ໃຜແດ່ທີ່ເຄີຍຜົມຫຼົ່ນຍົກມືຂຶ້ນ!!

  ບັນຫາຜົມຫຼົ່ນນີ້ເປັນທຳມະຊາດຂອງມະນຸດເຮົາ, ເມື່ອເຮົາມີອາຍຸຫຼາຍຂຶ້ນ ເສັ້ນຜົມກໍເລີ່ມໝົດອາຍຸລົງ, ແຕ່ໃນບາງທ່ານຜົມຫຼົ່ນກ່ອນໄວໂດຍບໍ່ຮູ້ສາເຫດ.  ແຕ່ທ່ານລອງອ່ານເບິ່ງເດີບາງທີຂໍ້ມູນນີ້ອາດຊ່ວຍທ່ານໄດ້ໄດ໋!!

       ສາເຫດຫຼັກທີ່ພາໃຫ້ຜົມຫຼົ່ນ:

               1. ໄດ້ຮັບສານເຄມີເປັນປະຈຳ ເຊັ່ນ: ນ້ຳຢາດັດຜົມ, ສະເປຣ, ຄລໍຣິນທີ່ຢູ່ໃນນ້ຳ

               2. ໃຊ້ຢາສະຜົມ ແລະຄີມນວດຜົມທີ່ບໍ່ຖືກກັບໜັງຫົວ

              3. ເກີດຈາກຄວາມຄຽດ

              4. ຕິດຢາເສບຕິດ, ຢາສູບ

               5. ເປັນໂຣກຮ້າຍເຊັ່ນ: ມະເຮັງ

              6. ຂາດສານອາຫານໂດຍສະເພາະ ໂປຣຕີນຈາກສັດ

               7. ພາວະຫຼັງເກີດລູກ ເຊິ່ງເກີດຈາກການປ່ຽນແປງຂອງ ຮອກໂມນ. ບໍ່ຕ້ອງຕົກໃຈ ກໍລະນີນີ້ ມັນຈະປົ່ງຄືນໃໝ່ອີກ.

         ວິທີປ້ອງກັນ:

               1.  ເລືອກຮັບປະທານອາຫານ ແລະສິ່ງທີ່ມີປະໂຫຍດຕໍ່ເສັ້ນຜົມເຊັ່ນ  ພືດພັນທັນຍາຫານ, ເມັດໝາກອຶ, ແກ່ນຕາເວັນ, ງາດຳ.

               2. ຄວນນວດໜັງຫົວເພື່ອກະຕຸ້ນການໄຫຼວຽນຂອງເລືອດ ເພື່ອບຳລຸງຮາກຜົມ

               3. ທຳຄວາມສະອາດເສັ້ນຜົມຢ່າງສະມຳ່ສະເໝີ

               4. ຄວນໃສ່ຄີມບຳລຸງຜົມທຸກຄັ້ງທີ່ສະຜົມ

              5. ຄວນຮັບປະທານອາຫານທີ່ມີປະໂຫຍດຕໍ່ຮາກຜົມເຊັ່ນ Biotin   ສ່ວນຫຼາຍອາການຜົມບາງຈະດີຂຶ້ນ ມີການສ້າງຜົມໃໝ່ມາທົດແທນ, Zine ເຊິ່ັນແຮ່ທາດທີ່ຮ່າງກາຍເຮົາຂາດ ຈະເຮັດໃຫ້ເສັ້ນຜົມຫຼົ່ນ.

                                                                        ຂໍ້ມູນຈາກ :    ເດລິນິວສ

ທ່ານບໍ່ຢາກລອງເບິ່ງບໍ? ຢາກໄດ້ລູກຊາຍ ຫລື ລູກສາວ?    ຖ້າມີໂອກາດກະລອງເບິ່ງເດີ່!!!!

ຈົນເຖິງເວລານີ້ຍັງບໍ່ມີໝໍທ່ານໃດສາມາດກຳຫນົດລູກຊາຍ ແລະລູກສາວໄດ້ຢ່າງແນ່ນອນ ສຳຫລັບການຖືພາໃນແຕ່ລະຄັ້ງ ມີທ່ານໝໍຫລາຍຄົນພະຍາຍາມຄັດເລືອກຕົວອະສຸຈິຂອງຜູ້ຊາຍ ເພື່ອໃຫ້ໄດ້ເພດຜູ້ ແລ້ວສັກເຂົ້າໄປໃນໂພງມົດລູກຂອງຜູ້ຍິງ ແຕ່ຜົນທີ່ໄດ້ຍັງບໍ່ແນ່ນອນ ຖ້າເກິດໄດ້ເພດຊາຍຈິງມັກເກິດຈາກດວງຫລາຍກວ່າ ຄື: ໂອກາດ 50:50 ຈຶ່ງບໍ່ແນະນຳໃຫ້ເຮັດ ຄວນປ່ອຍໄປທຳມະຊາດ ເພື່ອໃຫ້ຕົວອະສຸຈິທີ່ແຂງແຮງເທົ່ານັ້ນ ປະສົມກັບໄຂ່ທີ່ສຸກແລ້ວ ແຕ່ມີຂໍ້ແນະນຳບາງປະການໃນການເລືອກເພດລູກໂດຍວິທີທຳມະຊາດ ຊຶ່ງຈະຂໍບອກດັ່ງນີ້:
* ຕ້ອງການລູກຜູ້ຊາຍ
ການຈະໄດ້ລູກຊາຍຈະຕ້ອງເກິດຈາກຕົວອະສຸຈິເພດຜູ້ (23, Y) ປະສົມກັບໄຂ່ທີ່ສຸກແລ້ວ (23,X) ເມື່ອປະສົມແລ້ວຈະໄດ້ລູກທີ່ມີໂຄຣໂມໂຊມ (46,XY) ນັບໄດ້ 46 ອັນ ຫລື 23 ຄູ່, ໂດຍຄູ່ XY ຈະບົ່ງບອກວ່າລູກເປັນເພດຊາຍ ດັ່ງນັ້ນຖ້າຕ້ອງການໄດ້ລູກຊາຍຈຶ່ງຄວນໃຫ້ຕົວອະສຸຈິເພດຜູ້ມີໂອກາດປະສົມກັບໄຂ່ໃຫ້ຫລາຍທີ່ສຸດ ເນື່ອງຈາກຕົວອະສຸຈິເພດຜູ້ມັກບໍ່ແຂງແຮງ ຈຶ່ງບໍ່ຄວນໃຫ້ຕົວອະສຸຈິເພດຜູ້ນີ້ແລ່ນໄລຍະທາງໄກ ຈຶ່ງຄວນມີເພດສຳພັນໃນຊ່ວງວັນທີ່ໄຂ່ຕົກ ຄື: ປະມານວັນທີ 14 ຫລັງຈາກມີປະຈຳເດືອນວັນທຳອິດ ໃນກໍລະນີທີ່ທ່ານມີຮອບປະຈຳເດືອນສະຫມ່ຳສະເຫມີທຸກ 28 ວັນ, ຫລື ຖ້າທ່ານແທກອຸນນະພູມຂອງທາງຊ່ອງຄອດ ທຸກມື້ກ່ອນນອນ ຈະເຫັນວ່າມື້ທີ່ອຸນນະພູມຕ່ຳທີ່ສຸດ ຈະມີໄຂ່ຕົກຈາກຮັງໄຂ່ ແລະອກຈາກນີ້ເວລາທີ່ມີເພດສຳພັນ ເມື່ອຜົວທ່ານຈະຫລັ່ງນ້ຳອະສຸຈິເວລາມີເພດສຳພັນພະຍາຍາມໃຫ້ຝ່າຍຍິງເຖິງຈຸດສຸດຍອດກ່ອນລ້ວຝ່າຍຊາຍຄ່ອຍຫລັ່ງນ້ຳອະສຸຈິ ແລະຜົວຄວນຈະສອດອະໄວຍະເພດເຂົ້າໄປໃນຊ່ອງຄອດໃຫ້ເລິກທີ່ສຸດພື່ອໃຫ້ນ້ຳອະສຸຈິຖືກສັກເຂົ້າປາກມົດລູກຕົວອະສຸຈິເພດຜູ້ຈະໄດ້ເຂົ້າໄປໃນມົດລູກທັນທີ ເນືອງຈາກຕົວອະສຸຈິເພດຜູ້ຈະແລ່ນໄດ້ໄວກວ່າເພດແມ່ຖ້າຫລັງນ້ຳອະສຸຈິພາຍໃນບໍລິເວນຊ່ອງຄອດຕົວອະສຸຈິເພດຜູ້ນີ້ຈະພົບສານເມືອກໃນຊ່ອງຄອດ ທີ່ມີຄຸນສົມບັດເປັນກົດຈະເຮັດໃຫ້ອ່ອນແຮງໄດ້ງ່າຍ ແລະ ຈະເຫລືອແຕ່ຕົວອະສຸຈິເພດແມ່ (22,X) ເທົ່ານັ້ນ ທີ່ເຂົ້າໄປໃນໂພງມົດລູກ ນອກຈາກນັ້ນຍັງມີຄວາມເຊື່ອເລື່ອງຄວາມເປັນກົດດ່າງໃນຊ່ອງຄອດ ໂດຍທີ່ອະສຸຈິເພດຜູ້ຈະຕາຍງ່າຍໃນສະພາວະເປັນກົດ ດັ່ງນັ້ນໃນຄົນທີ່ຢາກໄດ້ລູກຊາຍກໍ່ອາດຈະມີການແນະນຳໃຫ້ລ້າງຊ່ອງຄອດດ້ວຍດ່າງ ເປັນຕົ້ນ.

ຕ້ອງການລູກຜູ້ຍິງ
ລູກຜູ້ຍິງຈະເກິດຈາກຕົວອະສຸຈິເພດແມ່ (23,X) ປະສົມກັບໄຂ່ທີ່ສຸກແລ້ວ (23,X) ຈະໄດ້ລູກທີ່ມີໂຄຣໂມໂຊມ (46,XX) ນັບໄດ້ 46 ອັນ ຫລື 23 ຄູ່ ຄືກັນ, ໂດຍຄູ່ XX ຈະບົ່ງບອກວ່າລູກເປັນເພດຍິງ ຖ້າຕ້ອງການລູກສາວກໍ່ຄວນເຮັດດັ່ງນີ້ ຄື:
ຄວນຫລັບນອນຫ່າງຈາກມື້ທີ່ໄຂ່ຕົກມາໄດ້ 3-4 ວັນ, ຈະກ່ອນຫລືຫລັງກໍ່ໄດ້ຕົວຢ່າງເຊັ່ນ:
- ມື້ທຳອິດຂອງການມີປະຈຳເດືອນ (ສົມມຸດຄື: ວັນທີ 1)
- ມື້ໄຂ່ຕົກ ບວກໄປ 15 ວັນ (ຄືວັນທີ 16)
- ຄວນຫລັບນອນວັນທີ 11-12 ຫລື 19-20 ເປັນຕົ້ນ.
ແລະ ເມື່ອຝ່າຍຊາຍຈະຫລັ່ງນ້ຳອະສຸຈິບໍ່ຄວນສອດອະໄວຍະວະເຂົ້າໃນຊ່ອງຄອດໃຫ້ເລິກ ຄວນຫລັ່ງບໍລິເວນກາງໆ ຂອງຊ່ອງຄອດ ເພື່ອໃຫ້ເມືອກໃນຊ່ອງຄອດຂັດຂວາງຕົວອະສຸຈິຄ້າຍຄືການແລ່ນແຂ່ງກັນ ແຕ່ເປັນການແຂ່ງກັນຕາມຫລັກເກນທາງທຳມະຊາດ ວິທີທີ່ເລົ່າມານີ້ຄິດວ່າຈະເຫມາະສົມກວ່າວິທີອື່ນໆໄດ້.

                                                                                 ຂໍ້ມູນຈາກ: www.mahasan.com