້ງເຄົ້າກັນຈັ່ງໃດ.ເຫັນໄດ້ໃນຄວາມແຕກຕ່າງຂອງສອງຣາຄາ
ຄືກັນກັບທີ່ເວົ້າເອົາໄວ້ທາງເທິງນັ້ນ(ຣາຄາຂອງພໍ່ຄ້າຂາຍສົ່ງ).9350 - 8470= 880k
ຫາກວ່າສອງຮ້ານຕື່ມກຳໄລທໍ່ກັນ
ຄວາມແຕກຕ່າງຣະຫວ່າງ ອາ ກັບ ເບ ມີ 880k
ຮ້ານ ອາ ຂາຍ 9350 k===ເອົາ VAT 850
ຮ້ານເບ ຂາຍ 8470k k===ເອົາVAT 770
ຮ້ານເບອາຈຂາຍດັ່ງດຍວກັນກັບຮ້ານອາ ກະໄດ້ກຳໄລຫຼາຍແຕ່ກະຕ້ອງເອົາອັນຕາ ວັດເຂົ້າຄັງຫຼາຍຂື້ນ.ແທນທີ່ຈະ 770 ກະເປັນ ກະແມ່ນ 935 ຫຼາຍກວ່າຮ້ານອາອີກຊ້ຳ.ພັດໄດ້ກຳໄລແທນທີ່ຈະແມ່ນ 500 = 1215!
ດ້ວຍເຫດນີ້ລະຈຶ່ງວ່າ ພໍ່ຄ້າເຮົາເຂົາຫົວໃສສ່ຳໃດ!
ເວົ້າມາແລ້ວຢ້ານຫຼານຄົນບໍ່ເຂົ້າໃຈນຳ.
ກະຖາມມາເດິໃຜກະດາຍ.

ໄປຖາມອາຈານມາແລ້ວ..ເນີ້ທຸກຄົນ..
ຊຶ່ງຈະຂໍມາອະທິບາຍງ່າຍຯວ່າ..

ອາກອນມູນຄ່າເພີ່ມ (VAT) ນີ້..
ມັນມີິຂັ້ນຕອນຈາກ..

..ເລີ່ມທຳອິດລາວເຮົາຈະເຂົ້າໃນເຂດການຄ້າເສລີອາຊ່ຽນ..
ສິນຄ້າທຸກຢ່າງ(ທີ່ກຳນົດ)ຈະຖືກຍົກເວັ້ນພາສີເຫຼືອ 0%..
ຖ້າເປັນແບບນີ້ຈະເຮັດໃຫ້ເງິນທີ່ເຂົ້າລັດໜ້ອຍລົງ..
ເພາະຍົກເລີກພາສີແລ້ວເດະ..ເງິນທີ່ຈະໄປຊື້ Prado ເອີ້ຍ! ໄປພັດທະນາປະເທດກໍຈະໜ້ອຍລົງ..
ສະນັ້ນຈຶ່ງໄດ້ນຳໃຊ້ ອາກອນມູນຄ່າເພີ່ມນີ້..ມາເປັນໂຕເກັບພາສີແທນ..
ຈະອະທິບາຍວົງຈອນຂອງ VAT ແລະ ໄປປຽບທຽບກັບ ອາກອນຕົວເລກທຸລະກິດ (ອາກອນແບບເກົ່າ)

VAT..
ສົມມຸດວ່າຂ້ອຍນຳເຂົ້ານົມແລັກຕາຊອຍ..ແລ້ວຖືກຍົກເວັ້ນພາສີ 0% ທີ່ດ່ານ..
ສະແດງວ່າຂ້ອຍບໍ່ໄດ້ຈ່າຍພາສີອາກອນເລີຍແມ້ແຕ່ກີບດຽວ..
ຫຼັງຈາກນັ້ນຂ້ອຍມຂາຍໃນລາຄາກ່ອງລ່ະ 5000 ກີບ..
ເວລາທີ່ລູກຄ້າມາຊື້ກັບຂ້ອຍ..ຂ້ອຍຕ້ອງໄລ່ VAT 10% ໃສ່..
ສະນັ້ນລູກຄ້າຂອງຂ້ອຍຕ້ອງຈ່າຍໃນລາຄາ 5500 ກີບ..
ຫຼັງຈາກຊື້ແລ້ວລູກຄ້າຂ້ອຍໄດ້ເອົາໃບບິນ ແລະ ຂ້ອຍກໍຮັກສາໃບບິນໄວ້້..
ທ້າຍເດືອນມາ..ຂ້ອຍນຳເອົາໃບບິນໄປທີ່ກົມອາກອນ..
ແລະພໍທີ່ອາກອນເບິ່ງໃບບິນຂອງຂ້ອຍ..
ຂະເຈົ້າກໍໄດ້ເກັບເງິນຄ່າ VAT ຈາກຂ້ອຍເປັນຈຳນວນ 500 ກີບ..
ສະແດງວ່າເງິນທີ່ເຂົ້າລັດ..ແມ່ນເງິນຄ່າ VAT..ແລະຜູ້ຈ່າຍອາກອນທີ່ແທ້ຈິງແມ່ນລູກຄ້າ..

ອາກອນຕົວເລກທຸລະກິດ (ອາກອນແບບເກົ່າ)..
ສົມມຸດຂ້ອຍນຳເຂົ້ານົມແລັກຕາຊອຍ..ກ່ອງໜຶ່ງ..
ຊື້ມາແຕ່ໄທພໍມາໄລ່ເປັນເງິນລາວຕົກຢູ່ກ່ອງລ່ະ 5000 ກີບ..
ອາກອນທີ່ດ່ານໄດ້ເກັບອາກອນຕົວເລກທຸລະກິດຈາກຂ້ອຍແມ່ນ 10% ຕົກຢູ່ 500 ກີບ..
ຂ້ອຍກໍຈ່າຍເງິນຈຳນວນນັ້ນທັນທີຢູ່ທີ່ດ່ານ..
ແຕ່ພໍມາຂາຍ..ຂ້ອຍກໍຂາຍແລັກຕາຊອຍກ່ອງນັ້ນໃນລາຄາ 5500 ກີບ..
ສະແດງວ່າເງິນທີ່ເຂົ້າລັດ..ແມ່ນອາກອນຕົວເລກທຸລະກິດ..ແລະ ຜູ້ຈ່າຍອາກອນທີ່ແທ້ຈິງແມ່ນລູກຄ້າ..

ນີ້ຄືຄວາມແຕກຕ່າງ..ລະຫວ່າງ.. VAT ກັບ ອາກອນຕົວເລກທຸລະກິດ..
ແຕ່ໃນດ້ານຄວາມໂປ່ງໃສນັ້ນ..VAT ຈະໂປ່ງໃສກວ່າ..ເພາະໄລ່ອາກອນຈາກໃບບິນ..
ສ່ວນອາກອນຕົວເລກທຸລະກິດ ແມ່ນຈະໄລ່ຈາກສິນຄ້າຕົວຈິງ..
ຊຶ່ງສາມາດເວົ້າກັນໄດ້..ຈຶ່ງເປັນສາເຫດວ່າ..ພະນັກງານພາສີອາກອນ..
ທີ່ເງິນເດືອນບໍ່ຮອດສອງລ້ານກີບ..ແຕ່ສາມາດມີລົດ ແລະ ມີເຮືອນຫຼັງໃຫຍ່ໄດ້(ອ້າງອີິງຈາກຄຳເວົ້າອາຈານຂອງຂ້ອຍ)..
ສະນັ້ນການທີ່ເຮົາຂໍໃບບິນຈາກຜູ້ຂາຍ..ຕ້ອງຫັດໃຫ້ເປັນນິໄສ..
ເພາະມັນຄືຜົນປະໂຫຍດຂອງປະເທດຊາດ ກໍຄືຕົວເຮົາ..

ເບວໄປຖາມມາໄດ້ແຈ້ງດີ ຂໍຊົມເຊີຍ

ວ່າແຕ່ ຊື້ແລັກຕາຊອຍກ່ອງດຽວ ຊິໃຫ້ຂໍບິນນຳອີ່ຫລີຫວາ = ="

@bell ສະຫຼຸບມັນກໍ່ເສຍຄືກັນແມ່ນບໍ?
ຕ່າງແຕ່ວິທີການເສຍແຕກຕ່າງການເທົ່ານັ້ນເອງ

ແນ່ນອນເຮົາຕ້ອງໄດ້ເອົາໃບບິນ,ໃນເມກາບາງບ່ອນຊື້ຜັກບົ່ວຫົວດຽວກະມີບິນດັ່ງນັ້ນແຕ່ລະຮ້ານຂາຍເຄື່ອງຕ້ອງມີ
ລະບົບຄອມພິວເຕີເຂົ້າຊ່ອຍໃນອະນາຄົດອັນໃກ້ນີ້(ລາວກ້າວໄປ)ແນ່ນອນ

ຫາກະຮູ້ໄດ໋ນິແຕ່ກ່ອນແມ່ນ

ມື້ນີ້ ຂໍເວົ້າສັ້ນໆພຽງນີ້:
ຂອບໃຈນ້ອງເບລພິເສດໃນການອະທິບາຍກ່ຽວກັບຣະບົບການເກັບພາສີນີ້ຢ່າງລົ້ນເຫຼືອ,ແລະກະຂອບໃຈທຸກຄົນທີ່ມາແວ່ອ່ານແລະຫາຄວາມເຂົ້າໃຈນຳກັນ.
ມື້ຫນ້າຈະມາເວົ້າກັນຕື່ມເຖິງວິທີການເກັບຈາກບ້ານອື່ນເມືອງໄກສູ່ຟັງ.
ຣັກແພງທຸກຄົນ.

ຄວາມຈິງມັນຈຳເປັນໄດ໋..ເວັບມາສເຕີ..
ແຕ່ອັນນີ້ຍັງຖືວ່າເປັນຈຸດອ່ອນທີ່ເຮັດໃຫ້ບ້ານເຮົາຍັງຢູ່ຂັ້ນທົດລອງໃຊ້ຢູ່..
ເພິ່ນເລີ່ມໃຊ້ກັບພວກບໍລິສັດໃຫຍ່ຯກ່ອນ..
ແຕ່ສົມມຸດວ່າເຮົາໄປຊື້ຢູ່ເອັມພອຍທ໌ມາຣ໌ທ..ກໍຄວນຂໍບິລໄວ້ກະດີ..
ເພາະໃບບິລນັ້ນລ່ະແມ່ນເງິນພາສີຂອງປະເທດ..

ເໝືອນບໍ່ຕ່າງແຕ່ມັນກະຕ່າງໄດ໋..ເອື້ອຍ ວວ.
ຖ້າເຮົາທຸກຄົນເກັບໃບບິລໄວ້..ມັນຈະເຮັດໃຫ້ເງິນເຂົ້າສູ່ລະບົບຫຼາຍກວ່າ..
ມັນຈະໂປ່ງໃສຫຼາຍກວ່າ..

ມັນກະໜ້າຈະເປັນຈຸດອ່ອນທີ່ເຮັດໃຫ້ບ້ານເຮົາຢູ່ໃນຊ່ວງທົດລອງນຳໃຊ້ນ່ະ ອ້າຍທິດ..
ແຕ່ຖ້າໄປຊື້ຢູ່ມິນິມາຣ໌ທ..ກໍສາມາດຖາມເອົາບິລໄດ້..

ແຕ່ບ້ານເຮົາກະຍັງຢູ່ພຽງຈຸດເລີ່ມຕົ້ນທົດລອງໃຊ້ນ່ະ..ອ້າຍເທົາ..
ແຕ່ກະຕ້ອງພັດທະນາກັນຕໍ່ໄປ..

ທຳມະດາໃນແຕ່ລະຮ້ານຄ້າທີ່ມີຣະບົບນີ້ສົມຄວນຕ້ອງມີເຄື່ອງບັນທຶກການຂາຍທັງຂາຍສຳຫຼັບທີ່ຕ້ອງອອກໃບບິນແລະ
ການຂາຍຫຍ່ອຍກະເຊັ່ນກັນ ບໍ່ດັ່ງນັ້ນມັນກະສໍ້ໂກງກັນງ່າຍແລະການເກັບກຳ ພາສີມູນຄ່າເພິ່ມນີ້ກໍຈະບໍ່ມີປະສິດທິຜົນ.
ໃນຮ້ານຂາຍຫຍ່ອຍທຸກໆການຂາຍຕ້ອງຜ່ານ ຣະບົບ cash register ດັ່ງໃນ super market ເພື່ອຫຼີກເວັ້ນການສໍ້ໂກງ.
ເມືອ່ຮອດທ້າຍເດືອນມາກໍຈະສົມໄດ້ງ່າຍ ທັງກວດຂັນໄດ້ງ່າຍ..
ຫາກວ່າຈະເຮັດພຽງວ່າລູກຄ້າຖາມເອົາຈັ່ງໃຫ້ໃບບິນຄືວ່າມານັ້ນ ການລັກໂລບຫນີການເກັບເງິນ VAT ເຂົ້າຄັງກໍຈະບໍ່ໄດ້ເທົ່າທີ່ຄວນ.ເພາະມີສ່ອງຫວ່າງໃຫ້ພວກພໍ່ຄ້າຫາທາງອອກງ່າຍເກິນໄປ.
ແມ້ແຕ່ມີ ແຄສ ຣີແຈສເຕີ ກະຍັງບໍ່ແນ່ນອນ ເພາະຜູ່ກ່ຽວອາຈບໍ່ຕີເຂົ້າຣະບົບໄດ້ໂຕຢ່າງຍາມທີ່ມີຄົນທີ່ຮູ້ຈັກກັນດີກະອາຈບໍ່ບັນທຶກການຂາຍນັ້ນ...
ແຕ່ກະເປັນການສ້າງຄວາມຢ້ານໃຫ້ນຳອີກຖ້າຫາກວ່າບໍ່ບັນທຶກການຂາຍເພາະບໍ່ຮູ້ວ່າຜູ່ມາຊື້ນັ້ນແມ່ນໃຜ!!
ອາຈແມ່ນເຈົ້າຫນ້າທີ່ກວດກາກະເປັນໄດ້!!