ໄດອາຣີ່ຂອງ Eric Davone. - ພັນລາວ.ຄອມ

ຂຽນເມື່ອ: ຕ.ລ.. 7, 2011 | ມີ 22 ຄຳເຫັນ ແລະ 0 trackback(s)

ໃນໂອກາດແຫ່ງການຈາກໄປຂອງ ວິລະບຸລຸດແຫ່ງເຕັກໂນໂລຊີຊັ້ນນຳລະດັບໂລກຕິດຕໍ່ກັນມາຫຼາຍທົດສັດຕະວັດ Steve Jobs ຂ້າພະເຈົ້າແລະຜູ້ຈັດການທຸກທ່ານ ຂໍສະແດງຄວາມໂສກເສົາເສຍໃຈແລະອາໄລອາວອນຢ່າງສຸດຊື່ງມາໃນກະລະເວລານີ້ດ້ອຍ,ຂໍໃຫ້ທ່ານຈົ່ງໄປສູ້ສຸຂະຕິແຫ່ງການເວລາທີ່ອະມະຕະ

ແລະພວກເຮົາຈະຂໍຈົດຈ້ຳຜົນງານອັນລ້ຳເລີດແຫ່ງຍຸກສະໄໝແລະການປ່ຽນແປ່ງທາງເຕັກໂນໂລຊີອັນມີຊີວິດຊີວາຂອງທ່ານ.

ບັນດາທ່ານໃຜຜູ້ເປັນລູກຄ້າຂອງ Apple ທຸກລຸ່ນຈົ່ງສົ່ງສານສະແດງຄວາມເສຍໃຈແລະຮຽນຮູ້ຜົນງານຂອງເຂົານຳດ້ອຍ.

Steve Jobs ມີຄຳຄົມໜື່ງທີ່ຜູ້ຂ້າຈົດຈ້ຳແລະຊາບຊືງຈີ່ງຯຄື:

“ຈົ່ງເຮັດທຸກວັນໃຫ້ຄືວັນສຸດທ້າຍຂອງຊິວິດ,ຖ້າທ່ານເຮັດໄດ້ຢ່າກັງວົນເລີຍວ່າມັນຊີອອກມາບໍດີໃນວັນຂ້າງໜ້າ”

ສາວຜົມງາມຄົນນັ້ນ.

ຂຽນເມື່ອ: ສ.ຫ.. 26, 2011 | ມີ 5 ຄຳເຫັນ ແລະ 0 trackback(s)

ໜວດໝູ່: ບັນທຶກປະຈຳວັນ

ຜົມແມ່ນຈຸດໜື່ງທີ່ເປັນສະເໜ້ດຶງດູດຄວາມສວຍງາມຂອງຍີງ-ຊາຍທັງຫຼາຍ,ຖ້າສົມຸດວ່າແຟນທ່ານສວຍ,ຫຼໍ່ແລະມີຄົບທຸກຢ່າງຍົກເວັ້ນເສຍຜົມຢ່າງດ່ຽວ,

ເຈົ້າຊີຍອມຮັບລາວໄດ້ບໍແນ່ນອນມັນຄົງຈະຍາກແລ້ວເນາະທີ່ຈະຍອມຮັບໄດ້ແມ່ນບໍ, ໂດຍສະເພາະແມ່ນສາວສາວ.

ວາງບໍ່ດົນມານີ້ໄດ້ມີໂອກາດເຂົ້າໄປທີ່ວິທະຍາໄລການເງີນແຫ່ງໜື່ງໃນນະຄອນຫຼວງວຽງຈັນ,

ໃນໂອກາດນັ້ນໄດ້ເຫັນສາວຄົນໜື່ງລາວກໍຄືສາວທົ່ວໄປຫັນແຫຼະແຕ່ພິເສດຢູ່ບ່ອນວ່າລາວມີຜົມກໍງາມຫຼາຍສຸດຯເລີຍ,ໃນສາຍຕາຂ້ອຍແລ້ວ ນາງຄືສຸດຍອດສາວຜົມງາມລະດັບຍົກກຳລັງສອງອີນເຕີເລີຍເດີ,ເບີ່ງໄປລວງໃດກໍຄືວ່າງາມຢູ່ດີແລະລາວກໍງາມແບບມີເອກະລັກແລະສັດສວນທີຫາອັນປຽບໄດ້ຍາກຄືກັນ. ແທນທີຊີໃສ່ໃຈກັບການບັນຍາຍຂ້ອຍລະແອບລາເມີໄປເບີ່ງແຕ່ຜົມຂອງນາງເລີຍຕັ້ງສະຕິບໍ່ຄ່ອຍຢູ່ປານໃດແລ້ວນາ ຫາຫາຫາຫາ ໃຈລອຍໄປເອງ,ຂ້ອຍທຳທ່າຍ່າງເລາະໄປມາແຖວນັ້ນແຕ່ອັນທີ່ຈີ່ງແລ້ວຂ້ອຍຢາກເບີ່ງຜົມລາວຊືຯ,

ຢາກສຳພັດຜົມລາວຈັກປຽບດ່ຽວຫຼືສິວວິນາທີກໍໄດ້,ແຕ່ໃຜຊີເຮັດໄດ້ລະນໍ່ກໍແນວວ່າເຮົາບໍ່ເຄີຍຮູ້ຈັກກັນແລະຫ້ອງກໍມີນັກສຶກສາເປັນຮ້ອຍກ່ວາຄົນເບີ່ງຢູ່ນີນາ.

ສີ່ງທີ່ຕ້ອງການຫຼາຍທີ່ສຸດໃນຕ້ອນນັ້ນຄືຢາກຈະອອກຫ້ອງໄປໂດຍໄວທີ່ສຸດເທົ່າທີ່ເປັນໄປໄດ້ເພາະຢ້ານມັນຊີເສຍລັບແລ້ວນາງຊີສົງໄສໄດ໋ລະ!!!!!! ອິອິອິອິ ໂອນີ້ແຫຼະເຂົາວ່າບາງຄັ້ງກໍຄິດໄດ້ສີ່ງບ້າບໍຄືກັນ ອະແຮມ!.ແຕ່ເຮົາບໍ່ໄດ້ບ້າເດີ ຫຸຫຸຫຸຫຸຫຸ.

ຮັກແບບນີ້ກໍຕ້ອງໃສ່ສະໝອງໜັກຢູ່ຫວາ.

ຂຽນເມື່ອ: ກ.ລ.. 9, 2011 | ມີ 8 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ຈະເອົາແບບໃດກັນດີນໍແລະຈະຈັດການອັນໃດກ່ອນນໍເພື່ອນຯ ສົມຸດວ່າເລື່ອງຕໍ່ໄປນີ້ເກີດກັບທ່ານແດ່ທ່ານຈະຈັດການແບບໃດດີນໍຈີ່ງເໝາະສົມກັບຕົວເຮົາດີນໍເລື່ອງມັນມີຢູ່ວ່າ: ພໍດີເພື່ອນຮ່ວມງານຂອງເຮົາທີ່ເຮັດວຽກຢູ່ນຳບໍລິສັດດ່ຽວກັນ,ເຂົາມີງານແຕ່ງງານຂອງໝູ່ລາວ,ແຕ່ບາງເອີນລາວພັດວ່າບໍ່ໄດ້ເອົາລົດມາມື້ນັ້ນແລະກໍບໍ່ມີໃຜໄປສົ່ງລາວທີ່ງານນັ້ນ ດັ່ງເຂົາຈີ່ງຂໍໃຫ້ຂ້ອຍໄປສົ່ງຊ່ອຍແດ່ວ່າຊັນ,ໃນນາມເພື່ອນຮ່ວມງານດ້ອຍກັນ ກໍບໍ່ຮູ້ຈະປະຕິເສດລາວແນວໃດ ສະນັ້ນຂ້ອຍຈີ່ງຕອບຕົກລົງຈະໄປສົ່ງນາງ,ແຕ່ນາງວ່າກ່ອນຊີໄປງານຈະຕ້ອງໄປສົ່ງລາວທີ່ຫ້ອງພັກຂອງລາວເສຍກ່ອນເພື່ອປ່ຽນເຄື່ອງນ່ງຸແລ້ວຈີ່ງໄປວ່າຊັນ,ຂ້ອຍກໍໄປຕາມທີ່ລາວເວົ້ານັ້ນແຕ່ປະກົດວ່າບາງເອີນພໍໄປຮອດຫ້ອງພັກຂອງນາງໄດ້ພົບກັບໝູ່ແຟນເຮົາ, ຫຼັງຈາກລາວປ່ຽນເຄື່ອງໝົດແລ້ວເຮົາກໍໄປທີ່ງານນັ້ນທັນທີ,ທັນໃດນັ້ນໝູ່ແຟນເຮົາເລີຍໂທໄປລາຍງານໃຫ້ແຟນເຮົາທັນທີແລະອ້າງວ່າຂ້ອຍໄປຄົບກັບຜູ້ຍີງຄົນອື່ນແລ້ວເພາະລາວເຫັນກັບຕາວ່າຊັນແຕ່ລາວເຂົ້າໃຈຜິດຕໍ່ສອງຄົນເຮົາຊືຯແລະທັນໃດນັ້ນແຟນເຮົາກໍໂທມາແລ້ວຖາມວ່າເມື່ອໃດຂ້ອຍຈີ່ງຊີກັບຫ້ອງ,ຂ້ອຍກໍບອກວ່າອີກປະມານເຄີ່ງຊົ່ວໂມງຂ້າງໜ້າ. ພໍຂ້ອຍໄປສົ່ງນາງຮອດທີ່ງານຊີກັບທັນທີເລີຍກໍບໍ່ຄືຂ້ອຍໂລດຢູ່ນຳລາວທີ່ງານປະມານໜື່ງຊົ່ວໂມງເພື່ອເປັນການໃຫ້ກຽດນາງແດ່ແລ້ວຈີ່ງກັບມາທີ່ຫ້ອງອະພັດເມັນຂ້ອຍ,ພໍຂ້ອຍມາຮອດປະມານເກົ້າໂມງແລ້ງກໍເຫັນແຟນຂ້ອຍມານັ່ງຢູ່ຕໍ່ໜ້າຫ້ອງລໍຖ້າແລ້ວແລະຂ້ອຍກໍເອີຍປາກຖາມວ່າມີຫຍັງນໍຄືມານັ່ງແບບນີ້ແທ້ໂວຍ ແຕ່ນາງກໍບໍ່ຕອບຫຍັງ, ພໍຂ້ອຍໄຂ້ປະຕູ້ເຂົ້າໄປໃນຫ້ອງນາງກໍນຳຫຼັງມາທີ່ຫ້ອງແລ້ວທຳການໂວຍວາຍໃສ່ຂ້ອຍທັນທີ່,ຂ້ອຍໄດ້ພະຍາຍາມອະທິບາຍໃຫ້ນາງຮູ້ເຖີງຂໍ້ເທັດຈີ່ງທັງໝົດທີ່ຂ້ອຍໄປສົ່ງໝູ່ຂ້ອຍຄົນນັ້ນແຕ່ນາງກໍບໍ່ຍອມຟັງແລະເຊື່ອຂ້ອຍເວົ້າ,ນາງໄດ້ອ້າງວ່າຈະໃຫ້ນາງເຊື່ອຂ້ອຍໄດ້ກໍຕໍ່ເມືອຕໍ່ໂທລະສັບໄປຫາແມ່ຍີງຜູ້ນັ້ນເສຍກ່ອນ,ແຕ່ຂ້ອຍຄິດວ່າການກະທຳແບບນັ້ນເປັນເລື່ອງຂອງຄົນໄຮ້ມະລາຍາດແລະຂາດລະດັບການສືກສາມັນເປັນເລື່ອງທີ່ບໍ່ສົມຄວນໃນຖານະວົງການທຸລະກິດດ້ອຍກັນ ຂ້ອຍຈີ່ງບໍ່ອະນຸຍາດໃຫ້ນາງເຮັດແບບນັ້ນ,ສະນັ້ນນາງຍີງຄຽດແຄນແລະລະແຫວງຂ້ອຍຫຼາຍຂື້ນ.

ເພື່ອນຯຄິດວ່າຈະເອົາແບບໃດດີກ່ວາກັນນໍລະຫວ່າງການໂທໄປລົບກວນເພື່ອນຮ່ອມງານດ້ອຍກັນແລ້ວຂໍໃຫ້ນາງອະທິບາຍເລື່ອງລາວຕ່າງຯໃຫ້ເຂົາຟັງຕາມທີ່ເຂົາຕ້ອງການແລະການໃຊ້ເວລາເກ່ຍກອມຫງໍ້ໃຫ້ເຂົາຕໍ່ໄປຈົນກ່ວາຈະກັບມາເຂົ້າໃຈກັນອີກຫຼືບໍ່ສົນໃຈມັນປ່ອຍປະລະເລີຍເພາະຄຽດແບບປາສາຈາກເຫດຜົນ.

ຂອບໃຈກຳມະການຜູ້ຈັດການປະຈຳ,ຜູ້ຈັດການຂັ້ນສູງແລະເພື່ອນຯທີເຄົາລົບທຸກຄົນ.

ເວົ້ຂູ່ ຫຼືເວົ້າຈີ່ງເນາະ.

ຂຽນເມື່ອ: ກ.ລ.. 5, 2011 | ມີ 15 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ພໍຄົບກັນມາຂ້ອຍເຫັນວ່າມັນອາດຊີບໍ່ພັດທະນາຂື້ນໄປໄດ້ເພາະຫຼາຍສາເຫດມາຂວາງທາງສະນັ້ນອາດຈະເຮັດໃຫ້ທັງສອງຝາຍເສຍເວລາໄປເທົ່ານັ້ນ

ດັ່ງນັ້ນຂ້ອຍຈີ່ງບອກລາວດ້ອຍຄວາມຈີງໃຈວ່າໃຫ້ເຮົາພະຍາຍາມທຳໃຈແລ້ວເລີກກັນໃນທີ່ສຸດ

ແຕ່ນາງບໍ່ຍອມເດັດຂາດແນວໃດກໍບໍ່ຍອມໃຫ້ເລີກແລະຖ້າມື້ໃດຂ້ອຍບອກເລີກກັບລາວຈີ່ງຯນັ້ນນາງຊີແກ້ຜ້າເປື້ອຍກາຍແລ້ວຍາງນຳຫຼັງຂ້ອຍວ່າຊັນ.

ເພື່ອນຄິດວ່ານາງຊີເຮັດໄດ້ດັ່ງເວົ້າແທ້ບໍ່,ແນວວ່ານາງກໍເປັນສາວລະດັບມະຫາໄລແລ້ວກໍຊີເຮັດໄດ້ຢູ່ວ່າ ຂ້ອຍແບບສົງໄສຢູ່ວ່າບາງທີ່ລາວອາດຂູ່ຂ້ອຍຫຼີ້ນຯກໍເປັນໄດ້ແຕ່ໃຜຊີຮູ້ເນາະຜູ້ໃຫຍ່ແລ້ວລາວອາດທຳຈີ່ງຯກໍເປັນໄດ້ແມ່ນບໍ່ຫຼື

ເພື່ອນຯຄິດວ່າລາວຂູ່ຫຼີ້ນຊືຯລາວເຮັດບໍ່ໄດ້ດອກ.

ມາເບີ່ງອາການຂອງຜູ້ຍີງແບບຄາວຯ.

ຂຽນເມື່ອ: ມິ.ຖ.. 23, 2011 | ມີ 6 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ເຮົາມາເບີ່ງກັນທີ່ຫ້າຈຸດຂອງຜູ້ຍີງທີ່ຢູ່ກັບຜູ້ຊາຍທີ່ເຂົາມັກນັ້ນພວກເຂົາສະແດງອາການອອກທາແບບໃດ.

1. ເວລາຜູ້ຍີງຢູ່ກັບຜູ້ຊາຍທີ່ລາວມັກນັ້ນໃບໜ້າຂອງນາງຈະຄ່ອຍຯປ່ຽນເປັນສີສົມພູຂື້ນເລັກນ້ອຍຫຼືບໍກໍຄ່ອຍຯແດງເພາະເຂີນອາຍ. ແບບນີ້ຍີ່ງເຮັດໃຫ້ນາງໜ້າຮັກຂື້ນນາເຫວີຍ.

2. ຖ້າຜູ້ຍີງນັ່ງລົມກັບຜູ້ຊາຍຄົນທີ່ລາວມັກນັ້ນ ເປັນໄປໄດ້ທີ່ນາງອາດນັ່ງຊຶງໜ້າຕົງໄປຍັງດ້ານໜ້າຂອງຜູ້ຊາຍແບບໄຂ່ວຂາຫາເຂົາແລະນີ້ເປັນສັນຍານເຕືອນວ່າ “ຂ້ອຍມັກເຈົ້າຫຼາຍກ່ວາທີ່ຈະເປັນພຽງເພື່ອນນະ“.

3. ຜູ້ຍີງຈະມີວຽກເຮັດຕັ້ງຫຼາຍແນວເຕັມໄປໝົດເມືອລາວໄດຢູ່ໃກ້ຯກັບຜູ້ຊາຍທີ່ນາງມັກເຊັ່ນວ່າ: ກັດນີ້ວກ້ອຍ,ມ້ວນຜົມ,ກັດຮີມປາກ ຫຼື່ ກໍເອົາຂອງມາຫຼີ່ນມາຈັບຫຼີ່ນ ເຫຼົ່ານີ້ເປັນຕົ້ນ ແລະນີ້ເປັນການສະແດວງວ່າຕົ້ນຢາກໃຫ້ເຂົາຫັນມາເບີ່ງຕົນເອງໃຫ້ຫຼາຍຂື້ນນັ້ນຊິ.

4. ຫາກມີການສຳພັດຖືກເນື້ອຕ້ອງຕົວຜູ້ຊາຍນາງທີ່ລາວມັກແລ້ວກໍພາໃຫ້ນາງຂົນໜາວອາດລຸກຂື້ນທັນທີ່ເລີຍ,ແຕ່ເຖີ່ງແນວນັ້ນກໍຕາມນາງກໍຍີ່ງຢາກເຂົ້າມາຢູ່ໃກ້ຯຊະອີກ ເພາະມັກເຂົາຫຼາຍແລ້ວຊິ.

5. ດວງຕາທີ່ແນ່ນີ່ງ ເບີ່ງຄືວ່າບໍ່ມີຄວາມໝາຍອັນໃດນັ້ນ ເພາະມີແຕ່ຂະຍັບຂື້ນຂະຍັບລົງຢູ່ເລື່ອຍຯນັ້ນ ແບບນີ້ໝາຍຄວາມວ່ານາງຢາກໃຫ້ຜູ້ຊາຍທີ່ນາງມັກນັ້ນຫັນມາເບີ່ງທີ່ຕາຂອງນາງຢ່າງໃກ້ຯແລ້ວຮັບຮູ້ວ່າ “ຂ້ອຍມັກເຈົ້ານາຮູ້ບໍ່ ເຈົ້າໂງ່“

“ຮັກນະເຈົ້າໂງ່ ຍີ່ງໂງ່ກໍຍີ່ງຮັກ,ຢ່າຢຸດໂງ່ນະ ຈະບໍ່ໄດ້ຢຸດຮັກນາເຫວີຍ.“

ເອົ້າລະທ່ານທີ່ເປັນໜູ່ມຯລອງນຳໄປສັງເກດເບີ່ງວ່າແຟນຯຂອງທ່ານນັ້ນເປັນແນວນີ້ແທ້ບໍ່ ແລະ ຖ້າມັນມີອາການອື່ນອີກກໍຂຽນມາອ່ານຯນຳກັນແດ່ເນາະ,ສ່ວນທ່ານຜູ້ຍີງກໍສັງເກດຕົນເອງເບີ່ງວ່າເຂົາຂຽນນີ້ມັນຖືກຕ້ອງກັບຄວາມເປັນຈີ່ງແທ້ບໍ່ຫຼືບໍ່ຖືກເນາະແລະທີ່ເຫຼືອອີກແມ່ນຂໍໂທດນຳທ່ານຜູ້ຍີງທັງຫຼາຍເດີທີ່ນຳມາເລົ່າໂດຍບໍ່ຮັບອະນຸອາດນຳເພາະຮຽບຮຽງແລະດັດແກ້ຈາກໜ້າເວບ“ ສະກິດດອດຄອມ“ເທົ່ານັ້ນ.

Eric Davone.

ເບິ່ງທັງໝົດ

ອ່ານຄືນຫຼັງ

2014 (1)
2012 (8)
2011 (5)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.