ໄດອາຣີ່ຂອງ Fem: ຄວາມຮັກແລະການເດີນທາງ

ຂຽນເມື່ອ: ພ.ຈ.. 24, 2008 | ມີ 5 ຄຳເຫັນ ແລະ 0 trackback(s)

ມີໃຜແດ່ທີ່ເຄີຍຮັກຄົນຄົນຫນຶ່ງຢ່າງຈິງຈັງ, ຄົນຄົນຫນຶ່ງທີ່ເຮົາບໍ່ເຄີຍຮູ້ຈັກມາກ່ອນ ຄົນຄົນຫນຶ່ງທີ່ເຮົາບໍ່ເຄີຍຄິດວ່າຈະໄດ້ພົບກັນ…..ເມື່ອມື້ຫນຶ່ງໂຊກຊະຕາຫລິ້ນຕະຫລົກກັບເຮົາເຮັດໃຫ້ເຮົາໄດ້ມາພົບກັບຄົນໆນັ້ນ ແລະ ໂຊກຊະຕາກໍນຳພາໃຫ້ເຮົາແລະເຂົາຄົນນັ້ນໄດ້ຮ່ວມເສ້ນທາງເດີນອັນດຽວກັນ….ເຮົາບໍ່ອາດຮູ້ໄດ້ເລີຍວ່າການເດີນທາງຂອງເຮົາກັບຄົນຄົນນັ້ນຈະຍາວໄກພຽງໃດ…..ຊ່ວງເວລາທີ່ມີຮ່ວມກັນນັ້ນກໍຕ້ອງຢຸດຊະງັກເມື່ອການເດີນທາງມາເຖິງຈຸດທີ່ຕ້ອງປ່ຽນແປງ ນັ້ນກໍຄືທາງແຍກ….ເມື່ອທາງແຍກໄດ້ປາກົດຂຶ້ນຢູ່ຕໍ່ຫນ້າຂອງຄົນທັງສອງຢ່າງບໍ່ອາດສາມາດປະຕິເສດໄດ້ເຮົາຈຶ່ງຮູ້ສຶກວ່າໄລຍະທາງທີ່ເຮົາໄດ້ເດີນຮ່ວມກັນນັ້ນມັນແສນສັ້ນເຫລືອເກີນ……ຄວາມຮູ້ສຶກບາງຢ່າງໄດ້ເກີດຂຶ້ນໃນໃຈຂອງເຮົາ ແລະ ເຮົາບໍ່ອາດຮູ້ໄດ້ວ່າຄວາມຮູ້ສຶກບາງຢ່າງທີ່ເກີດຂຶ້ນໃນໃຈຂອງຄົນທີ່ຮ່ວມທາງມາກັບເຮົານັ້ນເປັນແບບໃດ…..ເຖິງວ່າເຮົາຈະຢາກໃຫ້ໄລຍະທາງ ແລະ ເວລາທີ່ເຮົາເດີນຄຽງກັບຄົນຄົນນັ້ນຍາວໄກອອກໄປອີກພຽງໃດກໍ່ຕາມ ແຕ່ເຮົາກໍຮູ້ດີວ່າ….ມັນບໍ່ສາມາດເປັນໄປໄດ້……ເຮົາ ແລະ ເຂົາຕ່າງກໍ່ມີທາງທີ່ຈະຕ້ອງເດີນໄປ……ເຮົາຈຶ່ງເຮັດໄດ້ພຽງແຕ່ເກັບເອົາຄວາມຮູ່ສຶກທີ່ດີໆ ທີ່ເກີດຂຶ້ນໃນຊ່ວງທີ່ເຮົາ ແລະ ເຂົາຄົນນັ້ນໄດ້ມີຮ່ວມກັນ…..ເຮົາອາດຈະຮູ້ສຶກເຈັບປວດກັບການທີ່ຕ້ອງຢືນເບິ່ງການຈາກໄປຂອງເຂົາຄົນນັ້ນໂດຍທີ່ບໍ່ສາມາດເຮັດຫຍັງໄດ້…..ແຕ່ນັ້ນຄືຄວາມຈິງຂອງຈຸດຈົບຂອງການເດີນທາງຮ່ວມກັນ.

ຄັ້ງຫນຶ່ງຂ້ອຍເຄີຍຢືນເບິ່ງການຈາກໄປປຂອງເຂົາຄົນນັ້ນຢູ່ງຽງໆ ຄົນດຽວ…..ຂ້ອຍຢືນເບິ່ງເບື້ອງຫລັງຂອງເຂົາທີ່ເຄື່ອນໄກອອກໄ…ອອກໄປ…ຈົນລັບຕາ….ໂດຍທີ່ບໍ່ມີພາບຂອງການຫລຽວກັບມາຂອງເຂົາຄົນນັ້ນເລີຍ…………………………………………………………………………

ຂ້ອຍຈື່ບໍ່ໄດ້ວ່າຂ້ອຍຢືນຢູ່ແບບນັ້ນ, ນະບ່ອນນັ້ນດົນນານພຽງໃດ…ຂ້ອຍຮູ້ແຕ່ວ່າເວລານີ້ເຖິງເວລາແລ້ວທີ່ຂ້ອຍຕ້ອງເດິນທາງຕໍ່ໄປ….ຂ້ອຍບໍ່ສາມາດຮູ້ໄດ້ເລີຍວ່າທາງທີ່ຂ້ອຍຈະເດີນໄປນັ້ນຈະເປັນແນວໃດ ແລະ ຂ້ອຍຈະໄດ້ພົບເຈີກັບຫຍັງແດ່….ແຕ່ຄວາມຈິງຂອງຊີວິດ….ຂອງຂ້ອຍ….ຂ້ອຍຕ້ອງອອກເດີນທາງອີກຄັ້ງ….

ໂຊກດີເດີທີ່ຮັກຂອງຂ້ອຍ….ເຖິງວ່າມື້ນີ້ຂ້ອຍຈະບໍ່ມີເຈົ້າຍ່າງຄຽງຂ້າງດັ່ງວັນວານ ແຕ່ຂ້ອຍຍັງຄົງຕ້ອງເດີນຕໍ່, ເຖິງວ່າມື້ນີ້ຂ້ອຍຈະຍັງເຈັບປວດແຕ່ຂ້ອຍຍັງຄົງຕ້ອງຫາຍໃຈ ແລະ ມື້ຫນຶ່ງຂ້ອຍຈະກັບມາມີຄວາມສຸກເຫມືອນທີ່ເຄີຍເປັນ…….

ກັບໄປໄດອາຣີ່ຂອງ Fem

ແຈ້ງເນື້ອຫາບໍ່ເໝາະສົມ

Fem

ເບິ່ງທັງໝົດ

ອ່ານຄືນຫຼັງ

2008 (6)

ໝວດໝູ່

ບໍ່ມີໝວດ (4)
ຄວາມຮັກ (2)

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.