ເລື່ອງມັນມີຢູ່ວ່າ: ປະມານທ້າຍປີກ່ອນ ເອື້ອຍຂອງ ຂພຈ ໄດ້ໄປເບີ່ງມໍ (ໝໍດູ ), ແຕ່ກະບໍ່ຮູ້ຄືກັນວ່າເບີ່ງແບບໃດ, ເບີ່ງໄພ້,ລົງທຽມ ຫຼືວ່າຈັ່ງໃດບຸ ບໍ່ໄດ້ຖາມ. ແຕ່ມາເວົ້າສູ່ ຂພຈ ແລະ ແມ່ຟັງວ່າ ໝໍໄດ້ທຳນາຍໄວ້ວ່າ ປະມານເດືອນ 4-5 ຂອງປີຕໍ່ມາ ກໍ່ຄືປີ 2009 (ປີນີ້), ຂພຈ ຈະມີໂອກາດໄດ້ເດີນທາງໄກ ປະມານວ່າຕ່າງປະເທດວ່າຊັ້ນ, ແຕ່ ຂພຈ ກໍ່ບໍ່ໄດ້ຄິດອີ່ຫຍັງ.

           ຂພຈ ກໍ່ງົງໆ ຢູ່ວ່າຈະເປັນໄປໄດ້ແນວໃດ ເພາະທັງເຮັດວຽກລະກະຍັງຮຽນຢູ່ ສິມີໂອກາດໄປໄດ້ຈັ່ງໃດ ຄັນສິເປັນໄປໄດ້ສຸດ ກະຄືສິແມ່ນໄປຊື້ເຄື່ອງຢູ່ອຸດອນນິຕິບໍ 55555555

         ແຕ່ວ່າງ2 ມື້ກ່ອນກໍ່ເກີດເຫດການ 1 ເກີດຂື້ນ, ເຮັດໃຫ້ ຂພຈ ຄິດເຖີງຄຳທີ່ໝໍດູໄດ້ທຳນາຍໄວ້, ບັງເອີນ ຂພຈ ມີໝູ່ທີ່ເຮັດວຽກບ່ອນດຽວກັນ ລາວໄດ້ໄປຮ່ວມປະຊຸມກັບທາງຫ້ອງການທີ່ປະເທດ ກຳປູເຈ້ຍ, ລາວບັງເອີນເກີດ ວັນທີ, ເດືອນ, ປີ ດຽວກັນກັບຂ້າພະເຈົ້າ. ກໍ່ເລີຍເຮັດໃຫ້ຂ້າພະເຈົ້າຄິດອອກວ່າ ໝໍດູຄົນນັ້ນກໍ່ທຳນາຍແມ້ນປານຕາເຫັນ ເພາະເວລາທີ່ເອື້ອຍ ຂພຈ ໃຫ້ໝໍທຳນາຍ ອາດຈະເອົາວັນເດືອນປີເກີດ ຂພຈ ໃຫ້ລາວທຳນາຍ, ລາວກໍ່ທຳນາຍຖືກອີ່ຫຼີວ່າຈະໄດ້ໄປຕ່າງປະເທດ, ແຕ່ມັນຊ້ຳພັດບໍ່ແມ່ນເຮົາ ແຕ່ແມ່ນອີກຜູ້1 ທີ່ເກີດມື້ດຽວກັນ. ເວົ້າມາລະກະຍັງອົດຫົວຕົວເອງຢູ່.

ຈົບແລ້ວຈະ

ຂອບໃຈທີ່ເສຍຊະລະເວລາອັນມີຄ່າມາອ່ານເລື່ອງ ຂພຈ

ໃຜມີເລື່ອງປະມານນີ້ກໍ່ເລົ່າສູ່ກັນຟັງແນ່ເດີ້.

   ຕາມການບັນທຶກຂອງ Guinness World Records ຊາຍທີ່ສູງທີ່ສຸດໃນໂລກມີຊື່ວ່າ Bao Xishun ສັນຊາດຈີນ, ເກີດເມື່ອປີ 1951 ເຊີ່ງລາວມີລວງສູງ 2.36ມ (7.9 feet). ໃນປີ 2007 ຊາຍຜູ້ນີ້ມີນ້ຳໜັກ 364 ປອນ, ແລະມີຂາທີ່ຍາວເຖິງ 4 feet ກັບ 11 ນີ້ວ

ແລະໃນລະຫວ່າງປີ 2007 ນີ້ເອງລາວກໍ່ໄດ້ແຕ່ງງານກັບຍິງອາຍຸປະມານ 30 ປີ

ແລະຊາຍທີ່ເຕ້ຍທີ່ສຸດໃນໂລກແມ່ນ He Pingping, ເປັນຄົນຈີນ, ເກີດເມື່ອເດືອນ 7 ປີ 1988, ຊາຍຄົນດັ່ງກ່າວມີລວງສູງພຽງແຕ່ 73ມ (2 ft 5 ນີ້ວ),

ການພົບປະກັນລະຫວ່າງຊາຍຜູ້ທີ່ສູງທີ່ສຸດ ແລະເຕ້ຍທີ່ສຸດໃນໂລກ

ຕາມທີ່ ຂພຈ ຈື່ໄດ້ຕອນຮຽນວິຊາພາສາໃຈ ເອີ່ຍ ພາສາລາວຕອນຢູ່ມ.5 ຫຼັກການໃນການຂຽນກອນລາວມີດັ່ງຕໍ່ໄປນີ້:



   00     0່້    0່00

           000    ່00້

           00້    000່

           0່້    0້່0      00

ຂ້າງເທີງນັ້ນແມ່ນຫຼັກໃນການແຕ່ງກອນຕ້ອງໃຫ້ມີຄຳທີ່ມີໄມ້ເອກ, ໄມ້ໂທ ຫຼືບໍ່ມີ ຕາມແບບຂ້າງເທີງເລີຍນໍ
ຕົວຢ່າງກອນທີ່ເຄີຍຄຸ້ນຫູກັນກໍ່ຄື:



ເມືອງລາວເປັນເຂດບ້ານ                ສະຖານທີ່ງາມຕາ
ທາງເໜືອມີພູຜາ                           ໜ່ວຍພະນອມລຽນຊ້ອນ
ຍິນສະອອນດົງໄມ້                        ໄພສົນແສນຍ່ານ
ເປັນດັ່ງອຸທະຍານໃຫຍ່ກວ້າງ         ຂຽວສະອຸ້ມສູ່ຍາມ

ສັງເກດໄດ້ວ່າກອນຂ້າງເທີງຈະມີໄມ້ເອກ ໄມ້ໂທຢູ່ຕາມຕຳແໜ່ງທີ່ຖືກຕ້ອງຕາມຫຼັກການໃນການແຕ່ງກອນລາວເລີຍນໍພີ່ນ້ອງ ແລະນອກນັ້ນກໍ່ແມ່ນການແຕ່ງໃຫ້ມີການສຳພັດກັນ ໝາຍຄວາມວ່າຕ້ອງມີສະລະທີ່ຄືກັນ ເພື່ອໃຫ້ໄດ້ກອນທີ່ມ່ວນ
ສັງເກດໄດ້ຈາກແຖວທີ1 "ສະຖານທີ່ງາມຕາ" ແລະແຖວທີ2 "ທາງເໜືອມີພູຜາ" ທັງສອງປະໂຫຍກຈະມີສະລະ "xາ" ເພື່ອເຮັດໃຫ້ກອນເຮົາມັນສຳພັດກັນ, ນອກນັ້ນກໍ່ແມ່ນການຮູ້ຈັກໃຊ້ຖ້ອຍຄຳໃຫ້ມ່ວນອອນຊອນ ແລະທີ່ສຳຄັນກອນເຮົາຕ້ອງໃຫ້ມີຄວາມໝາຍບໍ່ເລີກ ກໍ່ແບບກົງໆ ເຂົ້າໃຈງ່າຍກໍ່ໄດ້ ແຕ່ເນັ້ນວ່າຕ້ອງມີຄວາມໝາຍບໍ່ແມ່ນແຕ່ງຂື້ນມາຊື່ໆ ບໍ່ຮູ້ວ່າແມ່ນກ່ຽວກັບຫຍັງ

       ບາດນີ້ ຂ້າພະເຈົ້າກໍ່ໄດ້ຖ່າຍທອດວິຊາໃຫ້ທ່ານແລ້ວ ຂພຈ ຈີ່ງຢາກໃຫ້ທ່ານລອງແຕ່ງກອນຂອງທ່ານມາຈັກ1ບົດເບີ່ງດຸ