ງານວັນເກີດ ຍິ່ງໃຫຍ່ ໃຜຄົນນັ້ນ             ສະຫຼອງກັນໃນກຸ່ມຜູ້ລຸ່ມຫຼົງ

ຫຼົງລາບຍົດ ສັນລະເສີນ ເພີນທະນົງ       ວັນເກີດສົ່ງຊີວິດສັ້ນ ເລ່ງວັນຕາຍ

ອີກຈຸດນຶ່ງ ຊື້ງເຫງົາ ໜ້າເສົ້າແທ້               ຍິງແກ່ໆ ນັ່ງຫງອຍ ແລະ ຄອຍຫາຍ

ໂອ ວັນນັ້ນ ເປັນວັນອັນຕະລາຍ               ແມ່ຄອດ ສາຍໂລຫິດ ແທບສິ້ນໃຈ

ວັນເກີດລູກ ເກືອບຄ້າຍ ວັນຕາຍແມ່        ເຈັບທ້ອງແທ້ ເທົ່າໃດບໍ່ເຄີຍໄດ້ຈົ່ມ

ກວ່າອຸ້ມທ້ອງ ກວ່າຈະຄອດ ລອດເປັນຄົົນ      ເຕີບໂຕຈົນບັດນີ້ ນີ້ເພາະໃຜ

ແມ່ເຈັບຫຼາຍ ຈະຂາດໃຈ ໃນວັນນັ້ນ        ກັບເປັນວັນລູກສະຫຼອງ ກັນຜ່ອງໃສ

ໄດ້ຊີວິດ ກໍ່ຫຼົງ ລະເລີງໃຈ                      ລືມຜູ້ໃຫ້ຊີວິດ ອານິດຈາ

ແທ້ຈິງແລ້ວ  ຮຽກກັນວ່າ ເປັນວັນເກີດ    ວັນຜູ້ໃຫ້ກຳເນີດ ຈະຖືກກວ່າ

ຄຳອວຍພອນ ທີ່ຂຽນ ຄວນປ່ຽນມາ      ໃຫ້ມານດາ ທ່ານເປັນສຸກ ຈະຖືກແທ້

ເລີກຈັດງານ ວັນເກີດ ກັນເທີດນາ         ຄວນທີ່ຈະຂຸເຂົ່າ ກາບເທົ່າແມ່

ລະລຶກເຖີງ ພະຄຸນ ຜູ້ອົຍອຸ່ນແດ່          ຢ່າມົວແຕ່ ຈັດງານ ປະຈານຕົວ.