 ຂຽນເມື່ອ ຫລາຍກວ່າ 14 ປີ ກ່ອນໜ້ານີ້
ໜອນ Virus ຈ້ອງໂຈມຕີຜູ້ຫລິ້ນເກມອອນໄລນ
Microsoft ເຕືອນຜູ້ຫລິ້ນເກມສ໌ອອນໄລນ໌ກຳລັງຕົກເປັນເປົ້າໝາຍຂອງໜອນໄວ ຣັດ(Virus)ດຄອມພິວເຕີທີ່ຈ້ອງໂຈມຕີ ເພື່ອລັກເອົາຂໍ້ມູນສ່ວນຕົວ ໂດຍລ່າສຸດ ໜອນ Taterf ໄດ້ແພ່ກະຈາຍຕິດໄປຍັງຜູ້ໃຊ້ຫລາຍກວ່າ 4.9 ລ້ານລາຍພາຍໃນໄລຍະເວລາ 6 ເດືອນ ຫລືຄິດເປັນອັດຕາການເຕີບໂຕ 156% ທຽບກັບຫົກເດືອນກ່ອນໜ້ານັ້ນ
ໃນຂະນະທີ່ໜອນກຳລັງເປັນໄພຄຸກຄາມຮ້າຍແຮງທີ່ມີອັດຕາການເຕີບໂຕ ເກືອບສອງເທົ່າ ໄພຄຸກຄາມອື່ນໆ ຢ່າງເຊັ່ນ ໂທຣຈັນ ແລະແອດແວລ໌ ກັບມີແນວໂນ້ມຂອງການໂຈມຕີລຸດລົງ Microsoft Security Intelligence Report ກ່າວວ່າ ໂດຍສະຖິຕິໃນຊ່ວງຫົກເດືອນທຳອິດຂອງປີ 2009 ໂດຍເສລີ່ຍພົບວ່າ ໃນທຸກໆ ໜຶ່ງຊົ່ວໂມງຈະມີຄອມພິວເຕີໃນອັງກິດທີ່ຕິດໜອນໄວລັດ 7 ເຄື່ອງນຳກັນ ຊຶ່ງໜອນຮ້າຍ Taterf ໂຕນີ້ມີເປົ້າໝາຍຂອງການໂຈມຕີຢູ່ທີ່ ເກມສ໌ອອນໄລນ໌ທີ່ຫລິ້ນພ້ອມກັນຫລາຍຄົນ ຫລື MMORPGs (Massively Multiplayer Online Role-Playing Games)
ສຳລັບເກມສ໌ອອນໄລນ໌ຫລັກໆ ທີ່ຕົກເປັນເປົ້າໂຈມຕີໄດ້ແກ່ World of Warcraft, Rainbow Island, Lineage, Gamania ແລະ Cabal Online ໂດຍນອກຈາກໜອນພວກນີ້ຈະກຳລັງລັກຂໍ້ມູນສ່ວນຕົວຈາກເຄື່ອງຂອງ ຜູ້ຫລິ້ນເກມສ໌ແລ້ວ ມັນຍັງສາມາດແພ່ກະຈາຍຕົວເອງຜ່ານທາງແຟຣັດໄດລົຟ໌ທີ່ສຽບທາງຊ່ອງ USB ເພື່ອໂຈມຕີຄອມພິວເຕີທີ່ຢູ່ເທິງເຄືອຂ່າຍທັງທີບອນເຮັດວຽກ ແລະທີ່ເຮືອນໄດ້ອີກດ້ວຍ
Vinny Gulluto ຜູ້ບໍລິຫານລະບົບຮັກສາຄວາມປອດໄພຈາກ Microsoft ກ່າວວ່າ "ມັນມີວິທີຕ່າງໆ ຫລວງຫລາຍທີ່ເກມເມີລ໌ ແລະຜູ້ໃຊ້ເວັບສາມາດປົກປ້ອງຄອມພິວເຕີຂອງພວກເຂົາໄດ້ ເນື່ອງຈາກການປ່ຽນແປງສາຍພັນຂອງໜອນໄວລັດເກີດຂຶ້ນຕະຫລອດເວລາ ຜູ້ໃຊ້ຕ້ອງແນ່ໃຈວ່າ ແອບພິເຄຊັນ (ປ້ອງກັນໄວລັດ ຫລືແອບພິເຄຊັນມີຊ່ອງໂຫວ່) ໄດ້ຮັບການອັບເດດຕະຫລອດເວລາ ລວມເຖິງການມີໄຟລ໌ວອນ(firewall)ດ້ວຍ" ຍິ່ງອິນເທີລ໌ເນັດ(internet)ມີຄວາມໄວສູງຫລາຍເທົ່າໃດ ໂອກາດທີ່ຜູ້ໃຊ້ຈະຕິດໄວລັດຈະສູງຂຶ້ນໄປຕາມນັ້ນດ້ວຍ
ນອກເໜືອຈາກໜອນ Taterf ແລ້ວ Conficker ທີ່ມີເປົ້າໝາຍໂຈມຕີ Server ຂອງທຸລະກິດດ້ວຍເທກນິກ DDOS ດ້ວຍສ້າງເຄືອຂ່າຍ Bot ຫລືຄອມພິວເຕີຊອມບີ້ ກໍເປັນໄພຄຸກຄາມອີກຕົວໜຶ່ງທີ່ຍັງຄົງແພ່ກະຈາຍຕໍ່ເນື່ອງຕາບ ຈົນທຸກມື້ນີ້ ລ່າສຸດມັນໄດ້ແພ່ກະຈາຍໄປຍັງຄອມພິວເຕີທົ່ວໂລກແລ້ວກວ່າ 5.2 ລ້ານເຄື່ອງ (ບາງລາຍງານລະບຸວ່າ 7 ລ້ານເຄື່ອງ) ຊຶ່ງຫລາຍພໍທີ່ຈະໃຊ້ເປັນອາວຸດໃນການຖະຫລົ່ມ Server ຂອງອົງກອນທຸລະກິດໄດ້ຢ່າງງ່າຍດາຍ
ບໍມີວັນໄດ້ຮັກກັນ 
|
ກະທູ້ມາໃໝ່
ຫມວດ
