ພັນລາວ.ຄອມ
ຊອກຫາ:
ຊອກຫາແບບລະອຽດ
ຂຽນເມື່ອ ຂຽນເມື່ອ: ມ.ກ.. 29, 2011 | ມີ 1 ຄຳເຫັນ ແລະ 0 trackback(s)

ປາ​ນິນ​ຜັດ​ເຜັດ

ເຄື່ອງ​ປຸງ

ຊີ້ນ​ປາ​ນິນ​ຫຼືບ​ເອົາ​ແຕ່​ຊີ້ນ ຊອຍ​ເປັນ​ຕ່ອນ​ບາງໆ ​ລວກ​ສຸກ 200 ຂີດ ຫົວຜັກທຽມຊອຍ 1/2 ບ່ວງ

ຜັກ​ບົວລະພາ​ເດັດ​ເປັນ​ໃບ 10 ໃບ ນ້ຳ​ຕານ​ 1 ບ່ວງ​ກາ​ເຟ

ໝາກ​ເຜັດ​ແດງ​ຊອຍ​ສະຫຼຽງ​ບາງໆ 1 ໜ່ວຍ ນ້ຳ​ປາ 2 ບ່ວງ

ໝາກ​ເຜັດ​ເຫີ່ມ​ເຫລືອງ ຊອຍ​ສະຫຼຽງ​ບາງໆ 1 ໜ່ວຍ ນ້ຳ​ມັນ​ພືດ 1 ບ່ວງ

ໝາກ​ເຜັດ​ຊອຍ 1 ບ່ວງ ນ້ຳ​​ແກງ 3 ບ່ວງ

 

ວິທີ​ເຮັດ

1. ໃສ່​ນ້ຳ​ມັນ​ພືດ​ລົງ​ໃນ​ໝໍ້ ຕັ້ງ​ໄຟ​ຈົນ​ຮ້ອນ​ໃສ່​ໝາກ​ເຜັດ​ຊອຍ ຫົວ​ຜັກ​ທຽມ​ຊອຍ​ຜັດ​ພໍ​ຫອມ​ ໃສ່​ຊີ້ນປາ​ລົງ​ໄປ

2. ​ໃສ່​ນ້ຳ​ແກງ ປຸງ​ລົດ​ດ້ວຍ​ນ້ຳ​ປາ ນ້ຳ​ຕານ​ ຄົນ​ໃຫ້​ທົ່ວ ໃສ່​ໃບ​ບົວລະ​ພາ ໝາກ​ເຜັດ​ທີ່​ຊອຍ​ສະຫຼຽງ ຄົນ​ຄ່ອຍໆ ​ໃຫ້​ເຂົ້າ​ກັນ ຕັກ​ໃສ່​ຈານ​ພ້ອມ​ແຊບ​ໄດ້​ແລ້ວ​ເດີ່!!

ຂຽນເມື່ອ ຂຽນເມື່ອ: ມ.ກ.. 28, 2011 | ມີ 1 ຄຳເຫັນ ແລະ 0 trackback(s)

ເບິ່ງ​ແຍງ​ຜິວ​ໃນ​ຍາມໜາວ

ອາ​ກາດ​ເຢັນ​ເປັນ​ບາງມື້ ແລະ​ບາງ​ພື້ນ​ທີ່​ຄື​ໃນ​ໄລຍະ​ນີ້ ສາວໆ ຫລາຍໆ ຄົນ​ຄົງ​ຈະ​ບໍ່​ພົ້ນການ​ເປັນຫ່ວງ​ເລື່ອງ​ຜິວ​ງາມ​ຂອງ​ຕົນ​ແນ່ນອນ ເພາະ​ໃນ​ລະດູ​ໜາວ​ທີ່​ອາ​ກາດ​​ເຢັນໆ ແຫ້ງໆ ແບບ​ນີ້​ນີ້​ແຫລະ ຕົວ​ການເຮັດໃຫ້​ຜິວ​ແຕ​ກອອ ຫລື​ຜິວ​ໜ້າ​ເປັນ​ຂຸຍ​ໄດ້​ດີ​ຂະໜາດ​ເລີຍ ມື້​ນີ້​​ແສນ​ສຸກ​ດັອດ​ຄອມ​ກໍ​ເລີຍ​ມີ​ວິທີ​ເບິ່ງແຍງ​ຜິວ​ໃນ​​ລະດູ​ໜາວ​ມາ​ຝາກ​ສາວໆ ໃຫ້​ໄດ້​ນຳ​ເອົາ​ໄປ​ໃຊ້​

1. ເພີ່ມ​ຄວາມ​ຊຸ່ມ​ຊື່ນ​ດ້ວຍ​ເບ​ບີ້​ອອຍຫລື​ນ້ຳ​ມັນ​ໝາກ​ພ້າວ​ຫລັງ​ອາບນ້ຳ ຂະນະ​ທີ່​ຕົວ​ຍັງ​ປຽກ ໂດຍ​ໃຊ້​ເບ​ບີ້​ອອຍຫລື​ນ້ຳ​ມັນ​ໝາກພ້າວ​ພຽງ 4-5 ຢອດ ທາ​ໃຫ້​ທົ່ວ​ຜິວ​ກາຍ ແລ້ວ​ເຊັດ​ດ້ວຍ​ຜ້າ​ຂົນ​ໜູ​ຕາມ​ປົກຕິ ຄວາມ​ມັນ​ຂອງ​ເບ​ບີ້​ອອຍ ​ຫລື​ນ້ຳ​ມັນ​ໝາກພ້າວ​ຈະ​ຄົງ​ຢູ່​ເທິງ​ຜິວ ແລະ​ນອກ​ຈາກ​ຈະ​ເຮັດໃຫ້​ຜິວ​ນຸ່ມ​ຊຸ່ມ​ຊື່ນ​ແລ້ວ​ຍັງມີ​ກິ່ນ​ຫອມ​ອ່ອນໆ ທີ່​ແສນ​ຈະ​ຜ່ອນ​ຄາຍນຳ​ອີກ

2. ດື່ມ​ນ້ຳ​ຫຼາຍ ເພາະ​ຜິວ​ທີ່​ຊຸ່ມ​ຊື່ນ​ນັ້ນ​ບໍ່​ໄດ້​ມາ​ຈາກ​ການ​ເບິ່ງແຍງ​ພາຍນອກ​ພຽງ​ຢ່າງ​ດຽວ ແຕ່​ມາ​ຈາກ​ການ​ເບິ່ງແຍງ​ຈາກ​ພາຍ​ໃນ​ດ້ວຍ ການ​ດື່ມ​ນ້ຳ​ຫຼາຍໆ ນີ້​ແຫລະ​​ທີ່​ເຮັດໃຫ້​ຜິວ​ແຫ້ງ​ໄດ້​ຍາກ​ໃນ​ລະດູ​ໜາວ

3. ມອຍເຈີໄລ​ເຊີປ້ອງ​ກັນ​ຜິວ​ໜ້າລອກ​ເປັນ​ຂຸ ລອງ​​ເອົາ​ມອຍ​ເຈີ​ໄລ​ເຊີ​ທີ່​ບໍ່​ມັນ​ຫລາຍ ແລະ​ຊຶມ​ຊາບ​ສູ່​ຜິວ​ໄດ້​ດີ​ມາ​ໃຊ້​ ເພື່ອ​ເຮັດໃຫ້​ຜິວ​ຂອງ​ທ່ານ​ບໍ່​ແຫ້ງ​ຕະຫລອດ​ລະດູ​ໜາວ

4.ະຄຣັບ​ຜິວ​ອາທິດ​ລະ 2 ​ເທື່ອ ເພື່ອ​ເປັນ​ການ​ຜັດ​ເຊນຜິວ​ເກົ່າ ເຜີຍ​ຜິວ​ໃໝ່​ທີ່​ສະຫວ່າງ​ໃສ ໂດຍ​ສະຄຣັບ​ທີ່​ໃຊ້​ຄວນ​ເປັນ​ສະຄຣັບ​ສູດ​ອ່ອນ​ໂຍນ ເພື່ອ​ໃຫ້​ບໍ່​ທຳລາຍ​ຜິວ​ຫລາຍ​ເກີນ​ໄປ


5. ທາ​ຄີມ​ກັນ​ແດດ​ກ່ອນ​ອອກຈາກ​ເຮືອນ​ທຸກ​​ເທື່ອ ເພາະ​ບໍ່​ວ່າ​ລົມ​ໜາວ​ຈະ​ເຮັດໃຫ້​ທ່ານເພີດ​ເພີນ​ກັບ​ແສງ​ແດດ​ອຸ່ນ​ຢ່າງໃດ ລັງສີ UV ກໍ​ສາມາດ​ຊຶມ​ຜ່ານ​ຜິວ​ເຂົ້າໄປ​ທຳລາຍ​ຜິວ​ຂາວ​ງາມ​ຂອງ​ທ່ານໄດ້​ຢ່າງ​ງ່າຍ​ດາຍ

6. ຢ່າ​ລືມ​ທາ​ໂລ​ຊັ່ນ​ກ່ອນ​ເຂົ້າ​ນອນ​ທຸກຄືນ ໃຫ້​ໂລ​ຊັ່ນ​ໄດ້​ເຂົ້າໄປ​ບຳ​ລຸງ​ຜິວ​ແລະ​ເພີ່ມ​ຄວາມ​ຊຸ່ມ​ຊື່ນ​ໃຫ້​ຜິວ​ ພ້ອມ​ທັງ​ປ້ອງ​ກັນ​ບໍ່​ໃຫ້​ອາ​ກາດ​ໜາວ​ເຮັດໃຫ້​ຜິວ​ແຫ້ງ​ແລະ​ແຕກ​​ໄດ້

ແລະ ນັ້ນ​ກໍ​ຄື​ວິທີ​ງ່າຍໆ ທີ່​​ເອົາ​ມາ​ຝາກ​ກັນ​ໃນ​ມື້​ນີ້ ເພາະ​ລະດູ​ໜາວ​ມັກ​ຈະ​ເຮັດໃຫ້​ສາວໆ ຜິວ​ແຕກ​ໄດ້​ສະເໝີ ດັ່ງ​ນັ້ນ ຢ່າ​ໄດ້​​ເຜີ​ໃຈ ​ແມ່ນ​ອາ​ກາດ​ຈະ​ເຢັນ​ສະບາຍ​ກໍ​ຕາມ​ເດີ້ ຜູ້​ສາວ​ເດີ້