 ຂຽນເມື່ອ: ມ.ນ.. 31, 2012
| ມີ
4 ຄຳເຫັນ
ແລະ
0 trackback(s)
1.kim ung yong: ເຂົ້າຮຽນຢູ່ທີ່ມະຫາວິທະຍາໄລເມື່ອອາຍຸ 4 ປີແລະຈົບປະລິນຍາເອກຕອນອາຍຸ 15 ປີ ເປັນຄົນທີ່ສະຫລາດທີ່ສຸດໃນໂລກ.
kim ung yong ເກີດເມື່ອປີ 1962 ຖືວ່າເປັນມະນຸດທີ່ສະຫລາດທີ່ສຸດທີ່ຍັງມີຊີວິດຢູ່. ໂດຍກິນເນສບຸກໄດ້ບັນທຶກວ່າ: ລາວເປັນຄົນທີ່ສະຫລາດທີ່ສຸດໃນໂລກ kim ສາມາດອ່ານພາສາຍີ່ປຸ່ນ, ເກົາຫລີ, ເຢຍລະມັນແລະອັງກິດໄດ້ຕັ້ງແຕ່ຕອນອາຍຸ 4ປີ.
ຕອນວັນຄ້າຍວັນເກີດຄົບຮອບ 5 ປີ ລາວສາມາດແກ້ໂຈດແກນກລູລັດທີ່ມີຄວາມສັບສົນທີ່ສຸດໄດ້, ຫລັງຈາກນັ້ນບໍ່ດົນລາວກໍ່ໄດ້ໄປອອກໂທລະພາບຍີ່ປຸ່ນລາຍການສະແດງ ຄວາມສາມາດທາງດ້ານພາສາຈີນ, ພາສາແອດສປາຍ, ພາສາຫວຽດນາມ, ພາສາຕາກະລັອກ, ພາສາເຢຍລະມັນ, ອັງກິດ, ຍີ່ປຸ່ນແລະເກົາຫລີ.
Kim ເປັນນັກຮຽນຮັບເຊີນໃນຊັ້ນວິຊາຊີບສາຂາຟິຊິກສາດທີ່ມະຫາວິທະຍາໄລ ຫັນຍາງ ຕັ້ງແຕ່ອາຍຸ 3-6 ປີ, ພໍຮອດອາຍຸ 7 ປີອົງການນາຊາໄດ້ເຊີນລາວໄປ America ແລະເຂົ້ຮຽນມະຫາວິທະຍາໄລ colorado ໃນປີ 1974 ຈົນສາມາດໄດ້ປະລິນຍາເອກດ້ານຟິຊິກ, ກ່ອນທີ່ເຂົາຈະມີອາຍຸຄົບ 15 ປີ.
ລະຫວ່າງທີ່ເຂົາກໍາລັງຮຽນ ຢູ່ມະຫາວິທະຍາໄລລາວກໍ່ເລີ່ມວິໄຈຢູ່ທີ່ອົງການນາຊານໍາອີກ. ແລະເຮັດມາຕະຫລອດຈົນລາວກັບຄືນເກົາຫລີ ໃນປີ 1978 ແລະໄດ້ຕັນສິນໃຈປ່ຽນສາຂາຈາກສາຂາຟິຊິກສາດມາເປັນວິສະວະກໍາ ໂຍທາ. ແລະໄດ້ສຶກສາຈັນໄດ້ຮັບປະລິນຍາເອກໃບທີສອງ.
2. Gregory Smith: ຜູ້ທີ່ໄດ້ຮັບລາງວັນໂນເບລສາຂາສັນຕິພາບເມື່ອອາຍຸ 12 ປີ.
Gregory ເກີດເມື່ອປີ 1990 ອ່ານໜັງສືອອກຕັ້ງແຕ່ອາຍຸ 2 ປີແລະເຂົ້າຮຽນມະຫາວິທະຍາໄລເມື່ອອາຍຸ 10 ປີ.
ຄວາມເປັນອັດສະລິຍະຂອງລາວນັ້ນ, ຄວາມສະຫລາດຂອງລາວຍັງບໍ່ໄດ້ເຄິ່ງໜື່ງຂອງເລື່ອງຂອງເດັກ. ລາວຕັດສິນໃຈເດີນທາງອອກໄປທົ່ວໂລກເພື່ອຂົນຂວາຍເລື່ອງສັນຕິພາບ ແລະສິດທິເດັກ.
ລາວເປັນຜູ້ກໍ່ຕັ້ງອົງການ international youth advocates ເຊິ່ງເປັນອົງການທີ່ໃຫ້ການສະໜັບສະໜູນລັກການແຫ່ງສັນຕິພາບແລະຄວາມ ເຂົ້າອົກເຂົ້າໃຈໃນລະຫວ່າງເຍົາວະຊົນທົ່ວໂລກ.
ລາວເຄີຍໄດ້ ປະຖະຄາຖາຢູ່ກອງປະຊຸມຂອງອົງການສະຫະປະຊາຊາດອີກດ້ວຍ. ຈາກການເຮັດວຽກດ້ານມະນຸດສະທໍາເຮັດໃຫ້ລາວໄດ້ຮັບລາງວັນໂນເບລສາຂາ ສັນຕິພາບເຖິງ 4 ຄັ້ງ. ແຕ່ຄວາມສໍາເລັດຄັ້ງສຸດທ້າຍທີ່ລາວໄດ້ຮັບກໍ່ຄືມີໃບຂັບຂີ່ເປັນ ຂອງຕົນເອງ.
3. Akrit jaswal.
Akrit jaswal:ເປັນຄົນອິນເດຍແລະໄດ້ຮັບການຂະໜານນາມວ່າ: ເປັນເດັກນ້ອຍຜູ້ຊາຍທີ່ສະຫລາດທີ່ສຸດໃນໂລກ.
Akrit ກາຍເປັນຈຸດສົນໃຈຂອງສາທາລະນະໃນປີ 2000 ເມື່ອລາວໄດ້ປິ່ນປົວຄົນເຈັບຄົນທໍາອິດຢູ່ທີ່ເຮືອນຂອງລາວເອງ ເມື່ອອາຍຸພຽງ 7 ປີ, ຄົນເຈັບຜູ້ນີ້ເປັນເດັກນ້ອຍຜູ້ຍິງອາຍຸ 8 ປີ, ມີຖານະທຸກຍາກບໍ່ມີເງິນພຽງພໍທີ່ຈະໄປຫາໝໍໄດ້. ມືຂອງລາວຖືກຄວາມຮ້ອນຂອງລົດໄຟລວກເຮັດໃຫ້ນີ້ວມືຂອງລາວຕິດ ກັນ.
Akrit ໃນຕອນນັ້ນລາວຍັງບໍ່ທັນໄດ້ຮຽນແພດຢ່າງເປັນທາງການແລະບໍ່ມີ ປະສົບການໃນການຜ່າຕັດໃດໆມາກ່ອນ. ແຕ່ລາວກໍ່ສາມາດເຮັດໃຫ້ນີ້ວມືຂອງເດັກນ້ອຍຍິງຄົນນັ້ນສາມາດນໍາໃຊ້ ໄດ້ເປັນປົກກະຕິ.
ຂະນະທີ່ລາວກໍາລັງຮຽນປະລິນຍາຕີວິທະຍາສາດ ຢູ່ວິທະຍາໄລ Chandigarh ແລະເປັນນັກສຶກສາທີ່ອາຍຸນ້ອຍທີ່ສຸດທີ່ວິທະຍາໄລອິນເດຍເຄີຍ ເຂົ້າຮຽນ.
4.Cleopatra stratan: ນັກຮ້ອງທີ່ມີອາຍຸຍັງນ້ອຍພຽງ 3 ປີມີລາຍໄດ້ 1000 ເອີໂລຕໍ່ເພງ
Cleopatra ເກີດເມື່ອວັນທີ 6 ຕຸລາ 2002 ທີ່ເມືອງຄີຊີເນົາ, ປະເທດມອນໂດວາ ເປັນລູກສາວຂອງນັກຮ້ອງເຊື້ອສາຍມອນໂດວາ-ລູມານີ, ລາວເປັນນັກຮ້ອງອາຍຸນ້ອຍທີ່ສຸດທີ່ປະສົບຜົນສໍາເລັດດ້ວຍການອອກ ອາລະບໍາໃນປີ 2006 ຂອງລາວຊື່ວ່າ: " at the age of 3 " ແລະຍັງເປັນເຈົ້າຂອງສະຖິຕິສິລະປິນອາຍຸນ້ອຍທີ່ສຸດທີ່ເປີດການສະ ແດງສົດຕະຫລອດ 2 ຊົ່ວໂມງ. ຕໍ່ໜ້າຜູ້ຊົມຈໍານວນຫລາຍ.
ເປັນສິລະ ປິນເດັກນ້ອຍທີ່ຄ່າຕົວສູງສຸດແລະເປັນສິລະປິນອາຍຸນ້ອຍທີ່ສຸດ ທີ່ໄດ້ຮັບລາງວັນ MTV ແລະເປັນສິລະປິນອາຍຸນ້ອຍທີ່ສຸດທີ່ມີເພງຕິດອັນດັບ 1 ໃນປະເທດລູມານີ.
5. Aelita nedre : ໜູນ້ອຍທີ່ມີຜົນງານຖ່າຍຮູບອອກສະແດງໃນແກລລໍຣີມີຊື່ສຽງພຽງແຕ່ອາຍຸ 2 ປີ.
ສິລະ ປິນແນວ Abstract ອາຍຸພຽງ 2 ປີຜູ້ນີ້, ໄດ້ກາຍເປັນບຸກຄົນທີ່ຊາວ Austraria ເວົ້າເຖິງຫຼາຍທີ່ສຸດ ເມື່ອຜົນງານຂອງລາວໄດ້ອອກສະແດງຢູ່ Brunswick Street Gally ໃນ Melbouene's Fitzroy Mark jamieson ຜູ້ອໍານວຍການຂອງແກລລໍຣີດັ່ງກ່າວໄດ້ເບິ່ງຮູບທີ່ Nikka kalasnikova ນັກຖ່າຍຮູບຄົນໜື່ງທີ່ມີງານສະແດງໃນແກຫຼລໍຣີມາໃຫ້ເບິ່ງ ແລະ ກໍ່ມັກຈົນຕົກລົງໃຈທີ່ຈະຈັດການສະແດງຮູບເຫຼົ່ານັ້ນ ຈົນກວ່າໄດ້ມີການຖຄສະນາກ່ຽວກັບຜົນງານໃນໜັງສືຕ່າງໆແລ້ວເຂົາຈື່ງ ໄດ້ຮູ້ວ່າຜົນງານຄືລູກສາວຂອງ kalasnikova ນັ້ນເອງ, ເຊິ່ງມີອາຍຸພຽງແຕ່ 22 ເດືອນ.
6.Saul aaron kripke: harvard ( ມະຫາວິທະຍາໄລອັນດັບໜື່ງຂອງໂລກ) ເຊີນໃຫ້ໄປສະໝັກເປັນອາຈານສອນຄະນະທີ່ຍັງຮຽນຢູ່ higth school
Kripke ເປັນລູກຊາຍຂອງພະແຣບໄບເກີດທີ່ນີວຍອກແລະໃຫຍ່ທີ່ omanha ລັດ Nebraska ເລີ່ມສຶກສາພຶດຊະຄິນິດເມື່ອຕອນຢູ່ເກຣດ 4 ແລະພໍຈົບຊັ້ນປະຖົມກໍ່ຮຽນຮູ້ເລຂາຄະນິດແລະແຄນຄູລັດຈົນເຂົ້າ ໃຈຢ່າງລະອຽດແລະເລີ່ມປ່ຽນໄປໃຫ້ຄວາມສົນໃຈກ່ຽວກັບປັດສະຍາ.
Kripke ຂຽນບົດຄວາມຫລາຍເລື່ອງທັງໃນເລື່ອງຕັກຖະສາດແລະຕັກວິທະຍາແບບ modal logic ໃນຄະນະທີ່ມີອາຍຸພຽງ 16 ປີ ແລະໜື່ງໃນຜົນງານດ້ານຕັກວິທະຍານັ້ນ, ເຮັດໃຫ້ລາວໄດ້ຮັບຈົດໝາຍເຊີນຈາກພາກວິຊາຄະນິດສາດຂອງມະຫາວິທະຍາໄລ Harvard ເຊີນຊວນໃຫ້ລາວໄປສະໝັກເປັນອາຈານສອນ ເຊິ່ງລາວກໍ່ໄດ້ຂຽນຕອບປະຕິເສດໄປວ່າ: " ແມ່ລາວບອກວ່າໃຫ້ລາວຮຽນຈົບ higth school and university ເສຍກ່ອນ ' ແລະເມື່ອລາວຮຽນຈົບ higth school ລາວກໍ່ຮຽນຕໍ່ Harvard.
Kripke ໄດ້ຮັບລາງວັນ shock prize ເຊິ່ງເປັນລາງວັນທາງດ້ານປັດສະຍາທຽບເທົ່າໄດ້ກັບລາງວັນໂນເບລ ປັດຈຸບັນລາວໄດ້ຮບການຍົກຍ້ອງເປັນນັກປັດສະຍາຜູ້ທີ່ຍິ່ງໃຫຍ່ທີ່ສຸດ ໃນໂລກທີ່ຍັງມີຊີວິດຢູ່.
7. Michael Kevin Kearney : ຣັບປະລິນຍາໃບທໍາອິດຕອນອາຍຸ 10 ປີແລະກາຍເປັນເສດຖີຈາກການຫລີ້ນເຣຍລີຕີ້ໂຊ
ເປັນຊາຍ ໜຸ່ມອາຍຸ 24 ປີຜູ້ນີ້ເປັນທີ່ຮູ້ຈັກກັນວ່າເປັນຜູ້ທີ່ຮຽນຈົບມະຫາວິທະຍາໄລທີ່ ມີອາຍຸນ້ອຍທີ່ສຸດໃນໂລກ, ເປັນອາຈານມະວິທະຍາໄລເມື່ອອາຍຸພຽງ 17 ປີ, ໃນປີ 2008 ລາວລາວຊະນະລາງວັນ 1 ລ້ານຫລຽນສະຫະລັດຈາກການຫລີ້ນເກມໂຊທີ່ຊື່ວ່າ: who wants to be a millionaire? ນອກຈາກນີ້ລາວຍັງເຮັດສະຖິຕິໂລກໄວ້ອີກຫລາຍຢ່າງ.
Kearney ເຮີ່ມເວົ້າຄໍາທໍາອິດເມື່ອອາຍຸ 4 ເດືອນ, ເມື່ອອາຍຸ 6ເດືອນລາວບອກກັບໝໍປົວເດັກນ້ອຍຂອງລາວວ່າ: " ລາວຕິດເຊື້ອຫູຊ້າຍ " ອາຍຸ 10 ເດືອນກໍ່ເລີ່ມຮຽນຂຽນ, ອ່ານ ອາຍຸ 4 ປີໄດ້ເຂົ້າຮ່ວມການທົດສອບທາງຄະນິດສາດຂອງສະຖາບັນ johns Hopkins ແລະໄດ້ຄະແນນເຕັມຮຽນຈົບ higth school ເມື່ອອາຍຸ 6 ປີ, ແລະເຂົ້າຮຽນທີ່ santa rosa junior college ຈົນຈົບປະລິນຍາເມື່ອອາຍຸ 10 ປີ.
ໃນປີ 2006 ຊື່ສຽງຂອງລາວດັງໄປທົ່ວໂລກເມື່ອລາວເຫລັ້ນເກມ online gold rush ຈົນໄດ້ຮັບໄຊຊະນະແລະໄດ້ຮັບເງິນ 1 ລ້ານຫລຽນເປັນຄົນທໍາອິດ.
8.Fabiano luigi caruana: ເກມມາສເຕີໝາກລຸກອາຍຸນ້ອຍທີ່ສຸດ.
Fabiano ເປັນເດັກນ້ອຍ 2 ສັນຊາດ( America and itary) ປະຈຸບັນ ອາຍຸ 16 ປີລາວໄດ້ເປັນແກຣນມາສເຕີຕັ້ງແຕ່ປີ 2007 ຕອນນັ້ນລາວມີອາຍຸພຽງ 14 ປີ 11 ເດືອນ 20 ວັນ.
ຖືໄດ້ວ່າອາຍຸນ້ອຍທີ່ສຸດໃນປະຫວັດສາດ ຂອງ America and itary ແລະເມື່ອຕົ້ນເດືອນເມສາທີ່ຜ່ານມາສະມາພັນໝາກລຸກໂລກ ( world chess fedelation ) ໄດ້ປະກາດວ່າ: Fabiano ນັ້ນມີອັນດັບໂລກຢູ່ທີ່ 2694 ເຮັດໃຫ້ລາວກາຍເປັນນັກໝາກລຸກທີ່ມີອັນດັບສູງສຸດສໍາລັບ ລຸ້ນຕໍ່າກວ່າ 18 ປີ.
9.Willie mosconi : ເລີ່ມຊີວິດນັກບິລລຽດອາຊີບເມື່ອອາຍຸພຽງ 6 ປີ.
William joseph mosconi ຫລື mr pocket billiard ໜຸ່ມນ້ອຍຈາກ Philadelphia, pennsyvania ມີພໍ່ເປັນເຈົ້າຂອງໂຕະພູລແຕ່ບໍ່ຍອມໃຫ້ລາວເຫລັ້ນພູລ ແຕ່ willie ກໍ່ບໍ່ຍອມແພ້ໂດຍລັກໄປຝຶກຝົນດ້ວຍຫົວມັນຝຣັ່ງກັບກ້ານໄມ້ຟອຍ ເກົ່າໆຢູ່ເຮືອນຄົວຂອງແມ່ລາວ ບໍ່ດົນພໍຂອງລາວກໍ່ເຫັນຄວາມສະຫລາດຂອງລາວຈື່ງໄດ້ມີການຈັດໃຫ້ ມີການແຂ່ງຂັນແລະ Willie ກໍ່ສາມາດເອົາຊະນະຄູ່ແຂ່ງທີ່ມີອາຍຸນ້ອຍແລະປະສົບການເໜືອກວ່າ ຕົນເອງ.ຫລາຍໄດ້. ທັງທີ່ລາວຕ້ອງຢືນເທີງກ່ອງເຕໍ່ຂາເພື່ອສູງໃຫ້ເຖິງໂຕະຈົນຫລີ້ນ ໄດ້ກໍ່ຕາມ.
ໃນປີ 1919 ໄດ້ມີການຈັດການແຂ່ງຂັນລະຫວ່າງເດັກນ້ອຍ Willie ອາຍຸ 6 ປີ ແຊມໂລກ Ralph Greenleaf ຈະເປັນຜູ້ຊະນະແຕ່ Willie ກໍ່ໄດ້ເປັນແຊມ world championship ເຖິງ 15 ສະໄໝ, ເປັນຜູ້ລິເລີ່ມເຕັກນິກໃໝ່ໆໃນການຫລີ້ນບີລລຽດສະໜຸກເກີ, ສ້າງສະຖິຕິຢ່າງຫລວງຫລາຍແລະຍັງເຣັດໃຫ້ກິລາບີລລຽດກາຍເປັນທີ່ ນິຍົມຂອງຄົນອີກດ້ວຍ, ປະຈຸບັນລາວກໍຍັງເປັນເຈົ້າຂອງສະຖິຕິ ສູງສຸດໃນການຕີລູກໄດ້ຕິດຕໍ່ກັນເຖິງ 526 ລູກ.
10. elaina smith: ຜູ້ໃຫ້ຄໍາປຶກສາປັນຫາຊີວິດອາຍຸ 7 ປີ
ສະຖານີ ວິທະຍຸທ້ອງຖິ່ນໄດ້ສະເໜີຜົນງານການໃຫ້ຄໍາປືກສາປັນຫາຊີວິດ ກັບສາວນ້ອຍ elaina ເມື່ອລາວເຂົ້າມາໃຫ້ຄໍແນະນໍາກັບຍິງສາວຄົນໜື່ງທີ່ໂທເຂົ້າມາ ໃຫ້ຄໍາປຶກສາສະຖານີວິທະຍຸເລື່ອງທີ່ລາວເຊົາກັບແຟນ, ຄໍາແນະນໍາງ່າຍໆຂອງ elaina ກໍ່ຄື: ການບອກໃຫ້ສາວຜູ້ນັ້ນອອກໄປໂຍນໂບລິງກັບໝູ່ຂອງລາວແລະດື່ມນົມ ຈອກໃຫຍ່ໆຈັກໜື່ງຈອກ,ແລະເຮັດໃຫ້ລາວໄດ້ເວລາວຈັດລາຍການແກ້ບັນຫາ ຊີວິດລາຍສັບປະດາຈົນໄດ້ຮັບຄວາມນິຍົມຊົມຊອບຈາກຜູ້ຟັງນັບເປັນພັນໆ ຄົນ, ລາວໃຫ້ຄໍາປຶກສາຕັ້ງແຕ່ບັນຫາເລື່ອງການຜິດຖຽງກັບແຟນຈົນລວມໄປ ເຖິງບັນຫາກິ່ນຕົວຂອງຄົນໃນບ້ານອີກ.
ຄັ້ງໜື່ງໄດ້ມີຄົນຟັງ ໂທລະສັບມາຖາມ elaina ວ່າເຮັດແນວໃດຈື່ງຈະໄດ້ແຟນຂອງລາວກັບມາ, ສາວນ້ອຍຄົນນີ້ຕອບໄປວ່າ: ຜູ້ຊາຍຄົນນັນບໍ່ມີຄ່າພໍທີ່ຈະອາໄລອາວອນຫາຊີວິດຄົນເຮົາມັນສັນ ເກີນກວ່າຈະໄປໂສກເສົ້າຫາຊາຍພຽງຄົນດຽວ. http://laos.cri.cn/521/2012/02/22/122s154837.htm
|
ຂຽນເມື່ອ: ມ.ນ.. 11, 2012
| ມີ
6 ຄຳເຫັນ
ແລະ
0 trackback(s)
 ໂຄງການກໍ່ສ້າງຕຶກປິ່ນປົວພະສົງ ຢູ່ໂຮງໝໍເມືອງນາຊາຍທອງ ນະຄອນຫຼວງວຽງຈັນ ໄດ້ວາງສີລາເລີກ ຂຶ້ນວັນທີ 3 ມີນາ 2012 ຜ່ານມາ ໂດຍມີທ່ານ ບຸນທອງ ພົມມະຈັນ ເຈົ້າເມືອງນາຊາຍທອງ ຮອງເຈົ້າເມືອງ ບັນດາພະສົງສຳມະເນນ ອົງການຈັດຕັ້ງເມືອງພ້ອມດ້ວຍອອກຕົນຍາດໂຍມທົ່ວເມືອງເຂົ້າຮ່ວມ. ໂຄງການກໍ່ສ້າງຕຶກປິ່ນປົວພະສົງນີ້ ເປັນອາຄານ 2 ຊັ້ນ ຂະໜາດ 14,5x28,5 ແມັດ ທັງໝົດ 15 ຫ້ອງ ໄລຍະການກໍ່ສ້າງ 18 ເດືອນ ໃຫ້ສຳເລັດ ໃນມູນຄ່າທັງໝົດ 2.249 ລ້ານກີບ ໂດຍແມ່ນບໍລິສັດບົວຈັນກໍ່ສ້າງເປັນຜູ້ຮັບເໝົາ ການສ້າງຕຶກປິ່ນປົວພະສົງ ກໍເພື່ອເປັນການອຳນວຍຄວາມສະດວກ ໃຫ້ແກ່ພະສົງທີ່ໄດ້ເຂົ້າມາປິ່ນປົວ ໃຫ້ມີຄວາມສະດວກສະບາຍຂຶ້ນ ທຶນໃນການກໍ່ສ້າງແມ່ນໄດ້ມາຈາກການລະດົມຈາກພາກສ່ວນຕ່າງໆ ແຕ່ກໍຍັງບໍ່ທັນພຽງພໍເທື່ອ ດັ່ງນັ້ນ ຈຶ່ງຮຽກຮ້ອງມາຍັງຜູ້ມີຈິດໃຈໃສສັດທາທັງຫຼາຍ ບໍ່ວ່າຢູ່ພາຍໃນ ແລະ ຕ່າງປະເທດ ຈົ່ງມາປະກອບສ່ວນປັດໄຈໄດ້ທີ່ຫ້ອງວ່າ ການປົກຄອງເມືອງນາຊາຍທອງ ແລະ ວັດປ່ານາຄູນນ້ອຍ ກໍໄດ້ເພື່ອເຮັດໃຫ້ການສ້າງຕຶກປິ່ນປົວພະສົງຫຼັງດັ່ງກ່າວນີ້ ໃຫ້ສຳເລັດໄປດ້ວຍດີ.
|
ຂຽນເມື່ອ: ມ.ນ.. 7, 2012
| ມີ
1 ຄຳເຫັນ
ແລະ
0 trackback(s)
 ຮູບຈາກ: Reuters ພວກສະໜັບສະໜຸນ ສະຫລອງໄຊຊະນະ ຂອງທ່ານພູຕິນ ໃກ້ໆກັບວັງແຄຣມລິນ, ວັນທີ 5 ມີນາ 2012. ບັນດາປະເທດເພື່ອນບ້ານຂອງຣັດເຊຍໃນຂົງເຂດເອເຊຍກ່າວວ່າ ພວກຕົນຄາດໝາຍວ່າ
ສາຍສໍາພັນກັບຣັດເຊຍຈະກະຊັບແໜ້ນຂຶ້ນກວ່າເກົ່າ ຫລັງຈາກທີ່ຣັດເຊຍໄດ້ເລືອກເອົາ
ນາຍົກລັດຖະມົນຕີ Vladimir Putin ເປັນປະທານາທິບໍດີ ອີກຄັ້ງນຶ່ງ. ໂຄສົກກະຊວງການຕ່າງປະເທດຂອງຈີນ ທ່ານ Liu Weimin ໄດ້ບອກກັບພວກນັກຂ່າວໃນວັນຈັນມື້ນີ້ທີ່ກຸງປັກກິ່ງວ່າ ຄວາມສໍາພັນຂອງຈີນກັບຣັດເຊຍນັ້ນ ແມ່ນໄດ້ມີການຂະຫຍາຍໂຕໃນທາງບວກຢ່າງໝັ້ນຄົງມາຕະຫລອດ ແລະທາງ ກຸງປັກກິ່ງ ກໍຄາດຫວັງທີ່ຈະໃຫ້ເປັນເຊ່ນນັ້ນສືບຕໍ່ໄປ ພາຍໃຕ້ປະທານາທິບໍດີ Putin. ທ່ານ Liu ຍັງໄດ້ໃຫ້ຂໍ້ສັງເກດອີກວ່າ ທັງກຸງປັກກິ່ງແລະກຸງມົສກູນັ້ນ ແມ່ນມີມູມມອງແບບດຽວກັນ ທາງດ້ານນະໂຍບາຍຕ່າງປະເທດ. ຫວ່າງໝໍ່ໆມານີ້ ຈີນແລະຣັດເຊຍໄດ້ເປັນພຽງສອງສະມາຊິກໃນສະພາຄວາມໝັ້ນຄົງສະຫະ
ປະຊາຊາດ ທີ່ໄດ້ອອກສຽງຍັບຍັ້ງມະຕິທີ່ຮຽກຮ້ອງໃຫ້ປະທານາທິບໍດີຊີເຣຍ ທ່ານ Bashar
al-Assad ກ້າວລົງຈາກອໍານາດນັ້ນ. ທີ່ກຸງໂຕກຽວ ຫົວໜ້າຫ້ອງການລັດຖະບານຍີ່ປຸ່ນ ທ່ານ Osamu Fujimura ກໍໄດ້ບອກກັບບັນດານັກຂ່າວວ່າ ໂດຍພື້ນຖານແລ້ວ ນະໂຍບາຍຂອງປະເທດຂອງທ່ານກ່ຽວກັບຮັດເຊຍນັ້ນ ແມ່ນສົ່ງເສີມການຮ່ວມມືກັນໃນຫຼາຍໆດ້ານ ເພື່ອກໍ່ສ້າງການເປັນພາຄີທີ່ເໝາະສົມ. ທ່ານ Fujimura ໄດ້ກ່າວອີກວ່າ ໂຕກຽວຫວັງວ່າຈະແກ້ໄຂບັນຫາຂັດແຍ້ງເລື່ອງດິນແດນກ່ຽວກັບ 4 ເກາະ ທີ່ກໍາລັງຂອງຣັດເຊຍໄດ້ຍຶດເອົາໃນໄລຍະ ຫຼາຍໆອາທິດ ຫຼັງຈາກທີ່ຍີ່ປຸ່ນໄດ້ປລາໄຊໃນສົງຄາມໂລກຄັ້ງທີ 2 ນັ້ນ. ທ່ານ Putin ເອງກໍໄດ້ສະແດງຄວາມປາດຖະໜາຢາກຈະຍຸດຕິການຜີດຖຽງກັນ ກ່ຽວກັບໝູ່ເກາະ Kuril ນັ້ນ.
|
ຂຽນເມື່ອ: ກ.ພ.. 26, 2012
| ມີ
4 ຄຳເຫັນ
ແລະ
0 trackback(s)
 ໜວດໝູ່:
ທັມມະ
ທັມມີອຸປະກາຣະຫຼາຍ ມີຢູ່ 2 ຢ່າງຄື: ສະຕິ (ຄວາມລະນຶກໄດ້) ສັມປະຊັນຍະ (ຄວາມຮູ້ຕົວ) ຄົນທີ່ຂາດຄວາມລະມັດລະວັງ ຂາດຄວາມຮອບຄອບ ມັກເຮັດຫຍັງກໍຜິດພາດ ແລະ ເກີດຄວາມເສຍຫາຍຢູ່ສະເໝີ ຄວາມບໍ່ລະມັດລະວັງ ບໍ່ຮອບຄອບ ນີ້ເອີ້ນວ່າ “ຄວາມປະມາດ” ພຣະພຸດທະເຈົ້າໄດ້ຊົງສະແດງ ເພື່ອເປັນການແກ້ຄວາມປະມາດໄວ້ໃນ ທຸກນິບາດ ອັງຄຸຕຕຣນິກາຍ ເອີ້ນວ່າ ພາຫຸປະກາຣະທັມ ແປວ່າ ທັມມີອຸປະກາຣະຫຼາຍ ໝາຍເຖິງ ທັມທີ່ເປັນເຄື່ອງປ້ອງກັນບໍ່ໃຫ້ເກີດຄວາມຜິດພາດ ໃນການຄິດ ການເວົ້າ ການເຮັດ ມີ 2 ປະການຄື: 1.ສະຕິ (ຄວາມລະນຶກໄດ້) 2.ສັມປະຊັນຍະ (ຄວາມຮູ້ຕົວ) 1.ສະຕິ (ຄວາມລະນຶກໄດ້) ມີຄວາມໝາຍ 2 ລັກສະນະ ຄື - ສະຕິ ໝາຍເຖິງ ຄວາມພົ້ນຄິດຂຶ້ນມາ ໃນສິ່ງທີ່ຈະເຮັດ ຈະເວົ້າ ຈະຄິດ ເປັນຄວາມພົ້ນຄິດທີ່ເກີດຂຶ້ນກ່ອນຈະເຮັດ ຈະເວົ້າ ຈະຄິດ ເຊິ່ງອາດຈະເປັນເລື່ອງໃນອະດີດ ປັດຈຸບັນ ອະນາຄົດ ເຊັ່ນ ພົ້ນຄິດຂຶ້ນໄດ້ວ່າເຄີຍເວົ້າຫຍັງໄວ້, ພົ້ນຄິດຂຶ້ນມາໄດ້ວ່າຕອນນີ້ກຳລັງເຮັດຫຍັງຢູ່, ພົ້ນຄິດຂຶ້ນມາວ່າມື້ອື່ນຈະເຮັດຫຍັງຕໍ່ໄປ ເຫຼົ່ານີ້ເປັນຕົ້ນ. - ສະຕິ ໝາຍເຖິງ ການມີໃຈຈົດຈໍ່ໃນກິດສິ່ງທີ່ກຳລັງເຮັດ ເວົ້າ ຄິດ ຄືມີຄວາມຕື່ນຕົວ ບໍ່ເພີ ສາມາດຂົ່ມໃຈບໍ່ໃຫ້ລອຍອອກໄປຈາກກິດທີ່ກຳລັງເຮັດ ເພາະທຳມະຊາດຂອງຈິຕ ຈະບໍ່ຢຸດນິ່ງກັບທີ່ ດັ່ງນັ້ນ ໃນຂະນະທີ່ເຮົາກຳລັງເຮັດ ເວົ້າ ຫຼື ຄິດສິ່ງໃດສິ່ງໜຶ່ງ ຈິຕກໍມັກຈະລອຍໄປສູ່ເລື່ອງອື່ນ ເອີ້ນວ່າ “ເພີ” ເມື່ອເພີແລ້ວສິ່ງທີ່ຄິດ ກິດທີ່ເຮັດ ຄຳທີ່ເວົ້າ ກໍມັກຈະເກີດຄວາມຜິດພາດ ສະນັ້ນ ສະຕິຈຶ່ງມີໜ້າທີ່ຄອຍຖ້າສະກັດກັ້ນ ຂົ່ມຈິຕບໍ່ໃຫ້ລອຍອອກໄປຈາກເລື່ອງທີ່ກຳລັງເຮັດຢູ່ ປຽບທຽບຄ້າຍຄືກັບຫາງເສືອທີ່ຄອຍຄວບຄຸມເຮືອໃຫ້ແລ່ນໄປສູ່ທິດທາງທີ່ຕ້ອງການ. ສະຕິ ໃນການປະຕິບັດທັມໝາຍເຖິງ ການຄອຍຖ້າສະກັດກັ້ນໃຈບໍ່ໃຫ້ຫຼົງເພີດເພີນໄປຕາມອຳນາດກິເຫຼດ ໃນຂະນະທີ່ຕາເຫັນຮູບ ຫູໄດ້ຍິນສຽງ ດັງໄດ້ກິ່ນ ລີ້ນໄດ້ລົດ ກາຍໄດ້ສຳພັດ 2.ສັມປະຊັນຍະ (ຄວາມຮູ້ຕົວ) ໃນໜັງສືນະວະໂກວາດທ່ານໃຫ້ຄວາມໝາຍວ່າ ຄວາມຮູ້ຕົວ ເຊິ່ງໝາຍເຖິງ ຄວາມຮູ້ສຶກຕົວວ່າກຳລັງເຮັດ ເວົ້າ ຄິດ ສິ່ງໃດຢູ່ ແຕ່ໂດຍສັບແລ້ວ ສັມປະຊັນຍະ ແປວ່າ ຄວາມຮູ້ທົ່ວພ້ອມ, ຄວາມຮູ້ທົ່ວດີ ມາຈາກຄຳບາລີວ່າ ສໍ (ພ້ອມ, ດີ) + ປ (ທົ່ວ) + ຊັນຍະ (ຄວາມຮູ້) ເຊິ່ງໝາຍເຖິງ ຄວາມຮູ້ຄັກ, ຄວາມເຂົ້າໃຈຄັກຕາມເປັນຈິງ ຄື ຮູ້ຄັກເຂົ້າໃຈຄັກໃນສິ່ງທີ່ ສະຕິ ລະນຶກຂຶ້ນວ່າ ສິ່ງນັ້ນຖືກຕ້ອງຫຼືບໍ່ ຜິດຫຼືຖືກແນວໃດ ສົມຄວນຫຼືບໍ່ສົມຄວນ ມີປະໂຫຍດຫຼືບໍ່ມີປະໂຫຍດ ດ້ວຍເຫດນັ້ນ ສັມປະຊັນຍະກໍຄືຕົວປັນຍາທີ່ລໍຄອຍຖ້າກວດກາ ສິ່ງທີ່ສະຕິລະນຶກຂຶ້ນມານັ້ນເອງ. ໃນສັມໂມຫະວິໂນທະນີ ອລັດກະຖາ ອະພິທັມປິດົກ ວິພັງ ເຫຼັ້ມທີ່ 2 ໜ້າ 385-399 ໄດ້ກ່າວເຖິງລັກສະນະຂອງສັມປະຊັນຍະໄວ້ 4 ຢ່າງຄື 1. ສາດທະກະສັມປະຊັນຍະ ຄື ຄວາມຮູ້ທົ່ວວ່າສິ່ງນັ້ນມີປະໂຫຍດ ຫຼື ມີຈຸດມຸ່ງໝາຍແນວໃດ ແລ້ວຫາທາງຫຼີກລ້ຽງສິ່ງທີ່ບໍ່ມີປະໂຫຍດ ເລືອກເຮັດແຕ່ສິ່ງທີ່ມີປະໂຫຍດ 2. ສັບປາຍະສັມປະຊັນຍະ ຄວາມຮູ້ທົ່ວວ່າສິ່ງນັ້ນດີຫຼືບໍ່ ເປັນສຸກຫຼືທຸກ ແລ້ວເລືອກເຮັດແຕ່ສິ່ງທີ່ດີ ແລະ ເປັນສຸກສຳລັບຕົນ 3. ໂຄຈະຣະສັມປະຊັນຍະ ຄວາມຮູ້ທົ່ວສະເພາະໃນໂຄຈອນ ຄື ຮູ້ທົ່ວເຖິງຂອບເຂດຂອງວຽກທີ່ເຮັດ 4. ອະສັມໂມຫະສັມປະຊັນຍະ ຄວາມຮູ້ທົ່ວ ບໍ່ຫຼົງງົມງວຍ ຄື ຮູ້ໃນສິ່ງທີ່ລະນຶກນັ້ນຕາມຄວາມເປັນຈິງ ບໍ່ແມ່ນຄວາມຮູ້ທີ່ເປັນການຄາດເດົາ ຄວາມຫຼົງງົມງວຍ ຫຼື ເຂົ້າໃຈຜິດ ປະໂຫຍດຂອງ ສະຕິ ສັມປະຊັນຍະ ສະຕິ ສັມປະຊັນຍະ ເມື່ອຝຶກໃຫ້ມີຢູ່ໃນຕົນເອງແລ້ວ ຍ່ອມມີປະໂຫຍດໃນການຊ່ວຍປ້ອງກັນບໍ່ໃຫ້ເກີດຂໍ້ຜິດພາດໃນການກະທຳ ການເວົ້າ ການຄິດ ແລະ ສະໜັບສະໜູນໃຫ້ສຳເລັດຜົນທຸກຢ່າງຕາມທີ່ຕ້ອງການ ໂດຍສະເພາະໃນການປະຕິບັດທັມຍິ່ງມີຄວາມຕ້ອງການ ສະຕິ ສັມປະຊັນຍະ ໃຫ້ຫຼາຍ ເພື່ອໃຫ້ມີຄວາມລະມັດລະວັງສະກັດກັ້ນ ຂົ່ມໃຈ ບໍ່ໃຫ້ຫຼົງໄປນຳອຳນາດຂອງກິເຫຼດ ໃນທຸກໆຂະນະຈິຕ ວິທີຝຶກຕົນໃຫ້ມີ ສະຕິ ສັມປະຊັນຍະ ໃນແຕ່ລະວັນ ຄື 1. ເວັ້ນຈາກການດື່ມສຸຣາເມໄຣ ແລະ ເສບສິ່ງເສບຕິດຕ່າງໆທັງຫຼາຍ ເຊິ່ງເປັນຕົວທຳລາຍ ສະຕິ ໂດຍກົງ 2. ຝຶກກຳນົດນັບລົມຫາຍໃຈ ເຂົ້າ-ອອກ ຢ່າງໜ້ອຍວັນລະ 5 ນາທີ ຄື ຫາຍໃຈເຂົ້າກໍຮູ້ ຫາຍໃຈອອກກໍຮູ້ 3. ໃນເວລາເຮັດກິດຈະວັດປະຈຳວັນ ຕ້ອງຝຶກຄວບຄຸມໃຈໃຫ້ຈົດຈໍ່ກັບສິ່ງທີ່ເຮັດ ຢ່າປ່ອຍໃຈໃຫ້ລອຍໄປບ່ອນອື່ນ ຖ້າມັນລອຍອອກໄປຕ້ອງພະຍາຍາມດຶງມັນກັບມາ 4. ຝຶກປະຕິບັດກັມມະຖານ ຕາມຫຼັກຂອງສະຕິປັກຖານສີ່ (ຂໍຈົບລົງພຽງເທົ່ານີ້ສຳລັບ ທັມທີ່ມີອຸປະກາຣະຫຼາຍ)
|
ຂຽນເມື່ອ: ກ.ພ.. 26, 2012
| ມີ
6 ຄຳເຫັນ
ແລະ
0 trackback(s)
ຄວາມຫຼົງ ກັບ ຄວາມມົວເມົາ ຕ່າງກັນແນວໃດ? ຕອບ: ຕ່າງກັນດັ່ງນີ້ ຄວາມຫຼົງ ຄື ຄວາມບໍ່ຮູ້ເທົ່າທັນຕໍ່ເຫດທີ່ດີຊົ່ວ ຖືກຜິດ ສ່ວນຄວາມມົວເມົາ ຄື ຍັງຮູ້ຈັກຜິດຖືກ ຊົ່ວດີຢູ່ ແຕ່ຍັງໄປຫຼົງຫຼິ້ນເພີດເພີນຢູ່ກັບສິ່ງນັ້ນ
|
ຂຽນເມື່ອ: ກ.ພ.. 25, 2012
| ມີ
5 ຄຳເຫັນ
ແລະ
0 trackback(s)
“ຄອງ 14” ໝາຍເຖິງແນວທາງປະຕິບັດ ວິທີທາງ ທີ່ນັກປາດບູຮານ ບັນພະບຸລຸດ ໄດ້ກຳນົດໄວ້ ແລະ ຄອງ 14 ນັ້ນກໍ່ມີຢູ່ຢ່າງຫຼວງຫຼາຍ ໃນທີ່ນີ້ຈະຂໍຍົກແຕ່ ຄອງ 14 ສຳລັບສອນທຸກເພດ ທຸກໄວ ທຸກຖານະ ມາສະແດງໃຫ້ເບິ່ງກ່ອນ. 1. ຮີດເຈົ້າຄອງຂຸນ “ເຈົ້າ” ໝາຍເຖິງເຈົ້າຟ້າມະຫາກະສັດ “ຂຸນ” ໝາຍເຖິງຜູ້ປົກຄອງຫົວເມືອງຕ່າງໆ ສະນັ້ນ ຮີດເຈົ້າຄອງຂຸນ ຄື ແບບແຜນ ຫຼື ຄຳສອນ ໃຫ້ແກ່ ພຣະມະຫາກະສັດ, ຜູ້ປົກຄອງລະດັບສູງ ໃຫ້ນຳໄປປະຕິບັດ ເພື່ອເຮັດໃຫ້ໄພ່ຟ້າປະຊາຊົນມີຄວາມສຸກ ເຊິ່ງມີຮີດຄອງຄຳສອນ ດັ່ງນີ້: ເປັນຈອມເຈົ້າເໜືອຫົວ ໃຫ້ຮັກໄພ່ ເປັນໃຫຍ່ພ້ອງຫົວໜ້າໃຫ້ຮັກຝູງ ເປັນຜູ້ເຖົ້າໃຫ້ຮູ້ຮັກຫຼານເຫຼນ ເປັນຂຸນກວນໃຫ້ຮັກການເມືອງບ້ານ ສົມສະຖານເບື້ອງເຮືອງຮຸ່ງຖ້ວນທົ່ວ ຢ່າໄດ້ຮັກພຸ້ນຊັງພີ້ບໍ່ດີແທ້ແລ 2. ຮີດທ້າວຄອງເພຍ 3. ຮີດໄພ່ຄອງນາຍ 4. ຮີດບ້ານຄອງເມືອງ 5. ຮີດຜົວຄອງເມຍ 6. ຮີດພໍ່ຄອງແມ່ 7. ຮີດລູກຄອງຫຼານ 8. ຮີດໃພ້ຄອງເຂີຍ 9. ຮີດປ້າຄອງລຸງ 10. ຮີດປູ່ຄອງຍ່າຮີດຕາຄອງຍາຍ 11. ຮີດເຖົ້າຄອງແກ່ 12. ຮີດປີຄອງເດືອນ 13. ຮີດໄຮ່ຄອງນາ 14. ຮີດວັດຄອງສົງ ( ໂອກາດໜ້າຈິ່ງສິຂະຫຍາຍຄວາມ ຖ້ຽວນີ້ເອົາແຕ່ ຮີດເຈົ້າຄອງຂຸນ ສາກ່ອນ )
|
ຂຽນເມື່ອ: ກ.ພ.. 25, 2012
| ມີ
6 ຄຳເຫັນ
ແລະ
0 trackback(s)
1. ປະຕິບັດຄຳສັ່ງຂອງຂັ້ນສູງຢ່າງເດັດຂາດໃນຍາມທຳມະດາກໍຄືຍາມສູ້ຮົບ.
2. ບໍ່ເອົາຂອງສ່ວນລວມມາເປັນຂອງສ່ວນຕົວ ໂດຍບໍ່ໄດ້ຮັບອະນຸຍາດ ຈາກຂັ້ນເທິງຢ່າງເປັນທາງການ, ຕ້ອງປົກປັກຮັກສາອາວຸດ ແລະ ເຄື່ອງໃຊ້ບໍ່ໃຫ້ເປ່ເພເສຍຫາຍ.
3. ຕ້ອງຮັກສາຄວາມເປັນລະບຽບຮຽບຮ້ອຍ ແລະ ອະນາໄມດີ, ບໍ່ເຮັດເປິເປື້ອນໃສ່ນ້ຳສ້າງ, ຫ້ວຍນ້ຳ ແລະ ບ່ອນຊຸມນຸມຊົນຕ່າງໆ ເວລາປະຈຳຢູ່ຫລືຍ້າຍຫນີ ຕ້ອງປັດກວາດມ້ຽນມັດໃຫ້ສະອາດຮຽບຮ້ອຍ.
4. ຄວນປະພຶດຕົວໃຫ້ຖືກຕ້ອງ, ເວົ້າຈາອ່ອນຫວານຕໍ່ທຸກຄົນ, ນັບຖືຜູ້ເຖົ້າ, ຮັກແພງເດັກນ້ອຍ, ຄ່ຽມຄົມຕໍ່ຜູ້ຍິງ.
5. ຕັ້ງແຕ່ໄຫມຫຍິບ ຫລືເຂັມດວງຂື້ນໄປບໍ່ໃຫ້ເອົາຂອງປະຊາຊົນໂດຍບໍ່ໄດ້ຮັບອະນຸຍາດ, ຊື້ຂາຍຕ້ອງທ່ຽງທຳ, ຢືມຕ້ອງສົ່ງ, ເປ່ເພເສຍຫາຍຕ້ອງໃຊ້ແທນ.
6. ຕ້ອງໂຄສະນາອົບຮົມປະຊາຊົນ, ສາມັກຄີຊ່ວຍເຫລືອປະຊາຊົນ ໃນທຸກວຽກງານ.
7. ຕ້ອງນັບຖືຮີດຄອງປະເພນີຂອງປະຊາຊົນ, ເຄົາລົບຄວາມເຊື່ອຖືຂອງປະຊາຊົນ, ປົກປັກຮັກສາວັດວາອາຮາມກໍຄືວັດຖຸບູຮານ ທີ່ເປັນປະຫວັດສາດ, ບໍ່ໄດ້ມ້າງເພຫລືເຮັດເປິເປື້ອນ ໃສ່ສະຖານທີ່ສາທາລະນະສ່ວນລວມ.
8. ຕ້ອງຮັກສາຄວາມລັບຂອງກອງທັບ ແລະ ຂອງລັດຢ່າງເດັດຂາດ. ລະບຽບວິໄນ 12 ຂໍ້ຕໍ່ປະຊາຊົນ4 ເຄົາລົບ1. ເຄົາລົບປະຊາຊົນບັນດາເຜົ່າ ຄືພໍ່ແມ່ອ້າຍນ້ອງໃນຄອບຄົວຂອງຕົນ.
2. ເຄົາລົບຮີດຄອງປະເພນີຂອງປະຊາຊົນບັນດາເຜົ່າ.
3. ເຄົາລົບສິດສະເຫມີພາບໃນການເຊື່ອຖື ຫລື ບໍ່ເຊື່ອຖືສາສະຫນາ ຂອງປະຊາຊົນບັນດາເຜົ່າ.
4. ເຄົາລົບ ແລະ ໃຫ້ການຊ່ວຍເຫລືອຢ່າງສຸດຂີດແກ່ອົງານປົກຄອງ, ແນວໂຮມທ້ອງຖິ່ນ. 4 ບໍ່1. ບໍ່ຂ້າຕີ, ບໍ່ຂົ່ມຂູ່, ບໍ່ຮ້າຍດ່າປະຊາຊົນ.
2. ບໍ່ເອົາຂອງປະຊາຊົນແບບຜິດກົດຫມາຍ, ບໍ່ເຮັດຫຍຸ້ງຍາກແກ່ປະຊາ ຊົນ ແລະ ອົງການປົກຄອງທ້ອງຖິ່ນ.
3. ບໍ່ມ້າງເພວັດວາອາຮາມ ຫລື ສະຖານທີ່ທາງສາສະຫນາອື່ນໆ ແລະ ສາທາລະນະສະຖານ.
4. ບໍ່ຫລີ້ນແສ້ພານສາວ, ບໍ່ລົບກວນແມ່ນຍິງໂດຍບໍ່ຖືກຕ້ອງຕາມລະ ບຽບວິໄນຂອງກອງທັບ, ກົດຫມາຍຂອງລັດ ແລະ ຮີດຄອງປະເພນີຂອງ ບ້ານເມືອງ. 4 ຊ່ວຍ1. ຊ່ວຍປະຊາຊົນທຳມາຫາກິນ ແລະ ນຳໃຊ້ເຕັກນິກວິທະຍາສາດ ວິ ທະຍາການໃຫມ່ ເຂົ້າໃນການຜະລິດ ແລະ ກໍ່ສ້າງຊົນນະບົດໃຫມ່.
2. ຊ່ວຍປະຊາຊົນໃນການສຶກສາຮ່ຳຮຽນວັດທະນະທຳ, ການເມືອງ ແລະ ວິຊາສະເພາະຕ່າງທີ່ຈຳເປັນເຂົ້າໃນຊີ ວິດປະຈຳວັນ.
3. ຊ່ວຍປະຊາຊົນໃນການປິ່ນປົວພະຍາດ, ຮັກສາອະນາໄມ 3 ສະອາດຢູ່ສະຖານທີ່ສາທາລະນະ ແລະ ບ້ານ ຊ່ອງຂອງຕົນ.
4. ຊ່ວຍປະຊາຊົນຕີສັດຕູປົກປັກຮັກສາບ້ານຊ່ອງ, ຮັກສາລະບຽບວິໄນ ດີ, ປະຕິບັດຕາມຄຳຂວັນທີ່ວ່າ: “ເວລາ ຢູ່ໃຫ້ປະຊາຊົນຍ້ອງວ່າດີ, ຍາມຫນີໃຫ້ປະຊາຊົນຈົ່ມຫາ, ເວລາບໍ່ມາໃຫ້ປະຊາຊົນຈົ່ມຄິດຮອດ.
|
ຂຽນເມື່ອ: ກ.ພ.. 25, 2012
| ມີ
3 ຄຳເຫັນ
ແລະ
0 trackback(s)
ກອງປະຊຸມສະໄໝສາມັນຂອງລັດຖະບານ ໄດ້ດຳເນີນແຕ່ວັນທີ 21-22 ກຸມພາ 2012 ໄດ້ສິ້ນສຸດລົງ ພາຍໃຕ້ການເປັນປະທານຂອງທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ກອງປະຊຸມໄດ້ພິຈາລະນາ ແລະ ຮັບຮອງເອົາເອກະສານສຳຄັນດັ່ງນີ້: 1.ນະໂຍບາຍວ່າດ້ວຍການປັບປຸງລາຄາໄຟຟ້າໃໝ່ ແຕ່ປີ 2011-2016ໂດຍອີງຕາມເຫດຜົນ ແລະ ຄວາມເປັນຈິງໃນແງ່ຕ່າງໆ ເພື່ອເພີ່ມປະສິດທິພາບໃນການລົງທຶນເຂົ້າໃນການພັດທະນາໂຄງການ ໄຟຟ້າ ຫຼຸດຜ່ອນການເກື້ອກູນໃຫ້ຜູ້ຊົມໃຊ້ໄຟຟ້າ ແລະ ສ້າງຈິດສຳນຶກໃຫ້ປະຊາຊົນຮູ້ຈັກປະຢັດມັດທະຍັດ ເພື່ອເປັນການຫຼຸດຜ່ອນພາລະແບກຫາບຂອງລັດຖະບານ ໃນການຊຳລະໜີ້ສິນກັບຕ່າງປະເທດ. 2.ຮ່າງກົດໝາຍວ່າດ້ວຍກະສິກຳ ສະບັບປັບປຸງ ເພື່ອໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມໃນ ປັດຈຸບັນ ແລະ ຕໍ່ໜ້າ. 3.ຮັບຮອງຮ່າງດຳລັດວ່າດ້ວຍມາດຖານຄວາມທຸກຍາກ ແລະ ມາດຕະຖານການພັດທະນາໄລຍະ 2012-2015 ໄດ້ກຳນົດຂັ້ນຕອນ-ວິທີການກ່ຽວກັບການຈັດຕັ້ງປະຕິບັດ ອົງການຮັບຜິດຊອບ ການສະເໜີ ແລະ ຮັບຮອງຄອບຄົວ-ບ້ານ-ເມືອງພົ້ນທຸກ ບ້ານພັດທະນາ ບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດ ແລະ ເມືອງພັດທະນາ ເພື່ອໃຫ້ບັນດາຂະແໜງການຂັ້ນສູນກາງ ແລະ ທ້ອງຖິ່ນ ນຳໄປຈັດຕັ້ງປະຕິບັດໃຫ້ເປັນເອກະພາບກັນທົ່ວປະເທດ. 4.ຮັບຮອງເອົາຮ່າງກົດໝາຍວ່າດ້ວຍການກວດສອບ ແນໃສ່ເຮັດໃຫ້ຫົວໜ່ວຍງົບປະມານ ຫົວໜ່ວຍທຸລະກິດ ແລະ ຫົວໜ່ວຍທີ່ບໍ່ສະແຫວງຫາຜົນກຳໄລ ເຄື່ອນໄຫວຖືກຕ້ອງຕາມລະບຽບກົດໝາຍ ມີປະສິດທິພາບ-ປະສິດທິຜົນ ປະຢັດ ສະກັດກັ້ນປະກົດການຫຍໍ້ທໍ້ທາງດ້ານການເງິນ ແລະ ງົບປະມານແຫ່ງລັດ ປະກອບສ່ວນເຮັດໃຫ້ການຄຸ້ມຄອງລັດຄຸ້ມຄອງ ເສດຖະກິດ ມີຄວາມເຂັ້ມແຂງໂປ່ງໃສ. 5.ນະໂຍບາຍການພັດທະນາຊັບພະຍາກອນມະນຸດໃຫ້ພຽງພໍດ້ານຈຳນວນ ແລະ ຄຸນນະພາບ ສາມາດຕອບສະໜອງກັບຄວາມຮຽກຮ້ອງຕ້ອງການຂອງການພັດທະນາ ເສດຖະກິດ-ສັງຄົມຂອງປະເທດ ແລະ ຄວາມຮຽກຮ້ອງຕ້ອງການຂອງຕະຫຼາດແຮງງານ ບົນພື້ນຖານສືບຕໍ່ປະຕິຮູບລະບົບການສຶກສາແຫ່ງຊາດ ໄລຍະທີ 2 (2011-2015) ໃນທຸກຊັ້ນ ທຸກສາຍ ໂດຍສະເພາະແມ່ນສາຍອະຊີວະສຶກສາ ນັບທັງສາຍສ້າງຄູ ການສຶກສາຊັ້ນສູງໃຫ້ໄປຕາມ 6 ທິດນຳ 7 ຍຸດທະສາດ ແລະ 7 ວິທີການ. ພ້ອມດຽວກັນນັ້ນ ທ່ານນາຍົກລັດຖະມົນຕີ ຍັງໄດ້ຊີ້ນຳໃຫ້ບັນດາກະຊວງ ພາກສ່ວນທີ່ກ່ຽວຂ້ອງນຳໄປປັບປຸງແກ້ໄຂຕື່ມ ຕາມຄວາມເຫັນຂອງສະມາຊິກລັດຖະບານ ເພື່ອໃຫ້ເອກະສານທີ່ຮັບຮອງໄປແລ້ວນັ້ນ ມີຄວາມຮັດກຸມ ຄົບຖ້ວນ ແລະ ສອດຄ່ອງກັບນິຕິກຳອື່ນໆ ອັນສຳຄັນແມ່ນປະກາດໃຊ້ແລ້ວ ຕ້ອງໃຫ້ສັກສິດ ແລະ ສາມາດນຳໃຊ້ໄດ້ຢ່າງຍາວນານ. ທ່ານນາຍົກລັດຖະມົນຕີ ຍັງໄດ້ເນັ້ນໜັກບາງວຽກງານຈຸດສຸມສຳລັບເດືອນມີນາ 2012 ດັ່ງນີ້: 1.ຕັ້ງໜ້າແກ້ໄຂປະກົດການຫຍໍ້ທໍ້ໃນສັງຄົມ ເຊັ່ນ: ຄວາມສັບສົນ ແລະ ຄວາມບໍ່ເປັນລະບຽບຮຽບຮ້ອຍໃນຕົວເມືອງໃຫຍ່ຕ່າງໆ ໂດຍເພີ່ມທະວີການຊີ້ນຳບັນຊາ ແລະ ນຳເອົາກຳລັງລົງແກ້ໄຂຕົວຈິງ ເປັນຕົ້ນ ບັນຫາຢາເສບຕິດ ການປຸ້ນຈີ້-ຊີງຊັບ ສະຖານທີ່ມົ້ວສຸມຕ່າງໆ ແລະ ແກ້ໄຂບັນຫາ ການເກີດອຸປະຕິເຫດຕາມທ້ອງຖະໜົນ ເຮັດໃຫ້ປະກົດການຫຍໍ້ທໍ້ນັບມື້ຫຼຸດລົງ ເພື່ອສ້າງສະພາບແວດລ້ອມອັນເອື້ອອຳນວຍໃຫ້ການເປັນເຈົ້າພາບກອງ ປະຊຸມສຸດຍອດອາເຊັມ ທີ່ຈະມາເຖິງ. 2.ໃຫ້ຜັນຂະຫຍາຍຜົນສຳເລັດຂອງກອງປະຊຸມວຽກງານກໍ່ສ້າງຮາກຖານ ແລະ ພັດທະນາຊົນນະບົດຮອບດ້ານທົ່ວປະເທດ ຄັ້ງທີ III ໄປພ້ອມໆກັບການຜັນຂະຫຍາຍມະຕິຕົກລົງຂອງກົມການເມືອງສູນກາງພັກ ເລກທີ 03 ແລະ 04 ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ ເມືອງເປັນຫົວໜ່ວຍເຂັ້ມແຂງຮອບດ້ານ ແລະ ບ້ານເປັນຫົວໜ່ວຍພັດທະນາ ແລະ ວ່າດ້ວຍການເຊື່ອມໂຍງກັບສາກົນ. 3.ໃຫ້ສືບຕໍ່ຊຸກຍູ້ການຜະລິດລະດູແລ້ງ ຕິດພັນກັບການຈັດຕັ້ງປະຕິບັດດຳລັດຂອງລັດຖະບານ ສະບັບເລກທີ 54/ລບ ວ່າດ້ວຍມາດຕະການຟື້ນຟູຫຼັງໄພນຳຖ້ວມ ແລະ ການຜະລິດລະດູແລ້ງ 2011-2012 ໃນນີ້ ເອົາໃຈໃສ່ສ້ອມແປງຖະໜົນ (ທາງເລກທີ 13 ເໜືອ) ແກ້ໄຂລາຄາເຂົ້າຕົກຕ່ຳທາງພາກໃຕ້ ແນະນຳການຜະລິດທົດແທນການປູກເຂົ້າບໍ່ໄດ້ຕາມແຜນ ພ້ອມກັນນັ້ນກໍໃຫ້ຕັ້ງໜ້າຜັນຂະຫຍາຍຈິດໃຈຊີ້ນຳຂອງກອງປະຊຸມ ວຽກງານປ່າໄມ້ທົ່ວປະເທດ ຄັ້ງວັນທີ 25-26 ມັງກອນ 2012 ໂດຍໃຫ້ຜັນຂະຫຍາຍຍັດຕິຂອງກອງປະຊຸມນັ້ນ ໄປສູ່ພາກປະຕິບັດເປັນຮູບປະທຳ. 4.ໃຫ້ບັນດາກະຊວງ-ອົງການ ແລະ ທ້ອງຖິ່ນຕ່າງໆ ຮີບຮ້ອນສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 6 ເດືອນຕົ້ນປີ ສົກປີ 2011-2012 ແລະ ຄາດຄະເນແຜນການ ແລະ ງົບປະມານ 6 ເດືອນທ້າຍປີ ແລະ ກະກຽມແຜນພັດທະນາເສດຖະກິດ-ສັງຄົມ ແລະ ແຜນງົບປະມານ ສົກປີ 2012-2013 ເພື່ອຜ່ານກອງປະຊຸມລັດຖະບານ ປະຈຳເດືອນເມສາ ໄກ້ຈະມາເຖິງນີ້ ເພື່ອເຮັດແນວໃດໃຫ້ການສ້າງແຜນສົກປີນີ້ເປັນປີທີ່ດີກ່ວາໝູ່. 5.ເອົາໃຈໃສ່ເຝົ້າລະວັງພະຍາດໄຂ້ຫວັດສັດປີກ ທີ່ອາດຈະເກີດຂຶ້ນໃນລະດູແລ້ງ ມອບໃຫ້ກະຊວງກະສິກຳ-ປ່າໄມ້ ກະຊວງສາທາລະນະສຸກ ສົມທົບກັບທ້ອງຖິ່ນ ແລະ ພາກສ່ວນຕ່າງໆ ມີມາດຕະການລະອຽດໃນການຕິດຕາມກວດກາ ແລະ ແກ້ໄຂໃຫ້ທັນເວລາ. 6.ເອົາໃຈໃສ່ເຮັດວຽກງານຕ່າງປະເທດໃນເດືອນ 3 ນີ້ໃຫ້ດີ ເປັນຕົ້ນ ກະກຽມ ແລະ ຜັນຂະຫຍາຍຜົນການຢ້ຽມຢາມຕ່າງປະເທດຂອງຜູ້ນຳພັກ-ລັດ ແລະ ເອົາໃຈໃສ່ເຮັດວຽກກັບອົງການຈັດຕັ້ງສາກົນ ສືບຕໍ່ເອົາໃຈໃສ່ໃນການກະກຽມເປັນເຈົ້າພາບຈັດກອງປະຊຸມສຸດຍອດ ອາເຊັມ ແລະ ກອງປະຊຸມສາກົນຕ່າງໆ ການກະກຽມ ແລະ ຈັດຕັ້ງສະເຫຼີມສະຫຼອງ "ປີສາມັກຄີມິດຕະພາບລະຫວ່າງ ລາວ-ຫວຽດນາມ ໃນປີ 2012" ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 57 ປີ ແລະ ວັນແມ່ຍິງສາກົນ 8 ມີນາ ປີນີ້ ໃຫ້ມີບັນຍາກາດຟົດຟື້ນ ມີເນື້ອໃນຫຼາຍສີສັນ ແລະ ມີຄວາມໝາຍເລິກເຊິ່ງ.
|
ຂຽນເມື່ອ: ກ.ພ.. 25, 2012
| ມີ
3 ຄຳເຫັນ
ແລະ
0 trackback(s)
 ພິທີວາງສີລາລຶກໂຄງການກໍ່ສ້າງສູນປະຊຸມສາກົນ ໄດ້ຈັດຂຶ້ນວັນທີ 23 ກຸມພາ 2012 ນີ້ ໂດຍໃຫ້ກຽດເຂົ້າຮ່ວມຂອງທ່ານ ດຣ.ທອງລຸນ ສີສຸລິດ ຮອງນາຍົກລັດຖະມົນຕີລັດຖະມົນຕີວ່າການກະຊວງການຕ່າງປະເທດ ທ່ານ ເຊີນ ຈ້ຽນ ລັດຖະມົນຕີຊ່ວຍວ່າການກະຊວງການຄ້າ ສປ ຈີນ ມີບັນດາລັດຖະມົນຕີວ່າການ ຊ່ວຍວ່າການ ທ່ານທູດຈີນ ປະຈຳລາວ ບໍລິສັດຜູ້ຮັບເໝົາກໍ່ສ້າງ ແລະ ແຂກຖືກເຊີນ. ໂຄງການກໍ່ສ້າງສູນປະຊຸມສາກົນນີ້ ເປັນໂຄງການໜຶ່ງທີ່ໄດ້ຮັບການຊ່ວຍເຫຼືອຈາກລັດຖະບານ ສປ ຈີນ ໃນມູນຄ່າ 450 ລ້ານຢວນ ຫຼື ປະມານ 640 ຕື້ກີບ ໃຫ້ແກ່ລັດຖະບານ ສປປ ລາວ ຊຶ່ງມີຄວາມໝາຍສຳຄັນຍິ່ງຕໍ່ບົດບາດດ້ານການເມືອງ ແລະ ການພັດທະນາເສດຖະກິດ-ສັງຄົມຂອງ ສປປ ລາວ ໂດຍສະເພາະຢ່າງຍິ່ງເພື່ອຮັບໃຊ້ໃຫ້ແກ່ການເປັນເຈົ້າພາບກອງ ປະຊຸມສຸດຍອດຜູ້ນຳອາຊີ-ເອີຣົບ (ອາເຊັມ) ໃນທ້າຍປີ 2012 ທີ່ນະຄອນຫຼວງວຽງຈັນ ດັ່ງນັ້ນ ຈຶ່ງສາມາດເວົ້າໄດ້ວ່າໂຄງການນີ້ ເປັນສັນຍາລັກແຫ່ງສາຍພົວພັນມິດຕະພາບ ແລະ ການຮ່ວມມືອັນດີ ບົນພື້ນຖານແບບຄູ່ຮ່ວມມືຍຸດທະສາດທີ່ໝັ້ນຄົງຍາວນານລະຫວ່າງ ສອງຊາດ ລາວ-ຈີນ ໂດຍອາຄານສູນກອງປະຊຸມແຫ່ງນີ້ ໄດ້ຖືກອອກແບບຢ່າງປະສົມກົມກຽວກັນລະຫວ່າງເອກະລັກທາງດ້ານ ສະຖາປັດຕະຍະກຳ ລາວ-ຈີນ ກັບຄວາມກ້າວໜ້າທາງດ້ານເຕັກໂນໂລຊີຂອງຍຸກສະໄໝ ມີເອກະລັກສະທ້ອນໃຫ້ເຫັນເຖິງສະຖາປັດຕະຍະກຳອັນຍອດຍິ່ງຂອງ ຊາດລາວເຮົາ ໂດຍປະສົມປະສານກັບຮູບແບບສະຖາປະນິກຍຸກສະໄໝໃໝ່. ໂຄງການກໍ່ສ້າງສູນປະຊຸມສາກົນມີເນື້ອທີ່ທັງໝົດ 7 ເຮັກຕາ ໃນນັ້ນ ເນື້ອທີ່ປຸກສ້າງມີ 24.899 ຕາແມັດ ສູນປະຊຸມປະກອບດ້ວຍຕຶກ 4 ຫຼັງຕິດຕໍ່ກັນຄື: ຕຶກຫໍປະຊຸມໃຫຍ່ 1.500 ບ່ອນນັ່ງ ຕຶກອາເນກປະສົງ ເພື່ອຈັດປະຊຸມ ແລະ ງານລ້ຽງ ຕຶກວີໄອພີ ແລະ ຫ້ອງປະຊຸມຂັ້ນສຸດຍອດ 500 ບ່ອນນັ່ງ ຕຶກເຊື່ອມຕໍ່ດ້ານໜ້າ ປະກອບມີ: ຫ້ອງພົບປະສອງຝ່າຍ 15 ຫ້ອງ ຫ້ອງເຮັດວຽກຂອງກອງເລຂາ 50 ຫ້ອງ ເພື່ອຮອງຮັບ 50 ຄະນະຜູ້ແທນ ຫ້ອງປະຊຸມຄະນະເຈົ້າໜ້າທີ່ອາວຸໂສ ຫ້ອງຖະແຫຼງຂ່າວ ແລະ ຫ້ອງບໍລິຫານຮັບໃຊ້ອື່ນໆ. ໂຄງການກໍ່ສ້າງສູນປະຊຸມສາກົນໂດຍ ແມ່ນບໍລິສັດອອກແບບສາກົນແຫ່ງປະເທດຈີນ ເປັນຜູ້ສຳຫຼວດອອກແບບ ແລະ ບໍລິສັດກໍ່ສ້າງແຫ່ງຊາດຈີນ ເປັນຜູ້ຮັບເໝົາກໍ່ສ້າງ ຊຶ່ງມາຮອດປັດຈຸບັນການກໍ່ສ້າງແມ່ນມີຄວາມຄືບໜ້າໄປຫຼາຍແລ້ວ ແລະ ຄາດວ່າຈະສຳເລັດຕາມແຜນການ ເພື່ອເປັນສະຖານທີ່ຮອງຮັບໃຫ້ແກ່ກອງປະຊຸມອາເຊັມ ຄັ້ງທີ 9.
|
ຂຽນເມື່ອ: ກ.ພ.. 25, 2012
| ມີ
8 ຄຳເຫັນ
ແລະ
0 trackback(s)
| | | ຊາຍຫນຸ່ມນ້ອຍ,ໃຫຍ່ ໃນບ້ານເຮົາຫລາຍຄົນຍັງຄາບກອກຢາສູບດ້ວຍເຫດຜົນທີ່ວ່າ: ຕິດແລ້ວເຊົາບໍ່ໄດ້, ບໍ່ຮູ້ຊິເຮັດຫຍັງ ແລະ ມີຈຳນວນຫນຶ່ງຄິດວ່າເບິ່ງແລ້ວທັນສະໄຫມ ຊຶ່ງແຕ່ລະຄົນມີເຫດ ຜົນແຕກຕ່າງກັນ. ມີຜົນການສຶກສາອອກມາຫລາຍໆຢ່າງທີ່ຢືນຢັນກົງກັນວ່າຢາສູບນອກຈາກຂ້າທ່ານໄດ້ແລ້ວ ແລະທີ່ທໍລະມານກວ່ານັ້ນກໍຄືຄົນທີ່ສູບຢາຈະຕ້ອງພົບກັບອາການກ້າມຕາຍກ່ອນທີ່ທ່ານຈະສິ້ນລົມຫາຍໃຈ! ບອກ ລາຄວາມເປັນຊາຍຖ້າທ່ານເລືອກສູບຢາ: ຢາສູບເຮັດໃຫ້ຫລອດເລືອດຂອງທ່ານແຂງ ແຕ່ຮູ້ຫລືບໍວ່າຢ່າງອື່ນເລີ່ມຈະບໍ່ແຂງແລ້ວຈະບອກໃຫ້. ການວິໄຈພົບວ່າຊາຍທີ່ສູບຢາເກີນວັນລະ1ຊອງ ມີໂອກາດທີ່ຈະໄດ້ຮັບຄວາມທຸກທໍລະມານຈາກພາວະສະມັດຖະພາບທາງເພດ ເສື່ອມ ຫລາຍກວ່າຊາຍທີ່ບໍ່ສູບຢາເກືອບ40%. ນອກນັ້ນຍັງພົບວ່າຜູ້ຊາຍເຫລົ່ານີ້ເກືອບ 10% ມີອາການອະໄວຍະວະເພດບໍ່ແຂງຕົວສູງກວ່າຄົນທີ່ບໍ່ສູບຄື: ຜູ້ສູບຢາວັນລະ20ກອກມີອາການອະໄວຍະວະເພດບໍ່ແຂງຕົວກວ່າພວກທີ່ ບໍ່ສູບເຖິງ 24% ແລະ ຄົນທີ່ສູບຫລາຍກວ່າວັນລະ 20 ກອກຈະເພີ່ມເປັນ 39% ຢາສູບເຮັດໃຫ້ຕົວຂອງທ່ານເຫມັນ, ປາກເຫມັນ ພຽງເທົ່ານີ້ທ່ານກໍເຮັດໃຫ້ສາວໆບໍ່ສົນໃຈໄດ້ແລ້ວ. ນອກຈາກນັ້ນມັນຍັງທຳຮ້າຍຄົນຮອບຂ້າງ ເມື່ອຮູ້ຜົນຮ້າຍຂອງຢາສູບຄືແນວນີ້ແລ້ວ ທ່ານໃດທີ່ຍັງສູບຢູ່ ກໍຄວນພິຈາລະນາ ແລະ ຢຸດເຊົາໄດ້ແລ້ວ ເພື່ອສຸຂະພາບທີ່ດີຂອງຕົນເອງ ແລະ ຄົນທີ່ທ່ານຮັກ. | |
|
ຂຽນເມື່ອ: ກ.ພ.. 23, 2012
| ມີ
4 ຄຳເຫັນ
ແລະ
0 trackback(s)
 ທ່ານ ບຸນດີ ຫຼ້າວິເສດ ອາຊີບພະນັກງານຄູ ຢູ່ບ້ານດອນວັງໂພ ເມືອງປາກງື່ມ ນະຄອນຫຼວງວຽງຈັນ ເປັນຄອບຄົວຕົວແບບດ້ານການປູກຝັງ-ລ້ຽງສັດ ນອກນີ້ຍັງບໍລິການໂຮງສີເຂົ້າ ແລະ ເຄື່ອງປັ່ນເຂົ້າ ລ້ຽງໄກ່ ເປັດ ປາ ແລະ ອື່ນໆ ເຊິ່ງສາມາດສ້າງລາຍຮັບໃຫ້ຄອບຄົວ 250 ລ້ານກີບ. ທ່ານ ບຸນດີ ຫຼ້າວິເສດ ໄດ້ກ່າວວ່າ: ຂ້າພະເຈົ້າໄດ້ເລີ່ມຕົ້ນລ້ຽງໝູແຕ່ປີ 1987 ເຊິ່ງຕອນນັ້ນມີໝູແມ່ພັນ 2 ໂຕ ແລະ ພໍ່ພັນ 1 ໂຕ ໃນທຸກໆວັນໃນເວລາເລີກໂມງລັດຖະການ ກໍຄືວັນເສົາ ແລະ ວັນອາທິດ ຂ້າພະເຈົ້າໄດ້ຍາດເວລາໄປຊື້ໝູນ້ອຍໄປເລາະຂາຍ ນອກນີ້ຍັງໄດ້້ປູກເຂົ້າໃນເນື້ອທີ່ 1 ເຮັກຕາ ເພື່ອລ້ຽງຄອບຄົວ ຈົນມາຮອດຊຸມປີ 1990 ຄອບຄົວຂ້າພະເຈົ້າ ສາມາດມີເງິນສະສົມຈຳນວນໜຶ່ງ ຈຶ່ງໄດ້ຕັດສິນໃຈຊື້ໂຮງສີເຂົ້າ ເພື່ອບໍລິການສີເຂົ້າແກ່ປະຊາຊົນ ແລະ ສ້າງລາຍຮັບເພີ່ມໃຫ້ຄອບຄົວຕື່ມອີກ ໂດຍໄດ້ມອບໃຫ້ເມຍເປັນຜູ້ບໍລິຫານ ຈາກນັ້ນປີ 2000-2002 ໄດ້ຊື້ໝູແມ່ພັນ ແລະ ພໍ່ພັນ ຈຳນວນ 13 ໂຕ ເພື່ອເພາະພັນລູກໝູຈຳໜ່າຍດ້ວຍຕົນເອງ ຊຶ່ງສາມາດສ້າງລາຍຮັບໄດ້ 70 ລ້ານກີບ ແລ້ວໄປຊື້ລົດຮຸນໄດ ເພື່ອເປັນພາຫະນະຂົນສົ່ງຄ້າ-ຂາຍ. ມາຮອດປີ 2003 ໄດ້ສືບຕໍ່ປູກເຂົ້າ ລ້ຽງໝູ 300 ໂຕ ແລະບໍລິການສີເຂົ້າ ຂາຍເຂົ້າສົ່ງຕະຫຼາດໃນນະຄອນຫຼວງ 100 ໂຕນຕໍ່ປີ ສາມາດສ້າງລາຍຮັບໄດ້ 200 ລ້ານກີບ ຕົກມາ ຮອດປີ 2007-2011 ໄດ້ຂະຫຍາຍເນື້ອທີ່ນາອອກເປັນ 2,5 ເຮັກຕາ ລ້ຽງໝູ 300 ໂຕ ມີໂຮງສີເຂົ້າ ເຄື່ອງປັ່ນເຂົ້າໄວ້ບໍລິການປະຊາຊົນ ນອກນີ້ຍັງໄດ້ລ້ຽງເປັດ 40 ໂຕ ໄກ່ລາດ 50 ໂຕ ແບ້ 7 ໂຕ ມີສວນໝາກລະມຸດ ແລະ ໜອງປາຈຳນວນໜຶ່ງ ສາມາດສ້າງລາຍຮັບ 250 ລ້ານກີບ ເວົ້າລວມແລ້ວ ໃນປີໜຶ່ງ ສາມາດສ້າງລາຍຮັບໃຫ້ແກ່ຄອບຄົວບໍ່ຕ່ຳກ່ວາ 100 ລ້ານກີບ ເຊິ່ງເຫັນໄດ້ວ່າ ປັດຈຸບັນຄອບຄົວຂອງຂ້າພະເຈົ້າ ມີຊີວິດການເປັນຢູ່ດີຂຶ້ນເລື້ອຍໆ ທັງນີ້ກໍຍ້ອນມີແນວທາງຂອງພັກ-ລັດທີ່ຖືກຕ້ອງ ບວກໃສ່ກັບຄວາມດຸໝັ່ນຂະຫຍັນພຽນຂອງຄອບຄົວ ກໍຄືລູກເຕົ້າທຸກຄົນ ພ້ອມນີ້ ຂ້າພະເຈົ້າຍັງໄດ້ເອົາໃຈໃສ່ສຶກສາອົບຮົມລູກເຕົ້າ ໃຫ້ກາຍເປັນຄົນຮູ້ຜູ້ດີຂອງສັງຄົມ ແລະ ເປັນແບບຢ່າງທີ່ດີໃຫ້ເຂົາເຈົ້າ ພ້ອມທັງໄດ້ຊຸກຍູ້ໃຫ້ເຂົາເຈົ້າໄດ້ຮ່ຳຮຽນ ຈົນຈົບມະຫາວິທະຍາໄລແຫ່ງຊາດ 1 ຄົນ ແລະ ກຳລັງສຶກສາຢູ່ວິທະຍາໄລສັບພະວິຊາ 1 ຄົນ.
|
ຂຽນເມື່ອ: ກ.ພ.. 23, 2012
| ມີ
19 ຄຳເຫັນ
ແລະ
0 trackback(s)
 ການຈັດຕັ້ງປະຕິບັດວຽກງານກວດກາລັດ ແລະ ຕ້ານການສໍ້ລາດບັງຫຼວງ ປີ 2011 ຈຳນວນ 101 ເປົ້າໝາຍພົບເຫັນມູນຄ່າເສຍຫາຍ 259.037 ຕື້ກີບ. ຈາກບົດລາຍງານຂອງທ່ານ ດຣ.ບຸນທອງ ຈິດມະນີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ໃຫ້ຮູ້ວ່າ: ລັດຖະບານອົງການປົກຄອງ ແລະ ຄະນະກວດກາແຕ່ລະຂັ້ນ ໄດ້ເອົາໃຈໃສ່ຕິດຕາມກວດກາຄຸ້ມຄອງບໍລິຫານລັດ ກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ການປະຕິບັດກົດໝາຍນິຕິກຳຕ່າງໆທີ່ລັດປະກາດໃຊ້ ພ້ອມທັງກວດກາສະເພາະກິດບາງເປົ້າໝາຍໃນການຂຸດຄົ້ນໄມ້ ສຳປະທານທີ່ດິນ ໂຄງການລົງທຶນພາຍໃນ ແລະ ຕ່າງປະເທດ ສຳລັບວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ໄດ້ປະຕິບັດດ້ວຍຫຼາຍຮູບຫຼາຍວິທີ ເປັນຕົ້ນແມ່ນການໃຫ້ທຸກການຈັດຕັ້ງຂອງພັກ-ລັດ ບັນດາອົງການຈັດຕັ້ງມະຫາຊົນຢູ່ແຕ່ລະຂັ້ນ ມີຄວາມຮັບຜິດຊອບຕິດຕາມ-ສຶກສາອົບຮົມພະນັກງານ ສະມາຊິກພັກ ເປັນຂະບວນ ແລະ ປົກກະຕິ ບ່ອນໃດມີປະກົດການດ້ານສໍ້ລາດບັງຫຼວງ ແມ່ນໄດ້ດຳເນີນການກວດກາແກ້ໄຂຕາມກໍລະນີດ້ວຍຄວາມຖືກຕ້ອງ ວ່ອງໄວ ຄົ້ນຄ້ວາປັບປຸງດ້ານນິຕິກຳທີ່ເຫັນວ່າມີຄວາມຈຳເປັນ ເຊັ່ນ: ຍຸດທະສາດຕ້ານການສໍ້ລາດບັງຫຼວງ ການແຈ້ງຊັບ-ສິນລາຍຮັບ ພ້ອມນັ້ນຍັງໄດ້ເປັນເຈົ້າການເຂົ້າຮ່ວມຢ່າງຕັ້ງໜ້າໃນ ການເຄື່ອນໄຫວແລກປ່ຽນບົດຮຽນ ກ່ຽວກັບການຈັດຕັ້ງປະຕິບັດວຽກງານດັ່ງກ່າວກັບບັນດາປະເທດ ສະມາຊິກອາຊຽນ ກໍຄືສາກົນ.
|
ຂຽນເມື່ອ: ກ.ພ.. 23, 2012
| ມີ
0 ຄຳເຫັນ
ແລະ
0 trackback(s)
 ວັນທີ 21 ກຸມພາ 2012 ຄະນະກຳມະການໂຄງການກໍ່ສ້າງຫໍຫຼັກເມືອງວຽງຈັນ ໄດ້ຈັດກອງປະຊຸມເພື່ອທົບທວນໂຄງການກໍ່ສ້າງຫໍຫຼັກເມືອງ ຂຶ້ນທີ່ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ໂດຍເປັນປະທານຂອງທ່ານ ໝູນແກ້ວ ອໍລະບູນ ອະດີດລັດຖະມົນຕີວ່າການກະຊວງຖະແຫຼງຂ່າວ ແລະ ວັດທະນະທຳ ປະທານຄະນະຮັບຜິດຊອບໂຄງການກໍ່ສ້າງຫໍຫຼັກເມືອງວຽງຈັນ. ໂຄງການກໍ່ສ້າງຫໍຫຼັກເມືອງນີ້ ເປັນວຽກທີ່ສຳຄັນຕໍ່ວຽກງານອະນຸຮັກ ແລະ ພັດທະນາມູນມໍລະດົກຂອງຊາດ ເປັນການສຶກສາອົບຮົມ ນ້ຳໃຈຮັກຊາດ ທັງເປັນການເສີມຂະຫຍາຍມູນເຊື້ອອັນດີງາມຂອງຊາດລາວເຮົາ ພ້ອມກັນນັ້ນມັນຍັງເປັນສັນຍະລັກແຫ່ງຄວາມສາມັກຄີຂອງຊາດ ທັງເປັນການຢັ້ງຢືນເຖິງຄວາມເຂັ້ມແຂງ ສາມັກຄີ ອົງອາດກ້າຫານ ໃນການຕໍ່ສູ້ປົກປັກຮັກສາ ແລະ ສ້າງສາບ້ານເມືອງ ໃຫ້ຈະເລີນຮຸ່ງເຮືອງສີວິໄລຂອງຊາວນະຄອນຫຼວງວຽງຈັນ ໃນຍຸກອານາຈັກລ້ານຊ້າງ. ສະນັ້ນ ມາຮອດວັນທີ 24 ກຸມພາ 2010 ໂຄງການກໍ່ສ້າງຫໍຫຼັກເມືອງວຽງຈັນ ອັນເປັນໂຄງການກໍ່ສ້າງຂອງລັດຖະບານ ໂດຍແມ່ນກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ເປັນເຈົ້າຂອງໂຄງການ ແລະ ບໍລິສັດ ເພັດຕະພາບ ກໍ່ສ້າງເຄຫາສະຖານ ແລະ ຂົວທາງ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ບໍລິສັດ ສີຕິວົງກໍ່ສ້າງ ຈຳກັດ ເປັນຜູ້ອອກແບບ ແລະ ທັງເປັນບໍລິສັດຄຸມງານກໍ່ສ້າງອີກດ້ວຍ ການກໍ່ສ້າງໂຄງການ ແມ່ນໃຊ້ງົບປະມານທັງໝົດ 21.349.320.000 ກີບ ຜ່ານຄວາມຕ້ອງການງົບປະມານດັ່ງກ່າວ ທາງຄະນະຮັບຜິດຊອບກໍ່ສ້າງໂຄງການ ຈຶ່ງໄດ້ຊອກວິທີການເພື່ອຊອກຫາແຫຼ່ງລາຍຮັບ ມາກໍ່ສ້າງໂຄງການ ປັດຈຸບັນ ສົກປີ 2011-2012 ນີ້ ມີ 3 ແຫຼ່ງງົບປະມານທີ່ມີແລ້ວ ຄື: ງົບປະມານຈາກຮ່ວງເງິນແຮລັດຖະບານ 2,7 ຕື້ກີບ ງົບປະມານປະຈຳປີຂອງກະຊວງ ຖວທ 8,9 ຕື້ກີບ ແລະ ເງິນອຸປະຖຳຈາກສັງຄົມ ເງິນກີບ 1.955.150.000 ກີບ ເງິນໂດລາ 5.000 ໂດລາສະຫະລັດ ແລະ ເງິນບາດ (ສະກຸນເງິນໄທ) 400 ບາດ ລວມທັງໝົດ 13.555.150.000 ກີບ 5.000ໂດລາ ແລະ 400 ບາດ ແລະ ຈຳນວນເງິນທີ່ຍັງບໍ່ທັນພຽງພໍ ແລະ ມີຄວາມຕ້ອງການເພີ່ມ 9.003.334.000 ກີບ ເພື່ອມາກໍ່ສ້າງຫໍຫຼັກເມືອງ ແລະ ຫໍວາງສະແດງຫໍຫຼັກເມືອງ. ຜ່ານການຈັດຕັ້ງປະຕິບັດການກໍ່ສ້າງຂອງບໍລິສັດຜູ້ຮັບເໝົາ ເຫັນວ່າໂຄງການມີຄວາມຄືບໜ້າ ແລະ ຮອດປັດຈຸບັນມີບາງໜ້າວຽກສຳເລັດ ແລະ ບາງໜ້າວຽກກຳລັງຈັດຕັ້ງປະຕິບັດຄື: ໜ້າວຽກທີ່ສຳເລັດ 100% ມີວຽກຂຸດດິນ ແລະ ຖົມ ວຽກເບຕົງ ວຽກກໍ່ໂບກ ແລະ ຕິດຫຼ່ຽມ ວຽກຮອງເຜີ້ງນ້ອຍ ແລະ ວຽກບົວແອວຂັນ ວຽກທີ່ສຳເລັດ 90% ມີວຽກຕິດຕັ້ງ ແລະ ແກະສະຫຼັກດອກດວງລວດລາຍ ແລະ ວຽກຍອດຊໍ່ຟ້າ ແລະ ປ້ານລົມ ວຽກສຳເລັດ 80% ມີວຽກຮື້ຖອນທັບມ້າງກຳແພງອ້ອມອາຄານ ວຽກຕິດໂຄງຫຼັງຄາພ້ອມມຸງດິນຂໍ ແລະ ວຽກເພດານຮອບນອກ ແລະ ຮອບໃນ ວຽກທາສີສຳເລັດ 60% ວຽກໄຟຟ້າສຳເລັດ 50% ໂດຍລວມແລ້ວ ໜ້າວຽກທັງໝົດສຳເລັດ 80% ແລະ ຕາມຈິດໃຈແລ້ວການກໍ່ສ້າງແມ່ນຢາກໃຫ້ສຳເລັດກ່ອນກອງປະຊຸມສຸດ ຍອດອາເຊັມ ຄັ້ງທີ 9.
|
ຂຽນເມື່ອ: ກ.ພ.. 23, 2012
| ມີ
5 ຄຳເຫັນ
ແລະ
0 trackback(s)
 ຕາມແຫລ່ງຂ່າວຕ່າງປະ ເທດລາຍງານວັນທີ 19 ກຸມ ພາ 2012 ນີ້ໃຫ້ຮູ້ວ່າ ພົນ ເອກ ຣາບິບອນເລາະຊາຢາຣີ ຜູ້ບັນຊາການກອງທັບເຮືອອີ ຣານເປີດເຜີຍວ່າ: ທະຫານ ເຮືອຮົບຂອງອີຣານໄດ້ເລີ່ມ ເຂົ້າສູ່ນ່ານນ້ຳທະເລເມດີແຕຣາເນແລ້ວ ເພື່ອສະແດງ ແສນຍານຸພາບຂອງອີຣານ, ແຕ່ບໍ່ໄດ້ລະບຸລາຍລະອຽດຈຳນວນເຮືອທີ່ເຂົ້າຮ່ວມປະຕິບັດການດ່ັງກ່າວ ແລະ ໃນພາລະ ກິດຢູ່ທະເລເມດີແຕຣາເນ ເຮັດໃຫ້ເຫລ່ົາຜູ້ນຳຂອງອິດ ສະຣາແອນປະນາມການ ຊ້ອມຮົບຄັ້ງນີ້ຂອງອີຣານ.
ໂມຮຳຫມັດພາກປູ ຜູ້ບັນ ຊາການກອງທັບບົກອີຣານ ລະບຸວ່າ: ອີຣານໄດ້ເລີ່ມຊ້ອມ ຮົບພາກພື້ນດິນ 2 ມື້ ນັບແຕ່ ວັນທີ 19 ກຸມພາ ຢູ່ນອກ ເມືອງຍາດ ທາງພາກກາງ ຂອງປະເທດ ເພື່ອຍົກລະດັບ ຄວາມສາມາດໃນການປ້ອງ ກັນຕົນເອງຈາກໄພຄຸກຄາມພາຍນອກທີ່ອາດຈະເກີດຂຶ້ນ.
ການເຄື່ອນໄຫວທັງສອງກໍ ລະນີນີ້ມີຂຶ້ນໃນຂະນະທີ່ ຄວາມຂັດແຍ່ງລະຫວ່າງອີ ຣານກັບອິດສະຣາແອນ ແລະ ໂລກຕາເວັນຕົກກຳລັງເຄັ່ງຕືງ ຫລັງຈາກທີ່ອິດສະຣາແອນ ກ່າວຫາວ່າ ອີຣານກັບກຸ່ມ ເຣັສໂບເລາະພັນທະມິດໃນລີ ບັງຢູ່ເບື້ອງຫລັງຂອງການ ໂຈມຕີເປົ້າຫມາຍເຈົ້າຫນ້າທີ່ ການທູດອິດສະຣາແອນຢູ່ອິນ ເດຍ, ຊອກຊີ ແລະ ໄທ ເຊ່ິງອີ ຣານ ແລະ ເຮັສໂບເລາະຕ່າງ ກໍ່ອອກມາປະຕິເສດກ່ອນໜ້າ ນີ້ແລ້ວ,ລວມທັງຂ້ໍພິພາດໂຄງ ການນິວເຄຼຍຂອງອີຣານເຊ່ິງໂລກຕາເວັນຕົກສົງໄສວ່າອີ ຣານລັກລອບຜະລິດອາວຸດ ນິວເຄຼຍແຕ່ອີຣານອ້າງວ່າໂຄງ ການນິວເຄຼຍຂອງຕົນແມ່ນ ເພື່ອເປົ້າໝາຍທາງສັນຕິ.
ແຫລ່ງຂ່າວຈາກຣອຍເຕີ ແລະ ອາເອັຟເປ ລາຍງານ ໃຫ້ຮູ້ວ່າ ລັດຖະມົນຕີກະຊວງ ນ້ຳມັນຂອງອີຣານໄດ້ປະ ກາດເມື່ອວັນທີ 19 ກຸມພາ ທີ່ຜ່ານມາວ່າ: ອີຣານໄດ້ຢຸດ ຕິການຂາຍນ້ຳມັນໃຫ້ແກ່ຝຣ່ັງ ແລະ ອັງກິດແລ້ວ ເພື່ອຕອບ ໂຕ້ການທີ່ສະຫະພາບເອີຣົບ ລົງໂທດອີຣານໂດຍການບໍ່ ຊື້ນ້ຳມັນດິບຈາກອີຣານ.
|
ຂຽນເມື່ອ: ກ.ພ.. 22, 2012
| ມີ
6 ຄຳເຫັນ
ແລະ
0 trackback(s)
http://www.pasaxon.org.la/photo/21-2-12/IMG_0383.gif ວັນທີ 18 ກຸມພາ 2012 ຜ່ານມານີ້ທີ່ວັດສີສະເກດ ນະຄອນຫລວງວຽງຈັນ ໄດ້ຈັດໃຫ້ມີພິທີສະຫລອງເພື່ອເປີດການນຳໃຊ້ໂຮງຮຽນ
ປະຣິຍັດຕິທັມ-ກຸຕິ ແລະ ກຸຕິອະເນກປະສົງຢ່າງເປັນທາງການ ໂດຍມີພຣະອາຈານ ເຫວດມະເສໄນ ຮອງປະທານອົງການພຸດທະສາສະ
ໜາສຳພັນລາວ, ເຈົ້າອະທິການວັດສີສະເກດ, ພຣະເຖຣານຸເຖຣະ, ທ່ານ ສຸກັນ ມະຫາລາດ ເຈົ້າຄອງນະຄອນຫລວງວຽງຈັນ ພ້ອມດ້ວຍ
ມວນຊົນຊາວນະຄອນຫລວງວຽງຈັນທີ່ມີນ້ຳໃຈສັດທາເຂົ້າຮ່ວມຢ່າງຫລວງຫລາຍ. ສຳລັບຕຶກໂຮງຮຽນປະຣິຍັດຕິທັມ-ກຸຕິເປັນຕຶກອາຄານ 3
ຊັ້ນລວມມີເນື້ອທີ່ທັງໝົດ 1.530 ແມັດມົນທົນ, ຊັ້ນທີ 1 ໃຊ້ເປັນຫ້ອງຮຽນກ້ວາງ 10 ແມັດ, ຍາວ 30 ແມັດ, ມີ 1 ຫ້ອງການ ກ້ວາງ 5
ແມັດ, ຍາວ 5 ແມັດ, ມີຫ້ອງນ້ຳສຳລັບພຣະສົງ, ສາມະເນນ 6 ຫ້ອງ, ຫ້ອງນ້ຳສຳລັບຄາຣະວາດຍິງ ແລະ ຊາຍຈຳນວນ 5 ຫ້ອງ, ຊັ້ນ
ທີ 2 ເປັນກຸຕິສຳລັບພຣະສົງ, ສາມະເນນມີ 7 ຫ້ອງນອນ, ມີ 6 ຫ້ອງນ້ຳ, ໃນນີ້ແບ່ງເປັນຫ້ອງນອນໃຫ້ເຈົ້າອະທິການວັດ 1 ຫ້ອງ, 1
ຫ້ອງນ້ຳ ແລະ 1 ຫ້ອງຮັບແຂກນອກນີ້ຍັງມີຫ້ອງນອນຕ້ອນຮັບພຣະອາຄັນຕຸກະ 4 ຫ້ອງຫ້ອງນອນ 2 ຫ້ອງ.ຊັ້ນທີແບ່ງອອກເປັນ 2 ຫ້ອງ
ຄື: ເຄິ່ງໜຶ່ງໃຊ້ສຳລັບເປັນຫ້ອງນອນ ຫລື ຫ້ອງຈັດກິດຈະກຳຕ່າງໆ ແລະ ອີກເຄິ່ງໜຶ່ງໃຊ້ສຳລັບໄວ້ມ້ຽນເຄື່ອງ.ໂຮງຮຽນດັ່ງກ່າວໄດ້ເລີ່ມຕົ້ນ
ກໍ່ສ້າງມາແຕ່ວັນທີ 15/12/2009 ແລະ ສ້າງສຳເລັດລົງໃນວັນທີ 25/12/2011 ໂດຍແມ່ນສັດທາຂອງທ່ານ ຍາແມ່ ຈັນສີ ວິຣະວຸດ ພ້ອມດ້ວຍ
ລູກຫລານໃຫ້ການອຸປະຖຳກໍ່ສ້າງເປັນເງິນຈຳນວນ 2 ຕື້ກວ່າກີບ, ໃນນັ້ນມູນຄ່າການກໍ່ສ້າງທັງໝົດ 1,9 ຕື້ກວ່າກີບ ຍັງເຫລືອເງິນ 156,6
ລ້ານກວ່າກີບແມ່ນຈະນຳໃຊ້ເຂົ້າໃນມູນນິທິການສຶກສາປະຣິຍັດຕິທັມຕໍ່ໄປ. ສ່ວນຕຶກກຸຕິອະເນກປະສົງໄດ້ລົງມືກໍ່ສ້າງໃນວັນທີ 6/6/2011 ແລະ
ສຳເລັດໃນວັນທີ 20/12/2011 ເປັນອາຄານ 2 ຊັ້ນ, ຊັນທີ 1 ກ້ວາງ 7 ແມັດຍາວ 11 ແມັດ ໃຊ້ສຳລັບເປັນເຮືອນຄົວຂອງວັດ ແລະ ຊັ້ນທີ
2 ກ້ວາງ 8 ແມັດຍາວ 12,50 ແມັດ ມີ 3 ຫ້ອງນອນ ແລະ 1 ຫ້ອງນ້ຳ ຊຶ່ງ ລວມມີມູນຄ່າການກໍ່ສ້າງທັງໝົດ 282,3 ລ້ານກວ່າກີບ ໂດຍແມ່ນ
ສັດທາຂອງອອກຕົນຍາດໂຍມບໍລິຈາກ 209,8 ລ້ານກວ່າກີບ ແລະ ເງິນຄັງຂອງວັດ 72,4 ລ້ານກວ່າກີບ. ໂອກາດດັ່ງກ່າວ, ທ່ານ ສຸກັນ
ມະຫາລາດ, ທ່ານຍາແມ່ ຈັນສີ ວິຣະວຸດ ໄດ້ຮ່ວມກັບຜູ້ມີນ້ຳໃຈສັດທາໃຫ້ກຽດຕັດແຖບຜ້າ ແລະ ເປີດປ້າຍ ເພື່ອເປີດການນຳໃຊ້ໂຮງຮຽນປະຣິ
ຍັດຕິທັມ-ກຸຕິຢ່າງເປັນທາງການ, ຫລັງຈາກນັ້ນທ່ານ ສຸກັນ ມະຫາລາດ ຍັງໄດ້ຮ່ວມກັບຄອບຄົວທ່ານ ຄຳພອນ-ນາງ ມະໂນລາ ພົນເສນາ ເຊິ່ງ
ຕາງໜ້າໃຫ້ອອກຕົນຍາດໂຍມທີ່ບໍລິຈາກທຶນກໍ່ສ້າງກຸຕິອະເນກປະສົງເປີດປ້າຍນຳໃຊ້ຕຶກດັ່ງກ່າວ.
|
ຂຽນເມື່ອ: ກ.ພ.. 20, 2012
| ມີ
9 ຄຳເຫັນ
ແລະ
0 trackback(s)
|
ຂຽນເມື່ອ: ກ.ພ.. 18, 2012
| ມີ
5 ຄຳເຫັນ
ແລະ
0 trackback(s)
ອັກສອນລາວຄົບຊຸດ - ອັກສອນລາວ 27 ຕົວ ພ້ອມສະຫຼະ ແລະທຽບອັກສອນໂລມັນ ເພື່ອງ່ານຕໍ່ການຂຽນທຽບອັກສອນໃຫ້ຖືກຕາມເອກະພາບກັນ. - ອັກສອນນີ້ ເປັນອັກສອນ 41 ຕົວ ພ້ອມທັງສະຫຼະ ພ້ອມທັງທຽບ ອັກສອນໂລມັນ ເພື່ອໃຫ້ເຮົາທຽບອັກສອນເວລາເອົາອັກສອນໂລມັນ ໄປຂຽນນາມ ຫຼືຊື່ ນາມສະກຸນຂອງທ່ານ. ກ. ອັກສອນ 5 ວັກ (ອັກສອນສອນເຕັມວັກ ວັກລະ 5 ໂຕ) ຂ. ອັນນີ້ ເປັນອັກສອນເສດວັກ ຫຼຶອັກສອນເສດວັກນີ້ ເພິ່ນຈັດໄວ້ 9 ໂຕ. ຄ. ນີ້ແມ່ນສະຫຼະເຄົ້າ ສະຫຼະເຄົ້າ ມີ 9 ໂຕ. - ອັກສອນນີ້ ຫາກທ່ານຂຽນ ແລ້ວສາມາດຂຽນໄດ້ໃນທຸກໂປແກມ ທ່ານສາມາດເປັນຜູ້ໜຶ່ງທີ່ສ້າງຂະຍາຍວົງການອັກສອນລາວ ອັກສອນເຫຼົ່ານີ້ ຫາກຈະຂຽນພາສາລາວໃຫ້ຄົບ ຜູ້ສ້າງຟອນຕ້ອງຕື່ມອັກສອນ ດ ບ ຝ ຟ ແລະ ສ(ບ) ເຂົ້າໄປໃຫ້ຄົບ (ຫາກເຮັດໄປແລ້ວ ຈະຂຽນໄດ້ທັງໃນອັກພາສາລາວ ແລະພາສາປາລີ)
|
ຂຽນເມື່ອ: ກ.ພ.. 18, 2012
| ມີ
2 ຄຳເຫັນ
ແລະ
0 trackback(s)
- ທາງສະພາຣາຊະບັນດິດຈັນທະບູຣີ ມີສຳນັກງານໃຫຍ່ຢູ່ວັດຈັນທະບູຣີ ເຊິ່ງມີສົມເດັດເຈົ້າເພັດຊະຣາດເປັນອົງ ປະມຸກ ເຊິ່ງມີສະມາຊິກທັງຝ່າຍສົງ ແລະ ຄະຣືຫັດ ປີ ໑໙໓໐ ນັ້ນແມ່ນກະກຽມບັນຍັດອັກສອນລາວ ເປັນອັກສອນຂອງຊາດ ສະພາຈັນທະບູຣີໄດ້ມີໜ້າທີ່ກະກຽມ ຮູບອັກສອນເພື່ອບັນຍັດເປັນອັກສອນຊາດ ໃນນັ້ນແນວຄວາມຄິດ ຂອງລາວເອງ ມີແນວຄິດອອກເປັນ ໓ ຢ່າງ ຄື ໑. ຝ່າຍໜຶ່ງ ໂດຍສະເພາະຝ່າຍຣາຊະສຳນັກຢາກໄດ້ອັກສອນລາວເດີມ (ທັມ) ເປັນອັກສອນຊາດ. ໒. ຝ່າຍໜຶ່ງ ແມ່ນຢາກໄດ້ອັກສອນລາວບູຮານ(ອັກສອນລາວ) ເປັນອັກສອນຊາດ. - ຍ້ອນວ່າລາວ ມີການຖົກຖຽງກັນ ເພາະມີອັກສອນ ໒ ແບບ ທັງສອງແບບລ້ວນແຕ່ເປັນອັກສອນລາວດ້ວຍກັນທັງນັ້ນ ດ້ວຍເຫດນັ້ນ ຈຶ່ງມີຝ່າຍທີ ໓. ເກີດຂຶ້ນ ຄືໃຫ້ເອົາອັກສອນໂຣມັນມາຂຽນແທນອັກສອນລາວ ແຕ່ລາວທັງສອງຝ່າຍ ບໍ່ຍອມ ຈຶ່ງໄດ້ຕົກລົງເອົາອັກສອນ ລາວບູຮານເປັນອັກສອນຊາດ (ຂຽນທາງການຣາຊະອານາຈັກ) ແລະ ເອົາອັກສອນ ລາວເດີມ ເປັນອັກສອນທາງສາສນາຈັກ ຈຶ່ງຮຽກອັກສອນທັມມາຮອດບັດນີ້. (ແຜ່ນພາບນີ້ ເດີມຢູ່ທີ່ວິທະຍາໄລສົງ ເປັນສົມບັດຂອງສະຖາບັນການສຶກສາສົງ ທີ່ຕົກທອດມາຈາກສະພາຈັນທະບູຣີ ເມື່ອກ່ອນມີຈຳນວນຫຼາຍພາບ ແລະ
ຫຼາຍແບບ ນ້ອຍມີການປ່ຽນແປງຫ້ອງການເລື້ອຍໆ ຈຶ່ງມີຜູ້ເອົາໄປ ແລະບາງຄັ້ງກໍປະຖິ້ມ ທ່ານອາຈານຄຳຫຼ້າ ພວງສະຫວັດ ອາຈານປະຈຳວິທະຍາໄລສົງເກັບໄວ້ ແລະ
ປິດໄວ້ຫ້ອງການຂອງທ່ານ ຕໍ່ມາມີຄົນໄທຍມາເຫັນກໍຂໍຢືມເອົາໄປກອບປີທີ່ເມືອງໄທຍ ບັດສົ່ງກັບມາຄືນພັດເອົາສະບັບກອບປີສົ່ງມາ ສະບັບແທ້ເຂົາເອົາໄວ້ ອາຈານຄຳຫຼ້າກໍປາກບໍ່ອອກໄດ້ແຕ່ຈົ່ມເສັຍດາຍ)
- ບາດນີ້ ມາເວົ້າເລື່ອງອັກສອນລາວ ທີ່ເຫັນໃນພາບ ເປັນຜົນງານຂອງຣາຊະບັນດິດສະພາຈັນທະບູຣີ ທີ່ປະກວດການອອກແບບ
ເພື່ອບັນຍັດອັກສອນລາວ ແຕ່ເມື່ອຄະນະໄດ້ເລືອກເອົາອັກສອນລາວບູຮານ ເປັນອັກສອນຂອງຊາດ ເອົາອັກສອນລາວເດີມ
ເປັນອັກສອນຣາຊະອານາຈັກ ອັກສອນຂອງຊາດ ກໍໄດ້ປ່ຽນແປງໄປ ຕາມກາລະສະໄໝຂອງການປ່ຽນແປງຂອງຊາດ ມາຮອດປັດຈຸບັນ
ມີຮູບແບບ ແລະ ວິທີການຂຽນ ດັ່ງທີ່ເຮົາເຫັນປັດຈຸບັນນີ້, ສ່ວນອັກສອນລາວເດີມ ບັນຍັດໃຫ້ໃຊ້ທາງສາສນາຈັກ ແຕ່ເມື່ອມາເບິ່ງທາງພຶດຕິກັມແລ້ວ ອັກສອນເລົ່ານີ້ບໍ່ໄດ້ໃຊ້ໃນສາສນາຈັກຢ່າງເຕັມທີ່ ພຽງແຕ່ໃຊ້ໃນທາງວັດທະນະທຳທາງພຸດທະສາສນາເທົ່ານັ້ນ ດັ່ງເຮົາຈະເຫັນໄດ້ຈາກ
ໜັງສືໃດທີ່ຂຽນບັນທຶກ ການເທດ ຈຶ່ງໄດ້ເອົາອັກສອນລາວເດີມບັນທຶກ ເຊັ່ນໃນໃບລານເທົ່ານັ້ນ, ສ່ວນທາງຣາຊະການສົງ ກໍຍັງຄົງໃຊ້ອັກສອນລາວ
ບັນທຶກເໝືອນເດີມ ສະນັ້ນອັກສອນລາວເດີມ ເຊິ່ງຄົນຮຽກວ່າອັກສອນທັມນີ້ ຈຶ່ງຕາຍລົງເທື່ອລະເລັກລະນ້ອຍ ເພາະວ່າເມື່ອການສຶກສາສະໄໝໃໝ່
ມີຄວາມຈະເຣີນຂຶ້ນ ການສຶກສາສົງກໍໃຊ້ອັກສອນທາງການຮຽນສອນ ອັກສອນລາວເດີມກໍບໍ່ມີຄວາມຈຳເປັນທີ່ຈະໃຊ້, ມີແຕ່ຮຽນເອົາໄວ້ເພື່ອເທດເທົ່ານັ້ນ ພຣະສົງເອງກໍມີຈຳນວນໜ້ອຍ ບໍ່ເກີນ ໓-໔ ໝື່ນອົງຢູ່ແລ້ວ ປະຊາຊົນສ່ວນໃຫຍ່ກໍບໍ່ມີໃຜອ່ານອອກຂຽນໄດ້ ພຣະສົງເມື່ອສຶກອອກໄປແລ້ວ ກໍບໍ່ໄດ້ໃຊ້ (ເວັ້ນແຕ່ມັກ) ຈຶ່ງເທົ່າກັບວ່າອັກສອນນີ້ຕາຍແລ້ວ. - ຫາກອັກສອນລາວເດີມຕາຍ ກໍເທົ່າກັບຊາດພິການໄປເຄິ່ງໜຶ່ງ ເພາະວ່າວັດທະນະທັມລາວທັງມວນໄດ້ ຖືກບັນທຶກໄວ້ດ້ວຍອັກສອນນີ້ ເມື່ອຄົນອ່ານອັກສອນນີ້ບໍ່ໄດ້ ກໍບໍ່ເຂົ້າໃຈວັດທະນະທັມ ແລະຄວາມເປັນມາຂອງ ຊາດຕົນ. - ໜ້າເສັຍດາຍຢ່າງໜຶ່ງ ຫາກທາງການສະໄໝກ່ອນເລືອກເອົາອັກສອນທັມເປັນອັກສອນຂອງຊາດມາແຕ່ຕົ້ນ ການຂຽນອັກສອນລາວ ອາດຊິບໍ່ຜິດຜ້ຽນໄປຫຼາຍ ເພາະຫຍັງ ເພາະການຂຽນຂອງອັກສອນທັມນັ້ນມັນໄດ້ບັງ ຄັບໃຫ້ຂຽນຕາມເຄົ້າໃນໂຕຂອງມັນເອງ ແມ່ນຈະປ່ຽນແປງກໍຍາກ.
|
ຂຽນເມື່ອ: ກ.ພ.. 18, 2012
| ມີ
2 ຄຳເຫັນ
ແລະ
0 trackback(s)
ໜວດໝູ່:
ທັມມະ
ໂລກຈະຢູ່ດີມີສຸກ : ເພາະໂລກມີ ຫິຣິ (ຮູ້ສຶກລະອາຍຕໍ່ບາບ) ໂອດຕັບປະທັມ (ຢ້ານກົວຕໍ່ບາບ) ໂລກວຸ້ນວາຍ : ເພາະໂລກຂາດ ທັມມະ ຫິຣິໂອດຕັບປະ
ໂລກ (ສັງຄົມມະນຸດ) ເຮົາ : ຖ້າມີຄວາມຮູ້ສຶກລະອາຍຕໍ່ບາບ ແລະ ຢ້ານກົວຕໍ່ບາບແລ້ວ ກໍ່ຈະນຳຄວາມສະຫງົບສຸກມາໃຫ້ ຖ້າມະນຸດໃນໂລກນີ້ : ບໍ່ມີຄວາມຮູ້ສຶກລະອາຍຕໍ່ບາບ ແລະ ຢ້ານກົວຕໍ່ບາບແລ້ວ ຂາດຄຸນນະທັມ ຄື ຫິຣິໂອດຕັບປະແລ້ວ
ພວກເຮົາເອງ ກໍ່ຈະເຮັດໃຫ້ໂລກນີ້ວຸ້ນວາຍ ສ້າງອະກຸສົນກັມໄປເລື້ອຍໆ ແລ້ວກໍ່ບໍ່ມີມື້ສິ້ນສຸດ ສະນັ້ນ ຂໍໃຫ້ມະນຸດທຸກຄົນ ມີ ທັມມະ ຫິຣິໂອດຕັບປະ ນຳກັນທຸກໆຄົນເດີ້ !
|
ຂຽນເມື່ອ: ກ.ພ.. 18, 2012
| ມີ
2 ຄຳເຫັນ
ແລະ
0 trackback(s)
ໜວດໝູ່:
ທັມມະ
ໂອ ອະນິດຈາ ສັງຂາຣາ ! ຍາມເຈົ້າມາ ມີແຕ່ໂຕລ້ອນຈ້ອນ
ຍາມເຈົ້າຢູ່ ເຈົ້າຂົນຂວາຍຫາ ຫາບໍ່ເຊົາ ຫາອັນເອົາບໍ່ໄດ້
ຍາມເຈົ້າໄປ ກໍໄປແຕ່ໂຕລ້າໆ ຄື ດັ່ງເຈົ້າມາ ສັງຂາຣາ ເປັນມາຢ່າງນີ້ ບໍ່ວ່າເຈົ້າ ແລະ ຂ້ອຍສະເໝີດ້າມດັ່ງດຽວ
|
ຂຽນເມື່ອ: ກ.ພ.. 16, 2012
| ມີ
8 ຄຳເຫັນ
ແລະ
0 trackback(s)
|
ຂຽນເມື່ອ: ກ.ພ.. 15, 2012
| ມີ
12 ຄຳເຫັນ
ແລະ
0 trackback(s)
ບໍ່ແມ່ນເວົ້າຫລີ້ນ ລາມົກນົກກະຈອກ ນີ້ແມ່ນເລື່ອງຈີງອີງໃສ່ຂ່າວ ນາງແບບປະເທດເບຣຊີນ ເກີດອຸບັດເຫດທາງລົດ ແຕ່ບໍ່ຕາຍ ຍ້ອນນາງມີນົມຂະຫນາດມະຫຶມາ ທີ່ເຮັດຫນ້າທີ່ເປັນເຫມືອນຖົງລົມກັນກະແທກ
ບໍ່ຍາກເຊື່ອກະຕ້ອງເຊື່ອ ວ່ານົມມັນຊ່າງມີຄຸນຄ່າແລະບົດບາດໃນໂລກເຮົານີ້
ລາຍລະອຽດເຊີນອ່ານຕໍ່ http://au.news.yahoo.com/odd/a/-/odd/12910796/woman-saved-by-massive-breasts
ຈົບລາຍງານ
|
ຂຽນເມື່ອ: ກ.ພ.. 7, 2012
| ມີ
7 ຄຳເຫັນ
ແລະ
0 trackback(s)
ໜວດໝູ່:
ທັມມະ
ເພີ່ມພະລັງໃຫ້ຊີວິດ
ເພີ່ມສັກກະຍະພາບໃຫ້ເຕັມຖັງ ເພີ່ມພະລັງໃຫ້ຊີວິດ
ສັກກະຍະພາບ ຄື ພະລັງອຳນາດທີ່ແຝງຢູ່ໃນຕົວເຮົາ ເມື່ອໃດທີ່ໄດ້ຮັບການພັດທະນາ ດ້ວຍການໃຊ້ຮ່າງກາຍເປັນເຄື່ອງມື ຈະສາມາດນຳພະລັງທີ່ເກີດຂື້ນມະຫາສານນີ້ມາໃຊ້ງານໄດ້
ທ່ານເຄີຍເຫັນຕົ້ນໄມ້ໃຫຍ່ໆ ທີ່ປູກຢູ່ຮີມທາງເດີນ ຫຼື ບໍ່ ? ໃຜຈະເຊື່ອວ່າຮາກນ້ອຍໆ ຂອງມັນ ຈະສາມາດດັນຄອນກຣີດ ໃຫ້ຍົກສູງຂື້ນຈົນແຕກໄດ້ ນັ້ນແຫຼະ ຄືພະລັງອຳນາດ ຂອງຮາກໄມ້ ຄົນເຮົາກໍ່ເຊັ່ນກັນ ເມື່ອເຮົາພັດທະນາຕົນເອງເຖິງທີ່ສຸດແລ້ວ ຈະມີພະລັງ ມະຫາສານຢ່າງທີ່ເຮົາເອງກໍຄາດບໍ່ເຖິງ.
ເຫດທີ່ເຮົາຕ້ອງພັດທະນາສັກກະຍະພາບຂອງຕົນເອງ ກໍ່ເພື່ອເຮັດໃຫ້ເຮົາສາມາດ ມີຊີວິດຢູ່ຢ່າງຮູ້ເທົ່າທັນ ກັບ ຄວາມຫຍຸ້ງຍາກຊັບຊ້ອນຂອງສັງຄົມ ທີ່ປ່ຽນແປງຢູ່ຕະຫຼອດເວລາ ແລະ ປັດໄຈການດຳເນີນຊີວິດທີ່ເພີ່ມຫຼາຍຂື້ນເລື້ອຍໆ.
 ການພັດທະນາເຮົາສາມາດເບິ່ງໄດ້ສອງມູມຄື:
•ໜຶ່ງ ເຮັດສິ່ງທີ່ຍັງບໍ່ເກີດ ໃຫ້ມີຂື້ນ ແລະ
•ສອງ ເຮັດສິ່ງທີ່ມີຢູ່ແລ້ວ ໃຫ້ດີກວ່າເດີມ
ສັກກະຍະພາບທີ່ມະນຸດສາມາດພັດທະນາໄດ້ມີຢູ່ທັງໝົດ ໔ ຢ່າງ ໄດ້ແກ່:
ໄອຄິວ ( IQ-Intelligence Quotient ) ຄື ປັນຍາສັນຍາ ແລະ ປັນຍາຄວາມຄິດ ຫຼື ເຊົາວະນະປັນຍາ ( ເຊົາວນ໌ປັນຍາ) ເຊິ່ງເກີດຈາກການຄົ້ນຄິດຫຼາຍ ຟັງຫຼາຍ ອ່ານຫຼາຍ ວິເຄາະວິໄຈຫຼາຍ ແລະ ຮຽນຮູ້ຫຼາຍ ເປັນປັນຍາຄວາມຮູ້ຄວາມສາມາດທາງໂລກທີ່ເກີດຂື້ນ ຈາກການຮຽນການສອນ ຂອງສະຖາບັນການສຶກສາທົ່ວໆໄປນັ້ນເອງ. ໄອຄິວເປັນສັກກະຍະພາບທີ່ພັດທະນາໄດ້ງ່າຍ ແລະ ວ່ອງໄວທີ່ສຸດ ສາມາດພັດທະນາຂື້ນໄດ້ໃນເວລາຈຳກັດ ພຽງແຕ່ອ່ານ ແລະ ຟັງຫຼາຍ ຈົນຄວາມຄິດ ແລະ ຄວາມຈຳເພີ່ມຂື້ນ ໄອຄິວກໍ່ຈະສູງຂື້ນດ້ວຍ ແບບດຽວກັບການຕິວເດັກນ້ອຍ ໄປແຂ່ງເຄມີໂອລີມປິກ ຟີສິກໂອລີມປິກ
ທຸກວັນນີ້ ສັງຄົມເນັ້ນການພັດທະນາ ທີ່ສັກກະຍະພາບຕົວນີ້ ອົງການຕ່າງໆ ນິຍົມຄົນເກັ່ງ ຕ້ອງເກັ່ງ ຈິ່ງຈະມີໂອກາດກ້າວໜ້າໃນໜ້າທີ່ການງານ ເວລາຮັບສະໝັກງານ ມັກຈະກຳນົດໄວ້ໃນຄຸນສົມບັດເລຍວ່າ ຈະຮັບສະເພາະຄົນທີ່ເກັ່ງດ້ານນັ້ນ ມີທັກສະດ້ານນີ້ ແຕ່ບໍ່ໃສ່ໃຈເລື່ອງຄວາມເປັນຄົນດີ ເພາະບໍ່ຄຳນຶງວ່າ ການພັດທະນາໄອຄິວ ໃຫ້ສູງໆ ອັຕຕາ ຫຼື ອີໂກ້ ກໍ່ຈະສູງຕາມ ເຮັດໃຫ້ຄຸນຄ່າຂອງຄວາມເປັນມະນຸດຕ່ຳລົງ ກາຍເປັນຄົນເກັ່ງ ທີ່ເຫັນແກ່ຕົວ ຄິດແຕ່ຈະບຽດບຽນຜູ້ອື່ນ ສັງຄົມຈິ່ງເຕັມໄປດ້ວຍຄົນທີ່ຄິດເອົາແຕ່ໄດ້ ເຮັດໃຫ້ເປັນປັນຫາຂອງສັງຄົມ.
ປັນຫາໃຫຍ່ທີ່ເກີດຂື້ນໃນສັງຄົມປັດຈຸບັນ ສ່ວນໃຫຍ່ເປັນສີມືຂອງຄົນທີ່ມີໄອຄິວສູງໆທັງນັ້ນ ເພາະເປັນກຸ່ມທີ່ມັກໄດ້ຮັບໂອກາດການຕັດສິນໃຈເລື່ອງທີ່ສຳຄັນໆ ການພັດທະນາ ທີ່ເກີດຂື້ນສ່ວນໃຫຍ່ ຈິ່ງມັກຈະເປັນການພັດທະນາໃນທາງລົບ ຫລາຍກວ່າທາງບວກ ເຮັດໃຫ້ມະນຸດກາຍເປັນຜູ້ທຳລາຍໄປ ໂດຍບໍ່ຮູ້ຕົວ ທຳລາຍໄດ້ທຸກຢ່າງແມ່ນກະທັ້ງ ແຕ່ທຳມະຊາດ ຂະໜາດນ້ຳກໍ່ຕ້ອງຊື້ດື່ມ ໃຜຈະຄາດຄິດວ່າໃນທີ່ສຸດນ້ຳດື່ມ ລາຄາ ແພງກວ່ານ້ຳມັນ ນີ້ເປັນຍ້ອນເຮົາມຸ້ງເນັ້ນ ແຕ່ເລື່ອງການພັດທະນາໄອຄິວ ຈົນລືມນຶກເຖິງ ຜົນຂ້າງຄຽງທີ່ຈະຕາມມາ.
ອີຄີວ ( EQ: Emotional Quotient ) ຄື ຄວາມສະຫຼາດທາງອາລົມ ເປັນຄວາມວ່ອງໄວ ໃນຄວາມຮູ້ສຶກນຶກຄິດທີ່ເກີດຂື້ນກັບຈິດ ເຊິ່ງເອີ້ນວ່າ ສະຕິສັມປະຊັນຍະນັ້ນເອງ ຖ້າຄວາມວ່ອງໄວຕົວນີ້ ເຂົ້າໄປຮູ້ທັນຕົວເອງວ່າກຳລັງຄິດຫຍັງຢູ່ ກໍ່ຈະເປັນຕົວກຳນົດພຶດຕິກຳ ແລະ ວິຖີຊີວິດຂອງເຮົາໄດ້.
ຖ້າຄົນໃນສັງຄົມບໍ່ມີອີຄີວ ຄົນຈະມີຄວາມທຸກໃຈ ເພາະທຸກວັນນີ້ ທຸກສະຖາບັນ ເຕັມໄປດ້ວຍຄົນເກັ່ງທີ່ບໍ່ມີຄວາມສຸກ ບໍ່ພຽງແຕ່ເກັ່ງຢ່າງດຽວ ຫຼື ຮ້າຍຢ່າງດຽວເທົ່ານັ້ນ ແຕ່ເປັນຄົນທີ່ເຫັນແກ່ຕົວ ທີ່ຕິດອາວຸດຄືຫ້ອຍໄອຄິວສູງເຂົ້າໄປພ້ອມ ຈຶ່ງຍິ່ງເປັນ ອັນຕະລາຍຫຼາຍ ສັງຄົມຈິ່ງເຕັມໄປດ້ວຍຄົນທີ່ມີປັນຫາຊີວິດ ແລະ ຄົນທີ່ເປັນໂລກປະສາດ ຈັກໜ່ອຍຄົນນັ້ນກິນຢາຕາຍ ອີກຄົນໜຶ່ງປີນເສົາໄຟຟ້າ ຄົນນັ້ນໂດດຕຶກ ອີຄີວຈິ່ງເປັນເລື່ອງຮີບຟ້າວສ້າງໄວ້ໃຫ້ຫຼາຍ.
ຫາກຕ້ອງການຢາກຮູ້ວ່າຕົນເອງມີອີຄີວສູງພຽງໃດ ກໍ່ວັດແທກໄດ້ຈາກປັດໄຈທີ່ ເປັນມາດຕາຖານວັດອີຄີວດັ່ງນີ້: ສັງເກດຕາມສູດອັກສອນໃນຄຳສັບພາສາອັງກິດ ຄຳວ່າ “ Watch ” ເຊິ່ງແປວ່າເບິ່ງ:
໑. ເບິ່ງຄຳເວົ້າ: ( Watch your words ) ເບິ່ງວ່າເຮົາຍັງເວົ້າເລື່ອງໄຮ້ສາຣະ ນິນທາ ໃສ່ຮ້າຍປ້າຍສີ ຂີ້ຕົວະ ຫຼື ຈົ່ມຢູ່ ຫຼື ບໍ່ ?.
໒. ເບິ່ງການກະທຳ: ( Watch your action ) ພຶດຕິກັມທີ່ເປັນໄປໃນທາງສ້າງສັນ ເພື່ອສັງຄົມສວ່ນລວມຫຼາຍນ້ອຍພຽງໃດ ຍັງຂີ້ຄ້ານ ບໍ່ອົດທົນ ບໍ່ຮັບຜິດຊອບຢູ່ ຫຼື ບໍ່ ?.
໓. ເບິ່ງຄວາມຄິດ: ( Watch your thought ) ວ່າຍັງຄິດເລື່ອງໄຮ້ສາຣະ ຍັງໝົກໝົ້ນ ຢູ່ກັບອະດີດ ແລະ ອະນາຄົດ ທັ້ງໆທີ່ຮູ້ວ່າບໍ່ມີປະໂຫຍດ ແລະ ຊວ່ຍແກ້ບັນຫາ ອັນໃດບໍ່ໄດ້ ຍັງຟຸ້ງຊ່າມ ໂລເລ ຄິດເອົາແຕ່ໄດ້ ບຽດບຽນ ສ້າງບັນຫາຢູ່ ຫຼື ບໍ່ ?.
໔. ເບິ່ງບຸກຄະລິກ: ( Watch your characteristics ) ວ່າເປັນຄົນຂີ້ອິດສາ ຫຼື ໃຈກວ້າງເອື້ອອາທອນ ມັກຕົກໃຈງ່າຍ ຫຼື ຫວັ່ນໄຫວໃນທຸກສະຖານະການ ເປັນຄົນເຢັນມີເມຕຕາໜ້າເຂົ້າໃກ້ ຫຼື ວ່າເປັນຄົນໃຈຮ້ອນ ຖ້າໃຈຮ້ອນ ຮ້ອນຫຼາຍນ້ອຍພຽງໃດ ຖ້າຮ້ອຍນ້ອຍ ອີຄີວກໍ່ຈະສູງແນ່ຈັກນ່ອຍ ຖ້າຮ້ອນຫຼາຍ ອີຄີວຕ່ຳຫຼາຍ ແຕ່ຖ້າບໍ່ຮ້ອນເລຍ ອີຄີວກໍ່ຈະສູງຫຼາຍ.
໕. ເບິ່ງຫົວໃຈ ຫຼື ເບິ່ງອາລົມ: ( Watch your heart ) ທຸກຂະນະຕື່ນ ຖ້າອາລົມດີຕະຫຼອດ ບໍ່ມີຕິດລົບ ບໍ່ເບື່ອ ບໍ່ຫງຸດຫງິດ ບໍ່ເສຍໃຈ ບໍ່ນ້ອຍໃຈ ບໍ່ຮ້າຍງ່າຍ ບໍ່ຂັດໃຈ ບໍ່ຕົກເປັນທາດສິ່ງກະທົບ ແປວ່າມີອີຄີວສູງ.
ນອກເໜືອຈາກການສັງເກດຈາກສູດ watch ແລ້ວເຮົາຍັງສາມາດສັງເກດຕໍ່ໄປອີກ ໂດຍການກຳນົດຮູ້ອີກສອງຂໍ້ຕື່ມອີກ ຄື
໖. ເບິ່ງທີ່ສຸຂະພາບທັງສາມ ( three factors of health ) ສຸຂະພາທາງກາຍ ສຸຂະພາບທາງຈິດ ແລະ ສຸຂະພາບທາງວິນຍານ ຖ້າດີໝົດທັງສາມຢ່າງ ກໍສະແດງວ່າອີຄິວສູງ ເພາະອີຄີວ ເປັນຕົວກຳນົດໂປຣແກຣມຂອງຈິດ ອີຄີວສູງຈິດຈະຕັ້ງໂປຣແກຣມໄວໃນແງ່ບວກ ຈິດດີສຸຂະພາບຈິ່ງຈະດີຕາມໄປດ້ວຍ ແຕ່ຖ້າອີຄີວຕ່ຳ ໂອກາດທີ່ສຸຂະພາບຈະເສື່ອມມີຫຼາຍ ເພາະຈິດຕັ້ງໂປຣແກຣມໄວ້ບໍ່ດີ ຄິດແຕ່ເລື່ອງບໍ່ດີ ເຊັ່ນຄິດວ່າຢ້ານຕົນເອງເປັນໂລກນັ້ນໂລກນີ້ ສະສົມແຕ່ຄວາມຄຽດ ຄວາມກັງວົນ ໃນທີ່ສຸດກໍ່ເລຍກາຍເປັນແທ້.
໗.ເບິ່ງທີ່ວິຖີການດຳເນີນຊີວິດ: ວ່າສະມະຖະ ມັກນ້ອຍ ແລະ ມີສາຣະພຽງໃດ ເຖິງແມ່ນວ່າຈະຮຽນຈົບສູງມາພຽງໃດ ປະສົບຜົນສຳເລັດເທົ່າໃດ ກໍ່ຕາມ ຖ້າຖາມຕົວເອງ ຄົບທັງເຈັດຂໍ້ແລ້ວ ຍັງໄດ້ຄຳຕອບເປັນທາງບວກຢູ່ ກໍ່ສະແດງວ່າ ອີຄີວ ຫຼື ສັກກະຍະພາບດ້ານຄວາມສະຫຼາດທາງອາລົມຍັງຕ່ຳຢູ່ ຍັງຕ້ອງການພັດທະນາ ອີກຕໍ່ໄປ ດ້ວຍການພັດທະນາສະຕິໃຫ້ກ້າແຂງ ໃຫ້ສາມາດລະນຶກໄດ້ທຸກຂະນະ ໂດຍບໍ່ລືມຕົວ ເມື່ອສະຕິເກີດຄວາມວ່ອງໄວ ຄວາມຮູ້ສຶກນຶກຄິດກໍ່ຈະເກີດ ເຮັດໃຫ້ເຮົາຮູ້ທັນຕົນເອງ ຄວາມສະຫຼາດ ທາງອາລົມກໍ່ຈະສູງຂື້ນໂດຍອັດຕະໂນມັດ ແລະ ຕ້ອງພັດທະນາປັນຍາຕົວທີສາມ ໃຫ້ເກີດຂື້ນ ເພື່ອນຳໄປດັບອີໂກ້ໃຫ້ນ້ອຍລົງ ແລະ ອີຄີວ ກໍ່ຈະມີໂອກາດເພີ່ມສູງຂື້ນໄດ້.
ອີຄີວ ນອກຈາກຈະເຮັດໃຫ້ຊີວິດດີ ການງານສຳເລັດແລ້ວ ອີຄີວ ຍັງເປັນໃບປະກາດສະນີຍະບັດທາງໃຈ ສາມາດນຳໄປສະແດງໃຫ້ພະຍາຍົມເບິ່ງ ເພື່ອຈະໄດ້ໄປເກີດໃນພົບພູມທີ່ດີໃນຊາດຕໍ່ໆໄປ ມັນມີອານຸພາບເຖິງປານນັ້ນ.
ໄອຄີວ ເຮັດໃຫ້ຄົນເກັ່ງ ແຕ່ ອີຄີວ ເຮັດໃຫ້ຄົນອາລົມດີ
ເຖິງແມ່ນວ່າ ໄອຄີວ ຈະເຮັດໃຫ້ຄົນເກັ່ງ ແຕ່ການຈະໃຫ້ຊີວິດປະສົບຜົນສຳເລັດນັ້ນ ຕ້ອງເພິ່ງ ອີຄີວ ເປັນຕົວຫຼັກ ດຣ.ໂກແມນ ຜູ້ຊ່ຽວຊານດ້ານ ອີຄີວ ລະບຸໄວ້ວ່າ ຄົນທີ່ປະສົບຄວາມສຳເລັດໃນຊີວິດ ສວ່ນໃຫຍ່ໃຊ້ຄວາມຮູ້ ໄອຄີວ ທີ່ຮຽນມາເກືອບເປັນ ເກືອບຕາຍພຽງແຕ່ 20 ເປີເຊັນເທົ່ານັ້ນ ແຕ່ໃຊ້ ອີຄີວ ເຊິ່ງບໍ່ໄດ້ມາ ຈາກການຮຽນເລີຍເຖິງ 80 ເປີເຊັນ.
ທີ່ຕ້ອງລະວັງຄື ໄອຄີວ ກັບ ອີຄີວ ມັກຈະປ່ຽນຜັນກັນ ຄົນທີ່ໄອຄີວສູງ ອີຄີວມັກຈະຕ່ຳ ເພາະຈິດຕົກເປັນທາດອັຕຕາ ຕ້ອງການສະແຫວງໄຂວ່ຄວ້າຫາສິ່ງຕ່າງໆ ມາປະດັບປະດາຕົວຕົນ ຫາເງິນ ຫາຄຳ ຫາອຳນາດ ມາບຳລຸງບຳເລີຕົນໃຫ້ໂດດເດັ່ນເໝືອນຄົນອື່ນໆ ກາຍເປັນຄົນເຫັນແກ່ຕົວ ແລະ ຄ່ອຍໆຕົກເປັນທາດໄທເທື່ອລະນ້ອຍ ເມື່ອໄອຄີວຍິ່ງສູງ ຄວາມເປັນທາດກໍ່ຍິ່ງເພີ່ມຫຼາຍຂື້ນ ຍິ່ງຍຶດຕິດ ຕົກເປັນທາດຂອງວັດຖຸ ອຳນາດ ຕຳແໜ່ງ ຄຳອຸປະໂຫຼກ ສັນເສີນ ຍົກຍໍ ເໝືອນລີງຕິດຕັງ ເສືອຕິດຈັ່ນ ອິດສະລະພາບທາງໃຈ ຫຼຸດໜ້ອຍລົງເລື້ອຍໆ ອີຄີວຈິ່ງຕ່ຳຕາມໄປດ້ວຍ.
ຄົນໄອສູງຢ່າງດຽວຈິ່ງເຮັດວຽກໃຫ້ປະສົບຄວາມສຳເລັດບໍ່ໄດ້ ແລະ ມັກຈະບໍ່ມີຄວາມສຸກ.
ວິທີແກ້ ຄືຕ້ອງຫັນມາພັດທະນາຄວາມຮູ້ທາງທັມ ໃຫ້ສູງເທົ່າທຽມກັນ ໄອຄີວຍິ່ງສູງ ອີໂກ້ຍິ່ງໃຫຍ່ຂື້ນພ້ອມໆກັນກັບຄວາມຮູ້ທາງໂລກ ຄວາມຮູ້ທາງທັມຈະໄປພັດທະນາ ປັນຍາຕົວທີສາມ ໃຫ້ມີພະລັງມະຫາສານ ສາມາດດັບອີໂກ້ໄດ້ ຈິ່ງສາມາດເພີ່ມອີຄີວ ໃຫ້ສູງທັນໄອຄີວໄດ້.
ເອັມຄິວ (Moral Quotient) ທີ່ຈິງແລ້ວ ເອັມຄີວ ກໍ່ຄືສ່ວນໜຶ່ງຂອງອີຄີວ ເພາະເປັນສ່ວນທີ່ກ່ຽວ ກັບ ຈະຣິຍະທັມ ສີລທັມ ແລະ ຄຸນນະທັມປະຈຳໃຈ ທີ່ພາສາອັງກິດເອີ້ນວ່າ super ego ເຊິ່ງເປັນຕົວທີ່ຄວບຄຸມການຄິດ ການເວົ້າ ການກະທຳທິ່ດີ ແລະ ເກັບສະສົມຢູ່ໃນຈິດໃຈນັ້ນເອງ.
ວີທີສ້າງເອັມຄີວ:
ວິທີທຳອິດຄື ປະພຶດປະຕິບັດຈະຣິຍະທັມ ຕາມບົດບາດໜ້າທີ່ຂອງແຕ່ລະບຸກຄົນ ໃຫ້ສົມບູນ ເພື່ອໃຫ້ຈິດສຳນຶກສະສົມ ແຕ່ການກະທຳທີ່ດີ ຈົນ ຫຼໍ່ຫຼອມກາຍເປັນ ຄຸນນະທັມປະຈຳໃຈ ໄປໃນທີ່ສຸດ ຕໍ່ໄປ ເມື່ອຈິດຈະສັ່ງງານ ກໍ່ຈະ ສັ່ງແຕ່ໃນທາງທີ່ດີ ອີໂກ້ ຕົວຕົນ ອັຕຕາ ຄວາມເຫັນແກ່ຕົວ ຈະ ຖືກຝັງໄວ້ເລິກລົງໄປ ໃນຈິດໃຕ້ສຳນຶກ ໂດຍມີຈິດສຳນຶກທີ່ດີຄອຍຄວບຄຸມ ຢູ່ບໍ່ໃຫ້ອອກມາແຜງລິດໄດ້.
ວິທີທີສອງຄື: ຂຸດຮາກຖອນເຫງົ້າ ຂ້າສິ່ງບໍ່ດີຖິ້ມໄປຈາກໃຈ ດ້ວຍການພັດທະນາຕົວທີສາມ ຈົນສາມາດດັບຕົວຕົນຄວາມເຫັນແກ່ຕົວໄດ້ ໃນທີ່ສຸດ ຄຸນນະທັມ ຈະເກີດຂື້ນໃນໃຈໄດ້ຢ່າງຖາວອນ ເຮັດໃຫ້ກາຍເປັນຄົນທີ່ມີຈິດໃຈດີງາມ ນຶກເຖິງຄົນອື່ນກ່ອນສະເໝີ ພິຖີພິຖັນໃນການຄິດ ເວົ້າ ແລະ ເຮັດ ວ່າ ພຶດຕິກັມຂອງເຮົາຈະເກີດປະໂຫຍດ ຫຼື ບໍ່ ຈະບຽດບຽນໃຜ ຫຼື ບໍ່ ເຮັດໃຫ້ຄົນອື່ນເສຍໃຈ ຜິດຕໍ່ສັງຄົມ ຫຼື ບໍ່.
ຈະເຫັນໄດ້ວ່າ ວິທີທຳອິດເປັນວິທິການຝັງຂີ້ເຫຍື່ອໄວ້ເລິກໆໃນໃຈ ສ່ວນວິທີທີສອງ ເປັນການຂຸດຂີ້ເຫຍື່ອອອກມາຕາກແດດ ແລ້ວຈູດຖິ້ມ ທຳລາຍໃຫ້ໝົດສິ້ນໄປເລີຍ.
ເອັມຄີວ ຈິ່ງເປັນຕົວກຳນົດຄຸນນະທັມຂອງຄົນໃນສັງຄົມ ຫາກສັງຄົມໃດມີສະມາຊິກ ລວມເຖິງຜູ້ປົກຄອງ ທີ່ມີພ້ອມທັງ ໄອຄີວ ອີຄີວ ແລະ ເອັມຄີວ ບ້ານນັ້ນເມືອງນັ້ນ ກໍ່ຈະມີແຕ່ຄວາມສຸກ ຄວາມສະຫງົບ ພັດທະນາສຸດໆ ທັງທາງວັດຖຸ ແລະ ຈິດໃຈ ເອັມຄີວຈິ່ງເປັນສັກກະຍະພາບທີ່ຂາດບໍ່ໄດ້ ຕ້ອງພັດທະນາໄປພ້ອມໆ ກັບ ໄອຄີວ ແລະ ອີຄີວ.
ເອສຄີວ ( SQ-Spiritual Quotient ) ສັກກະຍະພາບຕົວສຸດທ້າຍນີ້ສຸດຍອດ ຖ້າໃຜພັດທະນາເອສຄີວໃຫ້ສູງໄດ້ ຄວາມເປັນມະນຸດຈະສົມບູນ ຖືວ່າເກີດມາ ບໍ່ເສຍຊາດເກີດ ເພາະ ເອສຄີວ ຈະສາມາດເຮັດໃຫ້ທຸກເລື່ອງໃນຊີວິດດີໝົດ ຈະຢູ່ກໍ່ດີ ຕາຍໄປກໍ່ຍັງຈະມີຄວາມສຸກ ແລ້ວຍັງຈະໄປເກີດດີອີກດ້ວຍ.
ຜູ້ທີ່ມີເອສຄີວສູງ ຄື ຍອດມະນຸດ ເປັນຜູ້ມີຈິດທີ່ເປັນອິດສະຫຼະຕໍ່ໂລກ ບໍ່ຕົກເປັນທາດຂອງສັບພະສິ່ງ ຄື ໂລກະທັມ ທັງຫຼາຍ ໃຜດ່າບໍ່ຮ້າຍ ຊ້ຳບໍ່ໜຳຍັງສາມາດ ຍົກມືໄຫວ້ຄົນດ່າໄດ້ເລຍ ໄດ້ຕຳແໜ່ງມາກໍ່ຮັບໄວ້ຢ່າງຮູ້ເທົ່າທັນ ແລະ ໃຊ້ປະໂຫຍດຈາກຕຳແໜ່ງ ໄດ້ເຕັມທີ ເມີ່ອໝົດວາລະກໍ່ລຸກອອກຈາກຕັ່ງຢ່າງສະບາຍໆ ບໍ່ຕ້ອງຫິ້ວຕັ່ງນັ່ງໄປດ້ວຍ ໄດ້ຮັບປະກາສະນີຍະບັດຍົກຍ້ອງຄວາມດີງາມ ໄດ້ຕຳແໜ່ງພະນັກງານດີເດັ່ນກໍ່ເຫັນເປັນເລື່ອງ ທຳມະດາ ບໍ່ດີໃຈຈົນຕົວຟູ ບໍ່ຕ້ອງບຳເລີ ອີໂກ້ ດ້ວຍການຈັດງານສະເຫຼີມສະຫຼອງ ຫຼື ເອົາໃບປະກາດສະນີຍະບັດໄປຂະຫຍາຍໃຫຍ່ຕິດເຕັມເຮືອນເພື່ອອວດອ້າງໃຜ.
ເໝືອນຕອນທີ່ຂ້າພະເຈົ້າຮູ້ຕົວເອງວ່າ ສອບເສັງຜ່ານລະດັບປຣິນຍາເອກ ແລ້ວໂພຣເຟສເຊີມາຖາມວ່າ “ ເຈົ້າດີໃຈບໍ ? ” ຂ້າພະເຈົ້າບອກວ່າ “ ຢູ່ຊື່ໆ ” ໂພຣເຟສເຊີເຮັດໜ້າເສີຍໄປເລຍ ຖາມວ່າ ” ຈົບປະຣິນຍາໃຜໆກໍ່ດີສ່ວນໃຫຍ່ ເປັນຫຍັງເຈົ້າຈິ່ງເສີຍໆ ? ” ຂ້າພະເຈົ້າຕອບໄປວ່າ ເປັນເລື່ອງຂອງທຳມະດາ ໃນເມື່ອເຮົາສ້າງເຫດປັດໃຈລົງຕົວ ໃນທີ່ສຸດກໍ່ຕ້ອງຈົບ ຈິ່ງບໍ່ຕິດໃນໂລກະທັມ ແຕ່ເມື່ອເຫັນໂພຣເຟສເຊີສີໜ້າບໍ່ດີ ຂ້າພະເຈົ້າຈິ່ງເວົ້າໃຫ້ທ່ານສະບາຍໃຈໄປວ່າ “ But I feel relieved.”
ຜູ້ຫວັງປະສົບຄວາມສຳເລັດໃນຊີວິດຕ້ອງພັດທະນາເອສຄີວໃຫ້ໄດ້ ເພາະນອກຈາກຊີວິດນີ້ຈະດີແລ້ວ ຍັງສົ່ງຜົນໃຫ້ຊີວິດໜ້າດີອີກດ້ວຍ ເນື່ອງຈາກເມື່ອຕາຍແລ້ວ ຈິດຈະໄປເກີດຕາມສັກກະຍະພາບ ຂອງເອສຄີວ ຖ້າເອສຄີວສູງເຮົາຈິ່ງສາມາດເລືອກເກີດໄດ້ .
ດ້ວຍອານຸພາບທີ່ລົ້ນເຫຼືອ ເອສຄີວ ຈິ່ງເປັນຕົວພັດທະນາໄດ້ຍາກທີ່ສຸດ ເຮັດໃຫ້ຕ້ອງໃຊ້ຄວາມພະຍາຍາມຫຼາຍ ແຕ່ທັງນີ້ທັງນັ້ນກໍ່ບໍ່ ເໜືອຄວາມພະຍາຍາມຂອງມະນຸດ ລອງພິສູດເບິ່ງ ອ່ານຈົບແລ້ວລອງຖາມຕົວເອງວ່າ ໃນຖານະທີ່ເກີດເປັນມະນຸດ ເຮົາມີສັກກະຍະພາບຕ່າງໆເຫຼົ່ານີ້ ຫຼື ຍັງ.
ຕົ້ນໄມ້ໃຫຍ່ຈະບໍ່ມີວັນຢູ່ໃນກະຖັງນ້ອຍ:
ສັກກະຍະພາບ ກັບ ສະຖານະພາບເປັນຂອງຄູ່ກັນ ຖ້າສັກກະຍະພາບຕ່ຳ ແຕ່ ນຳຕົວເອງໄປສູ່ສະຖານະພາບທີ່ສູງ ນັ້ນເປັນການຄ່ອຍໆ ຂ້າຕົວເອງຕາຍເທື່ອລະນ້ອຍໆ ຫາກບໍ່ຮີບພັດທະນາສັກກະຍະພາບ ໃຫ້ສູງເທົ່າທຽມ ກັບ ສະຖານະພາບ ຈະເມື່ອຍຈົນທົນບໍ່ໄຫວ ເພາະແບກໜັກເກີນກຳລັງ ຕ້ອງຍອມກ້າວລົງມາຈາກສະຖານະພາບນັ້ນໆໄດ້ໃນທີ່ສຸດ ໃນທາງກັບກັນຫາກສັກກະຍະພາບສູງ ແຕ່ສະຖານະພາບຕ່ຳ ລໍຖ້າບໍ່ດົນ ໃນທີ່ສຸດສະຖານະພາບກໍ່ຕ້ອງສູງຕາມ.
ຂ້າພະເຈົ້າຮູ້ຈັກຂ້າຣາຊະການທ່ານໜຶ່ງ ເຄີຍຢູ່ໃນຕຳແໜ່ງສູງ ແຕ່ເກີດເຫດໃຫ້ຕ້ອງຖືກຍ້າຍໄປຢູ່ຕຳແໜ່ງນ້ອຍລົງໄປເລື້ອຍໆ ແຕ່ທ່ານບໍ່ໄດ້ຫຍໍ້ທໍ້ ຍັງຄົງສະຫງົບນິ້ງ ຕັ້ງໜ້າຕັ້ງຕາ ເກັບກ່ຽວປະສົບການ ພັດທະນາສັກກະຍະພາບຂອງຕົນ ຂື້ນໄປເລື້ອຍໆ ເມື່ອມີລົງຕ້ອງມີຂື້ນ ພາຍໃນບໍ່ເຖິງສອງປີ ຈາກຕຳແໜ່ງນ້ອຍທີ່ສຸດ ດຽວນີ້ຂື້ນໄປເຖິງລະດັບຊາດແລ້ວ ເພາະວ່າສັກກະຍະພາບທີ່ພັດທະນາໄວ້ນັ້ນ ຫຼາຍເກີນກວ່າຕຳແໜ່ງນ້ອຍໆຈະຮັບໄດ້ ໃນທີ່ສຸດກົດທຳມະຊາດກໍ່ຈັດສັນໃຫ້ໄປຢູ່ໃນທີ່ທີ່ຄູ່ຄວນ
ສັກກະຍະພາບ ເຫຼົ່ານີ້ ຖ້າພັດທະນະໃຫ້ຍິ່ງໃຫຍ່ແລ້ວ ໃນທີ່ສຸດສະຖານະພາບຕ້ອງໃຫຍ່ຕາມ ເໝືອນຕົ້ນໄມ້ໃຫຍ່ ຈະນຳໄປປູກໃນກະຖັງນ້ອຍໆ ຄົງເປັນໄປບໍ່ໄດ້ ຕ້ອງປູກໃນກະຖັງໃຫຍ່ ຫຼື ໃນທີ່ກວ້າງຈິ່ງຈະເໝາະສົມ.
ຄັດຈາກປື້ມ" ທຳຊີວິດໃຫ້ໄດ້ດີ ແລະມີສຸກ" ໂດຍ: ດຣ.ສະໜອງ ວໍຣະອຸໄຣ
|
|
|
