ຂຽນເມື່ອ ຫລາຍກວ່າ 9 ປີ ກ່ອນໜ້ານີ້
ຈຸດປະສົງ: ແມ່ນເພື່ອໃຫ້ການຄົ້ນຫາຂໍ້ມູນໃນອິນເຕີເນັດທີ່ກ່ຽວກັບພິທີເສີຍ ເຄາະເສີຍລາງແມ່ນມີສໍາລັບທີ່ເປັນພາສາລາວໃຫ້ຄົນນັບຕັ້ງແຕ່ ລຸ້ນຜູ້ໂພສເຖິງລຸ້ນຕໍ່ໆໄປມີບົດຄວາມໃຫ້ໄດ້ອ່ານແລະໄດ້ສຶກສາ ຄົ້ນຄວ້າກັນ
ບົດຄວາມນີ້ແປມາຈາກ: ຕໍາລາ ມໍລະດົກອີສານ
ຍັງມີບາງວັກບາງຕອນທີ່ແປບໍ່ສົມບູນຫວັງວ່າ ຈະມີຜູ້ນໍາໄປຕໍ່ຍອດແລະປັບປຸງແກ້ໄຂໃຫ້ດີກວ່ານີ້
ໂດຍ: ສີທະນົນໄຊ ໄຊຍະເສນາ https://www.facebook.com/noy.sx.zero
ສຸນັນຕຸ ໂຫນໂຕ ເທວາ ດູລາເທວະດາທັງຫຼາຍ ຝູງຮັກສາພູມສະຖານວັດວາສາສະນາ ພພາປ່າໄມ້ເຫຍົ້າເຮືອນທີ່ນີ້ ຈົງສະເດັດລົງມາຢ້ຽມຍໍຜໍຄອຍຍັງຝູງຂ້າທັງຫຼາຍ ສ່ວນວ່າເຈົ້າຍ້າວເຈົ້າເຮືອນເຈົ້າເສື້ອເຈົ້າຜ້າເຈົ້າຊາຕາທັງຫຼາຍ ຝູງມີອຸປັດທະວະອົນຕາຍພາຍໃນ ແລະ ພາຍນອກ ຕ້ອງໄດ້ໄຂ້ໄດ້ພະຍາດເຈັບປ່ວຍປວດຍວດຍິ່ງຝູງຂ້າທັງຫຼາຍມີຄໍາປາຖະນາໃຫ້ຫາຍອຸປັດທະວະອົນຕາຍທັງມວນ ຈຶ່ງໄດ້ແຕ່ງເຄື່ອງ ກິຍາບູຊາພະເຄາະນີ້ ທະຫວາຍເທບມະຫາສັດເຈົ້າທັງຫຼາຍ ເພິ່ນບັນຍາຍບອກ ເທວະດາເຈົ້າຕົນໜຶ່ງຢູ່ເຂົາສຸເມລຸລາດ ຈົງຍົວລະຍາດລົງມາ ເອົາເຄື່ອງສັກກາລະບູຊາອັນນີ້ເທົ່າວັນເຖີດ ເທວະດາເຈົ້າຕົນໜຶ່ງຢູ່ເມືອງອິນທະປັດຖະນະຄອນຂໍໃຫ້ຈອນມາເອົາເຄື່ອງກິລິຍະບູຊາເຄາະອັນນີ້ເທົ່າວັນເຖີດ ດູລາເທວະດາເຈົ້າຕົນໜຶ່ງຢູ່ເມືອງຫຼັງກາຈົ່ງສະເດັດລົງມາເອົາເຄື່ອງກິລິຍະບູຊາເຄາະອັນນີ້ເທົ່າວັນເຖີດດູລາເທວະດາເຈົ້າຕົນໜຶ່ງ ຢູ່ທິບບົວລະພາ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນທັງຫຼາຍຝູງນີ້ ຈົ່ງສະເດັດລົງມາເອົາເຄື່ອງສັກກາລະບູຊາເຄາະອັນນີ້ເທົ່າວັນເຖີດ ວິນາເສຕຸ ກໍຈົ່ງຫາຍອົນຕາຍ ທັງພາຍໃນ ແລະ ພາຍນອກ ແກ່ຝູງຂ້າທັງຫຼາຍເທົ່າວັນເຖີດ ດູລາເທວະດາເຈົ້າຕົນໜຶ່ງຢູ່ທິດອາຄະເນ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນທັງຫຼາຍຝູງນີ້ຈົ່ງສະເດັດລົງມາເອົາເຄື່ອງ ຊັກກາລະບູຊາພະເຄາະອັນນີ້ເທົ່າວັນເຖີດ ວິນາເສຕຸ ຂໍຈົ່ງຫາຍອຸປັດທະວະອົນຕາຍແກ່ເຈົ້າສາຕາເຈົ້າເຮືອນທັງຫຼາຍຝູງນີ້ ດູລາເທວະດາເຈົ້າຕົນໜຶ່ງຢູ່ເມືອງທັກສິນ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນທັງຫຼາຍຝູງນີ້ ຈົ່ງສະເດັດລົງເອົາເຄື່ອງສັກກາລະບູຊາ ພະເຄາະໜີເທົ່າວັນເຖີດ ວິນາເສຕຸ ຈົ່ງຫາຍອຸປັດຖະວະອົນຕາຍທັງຫຼາຍທັງມວນແກ່ເຈົ້າສາຕາເຈົ້າທຸງເຈົ້າທຽນອັນນີ້ກໍຂ້າເຖີດ ດູລາເທວະດາເຈົ້າຕົນໜຶ່ງ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນເຈົ້າທຸງເຈົ້າທຽນຈົ່ງສະເດັດລົງມາເອົາເຄື່ອງສັກກາລະບູຊາ ພະເຄາະອັນນີ້ເທົ່າວັນເຖີດ ດູລາເທວະດາເຈົ້າຕົນໜຶ່ງ ຢູ່ເບື້ອງປັດຈິມ ຊັກເຂັນມາໃຫ້ເປັນແກ່ເຈົ້າຍ້າວເຈົ້າເຮືອນທັງຫຼາຍຝູງນີ້ ຈົ່ງສະເດັດລົງມາເອົາເຄື່ອງບູຊາພະເຄາະອັນນີ້ເທົ່າວັນເຖີດ ວິນາເສຕຸ ຂໍຈົ່ງໃຫ້ຫາຍອຸປັດທະວະອົນຕາຍແກ່ຝູງຂ້າທັງຫຼາຍເທົ່າວັນເຖີດ ວິນາເສຕຸ ຈົ່ງໃຫ້ຫາຍອຸປັດທະວະອົນຕາຍແກ່ຝູງຂ້າທັງຫຼາຍເທົ່າວັນເຖີດ ດູລາເທວະດາເຈົ້າຕົນໜຶ່ງ ຢູ່ເບື້ອງພາຍັບ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນເຈົ້າທຸງເຈົ້າທຽນ ຈົ່ງສະເດັດລົງມາເອົາເຄື່ອງສັກກາລະບູຊາພະເຄາະອັນນີ້ເທົ່າວັນເຖີດ ວິນາເສຕຸ ຈົ່ງໃຫ້ຫາຍອຸປັດທະວະອົນຕາຍແກ່ຝູງຂ້າທັງຫຼາຍເທົ່າວັນເຖີດ ດູລາເທວະດາເຈົ້າຕົນໜຶ່ງ ຢູ່ເບື້ອງອຸດອນ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນເຈົ້າທຸງເຈົ້າທຽນ ຈົ່ງສະເດັດລົງມາເອົາເຄື່ອງສັກກາລະບູຊາພະເຄາະອັນນີ້ເທົ່າວັນເຖີດ ດູລາເທວະດາເຈົ້າຕົນໜຶ່ງ ຢູ່ເບື້ອງອີສານ ຊັກເຂັນມາໃຫ້ເປັນເຫດແກ່ເຈົ້າຍ້າວເຈົ້າເຮືອນເຈົ້າທຸງເຈົ້າທຽນຝູງຂ້າທັງຫຼາຍພ້ອມກັນຂົນຂວາຍຫານໍາມາຍັງເຄື່ອງກິຍາບູຊາ ພະເຄາະອັນນີ້ທະທວາຍແກ່ເທບຍາດາ ເຈົ້າທັງຫຼາຍມີເຂົ້າດໍາເຂົ້າແດງແກງສົ້ມແກງຫວານເຂົ້າຂາວທຸງຊໍ ທຸງດໍາທຸງແດງທຸງຂາວ ເສດຕະສັດ ພັດຈາພອນ ຮູບແຫ້ງຮູບກາຮູບໝູຮູບໝາສັງຂະຍາທຸກຢ່າງ ເຄື່ອງກິນມີທຸກອັນສັບພະສິ່ງທຸກສິ່ງມີທັງກ້ວຍ ແລະ ໝາກຜູເຫຼົ້າຢ່າປາປິ້ງເຂົ້າຈີ່ເຂົ້າເປືອກ ແລະ ເຂົ້າສານສັບພະສັດມີບໍ່ໃຫ້ຖວາຍແກເທບພະດາ ທ່ອນໄທ້ທັງຫຼາຍ ຈົ່ງມາຮັບເຄາະອັນນີ້ໜີເມື່ອບົນຂົນເຄາະຈາກຄົນໜີເມື່ອເມືອງຟ້າ ຕັ້ງແຕ່ນີ້ເມື່ອໜ້າເຄາະຫົວຢ່າເຫັນເຂັນຢ່າໄດ້ພໍ້10ປີຢ່າໄດ້ມາເຕົ້າ9ປີຢ່າໄດ້ພານ (ອົມສິດທິມະຫາສິດທິສະວາຫົມ) (ແລ້ວໃຫ້ອົມນໍ້າສົ້ມປ່ອຍທີ່ແຕ່ງໃສ່ຂັນມານັ້ນເປົ່າໃສ່ກະທົງ 3 ເທື່ອຕໍ່ດັ່ງນີ້).
|