໘໐ ກະທູ້ ໙໑໐ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ບາງຄັ້ງມັນມີຄວາມຈຳເປັນຂອງຄົນບ້ານນອກຄົນໜຶ່ງທີ່ຈຳຕ້ອງຊອກຫາວຽກເຮັດງານທຳໃນເມືອງໃຫຍ່. ພາຍຫຼັງທີ່ອ້າຍສອນໄດ້ຮຽນຈົບປະລິນຍາຕີສາຂາເສດຖະສາດ ແລະ ບໍລິຫານທຸລະກິດຈາກ ມ.ຊ ແລ້ວ ລາວກໍ່ຊອກຫາບ່ອນເຮັດວຽກໄດ້ບ່ອນໜຶ່ງໃນກຳແພງນະຄອນວຽງຈັນ. ຈາກນັ້ນ, ລາວກໍ່ໄດ້ໄປຊອກຫາເຮືອນເຊົ່າ ບັງເອີນວ່າໄດ້ມີຫ້ອງແຖວໜຶ່ງມີຫ້ອງຫວ້າງພຽງຫ້ອງດຽວ ແຖມເຈົ້າຂອງເຮືອນຫ້ອງຖວຍັງຫຼຸດລາຄາໃຫ້ເປັນພິເສດ ລາວກໍ່ເລີຍຕົກລົງເຊົ່າຫ້ອງໆນັ້ນເພາະມັນໃກ້ກັບບ່ອນເຮັດວຽກຂອງຕົນ ໃນຫ້ອງເຊົ່າເຕັມໄປດ້ວຍໄຍແມງມຸມ ແລະ ຂີ້ເຫຍີ້ອຍຊະຊາຍຈຳນວນໜຶ່ງ ທີ່ລາວຈຳຕ້ອງໄດ້ທຳຄວາມສະອາດ ແລະ ມ້ຽນມັດຈັດແຈງ. ໃນຂະນະທີ່ລາວອານາໄມຫ້ອງຢູ່ນັ້ນ ກໍ່ປະກົດວ່າມີຜູ້ຍິງໄວ້ຜົມຍາວປົກໜ້າແລ່ນໄປມາພ້ອມທັງທືບຕີນໃສ່ຢູ່ຕໍ່ໜ້າຫ້ອງຂອງລາວໜຶ່ງ ເຖິງ ສອງຄັ້ງ ລາວຈຶ່ງຍ່າງອອກໄປເບິ່ງແຕ່ປະກົດວ່າບໍ່ເຫັນມີໃຜ. ພໍລາວອານາໄມເຮືອນເສັດສິ້ນກໍ່ຮູ້ສຶກອິດເມື່ອຍ ສະນັ້ນລາວຈຶ່ງເຂົ້ານອນແຕ່ຫົວຄ່ຳປະມານ 8 ໂມງປາຍ. ຊ່ວງທີ່ລາວພວມນອນລັບຢູ່ນັ້ນ ລາວກໍ່ໄດ້ຝັນໄປວ່າໄດ້ມີຜູ້ຍິງຄົນໜຶ່ງນຸ່ງເຄື່ອງຂາດໆໄວ້ຜົມຍາວປົກໜ້າແຖມມີເລືອດຍ້ອຍຕາມຜົມເຂົ້າມາບີບຄໍລາວ ລາວກໍ່ໄດ້ແຕ່ນອນດີ້ນຢູ່ຢ່າງນັ້ນ ພໍໄດ້ຈັງຫວະໜຶ່ງລາວກໍ່ພິກຕົວສະດຸ້ງຕື່ນຂຶ້ນມາ ໄດ້ປະກົດເຫັນຜູ້ຍິງຄົນນັ້ນນັ່ງໄຫ້ສະອຶກອື້ນຢູ່ຕີນຕຽງທີ່ນອນຂອງຕົນເອງ ແລະ ບຶດດຽວພາບຂອງຜູ້ຍິງຄົນນັ້ນກໍ່ຫາຍໄປ ລາວຮູ້ສຶກຢ້ານສັ່ນທະທ້ານໄປທັງຕົວ. ໃນຄືນນັ້ນເຫດການດັ່ງກ່າວເຮັດໃຫ້ລາວນອນບໍ່ຫຼັບ ລາວເລີຍອອກມາເດີນຍ່າງຫຼິ້ນເຂດແຄມທາງໃນຕົວເມືອງຈົນເຖິງແຈ້ງຈຶ່ງຄ່ອຍກັບຫ້ອງເຊົ່າຂອງຕົນ ພໍກັບມາກໍ່ພົບເຫັນພໍ່ເຖົ້າຜູ້ໜຶ່ງທີ່ພວມດື່ມນ້ຳຊາໃນຍາມເຊົ້າຢູ່ລະບຽງຫ້ອງແຖວທີ່ຖັດຈາກຫ້ອງຂອງລາວໄປ ລາວກໍ່ເລີຍໄປນັ່ງຫຼິ້ນ ແລະ ເລົ່າເລື່ອງທີ່ເກີດກັບລາວໃນຄືນນັ້ນທຸກຢ່າງສູ່ພໍ່ເຖົ້າຟັງ. ພໍ່ເຖົ້າຄົນນັ້ນໄດ້ບອກວ່າ: ກ່ອນໜ້ານີ້ໄດ້ມີສອງຜົວເມຍມາເຊົ່າຢູ່ ແຕ່ມີມື້ໜຶ່ງຜູ້ເປັນຜົວໄດ້ໜີໄປມີເມຍນ້ອຍ ເລີຍເຮັດໃຫ້ຜູ້ເປັນເມຍແຂວນຄໍຕາຍຢູ່ຫ້ອງນັ້ນ ນັບແຕ່ນັ້ນມາກໍ່ບໍ່ເຫັນມີໃຜມາເຊົ່າຫ້ອງນັ້ນເລີຍ ຫາກໍ່ມີຫຼານນີ້ແຫຼະມາເຊົ່າ. ບໍ່ເປັນຫຍັງດອກຫຼານເອີຍທຸກຫົນແຫ່ງມັນອາດມີຜີເຈົ້າຖິ່ນ ຫຼືບໍ່ກໍ່ຜີທີ່ມັນຄອບຄອງເປັນເຈົ້າຂອງສິ່ງນັ້ນຄອຍຫຶງຫວງ. ສະນັ້ນ, ບໍ່ວ່າຫຼານຈະເດີນທາງໄປໃສ, ໄປພັກໄປເຊົາຢູ່ໃສກໍ່ຕາມ ແຕ່ຍ່າງນ້ອຍຂໍໃຫ້ຫຼານນົບ ແລະ ບອກກັບສິ່ງສັກສິດໃຫ້ຊ່ວຍຄຸ້ມຄອງ ບອກກັບຜີເຈົ້າຖິ່ນນັ້ນວ່າ ເຮົາມາທີ່ນີ້ເປັນພຽງການມາພັກພາອາໄສເທົ່ານັ້ນ ບໍ່ໄດ້ມາລົບລູ່ທຳຮ້າຍຕົວທ່ານແຕ່ຢ່າງໃດ ເພື່ອໃຫ້ເຈົ້າຖິ່ນນັ້ນໄດ້ຮັບຮູ້ ແລະ ເຂົ້າໃຈເຖິງເຈດຕະນາເຮົາ ແລະ ຕ່າງຄົນຕ່າງຢູ່. ສ່ວນກໍລະນີຂອງຫຼານນີ້ ຜີຜູ້ຕາຍນັ້ນມັນເປັນຜີຕາຍຫຸງ ເຊິ່ງບໍ່ໄດ້ຕາຍຍ້ອນນາງໝົດອາຍຸ ສະນັ້ນດວງວິນຍານຂອງນາງຈຶ່ງວົນວຽນຢູ່ແຖວນີ້ເພາະຖ້າສັງຂານຄົບວັນຕາຍ ດວງວິນຍານຂອງນາງຈຶ່ງສາມາດໄປສູ່ສຸກຂະຕິໄດ້. ທຸກວັນສິນພໍ່ເຖົ້າ ຂໍແນະນຳໃຫ້ຫຼານເຮັດພາເຂົ້າໄປວັດເດີ ຖືວ່າເປັນການສົງສານນາງ ແຖມເຮົາກ່າໄດ້ບຸນກຸສົນນຳອີກ ບາງທີນັບແຕ່ນາງຕາຍໄປອາດບໍ່ໄດ້ມີໃຜທານຫຍັງໃຫ້.ນັບແຕ່ນັ້ນມາອ້າຍສອນກໍ່ປະຕິບັດຕາມຄຳຂອງພໍ່ເຖົ້າທີ່ຢູ່ຂ້າງບ້ານນັ້ນບອກ ແລະ ທຸກສິ່ງກໍ່ປົກກະຕິມາເຖິງທຸກວັນນີ້.
|
໘໐ ກະທູ້ ໙໑໐ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້, ແກ້ໄຂເມື່ອ ຫລາຍກວ່າ 14 ປີ ກ່ອນໜ້ານີ້
ເມື່ອອ່ານ ແລະ ໃຊ້ວິຈາລະນະຍານໃນການອ່ານເລື່ອງຜີຄັ້ງນີ້ຈົບແລ້ວ ຢ່າລືມເມັ້ນໄວ້ແດ່ເດີເພື່ອໃຫ້ຜູ້ຂຽນ ມີກຳລັງໃຈຊອກຫາປະສົບການຕົວຈິງ ຂອງຄົນໃນສັງຄົມກ່ຽວກັບເລື່ອງຜີມາຝາກອີກໃນເລື່ອງຜີພາກ 3 ຕອນຕໍ່ໄປ
|
໗໓໙ ກະທູ້ ໙໔໕໙ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
|
໐ ກະທູ້ ໑໐໙໒ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ສົມຄວນໄດ໊ເນາະ
|
໑໗ ກະທູ້ ໑໓໒໐ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ບໍ່ມັກເລື່ອງຜີ ເປັນຕາຢ້ານ ມັກກາຕູນຄັກກວ່າ
☆→21 3-15-13-16-12-5-20-5 13-5 ←☆
|
໑໗ ກະທູ້ ໒໖໓໔ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອາກກກກ ຖືກບີບຄໍ
ເຫັນໜ້າລ້າໆກ່າຍັງວ່າຢ້ານລະ
ຮັກນ້ອງຕອນເມົາ
|
໕ ກະທູ້ ໒໒໙໔ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ອ້າງເຖິງຂໍ້ຄວາມຈາກ Gabriel ຂຽນວ່າ... ອາກກກກ ຖືກບີບຄໍ
ເຫັນໜ້າລ້າໆກ່າຍັງວ່າຢ້ານລະ ໄດ້ຍ້ອນແຕ່ພິກໄດ້ເນາະ
ໂອກາດບໍ່ເຄີຍມາຫາເຮົາ ມີແຕ່ເຮົາສ້າງໂອກາດເອົາເອງ
|
໑໑ ກະທູ້ ໑໑໐໘ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
|
໑໔ ກະທູ້ ໒໒໕໕ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ເລື່ອງຜີໃນຫ້ອງເຊົ່ານີ້ມີຫຼາຍເນາະ
|
໓໖ ກະທູ້ ໘໙໒ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ກະດຽມ ຄໍ ເວີ້ຍ
♡ເເມ່ລູກອ໋ອນ♡
.
|
໒໑ ກະທູ້ ໒໕໙ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
Quad core QX9770@3.2Ghz OC 4.5Ghz l Rampage Fomular X48 l 8G HyperX DDR2 1066mhz Native FBS 1333l ATI HD4850 DDR3 512mb OC 1100 mhz / be quiet! BQT E6-600W COOLER: Corsair H70
|
໑໑໓ ກະທູ້ ໒໔໓໑ ໂພສ
|
ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ຕາຢ້ານເນາະ
|
໑໒ ກະທູ້ ໒໐໒ ໂພສ
|
ຂຽນເມື່ອ ຫລາຍກວ່າ 11 ປີ ກ່ອນໜ້ານີ້
ແປກເວີ່ຍ ຜີແຂວນຄໍຕາຍ ພັດມີເລືອດຕາມຕົນຕົວ
|