ຄິດວ່າແມ່ນໃຜກະຄົງສິຮູ້ຈັກເພັງ Happy Birthday to you ລະນໍ, ເພາະເປັນເພັງທີ່ໃຊ້ໃນງານວັນເກີດ ແລະຖືກໃຊ້ທົ່ວໂລກ ແຕ່ອາດຈະມີເນື້ອຮ້ອງປ່ຽນໄປແນ່ໃນບາງປະເທດ ແຕ່ທຳນອງກໍ່ຍັງຄົງແມ່ນອັນດຽວກັນ, ທຸກຄົນຮູ້ຈັກຮ້ອງເພັງນີ້ດີ, ແຕ່ອາດຈະຍັງບໍ່ທັນຮູ້ວ່າ ມີຕົ້ນກຳເນີດມາແຕ່ໃສ? ໃຜເປັນຜູ້ແຕ່ງ? ແລະ ເກີດຂື້ນໃນສະໄໝໃດ?

              ເອົາເປັນວ່າຂ້າພະເຈົ້າຈະມາຕອບຂໍ້ສົງໃສດັ່ງກ່າວນີ້:

ແມ່ນໃຜເປັນຄົນແຕ່ງເພັງນີ້ຍັງຄົງເປັນປິດສະໜາຢູ່, ແຕ່ທຳນອງຂອງເພັງດັ່ງກ່າວແມ່ນຖືກແຕ່ງຂື້ນໃນທ້າຍສະຕະວັດທີ 19 ໂດຍແພັດຕີ້ ແລະ ມີວເດຣດ ສອງເອື້ອຍນ້ອງຊາວອາເມຣິກາຈາກລັດເຄນທັກກີ້ ເຊີ່ງທັງສອງຄົນລ້ວນແຕ່ມີອາຊີບເປັນຄູສອນ, ເຊີ່ງໃນເບື້ອງຕົ້ນເນື້ອເພັງບໍ່ໄດ້ເປັນ "Happy Birthday to you" ແຕ່ເປັນ  "Good Morning to all"

            ໃນປີ 1893 ໃນຂະນະທີ່ ມີວເດຣດເປັນຄູສອນໂຮງຮຽນ Louisville Experimental Kindergarten School ແລະ ແພັດຕີ້ ນ້ອງສາວເປັນອຳນວຍການ, ມີວເດຣດເປັນຄົນແຕ່ງທຳນອງ ແລະ ແພັດຕີ້ເປັນຄົນແຕ່ເນື້ອຮ້ອງ ຈົນການເປັນເພັງ "Good Morning to all" ເຊີ່ງທັງສອງຄົນໃຊ້ເປັນເພັງທັກທາຍນັກຮຽນໃນຕອນເຊົ້າ, ເຊີ່ງມີເນື້ອຮ້ອງດັ່ງນີ້:

Good morning to you
Good morning to you
Good morning, dear children
Good morning to all

         ຕໍ່ມາບົດເພັງດັ່ງກ່າວຖືກພີມລົງປື້ມເພັງ "Song Stories For The Kindergarten" ຈີ່ງເປັນທີ່ຮູ້ຈັກກັນ ແລະ ຄູໂຮງຮຽນອື່ນກໍ່ນຳໄປໃຊ້ໃນການທັກທາຍນັກຮຽນ, ຕໍ່ມານັກຮຽນກໍ່ເອົາໄປຮ້ອງຕອບນາຍຄູໂດຍການປ່ຽນເນື້ອຮ້ອງເປັນ "Good Morning to you" ເນື່ອງຈາກເນື້ອເພັງທ່ອນທີສາມຖືກປ່ຽນແປງໄປຕາມຄວາມເໝາະສົມ.

         ແຕ່ແມ່ນໃຜເປັນຄົນແຕ່ງເນື້ອເພັງ "Happy Birthday to you" ຂື້ນນັ້ນ, ຍັງບໍ່ທັນຮູ້ແນ່ນອນ, ແຕ່ພົບວ່າເພັງນີ້ປະກົດຂື້ນທຳອິດໃນໜັງສືເພັງສະບັບໜື່ງໃນປີ 1924, ຈາກນັ້ນໜັງຫຼາຍເລື່ອງ ແລະ ວິທະຍຸກໍ່ນຳໃຊ້ເພັງດັ່ງກ່າວເປັນເພັງອວຍພອນວັນເກີດ ຈາກ "Good Morning to you" ກໍ່ປ່ຽນເປັນ "Happy Birthday to you" ໃນທີ່ສຸດ

ໃນທີ່ສຸດ ຈົບມາມີວຽກເຮັດ ແລະກະແນ່ນອນຕ້ອງໄດ້ເງິນເດືອນ, ເງິນເດືອນໆທຳອິດເປັນສິ່ງທີ່ໜ້າພາກພູມໃຈຫຼາຍສຳລັບໂຕເອງ ມັນສະແດງໃຫ້ເຫັນວ່າ ເງິນທີ່ພໍ່ແມ່ເສຍໄປໃຫ້ເຮົາໃນການຮ່ຳຮຽນຕັ້ງແຕ່ປະຖົມຈົນຈົບມະຫາວິທະຍາໄລ ໝົດໄປບັກຫຼາຍໆລ້ານ ໃນທີ່ສຸດກະມີທາງເອົາກຳໄລກັບຄືນ ເຖີງວ່າມັນຈະເປັນມູນຄ່າທີ່ບໍ່ຫຼາຍປານໃດ ແຕ່ກະເຮັດໃຫ້ພໍ່ແມ່ ລວມທັງຕົວເອງພາກພູມໃຈ

     ຫຼາຍໆຄົນອາດມີວິທີໃນການໃຊ້ຈ່າຍເງິນເດືອນໆທຳອິດແຕກຕ່າງກັນໄປ ບາງຄົນອາດມີຄ່າຕິດລົບຕັ້ງແຕ່ເງິນເດືອນບໍ່ອອກ ເຊັ່ນວ່າ ມີຈຸດປະສົງຈະເອົາໃຫ້ແມ່, ໃຊ້ຈ່າຍຄ່າຕ່າງໆຊ່ວຍຄອບຄົວ, ໃຊ້ໜື້, ໃຊ້ຄ່າຫວຍ, ຊື້ມືຖືໃໝ່, ລ້ຽງໝູ່, ຈ່າຍຄ່າຜ່ອນລົດ ໆລໆ

     ສຳລັບຕົວທ່ານມີວິທີໃຊ້ຈ່າຍເງິນເດືອນໆທຳອິດແນວໃດ?

     ເຮັດວຽກລະໝາຍຄວາມວ່າທ່ານຈະຕ້ອງໄດ້ຮັບຜິດຊອບໂຕເອງ ແລະ ຄອບຄົວ ຖ້າມາໃຊ້ຈ່າຍຟູມເຟືອຍໄປກັບສີ່ງທີ່ບໍ່ເປັນປະໂຫຍດ ກໍ່ສ່ຳກັບວ່າຂາດທືນລ້າໆ ທ່ານວ່າທີ່ຂ້າພະເຈົ້າເວົ້າມາແມ່ນຄວາມຈິງບໍ່?

ຄວາມເຫງົາ ເປັນບໍ່ເກີດຂອງຄວາມທຸກ ເຊື່ອແນ່ວ່າບໍ່ມີໃຜທີ່ບໍ່ເຄີຍເຫງົາ ແລະບໍ່ມີໃຜທີ່ບໍ່ເຄີຍເສົ້າ ຫຼືວ່າເສຍໃຈ

ບາງຄົນເຫງົາຍ້ອນ ໂຕຄົນດຽວ ບໍ່ມີຊູ້ມີແຟນ

ບາງຄົນເຫງົາຍ້ອນ  ອົກຫັກ

ບາງຄົນເຫງົາຍ້ອນ ບໍ່ມີເງິນໃຊ້ຈ່າຍ

ບາງຄົນເຫງົາຍ້ອນ ບັນຫາຄອບຄົວ

ບາງຄົນເຫງົາຍ້ອນ ເສັງຕົກ

ບາງຄົນເຫງົາຍ້ອນ ໄກ່ນ້ອຍຕາຍ ໆລໆ

ເຫັນໄດ້ຢ່າງແນ່ຊັດວ່າຄວາມເຫງົາເກີດຂື້ນໄດ້ຫຼາຍສະຖານະການ ແລະໃຜໆກໍ່ມີສິດທີ່ຈະເຫງົາໄດ້

ສຳລັບຕົວທ່ານເດ ມີເຫດການອັນໃດແດ່ທີ່ເຮັດໃຫ້ທ່ານຮູ້ສຶກເຫງົາ ເສົ້າໃຈ?

          ທີ່ຈິງວ່າຈະສ້າງຢູ່ກຸ່ມເອົາ ແຕ່ມັນເຫັນຜົນຊ້າ ກະເລີຍເອົາມາຂຽນໃນໄດອະຣີ່ເອົາ ຄົນມາເມັ້ນໄວກ່ອນ

  ຈຸດປະສົງຫຼັກກໍ່ແມ່ນຢາກໃຫ້ສະມາຊິກທີ່ມີຫຼືເຄີຍມີຄວາມຮັກ ບໍ່ວ່າຈະເປັນຄວາມຮັກ ທີ່ສົມຫວັງ, ຜິດຫວັງ ຫຼືແບບໃດກໍ່ຕາມ ຂໍແຕ່ວ່າ ເຄີຍມີປະສົບການແບບຮັກໃຜອີ່ຫຼີຈັກຄົນ1
ຢາກໃຫ້ມາເລົ່າສູ່ຟັງແນ່ວ່າເປັນຈັ່ງໃດ

ຈັ່ງໃດກະເຂົ້າມາເມັ້ນກັນແດ່ເດີ້ ເລົ່າປະສົບການອັນໂຊກໂຊນໃຫ້ຟັງແນ່

              ທ່ານເຄີຍຄິດຢູ່ບໍ່ວ່າ ຊີວິດຫຼັງຈາກການຈົບການສຶກສາ ຈາກມະຫາວິທະຍາໄລຫຼື ໂຮງຮຽນວິຊາຊີບ ຈະເປັນແນວໃດ?...........................ຫຼັງຈາກຈົບມາເປັນບັນດິດໃໝ່ໆໝາດໆ ກະກຸ້ມອົກກຸ້ມໃຈວ່າສິເຮັດຫຍັງ? ເຮັດວຽກຢູ່ໃສ? ເຮັດອັນໃດຈິ່ງສິໄດ້ເງິນເດືອນຫຼາຍໆ? ສິເຮັດກັບລັດຫຼືເອກະຊົນດີ? ໆລໆໆໆໆໆໆໆໆໆໆ ກວ່າຈະໄດ້ວຽກເຮັດກໍ່ບໍ່ແມ່ນງ່າຍ.

              ແຕ່ເມື່ອໄດ້ເຂົ້າເຮັດແລ້ວພັດ ຕ້ອງໄດ້ປັບສະພາບໂຕເອງ ເຂົ້າສູ່ສິ່ງແວດລ້ອມໃໝ່ໆ, ພົບປະຜູ້ຄົນໃໝ່ໆ, ຕ້ອງມີໜ້າທິ່ຮັບຜິດຊອບ, ຕ້ອງມາວຽກໃຫ້ກົງເວລາ, ປະຕິບັດກົດລະບຽບຂອງບໍລິສັດຢ່າງເຂັ້ມງວດ.

               ແຕ່ເຄີຍຄິດບໍ່ວ່າ ຖ້າເຂົ້າໄປເຮັດແລ້ວ ປັບໂຕບໍ່ຄ່ອຍໄດ້ສິເປັນແນວໃດ ປະມານວ່າເຂົ້າ(ລົມ)ຄົນບໍ່ໄດ້ປານໃດ, ຈົບມາບໍ່ທັນມີປະສົບການ ເຮັດວຽກອາດຈະຍັງຂາດໆເຂີນໆ ເຮັດບໍ່ທັນໄດ້ຄ່ອງແຄ້ວເຕັມທີ່ ຄົນອື່ນອາດຈະເວົ້າລັບຫຼັງວ່າ "ຈົບມາຍັງເຮັດບໍ່ເປັນ" ເພາະໜ້າທີ່ຮັບຜິດຊອບມັນກ້ວາງ, ແຕ່ໃນວິຊາຮຽນທີ່ຮຽນມາແມ່ນຈະເນັ້ນດ້ານໃດດ້ານ1ເທົ່ານັ້ນ ແຖມບໍ່ໄດ້ລົງເລິກ ມີແຕ່ຮຽນພື້ນຖານຊື່ໆ ຕ້ອງອາໃສ ພອນສະຫວັນ, ປະສົບການ, ຄວາມຊຳນິຊຳນານ, ຫຼືການຄົ້ນຄວ້າເພີ່ມເຕິມດ້ວຍຕົວເອງ ເຊີ່ງເປັນສິ່ງທີ່ຕົນເອງບໍ່ຄ່ອຍຈະມີ!

ສຳລັບຕົວຂອງທ່ານເດ ເຄີຍມີປະສົບການຫຼັງຈາກການເປັນບັນດິດໃໝ່ແນວໃດ?, ແລະມີປະສົບການໃນການເຮັດວຽກໃໝ່ແນວໃດ?

ກະລຸນາຂຽນ 300ຄຳ, 55555555 ເວົ້າຫຼິ້ນ

ໃຜມີີປະສົບການແນວໃດ ກະຂຽນມາເລົ່າສູ່ກັນຟັງແນ່ເດີ້!

"ຄົນຂີ້ອາຍ ຢາກໄດ້ແຟນ!" ປະມານວ່າ ເປັນຄົນບໍ່ມັກປາກເວລາຢູ່ກັບຄົນທີ່ບໍ່ລື້ງ ຫຼືຄົນທີ່ເຮົາສົນໃຈ 

ບໍ່ຮູ້ຈັກສີສັນຫາຄຳເວົ້າຫຍັງມາລົມ ມັນຮູ້ສຶກວ່າບໍ່ເປັນທຳມະຊາດຈັ່ງໃດບຸ!

ເວລາທີ່ຢູ່ໃກ້ຂະເຈົ້າກະໄດ້ແຕ່ນັ່ງຍີ້ມຊື່ໆ ໃຜມີເຄັດລັບຮັກສາຄວາມເກິເຂີນ  ກະສົ່ງບອກເຄັດລັບແນ່ເດີ້

ທ່ານເຄີຍຄິດບໍ່ວ່າ "ເພື່ອນຮັກຫັກລ່ຽມໂຫດ!" ຄຳນິ້ ທີ່ເຄີຍໄດ້ຍິນນຳໜັງຈີນ

ສິເກີດຂື້ນກັບຕົວຂອງທ່ານເອງ ພຽງແຕ່ຢາກໃຫ້ເປັນອຸທາຫອນສອນໃຈສຳລັບຫຼາຍຄົນທີ່ມີໝູ່ ກັບແຟນທີ່ແສນດີ

ແຕ່ຂະເຈົ້າໄປຮັກກັນຍາມໃດກະບໍ່ຮູ້ ປະມານວ່າຖືກຫັກຫຼັງ ແຖມຕີເຄົ່າອີກບາດ1

ເຈັບບໍ່ເຈັບ ກະລອງຄິດເບີ່ງ. ເບີ່ງໜ້າກັນກະບໍ່ຕິດພຸ້ນແລະ

ຈັກສິຍາດຄືນຫຼືເຮັດແນວໃດ, ປະມານວ່າ ມັນblur ເລີຍ, ຄັນເຂົາເຮັດແບບຊັ້ນກັບເຮົາໄດ້

ກະສະແດງວ່າເຂົາບໍ່ຮັກເຮົາແລ້ວ, ສິລັ້ງໄວ້ກະຄືສິບໍ່ມີປະໂຫຍດ

ຟັງແລ້ວ ມັນຄືກັບວ່າເປັນເລື່ອງ ນ້ຳເໜົ່າແມ່ນບໍ່ ແຕ່ລະວັງໄວ້ກະດີເດີ້ ຄືວ່າຫັ້ນແລະ ບໍ່ເກີດກັບໃຜ ບໍ່ຮູ້

ຖ້າທ່ານໃດທີ່ຕ້ອງການຢາກສະແດງຄວາມຄິດເຫັນກ່ຽວກັບເລື່ອງນີ້ກະໄປຂຽນຢູ່ ແບບສຳຫຼວດ ຂ້ອຍໄດ້ເດີ້

"ຖ້າແຟນທ່ານໄປມັກກັບຄົນອື່ນ, ເຊີ່ງວ່າຄົນໆນັ້ນກໍ່ເປັນໝູ່ທີ່ເຮົາໄວ້ໃຈ ທ່ານຈະເຮັດແນວໃດ?..." share ຄວາມຄິດນຳກັນ