ການກວດສອບຕົວ Anti-Virus ທີ່ໃຊ້ຢູ່ປັດຈຸບັນວ່າຍັງສາມາດໃຊ້ງານໄດ້ເຕັມປະສິດທິພາບຫຼື

ບໍ່ນັ້ນຫຼາຍໆຄົນຄົງມີວິທີທີ່ບໍ່ຄືກັນ ຕາມທີ່ໄດ້ອ່ານໜັງສືໃນເວບໄຊທທີ່ກ່ຽວກັບ Windows Xp

ເພິ່ນໄດ້ບອກວິທີທົດສອບຄຸນນະພາບຕົວ Anti-Virus ໄວ້ວ່າ:

1.ເປີດໂປຣແກຣມ Notepad ຂຶ້ນມາ (ເພຶ່ອຄວາມສະດວກຄວນເປີດໃນDesktop)

2.ກ໋ອບປີລະຫັດດ້ານລຸ່ມນີ້ໄປໄວ້ໃນ Notepad

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*

3.Save ເປັນຊື່ Virus.com

ຖ້າຕົວ Anti-Virus ບໍ່ແຈ້ງວ່າເປັນ Virus ນັ້ນກໍ່ເຖິງເວລາປ່ຽນ Anti-Virus ໃໝ່ແລ້ວເພາະມັນບໍ່ຄ່ອຍມີປະສິດ ທິພາບໃນການກວດສອບ.

       ວິທີນີ້ບໍ່ເປັນອັນຕະລາຍກັບເຄື່ອງຄອມພິວເຕີ ເພາະມັນເປັນວິທີທົດສອບ Anti-Virus ຂອງເຮົາເທົ່ານັ້ນ ບໍ່ແມ່ນ Virus ຈິງ.

ທົດລອງແລ້ວໄດ້ຜົນຈິງ(ປັດຈຸບັນຂ້ອຍໃຊ້ Symantec Anti-Virus 32bit)

ສຳລັບຜູ້ທີ່ຕ້ອງການແບັກອັບຂໍ້ມູນເກັບໄວ້ໃນແຜ່ນຊີດີ ແລະຕ້ອງການພິມໜ້າປົກເພື່ອບອກວ່າໃນແຜ່ນນັ້ນມີໄຟລຫຼືໂຟລເດິ່ອັນໃດແດ່ ຫຼືຕ້ອງການພິມລາຍຊື່ເພງ MP3 ໃນແຜ່ນຊີດີອອກມາເບິ່ງ ການນັ່ງພິມດ້ວຍຕົວເອງຄົງປັນວິທີທີ່ບໍ່ສະດວກປານໃດ ທ່ານສາມາດ ສັ່ງພິມລາຍຊື່ໄຟລບໍ່ວ່າຈະໜ້ອຍຫຼືຫຼາຍເທົ່າໃດກໍ່ໄດ້ ຢ່າງສະດວກແລະວ່ອງໄວໂດຍການໃຊ້ໂປຣແກຣມ ACDSee ເຊິ່ງມີວິທີການດັ່ງຕໍ່ ໄປນີ້:

1.ເປີດໂປຣແກຣມ ACDSee

2.ຄລິກເລືອກໂຟລເດິທີ່ເກັບໄຟລໄວ້ ທີ່ຕ້ອງການພິມລາຍຊື່ຈາກລາຍການດ້ານຊ້າຍ

3.ສັງເກດຈະເຫັນມີລາຍຊື່ໄຟລປາກົດຂຶ້ນຢູ່ດ້ານຂວາ

4.ກົດ Ctrl+G ຊື່ໄຟລທັງໝົດຈະຖືກນຳໄປໄວ້ໃນໂປຣແກຣມ Notepad

5.ມາຮອດຂັ້ນຕອນນີ້ທ່ານຄົງນຶກອອກແລ້ວວ່າຈະເຮັດແນວໃດຕໍ່ແມ່ນບໍ ພຽງແຕ່ກ໋ອບປີລາຍຊື່ເຫຼົ່ານັ້ນຈາກ Notepad ມາຕົກແຕ່ງໃນMicrosoft World ຫຼືອື່ນໆແລ້ວແຕ່ຄວາມເໝາະສົມ ແລະສັ່ງພິມຕາມຕ້ອງການ.

ນີ້ເປັນອີກວິທີການໜຶ່ງທີ່ເຮັດໃຫ້ເຮົາປະຍັດເວລາໃນການເຮັດວຽກຫຼາຍຂຶ້ນ.

ແຫວນນອກຈາກເປັນເຄື່ອງປະດັບທີ່ສະແດງອອກເຖິງຄວາມຮັກ ແລະຕົວຕົນຂອງແຕ່ລະຄົນໃນດ້ານແຟຊັ່ນແລ້ວ ແຕ່ການໃສ່ແຫວນໃນ ແຕ່ລະນິ້ວເຮັດໃຫ້ເຮົາໂຊກດີໃນດ້ານຕ່າງໆອີກດ້ວຍ ວ່າແຕ່ຈະເປັນໂຊກເລື່ອງໃດແລະນິ້ວໃດຈະສົ່ງຜົນແນວໃດລອງມາບິ່ງກັນເລີຍ.

1.ຖ້າຢາກໃຫ້ຄວາມຮັກໝັ້ນຄົງກໍ່ຕ້ອງແມ່ນນິ້ວທີ່ກົງກັບຫົວໃຈທີ່ສຸດ ຄືນິ້ວນາງຂ້າງຊ້າຍນັ້ນເລີຍ

2.ຖ້າຢາກໃຫ້ມີໂຊກເລື່ອງຄວາມຮັກ ກໍ່ຕ້ອງສວມແຫວນນິ້ວກ້ອຍຂ້າງຊ້າຍ

3.ຖ້າຢາກໃຫ້ໃຜຜູ້ນັ້ນສົນໃຈ ຕ້ອງສວມແຫວນທີ່ນິ້ວຊີ້ຂ້າງຊ້າຍ

4.ຖ້າຢາກໂຊກດີແລະມີຄວາມລາບລື່ນໃນເລື່ອງຕ່າງໆ ຕ້ອງສວມແຫວນທີ່ນິ້ວນາງຂ້າງຂວາ

5.ຖ້າຢາກມີສະເໜ່ມີຄົນຮັກຫຼາຍໆ ຕ້ອງສວມແຫວນທີ່ຫົວໂປ້ມືຈະເປັນຂ້າງຊ້າຍຫຼືຂວາກໍ່ໄດ້

6.ຖ້າຢາກປອດໄພຈາກສິ່ງຊົ່ວຮ້າຍ ຕ້ອງສວມແຫວນທີ່ນິ້ວກາງຈະເປັນຂ້າງໃດກໍ່ໄດ້

7.ຖ້າຢາກມີໂຊກທາງການເງິນ ຕ້ອງສວມແຫວນທີ່ນິ້ວກາງຂ້າງຂວາ

ເມື່ອຮູ້ແນວນີ້ແລ້ວກໍ່ລອງນຳໄປປະຕິບັດເບິ່ງ ບາງທີຄວາມເຊື່ອກໍ່ບໍ່ຄວນເປັນສິ່ງທີ່ຈະມອງຂ້າມມີບາງຕຳລາໄດ້ຂຽນບອກໄວ້ແນວນັ້ນ ແຕ່ບໍ່ເຊື່ອກະບໍ່ເປັນຫຍັງ.

ໃນຊີວິດຈິງບໍ່ອາດສາມາດຫຼີກລຽງໄດ້ທີ່ຈະພົວພັນເຊິ່ງກັນແລະກັນ ການພົວພັນນັ້ນໄດ້ເຮັດໃຫ້ເຮົາຮູ້ຈັກກັນຫຼາຍຂຶ້ນ ໃນທີ່ສຸດຈົນກາຍມາ ເປັນເພື່ອນຫຼືໝູ່ກັນນັ້ນເອງ ຄຳວ່າເພື່ອນມັນມີຄວາມໝາຍໃນໂຕທີ່ສະແດງເຖິງມິດຕະພາບ, ຄວາມຜູກພັນແລະບໍ່ມີໃຜທີ່ບໍ່ຢາກມີເພື່ອນ ແຕ່ເຮົາຈະຮູ້ໄດ້ແນວໃດວ່າໃຜຄືເພື່ອນທີ່ແທ້ຈິງຂອງເຮົາແລະເຮົາເປັນເພື່ອນຂອງເຂົາແທ້ບໍ ...?ເພາະສະນັ້ນລອງມາອ່ານສາລະເລັກໆ ນ້ອຍໆທີ່ຈະນຳມາຝາກ ອ່ານແລ້ວກະລອງພິຈາລານາເບິ່ງເດິ່ລະຫວ່າງເ “ພື່ອແທ້ແລະເພື່ອນທົ່ວໄປ”

ພື່ອນທົ່ວໄປບໍ່ເຄີຍເຫັນເຈົ້າຮ້ອງໃຫ້

ເພື່ອນແທ້ມີຫົວໄຫຼ່ໄວ້ຄອຍຊັບນໍ້າຕາ

 

ເພື່ອນທົ່ວໄປຈະບໍ່ຮູ້ຊື່ພໍ່ແມ່ຂອງເຈົ້າ

ເພື່ອນແທ້ຈະມີເບີໂທຂອງທ່ານໄວ້ໃນປຶ້ມເບີໂທລະສັບຂອງລາວ

 

ເພື່ອນທົ່ວໄປຈະຖືແກ້ວໄວນມາໃນງານລ້ຽງຂອງເຈົ້າ

ເພື່ອນແທ້ຈະມາແຕ່ເວັນເພື່ອຊ່ວຍເຈົ້າແຕ່ງອາຫານແລະທຳຄວາມສະອາດ

 

ເພື່ອນທົ່ວໄປຢາກລົມກັບເຈົ້າເຖິງບັນຫາຂອງພວກເຂົາ

ເພື່ອນແທ້ຢາກຊ່ວຍກຳຈັດປັດເປົ່າບັນຫາຂອງເຈົ້າອອກໄປ

 

ເພື່ອນທົ່ວໄປເວລາມາຢາມເຈົ້າຈະເຮັດຕົວເໝືອນແຂກ

ເພື່ອນແທ້ຈະເດີນໄປຍັງຕູ້ເຢັນແລະບໍລິການຕົວເອງ

 

ເພື່ອນທົ່ວໄປຈະຄິດວ່າມິດຕະພາບຈະຈົບລົງເມື່ອມີການຖົກຖຽງກັນ

ເພີ່ອນແທ້ຮູ້ດີວ່ານັ້ນຈະບໍ່ແມ່ນມິດຕະພາບຈົນກວ່າຈະໄດ້ຖົກຖຽງກັນ

 

ເພື່ອນທົ່ວໄປຄາດຫວັງໃຫ້ເຈົ້າຢູ່ຄຽງຂ້າງລາວສະເໝີ

ເພື່ອນແທ້ຄາດຫວັງທີ່ຈະຢູ່ຄຽງຂ້າງເຈົ້າຕະຫຼອດໄປ

“ຄືນໍ້າເຜີ້ງ ຄືນໍ້າຕາ ຄືຢາຜິດ ຄືຢາດນໍ້າອຳມະລິດທີ່ຊຸ່ມຊື່ນ ຄືດອກໄມ້ ຄືໄຟສຸມ ຄືຄວາມກຸ້ມ ຄືຄວາມຝັນ ນັ້ນແລະ ຮັກ ”ແລ້ວຄວາມຮັກຂອງທ່ານເດກຳລັງຄືຫຍັງ ຄືນໍ້າເຜີ້ງ ຄືນໍ້າຕາ….. ແຕ່ຖ້າກຳລັງຈະມີຄວາມຮັກຫຼືຢາກຈະມີຄວາມຮັກ ກະຂໍເຊີນທາງນີ້ເລີຍເພາະມີເລື່ອງດີໆ ກ່ຽວກັບຄວາມຮັກມາເລົ່າ“ສູ່ດຽວຟັງ” ເອິຍບໍ່ແມ່ນ! ເລົ່າສູ່ກັນຟັງຫຼົງອອກສັບພື້ນບ້ານ ບໍ່ເວົ້າຫຍັງຍາວມາເຂົ້າສູ່ປະເດັນເລີຍດີກວ່າ.

ຄວາມຮູ້ຮອບຕົວ ກ່ຽວກັບຄວາມຮັກ ທີ່ຄວນຮູ້ໄວ້ເພື່ອກຽມພ້ອມທີ່ຈະມີຄວາມຮັກ

1.ອາລົມຫຶງຈະເກີດຂຶ້ນໄດ້ທັງຍິງແລະຊາຍ ແຕ່ອາລົມຫຶງຂອງຜູ້ຍິງຈະຊັບຊ້ອນກວ່າຜູ້ຊາຍ

2.ຜູ້ຊາຍຮ້ອຍລະ90ມັກຜູ້ຍິງງາມ ໜ້າຮັກແຕ່ຜູ້ຊາຍຮ້ອຍລະ100ຢາກຢູ່ກັບຜູ້ຍິງສະຫຼາດສະ ຫຼຽວ

3.ຄົນທີ່ມີແຟນຂີ້ຫຶງຂັ້ນຮຸນແຮງມີພຽງ0.000001ເປີເຊັນເທົ່ານັ້ນທີ່ມັກ ນອກນັ້ນຮູ້ສຶດວ່າອຶດ ອັດ

4.ບໍ່ມີຄູ່ໃດທີ່ບໍ່ຕ້ອງໃຊ້ຄວາມອົດທົນໃນການຮັກ ພຽງແຕ່ເປັນການອົດທົນໃນຮູບແບບຕ່າງກັນ ເທົ່ານັ້ນເອງ

5.ຄົນທີ່ມີກິ໋ກນອກເໜືອຈາກແຟນຕົວຈິງຄືຄົນບໍ ສັດທາໃນຄວາມຮັກ

6.ບໍ່ຕ້ອງຢ້ານທີ່ຈະອົກຮັກ ເພາະບໍ່ເຄີຍມີໃຜເສຍຊີວິດເພາະໂລກອົກຮັກ ມີແຕ່ຄວາມອອ່ນແອ ເທົ່ານັ້ນທີ່ເຮັດໃຫ້ຂ້າຕົວຕາຍ

7.ຄວາມຮັກມັກຈະບໍ່ເກີດຕອນເຝັ້າລໍ ແຕ່ເມື່ອປ່ອຍຕົວຕາມສະບາຍ ຄວາມຮັກມັກຈະມາ ເຊີໄພຣສໃຫ້ຫົວໃຈ

8.ເຖິງຈະໄວ້ໃຈເພື່ອນເທົ່າໃດກໍ່ຕາມ ຢ່າໃຫ້ເພື່ອນກັບແຟນຂອງເຮົາສະນິດກັນເກີນໄປ ເພາະຫາຍານະອາດຕາມມາ

9.ຖ້າຮູ້ສຶກອາຍເວລາເດີນຄຽງຂ້າງແຟນທີ່ບໍ່ງາມປານໃດ ແຟນຂີ້ຮ້າຍວ່າຊັ້ນເທາະ ນັ້ນໝາຍຄວາມວ່າເຮົາບໍ່ໄດ້ຮັກເຂົາຈິງ

10.ຢ່າຈົ່ມໃຫ້ຄົນອື່ນຟັງວ່າແຟນບໍ່ເຄເຮັດຕົວດີຂຶ້ເລີຍ ເພາະອາດຖືກສວນກັບ“ແລ້ວຈະໂງ່ ທົນຢູ່ເຮັດຫຍັງ”

11.ຖິາຮູ້ຕົວວ່າເປັນຄົນຂີ້ຫຶງຢ່າງຮຸນແຮງ ຢ່າໄດ້ເລືກຄົບຜູ້ຊາຍທີ່ໜ້າຕາແລະມະນຸດສຳພັນທີ່ ດີເດັດຂາດ

12.ການທີ່ຜູ້ຊາຍເບິ່ງຜູ້ຍິງງາມ ເສັກຊີ່ ບໍ່ໄດ້ໝາຍວ່າເຂົາຕ້ອງການແຟນທີ່ເປັນແບບນັ້ນ

13.ຜູ້ຊາຍທີ່ໄວ້ໃຈໄດ້ ວ່າບໍ່ນອກໃຈແຟນຫຼືພັນລະຍາ ມີພຽງຜູ້ຊາຍທີ່ຢູ່ໃນໂລງເທົ່ານັ້ນ ຄວນ ຈຳໃຫ້ຂຶ້ນໃຈ

14.ພະຍາຍາມເຮັດຕົວໃຫ້ດີແລະມີຄຸນຄ່າຫຼາຍກວ່າຄົນທີ່ແຍ່ງແຟນເຮົາໄປ ແລ້ວວັນໜຶ່ງແຟນ ເຮົາຈະກັບມາເອງ

15.ຢ່າຄົບກັບຜູ້ຊາຍທີ່ເອົາເລື່ອງແຟນເກົ່າມາເວົ້າເສຍໆຫາຍໆ ເພາະເຮົາອາດເປັນລາຍຕໍ່ໄປ.

16.ຜູ້ຊາຍທີ່ຮັກສັດ ຮັກສຽງເພງ ຮັກຄອບຄົວ ໜ້າຄົບຫຼາຍກວ່າຜູ້ຊາຍທີ່ຮັກຕົວເອງ

17.ຢ່າຮັກຜູ້ຊາຍຂີ້ເມົາເພາະເຮົຈະຕ້ອງຮູ້ສຶກຕົກນາລົກໄປຕະຫຼອດຊີວິດຢ່າງແນ່ນອນ

18.ຄູ່ຮັກທີ່ເດີນກອດຈູບກັນຕໍ່ໜ້າຊຸມຊົນ ມີແຕ່ຝ່າຍຍິງເທົ່ານັ້ນທີ່ຈະຖືກປະນາມແລະດູໝິ່ນຢ່າງຮຸນແຮງ

19.ເສັກສບໍ່ສາມາດຜູກມັດໃຫ້ຄູ່ຮັກຢູ່ນຳກັນຕະຫຼອດໄປ ຄວາມຜູກພັນຕ່າງຫາກທີ່ຈະດຶງຈ່ອງກັນໄວ້ໄດ້

20.ອາຍຸບໍ່ແມ່ນອຸປະສັກຂອງຄວາຮັກ ຖ້າຄວາມຄິດຂອງຫົວໃຈຕົງກັນ ຄວາມໝັ້ນຄົງກໍ່ເກີດຂຶ້ນໄດ້.

21.ໃນຊີວິດຈິງຂອງຄວາມຮັກ ເຮົາາອາດບໍ່ແມ່ນນາງເອກທີ່ແສນດີສະເໝີໄປ ບາງທີເຮົາອາດໃຊ້ໄຫວພິບ ໃນການແຍ່ງຊີງແດ່

22.ຄົນງາມຫຼືຄົນຫຼໍ່ສາມາດອົກຮັກໄດ້ເໝືອນກັນ ຖ້າເຮັດຕົວບໍ່ດີຫຼືມີເວລາໃຫ້ກັບຄວາມຮັກໜ້ອຍໄປ

23.ເຖິງຈະໄດ້ຍິນຄຳວ່າມີຮັກຢູ່ບ່ອນໃດມີທຸກຢູ່ບ່ອນນັ້ນ ແຕ່ຄົນສ່ວນໃຫຍ່ຍັງເລືອກທີ່ຈະມີຄວາມຮັກຫຼາຍກວ່າຈະ ຢູ່ເປັນໂສດ

24.ເລື່ອງທີ່ແຟນບໍ່ຍອມເລົ່າໃຫ້ຟັງຕັ້ງແຕ່ຄັ້ງທຳອິດທີ່ພົບກັນ ເປັນເລື່ອງທີ່ເຮົາຮູ້ຍາມໃດຄວັນອອກຫູຍາມນັ້ນ

25.ຖ້າຊື່ນຊົມໃນຕົວແຟນ100ເປີເຊັນກະບອກເຂົາໄປ70ເປີເຊັນກະພໍແລ້ວ

26.ເຖິງຜູ້ຊາຍຈະບອກວ່າບໍ່ມັກຜູ້ຍິງແຕ່ງໜ້າ ແຕ່ຜູ້ຊາຍກໍ່ບໍ່ມັກຄົນທີ່ໜ້າມັນຫຼືຊີດຕະຫຼອດ

27.ຜູ້ຊາຍມັກຕິເລື່ອງຮູບຮ່າງຂອງແຟນຫຼືຄົນນັ້ນຄົນນີ້ ໂດຍລືມເບິ່ງຮູບຮ່າງຂອງຕົວເອງ

28.ຄົນຕ່າງຊາດຕ່າງພາສາສາມາດຮັກກັນໄດ້ ເພາະພາສາຫົວໃຈເປັນພາສາສາກົນທີ່ບໍ່ຕ້ອງການຄຳແປ

29.ຜູ້ຊາຍຕ້ອງໃຊ້ສະໝອງແລະທັກສະຫຼາຍຂື້ນໃນຊ່ວງທີາມີຄວາມຮັກ ເພາະຜູ້ຍິງມັກປາກບໍ່ກົງກັບໃຈ

30.ຜູ້ຊາຍມັກເປັນຝ່າຍໄລ່ລ່າ ຫຼາຍກວ່າເປັນຝ່າຍຖືກລ່າສະນັ້ນຈິ່ງບໍ່ເປັນເລື່ອງແປກທີ່ຈະພະຍາຍາມໜີເມຶ່ອຖືກຕື້

31.ຜູ້ຍິງອາດບໍ່ໄດ້ຮຽກຮ້ອງຫຍັງຫຼາຍຂຶ້ນ ແຕ່ເປັນເພາະຜູ້ຊາຍບໍ່ສາມາດເຮັດດີໄດ້ສະເໝີຕົ້ນສະເໝີປາຍ

32.ຮັກເກີດຈາກການພົບກັນຄັ້ງທຳອິດສາມາດເກີດຂຶ້ນໄດ້10ເປີເຊັນ ນອກນັ້ນເກີດຈາກການໃກ້ຊິດແລະ ການຮຽນຮູ້ກັນຢ່າງເລິກເຊິ່ງ

33.ຄົນທີ່ເຮົາຮັກກັບຄົນທີ່ຮັກເຮົາອາດບໍ່ແມ່ນຄົນດຽວກັນ ເລື່ອງນີ້ສອນໃຫ້ເຮົາຮຼ້ວ່າຄົນເຮົາບັງຄັບຫົວໃຈກັນບໍ່ໄດ້ ແທ້ໆ

34.ທຸກຄົນຈະເປັນຜູ້ໃຫຍ່ຫຼາຍຂຶ້ນເມື່ອໄດ້ມີຄວາມຮັກແລະເປັນຜູ້ໃຫຍ່ຫຼາຍຂຶ້ນອີກເມຶ່ອອົກຮັກ

35.ມືທີ່ສາມສາມາດເດີນເຂັ້າມາໃນຊີວິດເຮົາໄດ້ຕະຫຼອດເວລາ ໃນຄວາມໄວ້ໃຈຈິ່ງຄວນມີຄວາມລະວັງໄວ້ພ້ອມ

36.ຢ່າຟ້າວມີແຟນຫຼັງຈາກອົກຮັກ ເພາະເຮົາຈະແຍກບໍ່ອອກວ່ານັ້ນເປັນຄວາມຮັກຫຼືການຂ້າເວລາ

37.ຄົນທີ່ຮັກກັນບໍ່ຈຳເປັນຕ້ອງເດີນຈັບມືຫຼືລົມກັນຕະຫຼອດທາງພຽງຮູ້ສຶກວ່າມີກັນແລະກັນກໍ່ພໍແລ້ວ.

 

ເຫດຜົນທີ່ເຮົາຄວນຮັກແມ່ຫຼາຍກວ່າແຟນ

 

1.ຖ້າບໍມີແມ່ ແຟນເຮົາກໍ່ຈະບໍ່ມີຄົນຮັກດີໆແບບນີ້ ບາງທີອາດຕ້ອງຢູ່ເປັນໂສດ

2.ແມ່ບໍ່ເຄີຍຫຼອກໃຫ້ເຮົາຫຼົງຮັກ ເພາະເຮົາເຕັມໃຈຮັກແມ່ໂດຍບໍ່ຕ້ອງຫຼົງ

3.ແມ່ອາດເຄີຍຕີເຮົາໃຫ້ເຈັບຕົວ ແຕ່ແມ່ບໍ່ເຄີຍເຮັດໃຫ້ເຮົາເຈັບຫົວໃຈ

4.ແມ່ສົ່ງເສຍເຮົາ ແຕ່ເຮົາຕ້ອງສົ່ງເສຍແຟນ

5.ແມ່ບໍ່ເຄີຍບອກເລີກ

6.ແມ່ເປັນທະນາຄານສ່ວນຕົວທີ່ເວລາກູ້ຢືມແລ້ວບໍ່ຄິດດອກເບ້ຍແລະບໍ່ເຄີຍທວງຄືນ

7.ແມ່ເຫັນເຮົາແກ້ເຄື່ອງນຸ່ງຕັ້ງແຕ່ຄາວຍັງນ້ອຍໂດຍບໍ່ເຄີຍຕິເລື່ອງຮູບຮ່າງ

8.ແມ່ເປັນຄົນທີ່ເຫັນເຮົາດີກວ່າສາມີຂອງແມ່ສະເໝີ

9.ຂໍຫອມແມ່ບໍ່ຍາກເທົ່າຂໍຫອມແຟນ

10.ແມ່ຍອມຕັດສາຍບືຕົວເອງເພື່ອໃຫ້ເຮົາໄດ້ເກີດມາ

11.ແມ່ສອນໃຫ້ເຮົາເວົ້າໄດ້ເພື່ອຈະໄປບອກຮັກກັບແຟນຕອນເຮົາໃຫຍ່ມາ

12.ແມ່ຍອມຖືພາຕັ້ງ9ເດືອນເພື່ອໃຫ້ເຮົາອາໃສຢູ່ຂ້າງໃນ

13.ບໍ່ມີ“ວັນແຟນ“ຄືກັບ“ວັນແມ່“

 

ເປັນແນວໃດເຫັນດີນຳບໍເຫດຜົນນີ້ຫຼືມີອັນໃດເພີ່ມເຕີມອີກ.

ມາທົດສອບຄວາມຮູ້ຮອບຕົວກັນ

1.ຍຸງບິນດ້ວຍຄວາມໄວ5ໄມລຕໍ່ຊົ່ວໂມງ

2.ແມງກະເບື້ອບິນດ້ວຍຄວາມໄວ2ໄມລຕໍ່ຊົ່ວໂມງ

3.ເສັ້ນຜົມຄົນຮັບນໍ້າໜັກໄດ້3ກິໂລກລາມ

4.ຫຼຽນຄຳກິລາໂອແລມປິກຕ້ອງມີແຮ່ເງິນປະສົມຢູ່92.5ເປີເຊັນ

5.ຫໍເອນແຫ່ງເມືອງປີຊາເອນໄປທາງໃຕ້

6.ກະສັດຫຼຸຍທີ່14ອາບນໍ້າທັງໝົດ3ຄັ້ງໃຊີວິດ

7.ເຮົາບໍ່ສາມາດຂ້າຕົວຕາຍດ້ວຍການກັ້ນຫາຍໃຈ

8.ປະເທດສະອຸດິອາລະເບຍບໍ່ມີແມ່ນໍ້າ

9.ກົງຫັນທົ່ວໂລກໝູນໄປຕາມເຂັມໂມງຍົກເວັ້ນທີ່ປະເທດໄອແລນ

10.ປາທີ່ອາໄສຢູ່ໃນນໍ້າເລິກເກີນ800ແມັດຈະບໍ່ມີຕາ

11.ຜົມຄົນເຮົາຫຼົ່ນປະມານ200ເສັ້ນຕໍ່ວັນ

12.ອັກສອນຕົວໂອເປັນສະຫຼະເກົ່າແກ່ທີ່ສຸດຂອງປະເທດອັງກິດ

13.ຄົນເວົ້າປະມານ120ຄຳຕໍ່ນາທີ

14.ຝາມືແລະຝາຕີນຂອງຄົນເຮົາບໍ່ສາມາດໄໝ້ໄດ້

15.ເໝັ້ນມັກຊ່ວຍຕົວເອງ

16.ຖ້າປາໄຫຼໄຟຟ້າຢູ່ໃນນໍ້າເຄັມຈະຖືກຊ໋ອດຕາຍ

17.ປະເທດວາຕີກັນມີປະຊາກອນປະມານ1000ຄົນ

18.ເມື່ອທ່ານຈາມຫົວໃຈຈະຢຸດເຕັ້ນສ້ຽວວິນາທີ

19.ມັນເປັນໄປບໍ່ໄດ້ທີ່ທ່ານຈາມໂດຍບໍ່ຫຼັບຕາ

20. ກ້າມເນື້ອທີ່ແຂງແຮງທີ່ສຸດໃນຮ່າງກາຍຄືລີ້ນ

21.ຫົວໃຈມະນຸດສ້າງຄວາມດັນພຽງພໍທີ່ຈະປໍ້າເລືອດອອກຈາກຮ່າງກາຍໄປ3ຟຸດ

22.ການໃສ່ຫູຟັງພຽງຊົ່ວໂມງດຽວເຮັດໃຫ້ເຊື້ອແບັກທີເຣຍໃນຫູເພີ່ມຂື້ນ700ເທົ່າຕົວ

23.ລິບສະຕິກສ່ວນໃຫຍ່ມີສ່ວນປະສົມຂອງເກັດປາ

24.ຄືກັບລາຍນີ້ວມື….ລາຍລີ້ນຂອງທຸກຄົນຕ່າງກັນ

25.ບໍລິສັດຜູ້ຜະລິດຢາຖູແຂ້ວດາຣລີ່ເປັນເຈົ້າຂອງດຽວກັບທີ່ຜະລິດຢາຖູແຂ້ວຄອລເກດ

26.ໃນນໍ້າທະເລ100ໂຕນຈະມີຄຳຢູ່ປະມານ4ກລາມ

27.ຈຳນວນແຖວຂອງສາລີແຕ່ະຊະນິດຈະເປັນຄູ່

28.ຍຸງມັກເລືອດເດັກນ້ອຍກວ່າເລືອດຜູ້ໃຫຍ່

29.ແຂ້ວຂອງແມງສາບຢູ່ໃນທ້ອງ

30.ນອກຈາກມະນຸດແລ້ວໝີຂົ້ວໂລກແລະຈິງໂຈ້ກໍ່ຈູບເປັນ

31.ຄົນຖະນັດມືຂວາອາຍຸຍືນກວ່າຄົນຖະນັດມືຊ້າຍ9ປີ

32.ແກ້ວບໍ່ໄດ້ເປັນຂອງແຂງແຕ່ເປັນຂອງແຫຼວ

33.ສະໝອງຂອງຄົນໜັກປະມານ3%ຂອງນໍ້າໜັກຂອງຮ່າງກາຍແຕ່ໃຊ້ເລືອດໄປລ້ຽງເຖິງ15%ຂອງເລືອດທັງໝົດ

34.ອູລູສາມາດໝູນຫົວ180ອົງສາ

35.ແມງມູມທອດລົດຊາດຄືຖົ່ວ

36.ຈິງໂຈ້ເປັນສັດລ້ຽງລູກດ້ວຍນົມຊະນິດດຽວທີ່ຍ່າງຖອຍຫຼັງບໍ່ໄດ້

ຄັ້ງກ່ອນກະໄດ້ກ່າວເຖິງອາການຂອງComputer Vision Syndrome ໄປແລ້ວແລະມື້ນີ້ ຈະນຳເອົາວິທີແກ້ໄຂບັນຫາດັ່ງກ່າວມາເວົ້າສູ່ກັນຟັງ ອະບໍ່ເວົ້າຫຍັງຍາວເຂົ້າເລື່ອງກັນເລີຍດີກວ່າ

ການແກ້ໄຂບັນຫາ Computer Vision Syndrome ມີດັ່ງນີ້:

1.ການຈັດສິ່ງແວດລ້ອມ ໄດ້ແກ່ການຈັດວາງໂຕະຄອມພິວເຕີໃຫ້ຈໍຄອມພິວເຕີຢູ່ຫ່າງຈາກລູກ ຕາ20-24ນິ້ວຫຼືປະມານ50.8-60.96ຊັງຕີແມັດ ວາງໃນລະດັບທີ່ຕໍ່າກວ່າລະດັບຕາປະມານ 10-20ອົງສາ ເພື່ອຈະບໍ່ໄດ້ເຫຼືອບຕາຂຶ້ນສູງ ຄວາມສະຫວ່າງຂອງຫ້ອງຕ້ອງພຽງພໍຢ່າໃຊ້ ຄອມພິວເຕີໃນຫ້ອງທີ່ມືດ ຄວາມສະຫວ່າງຂອງຫ້ອງຫຼືໂດຍຮອບຄອມພິວເຕີຕ້ອງໃຫ້ໃກ້ຄຽງ ກັນ ບໍ່ຄວນໃຫ້ແສງໄຟສ່ອງມາຈາກດ້າຫຼັງຈໍຄອມພິວເຕີ ນອກຈາກນີ້ອາດໃຊ້ແຜ່ນກັນແສງ   

(Anti-reflection screen filter) ທີ່ມີຂາຍຕາມທ້ອງຕະຫຼາດເພີ່ອຂ່ວຍຫຼູດແສງສະທ້ອນທີ່ ແຕກກະຈາຍເປັນຕົ້ນ.

2.ການຄວບຄຸມລວມທັງການໃຊ້ງານຈໍຄອມພິວເຕີ ໄດ້ແກ່ ຄວາມສະຫວ່າງຂອງຈໍຄອມພິວເຕີ

ຄວນຈະປັບໃຫ້ເທົ່າກັບໆຄວາມສະຫວ່າງຂອງຫ້ອງ ສ່ວນການແຍກຄວາມແຕກຕ່າງ (Contrast) ຂອງໜ້າຈໍທີ່ເຮົາສາມາດປັບຢູ່ຈໍຄອມພິວເຕີໄດ້ນັ້ນ ຄວນປັບໃຫ້ສູງສຸດເທົ່າທີ່ຜູ້ໃຊ້ ຮູ້ສຶກສະບາຍຕາ ຕົວໜັງສືຄວນມີຂະໜາດ3ເທົ່າຂອງຕົວໜັງສືນ້ອຍທີ່ສຸດທີ່ທ່ານສາມາດ ອ່ານ ໄດ້ຈາກຈໍຄອມພິວເຕີ ໃນຂະນະດຽວກັນຕົວໜັງສືຄວນເປັນສີດຳໃນພື້ນສີຂາວຈະເໝາະສົມທີ່ ສຸດ ນອກຈາກນັ້ນການວາງເຈ້ຍຫຼືໜັງສືທີ່ຈະຕ້ອງເບິ່ງໃຫ້ຢູ່ແນວດຽວກັບຈໍຄອມພິວເຕີ ຊຶ່ງປັດ ຈຸບັນມີການໃຊ້ຕົວຢືດດ້ານຂ້າງຈໍຄອມພິວເຕີທີ່ສາມາດໜີບເຈ້ຍຫຼືໜັງສືທີ່ຕ້ອງເບິ່ງໄດ້ ໂດຍ ບໍ່ຈຳເປັນຕ້ອງກົ້ມໆເງີຍໆລະຫວ່າງຈໍຄອມພິວເຕີແລະໜັງສືຫຼືເຈ້ຍນັ້ນໆ ເພາະ

ສະນັ້ນກະຫາມາໃຊ້ສາເພື່ອສຸຂະພາບເຮົາເອງວ່າຊັ້ນເດ

3.ການແກ້ບັນຫາທາງຕາ ເມື່ອຮູ້ແລ້ວວ່າການໃຊ້ຄອມພິວເຕີແລ້ວເຮັດໃຫ້ການກະພິບຕາ ຫຼຸດໜ້ອຍລົງ ດັ່ງນັ້ນຄວນນຶກເຖິງຂໍ້ນີ້ສະເໝີ ເຊິ່ງມີຄວາມສຳຄັນຫຼາຍ ນອກຈາກນິ້ຜູ້ໃຊ້ ຄອມພິວເຕີເປັນປະຈຳ ຈະຕ້ອງປັບນິໄສຕົວເອງໃຫ້ມີການຄາຍກ້າມເນື້ອທີ່ໃຊ້ໃນການເບິ່ງໃກ້

ໂດຍບັງຄັບໃຫ້ເບິ່ງໄປທີ່ໄກໆດົນປະມານ1-2ນາທີ ເຊັ່ນການເບິ່ງອອກໄປນອກປ່ອງຢ້ຽມເປັນ ບາງຄັ້ງຄາວຫຼືຢ່າງນ້ອຍ1-2ຄັ້ງ/ຊມ ຫຼືໃຫ້ມີການຢຸດການເຮັດວຽກທຸກໆຊົ່ວໂມງປະມານ  10-15ນາທີເປັນຕົ້ນ

4.ຜູ້ທີ່ເລີ່ມມີສາຍຕາຍາວຕາມອາຍຸ ຊຶ່ງສ່ວນໃຫຍ່ຢູ່ໃນຊ່ວງອາຍຸຕັ້ງແຕ່40ປີຂຶ້ນໄປ ຄວນໃສ່ແວ່ນແກ້ໄຂສາຍຕາທີ່ເໝາະສົມ.

5.ການແກ້ບັນຫາປວດຄໍ ປວດໄຫຼ່ແລະປວດຫຼັງ ນອກຈາກຈັດຈໍຄອມພິວເຕີໃຫ້ເໝາະສັມແລ້ວ ທ່ານັ່ງໜ້າ ຈໍຄອມພິວເຕີກໍ່ມີຄວາມສຳຄັນ ຄວນຈະນັ່ງໃຫ້ລຳຕົວຊື່ ຫຼັງເອນໄປດ້ານຫຼັງເລັກ ນ້ອຍ ແຂນທັງສອງໃນຂະນະກົດແປ້ນພິມໃຫ້ຢູ່ແນວຂະໜານກັບພື້ນ ສ່ວຕີນຄວນວາງກັບພື້ນ.

 

   ເມື່ອຮູ້ແນວນີ້ແລ້ວກະລອງນຳໄປປະຕິບັດທົດລອງເບິ່ງ ບາງທີວິທີນີ້ອາດຊ່ວຍທ່ານໄດ້ ບໍ່ຫຼາຍກໍ່ໜ້ອຍເນາະ ແລ້ວຢ່າລືມມາເລົ່າໃຫ້ຟັງແນ່ເດີ່.

                                                              

ປັດຈຸບັນສັງຄົມມີການຂະຫຍາຍຕົວຢ່າງວ່ອງໄວ ມີການນຳໃຊ້ເທັກໂນໂລຢີຫຼາຍຢ່າງຢູ່ໃນຊີວິດປະຈຳວັນ ໃນນັ້ນຄອມພິວເຕີກໍ່ເປັນທີ່ນິຍົມຂອງຄົນທົ່ວໄປ ບໍ່ວ່າຢູ່ໃນບ່ອນເຮັດວຽກກໍ່ຄືຢູ່ໃນບ້ານ ຫຼາຍໆທ່ານອາດຈະຮູ້ເຖິງຜົນກະທົບຕໍ່ສຸຂະພາບເນື່ອງຈາກການໃຊ້ຄອມພິວເຕີ ແຕ່ສຳລັບທ່ານໃດທີ່ບໍ່ເຄີຍຄິດຫຼືຄິດແລ້ວແຕ່ບໍ່ຮູ້ວິທີປ້ອງກັນ ກະນຳຕາມຄໍລຳນີ້ເລີຍເດິອາດຈະເປັນວິທີໜື່ງທີ່ຊ່ວຍທ່ານໄດ້.

ໃນທີ່ນີ້ຈະສະເໜີແຕ່ຜົນກະທົບຕໍ່ສາຍຕາກ່ອນເດີ.ເລື່ອງມີຢູ່ວ່າ:ການທີ່ເຮົາເບິ່ງຈໍຄອມພິວເຕີນານໆຈະກໍ່ໃຫ້ເກີດອາການ "Computer Vision Syndrome"ເຊິ່ງອາການສະແດງອອກດັ່ງນີ້:

1.ບັນຫາປວດຕາຫຼືເມື່ອຍຕາ:(Eye Strain,Tired Eye)

ເກີດຈາກການໃຊ້ສາຍຕາຕິດຕໍ່ກັນຢ່າງຍາວນານ ເຮັດໃຫ້ມີອາການເມື່ອຍລ້າຈາກການໃຊ້ສາຍຕາ ໂດຍປົກກະຕິການອ່ານຈາກ Computer Monitor ເຮັາຕ້ອງຄຶງສາຍຕາຫຼາຍກວ່າປົກກະຕິ ເນື່ອງຈາກຕົວໜັງສືເກີດຂຶ້ນຫຼາຍຈຸດມາຕໍ່ກັນ ບໍ່ຕືການອ່ານໜັງສືທີ່ພິມໃນເຈ້ຍຊື່ງຈະຊັດເຈນຫຼາຍກວ່າ ຂໍ້ແນະນຳຄື ຕວນມີການຢຸດພັກສາຍຕາເປັນໄລຍະ ໂດຍທຸກໆ20-30ນາທີໃຫ້ພັກສາຍຕາຈາກຈໍຄອມພິວເຕີ ໂດຍເບີ່ງໄປບໍລິເວນພື້ນທີ່ກ້ວາງຫຼືນອກປ່ອງຢ້ຽມຫຼືຫຼັບຕາເພື່ອຫຼຸດການຄຶງສາຍຕາປະມານ30ວິນາທີ-1ນາທີ ຈື່ງເຮັດວຽກກັບຈໍຄອມພິວເຕີຕໍ່ໄປ

2.ບັນຫາເຄືອງຕາ,ແແສບຕາ.(Ocular Surface Problems)

ປົກະຕິຕາຄົນເຮົາຈະມີນໍ້າຕາເຄືອບຜິວຢູ່ຕະຫຼອດເວລາເປັນການຫຼໍ່ລ້ຽງຕາ ຊ່ວຍໃນການຫັກແສງທີ່ເຂົ້າຕາເຮັດໃຫ້ເບິ່ງເຫັນດີຂຶ້ນ ຖ້ານໍ້າເຄືອບດັ່ງກ່າວຫາກໜ້ອຍກວ່າປົກກະຕິ ກໍ່ຈະເກີດອາການແຫ້ງ,ແສບຕາ,ເຄືອງຕາ,ຕາແດງ ມີຕາມົວເປັນໄລຍະຊື່ງເກີດຈາກທີ່ເຮົາໃຊ້ຕາເບິ່ງຈໍຄອມພິວເຕີນານໆນັ້ນເອງ ເຮົາມັກຈະຈ້ອງຕາຢ່າງຕໍ່ເນື່ອງເປັນຜົນເຮັດໃຫ້ການກະພິບຕາຫຼຸດລົງ66%ເມື່ອທຽບກັບປົກກະຕິ ກໍ່ໃຫ້ເກີດນໍ້າຕາລະເຫີຍອອກໄປຫຼາຍ ເຮັດໃຫ້ຕາແຫ້ງຕາມມາ ເຮົາຄວນມີກາກະພິບຕາ10-15ຄັ້ງຕໍ່ນາທີເພື່ອປ້ອງກັນພາວະຕາແຫ້ງ.

3.ບັນຫາຕາມົວ(Blurred Vision)

ພົບໃນຜູ້ທີ່ໃຊ້ຄອມພິວເຕີຫຼາຍເກີນໄປ ໂດຍທົ່ວໄປຈະບໍ່ມີຜົນຕໍ່ສາຍຕາຢ່າງຖາວອນ ແຕ່ການໃຊ້ສາຍຕາໃນການຫຼິ້ນເກມຄອມພິວເຕີເປັນເວລານານ ກໍ່ໃຫ້ເກີດການປວດເມື່ອຍຕາ,ປວດຫົວແລະເກີດພາວະສາຍຕາສັ້ນ ແຕ່ຈະເປັນພຽງຊົ່ວຄາວ ດັ່ງນັ້ນການຫຼິ້ນເກມເປັນເວລານານໆຈະບໍ່ເຮັດໃຫ້ສາຍຕາສັ້ນຢ່າງຖາວອນກໍ່ຕາມ ແຕ່ກໍ່ຄວນໃຊ້ພໍເໝາະເພື່ອສຸຂະພາບເຮົານີ້ລະ.

4.ບັນຫາເບິ່ງເຫັນພາບຊ້ອນ(Double Vision)

ເມື່ອໃຊ້ຄອມພິວເຕີນານໆສະເລ່ຍຫຼາຍກວ່າ3.5ຊ.ມ ເຮັດໃຫ້ກ້າມເນື້ອຕາອ່ອນລ້າຈິ່ງເກີດອາການເບິ່ງເຫັນເປັນພາບຊ້ອນ ຊື່ງຈະດີຂຶ້ນຫຼັງໄດ້ພັກສາຍຕາ.

>>ຢ່າລືມຕິດຕາມຕໍ່ໄປຍັງມີວິທີແກ້ບັນຫາ Computer Vision Syndrome ມາຝາກເດີ່ພີ່ນ້ອງ...ອິໆ>>

ທີ່ມາ:www.sanook.com