ເລື່ອງມັນມີຢູ່ວ່າ: ປະມານທ້າຍປີກ່ອນ ເອື້ອຍຂອງ ຂພຈ ໄດ້ໄປເບີ່ງມໍ (ໝໍດູ ), ແຕ່ກະບໍ່ຮູ້ຄືກັນວ່າເບີ່ງແບບໃດ, ເບີ່ງໄພ້,ລົງທຽມ ຫຼືວ່າຈັ່ງໃດບຸ ບໍ່ໄດ້ຖາມ. ແຕ່ມາເວົ້າສູ່ ຂພຈ ແລະ ແມ່ຟັງວ່າ ໝໍໄດ້ທຳນາຍໄວ້ວ່າ ປະມານເດືອນ 4-5 ຂອງປີຕໍ່ມາ ກໍ່ຄືປີ 2009 (ປີນີ້), ຂພຈ ຈະມີໂອກາດໄດ້ເດີນທາງໄກ ປະມານວ່າຕ່າງປະເທດວ່າຊັ້ນ, ແຕ່ ຂພຈ ກໍ່ບໍ່ໄດ້ຄິດອີ່ຫຍັງ.

           ຂພຈ ກໍ່ງົງໆ ຢູ່ວ່າຈະເປັນໄປໄດ້ແນວໃດ ເພາະທັງເຮັດວຽກລະກະຍັງຮຽນຢູ່ ສິມີໂອກາດໄປໄດ້ຈັ່ງໃດ ຄັນສິເປັນໄປໄດ້ສຸດ ກະຄືສິແມ່ນໄປຊື້ເຄື່ອງຢູ່ອຸດອນນິຕິບໍ 55555555

         ແຕ່ວ່າງ2 ມື້ກ່ອນກໍ່ເກີດເຫດການ 1 ເກີດຂື້ນ, ເຮັດໃຫ້ ຂພຈ ຄິດເຖີງຄຳທີ່ໝໍດູໄດ້ທຳນາຍໄວ້, ບັງເອີນ ຂພຈ ມີໝູ່ທີ່ເຮັດວຽກບ່ອນດຽວກັນ ລາວໄດ້ໄປຮ່ວມປະຊຸມກັບທາງຫ້ອງການທີ່ປະເທດ ກຳປູເຈ້ຍ, ລາວບັງເອີນເກີດ ວັນທີ, ເດືອນ, ປີ ດຽວກັນກັບຂ້າພະເຈົ້າ. ກໍ່ເລີຍເຮັດໃຫ້ຂ້າພະເຈົ້າຄິດອອກວ່າ ໝໍດູຄົນນັ້ນກໍ່ທຳນາຍແມ້ນປານຕາເຫັນ ເພາະເວລາທີ່ເອື້ອຍ ຂພຈ ໃຫ້ໝໍທຳນາຍ ອາດຈະເອົາວັນເດືອນປີເກີດ ຂພຈ ໃຫ້ລາວທຳນາຍ, ລາວກໍ່ທຳນາຍຖືກອີ່ຫຼີວ່າຈະໄດ້ໄປຕ່າງປະເທດ, ແຕ່ມັນຊ້ຳພັດບໍ່ແມ່ນເຮົາ ແຕ່ແມ່ນອີກຜູ້1 ທີ່ເກີດມື້ດຽວກັນ. ເວົ້າມາລະກະຍັງອົດຫົວຕົວເອງຢູ່.

ຈົບແລ້ວຈະ

ຂອບໃຈທີ່ເສຍຊະລະເວລາອັນມີຄ່າມາອ່ານເລື່ອງ ຂພຈ

ໃຜມີເລື່ອງປະມານນີ້ກໍ່ເລົ່າສູ່ກັນຟັງແນ່ເດີ້.

   ຕາມການບັນທຶກຂອງ Guinness World Records ຊາຍທີ່ສູງທີ່ສຸດໃນໂລກມີຊື່ວ່າ Bao Xishun ສັນຊາດຈີນ, ເກີດເມື່ອປີ 1951 ເຊີ່ງລາວມີລວງສູງ 2.36ມ (7.9 feet). ໃນປີ 2007 ຊາຍຜູ້ນີ້ມີນ້ຳໜັກ 364 ປອນ, ແລະມີຂາທີ່ຍາວເຖິງ 4 feet ກັບ 11 ນີ້ວ

ແລະໃນລະຫວ່າງປີ 2007 ນີ້ເອງລາວກໍ່ໄດ້ແຕ່ງງານກັບຍິງອາຍຸປະມານ 30 ປີ

ແລະຊາຍທີ່ເຕ້ຍທີ່ສຸດໃນໂລກແມ່ນ He Pingping, ເປັນຄົນຈີນ, ເກີດເມື່ອເດືອນ 7 ປີ 1988, ຊາຍຄົນດັ່ງກ່າວມີລວງສູງພຽງແຕ່ 73ມ (2 ft 5 ນີ້ວ),

ການພົບປະກັນລະຫວ່າງຊາຍຜູ້ທີ່ສູງທີ່ສຸດ ແລະເຕ້ຍທີ່ສຸດໃນໂລກ

  ຄິດວ່າແມ່ນໃຜກະຄົງສິຮູ້ຈັກເພັງ Happy Birthday to you ລະນໍ, ເພາະເປັນເພັງທີ່ໃຊ້ໃນງານວັນເກີດ ແລະຖືກໃຊ້ທົ່ວໂລກ ແຕ່ອາດຈະມີເນື້ອຮ້ອງປ່ຽນໄປແນ່ໃນບາງປະເທດ ແຕ່ທຳນອງກໍ່ຍັງຄົງແມ່ນອັນດຽວກັນ, ທຸກຄົນຮູ້ຈັກຮ້ອງເພັງນີ້ດີ, ແຕ່ອາດຈະຍັງບໍ່ທັນຮູ້ວ່າ ມີຕົ້ນກຳເນີດມາແຕ່ໃສ? ໃຜເປັນຜູ້ແຕ່ງ? ແລະ ເກີດຂື້ນໃນສະໄໝໃດ?

              ເອົາເປັນວ່າຂ້າພະເຈົ້າຈະມາຕອບຂໍ້ສົງໃສດັ່ງກ່າວນີ້:

ແມ່ນໃຜເປັນຄົນແຕ່ງເພັງນີ້ຍັງຄົງເປັນປິດສະໜາຢູ່, ແຕ່ທຳນອງຂອງເພັງດັ່ງກ່າວແມ່ນຖືກແຕ່ງຂື້ນໃນທ້າຍສະຕະວັດທີ 19 ໂດຍແພັດຕີ້ ແລະ ມີວເດຣດ ສອງເອື້ອຍນ້ອງຊາວອາເມຣິກາຈາກລັດເຄນທັກກີ້ ເຊີ່ງທັງສອງຄົນລ້ວນແຕ່ມີອາຊີບເປັນຄູສອນ, ເຊີ່ງໃນເບື້ອງຕົ້ນເນື້ອເພັງບໍ່ໄດ້ເປັນ "Happy Birthday to you" ແຕ່ເປັນ  "Good Morning to all"

            ໃນປີ 1893 ໃນຂະນະທີ່ ມີວເດຣດເປັນຄູສອນໂຮງຮຽນ Louisville Experimental Kindergarten School ແລະ ແພັດຕີ້ ນ້ອງສາວເປັນອຳນວຍການ, ມີວເດຣດເປັນຄົນແຕ່ງທຳນອງ ແລະ ແພັດຕີ້ເປັນຄົນແຕ່ເນື້ອຮ້ອງ ຈົນການເປັນເພັງ "Good Morning to all" ເຊີ່ງທັງສອງຄົນໃຊ້ເປັນເພັງທັກທາຍນັກຮຽນໃນຕອນເຊົ້າ, ເຊີ່ງມີເນື້ອຮ້ອງດັ່ງນີ້:

Good morning to you
Good morning to you
Good morning, dear children
Good morning to all

         ຕໍ່ມາບົດເພັງດັ່ງກ່າວຖືກພີມລົງປື້ມເພັງ "Song Stories For The Kindergarten" ຈີ່ງເປັນທີ່ຮູ້ຈັກກັນ ແລະ ຄູໂຮງຮຽນອື່ນກໍ່ນຳໄປໃຊ້ໃນການທັກທາຍນັກຮຽນ, ຕໍ່ມານັກຮຽນກໍ່ເອົາໄປຮ້ອງຕອບນາຍຄູໂດຍການປ່ຽນເນື້ອຮ້ອງເປັນ "Good Morning to you" ເນື່ອງຈາກເນື້ອເພັງທ່ອນທີສາມຖືກປ່ຽນແປງໄປຕາມຄວາມເໝາະສົມ.

         ແຕ່ແມ່ນໃຜເປັນຄົນແຕ່ງເນື້ອເພັງ "Happy Birthday to you" ຂື້ນນັ້ນ, ຍັງບໍ່ທັນຮູ້ແນ່ນອນ, ແຕ່ພົບວ່າເພັງນີ້ປະກົດຂື້ນທຳອິດໃນໜັງສືເພັງສະບັບໜື່ງໃນປີ 1924, ຈາກນັ້ນໜັງຫຼາຍເລື່ອງ ແລະ ວິທະຍຸກໍ່ນຳໃຊ້ເພັງດັ່ງກ່າວເປັນເພັງອວຍພອນວັນເກີດ ຈາກ "Good Morning to you" ກໍ່ປ່ຽນເປັນ "Happy Birthday to you" ໃນທີ່ສຸດ

ໃນທີ່ສຸດ ຈົບມາມີວຽກເຮັດ ແລະກະແນ່ນອນຕ້ອງໄດ້ເງິນເດືອນ, ເງິນເດືອນໆທຳອິດເປັນສິ່ງທີ່ໜ້າພາກພູມໃຈຫຼາຍສຳລັບໂຕເອງ ມັນສະແດງໃຫ້ເຫັນວ່າ ເງິນທີ່ພໍ່ແມ່ເສຍໄປໃຫ້ເຮົາໃນການຮ່ຳຮຽນຕັ້ງແຕ່ປະຖົມຈົນຈົບມະຫາວິທະຍາໄລ ໝົດໄປບັກຫຼາຍໆລ້ານ ໃນທີ່ສຸດກະມີທາງເອົາກຳໄລກັບຄືນ ເຖີງວ່າມັນຈະເປັນມູນຄ່າທີ່ບໍ່ຫຼາຍປານໃດ ແຕ່ກະເຮັດໃຫ້ພໍ່ແມ່ ລວມທັງຕົວເອງພາກພູມໃຈ

     ຫຼາຍໆຄົນອາດມີວິທີໃນການໃຊ້ຈ່າຍເງິນເດືອນໆທຳອິດແຕກຕ່າງກັນໄປ ບາງຄົນອາດມີຄ່າຕິດລົບຕັ້ງແຕ່ເງິນເດືອນບໍ່ອອກ ເຊັ່ນວ່າ ມີຈຸດປະສົງຈະເອົາໃຫ້ແມ່, ໃຊ້ຈ່າຍຄ່າຕ່າງໆຊ່ວຍຄອບຄົວ, ໃຊ້ໜື້, ໃຊ້ຄ່າຫວຍ, ຊື້ມືຖືໃໝ່, ລ້ຽງໝູ່, ຈ່າຍຄ່າຜ່ອນລົດ ໆລໆ

     ສຳລັບຕົວທ່ານມີວິທີໃຊ້ຈ່າຍເງິນເດືອນໆທຳອິດແນວໃດ?

     ເຮັດວຽກລະໝາຍຄວາມວ່າທ່ານຈະຕ້ອງໄດ້ຮັບຜິດຊອບໂຕເອງ ແລະ ຄອບຄົວ ຖ້າມາໃຊ້ຈ່າຍຟູມເຟືອຍໄປກັບສີ່ງທີ່ບໍ່ເປັນປະໂຫຍດ ກໍ່ສ່ຳກັບວ່າຂາດທືນລ້າໆ ທ່ານວ່າທີ່ຂ້າພະເຈົ້າເວົ້າມາແມ່ນຄວາມຈິງບໍ່?

              ທ່ານເຄີຍຄິດຢູ່ບໍ່ວ່າ ຊີວິດຫຼັງຈາກການຈົບການສຶກສາ ຈາກມະຫາວິທະຍາໄລຫຼື ໂຮງຮຽນວິຊາຊີບ ຈະເປັນແນວໃດ?...........................ຫຼັງຈາກຈົບມາເປັນບັນດິດໃໝ່ໆໝາດໆ ກະກຸ້ມອົກກຸ້ມໃຈວ່າສິເຮັດຫຍັງ? ເຮັດວຽກຢູ່ໃສ? ເຮັດອັນໃດຈິ່ງສິໄດ້ເງິນເດືອນຫຼາຍໆ? ສິເຮັດກັບລັດຫຼືເອກະຊົນດີ? ໆລໆໆໆໆໆໆໆໆໆໆ ກວ່າຈະໄດ້ວຽກເຮັດກໍ່ບໍ່ແມ່ນງ່າຍ.

              ແຕ່ເມື່ອໄດ້ເຂົ້າເຮັດແລ້ວພັດ ຕ້ອງໄດ້ປັບສະພາບໂຕເອງ ເຂົ້າສູ່ສິ່ງແວດລ້ອມໃໝ່ໆ, ພົບປະຜູ້ຄົນໃໝ່ໆ, ຕ້ອງມີໜ້າທິ່ຮັບຜິດຊອບ, ຕ້ອງມາວຽກໃຫ້ກົງເວລາ, ປະຕິບັດກົດລະບຽບຂອງບໍລິສັດຢ່າງເຂັ້ມງວດ.

               ແຕ່ເຄີຍຄິດບໍ່ວ່າ ຖ້າເຂົ້າໄປເຮັດແລ້ວ ປັບໂຕບໍ່ຄ່ອຍໄດ້ສິເປັນແນວໃດ ປະມານວ່າເຂົ້າ(ລົມ)ຄົນບໍ່ໄດ້ປານໃດ, ຈົບມາບໍ່ທັນມີປະສົບການ ເຮັດວຽກອາດຈະຍັງຂາດໆເຂີນໆ ເຮັດບໍ່ທັນໄດ້ຄ່ອງແຄ້ວເຕັມທີ່ ຄົນອື່ນອາດຈະເວົ້າລັບຫຼັງວ່າ "ຈົບມາຍັງເຮັດບໍ່ເປັນ" ເພາະໜ້າທີ່ຮັບຜິດຊອບມັນກ້ວາງ, ແຕ່ໃນວິຊາຮຽນທີ່ຮຽນມາແມ່ນຈະເນັ້ນດ້ານໃດດ້ານ1ເທົ່ານັ້ນ ແຖມບໍ່ໄດ້ລົງເລິກ ມີແຕ່ຮຽນພື້ນຖານຊື່ໆ ຕ້ອງອາໃສ ພອນສະຫວັນ, ປະສົບການ, ຄວາມຊຳນິຊຳນານ, ຫຼືການຄົ້ນຄວ້າເພີ່ມເຕິມດ້ວຍຕົວເອງ ເຊີ່ງເປັນສິ່ງທີ່ຕົນເອງບໍ່ຄ່ອຍຈະມີ!

ສຳລັບຕົວຂອງທ່ານເດ ເຄີຍມີປະສົບການຫຼັງຈາກການເປັນບັນດິດໃໝ່ແນວໃດ?, ແລະມີປະສົບການໃນການເຮັດວຽກໃໝ່ແນວໃດ?

ກະລຸນາຂຽນ 300ຄຳ, 55555555 ເວົ້າຫຼິ້ນ

ໃຜມີີປະສົບການແນວໃດ ກະຂຽນມາເລົ່າສູ່ກັນຟັງແນ່ເດີ້!