ຊ່ວງນີ້ດອງຫຼາຍ ຫຼາຍຄົນກະເລີຍຈົ່ມທຸກຍ້ອນຊອງໜິຫຼະ ຈັກສິວົນນຳຕັດຊຸດໃໝ່(ໃສ່ຊຸດເກົ່າໄປກະຢ້ານເຂົາຈື່) ຈັກສິແຕ່ງເພດ(ໂດຍສະເພາະຜູ້ ສະເລ່ຍລະປະມານ2h) ລະກະເງິນໃສ່ຊອງນຳອີກ ທັນໃສ່ໜ້ອຍກະພັດບໍ່ຄື(ທັນໃສ່ຫຼາຍພັດບໍ່ມີເງິນ ຊອງກະຫຼາຍ ເງິນເດືອນກະໜ້ອຍ) ໂອ້ຍ ຈັ່ງແມ່ນຊາດ ບໍ່ໄປດີກວ່າ ບໍ່ຕ້ອງເສຍເງິນ ອິ ອິ(ບໍ່ໄປພັດຄົນໄກ້ກັນ) ບາດນິຊ້ຳພັດບໍ່ມີແຕ່ດອງ ພັດມງານອື່ນໆອີກເຊັ່ນ: ອອກກຳ ຂຶ້ນເຮືອນໃໝ່ ເປີດບໍລິສັດໃໝ່ ມັດແຂນລູກຊາຍສິໄປຮຽນຕ່າງປະເທດ ສູ່ຂວັນລູກສາວລົດລົ້ມ ວັນເກີດຫຼານສາວ ວັນຄົບຮອບແຕ່ງງານ50ປີຂອງຕູ້ສີກັບຕູ້ສາ... ແລະ ອີກສາລະພັດງານທີ່ເຮົາຈະຄິດອອກ, ສ່ວນໃຫຍ່ງານປະເພດນີ້ຈະມັກຢາຍຊວງໃຫ້ ແມ່ນຢູ່ວ່າບໍ່ໄດ້ລະບຸວ່າໃຫ້ໃສ່ເງິນພ້ອມ ແຕ່ມັນກະກາຍເປັນປະເພນີນິຍົມຂອງປວງຊົນລາວໄປລະວ່າ "ມີຊອງຢູ່ບ່ອນໃດ ເສຍເງິນຢູ່ບ່ອນນັ້ນ" ໃສ່ແລ້ວປອດໄພ ສາມາດປະກົດກາຍພາຍໃນງານໄດ້ຢ່າງສະບາຍໃຈໄຮ້ກັງວົນ(ກິນໄດ້ຢ່າງເຕັມທີ່ ແບບວ່າອາຫານຢັງບໍ່ທັນກິນ ຂອງຫວານໃຫ້ຕັກໝົດກ່ອນລະ). ໃນຄວາມຄິດຂອງ ຂພຈ ຂພຈ ຄິດວ່າ: ການທີ່ໃຫ້ຊອງແມ່ນເພື່ອເຊີນບຸກຄົນນັ້ນມາຮ່ວມງານລ້ຽງທີ່ຕົນຈັດ(ບໍ່ແມ່ນມາເສຍເງິນຊ່ວຍ) ແລະ ການທີ່ໃຫ້ຊອງກໍ່ເພື່ອເປັນມາລະຍາດ ສະດວກໃນການບອກລາຍລະອຽດ(ວັນ,ເວລາ,ສະຖານທີ່) ແລະ ຮັບປະກັນໃຫ້ຜູ້ທີ່ຈະມາຮ່ວມງານມີຄວາມໝັ້ນໃຈທີ່ຈະເຂົ້າໄປໃນງານ ດັ່ງນັ້ນຈຶ່ງບໍ່ຄວນໃສ່ເງີນເພາະຖືວ່າຜິດເປົ້າໝາຍ(ບໍ່ແມ່ນບັດເລົ່າບຸນ). ທີ່ເວົ້າມາທັງໝົດນີ້ບໍ່ໄດໝາຍວ່າ 4ne' ໄປງານບໍ່ໃສ່ເງີນຊອງເດີ້ ພຽງແຕ່ຄິດວ່າມັນບໍ່ຄວນໃສ່ຊື່ໆ ແລະ ກະບໍ່ໄດ້ໝາຍວ່າໃຫ້ຢຸດຕິການໃສ່ເງິນຊອງ ເພາະຄົງເປັນໄປບໍ່ໄດ້ ຫຼື ຈະໄດ້ກໍ່ມີແຕ່ເຈົ້າຂອງງານເອງ ຂຽນບອກໃນຊອງວ່າ:"ໝາຍເຫດ: ບໍ່ຕ້ອງໃສ່ເງີນຊອງເດີ້!" ແລ້ວໃຜສິຂຽນລະ ໃນເມື່ອເງີນມັນບໍ່ເຂົ້າໃຜອອກໃຜ. ແລ້ວໝູ່ເພື່ອເດ ຄິດວ່າຈັ່ງໃດ

ໂຫວດເລີຍ! ເບິ່ງຜົນໂຫວດ

« ຕົວເລືອກສຳລັບແບບສຳຫຼວດ