ຕາມທີ່ໄດ້ຮຽນຊີວະຜ່ານມາ ກ່ຽວກັບການຖ່າຍທອດລັກສະນະທາງກຳມະພັນ ແລະ ໄດ້ຍິນທ່ານຫມໍເພິ່ນເວົ້າວ່າຖ້າຫາກພໍ່ຫລືແມ່ ເປັນພະຍາດບໍ່ວ່າຈະເປັນ ຕັບ ຫມາກໄຂ່ຫລັງ ແລະ ພະຍາດອື່ນໆໂດຍສະເພາະ ເບົາຫວານເພິ່ນວ່າພະຍາດ ເຫລົ່ານີ້ຈະຖ່າຍທອດສູ່ລູກ ສູ່ຫລານ ຂ້ອຍກໍເລີຍກັບມາຄິດເບິ່ງໂຕເອງວ່າ ຖ້າແມ່ນແທ້ຕ້ອງມີວັນໃດວັນຫນື່ງທີ່ເຮົາຈະຕ້ອງເຈີຊາຕາກຳດຽວກັນກັບພໍ່ຂອງເຮົາເພາະວ່າ ພໍ່ຂອງຂ້ອຍເປັນເບົາຫວານແມ່ເລົ່າໃຫ້ຟັງວ່າ:ພໍ່ຂອງຂ້ອຍກວດພົບ ເຫັນເບົາຫວານຫລັງຂ້ອຍເກີດສາມປີ ແຕ່ບໍ່ຮູ້ວ່າເປັນມາດົນປານໄດ ເພິ່ນເປັນເບົາຫວານປຽກແລະເພິ່ນກໍໄດ້ເສຍຊີວິດຕອນຂ້ອຍອາຍຸໄດ້ສິບຫ້າປີ ໃນປີທີ່ເພິ່ນເສຍຊີວິດນັ້ນຊ່ວງນັ້ນເພິ່ນບໍ່ສະບາຍແຮງ ຕີນເບື້ອງຂວາຂອງເພິ່ນເປື່ອຍ ເປື່ອຍຈົນເຫັນເອັນ ຈົນແມ່ຄິດຢາກຈະຕັດຕີນເບື້ອງນັ້ນຂອງພໍ່ຖິ້ມ ສຸດທ້າຍກະບໍ່ໄດ້ ຕັດເພາະເພິ່ນ ເສຍກ່ອນ ຂ້ອຍບໍ່ຢາກເປັນຄຶພໍ່ ຂອງຂ້ອຍ ມັນຈະປາສະຈາກໄດ້ຢູ່ບໍ ແລະ ຈະປ້ອງກັນແນວໃດເພື່ອບໍ່ໃຫ້ເປັນເບົາຫວານ ເປັນຫ່ວງໂຕເອງຫລາຍຕອນນີ້
(ລືມເວົ້າ ບາງຄົນກໍ່ວ່າຖ້າເກີດກ່ອນພໍ່ເຮົາເປັນເຮົາຈະບໍ່ຕິດໂຣກນີ້)

ປາສະຈາກໄດ້ ແລະ ອີກຢ່າງໜຶ່ງເຮົາກໍ່ຕ້ອງຮັກສາສຸຂະພາບໃຫ້ດີ ດ້ວຍການອອກກຳລັງກາຍ, ກິນອາຫານມີປະໂຫຍດ, ຫຼີກລຽງສິ່ງມືນເມົາ...
ນະວັດຕະກຳທາງການແພດປັດຈຸບັນກໍ່ກ້າວໜ້າຫຼາຍ, ທັງອາຫານເສີມ, ຢາ....ຊ່ວຍໄດ້, ສຳຄັນເຮົາກໍ່ຕ້ອງຮູ້ຈັກຮັກ ແລະ ເບິ່ງແຍງຕົວເອງນຳ

ອັນນີ້ເວົ້າຕາມຄວາມຮູ້ ໂຣກທາງທີ່ຕິດຕໍ່ທາງພັນທຸກໍາແທ້ໆນີ້ແມ່ນປາສະຈາກບໍ່ໄດ້ ເຖິງວ່າການແພດເຮົາຈະກ້າວຫນ້າຫລາຍປານ ແຕ່ກໍຍັງໄກຫລາຍທີ່ຈະສາມາດປ່ຽນໂຄງສ້າງພັນທຸກໍາຂອງມະນຸດຫລັງຈາກທີ່ໄດ້ເກີດມາເບິ່ງໂລກແລ້ວ ລູກຫລານຈະໄດ້ຮັບຄວາມບົກຜ່ອງທາງພັນທຸກໍາມາຈາກຜູ້ທີ່ເປັນພໍ່ແມ່. ແຕ່ມັນຈະບໍ່ສະແດງອອກສະເຫມີໄປ ມັນຈະສະແດງອອກມາສະເພາະໃນລຸ້ນໃດຫນຶ່ງເທົ່ານັ້ນ ເຊັ່ນວ່າ ພໍ່(ຕົວຢ່າງ)ມີການເຊື່ອມສະມັດທະພາບ ແຕ່ກໍບໍ່ໄດ້ຫມາຍຄວາມວ່າລູກຈະເຊື່ອມຄືພໍ່ ແຕ່ມັນອາດຈະເປັນຫລານຫລືເຫລນທີ່ຈະປະສົບກັບສະພາບດຽວກັນ.
ລອງເຂົ້າອ່ານຢູ່ນີ້ເບິ່ງ

ແຕ່ໂຣກທີ່ເຈົ້າເວົ້າມາຫັ້ນ ມັນເປັນໂຣກຂອງຜູ້ກ່ຽວເອງຕິ້?

ຖ້າວ່າມັນບໍ່ສະແດງອອກ ກໍ່ຖືວ່າເຈົ້າບໍ່ເປັນ, ຖ້າມັນຈະສະແດງອອກບາງທີກໍ່ແມ່ນຫຼານເຫຼນ