ຂໍກ່າວເປັນ...ບົດກອນ...ສອນໃຈທ່ານ

ເກົ້າເດືອນນັ້ນ...ແມ່ຖະໜອມ...ພ້ອມຮັກສາ

ລໍວັນຄົບ...ກຳນົດຄອດ...ຕະຫຼອດມາ

ສູ່ຟັນຟ່າ...ເພື່ອລູກຮັກ...ຈະໄດ້ເບິ່ງ

ທ້ອງເລີ່ມປວດ...ບາດເຈັບ...ລາວໃຈຂາດ

ເຈັບຂະໜາດ...ພຽງໃດ...ໃຈບໍ່ຫວັ່ນ

ເຫື່ອໄຫຼຢອດ...ຖ້ວມກາຍ...ແທບວາຍພັນ

ເພື່ອລູກນັ້ນ...ໄດ້ກຳເນີດ...ເກີດອອກມາ

ສຽງຮ້ອງໃຫ້...ແມ່ໄດ້ຍິນ...ສິ້ນຄວາມປວດ

ຄວາມເຈັບນັ້ນ...ພັນຫາຍ...ຄາຍໝົດສິ້ນ

ຍິງຫຼືຊາຍ...ຮັກສຸດໃຈ...ຢ່າງແທ້ຈິງ

ດວງຊີວິນ...ຂອງແມ່...ແຕ່ນີ້ໄປ

ຍາມລູກຫິວ...ຮ້ອງໃຫ້ແງ...ມາແມ່ປ້ອນ

ດື່ມນົມກ່ອນ...ຈາກກັອກແມ່...ດີແທ້ໜາ

ຍາມມີໃຊ້...ພ້ອມຖະໜອມ...ຢ່າພົບຢາ

ແມ່ອຸ້ມພາ...ຫາໝໍ...ບໍ່ລໍຊ້າ

ຈົນເຕີບໃຫຍ່...ແມ່ກໍ່ໃຫ້...ການສຶກສາ

ເພື່ອໄດ້ມາ...ອານາຄົດ...ອັນສົດໄສ

ຍອມອົດຢາກ...ໃຫ້ລູກນີ້...ມີສຸກໃຈ

ເປັນຜູ້ໃຫຍ່...ໃນວັນໜ້າ...ເດີຄົນດີ

ຈົບອອກມາ...ມີວຽກເຮັດ...ບໍ່ລຳບາກ

ຄວາມທຸກຍາກ...ຄາຍໝົດສິ້ນ...ໃຫ້ບິນໜີ

ມີຄວາມສຸກ...ພ້ອມຄອບຄົວ...ຊົ່ວຊີວີ

ພົບສິ່ງດີ...ແມ່ຕັ້ງໃຈ...ໃຫ້ເປັນທຶນ

ລູກຂໍກາບ...ແນບລົງ...ທາງຕີນແມ່

ທີ່ເບິ່ງແຍງ...ລູກເຕີບໃຫຍ່...ໃຫ້ຄຳສອນ

ພະຄຸນແມ່...ມີຫຼາຍລົ້ນ...ຈົນເກີນກອນ

ກາບວິ້ງວອນ...ຄຸນພະປ້ອງ...ຄຸ້ມຄອງເຖີດ...

ເຮົາບໍ່ໄດ້ແຕ່ງເອງແຕ່ເຮົາຊອກຫາບົດກອນນີ້