ເປັນເລື່ອງລາວໜຶ່ງ ທີ່ເກີດຂື້ນແທ້... ຫຼື ອາດຈະບໍ່ແມ່ນຄວາມຈິງ..ແຕ່ຈະເປັນແນວໃດ ກໍ່ຄົງຈະຂື້ນຢູ່ກັບໂຕຂອງທ່ານເອງ ວ່າທ່ານ ຈະເຄີຍໄດ້ຍິນ ຫຼື ມີປະສົບການ ກ່ຽວກັບເລື່ອງແບບນີ້ມາກ່ອນ ຫຼື ບໍ່..
ຖ້າຫາກຫຼາຍຄົນ ຄິດວ່າການທີ່ເຮົາ ພາກັນ ໄປເຮັດອັນແບບວ່າ.. ກັບແຟນ.. ກັບຜູ້ສາວ ຫຼື ຜູ້ບ່າວ.. ຫຼືໃຜກະຢ່າເຖາະ.. ເພາະ ສ່ວນໃຫຍ່ແລ້ວ ມັນກະຄົງຈະເປັນບ່ອນ ແລະ ສະຖານທີ່ ທີ່ງ່າຍສຸດລະແຫຼະ ທີ່ຈະມີຫຍັງ ແບບນັ້ນ ຢູ່ໃນລົດ...ຢູ່ບ່ອນມືດຯ....
ເລື່ອງນີ້ ເປັນປະສົບການຂອງຄົນທີ່ຂ້ອຍຮູ້ຈັກ. ມັນກະເປັນປົກກະຕິ ຕາມພາສາຂອງບ່າວສາວເປັນສ່ວນໃຫຍ່ (ແຟນກັນຫັ້ນນະ) ທີ່ມັກຈະພາກັນ ຂີ່ລົດຫຼີ້ນ ໄປເລື້ອຍຯ ..ແຕ່ເອົາເປັນວ່າ ກະເຈົ້າສິເວົ້າແນວໃດນຳກັນກະຢ່າແຫຼະ ເຮົາບໍ່ຕ້ອງຮູ້ກະໄດ້ເນາະ..(ເລື່ອງຂອງຄວາມຮັກກະເຈົ້າຫັ້ນນ່າ) ເອົາເປັນວ່າ ທັງສອງຄົນກໍ່ຢູ່ໃນໄວຄຶກຂະນອງຢູ່ ແລະ ກໍ່ມັກເຮັດຫຍັງທີ່ທ້າທາຍ ແລະ ”ຕື່ນເຕັ້ນ” ຢູ່ສະເໝີ.... ຈາກນັ້ນທັງສອງ ກໍ່ພາກັນຂີ່ລົດໄປ(ລົດໃຫຍ່) ຊອກຫາຮ່ອມນ້ອຍ ຮ່ອມໃຫຍ່ ..ຈົນເຫັນຮ່ອມໜຶ່ງ ທີ່ຂ້ອນຂ້າງຈະມືດ ແລະ ກະປ່ຽວຫຼາຍ, ທັງສອງກໍ່ບໍ່ສົນຫຍັງດອກ ເພາະກະຄິດນຳກັນວ່າ ເຮົາພາກັນເອົາລົດໃຫຍ່ມາ..ໄກຯປານນີ້..ມືດກະປານນີ້ ຄືສິບໍ່ມີໃຜເຫັນດອກ..
ຈາກນັ້ນແຫຼະ ທັງສອງກໍ່..ເຮັດພາລະກິດ (ເຊັນເຊີ້ເດີ້..ກະລຸນາ ຈິນຕະນາການເອົາ ເພາະຮອດຕອນນີ້..ໝູ່ຜູ້ມີປະສົບການ ລາວບໍ່ໄດ້ເຫຼົ່າໃຫ້ຟັງລະອຽດ) ຫຼັງຈາກທີ່ທັງສອງ ຮູ້ສຶກຢາກຈະກັບບ້ານ.. ກໍ່ພະຍາຍາມລ້ຽວລົດກັບ..ແຕ່ປະກົດວ່າ ທາງມັນນ້ອຍຫຼາຍ.. ນ້ອຍຈົນອ້ຽວລົດບໍ່ໄດ້ເລີຍລະ.. ສອງຄົນກໍ່ໄດ້ແຕ່ຂີ່ລົດໄປຂ້າງໜ້າເລື້ອຍຯ... ຈົນຮູ້ສຶກວ່າ ທາງທີ່ພາກັນຂີ່ໄປຂ້າງໜ້າ ມັນເລີ່ມຈະແຄບເຂົ້າເລື້ອຍຯ ແລະ ກໍ່ປ່ຽວຫຼາຍ... ອ້ອມຮອບມີແຕ່ປ່າ... , ເມື່ອທັງສອງ ຫຼຽວໄປເບິ່ງທາງຂ້າງຫຼັງທີ່ຕົນໄດ້ເຂົ້າມາ ປະກົດວ່າ ເສັ້ນທາງດັ່ງກ່າວ ເປັນທາງຕັນ...ບໍ່ມີແສງໄຟ..ບໍ່ເສັ້ນທາງອອກ... ທຸກຢ່າງເຕັມໄປດ້ວຍປ່າ.. ທັງສອງຄົນກໍ່ຕົກໃຈ ແລະ ກໍ່ຮູ້ສຶກຢ້ານທີ່ສຸດ.. ເສັ້ນທາງຂ້າງໜ້າກໍ່ ຍິ່ງກ້າວ ເຂົ້າໄປເທົ່າໃດ ກໍ່ຍິ່ງແຄບເຂົ້າເທົ່ານັ້ນ.. ສຸດທ້າຍ.. ທັງສອງກໍ່ໄດ້ແຕ່ນົບ... ນົບ... ແລ້ວກໍ່ ຈົ່ມ ກໍ່ ຂໍ.... ຂໍໃຫ້ເຈົ້າຖິ່ນເຈົ້າຖານ ຊ່ວຍ.. ຈົ່ມຂໍໂທດຂໍອະໄພ..ແລ້ວກໍ່ຂີ່ໄປເລື້ອຍ.... ແຕ່ສຸດທ້າຍ ກໍ່ພົບທາງອອກຈົນໄດ້...
ເລື່ອງແບບນີ້.. ຟັງແລ້ວກະຄົງຈະບໍ່ເປັນຕາຢ້ານປານໃດເນີ້... ແຕ່ມັນກະຄົງຈະເປັນຫຍັງທີ່ເຕືອນໃຈໄວລຸ້ນທີ່ ມັກເຮັດຫຍັງທ້າທາຍ..ແບບບໍ່ຢຳເກງ ຕໍ່ຖິ່ນໃດຯ ທີ່ມັນຄວນຫຼືບໍ່ຄວນ.... ມັນກະຄົງຈະເປັນຕາຢ້ານກວ່າໜີ້.. ຖ້າເຮົາອ່ານເລື່ອງນີ້.. ແລ້ວຕົງກັບປະສົບການທີ່ເຄີຍໄດ້ຮັບມາ...ແຕ່ ເຖິງຢ່າງໃດ ມັນກະຍັງເປັນສິ່ງທີ່ໄວລຸ້ນກຸ່ມໜຶ່ງ ກໍ່ຍັງໃຫ້ຄວາມນິຍົມກັບການມ່ວນຊື່ນ ແບບນີ້ຢູ່ລະນໍ້..
ຮະຮະຮະ ..ແຕ່ສຳລັບຂ້ອຍ.. ຫາກທ່ານຄິດຈະມີພາລະກິດສ່ວນຕົວ.. ອື່ມ.. ຫາບ່ອນທີ່ມັນດີກວ່າແບບນີ້ເອົາເນາະ.. ເພາະຢ່າງນ້ອຍ ຫາກທ່ານບໍ່ເຈິແບບ ນີ້..ທ່ານ ກໍ່ອາດຈະເຈິສິ່ງທີ່ໂຫດຮ້າຍກວ່າໜີ້ ໄດ້... ນັ້ນກໍ່ຄື ”ກອງຫຼອນ”
[ໂດຍ ອ໋ອດ]