ຂຽນເມື່ອ: ພ.ພ.. 16, 2008
| ມີ
9 ຄຳເຫັນ
ແລະ
0 trackback(s)
ກາລະຄັ້ງໜຶ່ງດົນນານມາແລ້ວ
ນະທີ່ ເມືອງໜຶ່ງ, ຊາວນາຄົນໜຶ່ງເປັນໜີ້ຈົນຖ້ວມຕົວຍ້ອນມະຫາເສດຖີທີ່ໃຈດຳ
ທີ່ເກັບດອກເບ້ຍສູງເອົາແທ້ເອົາວ່າ...
ຍ້ອນທຸກຈົນຊາວນາຄົນນັ້ນຈິ່ງບໍ່ສາມາດໃຊ້ໜີ້ທີ່ຕົນມີກັບມະຫາເສດຖີ
ແຕ່ວ່າຊາວນາຄົນນີ້ ມີລູກສາວຄົນດຽວທີ່ຢູ່ໃນໄວສາວເຊິ່ງນາງເປັນຍິງທີ່ງົດງາມທີ່ສຸດໃນເມືອງນີ້
ແລະ ແນ່ນອນ, ມະຫາເສດຖີກໍ່ຫຼົງຮັກນາງ ແລະ ພະຍາຍາມທຸກຢ່າງເພື່ອຈະໄດ້ນາງມາເປັນພັນລະຍາ..
ມີມື້ໜຶ່ງ, ມະຫາເສດຖີໄດ້ເອີ້ນເອົາຊາວນາໄປເວົ້າຄວາມກັນທີ່ສານກ່ຽວກັບເລື່ອງໜີ້ສິນ
ຊາວນາ,ກະຍອມຮັບຈະໃຊ້ໜີ້ໃຫ້ໝົດ ແຕ່ກໍ່ຕ້ອງຂໍເວລາແດ່..
ດ້ວຍຄວາມຕັນຫາ ແລະ ຢາກໄດ້ລູກສາວຂອງຊາວນາມາເປັນເມຍ,
ມະຫາເສດຖີຈຶ່ງໄດ້ສະເໜີກັບຊາວນາ ຕໍ່ໜ້າເຈົ້າໜ້າທີ່ວ່າ
ຂ້ອຍຈະຍົກໜີ້ສິນທັງໝົດໃຫ້ກັບເຈົ້າຖ້າຫາກວ່າລູກສາວຂອງເຈົ້າຍອມແຕ່ງງານກັບຂ້ອຍ
ຄຳເວົ້າດັ່ງກ່າວ ເໝືອນດັງມີດແທງຫົວໃຈຂອງຊາວນາເພາະວ່າ ລາວມີລູກພຽງຄົນດຽວ ແລະ ລາວກໍ່ຮັກເໝືອນແກ້ວຕາຕົນເອງ
ຊາວນາ ຈິ່ງຕໍ່ລອງໃຫ້ເສດຖີ ເພື່ອຄວາມຍຸຕິທຳ
ພວກເຂົາໂຕ້ຖຽງກັນດົນເຕີບ, ສຸດທ້າຍ ມະຫາເສດຖີຈິ່ງຍອມຕົກລົງຄື,
ມະຫາເສດຖີ ຈະໃຫ້ລູກສາວຂອງຊາວນາເປັນຜູ້ສ່ຽງດວງເອົາ. ຄືວ່າ, ມະຫາເສດຖີຈະເອົາເມັດພິກໄທເມັດຄື, ພິກໄທສີດຳ ແລະ ສີຂາວ ໃສ່ໃນຖົງ.
ຫາກວ່າ ນາງຈັບໄດ້ພິກໄທສີດຳ ໝາຍຄວາມວ່າ ນາງຕ້ອງແຕ່ງງານກັບເສດຖີ ແລະ ໜີ້ສິນຂອງພໍ່ກໍ່ໝົດໄປ
ຖ້າຫາກວ່າ ນາງຈັບໄດ້ພິກໄທສີຂາວ ນາງກໍ່ບໍ່ຕ້ອງແຕ່ງງານ ແຕ່ ໜີ້ສິນຂອງພໍ່ລາວກໍ່ຈະໝົດໄປເຊັ່ັນກັນ.
ແຕ່ຖ້າວ່ານາງຫາກປະຕິເສດສ່ຽງດວງ, ພໍ່ຂອງລາວຕ້ອງເຂົ້າຄຸກຢ່າງດຽວ
ແລະແລ້ວ ມື້ນັ້ນກໍ່ມາຮອດ,
ນະທີ່ ສວນພິກໄທຂອງຊາວນາ, ເສດຖີ, ແລະ ເຈົ້າໜ້າທີ່ ພ້ອມກັບຊາວນາ ແລະ ລູກສາວກໍ່ມາພ້ອມໜ້າກັນ.
ເພື່ອເລີ່ມການສ່ຽງດວງ.
ໃນຂະນະທີ່ຊາວນາຍ່າງໄປເກັບເອົາເມັດພິກໄທນັ້ນ, ສາຍຕາອັນແຫຼມຄົມຂອງ ລູກສາວຊາວນາ ກໍ່ສັງເກດເຫັນວ່າເສດຖີ ເກັບເອົາເມັດພິກໄທດຳທັງສອງເມັດໃສ່ຖົງ.
ນັ້ນກໍ່ໝາຍຄວາມວ່າ ຫາກນາງຍອມຮັບການສ່ຽວດວງ, ນາງຕ້ອງເປັນເມຍເສດຖີແນ່ນອນ..
. . .
ຄຳຖາມ:
ເອົາລະ... ສົມມຸດວ່າພວກທ່ານເປັນນາງ ທ່ານຈະເຮັດແນວໃດ...
ນຶ່ງ, ທ່ານຈະປະກາດໃຫ້ຄົນຮູ້ວ່າເສດຖີໂກງດ້ວຍການເອົາແຕ່ເມັດພິກໄທດຳ ທັງສອງເມັດ
ຫຼື ທ່ານຈະປະຕິເສດທີ່ຈະສ່ຽງດວງ, ແລະ ຫຼື ທ່ານຈະຍອມສ່ຽວດວງເພື່ອຊ່ວຍພໍ່
.
.
.
ຄ່ອຍໆ ຄິດແລ້ວຈິ່ງມາເບິ່ງວິທີທີ່ນາງໄດ້ແກ່ໄຂບັນຫານີ້ຂ້າງລຸ່ມ
ລອງເບີ່ງທ່ານຄິດຄືນາງບໍ່
ທ່ານຈະເລືອກວິທີໃດ
.
.
.
.
.
.
.
.
.
.
.
.
.
.
.
.
.
.
.
.
.
.
.
ກົດລົງມາອີກ
.
.
.
.
.
.
.
.
.
.
ເອົາລະມາຟັງຄຳຕອບນຳກັນບາດນີ້:
ເມື່ອນາງໄດ້ເຫັນເສດຖີເອົາເອົາເມັດພິກໄທດຳທັງສອງເມັດໃສ່ຖົງ, ແທນທີ່ນາງຈະເປີດປົງວ່າເສດຖີໂກງ ຫຼື ນາງຈະປະຕິເສດທີ່ຈະບໍ່ຍອມສ່ຽງດວງ....ແຕ່ວ່ານາງ ເຕັມໃຈທີ່ຈະເຈັບເມັດພິກໄທເພື່ອສ່ຽງດວງ
ມະຫາເສດຖີຈິ່ງຫົວຍຸ້ມໆດ້ວຍຄວາມດີໃຈ ເພາະຄິດວ່າຈັ່ງໃດນາງກໍ່ຕ້ອງເປັນເມຍຂອງຕົນແນ່ນອນ...
ເສດຖີຈິ່ງຍື່ນຖົງໃຫ້ນາງເພື່ອຢິບເອົາເມັດພິກໄທ..
ນາງກໍ່ປະຕິບັດຕາມ
ເມື່ອນາງຢິບພິກໄທອອກມາ, ແທນທີ່ນາງຈະໂຊເມັດພິກໄທທີ່ມີຢູ່ໃນມືນາງໃຫ້ທຸກຄົນໄດ້ເຫັນ...
ແຕ່ວ່ານາງພັດເຮັດເວົ້າຂຶ້ນວ່າ:
ທຸກທ່ານ, ເມື່ອຟ້າກຳນົດໄວ້ແລ້ວຂ້າພະເຈົ້າຈະບໍ່ຂໍຂັດຂ້ອງຫຍັງທັງນັ້ນ...
ແຕ່ຂ້າພະເຈົ້າບໍ່ຂໍໃຫ້ພວກທ່ານເບິ່ງເມັດພິກໄທທີ່ຂ້າພະເຈົ້າຢິບໄດ້...
ແຕ່ຂ້າພະເຈົ້າຂໍ້ໃຫ້ທຸກຄົນເບິ່ງເມັດພິກໄທທີ່ຍັງເຫຼືອໃນຖົງແທນ..
ພໍເວົ້າສຸດຄວາມນາງກໍ່ໂຍນເມັດພິກໄທທີ່ຢູ່ໃນມືຂອງນາງຖີ້ມ.......
ແລະ ແລ້ວທຸກຄົນກໍ່ພາກັນກວດເບິ່ງເມັດພິກໄທທີຍັງເຫຼືອຢູ່ໃນຖົງຂອງເສດຖີ
ແລະແນ່ນອນ ມັນແມ່ນເມັດພິກໄທດຳທີ່ຍັງເຫຼືອຢູ່ໃນຖົງ
ສະນັ້ນ, ມັນກໍ່ໝາຍຄວາມວ່າ ນາງຢິບໄດ້ເມັດພິກໄທສີຂາວ ເຊິ່ງໝາຍຄວາມວ່າ
ໜີ້ຂອງພໍ່ລວມແມ່ນໝົດໄປ ແລະ ນາງກໍ່ບໍ່ຈຳເປັນຕ້ອງໄດ້ແຕ່ງງານກັບເສດຖີ...
********
ເລື່ອງນີ້ບອກໃຫ້ຮູ້ວ່າ
ທຸກບັນຫາທີ່ໜັກໜາສາຫັດລ້ວນແຕ່ມີທາງອອກຂອງມັນ
